رواية عشق اهل الانبار الفصل الثاني عشر 12 بقلم رواء هادي
جهزت امي الاغراض واجت وره العشة نامت عندي بالغرفة لان متعاركة وي ابوي المهم الصبح وره صلاة الفجر طلعنا أني مااصلي امي ترزل بي قاسم الكل ماكو فائدة
وياي يطب الكلام من هل اذان ويطلع من هل ... اذان امي صعدت اليورة علمود تنام وأني اسوق طول الطريق مانامت تحجي وياي وتوصي بي بس نكمل زيارة
نروح لبيت صديقتي ام حسن وأني
مستغرب ام حسن منو ؟
_ام حسن منو ؟
_صديقتي من أيام الطفولة اتصلت بي البارحة وكالت
معزومة على عرس ابني الصغير وحلفتني بغلات
جديتي الله يرحمها لازم احظر العرس
_ماكتي هيج السالفة
_ابوك يدري وكلتله ماتشوف مانع الروحة لزيارة
_ ابوي ليش هيج يسوي يمنعج من الزواير
وزيارة اقاربج من طرف امج ؟!
_هو هذا ابوك قاطع صله الرحم وأني بعد ماعرفت شي عن خوالي من تزوجت ابوم حتى عنوانهم ماعرفه
_تردين تروحين لهم ؟
_والله ياريت اشوف اخبار خالي مثنى هذا العزيز
والطيب للموت مانسى فضله
_انطيني اسمه الكامل واسألج عنه واجيبلج العنوان
وبيدي اخذج له إذا بعده عايش
_محتمل ميت
_ومحتمل عايش
_هو تمرض من اخذوني عمامك وجدك غصب عن الكل سمعت بي مجلوط وراها انقطعت اخباره واخبار جديتي
_طيب ليش هيج سووو عمامي وجدي ؟
_جان واحد من الجوارين يريدني لابنه وراح خطاب للانبار يخطبني من عمامي وجدك الله يرحمه من عرفوا هيج تخبلوا لان شيعي وكالوا البنية بتنه واحنا ناخذها لابنه
وفعلا اخذوني شحط لأبوك الله لاينطيهم دمرولي
مستقبلي وبطلوني من المدرسة وحرموني
من احلى ايام عمري
_يعني هيج السالفة ّ!
_اي والله هيج السالفة ماتت أمي واني عمري ١٠ سنوات بحادث هي وخالك ميثم الله يرحمهم مااجوي وسألون
عني الا كبرت وصرت ١٦ سنة واجوني
خطاب ناس اكابر
اهل اصل وغيرة علمود شيعي الولد تخبلوا تفوووعليهم شكد طائفية جانوا وانذال وابوك هم مثل جدك وعمامك
طبق الأصل طائفية .
_بس عمي ابو نزار وعمي ابو فياض موهيج
_ابو فياض يختلف هذا طاب وطالع وشايف امه محمد ومسؤول جبير وجوه ايده شباب من كلا الطائفية مو مثل عمامك وأبوك التخلف يمشي بدمهم
_حجيج صدك وجاي احس غصة بقلبج جبيرة يايمة
_ااففف يايمة الغصة لبكلبي تبقى غصة منا لمايخلوني
بالكبر مالها علاج علاجها راح واختفى
_لا تكولين هيج يمة الدنيا ماتسوى والله
_صح ماتسوى بس الناس التسوى بيها راحت من حياتي شلون تريدني ارتاح والقلب اذا فارغ اعزاز يبقى مجروح ويبجي
كل يوم على اعزازه واني قلبي هيج ملجوم
يايمة من ابوك وجدك وعمامك
_الله ياخذلج حقج وينطيج الصحة والعافية هسه
مكتيلي صديقتج عدها بنات
_خوب انت تموت على البنات
_هي الدنيا تسوى شي بدون البنات هن الحلويات ونس الدنيا
_اي والله
_يعني عدها
_لا ماعدها اخر وحدة تزوجت قبل سنتين وعدها ولد
_حرامات
_ههههه خرب بيومك رائد
_تدرين بي اعشق شي اسمه بنات
_أدري يلا راح نحظر عرس وشوفلك وحدة مناك
_بس وحدة !؟
_لعد شتريد عشيرة
_هم قليلات اريد كل البنات هههههه
_ههههه عندك سوالف
بقيت اضحك وياها وبلاخر كالت تعبت اريد أنام عفتها نامت وصلنا شريفة بت الحسن (ع) زرنا ودعيت القاسم ومسك ولابوي الله يهدي علينا ويوفقني
بحياتي امي تدعي أتزوج والله يهديني اصير اصوم واصلي .
