رواية حكايتي مع الايام الفصل الرابع عشر 14 بقلم هبة احمد
الفصل ( 14 )
""""""""""""""""""
"""""""""""""""""""
چورچ / اعمل اية وصية ابوية انى البس بدلتة يوم فرحى
فارس / شكلك عامل زى عبد السلام النابلسى فى فيلم
چورچ / عارف ياغتت يلا خد سوق يااسطى عوز ابقاااا عريس
فارسى / الف مبروك يااخوية
عادل / يلا يابنات اركبوا مع مروان عقبالكم
خلود / تسلم يا اخوية
فى الاستراحة
""""""""""""""""""""""
الحاج مرعى / عقبال اولادك يابنتى
مهجة / تسلم وعقبال احفادك ياعمى
مرعى / عوز احدد ارضك يابنتى هاجيب حد يقسم الارض ويوضع حدود بين ارضك وارضنا
مهجة / من امتى بتقول ارضى وارضك احنا طول عمرنا بناكل فى طبق واحد يا عمى وابوية. ابو ولادى
الحاج مرعى / الاجل قرب يابنتى وانا عاوز اموت وضميرى مرتاح وعاوز اسجل الخمسة فدن لعمار كمان انتى عارفة انة باع شقتة واشتراهم بتمها كمان هو تعب طول السنين فى الارض معايا
مهجة / سجل الخمسة فدن لعمار حقة فى الارض الجديدة وخلى باقى الارض على بعضها محدش عارف مين بياكل فى رزق مين
الحاج مرعى / دة اللى لازم يكون ولادى خلاص قلبهم مات وعندهم استعداد يبيعوا ارضك كمان المهم رصيدهم يزيد
مهجة / طلما دة يريحك خلاص مفيش مشكلة
الحاج مرعى / عرفتى ان فرح بنت فريد بكرة
مهجة / انت عرفت منين ياراجل ياطيب سمعت انها بنت طيبة ربنا يسعدها
الحاج مرعى / روحى مع مرفت ومحمود احضرى الفرح معاهم
مهجة / بكرة مشوار كل شهر لازم اروح للحاج صالح انت عارف انا بحب اقعد اتكلم معاه بحس انى بتقوى بية بروح تعبانة ومهدودة بحس بايده بطبطب علي كتفى وبيه بيقولى اجمدى لسة مشوارك طويل
مديحة / الا ما فى مرة نسيتى او طنشتى الا كل شهر فى نفس اليوم والساعة والله انتى اصيلة يابتى
الحاج مرعى / بعد بكرة حضرى نفسك هتروحى معايا انت وعمار الشهر العقارى اسجل. باسمك نص الارض الجديدة ولعمار كمان
مهجة / تحت امرك ياعمى
الحاج مرعى / هادخل انام تصبحوا على خير
مهجة / وانت من اهلة يلا ياامى نطلع احنا كمان هاقفل البوابة
شكرية / ماشى يابنتى ربنا يسترك
كريمة / مبروك يا اجمل عروسة اتفضلى هديتك
كرستين / يكفى وجودكم ودى اجمل هدية
عمار / يخرببيتك ياچورچ روح غير اللبس دة علشان الصور شكلك مسخرة هههههههههه
چورچ / امى حالفة تعمل اضراب عن الاكل لو قلعت بدله الناظر دى قبل ما ادخل شقتى
فارس/ بقولك ياعريس الغبرة هات مفتاح شقتك وتعالى يا مارى معايا
چورچ / هتعمل اية بالمفتاح ياض تكنش هتسرق العفش
فارس / لا ياخفيف متخفش هاخد الواد مكرم ونحضر المكان علشان تتصور انت والقمر دة
كرستين / تركتهم ومسكت المايك وقالت انا كرستين اة دة اسمى ومسيحية ايوة بس انا بكل فخر واعتزاز بحب اخواتى عمار ومروان وفارس وكريمة ومنار وخلود ولقاء. واهلهم ياريت كل المسلمين يفهموا الدين صح زى الناس دى وكل المسيحين يعرفوا ان الدين لله وارض مصر للجميع اشكركم كلكم تشرفت بحضوركم اخواتى واغلى الناس
