رواية اول دقة قلب الفصل الرابع والعشرين 24 والاخير بقلم ندي محمود

رواية اول دقة قلب الفصل الرابع والعشرين 24 والاخير بقلم ندي محمود

اول دقه قلب 

الحلقه الرابعه والعشرون والاخيرة >>>>>>>>>

طلع مالك بيجري ع صوت غرام دخل الاوضه لقاها واقفه ف البلكونة وبتعيط

مالك: غرام 

غرام: ابعد عني متقربليش 

مالك: اهدي وكل حاجه هتتحل تعالي خشي جوا بس نتفاهم

غرام: لا ابعد عني انا دلوقت عرفت ليه ماما كانت بتعاملني وحش ليه دايما كنت احس انها بتفضل نغم عليا دايما كنت احس انها بتكرهني وارجع اكدب نفسي واقول لا دي بتحبني انا ماليش ام يامالك انا عشت عمري كله مع واحدة بتكرهني وعمرها مااعتبرتني بنتها انا عاوزة اموت علشان اريح الكل مني

الفت: اهدي ياغرام وتعالي بس نتكلم انا وانتي ع انفراد

غرام: انتي بالذات مش عاوزة اتكلم معاكي 

مالك: طب اهدي وابعدي عن السور وانا هتصل ع باباكي دلوقت ونخليه يوضحلنا كل اللي حصل بس ابعدي عن السور ياغرام علشان خاطري

غرام: ابعد انت عني يامالك انا لو مت اكيد هرتاح

مالك: وتسبيني ده وعدك ليا وكمان عاوزة تموتي ابني قبل مايجي للدنيا

غرام: اي 

مالك: ايوة ياغرام انتي حامل لسه الدكتور قايل كدة

غرام: لا مش ممكن 

مالك: اعقلي بقا وخشي

غرام: يعني انا حامل من اخويا 

الفت: اخوكي اي اي الكلام الفارغ بتاعك ده

مالك: انتي كنتي ع علاقه بطلعت ياماما؟

الفت: اي اللي بتقولو ده يامالك

مالك: زي ماسمعتي انتي كنتي ع علاقه بطلعت قبل ماتعرفي منصور

الفت: اخر حاجه كنت اتوقعها انك تسالني سؤال زي ده 

مالك: مش غريبه ياماما انك انتي اللي تقولي كلمه زي دي مانتي عملتيها وعرفتي منصور

رجع مازن من برة وطلع ولسه رايح ع اوضته سمع مالك بيكلم مع والدته

الفت: عمر الحب ماكان عيب ولا حرام وانا مااجرمتش اني خفت علي نفسي من الشيطان واتجوزت علي سنة الله ورسوله لا رحت اتجوزت عرفي ولا مشيت ف الغلط بتحاسبني علي اي دلوقت مفكرني ممكن اكون اتجوزت طلعت وخلفت غرام ورمتها انت ممكن تفكر اني ممكن اعمل كدة

مالك: اللي يعمل كدة مرة ممكن يعمل كدة 100 مرة ومش غريبه عليكي يامام

لسه مالك بيكمل كلمه ياماما فتح مازن الباب وقرب من مالك وبصله

مالك:

فجاة مازن رفع ايده ع مالك وضربه بالقلم غرام اتخضت من القلم والفت اتصدمت لان دي كانت اول مرة مازن يرفع ايده ع اخوه الكبير

مازن: انا لو اعرف ان هيجي اليوم ده واسمع اهانتك لاامي صدقني مكنتش اعترفت بيك انك اخويا انا لما انت حمتني وقتلت ابويا حاولت انسي انك انت اللي قتلته وكمان مزعلتش منك واتعاملت معاك عادي بس مش هسكتلك انك تتهم امي ف شرفها وتهنها وانا عايش يامالك باشا من النهاردة انا ماليش اخوات وانت ابن امي بس وهرجع اقولك من تاني يامالك انت عمرك ماهتبقا ف مقام الاخ اللي من الاب

