رواية ماسة في يد القاسي الفصل الثالث عشر 13 بقلم ملك رامز
حبايبي كل عام وانتو بألف خير رمضان كريم وينعاد علينا وعليكو بالصحة والسلامة 💙
...
في شركة الحديدي تحديداً غرفة الاجتماع بعد مرور ساعتان من الحديث والنقاش في امور الصفقة
( الحوار فرنسي مترجم )
كنان : حسناً لقد اتفقنا على الشروط هل هناك احد لديه اعتراض
جاكلين بدلع : بالتأكيد ليس هناك اي اعتراض وكيف سأكون معترضة وانا اعمل لدى الجميل
نظر كنان لها نظرة سخرية ثم اعاد نظره لذلك المدعو بفيل : هل هناك اعتراض سيد فيل
فيل وهو يستقيم ويمد يده لكنان : ليس هناك اعتراض ولكن اود ان اقول اني سعيد جداً للعمل معكم
كنان وهو يقف ويبادله السلام : ونحن ايضاً
تبادل المدعو فيل وجاكلين السلام مع رعد وليل وباقي الاشخاص ثم همو بالخروج وقبل خروج جاكلين اقتربت من كنان هامسة بجوار اذنه بدلع : اتشرفت بيك يا استاذ كنان حبيت اوي الصفقة دي والي فيها
كنان بسخرية : وانا اتشرفت اتفضلي برة
اعتدلت جاكلين وقامت بتعديل فستانها القصير الذي ارتفع عندما انحنت وارسلت له قبلة في الهوء واشارت في يدها مودعة اياه
رعد بقرف : جتها القرف في الشكل الي عليها
ايه اللزقنة دي ده وهيا مصرية كمان وبتعمل كده
ليل بضحك : مصرية وعايشة بفرنسا هتكون حافظة القرآن يعني بعدين الاشكال دي كترانة اوي اليومين دول
رعد : لاء وبجحة كمان بتدلع رغم انها شايفة كنان مش طايقها
كنان ببرود : سيبك منها وراكو ايه دلوقتي
رعد : انا هرجع على مكتبي في اوراق ناقصة ومحتاجة توقيعي هكملها
ليل : وانا هروح لعشق وحور الجامعة اروحهم
كنان بتساءل : والسواق فين
ليل بتنهيدة : سواق حور رفضته
كنان : ليه
سرد له ما حدث معها مع ذلك المجهول
كنان بعصبية : وانت ازاي تخرجها من غير حرس
ليل : مخطرش في بالي
كنان : ومين الحيوان ده الي اتجرأ وعمل معاها كده
ليل : معرفوش
كنان : ازاي يعني مش قادر توصله
ليل : لاء قادر ودلوقتي وبإمكاني اخلي حور هيا الي توصفلي شكلو كان ازاي بس حور طلبت مني كتير انسى الموضوع ده وانا سكت عشان خاطرها
رعد : خلاص يجماعة الي حصل حصل مش هنرجع الزمن يعني وانا هعين حرس يبقو مع الاتنين وسواق واحد يروحو ويرجعو مع بعض ده الاحسن ليهم
كنان بهدوء : صح خلي حور تروح مع عشق النهاردة
ليل برفض : لاء هروح انا اروحهم شغلي خلص ومفيش ورايا حاجة فهروحلهم انا
كنان : تمام انا هروح القصر اريح شوية تعبان ومش شايف قدامي
رعد : باين عليك اصلاً انك تعبان ظاهر ع وشك مالك ايه الي واجعك
كنان : مفيش وجع خفيف براسي هاخد مسكن وانام
رعد : تمام يلا كل واحد يشوف رايح فين
وذهب كلاً منهم الى وجهته
+
.......***.......