طلعنا شريفة(ع) عدل الكربلاء المقدسة هناك الراحة والسكينة بين ضريحين الحسين (ع) واخوه العباس(ع) أول مزرنا الحسين صليت ركعتين كلما اجي ازور اصلي
ودعيت هناك الله يهديني على الصلاة واصير عاقل واستقر بحياتي وراها طلعنا نزور العباس(ع)امي لازمه
أيدي قوي وتحجي
_اريدك تحلف بالعباس ابو راس الحار راح تصلي
من هذا اليوم وماتترك صلاتك أبد
بلعت ريجي اخاف احلف بالعباس ومن اخلف بالحلف يسطرني ماحجيت رجعت حجت .. رائد اذا عندي معزة عندك تحلف أدري بيك مرة حلفت بابو حنيفة النعمان وتركت
وكلشي ماسوالك هالمرة احلفنك بالعباس ابو الوكفات وصاحب النخوات تصلي
_ابو حنيفة النعمان كلشي مايسوي ههههه تردين تورطيني باخو زينب يمة صدك جذب هذا العباس ابو فاضل وابو
راس الحار أقل زلة مني يسطرني فدوة عوفيني
على هواي والله يهديني
_ماكو مااعوفك اريدك تصلي مثل الخلك والناس
والله بقت بقلبي اشوفك فوك المصلاية واكف
_عوفيني
_مااعوفك وحق العباس ابو فاضل تحلف وتروح تصلي هسه بي اريد اشوف ابوك اهل البيت خلوك تصلي مو يكول مامنهم فائدة خل يجي يشوف الفائدة منهم
هم أهل الكرم والطيب واهل المراد يلا رائد احلف
لا تفشلني كدام ابوك الداعشي
_اسكتي ياداعشي يمة
_وانكس من داعش ابوك
_وغلاتج عندي احلف بس اسكتي لا يسمعنا احد
ويكول صدك هذولة دواعش
_وهاي سكتت يمة فدوة رحت لطولك الحلو اي هاي هيبتي هاي تاج راسي وحزام ظهري راح يحلف بالعباس دخيلك يالعباس ابن علي (ع)وابن فاطمة الزهراء(ع)
وابن ام البنين (ع)
اريد منك ابني يصير خوش ولد ويصوم ويصلي ويتقي
الله ويشوف بت حلال صالحة وتصلحة ويصير
عنده كوه جهال حلوين مثله .
_بعد يمة هم نسيتي شي
_اي تذكرت بعد هم عندي يلا امشي حلف
_تمام
رحت وياها اضحك حلفت بالعباس راح اصلي واصوم امي تضحك وتبوس بي زرت وصليت اشوف عالم تروح وترجع تباوعلي متعجبين خطية وعبالك اول مرة يشوفون
سني يصلي بضريح العباس (ع)
كملنا الزيارة ورة صلاة الظهر اجرنا فندق نستراح بي والفجر نطلع للنجف الاشرف وراها نطلع البيت صديقه أمي رحنا بالفندق سبحت قبل امي ونزلت اجيب
الغدة من المطعم
جبت الغدة وصعدت يم امي لكيتها كاعدة تغدينا ولفينه راسنه ونمنا العصر كعدنا افترينا وهذا كله شامر التلفون صامت
وامي كذالك كالت لا تفتح أبد
الفجر وي الصلاة كعدت صليت وامي كذالك علمود نطلع للنجف شفت التلفون يهتز أبوي متصل بي اربع مرات واخواني واخواتي كذلك اتصلت بأبوي بسرعة رفع الخط
_همزين رديت
_جنت نايم وعايف التلفون صامت هسه كعدت
وشفت الإتصالات
_امك وين اتصل بيها ماترد
_امي هوينها يمي جاي تبدل نريد نطلع على النجف الاشرف
_ كول لأمك أني قابل تروح لبيت صديقتها بس بشرط
_شنو الشرط ؟
_كوللها من ترجع للبيت اريدها تصير خوش ادمية
وماتلاسن ولا تغلط
_والله يايابة الصوج بيك مو بأمي انت تنفز الواحد
_كلب ابن الكلب لا ترد أنت افتح ميكروفون
خل تسمع الكلام امك
_ماشي يمه اسمعي ابوي شيكول
ام صدام : اسمع
ابو صدام : سهاد اسمعي كلامي كلش زين البارحة بالليل فكرت بالموضوع وكالت بيني وبين نفسي راح اخلي سهاد واولادها يزورون وكلشي يردون لاكن بشرط تحترميني
كدام أخواني وتسمعين كلامي
ام صدام : واني من يوم يومي اسمع كلامك بس انت ماتسمع الكلام وتسوي روحك متخلف وأنت العكس تدري بأهل البيت (ع)شنو مكانتهم عند النبي (ص) وعد الله ...