فارس / يخرببيتك روح هات مرأتك الا ابوك بتاع الكنيسة يحبسها
چورچ / متخفيش ابونا عنده رحمه وتسامح
مروان / روح انت ومارى حضرو مكان التصوير والبدله وانا هاروح البنات واجاى نخرج انا عازم چورچ على السهرة
فارس / خليك مع عريس الغبرة دة وانا اللى هاروح بالبنات والقمر دة كمان وشاور على كريمة
چورچ / تشكر يا اخوية
عمار / اخلص انا هاشيل الليلة مع مروان بالنص المهم تقلع بدله حضرة الناظر دى ابو فقر امك
چورچ / بدموع مش عارف من غيركم كنت هاعيش ازاى
فارس / كنت هتعيش مكتئب هاطير اجهز المطلوب يلا يا مارى يابنتى معايا
مارى / يلا. ياحضرة الضابط
فارس / هههه ضابط مين منة لله اخوكى عادل هو اللى طلعها فى دماغى و كمان اتوسط لية علشان ادخل كلية الشرطة انا اصلا واحد فاشل
مارى / صدقنى انت انسان كويس احلى مافيك انك طبيعى مش خبيث يلا مكرم منتظر هناك
مكرم / خير يافقر اخلص
فارس / انت مرحتش الفرح لية مش عيب تسيب چورچ لوحده
مكرم / اعمل اية امة حلفت لو انا حضرت هى مش هتحضر
فارس / طب لية اللى اعرفة انك اقرب واحد لچورچ
مكرم / علشان كنت معترض على البدلة اللى هيلبسها
فارس / يخرببيت ام دى بدلة على بيت امك ياچورچ جهز كاميرة التصوير علشان عوزين نصور العريس ببدله عدله من اللى عنده وكمان هو هيسهرة مع مروان وعمار
مكرم / حاضر هاظبط الليلة وكل الصور علية هدية لاخوية
فارس / تشكر يا برنس
مارى / يلا هاطلع افتح واجهز بدله العريس
تم تجهيز الانترية فى شقة چورچ وتصويرة ببدلته وبعد ذلك خرج هو وزوجتة ومكرم وعمار ومروان للعشا وقضاء وقت جميل احتفال بعرس چورچ و كرستين اما فارس فاخذ اخواتة وكريمة واولادها ورجع بعد منتصف الليل
صباح جديد
::::::::::::::::::::::::
مهجة / انا هامشى ازور قبر بابا خلود فوقى وابقى فطرى ستك
لقاء / ماما انا جاهزة هاجى معاكى
مهجة / بلاش مشوار عليكى
فارس / هاجاى اوصلكم واجيب لبس علشان الكلية
مهجة / يبقى كتر خيرك
لقاء / يلا ياماما عملت سندوتشات واخدت عصير كمان
فارس / عملتى حسابى
لقاء / ايوة خد حاجتك اهى
فارس / هاسيبكم. واروح اجيب اللبس ابقوا رنوا علية
مهجة / متشغلش بالك ياحبيبى عوزاك تنتظم فى كليتك
فارس / حاضر يامهجتى هاسلم على الحاج صالح واطير انا
مهجة/ طب خليك عاقل ادام الحاج صالح
فارس / مكنش ينعز يامزتى.
لقاء / انا مجدش هنا من فترة كبير بس المكان نضيف والزرع شكلة حلو
مهجة / مرأت عمك طلعت مهتمة بالمقبرة ربنا يكرمها
فارس / اناماشى يامهجتى على فون
مهجة / طريق السلامة يابنى
لقاء / قعدت تقرأ قرآن بصوتها العذب ومهجة جنبها وفجأة وجدت من وضع ىده على كتفها و٠٠٠٠٠٠٠
