رواية بداخلي حياة اخري الفصل الخامس عشر 15 بقلم ولاء بدر
☆الفصل الخامس عشر☆
انتهت الخطوبه و كانت فوق الرائعه كانت الأجواء مليئه بالحب و انتهى معها عناد مي و بدأت خطط الشياطين☆☆☆☆☆☆☆☆☆☆☆☆☆☆☆☆☆☆☆☆☆☆
عاد طارق و أسر لمنزلهم
أسر بسعاده:مبروك يا طارق
طارق و هو يحتضنه:الله يبارك فيك يا أسور عقبالك
اسر:قريب
سميره بتفاجئ: قريب ايه
اسر:خلاص يا ماما وافقت اخيرا
سميره بسعاده شديده:لا بجد انت بتكدب عليا صح
طارق بصدمه:مي وافقت تتجوزك
اسر بثقه:اومال
طارق بسعاده:مبروك لولولولي
لتبكي سميره بشده أثر سعادتها لأولادها لحصولهم اخيرا على بنات الحلال كما تمنت
ليحتضنها طارق و أسر بحنان
سميره:ربنا يحفظكوا و يكتبلكوا الخير ديما
انتهى اليوم بسعاده على الجميع
☆☆☆☆☆☆☆☆☆☆☆☆☆☆☆☆☆☆☆☆☆☆
في صباح يوم السبت
في شركه الكيلاني
دخل أسر لمكتبه ولكنه توقع أن يجد مي فأصبحت الأمور بينهم جيده
ليهاتفها
مي بنعاس:الو
أسر:صباح الفل يا كسوله
مي بابتسامه:صباح الخير
اسر:قومي ورانا شغل كتير يلا
مي وهي تتثائب:طيب طيب
اسر:نص ساعه و الاقيكي قدامي سامعه
مي:نص ايه دا النص ساعه دي عقبال ما اقوم من السرير
اسر:ساعه يا مي و تكوني عندي يلا
ليغلق الاتصال
مي:الو...الو...قفل في وشي تاني هو مستهيفني ولا ايه طيب استنا عليا
لتستيقظ مي و تبدأ في تجهيز نفسها ولكنها وضعت بعض التغيرات بها وضعت ملمع شفاه وردي و جعلت شعرها بشكل ذيل الحصان كانت تجمع بين الجمال و الرقه و البرائه و الأنثوي لقد قرارت بدا حياه جديده معه فهي تعشقه
قررت نسيان الماضي واهملت ظهور رامي
☆☆☆☆☆☆☆☆☆☆☆☆☆☆☆☆☆☆☆☆☆☆
وصلت مي الشركه وصعدت لمكتب أسر
مي:صباح الفل يا شوشو
شرين بابتسامه:ميمو وحشتيني حمدلله على السلامة
أصبحت شرين قريبه من مي طول فتره عملها وقررت مي ان تلغي اي تكاليف بينهم وأصبحت صديقتها
مي:الله يسلمك يا قلبي..أسر جوه
شرين:لا مستر أسر راح لمستر طارق
مي بمكر:حلو اوي لما يجي متقوليش اني هنا ماشي
شرين:ايه ها ناويه علي ايه
مي:اسمعي الكلام بس
شرين:حاضر حاضر
لتدخل مي لغرفه المكتب و تجلس تحت مكتبه في صمت
عاد أسر مره اخرى و دخل لمكتبه
ليبتسم حسنا لقد عرف انها هنا
اسر بابتسامه:اطلعي يا مي انا عارف انك هنا
مي لنفسها:اة يا شرين يا واطيه قولتيله
ولكنها قررت ان تكمل اختفائها
أسر بخبث:هتطلعي ولا ادور عليكي و لو لقيتك هتزعلي من اللي هعمله
لتخرج من تحت المكتب و هي تحبي مثل الاطفال لتقف
مي بعبوث:شرين قالتلك صح
لينظر لها أسر بحب شديد لماذا تاخذ قلبه في كل مره يراها بها
اسر:لا شرين مقالتليش حاجة
مي بصدمه:اومال عرفت ازاي
ليقترب و يقف أمامها و هو ينظر لها لأسفل نظرا لفرق الطول
اسر بحب:من رحتك لينخفض بجانب اذنها و بنبره جذابه هامسه: بقت إدمان ليا
لتبتعد مي عنه وهي تبتسم بتوتر شديد
ليقترب مره اخري و يرفع يده و يفك رابطه شعرها
مي:ليييه دا انا قاعدت كتير علشان اظبتها حلو يوووه
أسر و هو يضحك على رد فعلها الطفولي ليمد يده لها
اسر:قولتلك متفكيش شعرك و امسحي الروج دا
مي بحزن:ليه هو وحش
اسر:لا بس انا كل ما بشوفك كدا قلبي بيتخطف و مش عايزك تختفي قلب راجل غيري
لتشعر مي بسعاده كبيره لهذه الدرجه يحبها و يغار عليها
اسر:هتتنحي كتير انا ماسك نفسي بالعافيه
