رواية ضميني بعيونك الفصل الرابع عشر 14 بقلم منه محمد
سوريا " الشام "
عند فريحة
بعدت عن حضنه لما سمعت رنه الموبيل.. سحبته من جيبها وابتسمت : دي غاليه !!
امير ابتسم وهوشايف ابتسامتها وحركاتها وكل شئ فيها !!
فريحة ببرود ردت : نعم عايزة ايه؟
غالية : امممم بتعملي ايه ياحلوة ؟
فريحة وهي كاتمة ضحكتها : بذاكر !!
غالية بصدمه : هاه ؟
فريحة : ايه هاه ؟ قاعدة بذاكر ؟
بلعت ريقها : وامير ؟
فريحة مثلت الغباء : ماله امير ؟
غاليه خلاص هتعيط : ما شفتهوش ؟
فريحة ببرود : الا شفته واتكلمنا دقيقه وراح .. وليا كلام معاكي بس لما ارجع البيت !!
غاليه بفضول: ليه ليه ايه الي حصل ؟
فريحة : بس ارجع اقوولك
غالية بسؤال: طيب راح فين ؟
فريحة بصت لامير اللي كاتم ضحكته : معرفش
غالية زعقت: ازاي يعني متعرفيش ها ؟ ريان بيسال عنه عايز يكلمه وامير موبيله مقفول !!
فريحة نفخت : اووف غاليه انا ايش دخلني دي افكارك انتي وريان انا مليش دعوه ودلوقت باي عايزة اكمل مذاكرة
قفلت الخط في وشها وضحكت بشقاوة:احسن تستاهل علشان تحرم تفتن
اميركلم نفسه "والله بحب واحده مجنونه"
فريحة لفت لامير : هههههه مسكينة شووية وهتعيط
امير : ههههه حرام عليكي
فريحة : احسن عشان تاني مرة تحرم تتصرف من وراه ظهري من غير علمي!!
امير : لولاها هي مكنش انا دلوقت قاعد معاكي !!
فريحة : عارفه .. هههه سيبك بس ارجع البيت بشكرها
مدت موبيلها له : ريان عايز يكلمك بيقول موبيلك مقفول
عقد حواجبه وهو بياخد من جيبه موبيله : بس انا ما مقفلتش موبيلي ؟؟
فريحة : انت دلوقت خارج مصر واكيد هيطلع له مغلق
امير : اها
اخد موبيلها وكتب رقم ريان اللي حافظه واتصل عليه !!
***********
بالشركة " مكتب ريان "
ريان : ازاي يعني متعرفش ؟ يعني هي ماشفتهوش ؟
غالية : لأ شافته بتقول دقيقه ومشي !
ريان : راح فين ؟ وايه الي حصل بينهم ؟
غالية بضيق : مش عارفه ايه الي حصل مش قالت ليا حاجة.. .. حسيت من صوتها انها متخانقه مع امير شكلهم كدا محدش فيهم اعترف بحبه للتاني !!
ريان : عايز افهم يعني ايه الي هيستفدوه من كتم مشاعرهم قاعدين يعذبوا نفسهم وخلاص!!
غاليه : انا عرفلهم بقا كل واحد قاعد يكابر ويكتم اللي في قلبه !!
سمع رنه موبيله .. اخده وعقد حواجبه من الرقم .. قال ثواني لغالية ورد : الو
امير بهدووء : الو ياخويا
ريان بصدمه : امير ؟؟
امير : مالك اتصدمت ؟
ريان بقلق : اتصلت بيك وموبيلك مقفول طمني عنك ايه الي حصل؟
اتنهد يمثل الضيق : محصلش حاجة عادي
ريان : ما عترفتش بحبك ؟
امير وهو بيلعب بشعر فريحة اللي قاعده جوه حضنه : لأ
ريان بقهر : طيب لما انت مش هتتنيل تعترف ليه سافرت ؟
امير : بجرب الطيارة (ومثل بخنقه) ريان مش ناقصك خلاص لما ارجع اقولك الي حصل
اتنهد : طيب دلوقت انت فين ؟ و بتتصل من فين؟
امير كاتم ضحكته : انا بالفندق .. اتعرفت على واحد هنا واخدت موبيله عشان اطمنك عليا .. ودلوقت لازم اقفل!
