رواية عشق خديجة الفصل التاسع عشر 19 بقلم اميرة العمري

رواية عشق خديجة الفصل التاسع عشر 19 بقلم اميرة العمري

*عشت كتير بحاول اوصلك علشان تحس اللى انا حسه
انا واحد كان عذابه كبير وكان بيدوس على نفسه
وشوفت معاك ايام كتير وانا بردوا بس اللى بحبك
عملت معاك المستحيل وبردوا مدخلتش قلبك

حب من طرف واحد اصعب احساس على الواحد لا
والاصعب اصعب يكون اللى بتحبه عارف كدا
ويشوف عذابك بعينه وانا قلبى الله يعينه
طب كان يسيبك ليه تحبه كل الحب دا

وفى الاخر كدا تسبنى وتكسر قلبى اللى حبك
مع انى كنت بخاف عليك
واكتر حد وقف جنبك
فهمت خلاص بقيت كدا ليه تقسى وتظلم
كدا فيا اكيد عايش فى حب جديد وكنت بتخبى عليا*꧁♡꧂


يلا بقا ونقول بسم آلَلَهّ



بعد سهره طويله بين العائله (احمد/ ومعاذ/ وسليمان/ ومعهم مراتتهم /وبناتهم/ وابو امها /واختها /وابن اختها/) طبعا انتو عارفين ان (خالد) من ساعه الغداء من كثر الكلام والضحك اللي مابين خديجه وياسر ده غير انه لما شرق وهم بياكلوا قعدت تطبطب على ظهره وتضحك
اتنرفز وطلع فوق على اوضته من ساعتها ما نزلش لثاني يوم

*انا/شكلك يا ياسو جيت فى وقت غلط ربنا بقى يقدرنى وافضل مصبرة العاشق الولهان ده عليك اصله خلاص جاب اخرة وودانه بقت تطلع دخان منك *
...............
بعد سهره طويله بينهم طلعوا كل واحد ونام( معاذ ومها) على غرفتهم (وسليمان ومنى) نفس الوضع طبعا (مريم) بتنام واحدها من ساعه ما (خديجه) نقلت غرفه ثانيه( خديجه وخالتها) ناموا مع بعض كانت خالتها قالت انا عايزه تنام وياها لانها وحشاها منى كانت امرت الخدم بتوضيب غرفه بسريرين علشان (ياسر وجدو)(احمد) راح على غرفته............................... و كله نام بعد تعب من الضحك والهزار والكلام
الا صاحبنا (العاشق الولهان) اللي هيموت من الغيظ والغضب والغيره من كثر الضحك والهزار بتاع خديجه وياسر مع بعض

استوب شويه
*انا/والنبى يا خللود ياحبيبي بلاش تهور واظبط اعصابك كدا دا احنا لسه بنقول ياهادى
خالد
انا بخوف/خلاص خلاص
خالد/اميرة مشى الواد ده من هنا زى ما جبتيه والهانم هى التانيه واخده راحتها على الاخر
انا/صبرك بالله بس يا خلللود وبعدين دا ضيف ولا ايه يابن عمى 
خالد/والله اطخه عيارين وارتاح
انا/يالهوى يالهوى يالهوى لا لا والنبى الواد مالحقش يفرح خلاص خلاص هدى هدى حالك
خالد/
انا /هسيبك وارجع للناس الحلوين دول لحسن انت خلاص قفلت معاك بالضبه والمفتاح*

