رواية بداخلي حياة اخري الفصل الثامن عشر 18 والاخير بقلم ولاء بدر
☆الفصل الثامن عشر الاخير☆خرج الطبيب من غرفه مي ليقف أمام أسر
أسر بسرعه:ايه يا دكتور مالها فيها حاجة
الدكتور بإبتسامه: لا ابدا اتطمن هي تلقيها اتضغطت شويه علشان كدا دا اللي حصل و هي ضعيفه جدا جدا انهارده تكون معانا هنا نطمن عليها و بكره باذن الله تقدر تاخدها و تروح
اسر:شكرا جدا
الدكتور:على ايه دا واجبي بعد اذنك
ليدخل أسر إلى الغرفه ليجدها نائمه في هدوء شديد دخل بهدوء و جلس أمام فراشها و امسك يديها و احتضنها بين يديه و استند عليها برائسه
بدأت مي تستيقظ ولكنها شعرت بثقل على يديها لتنظر بجانبها لتجد أسر يستند برائسه على يدها
مي بصوت ضعيف:أسر
ليرفع رائسه بسرعه شديده
اسر:حاسه بايه اطلب الدكتور
مي بصوت منخفض:انا عايزة اروح
اسر:هنقعد انهارده بس نطمن عليكي الاول
مي:انا مبحبش المستشفى روحني
كان أسر لا يريد اغضابها ليقف من مكانه
اسر:خلاص هروح اخد اذن الخروج ليذهب ثم يعود مره آخرى ليجدها تحاول الوقوف بضعف ليذهب و يحملها بين يديه
مي:انا هعرف امشي
اسر:عارف ممكن ترتاحي
كانت لا تستطيع العند الآن لتستند برائسها على صدره وصل إلى سيارته و ادخلها بها و انطلق نحو منزلهم مره آخرى
ليصل و يذهب و يقم بحملها للداخل صعد إلى غرفتهم ووضعها على الفراش و خرج بهدوء ليجلس في الحديقه فهو يشعر باختناق شديد مما حدث اليوم جلس يفكر وهو يقسم انه سيجعل كل من تعرض لها أن يندم أشد الندم
ليمسك هاتفه و يقم بالاتصال على معتز
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
في صباح يوم جديد بدأت مي تستيقظ ولكنها شعرت بثقل شديد على جسدها من الخلف لتفتح عينها لتجد أسر يضمها من الخلف بشده لتحاول ان تخرج نفسها ليشعر أسر بها ليستيقظ
مي:بعد اذنك وسع عايزه اقوم
ليضمها إليه أكثر و ييدفن وجه في عنقها من الخلف
مي بصوت ضعيف:بعد اذنك يا أسر ابعد عني
ليجعلها تلتف له كانت تنظر أمامها لا تريد أن تنظر له ليمسك وجهها و يرفعه له لتظر له بأعين دامعه
أسر بندم شديد و هو ينظر لها:سامحني والله معرفتش اتحكم في نفسي لما الحيوان دا جالي و قالي كدا زي ما انتي رابطي كل حاجة ببعض و شوفتيني خاين١٠٠% انا كمان ربطت كل حاجة ببعض و لقيتها مظبوطه معرفتش افكر كنت هتجنن يا مي والله ندمان على كل كلمه قولتها انا عقلي اتشل لمجرد التفكير بس سامحيني يا مي والله ندمان اني صدقته
لتضربه على صدره بخفه و هي تبكي
مي:ليه ليه صدقته ليه و هي تلكمه بضعف شديد في صدره ليشعر بالم شديد على ما فعله ليضمها له
لتحتضنه بقوه و هي تبكي بقوه شديده
ليمسح على ظهره بحنان حتى تتوقف عن البكاء لتبتعد عنه قليلا
مي:أسر احنا لازم نطلق
ليصدم أسر بشده
اسر:مستحيل يا مي مستحيل اسيبك
