رواية تائهة بين براثن الخديعة الفصل السادس والعشرين 26 والاخير بقلم ايمي الرفاعي
الخاتمه..الجزء الاول
بسم الله الذى لا يضر مع اسمه شيء في الأرض ولا في السماء وهو السميع العليم
تائهه في براثن الذكريات
بعد مرور خمس سنوات
داخل إحدى البيوت القديمة..يجلس باريحيا على اريكة عريضة بيده صورة امرأة اشتاق الى ملامحها يتأملها بشراسة وخبث ضاحكا بتهكم....وحشتيني ياقطه
مضطجع على فراشه رافعا ذراعيه وراء رأسه ينظر إلى الفراغ حتى ولجت اميرته الساحرة من حمامها وهي مرتديه منشفة كبيره تغطيها وبيدها منشفة أخرى تجفف بها شعرها تاملها بحب مادا يده لها كي تقترب جذبها اليه لتجلس على ساقيه دافنا رأسه في عنقها بحب....وحشتيني
مررت اناملها على خصلات شعره مبتسمة....وحشتك ازاث وانا طول النهار قدامك
زمجر بضيق وهو يضمها اليه....برده كنت مشغولة عني
حبيبه....انا اسفة ياحبيبي بس انا ماصدقت ان أحمد ربنا هداه واتجوز واتفكت عقدته
ابتعد عنها وهو يتلمس شعرها ضاحكا....انا كنت حاسس ان البنت هتطفش منه
تعلقت برقبته ضاحكة....انت هتقول فيها انا كنت حاسة انها هتزهق يالا الحمد لله انهم اخيرا اتجوزوا...حياة بنت حلال وتستاهل كل خير ....لتتنهد بسعادة.....بس الفرح كان جميل واحمد وحياة كانوا حلوين قوى
جذبها بحب هامسا.....بس انتي احلى
بعد قليل شعرت بصوت صغيرها يقطع خلوتهم واقفا امامهم وهو يفرك عينيه من النوم....مامي
زمجر بغيظ ليضرب جبهته بضيق....هو ابنك مستقصدني
ربتت على يده وهي تكتم ضحكتها....اهدى يا حبيبي
فتحت ذراعيها لطفلها....ميزو حبيبي ايه الي صحاك؟
ارتمى في احضانها ليريح رأسه على صدرها....عايز انام جنبك
مرر يده على خصلات شعره ليجذبها بغضب...نعم
......رفع يده عاليا ....منك لله يا حسام هو الي شغال قر عليا دايما يقول يا بختك عندك عيل واحد مش هيضايقك زي القرود الي عندى مايعرفش القرد الي عندى بمقام الاتنين الي عنده
كتمت ضحكتها لتضم شفتيها ضيقا....ماتقولش على ميزو قرد لو سمحت
نظر لها بضيق.....ماشي ياستي اتصرفى مع ابنك
ربتت على ظهر طفلها هامسة في أذنه بضع كلمات جعلته يومأ برأسه مقبلا وجنتها قائلا بحب....بحبك
ليتجه الى والده بأدب....bonne nuit dad
ليخرج من غرفتهم متجه الى غرفته كل هذا تحت أنظار مراد الذي ضرب كفيه ببعضهم رافعا حاجبه استغرابا....شوفتي الولد عامل فيها مؤدب ازاي....اكيد مامشيش كده لله في لله اكيد اقنعتيه بحاجة
هزت كتفيها ضاحكة....اكيد 
طبعا...وعدته بفسحة بكرة في الملاهي
مراد...مش بقولك مابيعملش حاجة لله
ضمت شفتيها تذمرا...احنا هنقعد طول الليل نتكلم هو انا ماوحشتكش
غمز لها ضاحكا ليجذبها اليه.....طبعا وحشتينيانتي عندك شك...تعالي قبل ماابنك ينطلنا تاني انا عارفه
بعد قليل
استكانت بين احضانه وهي تقلب انامله بين كفها هامسة.....لسه بتحبني زي أول مرة شوفتني فيها؟؟
رفع رأسها لتنظر اليه طابعا قبلة حب على خصلات شعرها....بحبك...انا عديت الحب من زمان ..انتي بقيتي في دمي وروحي انتي خلتيني اعيش السعادة الي كنت نستها..وجودك أدى لحياتي معنى..وزاد عليهم لما ربنا رزقنا بمازن ماتعرفيش وقتها كان احساسي ايه حسيت وقتها ان ربنا حب يكافئني ويقولي ده جايزتك لتعبك ووحدتك طول حياتك انتي بقيتي دنيتي وحياتي ومن غيرك حياتي تنتهي
وضعت أناملها على شفتيه....بعد الشر عليك ربنا مايحرمني منك يا احلى حاجة في حياتي
في اليوم التالي
استيقظت حبيبه على رائحة عطر زوجها لتعتدل في جلستها وهي تتامله بانبهار.....صباح الخير
نظر إلى وجهها في انعكاس المرآة مبتسما....صباح الورد على احلى بيبه
لاحظ شرودها ليلتف مقتربا منها....الجميل سرحان في ايه؟؟
جلست على ركبتيها لتكون في المقابل له جذبته من حلته بدلال.....هو انا قلتلك قبل كده انك أوسم راجل في الدنيا ...لتغمز له....عايز تتاكل اكل
أحاط خصرها بيديه ضاحكا.....ده اسمه غزل ولا بتتحرشي بيا على الصبح؟؟
احاطت رقبته بيدها ضاحكة....ده غزل طبعا ياحبيبي....اما التحرش حاجة تانية
لتقفز عليه مقبلة وجه وهي تدغدغه....كبل يديها لترتفع ضحكاته.....يامجنونة فاكرة انك هتغلبينى؟!..بتحلمي
ليعكس الوضع ويدغدغها وهي تصرخ من الضحك....خلاص حرمت
مراد....علشان تعرفي انك مش قدي
انسلت من بين يديه وهي تركض...خلاص بصمت بالعشرة انك اقوى
رفع حاجبه...ناس مابتجيش الا بالعين الحمرا
القته بوسادتها....عندك..انا بسيبك بمزاجي
مراد.....برده طيب تعالي بقى
ليركض ورائها وهي تصرخ ضاحكة حتى قبض عليها وهي تتلوى تحت يده ضاحكة....خلاص حرمت يابيه
اوقفها أمامه ليجذبها اليه بحب....بحبك يا بسمة حياتي
حبيبه...وانا بموت فيك ماقلتش الشياكه دي كلها ليه؟؟
مراد....عندي اجتماع مهم وحضرتك عطلتيني....المهم هتعملي ايه انهارده؟؟
حبيبه....هقابل هايدي علشان نفسح الاولاد
قبل وجنتها سريعا....اوك ياحبيبتث..وانا اول مااخلص هكلمك نتقابل نتغدى سوا...خلي بالك من نفسك ومن مازن ...سلام ياشقية
