رواية عشق اهل الانبار الفصل الخامس عشر 15 بقلم رواء هادي
الألم لقلبي اول مرة احس بي عبالك ايد وقبضت قلبي ماتحملت رأسن طلعت بره لبست برجلي وبوجي لقاسم محد يسمعني ويعرف لبي غيره وكفت كدام الباب جان مفتوح
متعود ادخل أني دخلت شفت عمي ومحمد ونزار وعمتي كاعدين بالحديقة رفعت ايدي وسلمت ...
ردوا ... وعليكم السلام
ابو نزار : زيارة مقبولة
رائد : تقبل الله اعمالك
محمد :صدك جذب رايح للزيارة وكلشي
مجايب بايدك شكد فكر لعد أنت
رائد : منو الفكر ابن الفكر حصتكم بالبيت
اشر نزار على عمي وعمتي انطعجوا خررب بحظي
جفصتها ضحك محمد وكال ...
محمد : الحمدالله اهلي اهل عز وكرم هههه
ابو نزار : ولك حجيك حجيك رائد
رائد : زله السان عبرها عمي الغالي صدك
عمي حليان اليوم شعجب
ام نزار : صار يتلوك لعمه بعد ماجفصها
رائد : وأنتِ فضحيني دعبروها عاد قسوم وين
نزار : مجاي علينا جاي على قاسم
رائد : اي والله شعندي غيره وينه
محمد : بالبيت هسه اتصل بيه وكله ينزل
كعدت بصف محمد بالكاع اضحك بإيدي السبحة شوي
حجيت وياهم واجه قاسم يضحك سلم
وراد يكعد اشرتله مايكعد ...
رائد : لتكعد كوم رايدك بشغله
قاسم. : ماشي
ابو نزار : شغلتيش ؟
رائد : اطمن شغلة بيها خير مو طربكة لو تافهة
محمد : لعد احجي كدامنا
اخذت قاسم وطلعنا بره بالمنطقة نفتر واحجي ويا...
قاسم امي وابوي خطبولي مره
_ياالله منو هاي ؟
_زينب ام الصخول
_زينب ام الصخول منو ؟
_هاي شبيك قاسم زينب اقارب جلال
لحجيتلك عليها شنو نسيت
_هاا تذكرت بس مافهمت شلون خطبوها
لك وين يعرفونها هم
_مو كلتلك امي وام حسن صديقات وهي تصير حمات بت ام حسن الصغيرة وامي تكول دخلت قلبي وحبيتها شوفتها
لابوي من رحنا الصبح لبيت ام حسن
وانعجب بيها وخاطبينها لي بدون علمي .
_وانت ماصدكت
_لا يابة مااريدها ماتفيدني طلعت
_منو يكول اريدها منو يكول راح اخذها واكسر خشوم ولد عمها واصير نسيب الشيعة هسه من صارت
صدك فلتت
_مادري قاسم مشاعري مخربطة ساعة اريدها
وساعة ماريدها ماعرف شبي بالضبط
_مشاعرك مامستقره هسه ماكلتلي انطوها الك
_على كوله ابوي اني اغراب ابكع بس اكول
قاااق خلص ماكو هههه
_يعني رفضوك
_للأسف اي رفضوا الملازم اول رائد سلام الهيبة والكشخة والجمال طردوني الشيعة قويسم مايردوني
اناسبهم !! ؟
_ مبين من ملامح وجك حزين !؟
_كلش قويسم ماعرف ليش من أهلي كالولي خطبناها لك ضجت وتعاركت وياهم اكلت وطلعت شفت امي تحجي على التلفون وجان تصيح بصوت عالي
سودة بكصتك رائد رفضوك هههههه
_هههه تضحك
_ابوي كالي اغراب ابكع بس كال ماريدها رفضوه هههه
_هههه وهسه شلون ؟
_ماعرف قاسم من عرفت رفضوني وأني ماريدها جنت حسيت قلبي نقبض شلون عبالك ايد وقبضت على قلبي وتحاول تجره من مكانه هذا الشعور لحسيت
بي والحد الان احس بي
_اكلك شي رائد
_كول
_أنت عشكان زينب
_ماظن
_عشكان لان هذا الشعور محد يحس بي غير العشكان
_لو عشكانها مجان رفضت من كالولي أهلي خطبناها لك
_باوع رائد أنت من يوم يومك ماتثبت على رأي كل ساعة برأي ساعة اي وساعة لا ومبين من ملامح وجك عشكان
زينب بس جاي تكابر ويه قلبك
_أنت شتكول
_أني اكول رائد وكع بالبير العشق هههههه
_لاتكولها قاسم
_ليش ؟
_يمعود رفضوني وتريدني احبها تريد تجيب شلعان القلب لقلبي الترف قلبي ترف مايتحمل قويسم
_هو هذا الرجال سبحان الله من يرفض من بنية وتجاهله يصير يحبها وأنت هيج صارت وياك
_تتوقع
_مو اتوقع متأكد حبيت زينب والدليل وخزة اللي بقلبي
_موجودة وجاي احس بيها مثل الجكارة وتجوي صارت
_ألف مبروك عزيزي دخل العشق إلى قلبك
هاوي النساء هههههه
_يعني راح اعوف كل هاي البنات الحلوة وابقى
بس احب زينب ام الصخول ؟!
