رواية عشق اهل الانبار الفصل الخامس والعشرين 25 بقلم رواء هادي
طلعت اركض مثل المخبلة ماعرف شصاير
وشبيها امي تصرخ باسم ابوي ...؟!
_ شكووو شصاير يممممة ؟!!!
ردت أمي بصوت عالي...
ابووووج ماااات زينب ماااات
اااااه راح علي راااح
ردت أمي بصوت عالي...
ابووووج ماااات زينب ماااات
اااااه راح علي راااح
_ابوي مااات ؟ شلووون مااات احجي
يمة شلووون مااات ؟!
رحت لأمي كعدت بالكاع كدامها مامصدكة أبوي مات قبل شوي طلع بالسيارة وي زيد ابن عمي علمود
سالفة قطعة الأرض .
مرت اخوي :مسوي حادث هو وزيد زيد بالمستشفى حالته خطرة وابوج مسلمها بالطريق المستشفى
صرت ابجي واصرخ وي أمي اجوي اخواني يبجون ونسوان عمامي وخالاتي الكل التم بالبيت ملخت روحي على
أبوي امي كذالك كلش متأثرين أني وياها
ساعتين والثالثة يلا جابوا جنازة أبوي ردت اشوفه ماخلوني اكشف وجه واشوفه يكولون الضربه جايه براسه وطابره
راسه متأذي بجام السيارة وراسه متفلش تفلش
اتوسل مؤمن بس خل اشوفه مكابلني و يبجي ...
تتوجعني اكثر زينب عوفي
انهار بالبجي حضن التابوت وصار يبجي حضنت التابوت ويا وابجي الكل انهار شوي واجوي عمامي كالوا يلا شيلوا الجنازة هم يلا ندفت قبل المغرب جلبت بالتابوت ماانطي الهم
1
شالني مسلم بحضنه شيل من التابوت طلعوا بي بره الاستقبال اتوسل بمسلم يردون أبوي مابي شي هسه يكعد بس احجي ويا هو يحبني ويسمع كلامي خلهم يردوه
1
_راح مايرجع بعد زينب راح ابونا صرنا أيتام
حضني قوي وصار يبجي حضنته وابجي ويا شوي وعافني اجت عمتي يلا عيني هم يلا ندفن منو من بناته تجي ويانه قبل اخواني الكبار كلت بصوت عالي
_أني اروح وي ابوي
عمتي : أنتِ وين رايحة تعاي سراب
زينب : وأنتِ منو وتقررين عني اروح يعني اروووح
بعدي عن طريقي بعدددي
دفعت عمتي وطلعت وره مسلم بدون عباية حجابي مخربط توسلت بي ياخذني وياهم كال اخذج والله اصعدي يلا صعدني بالسيارة صاح لمرته جابتلي عباية
من عبي أمي
كضيت الطريق بجي وعماتي يكولون شسوي جاية ويانه هذا مسلم مخبل شلون خلاها هسه تتخبل بس تشوف
ابوها شلون يدخلونه القبر .
وصلنا الأمام علي (ع) يزورون ابوي زيارة الأخيرة عماتي واني وامي واخواني أثنين مازاروا بقوا بالسيارة زاروا ورجعوا وصلنا المقبرة نزلوا جنازة أبوي طلعوا بيها للمغيسل
6
لزمت مسلم اتوسل بي أريد اشوفه بس بقت حسرة بقلبي شوفته كال ماكدر زينب راح تتأثرين عوفي .. راح يمهم لزمت عماتي اتوسل بيهم بس خل يخلوني أشوفه
ماكو رد منهن بس يبجون ....اخواني هم نفس الشي ماكو رد امي منهارة خطية طلع عمي لزمت عمي ابوس بإيديه واتوسل بي بس خل اشوفه عمي شويه فدوة رحتلك
جرني وضمني لصدره ...