ريان : امتى راجع ؟
امير : بكره
ريان : طيب واهلك ؟
امير : قلتلك قول لهم روحت مع صحبي الاستراحه او اخترع لهم قصه من تاليفك واوعي تقولهم اني سافرت
ريان : طيب سلام انتبه لنفسك
امير : ان شاء الله سلام
قفل ريان مع امير ورجع لغاليه يقوولها مكالمته مع امير ^^
************
سوريا " الشام "
عند امير
قفل مع ريان وفصل ضحك لدرجة فضل يكح
فريحة : هههههه انت فالفندق ها ؟
امير بنص عين : وانتي يعني قاعدة تذاكري ؟؟
فريحة : ههههههههههه
وقفت ضحك وبصتله :امير انت كنت بتحب شوووق ؟
امير باستغراب : شوق ؟
فريحة : ايوه شوق بنت عمك !!!!!
زاد استغرابه : حد قالك بحبها ؟
فريحة بغيرة : لأ .. بس قابلتها مرتين وكانت تعرف عنك كل حاجه
امير : انا وريان وندى وشوق عشنا طفولتنا مع بعض وكبرنا مع بعض وهي زي اختي ندى عشان كدا تعرفني كويس
فريحة دفنت نفسها اكتر جوه حضنه : يعني انا حبيبتك الاولى ؟
امير بهمس دووبها : الاولى والاخيرة !!
= انا ليه وانا ف حضنك بتخطف دا بايه يتسمي ويتوصف
= روحي بتنساني وشوق يملاني واروح لبعيد
= انا ليه وانا ف حضنك بتخطف دا بايه يتسمي ويتوصف
= بقي للدرجادي هوانا مش عادي وكدا بيزيد
**********
بيت محي الدين
شهد صرخت مرة واحده : اتصلي مرة تانية !!
الخدامه زهقت رفعت السماعة ورجعت اتصلت .. ونفس النتيجة الموبيل مغلق !!
دمعت عيوون شهد : عايزاكي تفضلي تتصلي بيه لحد ما يرد
الخدامه زهقت من كتر ما حاولت تتصل بامير علشان شهد تكلمه !!
ندى اللي كانت نازلة من اوضتها والابتسامه مرسومة على شفايفها بعد ما كانت بتكلم الكابتن على الماسنجر .. شافت اختها شهد والخدامه واقفين جنب التلفووون !!
راحت لهم وباستغراب : في ايه مالكم ؟؟
الخدامه بزهق : شهد دي عايزة تكلم امير بيه وموبيله مقفول انا اعمل ايه ؟
هزت ندى راسها بالموافقة للخدامه : خلاص روحي انتي انا هتصرف
راحت الخدامه .. ولفت ندى لأختها : شهد عايزة ايه من امير ؟
شهد ببراءة : عايزة اكلمه زي كل يوم !!
اتنهدت ندى .. اختها شهد متعودة تكلم اخوها امير كل يوم وتتدلع عليه عشان يجيب لها حلويات وهو راجع من شركته !!
وكل يوم شهد تتطلب من الخدامه تتصل بامير وتقعد تكلمه ساعة !!
رفعت ندى السماعة واتصلت باخوها .. وفعلا زي ما قالت لها الخدامه الموبيل مغلق !!
شهد بحماس : رد ؟
نزلت ندى السماعة : شهد الموبيل مقفول !!
نزلت دموعها : اهىء اهىء
ندى نزلت لمستوى اختها : خلاص حبيبتي
قعدت شهد على الارض وزادت عياط !!
قررت ندى تتصل بامير من تلفونها يمكن تلفوون البيت متعطل ويديها مغلق !!
سحبت موبيلها من جيبها واتصلت .. وعطاها نفس النتيجة مغلق !!
