رواية ماسة في يد القاسي الفصل العشرين 20 بقلم ملك رامز
لجين بصدمة : بابا
احمد بتمثيل : لجين حبيبتي انتي وحشاني جامد
لجين بإستهزاء وصوت منخفض : لاء واضح
احمد وهو يقترب منها ويحتضنها بحنية : وحشتيني يا بنتي كنت ناوي ازوركوا من زمان اوي بس مقدرتش عشان الشغل وكده
بادلته لجين الحضن لإشتياقها لحنان الابوة الذي لا يشعرها به : وانتَ كمان واحشني يا بابا
ابتعد احمد عنها وامسك بيدها ليجلسوا على الاريكة : ازيك يا حبيبتي مبسوطة مع ليل
لجين بإبتسامة : اوي اوي
ليل : طب هسيبكوا لوحدكوا شوية وراجع
اومأت لجين له انتظر احمد اختفاء ليل ليلتفت احمد لها بسرعة : لجين انا عاوزك بحاجة
لجين بسخرية وهي تتمتم بداخلها : وانا الي قولت تغير وحس بقمتنا ده طلع جاي عاوز حاجة
لجين ببرود : حاجة ايه
احمد بطمع : انتِ عارفة انو جوزك بيلعب بالفلوس لعب وانا محتاجهم اوي وعاوزك تجيبيلي منه على أساس انو ليكي بس هيبقى مبلغ كبير اوي
لجين وهي تقف بذهول : نعم عاوز ايه
احمد بتهديد : ايه مش هتجيبي
لجين برفض قاطع : لاء مش هجيب
احمد : هترفضي طلب لبباكي
لجين بسخرية : على أساس انو انت محسسنا بكدة ده حتى انا بقيت بنسى انو ليا اب عايش هوا احنا عملنالك ايه عشان تعاملنا كده انا واختي غيرك كتير بيتمنوا يكونليهم عيال بس انت ندمان انك جبتنا وكل يوم والتاني كنت نازل فينا ضرب وكأننا حيوانات معندناش احساس
احمد بكره : مش لازم تعرفوا بكرهكوا ليه بس لازم تبقوا فاكرين اني مبحبكوش لا انتي ولا حتى اختك ومش عايز فلوس منك اصل اقرف اخد منكو حاجة . وخرج بعد ان بث كلامه المؤلم لإبنته
جلست لجين على الاريكة وهي تبكي بألم على قسوته معهم فطالما تمنت ان يكن اباها رجل لا يوجد بمثل حنانه عليهم ولكن القدر اتى بما لا تتمناه
تقدم ليل منها بعد ان رأى احمد يخرج من عندها فوجدها تبكي ليركض اليها : لجين حبيبتي في ايه هوا حكالك حاجة قولي يا حبيبتي مقدرش اشوف دموعك وافضل ساكت
لجين بكذب لكي لا يأذي والدها : لاء هوا مقاليش حاجة بس جاب سيرة ماسة وبصراحة هيا وحشاني اوي وكان نفسي اشوفها
ليل بإبتسامة : بس كده
اومأت لجين له
ليل : طب عشان ابسطك انا هاخدك تشوفي ماسة
لجين بفرحة : بجد
ليل : اه واللهي
قفزت لجين بفرحة واحتضنته بقوة
ليل بضحك وهو يعود للخلف من قوة القفزة : شوية شوية يا مجنونة هتوقعينا احنا الاتنين
لجين وهي تبتعد عنه وما زالت السعادة على وجهها : انا هروح اجهز حالاً
ليل : بصي هوا مش دلوقتي علشان اخت سمسمة مرات انكل هتيجي هنا هيا وبناتها وهشوف انتي نجحتي في الاختبار ولاء لاء
لجين بغباء : اختبار ايه
ليل : هشوف انتي هتخافي تقعدي معاهم عشان اول مرة تشوفيهم ولا هتكوني زيك زي اي وحدة جي عندها ضيوف
لجين : هوا انت لسا فاكر
ليل : ايوة ومش هنسى انا وعدتك قبل كده وهوفي بوعدي ليكِ
لجين : بس هما ميهمونيش المهم عندي اني مبقتش بخاف منك انت وبقيت بحب اوي اني اقعد معاك وبكره الوقت الي بتكون سايبني بيه علشان الشغل
ليل بإبتسامة : الي عاجبني الفترة دي انك بقيتي جريئة شوية معايا
