رواية أميرة المالك الفصل الثالث والعشرين 23 بقلم اميرة احمد
روايه أميرة المالك....
..بقلمي أميره أحمد
......(البارت الثالث والعشرون 💙🦋)
#روايه_أميرة_المالك_بقلمي_أميره_احمد💙🦋
أميرة كانت داخله اوضتها مهلكه من اليوم لانه كان متعب جدا رمت نفسها علي السرير وكانت بفستنها لسه مغيرته هدومها وكانت مغمضه عنيها من التعب كانت بتحاول تقوم تغير هدومها عشان تنام بس كانت محتاجه ترتاح شويه غمضت ف عنيها وسرحت ف أحدث حياتها الفتره الاخيره كل ده ومحستش باللي دخل الاوضه ف صمت رهيب وقرب منها اكتر لحد م بقا قدمها ورفع ايده وكان ماسك حاجه ف ايده وهيا مش حاسه بأي حاجه قرب منها ولسه هيمد ايده و..... وهيلمسها بس اميره حست قبل م يلمسها واتفزعت من علي السرير
أميره بخضه: هو في حد يدخل علي حد كدا!!!
مالك بضحكه مكتومه: انتي اللي بقا قلبك ضعيف ي أميرتي
أميره برخامه: وبعدين مين سمحلك تدخل اوضتي وجدو بقا يعرف ولا من وراه وجاي ف الوقت ده ليه وعاوز اي
مالك ببرود: ده تحقيق ولا اي انتي غيرتي النشاط وبقيتي محاميه
أميره انتبهت لحاجه ف ايده
أميره: اي اللي ف ايدك ده
مالك: انتي مش ملاحظه ان من ساعه م دخلت الاضه وانتي بتسألي بس
أميره قاصده تستفزه: خلصت
مالك هز راسه بمعني لا
أميره بنفس بروده : طب برا بقا عشان عاوزه اغير هدومي وانام
مالك مستناش منها كلام تاني قام من علي السرير بعد م كان قاعد عليه وفضل يقرب منها بخطوات بطيئه اوي وهيا كل م يقرب خطوه بترجع بظهرها خطوه لحد م وصلت للحيطه وهو حاصرها بين الحيطه وكان ساند ايد علي الحيطه والتانيه لفها علي ظهرها ببطئ كأنه بيلعب علي أوتار مشاعرها وهيا للحظه سرحت ف عيونه الزرقه شافت فيها كلام كتير ومشاعر اكتر بدون اي تردد قربت المسافه اللي كانت لا تذكر اصلا ولفت ايديها حوالين رقبته وغرزت وشها ف رقبته وفضلت مستمتعه بالدفي والحنان والحب اللي اتأكدت اكتر م كانت متأكده انه بيحبها بسبب قلبه اللي اول م خدت اوى خطوه لحضنه فضل يقرع كالطبول وبيوصف مدي فرحته وحبه بيها
همست ف رقبته : انا بعشقك يا مالكي ومالك روحي
مالك بصوت اجش : انا اتعديت مرحله العشق دي من زمان
بعد عنها شويه واداها الحاجه اللي كلن مساكها ف ايده
أميره : اي ده
مالك: افتحي وشوفيها
فتحتها وبمجرد م شافت السلسله فرحت بيها اوي
وكانت هتتكلم بس هو قاطعها
مالك: مكنتش متخيل انك زي م انتي مجتهده ف حياتك هتبقي بالنجاح ده ف شغلك مش قادر اوصفلك مدي فرحتي بيكي والفستان عليكي مش محتاج كلام لان انا سمعت جمله قبل كدا كانت بتقول "ان القالب غالب" وانتي فعلا اللي محليه الفستان من غيرك هيكون بهتان وملوش شكل
أميره بغيظ: م انت زعقتلي عليه مع انه من اختيارك
مالك : كنت غيران من عيون الناس اللي هتشوفك بالجمال ده مكنتش هستحمل نظراتهم ليكي
أميره: ده انت حتي مبصتليش من اول م نزلت وكنت مشغول و..