قعدت ندى جنب اختها وهي بتحاول توقف عياطها : شهد يمكن موبيله فصل شحن
شهد وهي بتعيط : مليش دعوة عايزة اكلمه
ندى زهقت : خلاص حبيبتي وقت ما يرجع من الشركة كلميه
شهد ببراءة : والحلويات ؟
ندى بكذب : انا قلت له يجيبلك وكملت..دلوقت امير حيزعل منك لو شافك بتعيطي
شهد بفرفشه وهي تمسح دموعها : خلاص مش بعيط
ندى بابتسامه : شاطره ودلوقت روحي اوضتك والعبي
شهد قامت وقفت : طيب بس يجي امير ناديني !
ندى باست خدها : اووكي
طلعت شهد اوضتها >>>>>>
اتنهدت ندى وقال لنفسها : الله يهديك يا امير .. معودها عليك وزايد في دلعك ليها !!
**********
ايطاليا " روما "
كانت واقفه قصاد المرايه وبصت لشكلها برضا .. كانت لابسه بنطلوون جينز اسود وتيشرت رمادي عليه كلمات بلون الاسود .. ورافعه شعرها الجالكسي زيل حصان ومنزلة قصتها على جنب .. وعيوونها الرمادية المكحلة وضحت أكتر مع تيشرتها الرمادي !!
سمعت جرس الشقة .. اخدت موبيلها ودفنته بشنطتها .. وسحبت الشنطة وراحت للباب وفتحته .. شافت صاحب ريان ومراته اللي اتعرفت عليهم من اول يوم وصلت ايطاليا !!
شووق بابتسامه : اهلا
شاكر : اهلا بيكي
اسيل بابتسامه : جاهزة ؟
شووق : ايوا
خرجت شووق من الشقة وقفلت الباب .. واثنين من البودي جارد لحقووو شووق !!
" شاكر صديق ريان عمره 25 سنة .. اسيل زوجته 21 سنة "
ركب شاكر عربيته وجنبه مراته اسيل وشوووق ورا مع حراسها !!
لفت وشها للشباك وبتتفرج علي شوارع ايطاليا .. اليوم اول يوم ليها في جامعتها .. قلبها دق بقووة واول مرة تحس بالخووف من حياتها الجديدة !!
صحت من افكارها على صووت اسيل : يلا شووق ووصلنا !!
بلعت ريقها اول ما شافت مبنى الجامعه الكبيرالضخم وكلمت نفسها : يعني دي جامعتي ؟ وعز جلاله الله لضيع فيها !!
فتحت باب العربيه ونزلت بعد ما شكرت شاكر !!
اسيل بابتسامه : شووق مالك كأنك خايفة ؟
ابتسمت بتوتر : مش خايفة بس مش عارفه متوترة
اسيل حبت تطمنها : متخافيش انا معاكي ودلوقت اعرفك على شلة كلها عرب ومسلمين !!
ابتسمت شوق بامتنان : تسلمي
اسيل مشت ودخلت معها لبوابة الجامعة : بقالي سنتين بدرس فيها
شوق وهي ماشيه معاها : اها بتدرسي ايه ؟
اسيل : هندسة ديكوور
شووق : حلووو ربنا يوفقك
اسيل : تسلمي
**********
بنفس المكان " داخل مبنى الجامعه "
نادر : قولي والله ؟؟
نورة : والله امبارح قالتلي اسيل
نادر لف حواليه : مروان سمعت ؟
مروان بهدووء وهو بياخد نفس من سيجارته : سمعت
نادر : اوووف يا برودك بنت عيله اباظه بجلاله قدرها هتداوم بجامعتنا وانت تقوولي سمعت !!
مروان رفع حاجبه : عايزني اعملها ايه يعني ؟؟ اقووم استقبلها بمزيكا حصب الله علي باب الجامعة ؟؟ ولا ارقصلها عشره بلدي (وبعدم اهتمام)زيها زي غيرها ان شا الله تكوون بنت وزير !!
منة : انا مش فاهمة حاجة خالص !!
نورة : ههههه النهارده جايلنا بنت عائلة معرووفة عندنا بالقاهره
منة : اها كدة فهمت
عبد الله : والله فله امتى تووصل
علي بحماس : معرفش ان شاء الله ما تتاخرش
ابتسم مروان بسخرية : وربنا انتوا حالة !!
ميرنا بتشاورلهم: هي دي البنت الي جايه مع اسيل ؟
نورة : ايوا
قطع عليهم صووت اسيل : اهلا شباب هاي بنات..!