مي:انت قليل الادب اوعا
لتذهب لمكتبها سريعا و هي تربط شعرها لأعلى على شكل كعكه كما طلب
ليتاملها أسر بحب ثم يذهب لمكتبه ليبدأ عمله من جديد
انتهت ساعات العمل التي لم تخلى من غزل أسر لمي و بعض العند و التهاوشات بينهم
أسر:يلا بينا
مي:يلا بينا فين
اسر:هنروح مشوار سوا
مي:مشوار ايه
اسر:بصي بقا من هنا ورايح تسمعي كلامي و متسالنيش كتير
مي و هي تضحك بسخريه و تضع يديها على خصرها:ودا من ايه دا يعني
اسر:مبحبش مراتي تعند معايا
لتضحك مش بقوه:مراتك لتكمل ضحكتها
اسر:اة ولا ليكي كلام تاني
مي:ايه يبني الثقه اللي انت فيها دي مين قال اني هتجوزك اصلا
اسر:انتي يا بنتي عندك انفصام اومال اول امبارح دا ايه ها ليضربها بخفه أعلى رائسها
مي:مممم مش فاكره
ليقترب منها بخبث:تحبي افكرك
لتتذكر عندما اقترب منها بشده و ضمها له
لتفتح عينها بصدمه و وجها تلون بالون الاحمر
مي بسرعه:لا لا خلاص افتكرت
اسر:ايوه كدا اعدلي يلا بينا
مي:ماشي يلا يلا لتذهب من أمامه بسرعه
خرجوا من الشركه و هو يمسك يديها
ليقف أسر لرؤيته لريم
ريم و هي تسير بدلع اتجاه أسر
ريم:أسور عامل ايه
لتنظر لها مي باشتعال ماذا تفعل هنا
اسر:عايزة ايه يا ريم
ريم بدلع:ايه دا يا أسر مش قولتلي ان احنا هنبقى اصحاب
لتنظر له مي بغضب شديد و تسحب يديها و تقف أمامه بينهم
مي:يلا يا شاطره من هنا مفيش الكلام دا
ريم:و انتي مالك اصلا انا بكلمه هو
مي و قد بدأ عليها ملامح الغيره الشديده:لما تتدلعي جوزي قدامي و تتكلمي كدا يبقا ليا
لتصدم ريم بقوه كيف و متى و ترجع خطوه للخلف لتبتسم مي بانتصار
ريم:مستحيل أسر لسه كان معايا اول امبارح و انا عارفه ان مفيش حاجة بينكوا
اسر:كويس انك هنا علشان اعزمك على فرحي يوم الخميس اللي بعد الجاي
لتلتفت مي له في صدمه ماذا يقول هذا المجنون
ليمسك يدها و يضغط عليها بقوه
لتتحرك ريم بسرعه من أمامهم و تذهب
مي:انت مجنون ايه اللي قولته دا و لما فعلا تدور و متلاقيش فرح ولا اي حاجة هتشمت فيا
اسر: و مش هتلاقي ليه بقا ما انا فعلا هتجوزك يوم الخميس
مي:بطل جنان يا أسر
اسر:لا انا ابقا مجنون لو متجوزتكيش انا عندي استعداد اتجوزك دلوقتي حالا ليه لا
مي:أسر يا روحي ليه التسرع
أسر بحب:قولتي ايه
مي ببرائه: بقولك ليه التسرع
اسر:متستعبطيش في كلمه وقعت منك
مي برقه و هي تميل رائسها قليلا بإبتسامه:روحي
ليمسك أسر يديها و يسحبها خلفه لسيارته
اسر:يا هتجوزك الخميس يا دلوقتي حالا اختاري
ليصعدان للسياره و ينطلقان
مي:طب فهمني طيب هنروح فين
أسر:لما نوصل هتعرفي
وصلوا إلى منزل مي
مي بعدم فهم:طب ما انا معايا عربيتي كنت اروح بيها احسن ليه روحتني و تعبت نفسك يعني
اسر:هتفهمي لما ندخل
مي:هو انت هتدخل معايا
أسر:ممكن يلا
لتجد ان الجميع في انتظارها هي و أسر و الأغرب أن طارق و سميره أيضا هنا
مي باستغراب:مساء الخير يا جماعه..إزيك يا طارق إزيك يا طنط
سميره:مساء الجمال يا حبيبتي تعالي اقعدي جنبي
لتذهب و تجلس بجانبها بعدم فهم
لتجد أسر يجلس أمام خالها
اسر:بص يا عمي كنا هنا بنطلب ايد روان لطارق الاسبوع اللي فات...دلوقتي انا عايز اطلب ايد مي
لتشهق مي بشده و تضع يدها على فمها
مي باندفاع:يا مجنون لينظر لها أسر بقوه لتصمت
