رواية حوا وتمضي الايام الفصل الرابع والعشرين 24 بقلم علا احمد
الفصل الرابع والعشرون 
حوا وتمضي الايام 
بسم الله الرحمن الرحيم
صلوا عليه وسلموا تسليما كثيرا
&&&&&&&&&&&&&&&&&&&&
نبيل نزل وفضل يلف كثير على ام الخلول في كل مكان بس طبعا هي مش موجوده غير علي البحر
مسك الفون وكلم فيونكه يمكن يحاول يقنعها انها تغير رأيها عن الطلب العجيب دا
نبيل : حرام عليكي انا بقالي ٣ ساعات بلف في الشارع ومش لاقيها خالص
فيونكه : ماليش دعوه
نبيل بعصبية : هو أي اللي مالكيش دعوه
مش أنتي السبب
فيونكه : لا يا بابا كدبك السبب وعلي فكره لو رجعت من غير ام الخلول هقول لماما الحقيقة وأغلقت الخط
زفر نبيل بضيق شديد : وبعدين بقا في الورطه دى
وفي الاخر استسلم وسافر اسكندريه عشان يجيب ام الخلول ورجع تاتي يوم علي العصر بعد ما جاب كميه كبيره من ام الخلول
فيونكه كانت قاعده وسمعت صوت جرس الباب قامت فتحت كان نبيل وشكله يغني عن اي كلام
نبيل وهو يحدف الشنطه في وشها : امسكي الارف بتاعك
فيونكه وهي تمسك الشنطه بسرعه وتفتحها: اي دا دي مش طازه
نبيل يجز علي أسنانه : صبرني يارب شويه كمان علي البت دي
فيونكه : انا مش بت
نبيل : اومال أنتي إيه
فيونكه : انا فيونكه
نبيل بهدوء : طب يلا يا فيونكه
فيونكه : علي فين
نبيل : علي بيتك وكفايه كدا
فيونكه : دا بيتي يا نبيل ومش هطلع منه ابدا وبعدين انت قلتلي قبل كده انا مستحيل اغصب واحده انها تعيش معايا
فلو سمحت سيبني على راحتي
نبيل : لو انتي راحتك بعيد عني انا راحتي معاكي ومستحيل اسيبك ابدا
فيونكه سكتت و فضلت باصه في الارض ومش عارفه تاخد قرار
نبيل : انا نازل دلوقتي وهاسيبك يومين لحد ما تهدى خالص
نبيل فعلام نزل بس اليومين دول كانوا شهر شهر نبيل كل يوم يطلع لي فيونكه وهي تقول لا والف لا وهو مش عارف يعمل ايه عشان خاطر تسامحه وترجعله ثاني
&&&&&&&&&&&&&&&&&&&
خلال الشهر ده كانت هنا بتجهز شقتها علشان الفرح بتاعها هي وأحمد وتقى كانت معها خطوه بخطوه وكانت مهتميه بها جدا
لحد ما جاء يوم الفرح وكانت هنا سندريلا بفستانها الابيض الرقيق وحواليها اصحابها واهلها فرحانين بيها تقى لما شافت المنظر ده عرفت انها خسرت كثير قوي وانها مستحيل تكون مكان هنا في يوم من الايام وان هي اللي اختارت لنفسها الوضع ده حاسه بخنقه فا طلعت بره القاعه علشان تشم هواشويه وهناك شافت بنت صغيره قاعده على جنب وباصه في الارض وشكلها زعلان
تقى وهي تجلس امامها : مالك يا حبيبتي قاعده كده ليه
البنت : قاعده مستنيه بابا بيجيب حاجه من العربيه وجاي عشان ندخل فرح عمو