نظرت إلى أثره هائمة في أميرها.....مع السلامه يا حبيبي
بعد قليل.....اتجهت الى غرفة طفلها جلست بجانبه تداعب انفه بحنان....ميزو حبيبي اصحى...يالا ياميزو..مش عايز تصحى براحتك هروح اقابل تمارا لوحدي
وجدت من يقفز متعلقا برقبتها وهو يصيح....لا صحيت
رفعت حاجبها ضاحكة....دلوقتي صحيت علشان الست تمارا.ماشي ياسي روميو قوم يالا لو عايز تلحق اليوم من اوله في الملاهي
قفز على فراشه وهو يصيح....تحيا مامي ...تحيا الملاهي
حملته وهي تضحك على طفلها....ماشي يابكاش يالا بينا
ارتدى كل منهما ملابسه لتنطلق بسيارتها الى مدينة الملاهى
بعد نصف ساعة وصلت بسيارتها لتضعها جانبا في انتظار هايدي....لتضم شفتيها ضيقا عند رؤيتها.....نفسي مرة تيجي في ميعادك
ابتسمت خجلا مقتربة منها وفي يدها طفليها اياد.٧سنوات...وتمارا..سنتان ونصف....ليقترب مازن منها مسرعا ملتقطا يد تمارا بحب لترفع حبيبه حاجبها تعجبا....شوفتي الولد
اخذتها بالأحضان وهى تقبلها....اسفة يابيبه غصب عني..الست تمارا هي الي اخرتني.بنقعد ساعه نختار في اللبس الي هتلبسه.عايزة تطلع حلوة قدام مازن
ضحكت حبيبه على تصرفاتهم....انتي هتقوليلي عارفة انا الحركات دي.ماالاستاذ بيعمل نفس الموال ده بيفضل ساعة يختار في اللبس علشان يطقم مع الست تمارا
اقترب منها اياد متسائلا....بيبه...انهارده هنلعب سباق العربيات
غمزت له بمرح....طبعا يا عيون بيبه...اهو ده اي خليفتيي الملاعب مش ابني النحنوح شوفتي بيظبطلها شعرها ازاي...صبرني يارب
ضربت هايدي كفيها ضاحكا....طيب يالا يامجانين عايزين نبتدي اليوم من اوله
اتجه الجميع الى داخل الملاهي ليبدأ كل طفل باختيار لعبته المفضلة.تشاجر الأطفال على من يبدأ اولا حتى استقر الأمر بضرورة تناول الإفطار اولا
وقف اياد بحزم...انا الكبير المفروض اختار الاول
زمت تمارا شفتيها ضيقا...لا انا الاميرة ولازم اختار الاول
ضحكت كل من هايدي وحبيبه على طفولتها لتردف حبيبه قائلة....مين الي قال انك الاميرة
جزت هايدي على أسنانها....باباها ياستي طول الوقت يقول لها انتي اميرتي لما خلاص اقتنعت انها اميرة ده غير انها بتقوم بدور اخر الاستاذة ضرتي...كل حاجه اسالي تمارا هانم...لاغي دوري تماما
شاركتها حبيبه الضحك....انتي هتقوليلي على البنات....وانت يااستاذ مازن عايز ايه؟؟
مازن...انا شايف يامامي بما اننا اصغر من اياد فالمفروض نلعب قبله بس طبعا رأي حضرتك الاول
حبيبه....لا شاطر .الولد رماها في ملعبي رأي حضرتك ثبتني بصراحة...وانا على رأي مازن ....اياد انت الكبير والمسؤول عنهم والافضل انك ماتزعلهمش وتشوف طلباتهم وبعد كده نشوف الي انت عايزة بما انهم الاصغر
اياد....اوك..عندك حق خلينا نخلص من لعبهم الاطفالي علشان نركز في لعب الكبار
ضربت كفها في كفه....هو ده الكلام ..يالا خلصوا فطار علشان نشوف هتبتدوا بايه..هرول الاطفال امامهم مسرعين لاختيار العابهم ليتجه كل طفل الى لعبته المفضلة ...مازن وتمارا كل منهما ممسك بيد الاخر داخل لعبة الفناجين الدوارة امامهم هايدي تتابعهم وعلى الجانب الآخر حبيبه مع اياد في لعبة سباق السيارات...يصيح كل منهما بمرح عند تجاوز سيارة الاخر تجنبا للاصطدام لترفع حبيبه يدها تحيية....برافو يااياد..شاطر
بعد قليل عند انتهائهم من اللعب ولجت من سيارتها وهي تضرب كفها بكفه مرحا...شاطر يا اياد هتطلع سواق بريمو
ابتسم على مديحها....طبعا مش بيبه استاذتي
احاطته بذراعيها وهي تمسد على شعره بفخر....حبيب قلبي وانت اشطر تلميذ...يالا علشان نشوف اخبار الحبيبة ايه
اجتمع الأطفال حول بعضهم وكل منهما يقص للاخر على مدى استمتاعه بلعبته جلسوا جميعا في انتظار الغداء استقامت حبيبه في وقفتها قائلة...انا هدخل الحمام على بال لما تكونوا طلبتوا الغدا وكلمي حسام شوفيه هيجي هو ومراد ولا نتغدى
هايدي...حاضر ياحبيبتي
اتجهت مسرعة الى دوره المياه لتستعيد نشاطها من حر ومجهود اللعب......بعد مرور ربع ساعه...انشغلت هايدي بمشاكسه الأطفال لبعضهم ولم تنتبه لتأخير حبيبه.....صدح هاتفها لتجيب....ايو ياحسام .انت فين؟؟
حسام.....احنا على البوابة .وداخلين آمال حبيبه فين مراد بيتصل بيها
هايدي....حبيبه في الحمام
حسام...اوك دقيقتين وهنكون عندك سلام
انهت معه الاتصال وهي متعجبه من تأخر حبييه ليدلف إليها كل من مراد وحسام وسط صراخ الأطفال عند رؤيتهم ارتمت تمارا في أحضان والدها.... بابي
تلقفها بين ذراعيه وهو يقبلها.. اميرتي الجميلة
جلس مراد بعد أن حيا الجميع وقبل طفله وهو يتلفت حوله...آمال حبيبه فين.لسه فى الحمام؟!!
هايدي....اه..مش عارفي اتأخرت ليه.انا هقوم اشوفها
اتجهت بخطوات قلقة الى دورة المياه وهي تبحث عنها وتنادي ولكن لامجيب..عادت ادراجها إليهم بملامح متوترة.....مش لاقياها
رفع حاجبه تعجبا....مش لاقياها.امال هتكون راحت فين؟!!!
