رواية حدوتة حب الفصل العشرين 20 والاخير بقلم مريم عبدالرحمن

رواية حدوتة حب الفصل العشرين 20 والاخير بقلم مريم عبدالرحمن

  ____________________

بعد قراية الفاتحه...
ريان / ينفع اخد خطيبتي نقعد ف اي كافيه؟
مالك بضيق / مش خطيبتك لسه الدبل متلبستش
ريان / انا بكلم عم رفاعي
رفاعي / بص يا ابني هو مينفعش انتوا ملبستوش الدبل فعلا بس انت شكلك ابن ناس انا هسلمهالك امانه
ريان فرح / تمام يلا يا انسه مايا
مايا بابتسامه / يلا
سيده / انا هشرب بقا كوباية قهوه مع نرمين و هنمشي
ريان بضحك / اتفقتوا مع بعض اوي الحمدلله
سيده بضحك / طبعا و انت كمان يا زين م اختارت اهل و بنت

ريان ابتسم و خرج من البيت و وراه مايا ..
ريان / تعالي بقا نقعد ف كافيه يا عروستي
مايا بضيق / كافيه؟؟
ريان باستغراب / اومال منتظراني اخدك البيت يعني
مايا بزعيق / احترم نفسك انا اقصد جعانه روح مطعم
ريان بضحك / اهدي بهزر بهزر
مايا بضيق / والله اطلع اقولهم غيرت رأيي
ريان / لا لا خلاااااص
مايا بثقه / يلا امشي وديني ماك جعانه اوي نشفت ريقي
ريان بضحك / اركبي العربيه اركبي

ركبت مايا العربيه و مشيوا راحو المطعم و طلبوا الاكل و قعدوا ياكلو

ريان بجمود/ كنت عاوز اكلمك ف موضوع مهم يا مايا
مايا / اي خير؟
ريان / مايا بما ان كل حاجه فالحلم حصلت كل الاحداث و الاشخاص معظمهم حصل مش ممكن موتي يحصل؟
مايا يضيق / ريان انت قولت ان معظم الحاجات حصلت و الحاجات الحلوه بس هي اللي حصلت فالواقع يعني الحاجات الوحشه زي ان رفيقه مش امي و مروان اللي خاطفني كل الحاجات الوحشه محصلتش خلينا نعيش حياه حلوه فالواقع بتاعنا بلاش حتى تفكر ف كده
ريان / مش عارف بس انا حاسس ان أحلامنا ده ليه علامه مهمه انا مت بسبب اني حبيتك و طلقت رفيقه فالحلم؟؟ مش يمكن الحلم بيدينا فرصه ان قربنا من بعض غلط
مايا / ريان ارجوك متفكرش ف كده
ريان بضيق / انا حبيت بس اكلمك فالافكار اللي بفكر فيها
مايا بابتسامه / انسى يا ريان احنا دلوقتي بنعيش احلى حدوتة حب مش محتاجين الاحلام
ريان مسك ايدها / انا بحبك اوي يا مايا
مايا بنرفزه مصطنعه/ ولا ابعد ايدك هبل ده ولا اي بتمسك ايدي ليه
ريان بضحك/ بمسك ايد خطيبتي
مايا / تقدر تقولي فين الدبله؟
ريان/ هجبهالك عنيا هنحدد خطوبه و نعمل خطوبه كبيره و البسك الدبله
مايا بابتسامه / شوف الدنيا بتمطر برا؟؟
ريان / استني في بياعة ورد هروح اجبلك ورد اي رايك
مايا / الدنيا بتمطر هتتبل
ريان بابتسامه / مش مهم يا ستي فداكي

خرج ريان و عدا الطريق يجيب و هي بصه من ازاز المطعم الشفاف و مبتسمه و فرحانه و بصلها ريان بصه جميله جداً و هو بيشتري الورد و اشتراه و هو بيعدي الطريق و باصصلها عربيه فراملها كانت بايظه و مش عارفه تقف و للاسف العربيه داست ريان فجأه
مايا بصدمه / ريان