مالك: كنتي هتتكلمي ف اي ف العربيه
أميره: م خلاص انت مش فاضيل...
مالك حط ايده علي بوقها
مالك: اوعي تقولي كدا تاني انا معنديش اي حاجه افضالها غيرك
أميره وعيونها فيها لمعه غريبه : بجد ي مالك
مالك رفعلها حاجبه
مالك: انتي بتسألي
أميره بفرحه : لبسهالي
مالك خد منها السلسله وهيا لفت وهو رفع شعرها اللي كان شبه خصلات الذهب ولسها السلسله وباس رقبتها بوسه رقيقه
مالك بحنيه : يلا غيري هدومك وارتاحي عشان انتي تعبتي
سبها بس قبل م يخرج من الباب
..هنتكلم بكرا ف اللي انتي عاوزاه تصبحي علي حضني ي أميرتي
أميره: وانت من اهل الجنه يا مالكي
حدفلها بوسه ف الهوا وقفل الباب اول م خرج مالك اتنطتت ف مكانه من الفرحه وفضلت تحسس علي السلسله وعلي رقبتها وخدت دش سريع وغيرت هدومها الي لبس مريح ونامت بس وهيا ف قمه سعادتها
*************************
في صباح يوم جديد ف فيلا العمري
كانت هيا اول واحده تصحي بنشاط ونزلت بس ملقتش حد لسه صحي راحت علي اوضه مالك عشان هيا عاوزه تتكلم معاه وهيا عارفه انه بيصحي بدري خبطت ولما ملقتش رد دخلت بتتلفت في الاوضه بس ملقتهوش سمعت صوت مايه ف الحمام ف فكرت تستناه بس هو ممكن يكون بياخد دش لفت وشها عشان تخرج لقت مالك خارج من الحمام ولافف فوطه علي وسطه وشعره بينقط علي عضلات صدره وكان شكله وملامحه شبه الطفل برغم من عضلاته بس عيونه عيون طفل بيبي صغير سرحت ف هيئته بس للحظه انزار رن ف دماغها عشان ترجع لعقلها وجريت علي الباب وخرجت من غير ولا كلمه وكانت مكسوفه جدا انها شافته كدا وان للحظه فضلت واقفه وبصتله طب هو ممكن يقول اي او او او تفكيرها فضل يوديها ويجبها لحد م مالك نزل واتكلم بغزل
مالك: في حد يجري كدا
أميره بكسوف وخددها حمرا: انا...اناا اسفه مكنتش ..اقصد ادخل من غير م استأذن بس.. اصل ...انا خبط ومردتش ف قولت اشوفك نزلت ولا لسه نايم ..بس.مكنتش اعرف انك ..يعني ..ف
مالك ضحك ضحكه عاليه وكانت خارجه من قلبه فعلا
مالك: بس بس اهدي ليه كل التوتر ده علفكره انا جوزك وانتي مراتي يعني عادي تدخلي وف اي وقت ومن غير استأذان انا بقولك جريتي كدا ليه مش دخلتي ليه
اميره: برضو ولو مكنش ي..ينفع..اني
مالك بمقاطعه: لا ده احنا نعجل بالفرح بقا عشان الكلام ده هانت النتيجه فاضل عليها ٦ او ٥ ايام بالكتير ونفرح ونفرح الكل وغمزلها😉
أميره اتهربت من الكلام لانها مكسوفه : انا كنت عاوزه اتكلم معاك ف موضوع
مالك: في اي اتكلمي
أميره بتردد من رد فعله : انا كنت عاوزه اسافر لماما وبابا اطمن علهم هناك
مالك: لو قولتلك مش وقته ي أميره عشانك وعشانهم
أميره بدموع ف عيونها: انا بابا وحشني اوي ومحتاجه حضن ماما وعاوزه اطمن عليهم كلهم
مالك : اهدي بس مش محتاج الؤلؤ ده ينزل من العيون القمر دي هنتفق اتفاق موافقه
أميره بأبتسامه:مش لما اعرف الاتفاق الاول اوفق
مالك : ذكيه ي أميرتي بصي خليها بعد النتيجه نفرح ونفرحهم معانا ومش انتي بس لا هنسافر كلنا نغير جو ونرجع
أميره بسعاده واضحه: بتتكلم بجد ي مالك
مالك: بجد ي قلب مالك
قامت بسرعه باست خده وطلعت تجري علي فوق
مالك لسه بيستوعب رد فعلها و..