ابو صدام : انسي السالفة كلها وكولي موافقة
ام صدام : طبعا اوافق ماكو مره تهجم بيتها بإيدها
وجهزلي نفسك بس نرجع شهر الجاي
ناخذك للزيارة
ابو صدام : الله كريم اي شلونج
رائد بقيت فاك حلكي امي تضحك بانتصار ...
تمام الحمدلله بخير انت شلونك اخبارك
اخبار البيت بخلافي
ابو صدام : زين البيت مايسوى شي بخلافج سهاد
رائد : هلاوو ابوي اليوم صاير رومانسي هههههه
ام صدام : انجب ولك انطيني التلفون
ابو صدام : من طيك الله حظك انطي التلفون
لامك عار مصيرلك جارة
رائد : اني شكلت ههههه
اخذت التلفون أمي وانطتني ظهرها وأني خربان ضحك اشرتلي اطلع بره طلعت بدون كاف لام متعجب ابوي شغيره ؟ اوت البارحة جان يهدد ويرد وينكر اهل البيت (ع)
اليوم يحجي بكل إحترام ويصيح امي باسمها شسالفة شنو دعيت بالعباس على ابوي الله ستجاب الدعاء بسرعة
؟! شوي ودخلت أمي انطتني التلفون وتضحك
_هاا يمة بشري ؟
_ابوك حلمان بالعباس بعد عيني
_والله ؟!
_اي والله هسه كالي
_وشحلمان ؟!
_حلمان رجال طويل كلش وضخم وشايل رأيه بإيده وريشات اثنين فوك راسه وجه نوراني واكف بعيد عن ابوك وابوك يكول وراي چلاب سودة مو مثل الچلاب العدنا اشكالهن مرعبة
يركضن وراي واحد منهن جلب برجلي وكعت ... والمكان لوكعت بي نفتحت حفرة جبيرة كلها نار وتشتعل والچلاب صارن كتله من نار ويحاولن يجرني للنار
اني راسن جلبت بحدار الحفرة واصيح وادعي الله احد ينقذني ماكو عاد تذكرت العباس (ع) بهاي الصفات بس كلت دخيلك يابو فاضل رأسن الجلاب تركت
واختفت والحفرة هم ماصدكت اني راسن كعدت بالكاع ابجي من الخوف والهول الصابني رأسن فزيت مرعوب وعركان عرفت اني جنت غلطان وستهزءت بأهل البيت(ع)
_عليهم السلام اجه العباس بالحلم لان استهزء
بيهم ومنعنه من زيارتهم
_بعد عيني ابو فاضل ماردني خايبة ونذر علية بس اوصل للبيت اذبح طلي شكران لوجه الله والعباس (ع)
_يستاهل اخو زينب يستاهل
_اي والله يلا يمة خل نروح نزور الامام علي(ع)والمقبرة ونطلع على بيت صديقتي هم يلا العصر عدهم حنه
وبالليل حنه الزلم
_يلاولعد وين الاغراض
_هوينهن
شلت الاغراض وطلعت فرحان وامي كذالك فرحانة كلش بتغير أبوي وبالحلم الحلمة فرحت لابوي من كل قلبي بهذا الحلم ههههه المهم زرنا المقبرة أول أول
مارحنا على أهل امي
جدتها وامها وخالتها والصدمة جان قبر خالها ..... مثنى موجود من شافت القبر دكت ولطمت وبجت بكل حركة ام امي شيعة الأصل ومن اهل الحلة جدي مطلك امها
لان مقابله تصير سنيه رادوها تصير سنيه وهي مقابله عاد مطلقها وجانت حامل بأمي مارادوا الطفلة لأن بت الشيعية واكيد راح تطلع على امها من مات ابوها وصارت مره
جبيرة وجوها خطاب فكوا اعيونهم جدي وعمامي لان بت اخوهم الصغيرة ولازم ماتروح للغريب او نكول ماتروح للشيعي هذا هدفهم جان اخذوا امي غصب
وزوجها غصب لأبوي
عفت أمي تبجي من كيفها ماتحملت اشوفها .... بهذا الوضع حضنتها وكمت ابجي وياها وراها كمنا غسلنا القبور بماي ورد وخليت بخور داير مداير القبور وقرينا الفاتحة
وطلعنا ماعندي اقبور احد من اقاربي اهنا مايدفنون بالنجف لان سنه قرص وطائفية كملنا زيارة اهل القبور طلعنا الإمام علي(ع) زرنا وعلى الساعة بال6 الصبح
طلعنا النجف الاشرف
عدل للحلة بيت صديقة أمي مجنت اندل فاتصلت بأمي وكالت بفلان مكان يجي ابني الصغير مهدي ياخذكم رحت للمكان لكيت الولد ينتظر اعرفه هو لان دز صورته لأمي
علمود نعرفه اجه بسرعة ...