والله اخليج بس خل يكفنوه اهدي يابة لتبجين البجي موزين ومايفيد مراح يرجع ابوج بالعكس راح يضره يشوفكم
تبجون هم راح يبجي وياكم كااافي
_عمي هذا ابوي شلون ماابجي عليه
_الله يرحمه كلنا على هذا الطريق هم
السابقون ونحنا الاحقون
_هسه اشوفه ؟
4
_اي يابة خل ادخل اشوف كملوا وادخلج
بعد عني راح دخل ورجع أخذني كل الزلم طلعت بره المغيسل شفت التابوت جان مكشف اقتربت منه ارجف من الخوف والوجع لبقلبي وكعت عيوني على
أبوي رأسن انداريت
جان وجه ابوي متأذي كلش وراسه مطبور مخيطين كله اخيوط وبي كدمات ناشفة انهاريت تماما هالشوفه خلتني
انهار بالزايد طلعني عمي ارجف
من الخوف والم بصدري صار مو طبيعي حضنت اختي وابجي شوي وجابوا التابوت خلوه فوك السيارة وعدل للمقبرة رحنا نزلنا القبر محفور وكامل وأني منهارة صورة ابوي
1
ماتفرق انظاري كعدت بالكاع اباوع للقبر ودموع تنزل هم يحجون بيناتهم اجت بالي أبوي ماميت اي ماميت بعده
عايش توني ردت اكوم اكوللهم ابوي عايش .
فقدت كل حواسي من شفت الزلم مكابلة على جنازة أبوي ونزلوها للقبر تناوشها الدفان دخلوها للقبر ماتحملت
كمت واصيح بعلو صوتي
_لااااا عليك لاااا أبوي بعده عايش لتدفنووووه مسلللللم ابوي لا تخليهم يدفنوووووه ابووووووي ااااااه ابوووي
ردت انزل للقبر وي أبوي جرني اخوي مؤمن كل قوته ..
وييين رايحة زينب خلص أبوي مااااات
ماااات افهمي مااااات
_لاااااا ماميت لاااا مؤمن بعده عايش سمعت صوته اي سمعت صوته صاحلي مؤمن فدوه خل يطلعونه باااع طلع الدفان طلع راح يشمرون عليه الترااااب لااااا مؤممممممن
ابوووووي ااااه ابووووي .
1
شوي وطلع الدفان صاروا يشمرون عليه التراب وأني اصرخ واتوسل بيهم يوكفون يصيحون علية موزين تبجين رااح ابوج كافي نزل عمي الصغير بيهم ليش جبتوها
يلقن أبوي وأني اصرخ صوتي مايخلي ... يركز بالتلقين شوي واجوي كلها رجعنا على البيت بقيت بس اتصفن وصوره وجه أبوي المتشوه كدام عيوني كلما تجي صورته اصرخ
واضرب بروحي أنهار تمامآ.
يجن اخواني علية يحضنوني ويبجون وياي بقيت على هاي الحالة بس اصرخ وابجي وصورة وجه ابوي ماتفارق وجي خلصت الفاتحة شافوا حالتي اخواني تخبلوا
كالوا هسه ناخذها لبيت السيد يمكن تعرضت لمس من شافت وجه ابوي ومن نزلوه للقبر واحد يلوم بالثاني لان اخذوني وياهم وخلوني اشوف أبوي
العصر ودوني البيت السيد قرأ علية وكال متأثرة لصدمة وسوولي دعاء وكال ان شاءالله تشافه لتخلونها الواحدها وابعدوها عن أجواء الكئيبة والمحزنة لتبجون كدامها .
رجعنا على البيت كعدت بغرفة امي وابوي تذكرت ابوي كمت ابجي اجه اخوي الجبير طلعني من الغرفة صعدني الغرفتي وبقى يحجي وياي ابوي راح والله يرحمه
صلي ادعيله مو تبجين وتقهرين بي حرام عليج زينب هيج تسوين بروحج ماكدر والله ماكدر صعب كلش احد يفقد ابوه وبالاخص اذا كان الاب زين ومدلل بنته وأولاده.
9
المغرب نزلت سمعتهم يكولون ...
زيد صاير زين ومتعدي مرحلة الخطر وباجر الصبح يطلع صرت ابجي لو ابوي هم مثل زيد بس
داخل مستشفى .
