رواية قلبي لمن يعشقه الفصل السادس والعشرين 26 بقلم نانا ابو جبل
الجزء السادس و العشرين :
دخلت هلا على غرفتها و سكرت الباب وراها و قعدت على سريرها تفكر بكلام أبوها لحديت لما تعبت و نامت ...
أما تالا فقعدت تفكر بكل اللي صار و تندب حظها و تبكي و تقول : دائما هلا دائما ، طيب أنا شو ...
ظلت تالا تبكي لين لما نامت ...
أما دعاء فكانت قلقان كثير على بناتها ...
دعاء : معتصم أنا خايفة تصير مشاكل بين البنات ...
معتصم : لا تخافي دعاء بناتنا عاقلات ...
دعاء : معتصم بس بدك الصراحة أنا خايفة على تالا أكثر من هلا ...
معتصم : ليش ...
دعاء : تالا بتحب قصي كثير و حتى هي قالتلي ...
معتصم : لا تخافي مصيرها تعرف إن قصي راح يتزوج أختها ...
دعاء : بس أنا مو قبلانة بهذا الزواج ...
معتصم : ليش ، ست دعاء ...
دعاء : لأن قصي ما بحب هلا و راح يظلمها كثير صدقني ...
معتصم : ما بظن إنو راح يعمل هيك ...
دعاء : بكرة راح تشوف ...
أما قصي فما قدر ينام و كان الحزن مسيطر عليه ...
أما رولا و زوجها عامر ...
رولا : عامر شو رأيك باللي صار تتوقع عملت الصح ولا ...
عامر : رولا بدك الصراحة غلط ، إنتي بفعلتك هاي فرضت على قصي إنو ما يختار ...
رولا : بس أنا عملت هيك ، لأن تالا مو متعودة على طبع قصي و عصبيته ...
عامر : المفروض تتركيه هو يختار حياته ...
رولا : طيب شو أعمل عامر اليوم بطوله ما حكي معي ...
عامر : بكرة بتروحي لعنده و تقوليلوا ليش إخترتي هلا و هو حيتفهم موقفك ...
رولا : بس إذا قلي بدو تالا شو قيلوا ...
عامر : هذا إختيارك و أنا ما راح أتدخل فيه ، هيك قوليلوا رولا ...
رولا : طيب ، المهم يسامحني ...
عامر : قصي راح يسامحك ...
رولا : إن شاء الله ...
مع جهجهة الصبح
صحيت تالا من النوم دخلت الحمام غيرت ثيابها و طلعت من غرفتها فشافت هلا طالعة من غرفتها ...
هلا : صباح الخير تالا ...
تالا : صباح النور ، كيف كانت نومتك ...
هلا : منيحة كثير و تمنيت أنام كمان ساعة او ساعتين ، و إنتي كيف كانت نومتك ...
تالا : ما نمت كويس ...
هلا : ليش تالا ...
تالا : ما في سبب حبيبتي هلا ...
هلا : تعرفي عيد ميلاد ماما بكرة ...
تالا : عنجد ، و الله نسيت شو رأيك نعمل حفلة صغيرة في البيت ...
هلا : طيب متى ...
تالا : أول ما نصحى من النوم بتروحي إنتي على السوق بتجيبي هدية بإسمي و إسمك و أنا علي أعمل الفطاير و الحلو شو قلتي ...
هلا : تمام ...
يتبع ...