احم احم يلا نكمل 
فضل كده لحد ما الساعه بقت 2:00 على الفجر قام توضا وصلي ركعتين وبعد كده النوم غلبه فنام ما اقدرش يقعد لصلاه الفجر......
الصبح الكل صحي اللي بيضحكوا بيهرج واللي زعلان وقلبه واجعه واللى مكسور على كسرةالناس اللي حواليها واللي بيحب ومش لاقي حبيبه بيبصوله ولا معبره ولا مديهله اي اهتمام ومجروح الكلام ده طبعا عن (خالد)
طلع النهار بحياه جديده يوم جديد حاجه من الاثنين يا هينتهي بهزار وفرحه يااما بوجع وحزن طبعا اليوم هينتهي بالاثنين حزن ووجع علي ناس وفرحه على ناس ثانيه فطروا مع بعض زي كل يوم (معاذ وسليمان) طلعوا المصنع علشان النهارده ميعاد تركيب اخر حاجه في المكن قبل الافتتاح( خالد) ما نزلش للفطار اصلا وفضل فوق لان الصبح وهو جاي طالع من غرفته سمع خبط على الغرفه اللي جنبيه والغرفه دي غرفه (خديجه) ولما البابا اتفتح لقيها بتقول اسم (ياسر) فغضب جدا ازاي يروح لها لحد عندها كمان في اوضه النوم فبدل ما يطلع فضل جوه علشان يسمع كلام (خديجه/ ياسر)
خديجه/ صباح الخير ياياسر خير فى حاجة
ياسر/صباح النور يا دكتوره لا ابد بس معلش ماما نسيت الدواء بتاعها معي في الشنطه بتاعتي جيت اديهولها امبارح كان الوقت ا تاخر خذيها اهو تديه لها علشان تشربها قبل ماالفطار خديجه/ طيب طيب ماشي وخذت منه العلاج و دخلت
꧁♡꧂꧁♡꧂꧁♡꧂

رغم ان كلامهم مكانش فيه اي حاجه غلط ولا كلام خارج الا
ان بردوا الغيره عاميه قلب (خالد) جدا وبسبب الموقف ده قال ان هو مش هينزل للفطار وفعلا منزلش ووالدته طلعت تخبطت عليه واذن لها بالدخول ودخلت ولما سالته انت مش هتنزل تفطر معنا يا حبيبي
منى /صباح الخير يا ولدي اخبارك النهارده
خالد /وهو بيقبل يدي امه وبيقول اصباح الخير عليك ياااما منى /حبيبي انت لما طلعت امبارح بعد الغداء على طول ما حدش شايفك ولما جئت خبطت عليك بالليل لقيتك نائم قلت بلاش ازعاج واسيبك نائم انا عارفه انت زعلان بس...
خالد /قطعها ما خليهاش تكمل كلامها لان هو عارف ان هي ملاحظه وعارفه هومتضايق لي بس هو مش عايز يفتح في الموضوع ده ويتكلم لانه لما يتكلم فيه غضبه هيزيد اكثر فقال لها بلاش باامى ما تتكلمي في الموضوع ده عشان انا مش ناقص و سيبيني معلش
منى /طيب يا ولدي على راحتك بس مش هتنزل عشان تفطر ويانا
خالد /لا يا امي بالهناء والشفاء ولو حد سالك على قولى ان انا نائم كده كده لا في شغل ولا مصنع ولا حاجه حتى الارض ابوي مراعيها هو عمي والعمال
منى /بتنهيده حزن و قلبها وجعها اكثر على ابنها بس في الاخر اخذت نفس طويل وبعد كده قالت ماشي يا ولدي بكيفك انا هانزل بالاذن
خالد/ باس راس والدته وقال اذنك معك يااااما
منى نزلت وسابت خالد نزلت وهى حزينه على ابنها اللى مش مكتوبله يرتاح واصل
وفطروا وكل واحد راح يشوف مصالحه بعد ما سليمان ومعاذ راحوا المصنع ابو سليمان وابو مها مع بعض فى المكتب خديجه طلعت اوضتها ترتاح لانها حاسه بشويه صداع النهارده مريم مليقتش حد تقعد معاه طلعت بردوا اوضتها منى ومها واختها مروى مع بعض فى الريسيبشن اما ياسر قعد معاهم شويه وبعدين سال منى على خالد وعرف انه فوق فى غرفته فقالهم انه هيطلع ليه يقعد معاه شويه...........
استوب شويه
*على السلم
رايح فين يايسو 
ياسر /مبتقوليش ياسو دى، يااميره غير لو فيه مصيبه 
انا /واللهى ابدا دانا طيوبه وكييييييوت خاااااالص
ياسر /انتى لا لا اشك بصراحه
انا / طيب اطلع الاهى تلاقى يارب عشماوى فوق معلق ليك حبل المشنقه يارب
ياسر/ليه بس كدا دانا لسه مدخلتش دنيا ياميرو
انا /لا لا ما انت هتخرج منها قبل ما تدخلها 
ياسر/ياشيخه فال الله ولا فالك المهم عايزه ايه انا طالع لخالد
انا/عايزه سلامتك بس خلى بالك من نفسك واوعى تشرب حاجه كدا ولا كدا وخد معاك مطوه اللى يقولك هات دى قطعه 
ياسر/اى شغل عبله كامل ده يا أميرة انتى فيكى حاجه النهارده ولا ايه 
انا/لا لا متاخدش فى بالك 
ياسر/طيب اسيبك بقى سلام 
انا/مع السلامه كنت طيب وابن ناس ربنا يجعلك من الشهداء ان شاءلله ياياسر يابن مروى يارب *