لجين : احم هوا اخت سمسم ليها كم بنت
ليل : عندها تلات بنات بس
لجين بإستغراب : بس ايه
ليل وهو يحك رأسه بتردد : في وحدة بتحبني وكانت دايماً بتحاول تقرب مني بس انا واللهي من قبل معرفك وانا بحاول انهي معاها بس هيا لزقة من الآخر
لجين بصراخ : نعم يروح امك تحاول ايه
ليل : بصي يا حبيبتي انتي متخطلطيش بيها وخلاص وبعدين يا حبيبتي انا بحبك انتي وهيا وجودها وعدمو واحد ميفرقش معايا واللهي وانا قولت اقولك عشان متتصدميش من حركاتها
لجين بتهديد : انشاءالله انا الي هوقفها عند حدها
ليل : بصي يا حبيبتي سيبك منها هوا انتي مبتدخيش ولا بستفرغي ولا حاجة
لجين : مش فاهمة
ليل : يعني مفيش نونو جاي بالطريق انا عاوز عيل دلوقتي
لجين بضحك : دلوقتي وانا هجيبوا منين ده بإيد ربنا
ليل : معرفش طب بصي انتي دوخي دلوقتي وانا هاخدك عند الدكتور وهوا يقولنا انتي حامل
تعالت ضحكات لجين على كلامه : يعني انا مجرد مدوخ هبقى حامل
ليل : ايوة
لجين : انا هطلع اغير هدومي عشان شكلك مش عارف انت بتقول ايه
ليل بضحك : ماشي هستناكي هنا يا حبيبتي
صعدت لجين للاعلى لتبديل ملابسها بينما اخرج ليل هاتفه محادثاً كنان
ليل : ازيك يا صاحبي
كنان : كويس يا ليل انت فين
ليل : انا في البيت صحيح كنت هقولك انا هجيب لجين عند ماسة شوية
كنان : تمام هاتها وتعالى انت كمان عشان عاوزك وجيب رعد معاك
ليل : ليه في ايه
كنان : عاوزكوا في حاجة بس تيجوا هتعرفوها سلام
ليل : سلام
اغلق ليل الهاتف ليحادث نفسه بإستغراب يا ترى كنان عاوز ايه او بيخطط ل ايه قطع سرحانه صوت تلك الفتاة التي تصرخ بإسمه
الفتاة بصراخ وهي تركض نحوه : ليييل حبيبي
نظر ليل لها بقرف وصوت منخفض : حبك برص يشيخة
تقدمت لتحتضنه ولكن وجدت تلك التي وققت امامها واحتضنته بدلاً عنها
ارتسمت ابتسامة على وجه ليل وشد على خسرها بحب
الفتاة : اي قلة الأدب دي ازاي تحضنيه
لجين بعد ان ابتعدت عنه ووقفت بجواره ويد ليل ما زالت تحتضن خسرها : واللهي يحبيبتي مراتو يعني يحقلي بأي وقت احضنو اما انتي الي تبقي مين علشان جاية تحضنيه
الفتاة بمياعة : انا سماح
لجين : اتشرفنا يا تمساح قصدي سماح
خرجت ضحكة خافتة من الفتاة التي تقف بجوارها
لجين بإبتسامة : ازيك يا قمر انا ابقى لجين مرات ليل
الفتاة : انا ابقى اروى اخت سماح والصغيرة دي تبقي اخر العنقود اسمها فرح
لجين بنفس الابتسامة : اتشرفت يا حبيبتي
تقدمت والدة الفتيات التي كانت تنظر للجين بإعجاب : انتي جميلة اوي يا حبيبتي وليل يستاهل وحدة قمر زيك
لجين : ده من زوق حضرتك
انصار والدة الفتيات : معلش يا حبيبتي متوخدنيش هي بنتي سماح دفشة كدة بكل حاجة بس قلبها طيب
لجين بتمتمة لم يسمعها سوى ليل القريب منها : لاء واضح انها طيبة دي حية يا حبيبتي بس انتي مش واخدة بالك
لجين بإبتسامة مجاملة : ربنا يخلهملك
بسمة : اتفضلوا جوا يا جماعة
تقدم الجميع وجلسوا على الارائك يتبادلون الاحاديث
لجين لأروى : هوا انتي مخطوبة
اومأت اروى لها : ايوة مخطوبة والفرح الشهر الجاي