مالك بسرحان: ي بنت المجنونه
وقام زي اللي متخدر وراح علي الشركه
💜💜💜💜💜💜💜💜💜💜💜💜💜
💜💜💜💜💜💜💜💜💜💜💜💜💜
💜💜💜💜💜💜💜💜💜💜💜💜💜
💜💜💜💜💜💜💜💜💜💜💜💜💜
💜💜💜💜💜💜💜💜💜💜💜💜💜
#روايه_أميرة_المالك_بقلمي_أميره_احمد💙🦋
في فيلا العمري بتركيا
وبالأخص اوضه احمد ورباب
احمد: ي رباب اهدي بقا هو كل يوم نفس الكلام قولنا خلاص هيجب الولاد وهيجي
رباب بغضب: لا ي أحمد انا عاوزه اطمن علي بنتي دلوقتي انا بقالي فتره اقولك عاوزه ارجع عشان اشوفها وانت بتغير الموضوع وتتهرب بالكلام في اي انا مش فاهمه
أحمد بهدوء: ولا تهرب ولا حاجه بس انتي عارفه ان الفتره دي صعبه زي م مالك قال ولازم يكونو ف امان
رباب: وانا ولادي هيبقو ف امان ف حضني مش هما ف بلد وانا ف بلد تانيه
احمد: كلها ٥ ايام ويجبها اللي صبرك كل ده مش هتصبري الكام يوم دول
رباب بعند: انهارده يعني انهارده ي احمد انا عاوزه اشوف بنتي وابني انهارده
احمد: لا حول ولا قوه الا بالله العلي العظيم دي مبقتش عيشه دي انا قرفت
وسبها ومشي
رباب بدموع: قرفت مني ي احمد للدرجادي
قامت وسط دموعها وتفكيرها ف ولادها ودخلت اتوضت وطلعت صلت
في غرفه شهاب ولمياء
لمياء: انا مش فاهمه انت ليه مصر تغير الكلام انا مش هقدر ابعد كل ده عن الولاد انا عاوزه ابقا جمبهم
شهاب: ي لمياء ي حببتي ده شغل غصب عني لازم يخلص و..
لمياء بغضب: شغل..شغل.. شغل.. هو مفيش غير الشغل كل م اكلمك اني عاوزه ارجع للولاد تقولي شغل
شهاب: انتي ليه مش قادره تفهمي انه شغل فعلا هو كل يوم ف النكد ده
لمياء: انا نكد ي شهاب
شهاب: مفيش فايده
وسبها ونزل
في غرفه ايمن وانعام
ايمن : خلصنا ي انعام خمس ايام وكلهم جايين اي لزمته الكلام ده كله
انعام : لازمته اني عاوزه اشوف ولادي ي ايمن
ايمن: م قولنا جايين
انعام : انا مشوفتش ولادي من ٣ شهور تقريبا انا محتجاهم
ايمن: محتجاهم ف اي
انعام بصوت عالي بعض الشيء : محتاجه حضنهم انا ولادي وحشوني وعاوزه اطمن علي ياسين ي ايمن
ايمن مش عارف لا يطمنها ولا يطمن نفسه ولا يهديها ولا يعمل اي معرفش يرد عليها سابلها الاوضه ونزل من غير م يرد عليها
في غرفه شاكر ودولت
شاكر : هتفضلي مش بتكلمي معايا كد كتير
دولت :.........