+
في كافتريا الجامعة كانت عشق تسير وهي ممسكة بزجاجتين عصير وساندوتشات نظرت بجانبها لتصرخ : ماااسة لجيين انتو هنا
ماسة وهي تقف : عشق انتي بتدرسي هنا
وضعت عشق ما في يدها على الطاولة واقتربت لتحتضنهم ثم جلست امامهم : اه بدرس هنا هوا انا مكنتش اشوفكوا هنا ليه
ماسة بإبتسامة : اصل انا كنت بآجي بحضر المحاضرة وبروح على طول ولجين بتاخد محاضراتها بالبيت وبتيجي تقدم امتحانات بس
عشق بفرحة : ياي يعني اطلعتوا بتدرسو بنفس الجامعة الي انا بدرس فيها ايه الصدف الحلوة دي
ابتسمت الفتاتان لها
عشق للجين : ازيك يا لجين والهي وحشتيني
لجين بإبتسامة : كويسة واللهي وانتي كمان وحشتيني
ماسة : هوا انتي وحور بتدرسوا بجمعات مختلفة
عشق وهي تخبط على رأسها مستذكرة : حووور انا كنا قاعدة معاها وقومت اجبلها تفطر عشانها مكلتش حاجة وانسيتها اما شفتكوا وقعدت معاكوا يالهوي دلوقتي هتاكلني
حور وهي تضرها على رأسها : معاكي حق كنت هاكلك بس عذرك معاكي طالما قاعدة مع دول
استقامت ماسة ولجين واحتضنوها
حور وهي تجلس : ايه اليوم ده مليان احداث غريبة انتو بتدرسوا هنا
اومأت الاثنتان بإبتسامة
ماسة لحور : ازيك يا حور
+
حور وهي تلتقط الساندوشات وعلبة العصير وتلتهمهم بجوع : كويسة بس جعااانة جامد جاية مش فاطرة متواخدنيش يا جماعة
ضحكت الفتاتان عليها
عشق : وانتو بتدرسو ايه
ماسة : انا داخلة في كلية فنون
لجين : وانا في كلية تجارة وانتو
عشق : وانا داخلة طب والمفجوعة الي جمبي تجارة برضك
حور وفمها مليء بالطعام : بس يا كلبة البدو انا جعااان جعااان
تعالت ضحكات الثلاث فتيات عليها
ماسة للجين : هروح اجيبلي عصير عايزة حاجة اجبهالك معايا
لجين وهي تتمسك بيدها بقليل من الخوف : انا عايزة اجي معاكي عشان عشان عاوزة اجيب حاجة
نظرت ماسة لها بحنية ثم اعادت نظرها لعشق وحور : هنروح نجبلنا حاجة نشربها عاوزين حاجة
عشق : لاء يا حبيبتي
ماسة : وانتي يا حور
حور وهي تبتلع آخر ما في فمها : جبيلي كمان ساندويش عشان مشبعتش من دول ولا اقولك متجبيش عشان الدايت
لجين بضحك : وهوا بعد الي اكلتيه فاضل في حاجة اسمها دايت
حور بتذمر طفولي : بس يا لجين الله
تعالت ضحكات الفتيات عليها
ماسة : هنروح ونرجع على طول
اومأت الفتاتان لها
امسكت ماسة في يد لجين وبدأو بالسير لوجهتم حتى وصلوا
ماسة : عاوزة ايه
لجين : كاسة كابتشينو
ماسة للعامل : لو سمحت علبة عصير مانجا وكاسة كابتشينو
اومئ العامل لها وذهب ليجلب ما طلبته
تقدم شاب بجوار لجين وهمس بجوار اذنها : ايه الحلاوة دي يا جميل
تمسكت لجين بيد ماسة وهي ترتعش من الخوف
نظرت ماسة للشاب ومن مظهره علمت انه من هؤلاء الشباب الطائشين الاغنياء : انت مين يخويا وعايز ايه
الشاب : هوا انا جيت جمبك انا عايز الجميل الي جمبي
ماسة وهي تخفي لجين خلف ظهرها : امشي من هنا يا جدع او اقولك احنا الي هنمشي