ليضحك الجميع عليها
منصور:والله يبني مش هلاقي احسن منك ليها
اكرم:ولا انا دا انا كدا ممكن يحصلي حاجة روان و مي ورا بعض مش معقول
لتقف مي و هي في صدمه:ثواني بس ثواني
ثرايا:مي متحاوليش كلنا عارفين انكوا متفقين على الجواز
لتشير مي لنفسها:انا...والله معرف حاجة
ليتجاهلها أسر
اسر:ايه رائيك يا عمي يوم الخميس اللي بعد الجاي
منصور:وليه التسرع يبني
مي:اهو اهو ظهر الحق شوفت
سميره:ولا تسرع ولا حاجة اسر و عنده فيلا و جاهزه ناقصها العفش و العروسه و الشبكه و المهر عمرنا ما هنختلف عليهم يقدروا ينزلوا ال١٠ ايام دول يجهزوا نفسهم
ثريا:انا معنديش مانع صحيح ايه اللي يمنع
مي:انتي كمان يا ماما
اسماء:و انا موافقه
روان:و انا
مي: بعند طب انا مش موافقه بقا و شوفوا هتعملوا ايه
اسر:يبقا اتفقنا يا عمي ولا حضرتك رائيك ايه
منصور و هو يضحك بخفه:موافقه
لتزغرط ام مجدي
مي:بس يا ام مجدي بس
ليهنائها الجميع و هي تقف مرتبكه تكرر كلامها
مي:لا مش موافقه...مش موافقه
لتحتضنها ثرايا:مبروك يا ميمو
مي و هي تضرب الارض مثل الاطفال: مش مواقف مش موافقه
اسر:بعد اذنك بقا يا عمي ليقف هو و سميره و طارق ليهنائها طارق و خلفه سميره ثم أسر لينحني لاذنها و بابتسامه:مبروك يا عروسه ثم يذهب
ذهب أسر و عائلته
لتقف مي بصدمه هل حقا تم ترتيب كل شي ستتزوج من أسر اقل من اسبوعين
ثريا ببكاء:مبروك يا احلى مي في الدنيا هتمشي خلاص
لتحتضنها مي بحنان:لا متخفيش هطفشه
لتتوقف ثرايا عن البكاء و تتحول إلى الام المصريه الاصيله:نعم ياختي دا انا ما صدقت والله ابدا هتتجوزي يعني هتتجوزي
مي:يا جماعة انتو بتقولوا ايه دا مجنون اتجوز مين يا ماما و كمان بعد ١٠ ايام انتو بتهزرو صح
منصور:أسر ابن حلال يا مي
روان بسعاده:الله يا مي هنتجوز اتنين اخوات الله
اسماء و هي تغمز لها:ما تلمي الدور يا ميمو بقا
اكرم:انتي هتتقتلي لو حصل حاجة بصي الجيش دا كله هيقف مع أسر
لتنظر مي لندى لتجدها حزينه و تنزل رائسها لأسفل
لتذهب و تجلس بجانبها
مي:نودي انتي زعلانه
لتبكي ندي بقوه
ندى وسط بكائها:عمو أسر هيخدك و تمشوا مش هشوفك و عمو طارق هياخد روان و هيمشي و مش هشوفكوا تاني لتستمر في البكاء بحرقه لتحتضنها مي و تمسح على شعرها بحنان
مي: مين اللي قال كدا دا احنا هنكون هنا علطول و انتي هتيجي تبيتي معايا زي ما بتبيتي معايا هنا مش انتي بتحبي عمو أسر لتشير لها بالاجاب و هي تمسح دموعها بطريقه طفوليه
مي:بس خلاص كفايه عياط...طب خلاص انا مش هتجوز عمو أسر
ندي:لا اتجوزيه عمو أسر حلو و أمور و انا بحبه
اكرم:الجيش اكتمل
☆☆☆☆☆☆☆☆☆☆☆☆☆☆☆☆☆☆☆☆☆☆
هناك في مكان آخر
يعلن هاتف رامي عن اتصال
رامي ببرود:الو
ريم بعصبيه شديده:هيتجوزوا الخميس اللي بعد الجاي هنعمل ايه
رامي: توطي صوتك دا
ريم:انت ازاي بتتكلم بكل برود كدا بقولك هيتجوزوا
رامي:تعالي قبليني في ***** عارفاه
ريم:هكون عندك حالا سلام
أغلقت المكالمه مع رامي و ذهبت له بسرعه
لتدخل إلى الكافيه لتجده يجلس بكل غرور و برود شديد
لتذهب و تجلس أمامه
ريم:و بعدين هنعمل ايه
رامي:هنبوظ علاقتهم ببعض
ريم:دا اللي هو ازاي
رامي:هتعملي كل اللي هقولك عليه و الباقي تسيبيه ليا انا
ريم:موافقه
رامي:بصي يا سيتي...