_اي ههههه
_لاقاسم ماريد اصير مثلك أني احب كل البنات ماتحمل
احب ام الصخول ماريدها قاسم شوفلي علاج
بسرعة فدوة رحتلك شوفلي
_العشق ماله علاج وعلاجك ام الصخول زينب ههههه
1
_لاااا قاسم ابوس ايدك شوفلي علاج خلصني ماريد
انسحل وره ام الصخول ماررريد
_شبيدي عليك
_شنو شبيدك شوفلي علاج اخلص نفسي
بسرعة قبل لا انسحل
_العشق ماله علاج عزيزي علاجك زينب بحضنك ههههه
3
_اي جيبها لعد خل اخليها بحضني واعالج نفسي
_اي روحها خطابة مره اللخ وعالج نفسك بيها
_انجب اني انزل نفسي لام الصخول واطلب ايدها مرة
اللخ لو أموت اجيبها هيج واعالج نفسي ههههه
_دنجب صاير تحمه هواي عبالك زينب مثل عبير وغيرها هاي بت ناس وبت أصول مو بت شوارع وسرسرية
تطلع وياها شوكت مايعجبك
_ خل تولي لا تذكرني بيها وإذا هي علاجي راح اخلي نفسي تموت ولا اتعالج عدها أني ارفض وهاي اول مرة
بحياتي أهلي يخطبولي مرة
_أتمنى تترك وتكون عد كلمتك
ابتسمت وشعلت جكارة كملنا طريقنا نحجي ... وي بعض بسوالف عادية كلما اجر النفس من الجكارة اتذكر زينب
من صارت جواي وتبجي .
لو ضحكاتها وي علاء ابن خالتها ...
مسك بالليل كاعدين بالغرفة قاسم بصفي لازمة التلفون واقلب يوتيوب بملل حسيت قاسم صافن بي باوعتله بطرف عيوني طلع صدك صافن درت وجي عليه ضحكت
هم صافن بي بس يرمش ...
قاسم شبيك ؟!
ابتسم وضمني لصدره بكل هدوء ...
هااا
أخذني بإيديه الاثنين وباسني براسي...
لحد الآن مامستوعب أنتِ صرتي ملكي
بسهولة مسوكة احبج
بادلته الحضن وضحكت ...
لا صدك ههههه
_اي هههه مو بس احبج واموت عليج يمة فدوة
مريتي الحلوة اروحلج فدوة
بقيت مستغربة شبي قاسم اليوم عبالك هاي أول مرة يشوفني وجاي يحرص علية مثل مانحرص على الطفل الصغيرون ناخذه لصدرنه ونبوس بي ونحجيلي كلام تلقائي
ونحير شنسوي بي من كثر محبتنه له ...
قاسم بيك شي ؟
_بيه أنتِ مسوكة تحبيني ؟
_اي
_كولي أحبك عشر مرات
_هههه ليش ؟
_كوليها
_هههه احبك احبك احبك احبك احبك احبك احبك احبك احبك احبك واموووت عليك فوكاهن بعد شتريد ّ!؟
_ههه فوكاهن بوسه
_اي انطيني مجال حاصرني بحضنك
انطاني مجال لزمت وجه بكفوف ايديني ردت ابوسه من كصته نفخلي شفايفه عود بوسيني منا ضحكت وبسته
ردت اسحب نفسي لزمتي وصار يبوس بي
مثل المفطوم من سنوات معرف شبي اليوم ... بعد عني
لازم وجي بكفوف ايديه ويباوعلي بتمعن
خفت شبي قاسم ؟
_قاسم شبيك اليوم ؟!
_ لا مابي بس مشتاقلج
رجع حضني بقى طول الليل يحضن بي ويبوس ماعرف
شبي اكله شبيك يكول أحبج ومن حبي الج ماعرف
شسوي مرت الأيام والشهر
ونفس الشي ماكو حبالة وبديت اسمع كلام من هنا وهناك وعمتي اتصلت بي وكالتلي هاي حوبة ريتاج اتهمتوها
باطل أنتِ وابن خالج رائد وبعمرج
مراح تشوفين الخلفة ...
شبعت قهر وحتى وزني نزل من القهر صرت هيكل عظمي حتى اكل مالي نفس اكل وكلام المغثة يأذي وام سارة تروح وترجع تسمعني حجي فلانه حبلت من اول يوم بعرسها
وفلانة حامل وفلانة جابت وفلانة ماكو خلفة
من خبثها اكيد قصدها علية الحقيرة وصلت حدها وياها اليوم لو أني لو هي طلعت بره بالحديقة تخابر طلعت وراها من شافتني سدت التلفون وتخزر بي
_تراقبيني !
_ وشعندج وراقبج
_لعد عليش جاية وراي
_ اريد اوكفج عد حدج
_انجبي ولج
_ هه انجب ليش بلا أني انجب وأنتِ يبقى
السانج شغال ويرشك سم هنا وهناك
_ادبسزز
_ اسمعي ام سارة أني لحد الآن مامجاوزة بالكلام وياج ولا مقللة احترام ولا مدخله بحياتج وحاسبتج بحسبه اخت جبيرة الي ليش تحجين بظهري
_اشو ماتعرفين تحجين منو حاجي بظهرج
_اني سمعتج باذاني تحجين بظهري وتكولين ماتخلف عاقر ماتخافين من الله تحجين علية وأني بايدي قابل اخلف
واخلي طفل بطني خافي الله يامره خافي
حيلي كله صار يرجف احجي وابجي هي بقت صافنة بوجهي ماترد بس تباوعلي حسيت الدنيا افترت بي صار كدام عيوني غواش اسود كمت ماشوف وفقدت الوعي بعدها
1
حسيت على نفسي أني بمكان غريب واصوات حوالية فتحت عيوني بطئ غواش بيهن فتحتهن مرتين تلاث يلا ستعدل نظري وكدرت اشوف أني بالمستشفى
درت وجهي شفت بصفي عالم نايمة درت وجهي للجهة الثانية هم عالم نايمة مريضة رفعت ايدي شاديلي كانيولا محد جان موجود يمي وين اهلي وين عيالي ؟!