ياسر/ طلع لخالد وخبط عليه
ياسر /بيخبط على الباب
خالد/ من جوه ايوه مين
ياسر/ انا يلسر ياستاذ خالد
خالد/ والله وجيت لاضاك بس مينفعش اعمل فيه حاجه دا مهما كان ضيفنا يووووووه بقا افتحله ولا لا ده كلام خالد بينه وبين نفسه
الباب خبط تانى
ياسر /استاذ خالد حضرتك نايم
خالد /قام من مكانه وفتح الباب بهدؤ عكس اللى جواه
نعم اى اوامر
ياسر/ حس بحده فى كلامه فرد بابتسامه علشان يلطف الجو فقال /الامر لله بس انت عارف لافيه شغل ولا حاجه قولن اقعد معاك شوية جدى وجدك فى المكتب وبباك واونك معاذ راحوا يطمنوا على اخر الترتيبات قبل الحفله
خالد /طيب هتقعد هنا ولا تحت
ياسر /براحتك لو هتريح اسيبك
خالد/لا لا هغير بس بس قولى مين تحت
ياسر/ والدتك ووالدتى وخالتوا مها خديجه والانسه مريم فى اوضهم
خالد/ اتدايق من انه قال اسم خديجه من غير دكتوره

خالد مسك ياسر من لياقه القميص بتاعه وقال /انت ازاى تقول اسمها من غير دكتورة انت اتجننت متجبش اسمها تانى
ونزل فى ياسر ضرب 
خديجه دى بتاعتى . ......... مالكش دعوه بيها........ خديجة خط احمر........... هقتلك لو قربت منها........
وطبعا كل الفواصل دى مبين كلمه والتانيه بيضربه بالبوكس لحد ما شوه وشه

استاذ خالد استاذ خالد
خالد فاق من شروده على ياسر وهو بيخبطه فى كتفه

كل ده كان خيال 
خالد كان بيتخيل انه بيضرب ياسر وبيفش غليله فيه
ياسر فضل يتكلم ويتكلم ولقى خالد سرحان فقعد يهزه من كتفه ويقول
ياسر /استاذ خالد استاذ خالد
خالد /اه ايه هو حصل ايه
ياسر /لا حضرتك مش معايا خالص
خالد /اسف سرحت شويه

استوووووب
*انا /شويه قول شويتين تلاته لولا الواد الغلبان ده كنت ضربته بالنار فى خيالك كمان 
خالد/منك لله ياميرة انتى وياسر فى يوم واحد
انا/ليه بس كدا ياخلللود بس تصدق خيالك بعيد اوى
خالد بغيظ /كان نفسى يكون حقيقه ياختى واخلص منه
انا/حرام عليك ليه بس
خالد/ومنك انتى كمان هتموتينى انتى وهو فى يوم واحد
انا/
خالد /الا بالحق تعالى هنا
انا/لا ياخويا خلينى بعيد احسن 
خالد /انا مش ناقصك 
انا /خلاص خلاص قول عايز ايه
خالد/ايه استاذ خالد اللى طالعلى فيها دى شايفنى واحد 50 سنه
انا/الاحترام واجب ياعمنا
خالد /خليه يبطل يقولها بدل ما اقتله بجد انا لو مسكته هدغدغه فى بعضه انا بقول اهو 
انا/حاضر حاضر انت تؤمر ياكبير
*