لفت الشلة وكل نظراتهم متوجهة لشووووق !!
سلمت عليهم اسيل وسالت عن اخبارهم .. ولفت لشووق بابتسامه وكلمت الشلة : احب اعرفكم علي شوووق بنت عايله اباظه ..... هداوم بجامعتنا واتمني تكون مع شلتنا !!
نورة وهي بتسلم عليها : هاي ازيك ؟
شوق بخجل : تمام وانتي ؟
نورة بابتسامه : الحمد لله
ميرنا بدلع : هاي
شوق : هايات
نادر بابتسامه مد لها ايده : عامله ايه ؟
شوق : بخير
نزل نادر ايده بحرج لأنها ما سلمتش عليه واكتفت بالجواب !!
الشلة كانت تقريبا من عشر اشخاص .. تركين ولبنانين ومصريين وسعودين يعني من مختلف الجنسيات .. بدأوو يسلمووووا على شووق ويسالوها عن اخبارها !!
اسيل : مروان مش هتسلم علي شووق ؟
رفع ايده لشفايفه واخد نفس تاني من سيجارته : اهلا بيها !!
قعدت اسيل جنب مروان وهي بتشاور بايدها : دي شلتنا شوق
قعدت شوووق جنب اسيل بخجل من الشلة الجديدة عليها .. اول مرة تقعد مع شباب وبنات ما تعرفهمش .. واللي زايد ارتباكها انها مش اجتماعية .. هي مش بتعرف تتكلم مع بنات غريبه ؟؟ يبقا ازي هتتكلم مع شباب وتتعامل معاهم !!
اسيل : اخدتووو الجداول ؟
عبد الله : لا لسا قالووا بعد نص ساعة
اسيل : اها
علي : شوق بتدرسي ايه ؟
بلعت ريقها وردت : مصممة ازياء
نادر : حلوووو
قطع عليهم صووت بنت الي قربت لمروان وباسته من خده واتكلمت معاه بلغة ما فهمتهاش شوق !!
كانت البنت لابسه شورت قصير وبلوزة كات وطول ماهي بتتكلم مع مروان تضمه بجرأه..ومروان يبتسملها ويتكلم معاها وشوق بصلهم باستغراب !!
اسيل كلمت نادر : غريبه ماطفش مروان منها ؟
نادر بابتسامه : تعرفي مروان كل يوم مزاجه يتغير !!
اسيل لفت لشووق : ههههه شوق متستغربيش دي بنت ايطالية وعادي عندها كدا
شوق بابتسامه باهتة : اها دي بقا اللغة ايطالية !!
اسيل : آآآه
" مروان .. 22 سنة .. اخر سنة له في الجامعة يدرس ادب انجليزي وايطالي .. بارد بكل معنى الكلمة .. مزاجي .. جريئ جدا جدا مع الاحداث نعرفه اكتر وهنحبه^^ "
مروان قام وقف : عن اذنكم
مشى مروان مع البنت الايطالية وحاضنها من وسطها وساب الشلة وراه !!
ميرنا : يله مش عايزين تاخدوا الجدول ؟
اسيل قامت معاها : يله
وقفت شووق والشلة كلها وكل واحد راح لقسمه اللي بيدرس فيه عشان ياخدوو جداولهم .. واسيل وصلت شووق لمبنى تصميم الازياء !!
**********
سوريا " المنتجع "
خرجت من البيت وهي بتعيط .. ابوها وامها قرروا يطلقوا .. لازم تلاقي حل عشان تمنعهم .. ما تقدرش تتحمل فكرة انفصال ابوها عن امها .. بالطلاق ده هتنتهي سعادتها وحياتها هضيع بين ابوها وامها .. كانت بتجري وبتمسح دموعها بطرف صوابعها بس شي صلب صدمت فيه !!
فارس بعصبية : ايييه مالك مش شايفه قدامك ؟
رفعت راسها له ودموعها غرقت عيونها
فارس استغرب لما شاف دمووعها : لانا مالك ؟
رمت نفسها جوه حضنه وشهقت !!