سديت عيوني ورجعت فتحتهم من سمعت
صوت امي وعمتي يمي صاروا
ام مسك : شلونج يمة
ام نزار : شلون صرتي بنيتي
كعدت امي يم راسي تبوس بي وعمتي فرحانة مبينة وتضحك من بين عيونها انقهرت علمود تضحك وفرحانة الحالتي بقيت ساكتة اجه ابوي وعمي ابو نزار طلعوني
من المستشفى وعدل الغرفتي نمت على ظهري والكنيولا بعدها بايدي بسرعة استسلمت للنوم فزيت على أصوات الجهال والكبار هوسة بالبيت جانت
كعدت بفراشي اباوع باتجاه الباب اندك ودخلت
امي فرحانة ماعرف شنو سر فرحها ؟!
_فرحانية بلي صار بي ؟!
_اي يمة كلش فرحانين وعيالج ذبحوا
ذبيحة شكران الوجه الله
_ شنو؟! ذبيحة شنو شكران شكو يمة شبي أني ؟!
_حامل !
_اي يمة حامل وبالشهر الأول
بقيت مصدومة مامصدكة بكلام ودموعي نزلوا بسرعة امي كعدت بصفي تضحك وفرحانة جرتني لعدها وحضنتني
وأني بس دموع عشرة على عشرة ينزلون
بعدت عني لازمتني من اجتوفي الاثنين "
_الله عوضج بعد هذاك التعب والقهر بطل يملي حياتكم
بالفرح والسرور ويسكت حلوك شماتكم
_ يمة صدك حامل لو تضحكون علية ؟!
_حامل والله حامل شبيج ماتصدكين
_اي ماصدك
_والله حامل شبيج
_ يعني هنا اكو طفل !
_اي ههه راح يجي قويسم صغيرون لو مسوكة صغيرونة
_والله هههه
حضنت بطني واضحك من الفرحة مامصدكة بعد هاي الأشهر والايام كدرت احبل بدون ماروح للدكتورة الله عوضني
بطفل راح يخليني انسى كل هذاك التعب
ام سارة اجت باركتلي حسيتها منزعجة ام ادريس تضحك من بين عيونها فرحانة الي والقاسم عمتي اجت والكل اجه باركلي وراها جابتلي معلاك شوي ام ادريس
وكعدت عمتي توكلني بايدها ام سارة تباوعلي وتعوج بحلكها ماعاجبها دلال عمتي الي خلت وطلعت
ام نزار : عمتي اتصلت بقاسم وبشرته بهذا
الخبر الحلو خطية طار من الفرحة
مسك : مو يكول ماريد
ام نزار : ماكو رجال مايريد خلفة بس قاسم يثق بالله ويعرف الاطفال رزق من الله مو بايدينه ومايحب يزعجج ويشوفج مقهورة من سالفة تاخر الخلفة عندكم
مسك : اممم
وره دقائق طلعوا من يمي وأني .... مامصدكة حامل وبين احشائي طفل صغيرون نايمة وحاضنه بطني من الفرحة
عمري كله مفرحانة هيج فرحة
فرحة جيه الطفل غير كل الفرحات احلى فرحة بحياتي هي فرحة بجيه وليدي مندري بنيتي شوي وكمت اتصلت
بقاسم ماكو مايرد شوي واجت امي وابوي
ودعوني وراحوا لبيتهم عمتي اجت يمي بالغرفة ماتيهتني ابد تجيب وتوصي بي لا تشتغلين تردين شي تعاليلي
لا تطلعين تعبه باب الغرفة
تريدني ماطلع واشتغل غير ام سارة تكلبها عززة بالبيت ام ادريس عادي عدها مايهمه الشغل تكول الشغل ينكضي بس العشرة إذا خربت شرح يردها مراح ترد
وراح تخرب بيناتنه من ورة سالفة الشغل ...
رائد " كعدنا الصبح طلعنا عمي كلنا جنود وضباط ندرب كلها تركض وتسوي تمارين أني التفاهة صعدت فوول عندي بهذا البرد اباوع لقاسم حلكه يطلع دخان
1
جلال كذلك ويصيحون الي والكيفي كمت اضحك ...بصوت عالي هههههه صاح بي عمي ...
