رواية رحمة بالفؤاد الفصل الرابع عشر 14 بقلم سهيلة سعيد
الحلقة الرابعة عشر { 14 }
( يستغرب سؤالها ويقف )
احمد : اه الحمدلله !!!
زينة ب توتر : اه .. اصل حساك تعبان .. يعني مبقتش تتكلم زي الاول
احمد : شغل .. شغل بس مش فاضي
زينة : اه ربنا يعينك
احمد وهو بيمشي : شكراً
( تستغربه زينة اكتر وتتحرج ، يمشي احمد يرجع المكتب ، يرن فونه )
احمد : الو
فيصل : استاذ احمد عامل ايه ؟
احمد : بخير الحمدلله مين ؟!
فيصل : انا فيصل جار رؤى
احمد ب تذكير : ااااه فيصل ازيك ؟
فيصل : تمام الحمدلله .. قلت اشوف حضرتك فاضي امتى عشان نتكلم ف الي قلتلك عليه
احمد : اه حاضر اكيد بس والله انا مشغول جداً اليومين دول بس هتصل بيك قريب ب اذن الله نحدد ميعاد
فيصل : تمام ب اذن الله هستنى تليفون من حضرتك قريب
احمد : ان شاء الله اكيد
فيصل : مع السلامة
احمد : مع السلامة
( يقفل احمد ويقوم يروح الشركة ، عند فيصل )
مريم : قالك ايه ؟
فيصل : زنقت اوي يعني مش فاضي ساعة !!!!
مريم : قالك مش فاضي ؟
فيصل : اه هيبقا يتصل بيا
مريم : طب خلاص استنى بقا
فيصل : اديني مستني
( رؤى قاعدة ف اوضة ريتا بتلعب معاها )
رؤى : وبعديييييين ياكلوا من هنا هم هم هم هم
( تزغزغها )
ريتا : ههههههه
رؤى : ي خراشي انا ع الضحكة القمر دي
ايان : مش احلى من ضحكتك
( تتخض رؤى وتنزل النقاب بس كانت مدياه ضهرها ف مشفهاش )
رؤى وهي بتقوم : خضتني
( تجري عليه ريتا يشيلها )
ايان : الباب كان مفتوح
رؤى : اه عامل ايه ؟
ايان : وحش من غيرك ازاي تاخدي اجازة يوم الجمعة افرضي حد تعب واحتاجك يعمل ايه ؟
رؤى : ههههه م هيلاقوا غيري كتير
ايان : انتي مفيش زيك
( تتحرج رؤى ووشها يقلب الوان )
رؤى ب ارتباك : ااا انت لسة جاي م الشغل ؟
ايان : من نص ساعة
رؤى : حمدلله ع السلامة
ايان : الله يسلمك .. اكلتي ؟
رؤى : اه كلت انا وريتا
ايان : طب انا اتعودت اكل معاكوا هتسيبوني اكل لوحدي انهاردة
رؤى : ااا لا ميصحش طبعاً ناكل تاني
ايان : طب يلا
( ينزلوا ياكلوا سوا ويقعد ايان نفس قاعدة كل مرة عاطيها ضهره عشان تعرف تاكل براحتها ، تشوفهم الام من فوق )
فيروز ب صوت عالي : اياااااان
( تنزل رؤى نقابها ، يلف ايان يبص ل امه )
فيروز : اطلعلي دلوقتي عوزاك
ايان : اوك
( تدخل الام اوضتها )
ايان : كملوا اكل متقوموش
رؤى ب قلق : اوك
( يقوم ايان يطلع ل امه )
فيروز : اقفل الباب وراك
ايان وهو بيقفل الباب : في ايه ؟!
فيروز ب عصبية : بص بقا انا وافقت اخوك بالعافية انه يجيب الزفتة دي بيتي وقعد يقول اصول وحرام وحلال لكن الاقيك لابدلها كدة وتوصلها كل يوم وتاكل معاها وسايب بنتك معاها ليل نهار ف الكلام دة مينفعنيش انت .............
ايان : طب ممكن تهدي ؟
فيروز ب انفعال : متقوليش اهدي وانا شايفة كل دة بيحصل قدامي
ايان : انتى اكتر واحدة عرفاني ف البيت دة .. تفتكري ممكن يكون بيني وبين الي جابوا اجل ابويا عمار ؟
فيروز : مهو دة الي هيجنني اومال بتعمل كدة ليه ؟!!!!!
( يتنهد ايان
تحت ، يخبط باب البيت ، تفتح سارة )سارة ب خضة : مدام ولاء
ولاء : مدام فيروز موجودة ؟
سارة ب ارتباك : اااا اه اه هنا
ولاء وهي بتدخل : اندهيها
سارة وهي بتقفل الباب : حاضر
( تدخل ولاء وتطلع سارة ل فيروز ، تلمح ولاء ريتا مع رؤى ، تقرب عليهم )
ولاء وهي بتاخد ريتا من ايد رؤى : ي قلبي وحشتيني اوي
( تستغرب رؤى ع طريقتها حتى مستأذنتش ، بس تخمن ان دي امها )
رؤى : عاملة ايه ي روحي عاملة ايه ؟؟
( تبص البنت ل رؤى ، تملس رؤى ع شعرها ، ينزل ايان ومامته )
أيان وهو نازل ع السلم : انتي ايه الي جابك هنا ؟؟
ولاء ب خوف : جيت اشوف بنتي
ايان وهو بيقرب عليها : سيبي البنت
ولاء : ي ايان انا ...........