نرجعلهم بقا قبل ما يخلص على الواد دا حيلة امه 
خالد /اسف سرحت شويه
ياسر/ولا يهمك
خالد/طيب ادخل اقعد هنا لحد ماغير هدومى وننزل
ياسر /طيب ماشى بس يعنى اسف لو بتدخل
خالد/لا اتفضل
ياسر/انت هتغير ليه خليك بالترينج انت فيه حلو بلاش الجلبيه ولا ده زى رسمى حتى فى البيت
خالد/لا رسمى ولا حاجه بس ممكن حد ياجى او مثلا مشوار ضرورى وكمان انا برتاح فيهم مش اكتر
ياسر/طيب على راحتك
خالد/عمتا انا هلبس ترنج تانى وعليه عبايه كتف صعيدى علشان هنقعد فى الاسطبل وهناك لازم البس ترنج
ياسر/ايه ده هو انتوا عندكم اسطبل وفيه خيل
خالد عند الكلمتين دول ضحك اوى وانيابه بانت 
ياسر ابتسم وقال /هو انا قولت حاجه تضحك اوى كدا
خالد/ايوه يعنى انا بقول اسطبل يبقى هيكون فيه ايه غير الخيل فاستغربت لما انت قولت اسطبل وفيه خيل 
ياسر /اخد باله من كلامه وضحك هو كمان واستغبى نفسه كرش فى دماغه وقال
ياسر/معلش متاخذنيش
خالد /وقف ضحك وقال ولا يهمك هغير على طول
ودخل غرفة الملابس ومن جوه غرفة الملابس باب الحمام بحيث لما يطلع يكمل لبسه ولو حد فى الغرفه يكون مش محرج منه ولا حاجه

تصميم غرفة خالد تصميم اوربى تقريبا الغرفه كبيره وواسعه بها ثلاث ابواب على يديك اليسار اول ما تدخل الغرفه باب وده باب الغرفه بتاعت الملابس باب سحاب تدخل جواه تلاقى ارفف ملابس وشماعات للبدل والترينجات واللبس الصعيدى وارفف للجزم والكوتشات وادراج للاوراق المهمه والاشياء المركونه وعلى جنب منها درج كبير جدا طوله بطول شنط السفر وهى واقفه فيه حوالى 5 شنط سفر من اغلى الانواع والمركات ال5 شنط من جوه بعض يعنى يدخلوا فى قلب بعض لونهم اسود



وفيه فى جنب الغرفه دى باب وده باب الحمام تصميمه امريكى به غرفه زجاج ودى اللى فيها البانيوا والدوش
وكله زجاج حطانه زجاج به 3 احواض والكثر من الشامبوا والعطور وانواع الصابون الفخمه



نرجع للغرفه تانى قولنا فيها 3 ابواب قولنا باب غرفه الملابس ومن جواه الحمام وفى باب تانى على ايدك اليمين دى غرفة الرياضه يوجد بها احدث الالات الرياضيه



وبجوار باب غرفه الرياضه باب لغرفه المكتب يوجد بها مكتبه كبيرة خالد بيحب القرائه عن النباتات جدا وكمان الحيوانات وبالاخص الاحصنه لهذا السبب يربى الاحصنه وعنده اسطبل ليس بعادى انه يشبه اسطبلات اوروبا



غرفه خالد من تعادل 75•43 متر اى ما يساوى ربع قيراط تقريبا لانها واسعه جدا فى الغرفه نفسها سرير من افخم انواع الاسرره وتصميمه رائع جدا بجواره اتنين كيمود ويوجد بها ركنه وامامها طربيزه صغيرة عليها ورود وبها تسريحه طويله وجميله تحمل علي ارففها افضل انواع العطور من الماركات العالميه الرائعه وعليها صورة لخالد ويوجد ستارة من افخم الانواع خلفها شباك البراند بتاع الغرفه بيطل على جنينه القصر.......