مي:أسر انا حياتي بدأت تدمر و مش عايزة حياتك انت كمان تدمر رامي مش هيسبني فى حالي
اسر:يفكر يقرب منك و انا اقتله
مي:أسر انا مش هتسحمل ان يحصلك حاجة احنا لازم نسيب بعض
اسر:مش هخليه ينجح في انو يدمر علاقتنا متخليهوش ينجح
مي:مش هيسكت
اسر:ممكن متشغليش بالك بالموضوع دا لأنك قريب هتسمعي خبره
مي بخوف:انت ناوي على ايه يا أسر
اسر:هتعرفي كل حاجة في وقتها
مي:أسر انا عارف انك مش هتسكت بس دا شطان وممكن يأذيك ممكن يحصلك حاجة بسببي
اسر بحب: عمري ما هيحصلي حاجة طول ما انتي في حضني ليقترب منها أكثر ليصدر هاتفها صوت معلن عن اتصال ليغمض عينه بقوه
اسر:دا مين ابن الفصيله دا
لتضحك مي بخفه
مي:رد
اسر:لا سيبك منه احنا كنا بنقول ايه
مي بابتسامه:رد بجد
اسر بتأفئف:طيب طيب
ليلتفت و ياخذ هاتفه و يقم بالرد و مي بين أحضانه تستند برائسها على صدره و هو يحتضن خصرها بيده الاخرى
اسر:ديما بتفصلني عايز ايه
معتز:تعال يلا الاوراق كلها جاهزه
اسر:ماشي تمام هاجي
ليغلق مع معتز
لتنظر مي له:رايح فين خليك جنبي
اسر:مشوار مهم و تلاقيني هنا علطول
لتسمع مي صوت بالأسفل
مي بخوف:أسر في حد تحت
اسر:متخفيش دي سعديه كانت بتساعد ماما و جبتها علشان تقعد معاكي و تعملك اكل علشان الضعف اللي انتي في دا
مي:ليه كدا بس انا كويسه هعرف اعمل لنفسي كل حاجة
اسر:لا ترتاحي الفتره دي الدكتور قال انك ضعيفه جدا و انا مبحبش الكلام دا
مي:ماشي يلا علشان مشوارك متتاخرش عليا
ليقترب و يقبله بخفه ليتفاجى بمادلته ليتعمق أكثر و أكثر
لتلف يدها حول عنقه ليحتضن خصرها اكثر دامت قبلته العاشق لدقائق قليله لتبتعد عنه قليلا لينظر لها بحب
مي:يلا يا أسر مشوارك
اسر:لا مش هرواح خلاص انا لسه مشبعتش
مي بابتسامه:يلا هستناك هروح فين يعني
ليقبلها سريعا وهو يبتسم : مش هتاخر
لينهض من مكانه و ياخذ ملابسه و يدخل إلى حمام الغرفه ليخرج ليجدها ذهبت للنوم مره اخري ليخرج بهدوء حتى لا يوقظها
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
في مكان آخر
رامي:حمدلله على السلامة
الشخص المجهول المتصل2:الله يسلمك يا رامي
رامي:دلوقتي عملنا كل اللي فكرت فيه و كنت فاكر انه هيضربهاو يتردها و كدا و محصلش حاجة
الشخص:لا كل دا بس علشان نشقلب حياتهم انما دلوقتي جيه دوري انا بقا
رامي بضحكه سخريه:هو انت كأب بمتحنلهاش
انور:دي اكتر حد انا بكره في حياتي دمرتني و بسببها شوفت الويل بس ابوك الله يرحمه مسبنيش و لما سافرت ساعدني و اشتغلنا سوا و بقيت أكبر تاجر مخدرات
رامي:ما توطي صوتك دا
انور:المهم سيبك منها دلوقتي ايه اخبار الشحنه الجديده
رامي:كله تمام بس ناقص نأمن
انور بشر: كويس سبها عليا و بالمره ارجع حقي
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
