رواية حدوتة حب الفصل الخامس عشر 15 بقلم مريم عبدالرحمن
الحلقه الخامسة عشر ...حدوتة حب 
للكاتبه مريم عبدالرحمن
__________________
اتفتح باب الاوضه و دخل ريان و مالك
فارس بعصبيه / مين انتوا عشان تخشوا كده
ريان بعصبيه / مين انت يا روح امك
مايا كانت عاجزه عن الكلام لكن نطقت بسرعه لانقاذ الموقف ..
مايا بتوتر / فارس الدكتور بتاعي و ده ريان يا فارس
فارس بسخريه / ده ريان ؟
ريان بنرفزه / ماله ريان هه ماله
فارس / ولا حاجه
مالك / طب ممكن تتفضل نقعد معاها
فارس / معلومه يمكن تفيدكو
و فارس قام وقف و كمل و قال..
فارس/ انا دكتورها النفساني لانها حاولت تنتحر ف ياريت انتوا متقطعوش الجلسه المهم هسيبكو تتكلموا معاها ١٠ دقايق و هاجي
ريان ب ضيق / مش عاوزين دكتور نفساني متشكرين
مايا / ريان انا هستريح لو اتكلمت مع دكتور فارس انا محتاجاه
ريان بلهفه / اتكلمي معايا او حتى مع علياء او مالك مش مشكله
مايا / الدكتور كلامه احسن و عجبني كلامه من اول موقف حكيته
مالك بتنهيده / طب مش هتروح؟ ما تجيلها فالبيت
ريان / بلاش يخرجوها دلوقت لانها لو خرجت هتطلع عل بيت مروان و رفيقه
مايا / مفيش داعي ولا دليل اني اروح معاهم بعد كده
مالك/ ازاي
فارس/ عن اذنكوا انا بقا
خرج فارس و قفل الباب ...
مايا بإبتسامه/ ريان رفيقه مش امي
مالك تنح / ازاي
مايا بفرح / بابا زمان جابني ليها عشان تربيني و هي حتى متعرفش انا بنت مين ولا ده ابويا ولا لأ عشان كده رمتني و رجعت من اسبانيا تاخدني عشان انبت ضميرها مش اكتر و تعيشني كويس بفلوسك هي اشفقت عليا و انا صغيره و لو اثبت دلوقت ب تحليل الdna انها مش امي هعرف اخرج معاكم
مالك/ انتي فرحانه كده ليه
مايا بدموع/ عشان انا عمري م اتمنى واحده زي دي امي دي جشعه و رمتني و اذتني و اتهمتني و عملت كل حاجه وحشه ف حقي و لا عمرها حسستني بالامومه مره واحده كان نفسي ف عيله او ان امي تقرب بس ياريتها م قربت مني
ريان بابتسامه / كده يعني ...
مايا / انتوا ليه سيبتوني و مشيتوا و مخدتونيش
مالك/ لو كنا خدناكي كان هيبقا ضد القانون و بنخطفك
مايا بتنهيده/ يعني مسبتونيش؟؟
علياء بشهقه / انتي عشان كده انتحرتي
مايا كسرت وشها فالارض...
ريان رفع راسها ..
ريان بجمود / متكسريش راسك فالارض كده مهما حصل يا مايا احنا جمبك و مش هنعاتبك على اي غلط عملتيه بس اظن ان مينفعش تكرري حاجه زي كده
مالك/ اظن كده فهمتي كل حاجه ملوش لازمه دكتور نفساني
مايا/ لا انا محتاجه دكتور فارس
ريان/ سيبه ي مالك يمكن يريحها هي نفسيتها وحشه
علياء/ طب يلا نطلع و نناديه ياخد دم يعملها dna و ياخد معاها جلسه و نثبت اننا ناخدها معانا
ريان/ تمام يلا
خرج مالك و علياء و قبل م ريان يخرج بصلها و ابتسم ابتسامة امل و قفل الباب
فارس/ ها خلصتوا
ريان بتنهيده/ اه اتفضل
فارس دخل ل مايا ..