قامت مايا بسرعه و هي بتعيط خرجت من المطعم و جريت عليه و الناس كلها اتلمت و الارض كانت ملياننه دم و الورد عليه دم ..
ريان / ب..بح..بحبك حدوتنا...م..مخلصتش
مايا بعياط / ريااااان اصحاااااا انا هموووت من غيييرك متعملش فيا كده ..طب يااارب فوقني من الحلم و انا هبعد عنه هو مااات بسببي انا مشؤووومه ريااااان قوووووووووم قوووم انا لسه مقلتلكش بحبك رياان انا بحبك قووم عشان خاطري لسه كنت هتلبسني الدبله و كنا لسه هنتجوزز و هنخلف عشان خاطري قوووم قوووم و هبعد عنك طيب و مش هتموت بسببي اكيد ده حلم يارب انا عاوزه افوووق لأ يا ريان انت هتقوم
../ ي انسه حرام مش كده احنا طلبنا الاسعاف ابعدي

مايا كانت حضناه ...

مايا بقهره/ لا مش هسيبه و لا هو هيسبني انا بحبه و هو بيحبني نصيبي معاه والله ده كابوووووووس كابوووووووس

____________________
صحيت مايا فالمستشفى مخضوضه ...
مايا / انا فين
علياء / مايا
مايا بفرح / ده كابوس؟؟ ريان مماتش؟؟زي المره اللي فاتت
علياء بتوتر / ده مش كابوس ريان مات يا مايا
مايا بزعيق / مماتش بقولك مماتش

علياء مسكتها بسرعه و رفضت انها تقوم لكت مايا زقتها و قامت و خرجت

مايا بزعيق ف وسط المستشفى /رياااااان رياااااان

فارس شاف مايا بسرعه مسكها
فارس / مايا اهدي ده مش حلم ريان مااات
مايا اتصدمت و بصتله/ حتى انت ؟؟ ريان قالي مش هسيبك
فارس / مايا انا اسف لازم تتقبلي ريان مات فعلا انتي اغمى عليكي و جيتي هنا اما هو راح عالمشرحه اسف اني بقولهالك ف وشك بس يا مايا كفايه اوهام و احلام و حواديت الواقع مفييهوش حواديت محدش بياخد كل اللي هو عاوزه لا انا ولا انتي و لا غيرنا بياخد اللي هو عاوزه و يبني حياته زي الحواديت ارجوكي فوقي كلنا نفسيتنا بتنهار مش انتي لوحدك ارجوكي افهمي الواقع حقك تزعلي عليه و تعيطي بس متقوليش ان الواقع غدار
مايا بعياط / انا مليش دعوه ب كل ده انا معملتش حاجه غير اني حبيت و قولت عاوزه اعيش حياه حلوه يارتني كنت بعدت عنه كان ممكن ميموتش
فارس حضنها / مايا متزعليش ده نصيب و قدر اللي ربنا كتبهولنا

مايا سكتت لكن سكوتها ده بسبب حقنة المهدأ اللي فارس ادهالها ف رقبتها و نامت مايا ف حضنه و شالها و دخلها اوضتها ..
فارس فضل باصص للملاك اللي نايم عالسرير حاسس ان قلبه بيتبسط اما بيشوفها هو عارف ان عمر ما قلبها هيتفتح لحد دلوقتي و اكيد مش هتحبه هو بعد ريان هو طول عمره بيحب حاجات مش من حقه برده بس هو كمان مش هيؤمن بالامل و الحواديت هيكفي بالواقع و هو الدكتور بتاعها و لازم يفضل جمبها
اتنهد فارس و قام و خرج..
علياء بدموع / هي كويسه
فارس بتنهيده / معتقدش بس لازم تفضلي جمبيها
___________________
عدا الوقت و بقت مايا ليها جلسه نفسيه مع دكتور فارس بسبب نفسيتها الوحشه و واعتقادها بانها مشؤومه..
(الاسبوع التاني من الجلسه )
فارس / ياريت تبقي كويسه النهارده