شاكر بغضب : هو انا مش بتكلم ولا انتي مش سمعاني
دولت: .........
شاكر بزعيق: دي بقت عيشه تقصف العمر
ورزع الباب ونزل
في غرفه عزت وكامليا
عزت: ي كامليا
كامليا بمقاطعه : برا ي عزت
عزت بغيظ: انتي بتترديني ي كامليا
كامليا: اه لما تقولي الحقيقه ابقا اسمعك
عزت: وانا قولتلك انهم مشغولين واول م النتيجه تظهر جايين
كامليا: يبقا برا ي عزت مدام انت مصر علي الكذب
عزت: كذب هيا حصلت كذب
كامليا : برا ي عزت قولت
خرج وسابلها الاوضه ونزل
في الرسيبشن
احمد بضحك : اي ي بيضه انتي متنكد عليكي 😂😂
شهاب بغيظ: اسم الله عليك 🤬
ايمن وهو داخل عليهم
ايمن: دي حفله تنكيد جماعي ولا اي 😳
عزت من وراه: مش فارقه كلها محصله بعضها
شاكر: دي مؤامره علينا بقا 🤕🤒
احمد بضحك عالي :كملت بأمانه 😂😂😂
شهاب بأستغراب: انت مالك مش عاجبني 🤨
احمد: اكمني اتنكد عليا قبل الكل انا اللي خدت وش الاقفص
عزت: اكسكيوزمي انا مطرود 😁😁
ايمن: ومالك مفتخر كد ليه😂😂
شاكر : هات يبني الوسام من عندك للمطرود ده 😅
عزت: مش حلوه ي حلو
احمد: يلا نسهر انهارده سوا
شهاب: بما اننا هنام علي السلم يعني
شاكر: بظبط ي بطل منك ليه
ايمن بضحك: ده منظر رجاله وعندها فوق الخمسين سنه
عزت: لا اكسكيوزمي من ناحيه رجاله ف احنا رجاله اوي
احمد: ي شيخ اتوكس جيبلنا العار ديما 😂😂
شهاب: انت حافظ الكلمه جديد ولا اي
شاكر بضحك : ده انجليزي ده ي مرسي😂😂
*************************
ريم نزلت الصبح هيا وهدير
ريم : صباح الخير
نغم : صباح النور علي عينكم
فاطمه: صبااحو
وعد: انتي بتصبحي علي سواق تاكسي
ليليان : وحياتك م حصلت سواق توكتوك
ضحكو البنات كلهم
همس: امال فين منه وأميره وعشق
لمار : اكيد لسه نايمين
كارمن: انا هقوم اشوفهم
حور: ما تخليهم يرتاحو شويه
غرام : لا نوم اي ده انا م صدقت خدنا انهارده اجازه مش هننزل النادي ولا اي
ريم : انا كنت هروح انا وهدير
فاطمه: اخس علي التربيه لوحدكم
ليليان: اندال
لمار بضحك : اندال اندال اندال
همس: والله م فيكم جدعاان
كارمن: بس ي بنتي اي الكلام السوقي ده
حور: بيئه
لمار بضحك: سوقي ده انتي اللي معرفهالنا
كارمن ببراءه مصطنعه : انا...