لجين بإبتسامة : ربنا يتمملك على خير يا حبيبتي يعني انتي خلصتي تجهيز كل حاجة
اروى : يعني بس لسا فاضل حجات مهمة والفستان ما اخترتوش لسا
لجين : يبقى تاخدي رقمي وتتصلي بيا كل اما تعوزي تخرجي مكان احنا بقينا صحاب دلوقتي
اروى : اكيد يا حبيبتي
وبدأت كل واحدة تسجل رقمها عند الاخرى
انتهت لجين وهي تشعر بالراحة لعدم شعورها بالخوف ولو للحظة واحدة التفتت لليل فوجدته ينظر لها بإبتسامة نظرت له بإمتنان وشكر لولاه لبقيت وحيدة دون سند او صديق
اتت الصغيرة ووقفت امام لجين بحزن لتحملها لجين وتضعها على حجرها : القمر زعلان ليه
فرح : انا ثعبانة عليا نفسي محدس معبرني ( انا صعبانة عليا نفسي محدش معبرني )
ضحكت لجين على طريقة كلامها
انصار الوالدة : هههه هيا بتقرط بالصاد والشين والراء
لجين وهي تقرص وجنتيها : يخلاثي ع الزكاوة يخلاثي قوليلي يا قمر عاوزة اسليكي بإيه
فرح بتفكير وهي تضع اصبعها على شفتيها بتفكير : اممم تعلمليلي كيكة كبييلة
لجين بضحك وهي تفتح يديها : هعملك كيكة كبييلة
سماح بزهق : انتي طفلة اوي
لجين بغرور : احسن ما ابقى عجوزة
استقامت لجين وهي تحمل فرح واشارت لأروى ان تأتي معها ليذهبا كلاهم الى المطبخ لتحضير الكيك للصغيرة
وضعتها على الطاولة الموجودة في المطبخ وبدأت تعمل الكيك واروى تساعدها في جلب الاغراض انتهت لجين من تحضير الكيك ووضعتها في الفرن وبعد قليل اخرجتها لتضعها على الرف وتبدأ بتقسيمها
اعطت لأروى صحن واخذت صحن تطعم الصغيرة
اروى : امممم طعمها جنان
فرح بفرحة : لذيذة اوي
لجين بإبتسامة : صحة وعافية يا حبيباتي
خرج صوت ليل الذي يقف مستنداً على الباب : وانا مليش بالحظ نصيب
لجين بضحك : لاء ازاي وذهبت لوضع قطعة له واعطته اياها
ليل بإنبهااار : يعني مراتي طلعت بتعرف تعمل كيك الشوكلاطة بالزكاوة دي وانا معرفش حقي ازعل مش كدة
لجين بإبتسامة : صراحة كانت ماسة تعملهالي دايماً وكنت اشوفها بتعملها ازاي ودي اول مرة اجرب اعملها
ليل وهو يقبلها من وجنتها : بتاخد العقل يا حبيبتي
فرح بصراخ : عييييب
تعالت ضحكات الجميع عليها
تقدمت الخادمة منهم واخبرتهم ان الغداء اصبح جاهز وان الجميع ينتظرهم على طاولة الطعام ليتوجه الجميع اليهم ويبدأو بتناول الطعام
ليل : لجين حبيبتي ناوليني كاسة العصير من جمبك
التقطتها سماح بسرعة ومدتها له لتسحب لجين الكأس من يدها : معلش يا تمساح متغلبيش نفسك اقدر اناوله ينفسي
سماح بغضب : اسمي سماح
لجين بأسف : مش قصدي يا حبيبتي بس انا بغلط عشانو قريب اوي من اسمك
كتم ليل ضحكته والتقط الكأس من لجين
فرح بضحك : تمساح قثدي سموحة انا عاوزة البطاطس من جمبك
سماح بغضب : كل واحد يناول نفسه بنفسه انا شبعت وتعبانة هطلع اريح شوية
صعدت سماح للأعلى بينما خرج صوت ليل : يلا يا لجين عشان منتأخرش كنان عاوزني
اومأت لجين بفرحة وصعدت الى الاعلى ترتدي الحجاب وملابس ملائمة للخروج وبعد الانتهاء نزلت للأسف فوجدته ينتظرها امسك بيدها وتوجهوا للخروج متوجهين الى البيت الخاص بكنان
+
.......***.......