شد مازن والدته وجاي يخرج سمع ضحكه مالك بصوت عالي كل ده وغرام واقفه زي ماهيا

مالك: هههههههههههههههه لا برافو حلو الدور ده وعجبني كمان ياابن امي 

لسه مالك بيقرب من مازن وهيردله القلم دخلت نغم هيا وطلعت

نغم: كفاية بقا غرام انا جبتلك بابي علشان يفهمك اللي حصل

غرام: انتي كنتي عارفة م الاول وكدبتي عليا انا بكرهك 

طلعت: غرام يابنتي انا هشرحلك كل حاجه

الفت: طلعت 

طلعت: خلاص ياالفت الموضوع مبقاش مستحمل مجازفه

مالك: اخلص انا ع اعصابي 

طلعت: انا كنت متجوز قبل كدة واحدة اسمها اسمهان كنا بنحب بعض جدا وكانت صاحبة الفت بس حكمه ربنا وهيا بتولد غرام ماتت ف الوقت ده الفت كانت دايما بتيجي تسال علي غرام وتطمن عليها من وقت للتاني وبعد وفاة مراتي بكام سنه قابلت ثرية شرحتلها ظروفي وحكتلها ع كل حاجة وهيا وافقت وف يوم الفت كانت جايه تطمن ع غرام وغرام فضلت تعيط والفت قعدت جمبها لغاية ماثرية ترجع ومن تعبها نامت جمبها ف الوقت ده ثرية رجعت دخلت لقت الفت نايمه جمبها شكت فينا ومن وقتها وهيا اتغيرت معايا وطلبت الطلاق وقبل مايحصل ده عرفنا انها حامل واضطرت تقعد علشان خاطر الطفل وكان شرط ليها ان الفت ماتدخلش البيت تاني وانا قابلت الفت وحكتلها والفت قدرت غيرتها وبعدت ولما شافت نغم وعرفت انها بنتي فكرتها هيا دي غرام وقتها اتقابلنا وعرفتها ان غرام متعرفش ان ثرية مش والدتها وان غرام مش اختها وطلبت منها انها متتواجهش هيا وثرية تاني لان ثرية اكيد كانت هتجرح غرام وهتفكر ان انا ع علاقة باالفت لانها مرة قالتلي انت كدبت عليا لما قلتلي ان ام غرام ماتت 

مالك: يعني احنا مش اخوات 

طلعت: ابدا والله يابني كل ده سوء تفاهم من ثرية مش اكتر

مازن: عرفت بقا ان امي اعظم ست ف الدنيا يامالك باشا 

مالك: 

نغم: ادخلي بقا ياغرام 

غرام: يعني انا امي ماتت 

طلعت: بس ربنا عوضك باالفت هيا دي اللي تستحق كلمة ماما

دخلت غرام وقربت من الفت ومسكت ايدها : انا اسفه 

الفت: ولايهمك ياحبيبتي 

مازن شد نغم واخدها وراح ع غرفته وطلعت واقف هو ومالك وغرام والفت

مالك: انا اسف جدا ياماما صدقيني لو كنتي مكاني كنتي هتشكي ف نفسك لما فاجاة تكتشفي ان مراتي فاجاة تبقا اختي لا وحامل مني 

الفت: المهم متزعلش من مازن يامالك لو كنت مكانه كنت عملت كدة

مالك: لا مازن انا اتعودت منه ع كدة ف بقا بالنسبالي جرحه عادي

طلعت: انا اسف ياولاد انا السبب ف التوتر اللي حصل ده

مالك: ولا يهمك ياعمي حصل خير

طلعت: هستاذن انا بعد ازنكم

غرام: خليك شوية 

طلعت: معلش مرة تانية انا اسف ياالفت بعد ازنكم

مالك: اتفضل 

مشي طلعت ونزلت الفت قعدت مع مكرم مالك حضن غرام وقال
مالك: اقسم بالله لو الحركة دي حصلت تاني لهفرغ المسدس ده ف دماغك انتي فاهمه 

غرام: واهون عليك 

مالك: وقعتي قلبي يامجنونة اختي اي بس وكلام
فارغ اي وبعدين هو انا اختي هتبقا زي القمر كدة 

غرام: انا مكنتش عارغه انا بعمل اي كنت زعلانة اوي 

مالك: ماعاش لسه اللي يزعلك وانا موجود 

غرام: هنسميه اي 

مالك: هو مين ده ؟

غرام: ابننا 

مالك: لو بنت هسميها ملك 

غرام: طب لو ولد

مالك: هسميييه مازن 

غرام: زعلان منه

مالك: والله مازعلان منه بس القلم كان جامد شوية الواد ايده طارشه ضربني القلم من غير مااخد بالي 

غرام: ضربك ع انهي خد 

مالك: اليمين 

غرام: ع خده اليمين

مالك: لا نسيت الشمال 

غرام: في حاجه تانيه

مالك: لا التانيه دي بعد ماارجع م المشوار ده 

غرام: رايح فين 

مالك: هشوف ابو ايد تقيله ده واصالحه 

غرام: اوك هستناك

مالك: مسافه الطرقة واكون عندك اقلبي 

غرام: 

خرج مالك وراح لمازن خبط ع اوضته فتحتله نغم

مالك: غرام بتسال عليكي 

نغم فهمت وخرجت م الاوضه: حاضر هروحلها

دخل مالك لقا مازن قاعد ف البلكونة وباصص ع البسين قعد مالك قصادة وولع سيجارة وبصله

مالك: لتاني مرة تجرحني بكلامك واسكت 

مازن: 

مالك: عارف يامازن مشكلتك اي 

مازن بصله: 

مالك: مشكلتك ان لما اي حاجه بتحصل بتنسا ان ليك اخ ميقدرش ينام لو اخوه الصغير زعلان منه 