ابو فياض. : ملازم اول رائد تدريبك
رائد : والقرآن مابي هههههه
ابو فياض : شبيك مابيك اشو اكبر واحد
بيهم يلا اركض وبلا ضحك
رائد : واحد ههه اثنين هههه تلاثه تطشرتوا هههه
الكل وكفت وصارت تضحك بصوت عالي الضابط الاعلى من عدنا صاح الكل عقاب تستهزئون بالتدريييب
رائد : لا وغلاتك ههههه
الضابط : رائد أنت تضحك الكل وتخرب
التدريب ليش هيج تسوي ؟
رائد : هو بابدي قابل اجت الضحكه خلها تطلع
سيدي ونكمل التدريب
ابو فياض : خلهم وراهم عقاب
رائد : عقابيش سيدي
ابو فياض : على ستخفافكم بالتدريب والاستهزاء
يلا الكل تركض بدل نص ساعة ساعة كاملة
تدريب يلا تحركوا
وصدك سواها خلانه نركض ساعة ...... واني بعدني اضحك الكل تباوعلي وتضحك بالكوة لازمين نفسنه عمي طيبوب
بس شوي اعصاب وايده والعقاب
كملنا تدريب شربت مي دافي احس جسمي يذب بخار من كثر التدريب قاسم يرزل بي ماتتوب من سوالفك بدل النص ساعة صارت ساعة تدريب ولك ليش تافه ليش ؟
رائد : هو بإيدي ههههه باع الكل تلهث ههههه
قاسم : بجهودك
رائد : طبعآ ههههه ولك هلكان من الجوع
امشي خل نتريك ترى كلشي مااكل
قاسم : يلا امشي ابو كرش بس اريد اعرف الاكل
وين يروح وين الكرش مادري
رائد : والعب الحديد وين يروح هههه
قاسم : كافي تلعب راح تخرب نفسك
رائد :مالعب هواي بالأسبوع مرتين لو تلاث
مرات وبالبيت ماطلع جم
قاسم : هاا
رائد : اي يلا خف رجلك عصافير بطني كامت تزقزق
ويص ويص ويص نريد الطعام ويص ويص
قاسم : هههههههه رائد كافي ههههه
رائد : هههه يلا حرك لعد هههه
رحنا تريكنا كملنا الريوك طلعنا دورية شمرت التلفون على جلال كلتله صورني وصور الفوج كله أريد مقطع حلو ومعدل مثل وجك المعدل صورنا اخذت منه الموبايل باوع للصور
عمي كال طالعين معزومين عد فلان مسؤول العزيمة بخصوص شغل رائد قاسم تعالوا وياي ماصدكت أني طلعت قبل قاسم خمس سيارت طلعنا وسيارة المسؤول بالنص
وأني باول سيارة صاعد دخلنا بيوت .... وجان قريب عن بيت جلال بيت المسؤول قصر امر من حال ابيوتنا مضيف وحديقة والبيت مفصول عن المضيف نزلنا سلام وكلام
وراها اذان كمنا صلينا وتغدينا .... وره الغدة طلعت بره وراي خمس عناصر من الجيش نمشي كدام السيارات شفت سيارة خط بنات وكفت لان وكفوها الجنود
تفتيش بقيت اباوع عليهم من بعيد نزلن .... أثنين بنات وحدة لابسه قبوط والثانية نفنوف طويل للكاع فوكه قمصلة ام الفرو سودة بقيت اباوعلهن ملامح الوجه مامبينه
صاروا يمشون وحدة مجلبه بإيد الثانية مبينات خايفات وأني صاير بي جفاف من زمان ماشايف بنات ابتسمت من
طلعت ام الصخول وياها بنية شايله نفسها من
شافتني انخطف لونها
1
وجلبت بالبنية حيل تحركت عليهم والجنود وياي مخليني بالنص قطعت عليهن الطريق وكفت بنص طريقها نافخ نفسي واخزر بيها شلون ترفضني وتكول ماريد
رائد مايناسبني .
وكفن كدامي بعد كم مترة بس مايردن
يبجن ... منو انتن
ماكو رد منهم صحت بيهم مره اللخ ...
منو انتن شسون هنا ؟
واحد من الجنود رد ...
سيدي هذني طالبات جامعات وابيوتهن
هنا تم التحقق من أمرهن ِ
رائد خزرته خليته يخرس...
عدهن لسنه ويحجون ..احجن
منو انتن ؟!
بدون ماتباوعلي ردت ام الصخول...
مثل مكال
رائد اقلد عليها ...
شكال ؟
زينب : طالبات
رائد : ماسمعت احجي بصوت عالي ارفعي
راسج شنو طرطور كدامج واكف
فزن ورفعت راسها عيونها كلهن دموع ستمتعت للمظهر
والله أني ترفضني علمود صخله ام عداي
بسيطة الله جابج لي
1
زينب : بيوتنا هنا والله ماعدنا شي خلونا نفوت
رائد : ماكو روحة بدون تفتيش
كلت الا افتشها اليوم هن خافن اكثر صارت يبجن شلون زلم تفتش نسوان كلت الا اسويها واخوفها اكثر اريد
اعلمها شلون ترفضني
الجنود يباوعولي بصدمة ...
أني افتش طلعن إرهابية دواعش متنكرات بنات
الجامعة تعالن لهنا بسرعة
زينب : عيب مايصير تفتش
رائد : ليش عيب هذا واجبي كل محقق وضابط احمي
العالم والمسؤول تعاي يلا
زينب : والعباس مااجي
البنية : والله ماعدنا شي مو تحقق الجندي من بطايقنا
وابو الخط اذا ماتصدك هسه انطيك البطاقة
الجامعة وتأكد
رائد : ماكو انطوني الجنط بسرعة لو اغير رأيي
وافتشجن حالجن من حال الزلم يلا الجنط
فزز من الخوف نزعن الجنط اخذهن الجندي
راد يفتش صحت بي..جيبهن لهنااا
الجندي : حاظر سيدي
انطانياهن فتحت اول جنطة البنية مابيها شي كتاب واحد واقلام ومساحة ومقطاطه ومكياج انطيتها للجندي انطاها
لها جنطة ام الصخول صارت بايدي معرف
ليش صارت تبجي
رفعتلها تك حاجب وابتسمت بخفه لازم عدها شي فتحت السحاب بسرعة وجان يخرب السحاب بإيدي غلست شفت غراضها ماكو شي كتاب وقلم دفتر ومساحة
ومصاص جايبة
يمكن لنانا بت جلال انطيت الجنطة للجندي انطاها لها شفت بإيدها علاكة زركة عليها علامة سوبر جونيور واسمهم بالانكليزي عيوني صاروا براسي
بسرعة صحت بيها
رائد : شنو شايله بايدج ؟
زينب : هذني اغراض خاصة والله ماكو شي
رائد : سلميها بابا
1
انطتها للجندي جابها لي رأسن طكتها بعيطة صديقتها حضنتها فتحت العلاكة صور الكوريين واقراص ودفاتر وماعرف شنو أشياء عليهم صورهم هواي أشياء
رفعت راسي خزرتهن وكلت ...