مايا شاورت ب لأ

فارس سرح ف تفاصيلها و جمالها و هي سرحانه حس بشعور مختلف تجاهها عكس اللي ممكن يشعره مع اي مريض اسوء من حالتهة حتى .. نظرته او دقات قلبه تجاهها اكبر بكتير من مجرد مريضه ازاي يقنعها انها مش مشؤومه و انها احلى بنت فالدنيا كان عارف و هو بيتنهد كل مره بيسمعها انه لازم ياخدها ف حضنه بس مش مجرد شفقه قلبه لما بتيجي عينه ف عينها بيدق جامد اوي عارف ان قلبها مع غيره بس ازاي؟ بتؤمن ب حب واحد تحت التراب؟ احساسه تجاهها كان اكبر مم كده مليون مره هو عارف انها حساسه و مينفعش يقولها حاجه زي كده هي متعلقه ب روح ريان ف قلبها
______________________

بعد مرور سنه 

يا صباح الرعب الساعه ٦ و على المقيمين داخل مدينة الرعب المحافظه على فروق التوقيت درجة الحراره ٤٦ و ده كويسه للزواحف.....
علياء فصلته..
علياء / مايا قووومي معاكي ميعاد مع دكتور فارس
مايا بفرح / اه صح النهارده السبت جلستي مع فارس
علياء باستغراب / حد يبقا بيروح لدكتور نفساني يفرح كده؟؟؟
مايا بتنهيده/ يمكن شعوري و قلبي بيرتاح اما بتكلم معاه
علياء بابتسامه/ انا كمان وحشني مالك سافر و مبقاش بيكلمني كتير كان الشخص الوحيد اللي قلبي بيرتاح اما بتكلم معاه
مايا / طبعا الاخ ده حاجه تانيه هبقا اكلمه النهارده و نكلمه سوا
علياء / تمام يلا قومي عشان متتاخريش

قامت مايا لبست بنطلون جينز و شميز ابيض و عملت شعرها ديل حصان غالبا مبتحطش ميكب بس يوم السبت بتحط ميكب خفيف عشان ...اووف اكيد عشان ده اليوم الوحيد اللي بتخرج فيه
مايا بتنهيده و هي بصه فالمرايه بتحط لمستها الاخيره و هو الروج/ وعد مني انا مش هفتح قلبي لحد تاني ارجوكي يا مايا لاء خليكي فالحدوته لوحدك انتي و بس وعد يا ريان قلبي مفتاحه معاك حتى لو بينا مسافات انا هفضل بحبك

مدت ايدها مسكت صورته..
مايا / هفضل احبك طووول عمري بس اعتذر لو حنيت ل فارس هو شخص حنين اوي و بيحتويني و متقبلني ب كل عيوبي و بالماضي بتاعي يارب يكون هو كمان بيحبني هو اقنعني اني مش مشؤوومه و ان ده قدر و نصيب سلام يا احلى شخص ف حياتي 

مسحت بايدها عالصوره خوفاً يكون عليها تراب و سابتها عالكوميدينو و خرجت ..
وصلت عيادة دكتور فارس ...
مايا / دكتور فارس ف اوضته
../ اه الدكتور مستنيكي
مايا / تمام

دخلت مايا الاوضه...
مايا بابتسامه / فارس
فارس بفرح/ قررت النهارده اخدك مكان تعرفي تحكي فيه كويس ك تغيير للموود بتاعك مينفعش كل مره فالعياده
مايا باستغراب / فين مثلا
فارس بخبث / عالبحر
مايا بضحك / احنا عندنا نيل
فارس / هنروح اسكندريه اخلصي تحبي اشتريلك اي؟؟
مايا بضحك / دكتور مجنووون والله
________________
بليل عالساعه ٩ على شط عروس الاسكندريه ف جو هادي و ممتع و هدوء فظيع بين فارس و مايا باصين عالبحر ..
فارس / طيب اقوم بواجبي ك دكتور
مايا / اي؟؟
فارس / احكيلي الاسبوع ده حصل معاكي اي فكرتي ف اي او ف مين