حل المساء عاد إلى المنزل مره آخرى ليصعد لرؤيه مي ليجد سعديه تخرج من غرفتهم وتحمل الطعام كما كان
اسر:ايه دا هي مي مكلتش من ساعه ما خرجت
سعديه:لا يا بيه كل ما اجبلها الاكل ترفض و تخرجني
اسر:طيب شكرا يا سعديه اتفضلي انتي و ريحي انتي تعبتي من الصبح
سعديه:تحب احضرلك الاكل
اسر:لا شكرا اتفضلي انتي ارتاحي
سعديه:تسلم يا بيه
ليدخل أسر إلى الغرفه ليجدها تجلس على السرير و تمسك هاتفها بغضب شديد
مي بغضب:افتح موبيلك كدا
ليخرج هاتفه من جيبه و ينظر به ليجد ٥٠ مكالمه منها
اسر بسرعه و هو يرفع نظره لها:والله كنت مشغول جدا و اول ما خلصت جيت بسرعه
ليذهب و يجلس أمامها على الفراش
مي:و ايه بقا اللي شغلك اوي كدا
اسر:اقولك و متصوتيش
مي:تعرف عني كدا
ليرجع يده خلفه و يخرج سلاحه و يضعه أمامها
مي:ايه!!
أسر وهو يحك رائسه من الخلف:انا رجعت الخدمه
لتقف مي فوق الفراش بسرعه
مي بصوت مرتفع:نععععم!! لا لا اكيد بتهزر قولي انك بتهزر
اسر:اهدي يا مجنونه و اقعدي لتنزل مي من فوق الفراش و تقف أمامه و تمسك ياقته بيديها
مي:على جثتي يا أسر
اسر و هو يرفع حاجبه بإبتسامه: انتي قد الحركه دي
مي بترجي:انا عارفه اللي في دماغك يا أسر بلاش الزفت دا شطان وممكن يأذيك
ليحاوط خصرها و يقربها منه و هو جالس على الفراش لتقف بين احضانه لتحاوط عنقه بيدها
أسر و هو ينظر لها بحب:خايفه عليا يا قطتي
مي بابتسامه:قطتي!!
اسر:اة مش ندي بتقولك كدا
مي:امممم دا انت بتغير من نودي بقا
اسر:اني قطتي الصغيره بتاعتي انا بس
لتقترب و تداعب انفعه بانفها: موافقه
اسر:احنا في كلام مكملنهوش الصبح
مي بعدم فهم:ايه هو
ليحملها بسرعه و يضعها على فراشهم لتفهم مي ما مقصده لتتحول وجنتها للون الاحمر
مي:أسر بص..بص بقا..انا ام..انا جعانه
ليعتليها أسر و ينظر لها بحب شديد
اسر:انا كمان جعان و لسه مشبعتش ليقترب منها و يقبلها بحب شديد و يأخذها لعالمهم الخاص
(بسسسسسس كفايه كدا عيب بقا
)☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
مر شهرين و عشقهم يزيد كل يوم و بدأ أسر في جمع المعلومات عن رامي و معرفه معاد أكبر شحنه التي سوف يتم تسليمها في شركه رامي و أكتشف أن اسم انور والد مي وسط المعلومات التي تم الحصول عليها لينقبض قلبه بشده يشعر بشعور سئ لا يعرف لماذا لقد كان محقا
في احدى الايام وصلت له رساله على هاتفه و هو يعمل ليقم بفتحها ليقراء محتواها ليجن جنونه و يخرج سريعا للعود لمنزله دخل كالاعصار للمنزل
أسر بصراخ:مي يا مي
لتخرج سعديه له مي هانم خرجت من ساعه بسرعه و معرفش راحت فين
*فلاش باك*
كانت مي تجلس و تمسك هاتفها حتى وصل لها اتصال من رقم مجهول ليقم بالرد لتسمع صوت قد كرهته بشده جعل قلبها ينتفض من مكانه لتغلق الاتصال بسرعه