مازن: بص انا كن

مالك: كنت مدايق من كلامي مع امي بس ده ميشفعلكش الكلام اللي قلته ليا انا زعلان منك والله ويمكن حتي مكنتش جتلك بس انا مش عاوز اكسر فرحتي باابني اللي جاي يامازن

مازن: انا 

مالك: من غير ماتعتذر انا سامحتك عارف ليه ؟

مازن: ليه

مالك: علشان دايما الكبير بيسامح الصغير 

قام مازن ووطي ع راس مالك وقبلها وقال: حقك عليا والله انا مش عارف عملت كدة ازاي بس متزعلش مني

مالك: يااخي انا سامحتك بس مش مسامح ايد المخبرين دي لا بجد ايدك تقلت اوي انت بتروح جيم ولا اي

مازن: حقك عليا طب اضربني القلم علشان ترتاح 

مالك: هتستحمل كف من ايد ظابط امن دولة 

مازن: هستحمل والله ع الاقل محسش بالاحساس اللي انا حسه دلوقت اني رفعت ايدي ع اخويا الكبير 

قام مالك وقرب من مازن ومازن بيبصله وثابت مكانه رما مالك السيجارة ودعك ايده

مازن ف سره ; يانهار اسود ده هيضرب بجد 

فجاة مالك حضنه وقال: دايما نيتك وحشه وظالمني يابني انا بحبك وعمري ماافكر ااذيك

مازن باس كتف مالك; ربنا يخليك ليا 

مالك: ويخليك ياحبيبي يالا تعالا بارك لغرام وعقبال مانيجي نباركلك انت ونغم

مازن: حاضر

خرج مالك ومازن وهما حاطين ايدهم ع كتف بعض ودخلو لغرام ونغم

مازن: مبروك ياغرام يتربا ف عزكم يارب

غرام: الله يبارك فيك يامازن عقبالكم انت ونغم

نغم: انشالله ياقلبي 

مالك: انا اتفقت انا وغرام لو ولد هنسميه مازن

مازن: ربنا يخليك ياحبيبي 

نغم: ولو بنت هتسموها نغم 

غرام: هههههههههه لا هنسميها ملك 

نغم: اخص عليكم اشمعنا مازن

غرام: علشان مالك اللي مختاره 

مالك; طب اي رايك بقا لو بنت هسميها نغم علشان متزعليش ياستي

مازن: ههههههههههه لو نغم عرفت انها حامل صدقني لا هتسمي غرام ولا مالك

غرام: ههههههههههه واطية

*****************************
بعد مرور اسبوعين ف النادي

نغم: مازن انا دايخه 

مازن: خلاص نروح

نغم: لا خلاص خلينا شويه 

بعد شوية نغم مش قادرة دوخه ومعدتها مقلوبة

نغم: لا خلاص مش قادرة هرجع  روحني
اخدها مازن ع المستشفي الاول وعرف ان نغم حامل رجع البت فرحان لقا مالك وغرام قاعدين يتفرجو ع التلفزيون والفت ومكرم نايمين

مازن: تارتاتاتاتاتا وهبقا اب وهبقا اب

مالك: والله 

مازن: اه وربنا لسه عارف من شوية 
مالك: الف مبروك ياحبيبي الف الف مبروك

غرام: مبروك يامازن مبروك يانغم

نغم: الله يبارك فيكي ياحبيبتي 

مالك: ها هتسمو اي 

مازن: لو ولد كدة انشالله هسمية معاذ

مالك:

غرام:كبسه

مازن: ههههههههنههههه بهزر هسميه مالك مازن منصور

مالك: حبيب اخوك 

نغم : ولو بنت هسميها كارما علشان الاسم ده انا بحبه متزعليش ياغرام

غرام: ابدا ياحبيبتي تتربا ف عزكم يارب 
**************************
بعد مرور 3سنين ف الجنينه

كارما: بابي 

مازن: اي ياحبيبتي

كارما: مازن شد شعري وضربني

مازن: هههههه مضربتهوش ليه خدي حقك اول بااول

مالك: ياراجل بنتك هيا اللي ضربت ابني ع فكرة بس انا علشان ابني رجولة مرضاش يفتن عليها

مازن: هعههههههههههه كدة جبتلنا الكلام روحي ياحبيبتي العبي مع اخوكي ومتضربوش بعض تاني فاهمه

كارما: حاضر

مشيت كارما ومازن وقعدو يلعبو سوا ونغم وغرام بيجهزو الغدا

مالك: واضح جدا ان بنتك مسترجله 

مازن: تربيتي 

مالك: بكرة هدخل ابني كليه الشرطة واخليه يحبسها خميس وجمعه علشان الضرب اللي بتضربهوله ده 

مازن: وانا هخليها تبقا محاميه وتاخد حقها بالقانون 

****************************
بعد مرور 23 سنه

دخلت كارما كلية الحقوق وبقت اشهر محاميه ف مصر ودخل مازن كليه الشرطة واتولدت قصه حب جديدة والقلب دق من جديد ف فيلا مالك مرة تانيه
**************************

تعديل المقال