اخذت الطلبية من العامل وتمسكت بلجين جيداً وبدأت بالسير
نظر الشاب لصديقيه الذين اتو لجواره وقال بخبث : شكلنا هنتبسط دول حتت بنات يدوخوا وانا عجباني جداً البت الي كانت خايفة
صديقيه بخبث : طب يلا بينا وراهم اساساً محدش يسترجي يقف قصاد عاصم السويسي ويتكلم معاه
نظر عاصم لهم بغرور وبدأ بالسير خلف ماسة ولجين الذين لم يبتعدوا عنهم كثيراً وفي ثواني كانوا قد وصلوا اليهم وقطعوا عليهم الطريق
عاصم للجين : ايه يا جميل بتدلع عليا ليه تعالي معايا وهبسطك جامد
ماسة بغضب : انت ايه يا حيوان مبتفهمش امشي من هنا قوام
عاصم بإبتسامة تسلية : : قطة وبتخربش بس انا عجباني دي . واشار على لجين
لجين بدموع : مم..ماس.ة يل.ا بي.ن.ا
عاصم بتسلية : ايه البراءة دي لاء دخلتي مخي جامد واقترب ليمسك بيدها ولكن كانت ماسة تقف له بالمرصاد ووقفت امام لجين : ايه يا جدع انت اظاهر انك واحد غبي وفوق ده بتستغبى بزيادة ومبتفهمش بسرعة امشي من هنا احسن ليك
ضحك عاصم بصوت مرتفع : لاء بجد خوفت شوفي كل الي حواليكي دول حد استجرى يعمل حاجة ولا يقرب لاء طبعاً عشاني عاصم لسويسي هتقومي تعملي انتي عارفة انو بكلمة وحدة اكون شايلك من مكانك انتي وهيا وماخدكوا اتسلى بيكوا بس انا عايز الجميل الي وراكي ده بمزاجو وبهدوء يمشي معايا عشان مش عايز اخدها بالقوة
نظرت ماسة له وللجميع بتقزز : بجد رجالة تعر محدش عندو نخوة يقرب قال ايه عاصم السويسي وهوا عمال يتفاخر بنفسو . ثم اكملت بتحدي : قدامك ماسة ولجين الاسيوطي واعلى ما بخيلك اركبه وشوف هتعمل ايه
عاصم بملل : انا بجد ازهقت انتي عمالا تقري تقري وجبتيلي الصداع بكلامك الكتير ابعدي احسن متشوفي وشي التاني
ماسة بجرأة : انا عايزة اشوف وشك التاني واعمل الي عايز تعملو يا ابو وش تاني
دفعها عاصم بقوة لتسقط ارضاً اقتربت عشق وحور الذين اتو للتو
تقدمت حور لتحتضن لجين التي تتراجع للخلف بخوف وهي تبكي بقوة بينما تقدمت عشق من ماسة لتسندها
عشق : انت حيوان يالا انت ازاي تعمل كدة
عاصم بسخرية : ومين الجميل التاني انتو كلكو عيلة جميلة وبتخرمش كمان
حور بتحدي : ايوة انخرمش فما بالك لو كان الي قدامك اخت وخطيبة ليل الرفاعي
عشق وهي تنظر له بسخرية : اااه ده شكلو ميعرفش النيازك التلاتة عارف لو مسكوك هيعملوا بيك ايه
نظر عاصم لهم بصدمة سرعان ما اخفاها : وايه يعني ليل الرفاعي والنيازك التلاتة دول يترموا تحت رجلي وادوس عليهم بعدين انتو ليه مصعبين الموضوع اوي انا عايز البت دي وهسبكوا بحالكوا
احتضنت لجين حور بخوف شديد : ح.حو.ر احم..ي.ن.ي من.و
اقترب عاصم منها ليمسك يدها وفي ثواني كان يرتمي ارضاً من تلك الركلة التي تلقاها من ذلك الليل الغاضب
+
.. يتبع ..
.. بحبكم جداً ..
.. بقلم ملك رامز ..
+
وكل عام وانتو بألف خير مرة تانية 💙
+