لتصل لها رساله
(ندي حبيبتك قدامي لو متجيش هنا****** هتكون بين ايدي)
لتتصل عليه مره آخرى
مي بصراخ:عارف لو لمستها انا هقتلك
انور:توء اهدي كدا يا حلو انا عايزك انتي تجيلي خلال ساعه باي باي ليغلق بوجها لتنطلق خارج المنزل بسرعه شديده خوفا على ندي من هذا الشيطان
*باك*
سعديه:هو دا كل اللي حصل يا بيه
ليشعر أسر ببركان داخله ليرفع شعره لأعلى و هو يضغط عليه بقوه ليخرج سريعا من المنزل
ليجد رقم مجهول يتصل عليه
ليقم بالرد سريعا
انور:جوز بنتي طبعا هتتجنن دلوقتي
أسر بصوت مرتفع:هي فين عملت فيها ايه
انور:اهدي كدا مي معايا ولو عايزها يبقا تسمع كل كلمه هقول عليها
اسر:عايز ايه
انور:هبعتلك المكان اللي هنتقابل في الساعه ١٠ تكون عندي
اسر:انا عايز اكلمها
انور:علشان تعرف اني قلبي حنين هخليك تكلمها
ليضع انور الهاتف على اذنها
انور:كلمي روميو يا حلوه
مي و هي تحاول ان تتماسك و تظهر صوتها بقوه فهي أصبحت ضعيفه اثر ما قام انو بفعله بها
مي بصوت ضعيف من شده ما حدث لها:أسر
أسر و قلبه ينتفض من مكانه:متخفيش يا مي انا هجيلك
مي:انا واثقه فيك و انا مبخفش انا مرات أسر الكيلاني
ليسحب انور الهاتف بسرعه و غضب و يغلق الاتصال
انور:لا خافي دا وقت الخوف
مي برغم ضعفها ابتسمت بسخريه:الخوف دا ليك انت
انور:فكرك أسر بتاعك دا يقدر يعمل حاجة دا انا هخليه تحت رجلي
مي بسخريه:معلش حقك ما انت متعرفش أسر يبقا مين معلش معلش ليك عذرك
ليصفعها بقوه لترتطم عل الأرض بقوه و تفقد وعيها
انور:انا هوريكي انا هعمل فيكوا ايه
☆☆☆☆☆☆☆☆☆☆☆☆☆☆☆☆☆☆☆☆☆☆
ليهاتف أسر اكرم بسرعه و هو ذاهب لمكان لقاء الشيطان
اسر:اكرم اسمعني كويس هتجمع اهلي و اهلك في بيت واحد بس و هتجيب حراسه مشدده عليها سمعني يا اكرم
اكرم بعدم فهم:ليه
أسر بغضب:انور رجع و معاه مي و بيهددني بيها و انا دلوقتي رايحلوا
اكرم بعصبيه:تروح لمين يا مجنون استني انا هجيب قوه و اجيلك
اسر بصراخ:هتجيب قوه و هنعمل بيها ايه هنقبض عليه بتهمه ايه
اعمل اللي بقولك عليه بسرعه مش هستنى يأذي حد
ليغلق معه
ليتجه اكرم بسرعه و و يفعل كما طلب أسر منه
سميره:ايه يبني الحراسه دي كلها و ليه كلنا هنا
اكرم بجديه:اسمعوني كويس محدش يخرج من هنا ابدا لغايت ما ارجع
اسماء بقلق:ما تفهمنا يا اكرم في ايه
اكرم بتنهد:انور رجع
منصور:انت بتقول ايه
ليشهق الجميع و تضع اسماء يدها على فمها و روان المثل
ثريا ببكاء:مي..مي فين يا اكرم
اكرم:مي معاه
ثرايا بانهيار:انا عايزه بنتي يا اكرم انا عايزه مي
اكرم:اهدي يا ماما انا و أسر مش هنسكت ولا هنسيبه
لتنهر ثرايا ببكاء شديد لتذهب روان و سميره لها
طارق:انا هاجي معاك
اكرم:تيجي معايا فين انت هتقعد هنا مع عمي معاهم و تخلي بالك منهم