☆☆☆☆☆☆☆☆☆☆☆☆☆☆☆☆☆☆☆☆☆☆
مرت بعض الايام و بدأت التجهيزات من جميع الجهات
حجز القاعة تجهيز الفيلا تجهيز العفش كل شئ
في منزل مي
ثرايا:يا مي انتي فين يلا بسرعه اسر بره
مي و هي تجمع شعرها لأعلى كما يطلب منها دائما:خارجه اهو خارجه
لتخرج له
اسر:ايه المواعيد دي
مي:كنت بدور على التوكه ولا اخليه سايب بقا
اسر:اركبي اركبي
في سياره أسر
مي:هو احنا رايحين فين بقا
اسر:هنروح نجيب بدلتي و فستانك
مي:نعم لا طبعا مينفعش تشوف الفستان
اسر:لا يا حلوه هشوفه و انا اللي هختاره
مي:لا يعني لا
اسر:ما انتي هتشوفي البدله ايه بقا المشكله
لتربع يديها أمام صدرها و تضيق حاجبيها في غضب
وصل بها أسر للمكان كان راقي و فخم جدا
اسر:يلا
مي:لا
اسر بابتسامه:يلا يا روحي بطلي عند
لا تسطتيع تمالك نفسها لتبتسم اثر كلماته لها
مي و هي تحول ان تدعي الغضب:يلا يلا
ليدخل أسر و هو يمسك يد مي لمحل الفساتين و البدل
الموظفه:أهلا و سهلا يا فندم انا هنا لأي مساعده
اسر:عايزين الاول نختار فستان الفرح
الموظفه بإبتسامه تحت امرك اتفضلوا لتذهب إلي الجزء الخاص بفساتين الزفاف
الموظفه:تحبوا تختاروا ولا اتشرف و اختارلكوا كذا فستان و اقدمهم ليكوا
مي بابتسامه:دي حاجة تسعدنا اقترحي انتي
اسر:أهم حاجة يكون فستان واسع منفوش و طويل و بكمام و صدره عالي
مي:ايه دا في ايه ما تسبني اختار انا...بصي هاتي اللي تحسيه
هيبقى حلو عليا
لتذهب الموظفه و تضع ٣ من أرقى الفساتين في غرفه التبديل
الموظفه:اتفضلي انا جهزت احسن ٣ فساتين
لتذهب مي الي غرفه التبديل
الموظفه اتفضل على الكنبه دي و مجرد ما تجهز الستاير هتتفتح قدام حضرتك
ليجلس أسر أمامها بانتظار
لتفتح الستائر على مي لعرض اول فستان
ليرفع أسر نظره و يصدم من شده جمالها ولكنه رفض و بشده لقصره
وصلت للفسان الثالث و الأخير لتفتح الستائر ليقف أسر من مكانه بانبهار مما يراه أمامه الآن
كانت ترتدي فستان طويل منفوش بأكمام من التول و به فصوص تشبه الالماس ليضاعف رقيه كانت تشبه الاميرات
ليتقدم أسر لها و يمسك يدها و يجعلها تلتف ثم يقبل يديها بحب شديد
اسر:ايه القمر دا..انا بفكر نلغي الفرح... الفساتين كلها هتجنيني
مي بحب:عجبك
اسر: ملكه انتي ملكتي
مي بابتسامه :اخدوا يعني خلاص
اسر:هناخدوا بس منعزمش حد علشان انا بس اللي اشوفك بيه
ليتبادلا الابتسامه بحب
أسر: يلا ادخلي غيري علشان نجيب بدلتي
مي:حاضر
اسر:يا مؤدبه
لتضحك مي و هي ذاهبه لترتدي ملابسها
خرجت من غرفه التبديل ليمسك يدها
اسر:عايزين بقا بدله
الموظفه:اتفضلوا يا فندم قسم البدل