دب القلق بأوصال الجميع ليتجهوا جميعا للبحث عنها......بعد مرور ساة من عجزهم للوصول اليها اتجه الرجال الى امن الملاهي..وقف كل منهما أمام شاشه المراقبة متحفزين حتى ظهرت صورتها وهي تلج من دورة المياه متجه لمساعدة إحدى السيدات وبعد اقل من دقيقة.سقطت على الأرض ليحملها أحدهم متجها بها الى سيارته....ضغط على كف يده بغضب وهو يصيح....يعني ايه...اتخطفت
..انتوا بتهزروا مكان زي ده يحصل فيه كده!!!انا هقفلهالكم
حاول حسام تهدئته ممسكا ذراعيه....اهدى يامراد وخلينا نفكر العصبية مش هتفيد بحاجة
لوح بيده عاليا...اهدى ازاي وانا شايف مراتي قدامي بتتخطف..هقول لمازن ايه .هرجع البيت من غيرها ازي
حسام....هترجع وهنلاقيها ان شاء الله خلينا نكلم محمد الاول ونشوف هنعمل ايه
عاد الجميع الى المنزل وسط بكاء الأطفال وحزنهم لاختفاء حبيبه
داخل غرفة المكتب يجلس محمد وحسام امامهم مراد يقف يده في بنطاله متجهم الوجه متوجس القلب على حبيبته.ربت محمد على كتفه لطمئنته....هنلاقيها ..وزعت صورها في كل مكان وصور العيال الى خطفوها ..هنجيبهم
تنهد بضيق غير مصدق تبدل حياته في غمضة عين من السعادة الى الحزن ليغمض عينيه بضيق....لازم نلاقيها انا مااقدرش أتخيل حياتي من غيرها..مااقدرش
حسام...هتلاقيها وهترجع...اطلع خد ابنك في حضنك طمنه مش مبطل عياط من ساعتها حسسه بالأمان الي افتقده من وقت اختفائها...اطلعله يالا
اوما برأسه حزنا صاعدا الى طفله الذي ارتمى في احضانه عند رؤيته باكيا....بابي
مامي فين وحشتني
ربت على ظهره بحنان...وحشتنا كلنا
مامي....هي مامي مش هترجع تاني؟؟
ضيق جبهته ضيقا....لا...ماما هترجع وهتنور بيتها تاني
ربتت هايدي على كتفه حزنا....ان شاء الله هترجع ...الي جمعتنا وخلتنا نعيش السعادة استحالة تسيبنا نعاني من غيرها كلنا بنحبها وهندعي لها ترجع لينا تاني
ابتسم ابتسامة مهزوزة....ان شاء الله هترجع
خرجت من الغرفه لتتركه كي يستريح اراح طفله عل الفراش ليجلس بجانبه محيطا رأسه بيده لتتلألأ عينيه ببعض من القطرات الدمع عند تذكره مزاحها صباحا ومشاكستها له ليهز رأسه غير مصدق اختفائها.....مش ممكن تسيبيني...مش ممكن بعد مالقيت روحي تاخديها مني تاني ...مش ممكن
في مكان بعيد..داخل منزل متهالك مكون من طابقين ملقاة على فراش صغير .داخل غرفة ذات جدران متهالكة ..فتحت عينيها ببطئ تطالع ماحولها لتنتفض فزعا عند تذكرها ماحدث حاولت القيام ولكنها لم تستطع بسبب يدها وقدميها المربوطتان..صاحت بصوت عال....انتوا يالي هنا...حد يرد عليا...حد يفكني
...
..بعد قليل من صياحها دلف إليها بابتسامته الباردة....مالك بتزعقي ليه
شحب وجهها عند رؤيته لتمتم بخوف...ادهم
جلس أمامها على مقعد خشبي واضعا ساقا فوق الأخرى....ايه شوفتي عفريت!!؟
بلعت ريقها بخوف....انت خرجت امتى وعايز مني ايه؟؟؟
تأتأ بفمه ضيقا....دي طريقة ترحيبك ليا
بحسبك هتقولي وحشتني يا ادهم ...الحياة من غيرك كانت وحشة
ضحكت تهكما.....انت هتستعبط..ده لو انا اقدر اموتك بايدي مش هتاخر واخلص منك
صفق لها....شرسة من يومك .علشان كده انا لسه متمسك بيكي ..واول حاجة فكرت فيها بعد ماهربت هو انتي
تمتمت بصوت خافت....هربت
اوما برأسه....اه هربت...آمال انتي فاكرة انا جيت ازاي ماالاستاذ جوزك لبسني تهم محترمة بسببها اخدت ٢٠ سنه سجن ..بس طبعا انا بتخنق بسرعه وقررت اهرب علشان اخد حقي وأولهم اني ارجعك ليا
صاحت بغضب....انت مجنون...مين الي قال اني بتاعتك انت انسان مريض...
اقترب منها ليضغط على فكيها مقربا وجه منها.....انتي بتاعتي..سامعاني...وقلتلك قبل كده لما بعوز حاجة باخدها حتى لو عدى عليها زمن.فاهمة...اسيبك تريحي شويه.واشوف الى ورايا .احنا لسه مطولين في القاعدة مع بعض...فمتزعليش هجيلك تاني
حاولت فك قيدها وهي تصرخ.....خرجني من هنا.حرام عليك..هقتلك يا ادهم ...هقتلك
.............
مر يومان على اختفائها ومازال البوليس يقوم بعمله في البحث عنها....جاب مراد الشوارع والطرقات بسيارته رافضا العوده للمنزل بدونها ورؤية دموع طفله حزنا على والدته
......يجلس مازن في أحضان خاله أحمد الذي قطع اجاة زواجه عند معرفته بما حدث لاخته ليردف قائلا.....خالو هي ماما زعلانة مني؟؟
نظر له بتعجب....وهتزعل منك ليه ياحبيبى!!..ده انت اغلى حاجة عندها
ضم شفتيه حزنا....آمال هي مارجعتش ليه لغاية دلوقتي؟؟...كلمها وقولها هسمع كلامها ومش هضايقها تاني
جذبه الى احضانه مربتا على ظهره بحنان....هترجع ياحبيبي..هترجع...بس لازم تبطل عياط ولا عايزها تزعل منك؟!