اكرم:انا همشي دلوقتي و محدش يخرج زي ما قولت
لينصرف اكرم بسرعه لتذهب اسماء سريعا له و تمسك يده
ليلتفت اكرم لها
ليحتضنها وهي تبكي بقوه
ليمسح على ظهره بحنان
اكرم بحب:بس اهدي
اسماء ببكاء:هيعمل ايه فمي يا اكرم هيعمل
ليبعدها عنه قليلا و ينظر لها
اكرم:متخفيش مش هيعمل حاجه
اسماء:انا خايفه عليها و عليك يا اكرم ممكن يأذيك انا ممكن يحصلي حاجة
اكرم بإبتسامه حتى لا يقلقها:متخفيش عليا هنرجع
كلنا كويسين خلي بالك من نفسك انتي و ندي يلا ادخلي
لتحتضنه بقوه و هي تبكي ثم تدخل مره اخري
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
وصل أسر للمكان المحدد كان منتصف الطريق الصحراوي
توقف و نزل من سيارته ليجد أنور يخرج من سيارته و خلفه العديد من رجاله ليقف أمام أسر
انور:أهلا بجوز بنتي
اسر:هي فين
انور:مين..مي
أسر:متنطقش اسمها هي فين
انور:لا أهدى كدا لسه هنشتغل مع بعض
اسر:عايز ايه
انور:بص بقا يا حضره الظابط انت شاطر اوي و عرفت المكان اللي الشحنه هتوصله انا بقا غيرت كل حاجة و عيزك زي الشاطر تأمن البضاعه بس بصوره غير مباشره طبعا هتبلغ فريق العمل بتاعك كله معلومات عكسية و علشان شكلك ميبقاش وحش و تكون صادق انا هبعتلك رجاله يحصل بينهم و بين الظباط اشتباك بسيط كدا لغايت ما نأمن نفسنا و نظبط الشحنه علشان حرام مجهدهم ميروحش على الفاضي
أسر باندفاع:انت اتجننت لا طبعا
انور:يبقا تنسى الست مي بتاعتك و غيرك كدا كدا نفسه فيها
ليقترب أسر منه بغضب
انور:مالك بتقرب اوي كدا ليه انا اضرب صوابي و ثواني و تكون تحت رجلي
ليقف أسر و الدماء تغلي في عروقه
انور:ها يا حضرت الظابط هتعمل اللي قولتلك عليه ولا لا
أسر وقد ملائت ملامه الغضب:موافق بلغني بالمعلومات كلها و انا هبلغ فريقي كل المعلومات بالعكس
انور:لا انت هتوصلك رساله فيها المعلومات الازمه لكن مكان الشحنه الجديده انت مش هتعرف عنها حاجة اول ما توصلك الرساله تاخد فريقك زي الشاطر و تروح تعمل معاهم اشتباك
اسر:طب و مي
انور:مي هتكون معايا في التسليم صدقني اي غدر منك انت اللي هتخصر هرجعهالك جثه و مستعمله كمان متستقلش بيا اللي يعرف كل معلومتكوا و اعرف انك عرفت كل حاجة يبقا اقدر اعرف كل حاجة باي باي يا روميو
ليذهب إلي سيارته و يذهب هو و رجاله
كان أسر يقف يراه و هو ذاهب أمامه ولا يستطيع أن يفعل شئ
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
بعد مرور يومين وصلت رساله لأسر كما كان مخطط ثم قام انور بالاتصال عليه
اسر:كل المعلومات وصلت خلاص و هبلغ فريقي كل المعلومات دلوقتي
انور:تمام الساعه ١٢ يكون فريقك في المكان و رجلتي هيكونوا هناك
اسر:تمام و مي
انور:مي هتكون معايا في أول ما التسليم يتم هبعتلك المكان و يتلحقها يا هتكون لرامي ليضحك بقوه