هاي الأشياء ممنوع بايدين البنات يلا
تكدرن تكملن طريقجن
زينب : اشياء عادي والله مابيهن شي فدوة رجعهن
رائد : لا تعارضين سيادج يلا للبيت لو اغير رأيى يلا
مشن بسرعة تبجي فرحت كلش التفتت وره ظهرها ابتسمت بوجها سويتلها حركة الانتصار كامت تبجي بالزايد اخذت العلاكة ورحت للسيارة كعدت اضحك اطلع بالاغراض
صور الصخول مداليات عليهن صورهم دباديب بشكلهم أثنين جانوا ودفاتر تلاثه صورهم وتواقعين وره كل صورة وجهاز ايضائة شغلته علامة سوبر جونيور جانت زركة
ضحكت ...
أني هنا واخليج تتهنين بالصخول لا والله الا اقهرج
مثل ماقهرتيني ام الصخول هههههه
عفتهم بمكاني ونزلت كلت للجنود ممنوع توصلون لعدهن خطيه يخافون ومايعرفون شني ذني رحت يم قاسم وجلال جوه جان مايعرف شسويت بت خالته ام الصخول
اليوم تكلبها عزززة هههههه راحت الطلبية الصخول راحت وبإيدين منو وكعت بإيديني أني الحاقد عليها .
زينب" بدء الدوام وصارلي اداوم شهر تقريبآ وصيت على بضاعة لفرقة سوبر جونيور من كورية الجنوبية حجزت الطلبية صارلي 45يوم وصلت لعندي
للجامعة طرت من الفرحة
بيها مامصدكة حصلت صورهم وأشياء خاصة بيهم وتواقيعهم عبالك امتلكت الجنة بهذاك اليوم اريد ارجع للبيت
واشوفهن زين كلفوني بال70ألف
8
صعدنا بالخط هالسنة اجرت خط لان وحدة من البنات وياي وتكون جوارين بيت خالتي جديد نازلة عدهم وصارت
صديقتي ونس لي
ماكدر يفوت ابو الخط للفرع لان جانوا سيارات جيش سودة هواي واكفات كدام بيت وكفوه الجنود واسئلة كاللهم اني ابو خط وذني طالبات شافوا البطاقة وبطايقنا
كال .. انزلوا ماتكدر تفوت أنت قاطعين الطريق
ابو الخط :تمام عيني زينب شيماء انزلوا عيني
بيوتكم قريبا صارت
شيماء_ماشي
أني مردت انزل أخاف منهم يخوفون ويذكروني برائد لان نفس الزي مالته والسيارات مثل سياراتهم قريت علامة مشدودة على جتف الجندي جهاز مكافحة الارهاب
بلعت ريجي اكيد هم هو وياهم .
مشينه وحدة مجلبه بإيد الثانية ميتات من الرعب شكولهم تخوف اغلبيتها ضاربه اللثام والصدمة لي من شفت رائد
واكف بنص الطريق مخلي ايديه بجيوبه
ويباوعلي بنظرات تخوف هنا استسلمت أكيد جنيت على روحي اكيد شايل حقد بقلبه بعد مارفضته وكالوله أني
ماقبل بي ماريده مانتوالم أني ويا
من تقدمنا على أساس نطلعهم صاح بينه منو انتن سوه روحه مايعرف رد الجندي خزره وسكته بالدفرات يلا طلع لساني ورديت وجان رده قاسي ويحجي بعصاب
عبالك يريد يتعارك مدري هاي اطباعة من يحجي عبالك يتعارك الهم رد يفتشنا اني تخبلت شلون زلم تفتش نسوان هذا شبي تخبل وعلى اي أساس يفتشنا مو
تحقق من هويتنه
الجندي لو هو الخبث ويوكفنا بنص الشارع مناك الجنود صدك معنده غيرة واخلاق موكف بنات بنص الزلم ويريد يفتشهن اخذ الجنط فتشهن رجع الجنطة مالتي
وصاح بي يريد العلاكة هاي روحي جانت بيها خدمة توصيل وصلت من كوريا الجنوبية لي كوه انطيتها له صرت ابجي لان عرفت بي راح ياخذها ويخرب الأغراض هو يتخبل
من الكوريين ويكول صخول ابتسم وكال هاي الأشياء ماتليق بابنات هسه شوف شعبالهم الجنود شايله أني حجيت ويا خزرني وزكح بي اخذ العلاكة وراح للسيارة
التفتت ضحك وسوالي حركة الانتصار انهاريت بالبجي لو كاسر ايدي ولا ماخذ اشيائي لاحبها وصارلي 45 منتظرتها تجي لعندي راحت الرائد المسموم الخبيث .
شيماء : دخيلك ياربي من هذا الملازم
زينب : اغراضي راحوا شيماء
شيماء : عود ليش اخذهن هن اغراض بسيطة مابيهن شي
زينب : خبيث خبيث اغراضي اريدهن
شيماء : دخيلك ربي من شكولهم مابيهم رحمه الله
بس يصيح ويزكح عبالك جنود جواه
زينب : هذا هو الخباثة تمشي بدمه اريد اغراضي
شيماء اريدهن ماعلية اريدهن
شيماء : كافي زينب تبجين مثل الجهال منوره اغراض
زينب : اريد اغراضي صارلي 45يوم من موصية عليهن يوصلن اليوم وياخذهن المسموم الحقير رائد
شيماء : وين تعرفيه ولج ؟
زينب : اعرفه اريدهن هسة
شيماء : راحن الاغراض واقري عليهن السلامة
كوليلي منين تعرفينه
زينب : امه تصير صديقه ام مرت اخوي نوره
شيماء : هااا شايفته لازم
زينب : طبعاً واجوي عليه خطابة ورافضت
شيماء : عززززة هذا اجاج خطابة
زينب : اي
شيماء : وأنتِ رفضتي مو لو أهلج رفضوا
زينب : اي اني رفضت
شيماء : وهسة انتقم منج من شافج عزززة مبين
هذا خبيث زينب اني بديت أخاف منه
زينب : شنو تخافين ؟!