1
مرت الأيام وصادف يوم السابع سووه عزيمة ثواب وأني شوي حالتي تحسنت بس ابجي هواي كلما انفرد بنفسي لذالك مايخلوني واحدي لو بنات اخوي وياي لو
امي لو مرت اخوي
كملت عزيمة الثواب رحت بالليل يم امي نمت بحضنها ابجي وهي تبجي وياي هناك وتذكرت الحلم الحلمته بوقتها ابوي ميت وزيد هم ميت ويا وطلعولي دواعش
وحضني ولد مجهول الهوية حجيت لامي كتلها الحلم جان حقيقي ابوي مااات وزيد هم جان ويا بس زيد طلع من المووت وأنتو كتولي مو حلو هذا كابوس
من وحي الشيطان
طلع صددك بقت تهدي بس واني حاضنتها كل قوتي وابجي منهارة صوتي بح بالكوه اطلع الكلمة صايرة .
رائد "بعد مانقلت يم عمي مرتاح كلش وبعيد عن المشاكل والتعب لان اخر فترة المسؤول ابو يونس شد وياي لان فسخت الخطوبة من بته الحمدالله عمي
تسرع بالموضوع
ونقلني عنده ومحمد وعمر رجعوا للفوج وأني محمد كل يوم مشاكل وعرايك وره دقيقة نتصالح ونكضيها ضحك وخليت زينب تصير صديقتي تعلقت بيها أكثر من قبل
وصارلها فترة ماكو مختفية
آخر مرة قبل سبعة أيام شاهدت الرسائل وماردت استغربت ليش ماترد بالي بقى يمها اخاف صاير وياهم شي موزين لاسامح الله عاد أتصلت بمهدي
وسألت عن أحوال ليمه ؟
وصدمني من ....كال ابو زينب سوه حادث سيارة قبل ثلاث أيام ومتوفي ويا ابن اخوه زيد مابي شي طلع من المستشفى لأول مرة انقهر عليه وتأثرت كلش على موته هسه شلون
حال.زينب بعد مراح أبوها ؟
ثاني يوم الصبح نزلت رحت لأمي وكتلها كالتلي ادري
من اول يوم كتلها ليش مكتيلي كالت
_ شكولك الرجال مات والله يرحمه
_تريدين ترحين ؟
_أتصلت بمرته وعزيتها ماكو داعي أروح
_براحتج
رحت لغرفتي شمرت ملابس وعدل للحمام جوه الدوش واكف واتذكر زينب شصاير بيها هسه خطية تحب أبوها كلش وجنت من احجي عليه تتعارك وياي وتزعل
طلعت من الحمام بوجي للمطبخ خليت امي تصبلي غدة كتلها عندي شغلة مستعجلة بغداد لازم اروح وباجر ارجع اكلت بسرعة وطلعت عدل للحلة اريد اشوف زينب .
دزيت رسالة لصاحبي ضابط بأمن الوطني انطيته
فيس بوك زينب اريد يطلع رقمها لي ...
_بشر طلعت الرقم ؟
دزلي الرقم 0789..... تم استخراج الرقم بنجاح
_مشكور ضلع .
نسخت الرقم ودخلته قائمة الإتصالات كلت من اوصل هناك بالليل اتصل بيها اريد أشوفها مشتاقلها وصلت هناك العصر بالليل أذان حاير وين أصلي عاد نزلت بحسينية
صليت صلاة القصر وطلعت دخلت مطعم اكلت وشوي بقيت كاعد باوعت للساعة بال ٩ بالليل صارت دفعت الحساب وطلعت شمرت السيارة بعيد عن
بيت أهلها ونزلت مشي اتصل بيها ماترد أربع مرات اتصلت بيها ماردت دزيتلها رسالة ...ردي زينب ؟
ماجاني رد منها قررت اليوم اشوفها وشيصير خل يصير بعد ماتحمل وصلت يم سياج البستان مالتهم هم منطقة ريفيه وبيت بعيد عن بيت المسافة بين البيوت بعيده كلش
طفرت الحايط نزلت بالبستان شغلت فلاش التلفون امشي بالبستان بحذر اذا مجاوبت اصعد لغرفتها ادري غرفتها تطل بلكونه على البستان ادري بحركتي
متهورة وطايشة وخطرة بس غامرت علمود أشوفها.