فارس/ مايا استريحتي شويه و تقدري تكملي كلام
مايا / مش عارفه ابدأ منين بس كان غصب عني احبه
فارس/ ليه اختارتي ريان دوناً عن اي حد
مايا بصتله نظرة عتاب / هو المفروض يدكتور انا اللي اقول الكلام ده بس انا هفكرهولك ..انا مبختارش انا بالنسبالي الحب دي بييجي زي الاسرائيلي اما يهاجم بييوتنا هو بالظبط الحب هاجم قلبي و دخله انا حاولت كتير ابعد تفكيري عنه بس قلبي كان بيقرب
فارس كان ساكت و بيسجل فالكراسه كل كلامها
فارس / طب انتي حبيتي ريان من امتا ؟
مايا ابتسمت/ حبيته من ساعة م شوفته فالكافيه فالقاهره اعجبت ب شخصيته جدا و كان معلق ف دماغي بطريقه غبيه و كان احلى الايام اللي مثلت فيها قدام عيلته اني مراته
فارس بدهشه / طب احكيلي من الاول كده عشان اقدر افهم
_________________
علياء كانت فالبيت بتعمل اكل لقت موبايلها بيرن رقم غريب استغربت و رفعت..
علياء/ الو؟
زين / علياء انا زين
علياء بعصبيه / ليك عين تتكلم يا ...
زين بمقاطعه/ علياء انا بس عاوز افهمك ان انا والله كنت مجبر الناس دي هددتني ب عيلتي و خطفوني و كانوا هيعذبوني دي ناس مريضه نفسياً
علياء / و تقوم على حساب حياة مايا تنقذ حياتك انت و عيلتك
زين / علياء اظن ان انتوا حافظني و احنا عِشرة سنين اني اعمل حاجه زي كده انا ندمان جدا و مكنتش عاوز اعمل كده ارجوكي نتقابل اعبرلك عن اسفي
علياء بتوتر / طب انا مش ضمناك هقابلك ازاي
زين / فالجامعه اظن ده مكان عام
علياء / تمام
مالك دخل المطبخ ...
مالك / علياء بتكلمي مين
علياء بتوتر / صاحبتي يا مالك
مالك / صاحبتك مين
علياء قفلت ...
علياء / صاحبتي من الجامعه اسمها هاجر
مالك / تمام يلا عشان هننزل نروح ل مايا المستشفى تعمل التحليل و ناخدها و نخلص
علياء بابتسامه / تمام هخلص السندوتشات علطول و هاخط سندوتشين كبده ل مايا و هاخد جرجير بتحب الاكله دي اوي
مالك بضحك/ ماشي ي ستي
علياء / ريان فين
مالك / متزفت جمبها فالمستشفى
علياء / هو صحيح مطلعتش امها
مالك / هنشوف التحليل و هناخدها احنا
_________________
فالمستشفى...
مايا / بس ي فارس و اقتنعت اني معجبه بيه قبل م اسافر و سافرت اسبانيا لقيته جوز امي شوفت نكته اكتر من كده
فارس / و اهو طلعت مش امك
مايا / بالظبط
فارس / طيب هاخد منك عينة دم عشان نتاكد و يبقا في قرار انك تبعدي عنها و اهي كمان كانت بتعاملك وحش و ب شفقه
مايا لحزن/ تمام
فارس قام جهز الحقنه و مدلها ايده عشان تمد ايدها ..
مايا بخوف / حقنه؟؟
فارس بضحك / متقلقيش ايدي بيقولو خفيفه
مايا بابتسامه/ تمام براحه و انا هغمض عيني
فارس بضحك / ماشي يا ستي
مايا غمضت عينها و مدت ايدها و مفيش دقيقه فارس قال..
فارس بسخريه/ خلاص انتي لسه مادّه ايدك؟
مايا فتحت عينها ..