شيماء : هذولة يخوفون مثل بالفلام الهندية والتركية من البنية ترفضه يروح يخطفها لو يغتصبها لو ينتقم منها بعده طرق مبين هذا مثلهم من ملامح وجه
زينب : شيماء لتخوفيني ؟!!
شيماء : ربي دخيلك احميني وحمي هاي العوبة اركضي خل نركض للبيت لو يرجع لنه اركضي يمعزاية اركضي
من كالت هيج قطره دم مابقت بي هي تركض وأني اركض شكد مابي قوة اركض نسيت اغراضي سوه بي رعبة
ورعبتني هي أكثر وصلت للبيت قبلي كمت ابجي ..
زينب : وصليني للبيت شيماء
شيماء : روحي أنتِ ماعلية أني اخاف والله باي
دخلت وسدت الباب وراها متت من العياط باوعت وراي ماكو احد بركضه للبيت ادك بالباب محد يفتح انهاريت اصيح واضرب بالباب كل قوتي عبالك جاي يركض وراي
هيج صرت اتخيل .
سمعت صوت فردوس ...
منو بالباب ؟
زينب : اني زينب افتحي الباب فردوس افتحي
فردوس : سم الله شبيج تبجين شصاير وياج زينب
فتحت الباب أول ماشفتها حضنتها وابجي شكد مابي حركة ابجي و خايفة مرعوبه شوف شعبالها صاير بي
فرودس : احجي شصاير وياج عممممه تعال
مدري شصاير وي زينب عممممه
اجت خالتي كوه نزعتني من حضن فردوس وكفتني
كدامها مخطوف لونها تهز بي من اكتوفي ...
خالتي : وج احجي شصاير وياج احجييييي زينب شبيج
فردوس : احجي زينب شصاير وياج منو تعرضلج
زينب : ضابط
خالتي : عززززة العزاني ياضايط هذا شسوالج احجي
زينب : وكفنا بالطريق ..ووو... خاله
فرودس : احجي شسوالج واج احجي
خالتي : مشي داخلي جوه واحجيلي امشي
راح يوكف قلبي امشي يمة امشي
دخلت جوه علاء من الحمام يصيح ...
شكو شصاير يمة شبيها زينب ؟!!
1
فرودس : مادري اجت تبجي وتصرخ
علاء : شصاير وياها؟!
خالتي : مادري ... احجي شسوالج الضابط ؟
زينب : وكفنا بالطريق وفتش الجنطة واخذ اغراضي
طكيتها بجيه ...
اغراض شنو يمه اخذهن ؟
زينب: اغراض لوصيتهم من كوريا الجنوبية اخذهن خاله
فردوس : تبجين على الأغراض ؟
خالتي : خوما سوالج شي احجي ؟
زينب : لا بس اخذ الأغراض وصيح علية
طلع علاء لابس التيشيرت بالغلط مرعوب وخايف ...
زينب شبيج احجي شبيج ؟
خالتي : متعرضلها ضابط بالطريق وماخذ اغراضها
علاء : ضابطيش واغراضيش احجي ؟
زينب : الاغراض لوصيتها من كوريا الجنوبية لفرقة سوبر جونيور اخذهن علاء اخذهن كوله خل يرجعهن عفيه
علاء : اخذتيلي قلبي شوف شعبالي صاير وياج
خالتي : بس هيج صاير وياج
فردوس : اخذتيلنا قلوبنا هسه لمونه هن اغراض كوريا موته روحج من البجي جنج طفلة صغيرة عيب زينب
هذا التصرف
1
زينب : مو شيماء خوفتني
علاء : شبيها شيماء العوبة ام الفلام الهندية والتركية ؟
زينب : تكولي هذا ينتقم منج
خالتي : عليش ينتقم منج
علاء : ليش تعرفي أنتِ؟ احجي منين
تعرفين هذا الضابط ؟!
زينب : الملازم رائد هذا لاجه علية خطابة ورفضته هو تعرضلي بالطريق واخذلي اغراضي
علاء : احجي السالفة كلها خل نفتهم القضية
كعدت وحجيت كلشي خالتي غمتني بإيديها الاثنين علاء كام يضحك ويقلد علية يكولولي اكيد اخذ الأغراض لان اشتبه بيهن خاف مخدرات لو مفجرات وهذا شغله هو
كتلها هو يعرفني والله انتقم مني يدري بي أحب الكوريين واخذهن علمود يحركلي قلبي . علاء كال لا موهيج السالفة هسه اتصل بجلال واكوله كل السالفة وخل يرجعهن الج
بس كافي تبجين ام الكوريين .
رحت للغرفة اخذت ملابس وسبحت ..... شبعت بجي بالحمام على اغراضي وخوفي من نظراته شايلات حقد أسود وعلامة الانتصار سواها لي خلاتني ارتعش خوفاً
طلعت من الحمام لفيت رأسي ونمت .
رائد" الساعة بال٣ ونص رجعنا بوجي للحاوية الزبالة ردت اشمرهن كلت لا خل احركهن واصورهن مقطع فيديو وادزه لها اريد احرك قلبها مثل ماحركت قلب أمي ورفضت .
الزواج بي لو أني رافض عادي بس هي لاموعادي عندي .
شعلت نار وكعدت احرك بيهن قطعة قطعة واصور بيهن اخر شي كومتهن على النار هبت بيهن ارتاحيت نفسيا كملت تصوير ضميت التلفون بقت اباوعلهن واضحك
6
سمعت صوت جلال ...
سيدي ممكن اخذ من وقتك
3
التفتت عليه ...
نعم تفضل جلال
باوع للنار شهك من شاف دفتر علية صور الكوريين ...