همس: اه انتي ي كارو
غراام: باااس ملوش لازمه الكلام ده يلا كل واحده تطلع تلبس لبس النادي وانا هصحي أميره وعشق ومنه
ريم: اشطاا
كارمن: اشطا ي معلمي
غرام: بيئه
طلعت كل بنت تلبس لبس رياضي
وغرام صحت البنات وكلهم لبسه واتجمعو قدام الفيلا
أميره: احنا مس هنفطر ولا اي انا جعانه
عشق: ومين سمعك وانا جعانه اوي
منه: وانا هموت من الجوع
همس بصراااخ: جعااااااااانه
غرام: اي ده كل ده صوت يلا ونفطر ف النادي
وعد: يلا
فاطمه: يلا
وركب البنات علي عربيتين وراحوا النادي
💙💙💙💙💙💙💙💙💙💙💙💙💙
💙💙💙💙💙💙💙💙💙💙💙💙💙
💙💙💙💙💙💙💙💙💙💙💙💙💙
💙💙💙💙💙💙💙💙💙💙💙💙💙
💙💙💙💙💙💙💙💙💙💙💙💙💙
#روايه_أميرة_المالك_بقلمي_أميره_احمد💙🦋
اما عن ياسين ف اتجه الي شغله لكي يعمل علي قضيه بها الكثير من الغموض والمتاعب ولاكن من ليه القدره علي التصدر لوحش الدخليه فهو ياسين السيوفي الذي لم يقف امامه اي قضيه ف دخل لرئيسهم ف العمل
صالح : اهلا ي بطل
ياسين: تلميذك ي باشا
مازن: هو انا هو هنا ولا اي
صالح: بس ي بابا
ياسين بضحك: محدش بيعملك حسااب 😂😂
مازن ببلاهه: انت خدت بالك😅
ياسين بضحك: يووووه من زمان 😂😂
صالح بجديه: نركز ف الشغل بقا
ياسين: اتفضل ي فندم
صالح : جالنا اخبريه ان في واحد اسمه داغر البلتاجي بيهرب سلاح ومش بس كدا لا ده كمان مخدرات وضعاره يعني كل حاجه تتخيلها بيعملها
ياسين: واكيد مش هو أساس الموضوع في اللي بيحركه
صالح: اكيد ودي مهمتك انت ومازن ولو محتاج حد معاك ا
ياسين بمقاطعه : لا حد اي كفايا ميزو عليا
مازن بضحك: شوف لو هشحت كدا محبش في الدنيا قده
ياسين: انا غيرت رأى انا لوحدي كفايا
مازن: واطي
ياسين: بتقول حاجه
مازن : ابدا ي وحش
صالح: دي كل الأوراق اللي فيها معلومات عن القضيه وعن اي حد له علاقه بالموضوع ده والباقي عليك ي وحش
ياسين : تمام ي فندم ف اقل وقت المعلومات كلها هتبقامعاك
صالح : وانا واثق فيك يا ياسين
مازن: اخلع انا بقا
صالح: اخلع يبني احترم نفسك انت ظابط
ياسين: وحياتك م حصل ظابط ايقاع😂😉
مازن انت شاكك ف قدراتي
ياسين: انيل انيل وحياتك انا متأكد مش شاكك
مازن بدراما : الغي رحلتي هذا وصفني بعدم التهذيب وهذا غير لائق بالمره
ياسين: يلا ي حيوان قدامي
ليكمل سلام ي باشا
صالح بضحك علي أولاده لانه يعتبرهم مثل اولاده واكثر
صالح :سلام يبني
في مكتب ياسين ومازن
ياسين بعد ما راجع الأوراق
ياسين: مش محتاج اقولك علي اللي هتعمله
مازن: اكيد بس ميمنعش نراجعه😂😂
ياسين: تجمعلي كل المعلومات عن حياه داغر كل حاجه وكل علاقاته بأي حد داخل او خارج البلد واي اسم موجود ف الأوراق دي وفي اقل وقت ممكن