مسح عبراته سريعا...لا خلاص هبطل بس ترجع
ابتسم ابتسامه مهزوزة.....هترجع ان شاء الله يالا علشان تنام ...اياد وتمارا جايين بكرة يلعبوا معاك
اوما برأسه فرحا لرؤية أصدقاءه ليغمض عينيه ويغط في النوم سريعا
دلفت حياة بعد قليل لتجلس أمامه مربتة على كتفه....نام
أحمد....اه...فاكرها ياحبيبي زعلانة منه
جذبت رأسه الى صدرها لتمسد على شعره بحنان....هترجع ياحبيبي..وهتتجمعوا تاني
تنهد بحزن...مااقدرش أتخيل الحياة من غيرها هي مش اختى بس .دي بنتي وصحبتي
حياة....ادعيلها ان ربنا يحفظها وترجع تنور حياتنا تاني
عودة الى حبيبه
هزل جسدها من رفضها الدائم للطعام صامتة قلقة على زوجها وطفلها.....دلف إليها أدهم بابتسامته الخبيثة.....اخبار الاقامة عندنا ايه يارب تكون عجبتك
نظرت إلى الفراغ غير عابئة بحديثه ليتابع.قائلا.....هو انتي فاكرة لما تمنعي نفسك عن الأكل هسيبك يبقى بتحلمي...انتي بتاعتي واستحالة افرط فيكي ....انتي كنز بالنسبالي
نظرت له بثبات....مراد مش هيسيبك وهيعرف يوصلك
ضحك بسخرية....ومين قالك اني مش عايزة يوصلنث انا عايزة يعرف اني انتصرت عليه وعرفت اخد مراته علشان اكسره واذله
حبيبه.....يبقى بتحلم انك تقدر تكسره لو فيها موتي مش هتردد ولا اني اشوف نظرة الانكسار في عنيه
غمز لها ضاحكا...قبل أن يخرج ....نبقى نشوف حكاية موتك دي بعدين بس لما اخلص الي ورايا
رفعت رأسها الى السماء داعية ربها بأن يحفظ زوجها وطفلها من هذا الظالم
الخاتمه الجزء الثاني
تائهه في براثن الذكريات
داخل غرفة المكتب
اجتمع الثلاث أصدقاء لمعرفة اخر الاخبار...سرد لهم محمد ماتم قائلا....احنا قدرنا نوصل للعيال الي خطفوها بس مافيش حد منهم عارف حاجة
صاح مراد بغضب....يعني ايه لو مش عارفين تقوموا بشغلكم سيبوني اتصرف
محمد...يامراد اهدى ..العيال متأجرة ومالهمش علاقة بحاجة احنا مراقبنهم كويس ..احنا مش ساكتين
حسام....تمام يامحمد احنا برده مش ساكتين
محمد....ماانا عارف انكم باعتين رجالتكم في كل مكان وماقلتش حاجة علشان مقدر الحالة الي انتوا فيها
صمت قليلا ليدقق حسام النظر إليه متسائلا...محمد...في حاجة انت عايز تقولها.من وقت ماوصلت؟؟؟؟
اوما برأسه قلقا من رد فعلهم...اه....أدهم هرب
شحب وجه كل منهما ليضيق مراد جبهته غضبا.....هرب.ازاي وماعرفتنيش حاجة زي دي!!؟؟
محمد.....هرب من شهر ودخل مصر بر والقيادة لسة مبلغاني قريب
القى بجسده على مقعده وهو يجز على اسنانه ....كل ده حصل .مابلغتنيش من بدري علشان الحقها
محمد....انا لسه عارف و المفروض ماقلش ليك دي معلومات سرية...لولا اني عارف حالتك بسبب اختفائها ماكنتش بلغتك
حسام....طيب دلوقتي عرفتوا الي خطفها مابتقبضوش عليه ليه
محمد....مش سهل كده..الاستاذ متفق على صفقه سلاح عايز يدخلها مصر بس لسه مش عارفين هيدخلها مع مين فما نقدرش نتدخل الا لما نعرف مين الي شغالين معاه
ضرب بيده سطح مكتبه بغضب.....يعني ايه مراتي هتبقى كبش فداء .انا مش هسمحلكم
محمد....اهدى يا مراد ماتخلنيش اندم اني قلتلك .هو اكيد خطفها علشان يشتتنا ونتلهي فيها
حسام....طيب انتوا قدرتوا توصلوا لمكانه؟؟؟
زفر بضيق....لسه
أثناء حديثهم وصل إشعار على هاتف مراد بوصول رساله ما..نظر الى فحواها ليحمر وجه غضبا وهو يسب ويلعن....يا ابن.....هقتلك
تجمع أصدقاءه حوله متسائلين....في ايه يامراد
صدم كل منهما عند رؤيه حبيبه مقيدة على فراش صغير غائبة عن الوعي بجانبها أدهم يمسد على شعرها ضاحكا ملوحا لهم....ايه رأيكم في المفاجاة الحلوة دي...حاجة ماتخطرش على بالكم علشان تعرفوا مش بالسهل تخلصوا منث...يارب تكون مفاجأة ظهوري عجبتك يامراد.وتعرف انك خسرت المرة دي بدليل ان مراتك في حضنث...والمرة دي مش هسيبها فالافضل ترتب حياتك من غيرها كفاية عليك الكام سنه الي فاتت الي قضتهم معاك.....سلام ياجميل
انتهى الفيديو ليصيح مراد بغضب وهو يلقى محتويات مكتبه على الأرض.....ياابن...والله ماهسيبك هقتلك
بهت كل من حسام ومحمد شاعرين بالعجز والحزن على صديقهم....ليجذبه حسام من اكتافه.....اهدى.هو عايزنا نطلع عن شعورنا علشان مانعرفش نفكر كويس لازم نبقى اذكى منه ونهدى
.
وضع كفه على وجه ليمنع عبراته من الهبوط لعجزه عن إنقاذ حبيبته.....مش قادر ياحسام في نار في قلبي....وانا مش عارف الحيوان ده بيعمل معاها ايه
حسام....حبيبه.مش هتسمحله...حبيبه قوية وهتعرف تدافع عن نفسها
مراد....ولو ماقدرتش وخدرها وعذبها هقدر ابص في وشها ازاي وانا السبب فب الب هي فيه؟؟؟..هتسامحني ازاي وانا عجزت اني احميها
محمد....كل الكلام ده سابق لاوانه..اكيد له هدف من بعته للفيديو..هو مش اهبل علشان يكشف نفسه اكيد عايز حاجة وهيساومنا بيها
رفع حسام حاجبه....حاجة ايه؟!!
محمد....اكيد هنعرف المهم ابعتلي الفيديو علشان افحصه كويس...يالا سلام علشان اروح اكمل شغلي
خرج محمد من المنزل ليربت حسام على كتف صديقه....اطلع ريح جسمك بقالك كتير برة البيت ومازن بيسأل عليك ماينفعش انت ومامته تختفوا الولد حالته بقت صعبة
تنهد بضيق....حاضر ياحسام..حاضر
داخل غرفة من غرف المنزل المحتجزة فيه حبيبه يجلس أدهم بجواره مجموعة من الخارجين عن القانون يردف أحدهم.....هنعمل ايه ياباشا...الشحنة على الحدود هنتصرف ازاي..عايزين ندخلها ونقبض تمنها
تجرع كأسه دفعه واحده....هندخلها ماتقلقش
أحد المجرمين.....والست الي جوه الي وجعت دماغنا من صوتها هنعمل فيها ايه؟؟
زمجر بغضب....وانت مالك ماحدش له دعوة بيها فاهمين؟؟
تراجع الى الخلف من هيئته....امرك ياباشا
حك شعره متسائلا...امال هي مالهاش صوت ليه
بلطجي....مااحنا لسه مدينها المخدر زث ماطلبت علشان دوشتها
استقام في وقفته...تمام....انا داخل ليها مش عايز ازعاج
اتجه إليها ليجلس بجانبها وهو يمسد على شعرها مقربا رأسه من عنقا مستنشقا رائحتها.....مش لو كنتي سمعت كلامث من الاول وطاوعتيني ماكنتش عملت فيكي كده...انا اول مره شوفتك فيها عجبتيني وكنت عايزك تبقي بتاعتي بس انتي غبية وفضلتي مراد عليا...بس المرة دب مش هسمحلك ترجعيله
مرر يده على قسمات وجهها ليجذبها الى صدره مقبلا وجنتها ليغط في النوم بجوارها
.....في الصباح........