( ياخد منها البنت )
ايان وهو بيديها ل رؤى : امسكي
( تشيلها رؤى وهي مش فاهمة حاجة !!!!!!! )
ايان : اطلعي برة
فيروز : ايان !!!
ايان ب حدة : ماما لو سمحتي
ولاء ب تحايل : طب اقعد معاها شوية بس
ايان : دة بعدك وربنا بعدك انك تلمسيها تاني برة بدل يمين بالله ل اتصرف معاكي تصرف يكرهك ف اليوم الي عرفتيني فيه
ولاء ب عصبية : والله لو م سيبتني اشوفها ي ايان ل ارفع عليك قضية
( تتخض رؤى )
ايان ب انفعال وهو بيمسكها من دراعها ب عنف : قضية مين ي روح امك وربي لو خطيتي اي قسم ل اكون حابسك جواه غوري
( يزقها )
ولاء ب زعيق : مش ماشية من هنا غير لما تشوفولي حل
ايان وهو بيبص ل ولاء : رؤى طلعي ريتا اوضتها
رؤى وهي بتبصلهم ب خوف : حاضر
( تطلع رؤى ، وفجأة ، يمسك ايان ولاء من دراعها يجرجرها ع برة )
ولاء ب صريخ : ااااه حرام عليك انا عاوزة بنتيييييي
( تتخض رؤى لما تسمعها ، يرميها برة البيت )
ايان ب تهديد : لو رجلك خطت البيت دة تانى المرة الجاية مش هرميكي براه المرة الجاية هطلع بيكي ع القسم والبسك قضية تقضي فيها الي باقي من عمرك تمام
( يرجع يدخل البيت )
ولاء : ماشي ي ايان
( يدخل ايان البيت ع اخره )
فيروز : مينفعش الي انت بتعمله دة ي بني !!!
ايان ب انفعال : اومال ايه الي ينفع اسيبهالها تموتها زي مموتت التاني !!
( تنتبه رؤى ل صوتهم العالي ، تطلع تقف قريبة م السلم سمعاهم )
فيروز : ي حبيبي مش معنى انها عملت اجهاض يبقا كدة هي قلتلت ابنها
ايان : كانت حامل ف 4 شهور .. انهي ست دي الي تجهض طفل اتخلق وبقا عنده اربع شهور وقلبه بيدق جواها .. انهوا جبروت دة .. دي حتى مخادتش رأيي وقتها .. ارجع البيت الاقيها عاملة العملية وبتبلغني بس عشان تعبانة .. كأنها جيباه م الحرام مش من جوزها .. دي ام ؟؟ دة انا كنت بقلب الكومباوند كله بالعساكر والمخبرين عشان يشوفولي فين بنتي الي الهانم سابت باب الڤيلا مفتوح ومخادتش بالها ان البنت مشيت وف الاخر الاقيها عند الجيران .. بزمتك في ام تعمل كدة .. ردي علياااا
فيروز : انا عارفة انها غلطت كتير
ايان : دي متستاهلش تكون ام ف بالله عليكوا سيبوني بقا اهتم ب بنتي لوحدي
( يطلع فوق ، تدخل رؤى الاوضة بسرعة ، يدخل ايان ع اوضته ، ريتا قاعدة ع السرير بتلعب ب لعبتها )
رؤى ب حزن : كل دة حصلك انتي .. ازاي تهملك كدة .. في ناس مش طايلة ضوفرك بس .. ربنا يحفظك يارب
( تبوس دماغها ، تقوم البنت تترمي ف حضنها ، تحضنها رؤى ، يعدي الوقت ، رؤى واخدة ريتا ف حضنها وبتغنيلها )
رؤى ب حنان : يلا تنام يلا تنام لاذبحلها طير الحمام ، روح يا حمام لا تصدق بضحك ع ريتا لتنام ، ريتا ريتا الحندقة شعرك اشقر ومنقى واللى حبك ببوسك واللى بغضك شو بيترقي
ايان ب ابتسامة : الله ع الدلع
( تتخض تلاقيه واقف ع باب الاوضة ، تتحرج )
رؤى : هههه
( يقرب ايان يقعد ع طرف السرير )
ايان : نامت ؟
رؤى : اه .. انت كويس ؟؟
ايان وهو بيسند ايده ع رجله وبيبص للارض : اه .. عادي متعود ع كدة من وقت م انفصلنا
رؤى : بس هي بردوا ام ومن حقها تشوف بنتها مهما كانت
ايان وهو بيبصلها : هي ف نظري ملهاش اي علاقة ب كلمة امومة وبعدين انا مأمنش ع ريتا معاها اصلاً
رؤى وهي بتطبطب ع كتفه ب حنان : طيب متزعلش نفسك
( يبص ل ايدها وبعدين يبصلها ، تتحرج وتشيل ايدها ، وفجأة .............. )