4
زينب "صبوا العشة اردت أكل صعدت فوك بغرفتي اتصلت بي اختي شوي حجيت وياها وشمرت التلفون صامت وجريت المجر وشمرته بي ماريد اتواصل وي احد مالي خلق
عالساعة بال١٠ اجني البنات نامت بسرعة وكل اهلي ناموا حاول انام مايجيني نوم نزلت جوه الكل نايمة دخلت المطبخ شربت ماي وتذكرت أبوي من جان يصيحلي على ماي
متهورة وطايشة وخطرة بس غامرت علمود أشوفها.
زينب "صبوا العشة اردت أكل صعدت فوك بغرفتي اتصلت بي اختي شوي حجيت وياها وشمرت التلفون صامت وجريت المجر وشمرته بي ماريد اتواصل وي احد مالي خلق
ختنكت بالبيت ماتحملت أبقى بي وأبوي صار جوه التراب طلعت بره ماعرف وين انطي وجي اخذتني رجلية لباب البستان بنص الليل فتحت الباب وطلعت
ابجي البستان مضلم
اما بداية البستان بي أضواء من البيت مالتنا موجهة عليه كعدت بالكاع ابجي على أبوي افراقه ذلني وكطع بي خليت رأسي بين رجليه وكعدت ابجي الوحدي
بالمكان الموحش
حسيت ايد ثكيله صارت فوك رأسي( لتبجين زينب ّ) وصوت رجال خشن رأسن فزيت مرعوبة شال ايده من رفعت رأسي اباوعله ماكدر اشوف عيوني مغوشات من البجي
سد بعيوني وارجع افتحهم نفس الشي مغوشات من ابجي افقد أني ماحسيت الا كعد كدامي وجرني لحضنه
قوي حضني كل قوته .
بقيت بصدمة منو حضني الشخص قوي وفوكاها باس راسي الخوف أسر قلبي وصرت ادفع بي ...
_ااااه منو انت بعدددد ؟
_اششش زينب لا تفضحينا أني رائد
من عرفت بي رائد بدون راده مني بادلته الحضن وصرت ابجي على أبوي... ابوي مااات رائد
5
_الله يرحمه لتبجين زينب كافي
_هذا ابوي رائد شلون ماابجي عليه راح وعافني راااح
_وج كافي راح تموتين نفسج رخي ايديج عني خل اشوفج
خجلت حاضنته كل قوتي بعدت عنه انظاري بالكاع صارت رفع وجي يباوع بعيوني مغوشات من البجي
مسح دموعي بإيديه
_ لتبجين كافي باعي شصاير بيج ذبلانة وخلصانة
ليش هيج زينب ابوج مات والله يرحمه
خوما تموتين وراه
_ياريت
_انجبي ولج واني منو الي
_مو وقتك رائد وخر عني شسوي جاي لهناا
بعدت عنه بسرعة رجع عقلي براسي كمت كام وراي ...
من عرفت ابوج ميت البارحة اليوم نزلت للبيت واجيت عدل اشوفج ماتحملت .ليش مكتيلي ابوج ماات ؟
مسحت دموعي والتفتت عليه ...
فرحان؟
_فرحان شنو ؟!