مايا بابتسامه / فكرت فالحب و ف ريان عارف الحب ده شئ مخيف جداً يا فارس انا لحد دلوقتي مقتنعه ان الحب ده حدوته عارف ليه ؟
فارس بابتسامه/ ليه
مايا / عشان الحب ده احلى حاجه فالدنيا تشغل افكارك و شعورك و كمان بتكون البطل اللي فالحدوته دي و انت اللي بتحكيها صح هو حقيقي القلب ميحبش مرتين؟؟؟
فارس بضحك / القلب ممكن يحب ١٠ بس ده من تجاهي اما ك بنت او امرأه فالراجل اللي يدخل قلبها ميخرجش غير بصعوبه و تقدر تحب الاحسن منو كمان
مايا / انا اقتنعت بحاجه.. القلب يا فارس هو نفسه الشعور و مجرد م شعورك مع الشخص ده بيزيد و بتحس معاه ب امان و بتفرح اما تشوفه او تكلمه او الشخص ده بيحتويك يبقا ده حب الحب ده شعور جميل انا عيشت احلى حدوتة حب و هفضل اقوول كده طول عمري كان بطلها ريان احب اختم كلامي بحاجه القلب بيحب اللي يحبه

فارس باستغراب / مكنش ده كلامك من اسبوع
مايا / غيرت كلامي عشان ريان كلمني
فارس / كلمك؟؟
مايا بابتسامه / ريان جه قالي متستنينيش انتي اميره و كملي الحدوته بتاعتك قالي اني احسن اميره فالدنيا
فارس بابتسامه / و قرارك ؟
مايا ب حب/ قررت اكمل الحدوته مع الشخص الصح ي فاارس 
_____________________
من اغنية .. بيني و بينك (محمد سعيد)

بيني و بينك حدود و بلاد و بحور و سفر
بيني و بينك شقوق و غياب و سكون و قدر
بيني و بينك مراكب كانت سايره بينا

بيني و بينك انا ظالم و عدلت فينا

صوتي مش طالع قلبك راح و مش راجع مهما تنادي مش سامع لاني بعيد 
خوفي بيمنعني قربك مني بيكسرني لوحدي بشوفك و بتجيي بدون مواعيد 
صوتي مش طالع قلبك راح و مش راجع مهما تنادي مش سامع لاني بعيد
خوفي بيمنعني قربك مني بيكسرني لوحدك بشوفك و بتيجي بدون مواعيد 
كنت لي من بين الكلام نبرة سكوت كنت لي بيت بس الامان كان فيكي موت 
كنت لي حرب و ناس ساعات مبيسندوش
ليه شوفت فيكي كل يوم و معشتهوش
كل الحارات فاكره هزارنا و ضحكنا

كل الحكاوي و الغناوي تضمنا

انتي وانا و الليل بيسكت فالضلوع
مهما تنادي مفيش سبيل تاني لرجوع

صوتي مش طالع قلبك راح و مش راجع مهما تنادي مش سامع لاني بعيييد
خوفي بيمنعني قربك مني بيكسرني لوحدي بشوفك و بتيجي بدون مواعيد ..بدوون موااعيد

النهايه 
خلاصة الكلام اوعى تتشاءم من نفسك كمل حياتك لان النصيب و الخير ربنا كاتبهولنا كملوا حدوتة حياتكوا و اللي بيحبوكوا بجد هيبقوا عايزين نفس القرار كمل الحدوتة متوقفش حدوتة حياتك مهما كانت 
هستنى منكو هابي مسدج و ريفيو للروايه هحطها ف البوم صور و هنزلها عشان تبقا ذكرى حلوه انتظروني بعد رمضان رواية نهر العشاق 
هتوحشوووني 
الكاتبه و المؤلفه مريم عبدالرحمن

تعديل المقال