+
دلف كنان الى داخل البيت يبحث عنها فوجدها تتمدد على الاريكة مغمضة عيناها بتعب
جلس على المقعد واضعاً قدماً فوق الاخرى وهو ينظر لها : ماسة
نظرت ماسة ناحية الصوت بخوف فوجدته هو لتعتدل وتجلس بهدوء : في ايه
كنان ببرود : اختك جاية دلوقتي
ماسة بفرحة : بجدد
اومئ ببرود
ماسة : امتى
كنان : معرفش بس يمكن يكونوا بالطريق
ماسة : طب انا عاوزة اتكلم معاك
كنان : في ايه
ماسة بإرتباك : بابا عملت معاه حاجة
كنان بسخرية : معملتش بس هعمل النهاردة
ماسة : ارجوك متعمللهوش حاجة ارجوك سيبوا يعيش حياتوا متحرمنيش منو
كنان بصراخ : اخرسي الاشكال دي مش لازم تبقى عايشة اساساً دول يستاهلوا الحرق
ماسة بصوت مرتفع : تصدق انو انت الي عاوز الحرق
تلقت صفعة قوية منه جعلتها ترتد للخلف : صوتك ميعلاش عندي وتحترميي نفسك فاهمة
ماسة بسخرية : ايوة استقوى عليا يا رجال
تلقت منه صفعة اخرى ثم اخرى
كنان بصراخ وهو يمسك شعرها بقوة : راجل غصب عنك يا زبالة مهو مش هيبقى الراجل بباكي الي اوسخ منه مش هلاقي في حياتي كلها
ماسة ببكاء وألم : ملكش دعوة بيه هوا غلط وربنا هوا الي هيحاسبه مش انت
قاطعهم طرقات الباب
ليدفشها كنان للخلف فسقطت ارضاً : مش عايز اسمع صوتك فاهمة
استقامت ماسة بألم وذهبت الى الحمام لتغسل وجهها بينما ذهب كنان لفتح الباب دلف ليل ولجين الى الداخل
لجين بحماس : هيا فين
كنان ببرود : ادخلي شفيها جوا
استغربت لجين بروده ولكن لم تعطه اهمية دلفت للداخل فوجدت اختها تخرج من الحمام لتتقدم منها بسرعة وترتمي في احضانها
ماسة ببكاء : لجين حبيبتي وحشتيني اوي
لجين بدموع وهي تشدد في احتضانها : انتي الي وحشاني يا حبيبتي وحشاني اوي
رفعت ماسة عيناها المعاتبة لتلتقي بعينيه الباردة
ابتعدت ماسة عنها وامسكت بها ذاهبة الى غرفة فارغة لتجلس كلاهما بها
+
جلس كنان على المقعد ليجلس بجواره ليل
ليل : فيه ايه يا عم قلقتني
كنان : اما ييجي رعد هنتكلم في الموضوع الي عايزكوا بيه
ليل : تمام
وبدأو بالحديث في امور العمل
+
.......***.......