ياسر اتفرج على غرفه خالد عدا غرفة الملابس لان خالد كان بيغير بعد حوالى 10 دقايق خرج خالد مرتديا ترينج اسود بيه خوط بيضاء وعبائه كتف صعيدى وضع برفانه الخاص وصفف شعرة وخرج لياسر
ياسر انيق ولكن خالد اوسم وانيق اكثر انبهر ياسر به وبوسامته وقال ممازحا
ياسر /نفسى اعرف كل الوسامه دى ومتجوزتش لدلوقتي ليه اهو انا راجل زى زيك وبعاكسك وضحك
خالد /ابتسم وقال عادى ملقتش اللى فى دماغى
ياسر /ربنا يرزقك ببنت الحلال
خالد فى نفسه ما لقيتها بس انت جاى تاخدها منى
ياسر فرقع باصابعه امام وجه خالد وهو يقول /ايه ياعم روحت فين وعمزله 
خالد /اه لا ابدا بس ايه سر الغمزه
ياسر /هو فى حاجه ولا ايه 
خالد/فهم قصده فقال حاجه ولا اى حاجه احنا مش بتوع الكلام ده
ياسر /عارف بس الحب مبيستاذنش
خالد/شكلك مجرب
ياسر/ابتسم،
خالد/مالك ياعم انشف كدا عامل كيف البنت البنوت اكده ليه هو كل شباب بحرى اكده ولا ايه
ياسر /ضحك، وقال لا بس يعنى مبتكلمش اوى فى الموضوع ده وكمان انا حياتى كلها سفر وشغل من ساعه ما خلصت الجامعه وسافرت بره ورجعت فى الفترة دى عمرى ما بصيت لبنت غير واحده بس ولما بتكلم عنها بحس انى بتكلم عن ملاك
خالد /عرف هو بيتكلم عن مين فحب يغيرالموضوع علشان ميدايقش نفسه، وقاله طيب يلا ننزل
ونزل خالد وياسر لتحت لقيوا الحريم لسه قاعده مكانها بيتكلموا ويضحكوا سلم عليهم
خالد/السلام عليكم ورحمة الله وبركاته واقترب من امه وباس ايدها
مها ومروى /وعليكم السلام ورحمةالله وبركاته
امه وهى بيطبطب على كتفه وهو بيقبل يديها
منى/ربنا يحميك ياولدى
مها ومروى بصوا لخالد بانبهار بكميه الادب والاخلاق اللى عنده
وان لو شاب تانى فى سنه عمرة ما هيكون كدا الا من رحم ربي

استووووب شويه♡
*فى شباب كويسين جدا وده بيرجع ان الاهل واخدين بالهم منهم وهم لسه صغيرين
وفى شباب ربنا يهديها يزعق لامه ويشتمها وممكن توصل لانه يمد ايده عليها وعلى فكره انا عرفت عن موقف فى بلدنا من قريب شاب واخواته يضربوا ابوهم وامهم وبيعاملوهم معامله الخدم وده دليل ان الابن ده او البنت من وهم صغيرين متدلعين
انا مبقولش شد الحبل لما تخنقهم بس فى نفس الوقت متسيبهمش لحد ما يضيعوا منك
وكمان حاجه ممكن يكون سوء معامله ابنك اوبنتك ليك ده بسبب انك كنتى انتى او ابوهم بتعماملوا امهاتكم واباؤكم بنفس الطريقه زمان وولادكم بيعملوا فيكم كدا