مازن: علم وينفذ يا وحش
استعد ياسين للذهاب وكان خارج من باب المكتب بس وقف علي صوت مازن
مازن: انت رايح فين
ياسين: رايح الشركه اشمعنا
مازن بدراما: اخس عليك من غيري ي خاين
ياسين: هو انت مراتي يلاا اي اللي من غيري دي
مازن بتمثيل : ايوه ايوه انكر بقا طب وابنك اللي في بطني يا خاين
ياسين: م عشان انتي وسخ** ي حبيبتي
مازن بصدمه : عشان وثقت فيك ابقا وسخ** ي ياسو
ياسين: لااا انا جبت اخري منك لو نطقت كلمه ياسو دي تاني هتزعل وانت عارف زعلي كويس يلا لو هتيجي معايا يا نحنوح
مازن: انت تؤمر يا وحش يلا
*************************
في الشركه
ادم دخل علي مالك المكتب
مالك : اخر مره تدخل من غير استأذن
ادم: اوامرك ي king 👑
دخل وراه فارس علي طول
فارس: مش اتفقنا هندخل سوا ي غبي
ادم ببراءه: احنا اتفقنا علي كدا
مالك : خير
ادم ببراءه مصطنعه : ابدا واحنا اللي كنا جيين ف خير يعني
فارس: لا لا استني لما كلهم يوصلو
عدي و وليد: خير
زين و ادهم : شكل في حاجه مهمه
رعد وهو داخل عليهم ومعاه معتز والاتنين اتكلموا في صوت واحد : استر يارب
ياسين وداخل وراه مازن
ياسين: ده اكيد اجتماع مغلق😂
فارس: بص بقا ي بطل منك ليه كل واحد منك ليه المدام بتاعته
ادم و هو موجه كلامه ل مازن و وليد: طبعا الكلام مش ليكم ي سناجل يا بأسيين
مالك: اتزفت كمل
فارس: كلهم راحوا علي النادي واللي عرفته من مصادري الخاصه ان هما التدريبات كابتن اللي بيدربهم و عينه ذايغه و بصباص
ادم: و اللي لازم يتعمل بعد الكلام ده وجودنا معاهم للأمان
فارس : و لا انت اي رأيك ي king 👑
ادم: وانا كلمت طارق و حازم و حمزه وزمانهم اتحركو
زين اللي دخل عليهم فجاه: اللي سمعته ده صح
فارس: يوه صح الصح
ادم : عشان كدا بقول ناخد اجازه انهارده ونفسي اليوم ليهم
مالك: يلا
معتز: يلا اي ي مالك
رعد : مستني اي لما يبص لوحده فيهم انا مش هسمح لده يحصل يلا
مالك : يلا من غير ولا كلمه
نزل الشباب كلهم كأنهم رايحين ماتش ملاكمه كان شكلهم مضحك وكل واحد خارج و واخد وضع المهاجمه علي طول واتجه الي النادي
كانت البنات في النادي لاداء التمارين وممارسة الرياضه
لمار بضحك: هاا ي بنات مستعدين لكابتن شادي
ريم: اصلا بني ادم نحنوح كدا
هدير: عندك حق انا مش مستريحاله من ساعه م شوفته
همس بضحك : يبنتي ده المفروض انتي وهيا الواحدين اللي تتلحلحو كدا انتو سناجل والكابتن سنجول
حور بمقاطعه: مفيش فايده
أميره: هو ده الكابتن اللي اهاا المز
مالك من وراها : مز!!