+
في الداخل
لجين بحماس : ازيك يا روحي
ماسة : كويسة اوي حتى كنان ربنا يخليه ليا مش مقصر معايا وبيحبني اوي
لجين بفرحة : ربنا يسعدك معاه يا حبيبتي
انا عايزة اقولك حاجة هتفرحك
ماسة بإبتسامة تخفي ألمها داخلها : قولي
لجين بفرحة : انا مبقتش بخاف من حد والنهاردة صحبت بنت جديدة وحبيتها اوي ماسة انا بقيت بشوف الناس وببقى مبسوطة مببقاش خايفة يا ماسة كل ده بفضل ليل انا مبسوطة اوي
ماسة بسعادة : بجد يا حبيبتي
لجين : اه واللهي يا ماسة مش بكدب عليكي حتى النهاردة وانا جاية عليكي اتبرعنا انا وليل لناس كتير محتاجة وكنت مبسوطة مكنتش خايفة كلو بفضل ليل وفضلك كمان انتي دايماً كنتِ تقوليلي الناس مش وحوش وانا كل ما اقابل شخص كنت افتكر كلامك
ماسة بسعادة : الحمدلله يا حبيبتي الحمدلله
لجين انا عاوزة اسألك سؤال
لجين : ايوة يا قلبي
ماسة : هوا ليل بيعاملك ازاي
لجين : حلو اوي ربنا يخليه ليا انا مبسوطة اوي اني اعرفتوا
تنهدت ماسة براحة لتنظر لها بإبتسامة : حبتيه
لجين بخجل : بصراحة ايوة انا بحس اني بحبو اوي ومبحبش حد يقرب منو بس هوا ميعرفش
استمعت ماسة لطرقات الباب واستقامت : ربنا يخليكوا لبعض بصي يا حبيبتي خليكي هنا شوية هروح احط ضيافة للي برا وليكي
لجين : طب ماجي معاكِ
ماسة بهدوء : لاء مينفعش مش عايزة اتعبك
اومأت لجين لها بإبتسامة وبدأت تلعب بالهاتف الذي جلبه ليل لها وتشاهد الصور التي التقططها له منهم وهو نائم وهو يأكل وهو يلعب الرياضة التقططهم له دون ان يلاحظ
1
.......***.......
+
خرجت ماسة للخارج وتوقفت وراء حائط صغير يفصل بين المطبخ وغرفة الضيوف وبين الصالة الكبيرة التي يجلسون بها نظرت لهم بغموض وبدأت تستمع لحديثهم
+
دلف رعد للداخل وجلس بجوارهم فقد كان هو الطارق
رعد : انا جيت اهو
اشار كنان له ليجلس
ليل : في ايه يا كنان
كنان بهدوء : النهاردة هيتم انتقامي من الكلب احمد
رعد بإستغراب : ازاي
كنان : هتعرفوا هناك في شحنة هيدخلها احمد النهاردة في منطقة **** وانتوا هتكونوا معايا لو عاوزين ورجال الشرطة كمان هتكون موجودة النهاردة هجيب تار امي وابويا واريحهم في قبرهم
رعد : احنا معاك يا صاحبي
ليل : معاااك برضك
ابتسم كنان لهم : التسليم هيبقى كمان نص ساعة من دلوقتي فهنروح حالاً
ليل : يبقى هتفضل لجين هنا مع ماسة
كنان : ايوة
كانت ماسة تنظر لهم بصدمة دلفت للداخل بسرعة : لجين حبيبتي في حاجة مهمة لازم اعملها النهاردة ومش لازم انتي تبقي موجودة فعلشان كدة عاوزة منك تخرجي وتقولي لليل يروحك
لجين وهي تقف بإستغراب : ليه بس في ايه انا ملحقتش اشوفك
ماسة بسرعة : هتشوفيني يا حبيبتي هتشوفيني بس لازم النهاردة اتروحي ارجوكِ
لجين : ماشي يا حبيبتي زي ما انتي عاوزة
