رواية قلبي لمن يعشقه الفصل السادس عشر 16 بقلم نانا ابو جبل

رواية قلبي لمن يعشقه الفصل السادس عشر 16 بقلم نانا ابو جبل

 الجزء السادس عشر :

أما قصي فكان يرن على خالته ...

سمعت دعاء رنت تليفونها ...

فراحت لترد ...

قصي : ألو ، خالتي خوفتيني عليكي ...

دعاء : حبيبي ، أنا أسفة إتأخرت بالرد ...

قصي : عادي خالتي ، و هلق قوليلي صاير معك شي ...

دعاء : لا أبدا حبيبي ، ما صار معي شي ...

قصي : خالتي شو بتخبي ...

دعاء : ما بخبي شي ...

قصي : طيب يا خالتي ، هلق لازم أطلع على الجامعة ...

دعاء : الله معك حبيبي ...

سكر قصي تليفون و راح على الحمام غير ثيابه و طلع من الغرفة ....

لقى بطريقه الدادة نعيمة ...

الدادة : كيف حالك إبني قصي ...

قصي : أهلبن دادة ، شو حضرت الفطور ...

الدادة : أكيد حبيبي ...

راح قصي يفطر و هو عم يفطر رن تليفونه ...

قصي : أهلين هلا ، شو بكي ...

هلا : كلمت ماما ، قلي ...

قصي : آه كلمتها ، لا تقلقي أبدا تليفونها طفى بس ...

هلا : عنجد عم تحكي ...

قصي : أه ، عنجد هلا صدقني ...

هلا : مصدقتك ...

قصي : وينك هلق ، بدي أشوفك و أطمن عليكي ...

هلا : هيني رايحة مع تالا على الجامعة ...

قصي : تمام ، بقابلك هنيك ...

سكر قصي التليفون و صار يتذكر محادثته مع خالته المرة اللي فاتت ...

قصي : شو قصتك يا خالتي ، و شو قصة تالا أكيد في شي ...

أما هلا و تالا فكانوا يمشوا وهم سرحانين ...

بس هلا كسرت الصمت اللي صار ...

هلا : تالا ، إمي شو قالتلك خبريني ...

تالا : ما خبرتني شي حبيبتي ...

هلا : لا تكذبي علي تالا ...

تالا : طيب قالتلي صوتك بشبه صوت بنتي تالا ...

هلا : عم تمزحي ، قولي نكته ثانية ...

تالا : شفتي قلتلك ما خبرتني شي ...

هلا : طيب هالمرة مصدقتك ...

أول ما وصل للجامعة دخلت هلا و تالا و فورا لقوا بوجهم لؤي و صديقه عمر ...

عمر : أهلين صبايا ...

تالا مشيت و ما تكلمت بكلمة أما هلا ...

هلا : أهلين شباب ...

عمر : يا هيك البنات يا بلا برد السلام ...

هلا : شوفوا شباب حضرت أكله و إشتهيتكم فيها ...

عمر : يا سلام ، شو رأيك لؤي نجرب ...

لؤي : أنا ما بدي جربها لحالك ...

عمر : طيب ، أنسة هلا ، شو رأيك نروح على الكافتيريا نأكلها سوا ...

هلا : تمام ، يلا ...

راحت هلا مع عمر على الكافتيريا و ضل لؤي واقف جنب تالا ...

لؤي : كيف حالك أنسة تالا ...

تالا : من الله منيحة ، عندي محاضرة ، بالإذن ...

لؤي احق تالا و قال : شو صرلك يا أنسة و شو اللي غيرك ...

تالا : لؤي روح من هوم ماني طايقتك ...

لؤي : لهدرجة ...

تالا : و أكثر يا سيد لؤي ...

لؤي : و السبب ...

تالا : مو لازم تعرف أحسنلك ...

لؤي إغتاظ من ردة فعل تالا تركها و مشي ...

في هاي اللحظة دخلت هلا مع عمر الكافتيريا ...

و قعد على طاولة فاضية ...

عمر : و هلق وين الأكلة ...

هلا : هيها معي ...

طلعت هلا علبة من شنتتها و حطتها قدام عمر ...

فتح عمر العلبة و بدأ يأكل و هلا عم تتطلع عليه و فجأة قام عمر عن الكرسي ووقع على الأرض ...

قامت هلا بسرعة سكرت العلبة و حطتها في الشنتة و طلعت من الكافتيريا و صارت تركض ...

شافها قصي و صار يزمرلها ...

هلا إنتبهت لصوت الزمور و راحت لعنده ....

يتبع ..

السابع عشر من هنا

تعديل المقال