فتحت عينيها ببطئ لتشعر بصداع يفتك برأسها تأوهت قليلا لتتفاجأ بجسد صلب بجانبها انتفضت بفزع عند رؤية أدهم نائم بجوارها محيط جسدها بذراعيه...دفعته بعيدا وهي تصرخ ليستيقظ سريعا على صوتها.....في ايه؟!!
ضربته بيدها وهي تسبه....يا حيوان ..عملت فيا ايه؟؟
كبل يدها بضيق من صراخها....اهدي ماعملتش حاجة
حاولت التحرر من قبضة يده.....ماعملتش حاجة ازاث يا حيوان.....هقتلك
ضغط على يدها بغضب....قولتلك اهدي انا لو عايز اعمل حاجة هعملها وانتي صاحية مش وانتي نايمة
ليغمز لها بسخرية....علشان ماحرمكيش
حاولت صفعه ليلوي ذراعها خلف ظهرها...ما قلت اهدي ...انتي بالنسبة ليا كنز لازم احافظ عليه لغاية لما جوزك ينفذ الي انا عايزة وبعد كده هاخد حقث منك
دفعته بغضب.....يبقى بتحلم لو طولت شعره مني
اقترب منها هامسا بفحيح الافاعب.....من ناحية هطول فأنا هطول حاجات كتير
لتدوي ضحكته عاليا بعد أن تركها.....سلام ياقطة
انكمشت على حالها وهي تبكي غير مستوعبة مايحدث لها لتنادي على زوجها....انت فين يامراد...سايبني ليه.انا محتاجاك
على الجانب الآخر..داخل مكتبه
شعر بنغزة في قلبه لا يعرف سببها.ليضغط عليه متالما ..لاحظه صديقه.....في ايه مالك؟؟
اخذ نفسا عميقا ليزفره ببطئ....مش عارف حسيت بنغزة في قلبي وجعتني
حسام....تلاقي بس من خوفك وقلقك عليها..ادعيلها ان ربنا يحفظها
أرجع رأسه الى الوراء....يارب
قطع صمتهم رنين هاتفه ليلتقطه رافعا حاجبه بتعجب لهذا الرقم الغريب....الو ..مين معايا
اهتز جسده بغضب عند سماع هذا الصوت البغيض الذب يمقته بشدة.....وحشتني...شوفت مااقدرتش على بعدك وجتلك علطول
جز على اسنانه بغضب....هقتلك يا ادهم وغلاوة مراتي وابني لاقتلك
دوت ضحكته عاليا....هو ده ردك عليا بدل ماتقول وانت كمان وحشتني ماكنش العشم على العموم مش هزعل منك
مراد...عايز ايه يا ادهم
أدهم....هو ده الكلام عايز ايه....عايزك زي الشاطر تسهلي دخول بضاعة تبعي
مراد....بضاعة ايه وادخلها من فين؟!!!
أدهم....سلاح على الحدود ومش لاقي حد يدخلها إلا حبيب قلبي مراد
صدح صوته بغضب....انت اتجننت انا استحالة اعمل كده!!!
أدهم....براحتك...بس ماتجيش تعيط وتقول مراتي فين
مراد....هقتلك يا ادهم لو لمست شعره منها
أدهم....خلاص نفذ الى طلبته منك ..هكلمك تاني بكرة تكون فكرت بس ياريت تبقى ذكي وماتبلغش البوليس لو عايز مراتك ترجع....سلام
حسام....في ايه يا مراد طمني
مراد....الحيوان بيساومني على رجوع حييبه بأني ادخله شحنة سلاح
حسام....احنا لازم نبلغ محمد بسرعه علشان يقولنا نتصرف ازاي
في نهاية اليوم.....وصل محمد الى فيلا مراد بعد أن هاتفه وأخبره بماحدث
جلس أمامهما قاطب الوجه يشعر بالضيق ليسترسل قائلا...بصراحة ياجماعة الموضوع اكبر من شحنة سلاح ...الاستاذ رجع يشتغل مع المافيا ...يعني مخدرات ..سلاح..كل حاجة وفي حد هنا بيساعده ولازم نعرفه
صاح بغضب...وبعدين يا محمد انا ماصدقت خلصت من العصابة الي كانت حواليا وانتقمت منهم من غير مااخسر حاجة دلوقتي بقى عندي عيلة ومااقدرش على خسارتهم
محمد...مافيش خسارة ولا حاجا ان شاء الله بس الصبر المهم انا عايزك تبين له انك مطاوعه في كل حاجة لغاية لما نوصل للي احنا عايزينه
أحاط رأسه بكفيه.بضيق....ياربي انا تعبت ...تعبت
حسام....اجمد ياصاحبي.انت قدها ماتخلهوش يحس انه انتصر عليك..هنرجعها ونقبض عليه خليك واثق في ربنا
محمد....انا مش هقدر اقعد معاكم اكتر من كده لو في جديد بلغوني
تركهم وهم في حالة يرثى لها ليدلف أحمد إليهم بانتباه متسائلا....مراد...ممكن تفهمني اختي فين انا سبتك اليومين الي فاتوا علشان حالتك النفسية بس دلوقتي انا مش قادر وعايز اعرف انتوا مخبين عني ايه؟؟
حسام.....مش حكاية مخبين يااحمد بس الموضوع كبير وماحبناش نشغل بالك
نظر له باستنكار....ماتشغلوش بالي انت بتكلم بجد !!!!دي اختي ممكن حد يفهمني
وزع حسام نظره بينهم ليشير له مراد بعينيه باخباره ليقص عليه ماحدث
شحب وجه وهو يردف بحزن.....انا السبب في كل الي هي فيه.لو ماكنتش ابتديت الحكاية من الاول مع الناس دي كان زمنا عايشين حياتنا الطبيعية ولا كانت رنا ماتت ولا حبيبه اتخطفت انا السبب
مراد.....ماتظلمش نفسك يااحمد الناس دي وباء في المجتمع ولازم نستاصله وانت كنت بتأدي واجبك والي بيمليه عليه ضميرك
جذب احمد يده بتوسل....اوعدني يامراد ترجعهالي سليمة انا مش حمل خسارة حد تاني
ضغط مراد على يده بتأكيد....هرجعها يااحمد وغلاوتها لارجعها لاني من غيرها مااقدرش اعيش
على الهاتف
صادق)(رجل أعمال سئ معظم ثروته من السلاح والمخدرات()...انت بتتصرف من دماغك ليه
بضيق ....في ايه وطي صوتك شوية ..وبعدين ايه الى عملته؟!!