قصه كانت حكتهالى مدرسه واحنا فى ثانوى كانت بتكلمنا عن بر الوالدين فقالت
مرة اثنين زوجين قعدوا فترة لما خلفوا بسبب ان كان فى بعض المشاكل الصحيه وكمان انهم حالهم على قدهم مصرفوش على الموضوع ده وسابوها على الله
والحمد لله ربنا رزقهم وكان ولد وبعديه مخلفوش تانى وحمدوا ربنا على كدا وقرروا نهم يعملوا المستحيل علشان ابنهم يكون حاجه عاليه وبسبب انه الابن الوحيد دلعوه وكل طلباته مجابه ولما كبر وبقى تاجر كبير ورجل من رجال الأعمال اشترى قصر واتجوز فيه بباه ومماته كانوا عايشين
مراته من الزوات فمحبتش العيشه مع ناس فقيرة فالابن مش هيرمى اهله فى الشارع فراح حططهم فى البادروم وكان هو فوق بينام على حرير وياكل فى اطباق اقل مايقال عليها دهب وهم تحت آخرهم كنبتين واطباق بلاستيك واكواب بلاستيك واو استالس ومش بينزل يشوفهم يدوب يبعت الاكل ليهم مع الخدم وبس
وربنا رزق الولد ده بابن ومراته بعد الولاده ماتت وهو متجوزش حمد ربنا على الطفل ده وبقى عمرة 7 سنوات
وفجاه وبباه ومامته ربنا اراد ترجعله امانته وماتوا وهو عملهم عزاء الناس استغربت لانهم عمرهم ماشفوهم وهو كان بيقول انهم مرضى وجالسين بغرفهم على طول
بعد دفنهم رجع القصر ودور على ابنه واحده من الخدم قالتله انها شافته نازل البدروم من شويه فراح لعنده لقيه بيلم الاطباق والكوبيات اللى تحت فى كيس
فساله
الاب/حبيبى بتعمل ايه هنا
الابن ذات ال7 سنوات/بلم الحاجات دى بابا
الاب/ليه ياحبيبى انت بتاكل فى احسن منهم سيبهم وتعالى
الابن ذات ال7 سنوات /لا بابا دول مش ليا
الاب استغرب وقاله
الاب/امال لمين حبيبى
الابن ذات ال7 سنوات /ليك علشان لما تكون بعمر جدوا وجدتوا اللى ماتوا هقعدك هنا زيهم وتاكل فيهم
الاب اتصدم من اللى ابنه بيقوله اما الولد هو صغير مفكر ان كل اللى بيكبروا فى السن بيتعمل فيهم زى جده وجدته بس فى نفس الوقت ده عقاب ربنا ليه دنيا وفى الاخره عذاب ربنا اشد وابقى...
ذنب الاب والام بيخلص منك فى الدنيا وعذاب ربنا بالاخرة اشد وابقى
قال تعالى
"وٌلَآ تٌقُلَ لَهّمًآ آفُ وٌلَآ تٌنِهّرهّمًآ وٌقُلَ ربًﮯ آرحًمًهّآ کْمًآ ربًيَآنِﮯ صّغُيَرآ"
بروا اباؤكم وامهاتكم فالله اعمل يمكن تكونوا عملتوا ذنوب بحياتكم والاب والام يكونوا سبب نجاتكم من النار فى الاخرة اعاذانا الله واياكم منها *
خالد سال على جده
وقال /امال جدى فين ياامى
الام /جدك فى المكتب مع جدك ابراهيم
خالد/طيب بالاذن هروحله وقبل يدى،والدته مرة اخرى
الام/طبطبط على كتفه وقالت اذنك معاك ياولدى
مشى خالد ومعاه ياسر للمكتب سلم عليهم
خالد/سلام عليكم ورحمة الله وبركاته
الجد احمد وابراهيم سوا/وعليكم السلام ورحمة الله وبركاته
احمد/تعالى ياخالد
دخل خالد واقترب من جده وقبل يديه واعجب ابراهيم من ادب واخلاق خالد العاليه
سلم خالد على ابراهيم كمان وقبل يداه هو الاخر
ابراهيم /ربنا يبارك فيك يابنى
خالد/تسلم ياجدى
احمد/فينك ياولدى
استغرب ابراهيم وياسر ان احمد بيقول لخالد يابنى وهم بيسمعوه يقول كدا من ساعت ماجم
خالد وجده لاحظوا استغرابهم
احمد/متستغربوش انا بناديه اكده على طول خالد ده ولدى ال3 اللى مخلفتوش انا اللى مربيه وطوع ويسمع كلمتى قبل كلمة ابوه وانا احبه زى ولادى واكتر مش بيجولوا اعز الولد ولد الولد
ابتسم ابراهيم وياسر وقالوا/ربنا يخليك ليهم ويخليه ليكم
قصدهم خالد واحمد
ابتسم خالد وقبل يدى جده مرة اخرى وهو يقول/ربنا يباركلنا فيك ياجدى

عند منى ومهاومروى
مروى بعد ما خالد مشى راح لجده قالت
مروى/ربنا يحميه لشابه
منى/تسلمى ياام ياسر
مروى /بلاش الرسميات دى قولى مروى وانا اقول منى
ضحكوا وقالت /ماشى يامروى
مها /خالد شاب مؤدب واخلاقه عاليه جدا
منى/ربنا يخليك يامها ده من زؤقك واللهى وياسر وخديجه ميقلوش عنه فى شئ
مها ومروى /تسلمى وكملوا حدثهم عادى

فى المكتب
عقد خالد وياسر شويه مع اجدادهم وبعدين استاذن خالد وياسر يروحوا الاسطبل

ولحد هنا ونقول استوب 
ياترا ايه هيحصل فى السطبل؟
هتعدى الامور على خير ولا فيه جديد؟
ممكن يكون ده الهدوء ماقبل العاصفه؟
ولا هيفضل الهدوء سيد المكان؟
꧁꧂꧁꧂꧁꧂
هنعرف كل ده الحلقه الجايه
اترككم فى رعاية الله وحفظه والسلام عليكم ورحمة الله وبركاته

العشرين من هنا 

تعديل المقال