لينتقلوا الي قسم البدل في الناحية الاخرى
اسر: عايزاها لون معين
مي:اكيد اسود طبعا
اسر:بتحبي الأسود انتي عليا كلت عقلك بيه صح
مي:اة بتبقا مز
أسر:يخربيت لسانك
مي و هي تنكزه و تغمز له بطريقه مضحكه:بعكسك يا اسورتي
ليضحك أسر بقوه اثر الدلع التي تلفظت به الآن
اسر:اسورتي
مي:اه هنديلك كدا
أسر:واحنا لوحدنا مش عايز صورتي تتهز قدام الناس
مي:طب يلا ادخل غير بقا يلاااا
ليدخل إلى غرفه التبديل و تجلس مي بانتظاره كان المكان مشابه تمام لقسم الفساتين
ليخرج أسر من الغرفه بحلته السوداء الكلاسيكية بطابعها الغربي
لتنبهر من شده فخامته وسامته الاخذه لتسمع همس الفتيات خلفها
لتنظر لهم لتجدهم يحدقون باسر بشده و يتهامسون
لتشعر بالغيره الشديد لتقف من مكانها و تذهب له لتدفعه إلى غرفه التبديل
اسر:ايه يا مجنونه في ايه
مي بغيره:مش هناخذ البدله دي وحشه اوي شوفلك اي قميص و اي بنطلون و خلاص
أسر و قد شعر بغيرتها:ليه انا شايفها مناسبه جدا
مي وقد أصبح وجها بالون الاحمر من شده غيرتها عليه:دي..دي مش مناسبه خالص
ليضحك أسر بقوه و يجذبها داخل الغرفه تحت نظر الفتيات بالخارج لتشهق بقوه
ليحتضن خصرها بين يديه لتضع يديها أعلى صدره لتبتعد عنه قليلا
اسر:شكلك تحفه و انتي غيرانه عليا
مي:مش هتبطل حركاتك دي
اسر:توء
مي:يا أسر الناس بره والله مينفعش كدا
اسر و هو شاردا بها:ميهمنيش حد
مي:أسر ابعد شويه مينفعش كدا
اسر:طب هاتي اي تصبيرة لغايت يوم الخميس
مي بعدم فهم:مش فاهمه عايز ايه يعني
لتجده ينظر لشفتيها وكأنه سيلتهمها
لتضربه على صدره بخفه:انت قليل الادب اوي على فكره
ليقترب منها أكثر
مي:أسر لا عيب كدا مينفعش كدا والله و هي تغمض عينها بقوه و هي تحاول الابتعاد عنه
لتجده يحتضنها بقوه و يدفن وجه في عنقها بشده و يشتم رائحتها بعشق
لتضع يديها خلف عنقه لتبادله العناق بحب
اسر و هو يندس بها أكثر و هو يحتضنها بقوه
اسر:بحبك اوي...انا بعشقك يا مي
مي:و انا كمان
اسر بنبره هادئه:انتي ايه
ليجد أسر صوت خارج الغرفه
الموظفه:احم كله تمام يا فندق
ليعودان مره اخري إلى أرض الواقع فهما في غرفه تبديل ملابس
اسر بصوت منخفض:وقتك امك دا
لتضحك مي بخفه عليه
مي:يلا يلا هتاخدها و أمري لله
لتخرج من الغرفه بخجل شديد و الموظفين يتهامسون بخفه
انتهى أسر و مي و قام بتوصيلها للمنزل و انطلق ليعود لمنزله
ليعلن هاتفها عن وصول رساله من رقم مجهول
لتشعر بخوف شديد من محتواها
{قريب هتكوني ليا انا}
ولكنها قررت أن تتجاهلها حتى لا تدمر شعور السعاده التي بدأت تشعر به برفقه أسر