صادق....ازاي تخطف مرات مراد الشافعي من غير ماتقولي!!!!؟؟؟
أدهم....واقولك ليه انت ليك البضاعة تدخل مالكش دعوة هدخلها ازاي!!
صادق....انت بتفتح علينا ابواب جهنم مراد مش هيسكت
ضحك بسخريه....مش هيقدر يعمل حاجة مراته هي نقطة ضعفه وهتخليه ينفذ كل طلباتنا
صادق...انت بتلعب بالنار وانا مش حمل اتلسع منه ..مراد مش سهل وانا غلطان اني وافقتك
أدهم....قلتلك ماتخفش المهم جهزتلي الفيلا الي هقعد فيها؟؟؟
صادق....اه جاهزة..وكمان كل اوراقك الجديدة جهزت وعلى بكرة في عربية هتيجي توصلك البيت
أدهم...اوك..سلام علشان انت صدعتني
.....انهى معه الاتصال وهو يتأفاف بضيق....انا ايه الي خلاني اشتغل مع البني ادم ده مستفز ومغرور..ربنا يستر ومايغرقنيش بانتقامه من مراد...انا الافضل اروح أجس نبضه واعرف الدنيا ماشية ازاي
يجلس على مكتبه يتابع بعض الاوراق المتأخره لتدلف اليه سكرتيرته قائلة...مراد بيه ..في واحد بره اسمه صادق الورداني عايز يقابل حضرتك
ترك قلمه لينظر إليها بتعجب....وده عايز ايه.؟!!خليه يدخل
ولجت الى الخارج لتسمح له بالدخول ..الذي ابتسم ابتسامه سخيفة عند رؤية مراد.....صباح الخير يامراد بيه
أشار له بالجلوس دون الاهتمام بمصافحته فهو بالنسبة له ليس أكثر من انسان متطفل على طبقة رجال الأعمال الجميع يعرف بثروته المشبوهة لذلك مراد يحتقره ولايفضل التعامل معه قائلا....اهلا ياصادق خير
بلع اهانته ليسحب يده الممدودة بجانبه....كل خير ...قلبي عندك...اول ماسمعت الي حصل لمرات حضرتك قولت اجي اقف جنبك
نظر اليه نظره باردة..وانت عرفت منين؟؟!!
ازدرد لعابه بتوتر ليتلعثم في الحديث....عرفت...هو في حاجة بتستخبى.انا تحت امرك في اى حاجة تطلبها
ضحك تهكما...وانا لما اعوز حاجة هطلبها منك انت؟؟؟!!!
هز رأسه تأكيدا....مايغركش منظري انا بعون الله اقدر اعمل اي حاجة تتخيلها بس ننول الرضا.وتوافق نشتغل مع بعض
نظر إلى قلمه يمرره أمام عينيه....وانت متخيل شركات الشافعي ممكن تشتغل معاك!!!!
ضيق حاجبه ضيقا....وايه ياعني ياباشا هو انا قليل في البلد دي الي بيشتغل معايا هكون مكسب ليه
نظر له بسخرية...نبقى نشوف الكلام ده بعدين..انا مش فاضي دلوقي اتفضل مع السلامه
شعر بالاحراج من طريقة حديثه قائلا....ماشي ياباشا عن اذنك وان شاء الله ترجعلك المدام بخير
بعد خروجه رفع مراد هاتفه قائلا...نادر .الراجل الى لسه خارج من عندي مايغبش عن عنيك فاهم سلام
بالخارج......امام سيارته يقف في مواجهة شركات الشافعي متجهم الوجه....انسان بارد ومستفز يستاهل الي عمله فيه أدهم..قال مش عايز يشتغل معايا وبيستقل بيا بكرة يشوفوا مين هو صادق الورداني
ارتدى نظارته بتكبر ليدلف الى سيارته بعد أن أشار لسائقه بالانطلاق
بعد يومين
داخل إحدى الفلل الصغيرة بعيدة في منطقة مهجورة محاطة بمجموعة من الرجال المسلحين تجلس متكومة على نفسها تشعر بالضيق والقلق لطول مدة اختفائها ...على الجانب الآخر داخل غرفة مجاورة لها يتأملها كل من أدهم وصادق من خلال لوح زجاجى عاكس قائلا برغبة....عندك حق تخطفها بصراحة تتاكل اكل يا بخت مراد بيها
ضيق جبهته ضيقا....يابختي انا بيها
نظر له بتعجب...يا بختك انت ليه انت مش ناوي ترجعها؟؟؟!!!
أسدل الستار ليخفى اللوح الزجاجى....لا طبعا..ده انا ماصدقت اخدتها
صادق....ده انت ناوي تضربه الضربة القاضية
أدهم....امال انت فاكر ايه هو انا هعدي الي عمله فيا
صادق....المهم كلمته واتفقت معاه؟؟؟
اتجه إلى نافذة غرفته متأملا حديقته....لا...لسه بسويه على نار هادية علشان لما اكلمه ينفذ علطول
صادق...اوك.لما تجهز ابقى عرفني سلام
وضع يده في جيب بنطاله دون ان يلتفت له...ماتبقاش تيجي كتير ليكون حد مراقبك..اي حاجه اعوزها هكلمك في التليفون
اوما برأسه تفهما...تمام
داخل سياره سوداء يجلس حرس من حراس مراد قائلا على الهاتف....مراد بيه انا راقبت صادق زي ما حضرتك امرت
مراد....وايه النتيجة
نادر....انا لاحظت ان في فيلا في منطقة بعيدة بيتردد عليها بيقعد حوالي ساعتين ويمشي
مراد....بتاعت مين وفيها ايه؟؟؟؟
نادر....بصراحة معرفش وكمان حواليها حرس كتير
مراد....اوك خليك مراقبه وابعت حد من رجالتك برده يراقب الي جوه الفيلا ويعرف مين فيها
نادر...تمام ياباشا..سلام
....بعد قليل
رن هاتفه ليجيب....الو .مين معايا
ضحك بسخريه....لحقت نسيت صوتي؟؟
جز على اسنانه بغضب....اكيد مش بنجم اسمك مش ظاهر عندي
أدهم....عندك حق بس انا صوتي مميز مش بسهوله تنساه..المهم فكرت في طلبي؟؟؟
ضغط على فكيه بغضب حتى لا تخرج سبه من فمه.....موافق
ابتسم بخبث....اول مرة تعمل حاجة صح في حياتك تمام...هبعتلك كل المعلومات وانت زي الشاطر تبعت رجالتك تستلم
مراد....وحبيبه هترجعها امتى
أدهم....قريب ..سلام
انهى معه الاتصال ليتجه الى غرفتها مبتسما بخبث....جوزك شكله بيحبك قوي وافق على كل طلباتي علشان ترجعيله....عبيط..مايعرفش انك خلاص دخلتي عرين الأسد واستحالة اسيبك