أميره بتلف لقت وراها جيش شبه التتار😅
كان مالك وزين وياسين وفارس وادم ومازن ووليد وحمزه وحازم ومعتز وطارق ورعد وعدي وادهم
أميره بخضه: اي ده سلامآ قول من رب رحيم
مالك: اي مالك شوفتي عفاريت ولا اي
اميره: ابدا ..اصل ..اتفاجات هو في حاجه ولا اي
فاطمه بضحك: انتو عندكو خناقه ولا اي 😅😂
نغم بضحك عالي: شكلهم رايحين خناقه ومستعدين 😂
رعد: انتو واقفين كدا ليه
عشق: مفيش كنا راحين التدريب
مالك: تدريب اي
لمار: الدفاع عن النفس ي لوكي
ادم بدراما : وانا روحت فين ي فرنساا😉
فارس: طب تمام يلا نتدرب كلنا
همس: هو انتو محتاجين التدريب😉
فارس: اه ي لمضه يلا وانتي ساكته
مالك لاميره بهمس: لينا كلام بس لوحدنا
اميره بتوتر : بس انا معملتش حاجه
مالك: انا اللي عملت وهعمل ي حببتي
دخلت البنات الاول
الكابتن(شادي): صباح الخير ي قمرات
قبل م البنات ترد كان الشباب داخلين ورا بعض كأنهم بيعملو استعراض عضلات وكل واحد فيهم كان داخل ولاب الترنج الرياضي وكانت عضلاتهم واضحه وتخوف اللي ميخافش
وليد بهمس لمازن: صباح الخير ي مرحوم😅
مازن: مكنش يومه ي حبه عيني 😂
ريم: وانت مالك فرحان كدا ليه😅
مازن: انتي فرحانه ليه
هدير: عشان لا انا ولا هيا كنا طايقينه
وليد: عشان كدا الضحكه من الودن للودن
ريم بضحك مكتومه: اصل شوف كام ضرفه هيعلمو عليه😂😂
هدير: يلا كان ابن حلال ويستاهل كل خير
وليد: يساتر يارب ريا وسكينه😳
ريم: ده احنا هنروقوكي يا شابه😂😂
مازن بغمز: وانا موافق😉
هدير: بس شويه بقا خلينا نركز في المباراه
شادي : اي ده ي شباب ده معاد تدريب البنات انتو جداد
مالك: ابتدي تدريب وانت ساكت
شادي : مش هينفع لل التدريب بعدد معين
مالك: اظن انك سمعت انا قولت اي
شادي بخوف بعض الشيء: تمام
شادي بنظره منحرفه : تعالي ي منه
زين بيغلي من جواه : اشمعنا ابتدا بمنه يعني
مالك: اهدي ي قلب اخوك متتعصبش
شادي : انهارده هنتعلم حركه المهاجم لما يهجم عليكي من ظهرك يعني لو اللي بيهجم عليكي بيكتفك من ظهرك انتي لازم تبقي هاديه واثقه من نفسك انك هتقدري تتغلبي عليه وف حركه سريه تنزلي من تحت يعني تفلتي من ايده لتحت عشان يبقا صعب انه يتحرك بيكي
وابتدي يشرح بالتفصيل عن الحركه وازاي هينفذوها كلهم
وهو بيدربها علي الحركه في اقل من ثانيه كانت منه بحركه مفاجأه من شادي كان ضهرها لازق ف صدر شادي مما خلاها تتضايق من تصرفه وما ان كادت ان تتكلم لقت شادي يفترش الارض وكان زين يعتليه
زين بغضب جامح: وحياه امك م هخلي فيك حته سليمه
اخذ يضرب فيه بكل غضب وغيره وكانت البنات انضمو علي بعض وكان الخوف سيد الموقف
مالك بصرامه: كفايه ي زين
زين مكمل اللي بيعمله ولا كأنه سامع حاجه
مالك ببرود : انت مسمعتنيش قولت اي
زين بغضب وانفعال مسك منه من ايديها بأنفعال وشدها وخرج بيها كالثور الهايج
مالك : يلا
خرج الجميع من غرفه التدريب
جلس جميعآ بالنادي معادا زين ومنه اللي محدش يعرف هما لسه ف النادي ولا فين
عند منه وزين
فضل شاددها من ايدها بقوه وضاعت علي ايدها جامد وكل تفكيره ي ال**** اللي قرب منها بالطريقه دي حتي لو بيدربها محدش ليه الحق انه يقرب منها لانها من ممتلكاته الخاصه دخلها العربيه وساق بسرعه كبيره وهيا هتموت من كتر الخوف والقلق بتجاهد عشان تطلع صوتها بس صوتها مش مطوعها
واخيرا.....
منه: زين خفف السرعه
زين ولا كأنه سمعها وبيذيد في سرعته اكتر
منه بخوف حقيقي: زين كداا هنموت بقولك هدي السرعه
منه بصراخ ورعب حقيقي: زيننننننن