احتضنتها لجين بعدم طمأنينة وخوف عليها : خدي بالك من نفسك يا ماسة
ماسة وهي تشد عليها : مفيش حاجة يا حبيبتي متقلقيش
اومأت لجين لها وخرجت للخارج
لجين : ليل ممكن تيجي شوية انا عوزاك
استقام ليل من مكانه وذهب لها
ليل : في ايه يا حبيبتي
لجين : انا تعبانة شوية وعاوزة اروح وغير كدة اروى اتصلت بيا عوزاني ممكن توصلني البيت
ليل بإستغراب : مش انتِ كنتِ عاوزة من زمان تفضلي مع اختك
لجين بإبتسامة : ايوة وكمان شايفة انو هيا نعسانة اوي فقولت اسيبها ترتاح واروح اشوف اروى وابقى اجيلها تاني وافضل عندها وقت اطول
ليل بإستسلام : زي ما انتي عاوزة يا حبيبتي
التفت ليل لكنان : احم كنان لجين تعبانة شوية وعاوزة تروح هروح اوصلها البيت بسرعة وارجعلك على طول
كنان بإستغراب : زي ما انت عاوز
امسك ليل بيدها وذهب بها الى السيارة متوجهين الى البيت
خرج صوت هاتف رعد دليل على رنين احدهم لينظر اليه فيجده اباه : هرد على بابا اشوفوا عاوز ايه وهستناك بالسيارة يكون ليل رجع
اومئ كنان له ليخرج رعد الى الخارج بينما توجه كنان الى الغرفة الموجودة بها ماسة فوجدها متمددة على السرير
كنان : ماسة ماااسة
ماسة بصوت ناعس : ايوة
كنان : هيا لجين روحت ليه
ماسة : كانت تعبانة شوية وصحبتها اتصلت بيها عوزاها واما شافتني تعبانة وفيا النوم قالت هتروح بس هتجيلي تاني
كنان : اممم هتعملي ايه
ماسة بنوم : هنام انا تعبانة اوي
كنان براحة : تمام
خرج وتوجه الى الغرفة ليجلب بعض الاشياء
بينما وقفت ماسة بخوف تراقب اين ذهب وعندما رأته دلف لغرفة وضعت حجابها بسرعة وتوجهت لخارج البيت بحرص فوجدت رعد يحادث احد بالهاتف ولكنه كان يعطيها ظهره توجهت الى سيارة كنان ببطئ وفتحت الشنطة الخلفية للسيارة وركبت بها واغلقتها بخفة
( المكان الي بتنحط بيه الاغراض صراحة مش عارفة بيتقال عليها كده او لاء بس اكيد انتو عرفتوها 😂 )
انتهى رعد من محادثة والده والتفت فوجد كنان خلفه
كنان : ليل مجاش لسا
رعد : اكيد دلوقتي بيكون راجع لينا القصر ميبعدش كتير من هنا هاه اهي سيارته
نزل ليل من السيارة وتوجه ناحيتهم
ليل : انا جيت اهو
كنان : تمام انا هروح بسيارتي لوحدي وانت يا ليل هتركب مع رعد
اومئ الاثنان له وتوجهوا ناحية السيارات متحركين الى المنطقة المطلوبة دون معرفة كنان بوجود ماسة معه
+
.. يتبع ..
.. بحبكم ..
.. بقلم ملك رامز ..
+
حبايبي انا عارفة اني بتأخر عليكوا بتنزيل البارتات بس واللهي كل ما اكتب واحد بنزلوا على طول عوزاكم المرادي تصبروا عليا كم يوم مسافة مكتب كذا بارت عشان اقدر انزللكوا كل يوم بارت اتفقنا واهو بارت طويل
صحيح البارت الجاي هيبقى حماس اوي وهتتكشف حجات كتيير محدش يعرفها 😍
+