نظرت إليه بسخريه غير عابئة بحديثه مما زاد من حنقه ليقترب إليها.....انتي فاكرة لما تتجاهليني هزهق منك انا نفسي طويل .ومسيرك تتعودي على وجودي
ادارت وجهها الى الجهة الأخرى مما جعله يركل مقعده بغضب ليسقط على الأرض محدثا صوتا عاليا ولج الى الخارج متمتما اصوات غير مسموعه من ضيقه وغضبه منها.....خبأت وجهها في وسادتها لتشهق بالبكاء متمنية عودتها إلى أسرتها الصغيرة
بعد عدة ايام
داخل مخزن قديم ..يجلس على مقعد خشبي مقيدة جميع أطرافه..وجهه متورم من كثرة الجروح انتفض عند سماع صوت باب المخزن ودخول شخص ما لم يستطع ان يتبين ملامحه بسبب الضوء الخافت المحيط بالمكان
وقف أمامه بصوت حازم......حبيبه فين
انتفض بخوف من نبرة صوته.....حبيبه مين
دنا بجزعه ليمسكه من تلابيبه بغضب وعيون تشع نارا....حبيبه مراتي .يا حيوان؟؟؟؟؟؟
تلعثم بخوف.... معرفش انت بتكلم عن ايه
سحب الحزام من خصره ليرفعه عاليا هابطا به على شكل لسعات محرقة على جسده.....انطق يا حيوان
زادت صرخاته ليدلف حسام على إثرها جاذبا يد مراد بعيدا......خلاص يامراد هيموت في ايدك
التقط انفاسه وهو يسب ويلعن....ما يموت ولا يروح في داهية
حسام.....ولما يموت هنستفاد ايه.اهدى وسيبه ليا
زفر بغضب ليجذب خصلات شعره بقوة مبتعدا حتى لا يفقد عقله ويزهق روحه بيده
اقترب حسام بخطوات باردة ليهدر صوته بغضب......فوق كده وصحصح معايا ..انا هسالك مرة واحدة وعايز اجابة حلوة زيك.....حبيبه فين؟؟؟؟
تحشرج صوته بخوف.....مع أدهم
اوما برأسه اعجابا....برافو عليك .مع أدهم فين؟؟؟
صمت قليلا ليتابع حسام بغضب....سكتنا تاني شكلك عايز مراد يتسلى عليك
رفع يده توسلا......لا...خلاص هقول
ليقص لهم اتفاقه مع أدهم وحجزه لحبيبه في إحدى المنازل البعيدة وخطته في توريط مراد في بعض الصفقات المشبوهه التي ستؤثر على اسمه في السوق
لم يستطع حسام التحكم في اعصابه الا وهو يلكمه لكمات متتالية صائحا....يا ولاد.......عملكم ايه علشان تعملوا معاه كده؟!!!
جذبه مراد بضيق....خلاص ياحسام مش مستاهل توسخ ايدك فس كلب زي ده...هو هيفضل مرمي هنا لغاية لما نخلص من الحيوان التاني
اتجه الاثنان الى الخارج ليهاتف مراد صديقه محمد و اخباره ما وصل إليه....أكد عليه عدم التهور وترك الأمر للشرطة
............داخل سيارة مراد
يجلس كل منهما صامت ليقطع حسام صمتهم قائلا....هنعمل ايه دلوقتي
ضيق مراد عينيه......انا عملت خلاص
نظر إليه متسائلا....عملت ايه؟؟!!
ادار محرك سيارته منطلقا.....هتعرف دلوقتي
على الجانب الآخر
يتحرك أدهم في غرفته ذهابا وايابا يجز على اسنانه بغضب.....محاولا الاتصال بصادق.....راح فين الحيوان ده...مابيردش ليه...انا قلبي مش مستريح.....ليلقي بهاتفه متجها الى غرفة حبيبه ليقتحمها بغضب ويجذبها من معصمها وهي تصرخ....سيب ايدي ياحيوان واخدني على فين؟؟؟!!
سحبها وراءه غير عابئ بصراخها حاولت مجاراته قبل أن تنكب على وجهها هابطا بها الدرج ليتفاجأ بأصوات طلقات نيران بالخارج..ودوي ضخم أدى إلى انفجار البوابة الرئيسة للمنزل وسقوط بعض القتلى والمصابين من الحرس
ارتجف قلبه ليجذبها أمامه للاحتماء بها مخرجا مسدسه من جرابه موجهه الى رأسها وهو يخطو الى الوراء......تهللت اساريرها لتهمس بشوق وحب عند رؤيته.....مراد.....
ردت روحه اليه عند رؤيتها معافاه لتتبدل ملامحه الى الغضب عند رؤيته لادهم قائلا بصوت جهورى....ارمي المسدس ياادهم...خلاص انت انتهيت
ضحك باستهزاء....بما اني انتهيت يبقى انهي روح مراتك معايا
شهر مسدسه في وجهه صائحا....قبل ماتفكر هكون قتلتك قبلها...نزل مسدسك احسن لك
رفض رفضا قاطعا ضاغطا على رقبتها ...صرخت من الألم.ليتوعد له بغضب....نزل مسدسك علشان ماتندمش انت خلاص خسرت واستحالة تطلع من هنا..المكان كله محاصر
من وراءه تسلل حسام ليجذبه من رقبته محاولا تحرير حبيبه التي استغلت الموقف لتدفعه بعيدا مهرولة الى مراد الذي التقفها بين ذراعيه وهو يتلمس وجهها ....انتي كويسة؟؟
اومات برأسها برجفة خوف...اه كويسة
زاد الشجار بين كل منهما ليجذب حسام المسدس من يده لتنطلق رصاصة طائشة اخترقت صدر حبيبه لتسقط على الأرض وسط بركة من الدماء
التقطها مراد بين ذراعيه وسط ذهوله وهو يربت على وجهها....حبيبه ....حبيبتي..فوقي....ردي عليا...اوعي تسيبيني .مش هسمحلك
ضحك أدهم باستهزاء....قلتلك لو مابقتش ليا مش هتكون لغيري
تركها على الأرض ليهجم عليه مسددا له لكمات غاضبة بيديه وقدميه اسقطته على الأرض فاقدا للوعي
وصلت الشرطه ليتم القبض على جميع الموجودين.وتم نقل حبيبه الى عربة الاسعاف
بعد عدة ايام
تضطجع على الفراش يحيطها اسلاك كثيرة يجلس أمامها ممسكا يدها مغمض العينين من كثرة السهر بجانبها الايام الماضية....شعر باناملها تتحرك ببطئ بين كفيه وهمسات ضعيفة باسمه تصل لاذنيه جعلته ينتفض بفرحة.....حبيبه انتي صحيتي؟؟؟
أزالت جهاز الاكسجين من على فمها .بصوت هامس....مراد