حاوطها بايده وضمها لصدره : خلاص حبيبتي اهدي وفهميني مالك ؟
رفعت راسها وبصتله :فارس انت بتحبني ؟
سكت فارس وطنش سؤالها : فهميني ليه بتعيطي؟؟؟
لانا بعناد : فارس جاوبني بتحبني ؟
فارس اتنهد : ايه الي هتستفيدي اذا جاوبت ؟
لانا : فارس انا بحبك !!
سكت فارس بصدمه .. اتوقع انه هيتعذب كتير عشان يكسب قلب لانا .. بس هي دلوقت واقفه قصاده وبتعترف له بحبها !!
فارس وهو لسا مصدوم : ايييييييه ؟؟
لانا : انا بحبك
مسك وشها بين ايديه وبعيوون تلمع : لانا انتي بتتكلمي جد ؟
لانا بهمس : ايوة
فارس بابتسامه : وانا بحبك وبمووت فيكي
لانا حست بالامان معاه : فارس خدني معاك !!
فارس باستغراب : اخدك معاي ؟
لانا : ايوة خلينا نروح عند ماذون ونتجوز وتاخدني معاك ننزل مصر او اي بلد تانيه!!!
فارس بصدمه : واهلك ؟؟
لانا بضيق : مالهم اهلي ؟؟
فاري : لازم اخطبك من ابوكي وامك ؟؟
لانا مسكت ايده : فارس مش عايزك تخطبني من حد وانا واعية واقدر اخد قرار خلينا نروح نتجوز ونهرب من هنا !!
فارس باستغراب : نهرب ؟ ليه نهرب ؟ احنا مش بنعمل حاجه غلط وانا هروح اطلبك من اهلك واتجوزك !!
لانا : عارفه اننا مش بنعمل حاجه غلط .. بس انا عايزة اهرب من هنا .. سابت ايده : فارس انا هختفي من هنا اذا كنت معايا ولا لأ !!
فارس بسؤال: طيب ليه ؟ فهميني ؟
لانا اتنهدت : بابا وماما قرروا ينفصلوا يعني طلاق !! وخروجي من البيت واختفائي ممكن يرجع عقلهم لراسهم ويفتكروا ان عندهم بنت !!
فارس بصدمه من تفكيرها : لانا دول اهلك واذا هربتي واختفيتي هتخليهم يخافوا عليكي ويقلقوووو !!!
لانا : اه خليهم يخافوو ويقلقوو يمكن يحسوو بيا شوية
فارس : طيب ليه دوول قرروا يطلقوو ؟
لانا : مش عارفه يا فارس كانو الاتنين بيحبوا بعض بس دلوقت اتغير كل شئ كل يوم خناق وزعيق
سكت فارس وفكر !!
لانا : ها هتروح معاي ولا اروح لحالي ؟
فارس : خلص ماشي نهرب مع بعض بس مش دلوقتي
لانا : بس انا عايزة دلوقتي
فارس : لانا لازم انا وانتي نجهز حالنا وانا لازم ادور على مكان نعيش فيه وانتي كمان لازم تجهزي شنطتك
لانا بتفكير : ايوة صح وعايزة كمان اجيب اوراقي وهويتي
فارس : خلاص النهارده نجهز حالنا وبكره المسا اجي اخدك
لانا بابتسامه : طيب
باسها فارس على خدها : خدي بالك من نفسك
لانا : اوكي وانت كمان
مشى فارس بعد ما شاور لها بايده بعلامة الوداع !!
**********
الهند " بومباي "
نزل من الدور التاني وهو بيدور عليها.. دخل المطبخ وشافها بتعمل نسكافيه .. مشي بشويش ولزق بظهرها وحضنها من وسطها : حبيبتي بتعمل ايه ؟
لفتله وابتسمت بخجل من قربه : بحضر نسكافيه ليا وليك
مسك ايدها وسحبها : مش عايزة نسكافيه .. تعالي معايا !!
مشت معاه .. وطلعت مع عمر الدور التاني .. ساب ايدها وراح ناحيه الدولاب وفتحه وطلع منه علبة متوسطة الحجم !!
راح لها .. ومد لها العلبة : اتفضلي !!