سيدي شحركت ؟
رائد : اغراض اخذتهن من بنات بالشارع
جلال : وليش حركتهن ؟
رائد : هالاشياء غير لائقة للبنات طفي النار عود
مشيت من يمه كاتم ضحكتي صادفني قاسم ...
هاا تضحك ؟
_ حركت قلبها قاسم هههه
_ قلب منو حركت ؟!
_ام الصخول
_شسويت للبنية رائد !؟
_تشوف هذيج النار لجلال واكف يمها
حرك قلب ام الصخول ههههه
_رائد سويت احجي سويت ؟
_ روح وشوف سويت
عافني وراح يضحك رحت يم جلال ...وكفت اباوع اغراض محتركة باوعت لجلال مبين عليه الحزن ...
_هاي شنو جلال ؟
_اغراض حركهم الملازم رائد
_اغراض شنو ذني ؟!
_ماخذهن من بنت خالتي بالطريق وهسه حركهن
_شمعنى ؟
_مادري والله يكول هذني الأغراض غير لائقة بالبنات خوب هن اغراض بسيطة مجرد كتب ومداليات وصور لفرقة
كورية محتمل الملازم مايحب الكوريين .
_شكد سعرهن ؟
_ليش تسأل على السعر ؟
_انطيك سعرهن وروح اشتري للبنية مثلهم
لاتخليها تنقهر خطيه
_مشكور سيدي ماتقصر بس ماموجودة بالعراق ذني خدمة توصيل من كوريا الجنوبية صارلها موصية عليهم 45 يوم واليوم واصلات وللأسف وكعن بايدين
الملازم رائد
_ اووف منك رائد وهسه شلون تكوللها ؟
_اي
_لا خطيه كوللها عنده بس تصير الفرصة اخذهن منه
وصي على نسخة ثانية منهن باكت يوصلن
بأقل أيام وأني اتكفل بكلشي .
_للاسف هاي آخر نسخة ماكو بعد منهن هن عدد محدود يوفرون للعراق وبقيى الدول العربية
_استغفرالله العظيم
عفته ورحت لرائد لكيته متمدد فوك الجرباية
ويشرب جكاير وكفت فوك راسه ...
_فرحان رائد
_مو حرام عليك تحرك قلب البنية تقبل هسه تحرك قلبك
_مثل ماحركت قلب امي حركت قلبها .
_رائد لتسوي غلط هاي حياتها وهي حره بيها حرام عليك ليتسوي وياها بيش ماذيتكم البنية بمجرد ماقبلت بيك وأنت من اصل ماجنت رايدها ليش هيج تسوي
وتكره روحك بالبنية كوه .
_ هسه شنو شعورها هم تنضرب طلقة
من يكوللها جلال ههههه
_ زعطوط ماتصيرلك جارة
زينب "أتصلت بجلال وابجي اريد اغراضي جلال كال انتظري هسه اروحله شفته شايل علاكة زركة اكيد هن بقيت انتظره ساعة وتصل بي كال إذا اكو نسخة ثانية وصي
عليها وأني ادفعلج السعر
_وين اغراضي جلال ؟
_حركهن الملازم
_ليش ليش هيج يسوي مايخاف من الله بيش طالبته أني
_مادري سدي الموضوع وبعد ماريدج تطلعين
من الجامعة الا وياج علاء مفهوم
_مفهوم الله لا يسامحه
_ديري بالج على نفسج
_وأنت هم
_لتنقهرين زوبة والله اجيبلج احلى منهن
_ماشي تسلم جلال
_غير اخيتي أنتِ وزوبة مالتنه ام الكوريين ههههه
_اي هههههه
_يلا باي
_ الله وياج
سديت الخط منه وابجي راحن اغراضي راحن افلوسي صارلي شهر اتوسل بأبوي ينطيني الفلوس اشتري هاي الأغراض بالدفرات يلت قبل يجن للحلك
يحركهن حظرة الملازم المسموم الخبيث الحية السودة بقيت أدعية عليه ماخليت أمام لما دعيته عليه ان شاءالله يحترك قلبه مثل ماحركلي قلبي خابرت أمي وكتلها صارت
تخاف وتوصي بي ديري بالج
على نفسج ولا تطلعين من الجامعة الا وياج علاء لو جلال اخاف يسويلج شي هذا الملازم بكت طن هوى كملت إتصال من أمي فزيت من اجتني رسالة على التيليكرام
مقطع فيديو من رقم مجهول دخلت انتظرت المقطع يحمل حمل فتحته والصدمة ايد تحرك بغراضي وتضحك ويكول ... احرك قلبج مثل ماحركتي قلب أمي ام الصخول .
3
اريد احفظ المقطع ماينحفظ جان دازه مقطع مؤقت كلت اشوفه الجلال خل يتصرف ويا رجع كتب ...
الا احرمج من كلشي تحبي .
بس شفتها حذفها ردت ارد عليه جان حاظرني رأسن نزلوا دموعي الليل كله مانمته بس ابجي خالتي يمي ماتحس بي ابجي مطيتها ظهري الخوف كتلني كتل منه
هذا شيريد مني ساعة السودة من بدء الدوام واجيت للانبار
مو جنت هناك ومرتاحة شبلاني بواحد مخبل
مايكفيني المخابيل لعندي .