ثم يغلق في وجه
مر الوقت وحان المعاد المنشود
بدا أسر في توجيه فريقه لمكان الاشتباك
ليهاتف انور أحد رجاله
الرجل:ايوه يا باشا
انور:ها وصله
الرجل:الحكومه وصلت يا باشا بس اللي اسمه أسر مش معاهم
انور:سيبك منه...المهم انا عايز يحصل اشتباك اكن البضاعه معاكوا
الرجل:متقلقش يا باشا مجزرة
ليغلق معه
رامي:ها كله تمام
انور بشر:اكيد طبعا ها يا حلوه شوفتي أسر بتاعك بقا تحت رجلي ازاي
لتضحك مي بسخريه:يا حرام انت صعبان عليا اوي
ليمسكها رامي مش شعرها بقوه:هو انتي فاكره أسر دا ايه سوبرمان انا بكره انسيكي اسمه
انور:سيبك منها يلا ورانا شغل
ليدفع رائسها لتقع على الأرض
بدأت الاشتباكات في الجهه المحددة مع قوات الامن
و بدأ رامي و انور في متابعه الشحنه الوارده
ليجدوا سياره تدخل الي المخزن ليوجه جميع الرجال الاسلحه عليها
لينزل أسر و يقف أمامها بكل ثقه لترفع مي رائسها و تنظر له وتبتسم بفخر
انور بتفاجئ هو ورامي
انور:انت عرفت المكان ازاي
اسر بابتسامه نصر:ما انت متعرفش انا ابقا مين و اخدت حاجة تخص مين
*فلاش باك*
عاد أسر بعد يوم شاق و متعب ليصعد و يدخل إلى الغرفه ليجد مي تقف أمام التسريحة تجفف شعرها الذي يعشقه ليذهب و يحتضنها ثم ينحني قليلا لها و يقبل عنقها بحب و يستنشق عطرها باشتياق
لتبتسم مي و تلتفت له لتحتضن وجه بين يديها
مي:مالك يا حبيبي فيك ايه
ليتننهد بقوه:مفيش
لتجلسه على مقعد التسريحة و هي تقف أمامه
مي:ازاي يعني انت مش شايف نفسك ولا ايه
ليلقي برائسه على صدرها لتضمه إليها و تمسح على شعره بحنان
مي:مالك يا أسر
اسر:خايف يا مي
لترفع رائسه عنها
مي باستغراب:من ايه
اسر:خايف معرفش احميكي خايف تروحي مني انا ممكن اموت
مي:ليه بتقول كدا
أسر:انا هقولك علشان لازم تعرفي و علشان انتي قويه
مي بقلق:في ايه
اسر: و انا بجمع معلومات عن رامي اكتشفت ان انور اسمه معاه و شريكه في كل الأعمال المشبوهة و انو رجع مصر من كام يوم لتنتفض مي بشده اثر صدمتها من كلامه
مي ببكاء:رجع...رجع يا أسر
ليجذبها لاحضانه و يجلسها على رجله كأنها طفله صغيرها و يضمها بقوه لتعانقه بشده و هي تبكي
ليمسح على ظهره بحنان حتى تتوقف عن البكاء
مي:لازم نطلق يا أسر لازم تبعد عني
لم بتفاجى من رد فعلها مطلقا فهو يعلم انها تريد حمايته
اسر:طب اهدي
لترفع وجها و تنظر له
مي:مش هيسبني في حالي و اكيد هيحاول تاني يعمل حاجة والله اعلم المره دي هيعمل ايه و انا مش هستحمل يحصلك حاجة احنا لازم نسيب بعض
اسر:اقتله...يفكر يقرب منك يا هيكون قتلني يا قتله انتي مصدر قوتي يا مي انتي كل حاجة ليا انا مستحيل اسيبك نظره منك تخليني اهد جبل علشانك انتي حياتي كلها اللي من غيرها اموت
مي بابتسامه مرهقه:و انا حياتي من غيرك ولا حاجة بس تبقا بعيد عني كويس ولا انك تكون معايا و تتاذي