تقي : وانت زعلانه عشان كده
البنت وهي تمسك شعرها بزعل : لا عشان كنت عايزه اعمل تسريحه جديده في شعري وبابا مش بيعرف يعمل
تقي : اومال مامتك فين
البنت بدموع : ماما عند ربنا من زمان
تقي وهي تحتضنها بحنان : ياروحي ربنا يرحمها يا رب ويخليلك باباكي
البنت : انت اسمك ايه ؟
تقي بأبتسامه : اسمي تقي وانتي
البنت : اسمي كيان
تقي : اسمك حلو اوي يا كوكي
كيان : وأنتي كمان ثم نظرت كيان خلف تقى بابا واقف هناك و بينادي عليا
تقي وهي تقف : طب روح يا حبيبتي
ذهبت كيان وجلست تقي علي المقعد وهي شاردة كالعاده
في الكوشه عند هنا وأحمد
احمد : عارفه لو قمتي ثاني من مكانك هاعمل فيكي ايه
هنا بضيق : دا فرحي علي فكره
احمد : هو عشان فرحك لازم تقعدي ترقصي
هنا : ايوه طبعا
أحمد : مافيش رقص تاني سامعه ولا لا
هنا بزعل : ماشي
احمد : بحبك
هنا ابتسمت: وأنا كمان
احمد بضحك : زعلك مهزء أوي
هنا بحده : احمد
احمد بضحك : خلاص يا اشرف قلبك ابيض
هنا : بردو اشرف
احمد : اشرف ازيك عامل ايه
هنا وهي تنظر الى الشخص الذي يقف امامهم
اشرف : الحمد لله يا عريس الف مبروك
احمد : الله يبارك فيك عقبالك يا رب
اشرف : ربنا يخليك يا احمد ثم نظر الى هنا : الف مبروك يا عروسه
هنا بخجل : الله يبارك في حضرتك
اشرف : تعالى يا كيان سلمي على عمو و على طنط
احمد : اللهم بارك ربنا ربنا يحفظهالك يا رب
كيان : مبروك يا طنط
هنا وهي تجلسها بجانبها: يا روحي عليكي الله يبارك فيك يا جميله عقبالك
اشرف وهي يمسك بكيان : يلا بقى يا كيان
بعد ما نزل اشرف من جنبهم
هنا بضحك : انت فعلا طلع عندك صاحب اسمه اشرف
احمد : ايوه والله ده اشرف اللي كنت باقولك عليه
هنا : بس اشرف طلع امور و وسيم
احمد وهو يضغط على يدها : طلع ايه ياختي
هنا بضحك : اه آه باقول بنت اشرف انت بتسمع غلط
احمد : ايوه كده اتعدلي
عند اشرف وكيان كانوا قاعدين على ترابيزه لحد ما تقى دخلت وكيان راحت عندها واشرف راح يشوف هي راحت فين
كيان : تعالي اقعدي معايا
تقي : لا تعالى انتي اقعدي معايا انا الترابيزه بتاعتي هنا
اشرف جه : ايه يا كوكي روحتي فين
كيان : تعالى يا بابا شوف صاحبتي تقى
اشرف وهي ينظر الى تقي : اهلا وسهلا
تقي بكسوف : اهلا بحضرتك
اشرف : طب يلا يا كوكي
تقي : خليها قاعده معانا ده بعد اذن حضرتك طبعا
اشرف بأبتسامه : طب يا كوكي اقعدي مع طنط شويه لحد ما نمشي
كيان بفرحه : حاضر يا بابا
وراحت كيان مع تقي وفضلت قاعده معها لحد نهايه الفرح
&&&&&&&&&&&&&&&&&&&&
"ستُدرك الشمعة ذات يوم أنها كانت تحتضن خيطًا أهلكها.