ثاني يوم الصبح وداني علاء قبل لايروح للدوام تعاركت وي شيماء تخوف بي مابيها تحميني الخبيثة طلعت حقيرة وراحت فضحتني بالجامعة زينب
تعرضلها ملازم بالجيش واخذ اغراضها لان رفضته ماقبلت بي كرهتها وكرهت كلشي بالانبار كعدت الواحدي بنات يرحون ويرجعون منو هذا وشكله حلو ومنوين
يعرفج وليش رفضتي
تعاركت وياهن حتى المحاضرات مادخلت إنتهى الدوام اجه علاء اخذني وصلت البيت سبحت وكعدت اكل غدة
وي علاء اكلت لان جوعانة ماعندي دوام
المغرب انصدمت من شفت ابوي وامي جايين لعندي رحت لعدهم فرحانه كعدنا وكالوا يلا جيبي غراضج جايين
ناخذج استغربت ليش ياخذوني؟!
شنو عرفوا رائد تعرضلي واخذلي اغراضي ؟!
ابوي : جايينج خطاب بيت صديقي
أمي : وباجر يجون
زينب : ماريد اتزوج هسه خلوني اكمل الجامعة
ابوي : هو الولد ماياخذج هسه يكول باني بيت
يكمل البيت تزوجون
امي : القسمة خوش قسمة وعمامج قبلوا بعد
شكو يلا يمة جيبي غراضج
أبوي : ادري بيها تقبل مراح تفشل ابوها
مارديت كمت الم بغراضي اجت وراي فردوس تكولي اقبلي يمعودة بديت أخاف من الملازم رائد حتى جلال يخاف منه لان تعرضلج بالطريق واخذ غراضج وحركهن
مبين الولد متعصب منج علمود رفضتي وهاي
خوش قسمة ويم اهلج أبتسم وكتلها ...
_اذا الولد خوش والد وحلو اقبل اكيد هههه
_اي عفيه اريد عرس أني ههههه
_ان شاءالله تحظرين عرسي هههه
_ان شاءالله ان شاءالله
لميت غراضي ودعت بيت عمتي وطلعت ويه
أهلي ....بالطريق أبوي يكول الولد خوش ولد وابن ناس وعالم ويشتغل مهندس بالنفط وراتبه خير
من الله وباني بيت
يعني من بيت اهلج لبيتج عدل تنزفين وين تلكين هيج قسمة زينة كتلهم ان شاءالله خير وصلنا البيت بنص الليل هلكانه من التعب نوره عدنا جانت مسويه العشة خطيه
عدنا تعشينا وراها اخذتني للغرفة تجيب وتحمد بالولد وشكله حلو تكول البارحة جانوا عدنا حمستني لشوفته المهم العصر جهزت روحي مكياج خليت بسيطة
ولبست نفنوف أبيض مشجر بورد وردي كبار وحجاب وردي طلعت حلوة كلش اخذت شكم صورة للذكرى اجت نوره كالت اجوي تعاي شوفي الولد من الشباك شحلاته
رحت وياها رفعت طرف من البردة باوعت للولد صدك جميل المظهر ناعم وطوله حلو شعره أسود عالي بشوش ويضحك ويه ابوي مو مثل رائد بس اباع بعيونه احسهن
شايلات كل حقد هذا الكون ..... وضخامته مرعبة هذا كيوت مثل الكوريين حسيته وشلت من بالي اتزوج كوري ابوي ماينطيني اكيد الواحد كافر يهودي المهم
14
اجت اختي الجبيرة كالت يله اطلعي قدمي العصير ...
اخذت الصينية بإيدي حيلي كله يرجف مثل السعفة مادري ليش اجت بالي رائد من سوالي حركة الانتصار .
قريت إيه الكرسي وطلعت أقدم الهم العصير اول مدخلت كلت السلام عليكم ردوا السلام وعليكم السلام ...قدمت اول مرة لابو انوب لابوي انوب لام الولد والولد بقيى يباوعلي مبتسم الوجه ابتسمت بوجه ومشيت أقدم للباقين
كملت التقديم عفت الصينية فوك الطبلة .....وكعدت كدام الولد بكل هدوء احس بي يباوعلي من فوك ليجوه رفعت رأسي كلت خل اباوعله مايخوف هذا كيوت
صدك كيوت أبتسم بوجي رديت الإبتسامة بكل عفوية كال أبوي كوموا اطلعوا بهذيج الغرفة احجوا ويه
بعض قبل كلشي
9 تعليقات مع تفاعُلات
الولد : عمي أني مقتنع ماكو داعي انفرد بيها
ابوي : حتلوه وليدي لازم تحجي وياها وتحجي وياك
الولد : اذا تريد ماعندي اي اشكال تفضلي زينب
كتم وخله كلاص العصير فوك الطبلة كمت وراه
رحنا بالغرفة يباوعلي ويبتسم كال ...
صدك كيوت أبتسم بوجي رديت الإبتسامة بكل عفوية كال أبوي كوموا اطلعوا بهذيج الغرفة احجوا ويه
بعض قبل كلشي
الولد : عمي أني مقتنع ماكو داعي انفرد بيها
الولد : اي زينب عندج سؤال ؟
زينب رفعت رأسي وباوعتله ...
شنو اسمك؟
الولد : ليش مكالولج عن اسمي
زينب : لا والله مكالولي ؟
الولد :اسمي رامي عمري ٢٥ سنة مهندس بالنفظ
صارلي سنتين من متوظف
زينب : العمر كله
رامي : الله يسلمج وأني أعرف كلشي عنج
واعرفج تحبين الكوريين ههه
زينب : اي احبهم
رامي :اي هم حلوين برغم مامتابعهم بس
اشوف مقاطع لهم بالصدفة
زينب : يعني معندك اشكال اتابعهم
رامي : ههه طبعآ معندي ومحتمل اصير مثلج ههههه
1 تعليق
زينب : ههه ان شاءالله
رامي : اي ان شاءالله يلا تعاي
رجعنا كلنا موافقين وتمت الخطوبة والحمدالله قروا الفاتحة واكلوا باجر العصر نكطع مهر شيخ وراها بيومين نكطع مهر
حكومة وره مايكمل البيت نزف .