مايا / ايدا خلصت؟؟؟؟
فارس / ييس
مايا بضحك / الحمدلله
فارس بابتسامه / تمام الممرضه هديها العينه و هاجي بقا تسمعي كلامي انا لان انا سمعتك
مايا / تمام بس ممكن تناديلي ريان
فارس/ حاضر
خرج فارس شاف ريان قاعد عالكرسي برا
فارس/ ريان
ريان اتخض /مايا كويسه
فارس بإطمئنان /هي كويسه هروح اعملها التحليل بنفسي عشان ميبقاش في تزوير او حاجه من مروان او غيره مش ضامنين و انت ادخل اقعد معاها و هرجع اكمل معاها جلسه
ريان باستغراب / كل دي جلسه؟
فارس / بص هفهمك حاجه هي فالساعتين اللي جوا دول حاكتلي عن حياتها و مشاكلها انا بقا بعد التحليل انا اللي هديها جلسه و كلام و تقدروا تاخدوها
جه عفريت الليالي و قفل عليهم الحوار
مروان / يا دكتور قاصدك احنا ناخدها احنا اهلها ولا اي يا رفيقه؟
رفيقه بسخريه/ معلش يا حبيبي مخادوش بالهم
ريان بنرفزه / بس انتي...
فارس بمقاطعه / تمام مش مشكله هنكمل بس شوية تحاليل و اجراءات و هبقا اعملها اذن خروج تاخدوها
فهم ريان قصد فارس ان مينفعش يقوللهم على تحليل ال dna ..
ريان مشي مع فارس
رفيقه بخوف / مروان تفتكر ممكن مايا تقول اني مش امها
مروان بنرفزه/ انتي قلتلها
رفيقه بتوتر / اه قولت غصب عني كان وقت غضب
مروان بعصبيه / اكيد هتقووول اكيدد انتي مخك راح فين
رفيقه بتنهيده / مايا ذكيه و عارفه مصلحتها و ممكن لو قالت اني مش امها يحصل مشاكل
مروان / لو هي بتحب ريان فعلا هتقول انك مش امها غير كده مش هتقول
رفيقه اتنهدت و ديرت وشها
__________________
مالك / البسي الكوتشي بسرعه انا هنزل اجيب تاكسي و جاي
علياء/ تمام مستنياك
نزل مالك و طلع عالشارع برا يوقف تاكسي يبص يمين و شمال و اذا رقبته تقف على بنت ف غاية الجمال معرفش يوصف شرحها و سحرها ب عينه و لا بشعوره حجابها و جيبتها الواسعه و لابسه جاكت جينز قصير و صندل كعب و واقفه مستنيه تاكسي و كل م تشاور لواحد يطلع مليان يأما تلاقي تكاتك للحظه دير وشه و لقا تاكسي فاضي جاي النحيه التاني شاورله و جاله ..
مالك / شوف الانسه اللي هناك دي محتاجه تاكسي لو مش محتاجه تعلالي تاني
.../ حاضر ياستاذ
صاحب التاكسي وقف قدامها ب العربيه
.../ حضرتك يأنسه عاوزه تاكسي
=اه يارييت متأخره اوي
.../ الاستاذ اللي هناك ده ناداني ليكي
=طب ثانيه واحده اشكره
جريت على مالك...
=انا نادين اللي جبتلها التاكسي اشكرك اوي بجد
مالك بابتسامه / لا طبعا ولا يهمك
نادين / انت كمان عاوز تاكسي؟
مالك/ اه بس عادي هستنى
نادين / طب لو رايحين نفس السكه نروح سوا
مالك/ انا طالع على مستشفى فالمعادي بعد الدائري
نادين بابتسامه/ انا رايحه انا كمان مستشفى عالدائري نحية المعادي يعتبر المنطقه دي كلها مستشفيات و ورايا عمليه ضروري و مش هينفع اتأخر عشان كده بعتذر اني اخدت التاكسي
مالك /انتي دكتوره؟
نادين / اه
مالك ابتسم/ خلاص ثانيه بس استنى اختي و نروح سوا
نادين / تمام
مالك بص عالشارع بتاعه لقا علياء واقفه قدام العماره شاوراها تيجي
علياء جات ..
علياء/ لقيت تاكسي ؟
مالك/ هنركب مع الدكتوره نادين نفس طريقنا
علياء بابتسامه / تمام مش مشكله
ركبوا التاكسي مالك قعد قدام و علياء و نادين ورا و طول الطريق بيرغوا
__________________
فالمستشفى ....
خرج فارس من اوضة التحاليل و معاه ورق
ريان / ها اي التحليل
فارس بيأس/ مش عارف اقولك اي بصراحه
