رواية قلبي لمن يعشقه الفصل الرابع عشر 14 بقلم نانا ابو جبل
الجزء الرابع عشر :
تالا : تسلمي حبيبتي ، بس وين أختك ؟
هلا : تصدقي مابعرف تالا ...
تالا : كيف ما بتعرف هلا ، قوليلي ...
هلا : و الله ما بعرف صدقني ...
تالا : غريبة وأهلك ما دوروا عليها ...
هلا : لا بالعكس قاعدين بدوروا بس بدون فايدة ، نفسي أعرف وين إختفت ...
تالا : إلا ما تلتقى حبيبتي ...
هلا : إن شاء الله ، هي الأكل خلصت و إنحطت في العلبة ...
تالا : يارب تجيب نتيجة هاي الخطة ...
هلا : راح تجيب نتيجة ...
تالا : خلينا نروح نام ، لأن عندنا يوم طويل مع عمر ...
هلا : هههههههه ، يلا ...
راحت كل وحدة تنام في جهة وعقلها مو معها ...
أما دعاء فكانت ترن على هلا ...
دعاء : وين هلا ، ليش ما عم ترد ...
رجعت دعاء تتصل و ما حدا برد فخطر على بالها تكلم قصي ...
رنت دعاء على قصي ...
دعاء : ألو حبيبي قصي ...
قصي : أهلين خالتي شو مالك صاير معك شي ...
دعاء : لا ، مو صايرلي شي بس بدي أسألك بتعرف وين هلا ...
قصي : هلا نايمة عند تالا يا خالتو ...
دعاء : شووووو ، و ليش ما إتصلت فيني ...
قصي : هدي أعصابك يا خالتي ...
دعاء : طيب إبني طمني عنها لما تتصل فيك ...
قصي : حاضر يا خالتي ...
دعاء : تصبح على خير حبيبي ...
قصي : و إنتي من أهله ...
راح قصي ينام في غرفته بعد ما كلم خالته ...
مع جهجهة الصبح فاقت تالا و هلا بعد يوم متعب من الشغل
دخلت تالا الحمام غسلت وجها و غيرت ثيابها و لحقتها هلا ...
تالا : هلا شو رأيك تعملي معي الفطور ...
هلا : طيب ، إسبقيني ...
تالا : لا تتأخري علي حبيبتي ..
هلا : طيب ...
طلعت تالا من الغرفة و راحت المطبخ تعمل الفطور ...
أما هلا فكانت تزبط في حالها ...
و فجأة رن تليفونها ...
هلا : مين هذا عالصبح ، ألو ...
الشخص : أهلين بنتي هلا . .
هلا : ماما ، كيفك حبيبتي ، شو أخبارك ؟
دعاء : الحمد لله كويسة ، إنبارح إتصلت عليكي و إنتي ما بتردي ...
هلا : أسفة ماما كنت نايمة ...
دعاء : عند مين نايمة بنتي ...
هلا : عند رفيقتي تالا ماما ، بنت طيبة كثير ...
دعاء : عادي أكلمها بنتي ...
هلا : أكيد ماما ...
راحت هلا عند تالا بالمطبخ ...
هلا : ماما بدها تكلمك تالا ...
تالا : تكلمني ...
هلا : آه ...
تالا : طيب ، أعطني التليفون ...
مسكت تالا التليفون و قالت : ألو ، كيف حالك خالتو ...
دعاء أول ما سمعت الصوت صارت تبكي ...
دعاء : تالا بنتي ...
تالا : نعم ، صارلك شي خالتو ...
دعاء : إنتي تالا بنتي ووقعت السماعة منها ...
تالا : ألو خالتو خالتو ، وينك ....