اسر:أكبر اذى ممكن يحصلي انك تكوني بعيده عني
ليخرج أسر سلسله من جيب بنطاله و يضعها لها على عنقها
لتتلمسها
مي:حلوه اوي
اسر: دي اللي هتوصلني ليكي لو لقدر الله حصل اي حاجة اوي تقلعيها ابدا من رقبتك لغايت ما يكونوا في ايدي و اوعي تخرجي لوحدك سمعاني يا مي
لتنظر له مي بحب و قد امتلائت عيونها الدموع
ليرفع يده و يمسح دموعها لتقبل باطن يده
مي:انا بحبك اوي
ليحتضنها بقوه:و انا كمان يا قطتي
*باك*
من يوم ما عرفت انك هنا و انا عامل كل احتياطتي قول بقا لرجلتك الحلوه دي كلها تنزل السلاح لان المكان كله قوات ليدخل من وراء أسر قوات و يرئسهم اكرم ليترك جميع الرجال الاسلحه على الأرض و يرفعوا ايديهم لأعلى
ليجذب انور مي من شعرها بقوه و يرفع سلاحه لرائسها وهو يتراجع هو و رامي للخلف
ليخرج أسر سلاحه و يوجه اتجاهم
انور:لو معملتش اللي هقولك عليه هقتلها
اسر:سبها و هعملك اللي انت عايزه
انور:تأمني انا ورامي لغايت ما نخرج من البلد و كل القوات دي تتراجع
لينظر أسر لمي التي كان وجهها يملئه الكدمات و الدماء
لتفهم ما يدور بعقله و ما هي إلا لحظات و قام أحد القناصة بأطلاق النار على كتف انور لتخرج مي بسرعه شديده من بين يديه و تذهب سريعا رغم ضعفها الشديد و تقف بين أحضان أسر ليسمع أسر صوت إطلاق النار لتتهاون مي بين يديه
ليجد ان رامي قام بإطلاق النار على مي لتقع بين يديه على الأرض لينزل لها و هو يحضتنها
ليضرب اكرم رامي بقوه و تتقدم جميع القوات للقبض على الجميع
أسر بخوف شديد:مي..مي متقفليش عينك افضلي صاحيه لغايت ما نوصل للمستشفى
مي بضعف:انا كويسه متخفيش
ليمر اكرم و هو يمسك رامي و هو مكبل اليدين
ليقف رامي و ينظر لأسر
رامي بشر:فكرك انت اللي كسبت انا مش هسيبك و قتلتلك اعز اتنين واحده بين ايدك اهي و التاني كان في بطنها
*فلاش باك*
كانت مي في احدي مخازن المكان الذي سوف يحدث به التسليم
ليدخل رامي إليها و يحاول الاعتداء عليها لتقاومه بشده ليقم بضربها بقوه لتجلس على الأرض لتمسك بطنها بالم شديد و هي تصرخ من شده الالم لتجد نفسها بدأت تنزف الكثير من الدماء
ليتفاجى رامي بشده و يقم بإحضار الطبيب
الدكتور:المدام اتعرضت الإجهاض بسبب اللي اتعرضت ليه
لتبكي مي بحرقه شديده على طفلها الذي فقدته و لم تكن تعلم بوجده
*باك*
ليتفاجى أسر مما يتفوه بيه هذا المجنون ليمسك سلاحه و كان على وشك قتله لكن أمسكت مي يده
مي بصوت ضعيف:مش هتضيع نفسك عليه
لياخذهم اكرم للخارج
ليضع أسر يده على بطنها
اسر:آسف اني سبتك بين ايد الكلاب دي اسف
مي:انا بحبك اوي يا اسورتي لتغلق عينيها يبطئ
أسر بصراخ:متغمضيش عينك يا مي...يا مي ليحملها بسرعه للمستشفى
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