في شقه منه وسند
سند : انا مسافر اسبوع يا حبيبتي شغل مع نبيل
منه : اسبوع طب انا هاروح فين
سند : هتروحي عند فيونكه مرات نبيل لحد ما ارجع
منه : طب ينفع اروح معاك
سند : يا ريت يا حبيبتي بس ما ينفعش والله دا شغل وبعدين كمان انا حاسس ان في مشكله بين نبيل ومراته وانا عايزك تكلمي مراته بهدوء كده
منه : حاضر يا حبيبي من عيوني هكلمها
سند : تسلم عيونك يا حبيبتي هاقوم انا بقى احضر شنطتي وبعد كده تعالى انت كمان عشان تجهزى نفسك وتحضري هدومك
منه : حاضر
سند قام دخل الاوضه وهو بيجهز الشنطه بتاعته لمح شريط دوا فاضي
سند وهو ماسك الشريط : ايه ده هي منه بتاخد دوامن ورايا هي تعبانه ولا ايه
خرج سند من الاوضه كانت منه واقفه في المطبخ : منه انا نازل اجيب حاجه من تحت وطالع
منه : ماشي يا حبيبي
نزل سند وراح عند الصيدليه وطلع الشريط وسال الدكتور عنه
سند : هو دا اي دا حضرتك
الدكتور : دي حبوب منع الحمل
صدمه
صدمه من اقرب الناس ليك بتكون اكثر حاجه بتوجع
صدمه من حد انت عملت عشان خاطره كل حاجه كويسه
صدمه من شخص انت وقفت قدام الدنيا كلها عشان خاطره وعشان تفضل معاه
سند رجع البيت وهو ساكت
منه : ايه يا حبيبي كنت بتجيب ايه من تحت
صمت
منه : في اي يا سند انت ساكت ليه
سند : اقول ايه
منه : تقول ايه في ايه مالك في ايه
سند وهو يخرج الشريط: بتاعك ده صح
منه بخوف : ايوه هو كان بتاعي بس انا قررت ان انا مش هاخذه ثاني والله
سند بصريخ : بعد إيه بعد ايه انا عملت فيكي ايه استحق عليه ده
منه ببكاء : والله غصبا عني انا عندي عقده نفسيه انا مريضه كنت خايفه اجيب بنت ويحصل فيها زي ما حصل فيا
سند : للدرجه دي ما عندكيش ثقة فيا بعد كل اللي انا عملته عشان خاطرك
منه تركع علي ركبتها: أنا أسفه حقك عليا انا واحده غبيه سامحني ارجوك
سند : اسامحك طب ازاي منه انت نهيتي كل حاجه بينا
منه برجاء : لا بالله عليك ما تقولش كده انا باحبك وانت كمان بتحبني
سند : كنت بحبك بس دلوقتي خلاص
منه بخوف : يعني
سند : أنتي طالق
منه دموعها نازله ومش مصدقه نفسها سند طلقها خلاص هي خربت بيتها ضيعت راجل كان مستعد يعمل اي حاجه علشان يشوفها بس مبسوطه
سند دخل الاوضه جاب كل هدومه وحاجته وخرج كانت لسه منه قاعده على الارض زي ما هي
سند : الورقه بتاعتك هتوصلك والبيت ده هديه مني ليكي خليكي قاعده فيه
خرج سند من باب الشقه وقعد على السلم وفضل يعيط كثير قوي
سند ببكاء: ليه كدا يا منه ليه ليه
وبعد شويه قام راح المعرض عند نبيل
سند بحزن : السلام عليكم
نبيل : وعليكم السلام ورحمه الله وبركاته مالك
سند : ما فيش حاجه المهم قولي العربيه طالعه امتى
نبيل : سيبك من الزفت دلوقت وقولي ما لك في ايه
سند : مافيش حاجه شويه مشاكل بس في البيت
نبيل : متأكد
سند : اه هاقولي العربيه طالعه امتى
نبيل : مش عارف والله السواق مش بيرد عليا خالص والحاجه دي لازم توصل النهارده
سند : خلاص هاسوق أنا
نبيل : لا طبعا انت لا وبعدين انت لما طلعت بيها قبل كده كان الصبح لكن احنا دلوقتي داخلين على الليل
سند : ما تخافش اللي بيعرف يسوق الصبح بيعرف يسوق بالليل
نبيل : بردو لأ
سند : ما تخافش عليا هاخد واحد معايا
وبعد جدال كثير بين سندو نبيل
طلع سند بالعربيه
نبيل قاعد في المعرض قلقان وحاسس انه مش مطمئن بعد شويه الفون رن
نبيل. : الو
شخص : حضرتك الاستاذ نبيل اكرامي
نبيل بقلق : أيوه أنا في ايه
الشخص : اخو حضرتك الاستاذ سند اكرامي اللي كان طالع على عربيه نقل العربيه اتقلبت وهو دلوقتي في المستشفى ومحتاجين حضرتك
نبيل بذعر : أخويا
ووووووو
&&&&&&&&&&&&&&&&&&