عقدت حواجبها .. العلبة دي شافتها من قبل .. بصت لعمر : ايه دي ؟؟
عمر بابتسامه : هديتي اللي رفضتي تاخديها !!
ابتسمت وجدان .. لما افتكرت دي هدية عمر اللي رفضت تاخدها من عبير<<<< انتوا كمان اكيد افتكرتوا ^^
اخدت الهدية منه :ميرسي
زادت ابتسامته : افتحيها
هزت راسها بالموافقه .. وقعدت على السرير وفتحت العلبة .. شافت ملابس هندية بالوان رايقه داخل العلبة ومرتبة بطريقة رووعه !!
دمعت عيونها ورفعت راسها لعمر : تجنن !!
عمر هز راسه بالرفض : لأ هتبقي جنان اكتر اذا لبستيها
وقفت واخدت العلبة وراحت لاوضه تبديل الملابس : خلاص هجربها
ابتسم برضا : مستني
نام على السرير وهو مستنيها ... دقايق وخرجت من الاوضه .. عدل قعدته وبلع ريقه وهوبصصلها .. كانت رووعه وكلمة رووعه قليلة عليها !!
كانت الملابس عبارة عن قطعتين .. القطعة الاولى تنورة ضيقة تشبه موديل السمكة والقطعة الثانية تيشرت ضيق لتحت الصدر .. يعني بطنها كان عاري .. وكانت لابسه الشال بالطريقة الهندية المايلة .. وفاكه شعرها الطوويل وعملاه الفرقة الهندية .. كانت بتجنن وكأنها نجمة من نجمات بوليوود !!
وقف وهو مركز بعيونه علي تفاصيل جسمها !!
وجدان بخجل من نظراته : حلوووو ؟
حط ايده على بطنها العاري وقرب منها وبهمس وعيونه هتطلع عليها : جنان
ارتبكت وارتعش جسمها من لمسته .. بعدت عنه ولفت بسرعة عشان ترجع تغير هدومها بس هو كان اسرع منها .. سحبها من ايدها ورجع لفها له وحضنها من وسطها العاري:علي فين؟؟
وجدان بارتباك : ر..رايحة اغير !!
عمر : بس انا مش عايزك تغيري !!
سكتت وبلغت ريقها .. سحبها ومشي : تعالي !!
نزلت مع عمر من الدور التاني وخرجوو للجنينه .. مشت معاه لحد ما شافت على طربيزه كاست كبير .. لفت له باستغراب !!
عمر بابتسامه : ايه هنرقص زي الافلام !!
وجدان بصدمه : بس انا مش بعرف !!
عمر شغل الاغاني الهندية ورفع الصوت : هههههه يعني انا الي بعرف هنتعلم
مسك ايدها وقعد يدورها حوالين نفسها .. اتحمست وجدان معاه وفضلت تضحك : هههههه شايف بنفسك مش فاهمة اي حاجة عايزه ليا مترجم
عمر ميل وجدان على ايده : هههههه وانا مش فاهم .. لغة الهند صعبة !!
وجدان كانت مستمرة بالرقص مع عمر وحاسه بسعادة مالية كل كيانها ووجدانها
عمر : ايه رايك نسجل معهد لتعليم اللغة الهندية !!
وجدان وشعرها الطويل بيتحرك مع حركاتها : هههههههههه بتخيل نفسي بتكلم هندي
عمر غمز لها : ههههههه احسن نتكلم هندي عشان نغازل بعض ومحدش يفهم علينا !!
اتوردت خدودها من كلامه .. وفجاة اتعطرت رجليها بالنجيله ووقعت وعمر وقع فوقيها !!
فتحت عيونها وشافت عمر واقع عليها وايده على وسطها ..سالها بقلق : اتعورتي ؟
هزت راسها بالنفي : لأ
بلع ريقه لما شافها متمدده قدامه بملابسها الهندية والشال طاير جنبها وشعرها منثور على النجيله .. وايده مستقرة علي بطنها الظاهره .. قرب وشه ليها .. ونزل بشفايفه لشفايفها يرتوي من رحيقهم!!
استسلمت له واسترخت لانها بتعيش احلى ايام حياتها مع حبيبها داخل طبيعة الهند !!