بعد مرور سنه على هذا اليوم المشئوم يدخل أسر و اكرم لمنزل أسر
ليخفض أسر رائسه ليمسح اكرم على ظهره بحنان
اكرم:معلش استحمل
ليرفع نظره ليجد مي تأتي و تقف أمامه و تمسك خصرها بغضب
اكرم بضحك:اشرب يا معلم
ليذهب اكرم الي الحديقه لتجري ندي بسرعه اليه و تحتضنه ليحتضنها هي و اسماء
و يرحب بالجميع
اسر:مساء الخير يا جماعه
الجميع:مساء النور...حمدلله على السلامة
لينظر مره آخرى لمي ليجدها تنظر له بأعين مشتعله
اسر:هفهمك
مي:تفهمني ايه بقالك ١٠ ايام في الزفت المأمورية و مكلمتكيش غير مره واحد و كانت اقل من دقيقه تفهمني ايه بقا ها ها هاااا
ليمسك يدها و يأخذها لداخل الفيلا و يصعد لغرفتهم ليدخل أسر إلى الغرفه و يغلق خلفه لتسحب يدها و تبتعد عنه و تربع يديها أمامها بغضب طفولي
اسر:يعني دي طريقه تستقبليني بيها و انتي واحشتني اوي كدا و جيبلك ايس كريم كمان
استطاع أن يجعل قلبها يلين مثل كل مره لتذهب مي و تقف على طرف أصابعها و تحتضنه ليحاوط خصرها و يرفعها له لتلف ساقيها حول خصره ليدفن وجه في عنقها و يستنشق عطرها باشتياق و هو يهمس لها
اسر:واحشتني اوي
مي:انت كمان واحشتني اوي بس زعلانه منك
اسر:والله المأمورية كانت صعبه و لو كنت كلمتك كنت هسبها و اجيلك مش هقدر اسمع صوتك و مجيش لترفع رائسها عن صدره
مي:بس انا بقلق عليك يا أسر
اسر:آسف يا قطتي
مي بدلع:هفكر
اسر بابتسامه:اممممم,٥..٤..٣
لتحتضنه مره آخر و هي تضحك بخفه:خلاص سامحتك
لتبتعد قليلا مره آخر
مي:كنت هقولك على حاجة بس هعقبك شويه كمان
ليقبلها بسرعه على شفتيها
اسر بابتسامه:ها
مي:لا
ليقبلها مره اخري بسرعه
اسر:هممم
مي:لا يعني لا ليقبلها هذه المره بعمق قبله تحمل ما تعني الكلمه من اشتياق لتبادله في اشتياق لتبتعد عنه و تنظر له و هي تتنفس بسرع
مي بابتسامه:انا حامل
ليفتح أسر عينه بقوه
اسر بصدمه:ايه..قولتي ايه
مي بسعاده:بقولك حامل يا أسر
ليقم بالدوران بها بسعاده شديده و هو يضحك لتتمسك به بقوه
مي و هي تضحك:بس بس يا مجنون
ليتوقف أسر و ينظر لها
اسر بسعاده:يعني هيكون ليا حته منك و هكون اب
مي:احلى اب في الدنيا
اسر بحب:بحبك يا قطتي
مي:بحبك يا اسورتي
بدأت مي حياتها برفقه أسر و الجميع حياه طبيعيه بعد القبض على هؤلاء الشياطين و حصولهم على مؤبد
☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆
☆قد نظن اننا سنظل نشعر بالألم بمفردنا دون أن يشعر أحد سنظل بمفردنا داخل حياتنا التي لا يعلم احد عنها غيرنا ولكن تأكد ان هناك من كتبه الله لك لكي يأخذك من عالمك هذا حتى تبني معه حياتكم سويا ولكن تأكد من اختيارك الصحيح و تأكيد ان ليس جميع الخلق تشبه بعضها فمثلما يوجد الشر يوجد الخير فقط لا تفقد الأمل☆
☆تمت بحمد لله☆