_ابوي ماات
_لأول مرة بحياتي انقهر على ابوج برغم أني ماحبه
ماجنت متمني له الموت والله
_جذاب جنت تكولي ان شاءالله يموت ابوج والله
استجاب دعائك ومات أبوي
_انجبي جنت اشاقه أني شعلي الله أخذه شايفتني نبي
لو امام دعائي يستجاب بسرعة
_مجانت متمني يموت ؟
_لا والله مجرد كلام اكوله جنت متمني يقبل بي بعمري ماتمنيت له الموت من كل قلبي
_رووح رائد لتبقى هنا روح
_شجابك بنص بيتي وشمدريك أني هنا
هسه كول منو كالك اني هنا
_والله محد كالي اتصلت بيج اكثر من مرة ودزيت رسالة مجاوبتي وكلت اجي اشوفها والصدفة
الحلوة جنتي هنا
_جذاب متحالف وي احد من البيت
_ويامن اتحالف وي مرت اخوج لو وي اخوج لو امج صدك غبية أنتِ كلتلج بالصدفة طلعتي كدامي
_روح رائد لايشوفك اخووي وياي ويذبحني
_شمسويه ويذبحج ؟
_بنية بنص الليل وي رجال شراح يكولون عني روح
عليك الله روح رائد روح واستر علية
_اروح لتبجين والله ماريد اذيج بس
تواصلي وياي مو تكطعين
_روووح
اقترب ناحيتي رجعت كم خطوة ليورة تعثرت ردت اوكع لزمني من ايدي قوي وجرني عليه راسن لف ايده الثانية
على خصري وجرني الحضنه حضني قوي
_جاي تسوي رائد بعد عني بعد لايجي اخوي
بعد رائد بعد حرام عليك بعد
_غير اودعج امممح
باسني بخدي تفاجأت من تصرفة الوقح دفعته ماكدر ادفع على كوله اخوي مؤمن بكد الجبل ضخامته ...
_كافي رائد استر علية عليك الله كافي بعد
بعد عني بسرعة كرص خدي وكال ...
لتنقهرين وتعذبين بروحج ابوج مات والله يرحمه وأني مستعد اصير الج اب حنون ويسمع كلامج ويدللج
شتردين بعد ام الصخول
بدون أراده ضحكت اول مرة اضحك على كلمة
ام الصخول ...ههه بعد ماكو اصخول
_ليش ؟
_تبت من زمان منهم وحذفت كلشي الهم
_ اللهم صل على محمد وآل محمد
_يلا روح
_والله أروح يلا أنتِ هم ارجعي ودزيلي رسالة مو تنسين
_ماانسى بس روح
_وهاي رحت باي عثرة قلبي
مشه تعثر راد يوكع بغصون العنب ضحكت هو التفت
وكال ...ادري بقلبي يتعثر كدامج بس مو رجلي
هم تتعثر هههه
_ايي روووح
_ رايح أنتِ هم روحي بسرعة ولا تطلعين
بره بعد بالليل ديري بالج
_ماشي
بسرعة رجعت جوه البيت ميته من الخوف وبنفس الوقت فرحانة بشوفه رائد ماتوقعت يطلع هيج جريئ ويجي
لعندي بنص الليل بمجرد سمع ابوي ميت
_هم طلعتي بره تنعين وتبجين شكم مرة كلتلج ماريد بجي بعد ماشاء الله شابعة بجي من كيفها عيونها مورمات خشمها احمر وجهها نار ويشتعل امشي اسبحي وتعاي نامي
يمي بالغرفة صوجي اخليج واحدج .
رحت لغرفتي بسرعة لتلفون خمس مكالمات فائتة من رقم مجهول وأربع رسائل فتحت الرسائل كاتب زينب
ردي أني صديقتج
كاتب الرسالة بطريقة البنات اخاف اهلي .... يمي ويشوفون الرسالة ويضوجون مني ويعرفون عندي تواصل ويا
حفظت الرقم وكتبتله
_وين أنت هسه ؟
بسرعة رد ...
بالسيارة راح ارجع للانبار
_لترجع هسه خليها الصبح موزين الطريق
_تخافين علية ؟
_طبعآ اخاف عليك الله لا ترجع
_لعيونج مراح أرجع شلونج خوما شافج احد
_اي امي
_امج ؟
_شافتني من دخلت البيت وتعاركت
وياي وكالت تعاي نامي يمي
_اخاف شكت ؟
_لا باي
مارد بعد حفظت رقمه سجلت اسمه رندا نزلت التلفون وياي خليته بغرفة امي سبحت واجيت نمت يم أمي بس افكر بي ختلت بحضن امي خجلانه من روحي
من بادلت رائد الحضن
4
وجنت ويا لطيفة ليش هيج سويت وعفته على راحته وياي هو هسه يلكاها من الله لو ادزله لايك بالغلط يكول
تحبيني وهسه بادلته الحضن
هو يمكن صدك أحبه .