التقط اسمه ليشع وجه فرحا.....يا عيون مراد ...وقلب مرادوحشتيني..وخضتيني عليكي
ابتسمت ابتسامه ضعيفة....هو ايه الى حصل
تنهد بارتياح....الى حصل انك رجعتي لحضني تاني ومش هسيبك تخرجي منه ياتعبه قلبي
أشارت له بالاقتراب ليضمها الى صدره بحنان...انا اسفة ان تاعبة قلبك
زاد من ضمته.....اتعبي قلبي زي ما انتي عايزة بس وانتي جواه لاني مش هسيبك تخرجي منه تاني...الا لو عايزاني اموت
حبيبه.....بعد الشر عنك ياحبيبي ..ربنا مايحرمني منك.....المهم الكابوس انتهى واتقبض عليه؟؟؟
مراد.....الحمد لله قبضوا عليه والمرة ده مش هيخرج منها ابدا......لتتبدل نبرته اسفا....انا اسف ياحبيبتي..انا السبب في كل الي بيحصلك..من ساعة ما دخلت حياتك والمشاكل بتجري وراكي ..كان نفسي اخرج من حياتك واريحك من المشاكل بس مااقدرش لاني من غيرك مش هكون موجود
نظرت له بعتاب....اوعى تقول الكلام .ده انت احلى حاجه دخلت حياتي.ولو حياتب فيها مليون مشكلة وانت فيها عندي أهون من اني اعيش من غيرك....وبعدين انت ذنبك ايه ده حاجا خارجة عن ارادتك والحمد لله اننا مع بعض وبنواجه كل حاجة سوا......مازن فين وحشني
مسد على شعرها بحنان شاكرا ربه بأنها بين احضانه....مازن واحمد كلهم كانوا هنا بس خليتهم يروحوا يستريحوا
حبيبه....احمد هنا هو رجع
مراد....اه طبعا من وقت ماعرف الي حصل هيتجنن عليكي....اخوكي بيحسسني انكم تؤام أول مااختفيتي اتصل يسأل عليكي وقال انه حاسس انك فيكي حاجة
ابتسمت بحب....احمد ده حبيبى وابويا وصاحبي
ضيق جبهته ضيقا.....نعم...امال انا ايه؟؟
التقطت كفه لترفعه نحو فمها طابعتا قبله حب....انت روحي و قلبي ...وحياتي....وبعدين انت هتغير من أحمد
مراد....انا اغير من اي حد يشغل قلبك عني حتي ابنك
حبيبه.....وانا ماحدش يقدر يشغل قلبي و عقلي غيرك .لان انت هو انا...بحبك يااغلى مراد دخل حياتي
مراد....انتي بتعجزيني ....اقول انا ايه بعد الكلام الحلو ده.....على العموم انا مابحبش الكلام انا بحب الفعل......ليلتقطها في لحظة خاصة بينهم .ويضمها بين احضانه هامسا بين خصلات شعرهاوحشتينيبعد اسبوعين من استرداد صحتها...تستند على ذراع اخيها أمام إحدى المقابر رافعين يديهم بالدعاء وقراءه الفاتحة لتردف حبيبه قائلة.....وحشتيني يا رنا...وحشتينا كلنا...اوعي تفتكرى اني نسيتك...انتي هتفضلي في قلبي طول حياتي ...ولو ربنا أراد ورزقني ببنت هسميها على اسمك علشان تفضلي قدام عيني...نامى واستريحي ياحبيبتي ربنا اخد حقك...واوعي تزعلى من أحمد انه اتجوز...هتفضلي في قلوبنا مهما حصل..ولو كنتي موجودة واتعرفتي على حياة كنت هتحبيها لأنها شبهك فب طيبتك وجمالك
ليربت أحمد على كتفها.....هي عارفة غلاوتها جوه قلوبنا.وعارفة قد ايه احنا بنحبها وعمرنا ماهننساها
سندت على صدره ليضمها بذراعيه متمتمين ببعض الادعية قبل خروجهم من المكان
ساعدها على الجلوس بجانب زوجها الذي احتضنها مربتا على ظهرها بحنان لينطلق إلى منزلهم
بعد شهر
داخل احدى الجزر الاستوائية.المنعزلة عن باقي الجزر....تقف بفستانها الزهري ذو الحمالات الرفيعة والشعر الغجري يتطاير خلفها بفعل الرياح...أمام البحر الهادئ بامواجه المتلاطمه تحت الشمس المشرقة وسط الطبيعة الغناء محيطة صدرها بساعديها مستنشقة اكبر قدر من الهواء العليل لتزفره براحة وطمأنينة تشعر بها وسط امان واحضان زوجها...لتتفاجأ من يرفعها عاليا بين ذراعيه لتصرخ بدلال....مراد
مراد...الجميل صاحي وسايبني لوحدي ليه؟؟؟؟!!!
تعلقت برقبته مبتسمة...ماحبتش اقلقك قلت اسيبك تنام براحتك
انزلها برفق ليضمها من خصرها....انا راحتي في وجودك...تاني مرة ماتسبنيش نايم وانتي مش جنبي...بتوحشيني حتى وانا نايم مش عايز عنيه تتحرم من رؤياكي...لولا النوم بيغلبني كنت فضلت صاحي طول حياتي
حبيبه....ماكنتش عارفا انك بتحبني قوي كدة
مراد.....انتي لسه عندك شك اني بحبك انا اتخطيت الحب انا بعشقك يا ملكة قلبي
تمايلت بدلال وهي تنظر إلى عينيه الساحرة.....وملكة قلبك نفسها تجيب بنت
ضمها إليه بحب....بجد نفسك؟؟
هزت رأسها....اه...وتكون شبهك
ارجع خصلا حائرة وراء اذنها.....لا..انا عايزها شبهك في كل حاجة..نسخه منك
رفعت حاجبها.....لا طبعا...علشان تحبها اكتر منث
ضحك بملئ فمه....يامجنونة...انا مااقدرش احب حد اكتر منك...وبعدين دي هتبقي حته منك يعني انتي وهي واحد
حبيبه....لا...برده انا عايزاها شبهك
مراد....نبقى نشوف الكلام ده بعدين
ليرفعها عاليا وهث تصرخ بمرح متجها إلى منزلهم قائلة....رايح فين يا مجنون؟؟!!
غمز لها ضاحكا.....انتي مش عايزة تجيبي بنت هخليكي تجيبيها
شاركته الضحك.....مش دلوقتي...انت ماصدقت
مراد....حبيبتي يكون نفسها في حاجة وامنعها عنها يبقى عيبه فث حقي
تحررت منه وهي تركض على الدرج صائحة.....يا مجنون
لتجد من يقبض على خصرها بتملك دافنا رأسه في عنقها بحب هامسا...مجنون...بس بحبك
..
..
.
...
وبكده تكون القصه خلصت