ثاني يوم الصبح راسل وكال طلعت هسه شلونج ؟
رديت تمام الحمدالله دير بالك من الطريق
ولا تسوق سريع
_عمي هي الكوه المره تحبني وتخاف علية ههههه
5
_لاااا مااحبك
1
_حضن البارحة يحجي كلشي
_بالحظه ضعف بادلتك الحضن لا تتوقع
حضنتك معناها أحبك
_والله تحبيني بس عندج كبرياء شوي
عالي يمنعج تعترفين
_اذا احبك اكولك احبك كبرياء منو وشنو
اخلي يتحكم بي بكيفه
_والله
_اي
_شوكت تكولين احبك وتريحين قليبي
_ رائد مو وقت هالسوالف والله العظيم مقهورة كلش أني ماجاي اتقبل فكرة ابوي ماات وتركني
_الله يرحمه وينطيج الصبر والسلوان وقبل لا أنسى شتردون أنتِ اهلج تعالوا لعندي أني بالخدمة
_تسلم
_الله يسلمج امممم شكولج
_شنوو ؟
_اريد اطلعلج لقب جديد مادام نسيتي صخله ام عداي
_ لا تطلع اترجاك
_بالوقت الحالي مسميج عثرة قلبي لان الصرحة بمجر يمر طاريج قلبي يتعثر ويوكع من صدري للكاع
_هذا انت مو قلبك
_الاثنين سويه يوكعون
_امك شلونها
_على الله مبينه مقهورة على موت صديق الطفولة
_اي تصلت بأمي وامي كالت جانت تبجي
_الله يرحمه يلا قلبي أني اترخص في أمان الله
_الله وياك
مرت الأيام وعلاقتي برائد زينة والمشكلة اني تعلقت بي حسيته ملئ فراق موت أبوي بسرعة باسلوبه وطريق كلامه خلاني شوي انسى وارتاح وكف وياي
اجه أربعين ابوي رحنا للمقبرة شبعت بجي من كيفي وراها رجعنا تمر الايام والشهر وعلاقتي بي تطورت من ناحيتي اني بديت أحبه من صدك اليوم لماحجي ويا
احس فاقدة شي بس بنفس الوقت خايفة من اهلي يرفضوه على رفض أبوي هو يكول بس يطلع دايره السنة
مالت ابوج اجي اخطب
اكوله اخاف يرفضون وترجع تتعارك ويا أهلي مثل قبل يكول لا مراح اتعارك راح اصبر مثل ماصبرت
وياج كل هاي الشهر .
رائد " علاقتي تطورت بهاي الشهر بزينب واحسها تحبني بس تخجل تكول مابقى على دايرة سنة ابوها غير 19يوم كلت تطلع منها وره عشرة أيام ادز امي تخطبها لي
بالليل فتحت وياها الموضوع ...
عشرة أيام وره داير السنة ابوج الله يرحمه ادز امي تخطب لتكولين ماريدك وبعدني مامتأكدة من مشاعري
ترى اسمط أجدادي واجدادج زينب
_ليش مستعجل انتظر شوي
_ زينب تعرفين من سنة ٢٠١٨ أني أحبج وهسه احنا
بال٢٠٢٠ وتكوليلي انتظر شنتظر بلا لما
اصير شايب واجي اخطب
_عزززة ثلاث سنوات راح يصير
_اي بالخير عليج شالعة قلبي من ٢٠١٨ لحد ٢٠٢٠ وماكو احساس منج بلا براسج مطي نايم لو
عشيرة مال امطاية
_رائد شنو هاي ؟
_ماريد اشتم ابوج ميت اريد اعرف تحبيني لو لااا ؟
_هسه وقت هذا الكلام
_اي وقته أريد اعرف صارلي هواي وياج احجي ولحد الآن ماسامع منج كلمة احبك لو بالغلط ماكو منج شبيج هلكد
جلد وبخيلة أني ماحب المرأة البخيلة زينب
كولي تحبيني لو لا ؟