السلام عليكم
_وعليكم السلام شلونك
مهدي : زين الحمدالله أنت شلونك
رائد : على الله اصعد حبيبي
صعد وسلم على امي ...
شلونج خاله
ام صدام : زينة وليدي انت شلونك اهلك شلونهم
مهدي :ا لكل زينين امي فرحانة كلش بجيتج
من البارحة تحجي بيج
ام صدام : واني هم مامصدكة راح أشوفها اخر مرة
شفتها بيها من جبت رائد اجت لعندي
رائد : هاا
مهدي : اي هي هم كالت منا اطلع
دلاني على المكان وصلنا البيت جانت المنطقة زراعية وبساتين وحلال اكو بالشارع كلش عجبتني المنطقة احب هيج أجواء وصلنا كدام البيت جان قاطين الواجهة
مطبق حجر بيجي بأسود
وسياج جبير كتله اوكف السيارة هنا ؟
مهدي : لا دخلها جوه أخاف يضربونها الجهال
رائد : كلشي ولا السيارة هههه
مهدي : اي والله حرامات حديث وبعدها تلهف ههههه
رائد : جديدة العام طلعتها من الشركة
مهدي : تتهنى بيها عزيزي
رائد : الله يسلمك
نزل فتح الباب دخلت السيارة جوه حوش كلش جبير وطريق بالنص صبه ومن الجهتين حديقة كلش حلوة ومرتبة ومن الجهة الثانية كراج السيارة شفت مره بعمر امي
لابسة حجاب جبير ابيض ودشداشة جوزي بورد اسود مبتسمة الوجه وياها رجال بعمر أبوي هم مبتسم ولد أثنين وأطفال وكفت السيارة نزلت امي رحت ركنتها بالكراج ونزلت
اباوعلهم من بعيد فرحانين كلش بأمي والمره ....تبجي وامي تبجي دموع الفرح واللقاء هههه رحت عليهم سلمت رحبوا بي المره رأسن حضنتني وباستني رأسن ضحكت هههه
وتذكرت قاسم لو بمكاني جان كال حرررام عيب ههههه .
ام حسن : لا تستحي أنت هم ابني
رائد : وليش استحي خاله ههه
ابو حسن : ماشاءالله عليك رجال معدل
رائد : الله يسلمك عمي
حسن : أنت مو ضابط بجهاز بمكافحة الإرهاب
رائد : اي نعم
مهدي : ههه مبين ترى ضابط من شخصيتك ههههه
رائد : الله يسلمك عمي
حسن : أنت مو ضابط بجهاز بمكافحة الإرهاب
جريت شواربي وكلتله ...
هذني كشفني ههههه
ابو حسن : هههههه اي يلت تفضلوا جوه كل الهلا بأم
صدام ورائد زارنا البركة اتفضلوا اتفضلوا
رحبوا بينه ترحيبة كلش حلوة ومحترمة ويكتلك ..... القهر عمامي وعماتي يكولون الشيعة تستحقر السنة جانوا ناس اهل طيب وكرم بقينى كاعدين سوالف وشقا امي وياهم
تعرفهم من زمان والولد وياي يشاقون مهدي تافه جان كلش وانكس مني اقل زلة يضحك ويصنف توالمنه أني ويا أذان كمت صليت صلاة القصر لان طالع بمكان .
وره الغدة أمي أخذت ام حسن وطلعن ماعرف وين ساعتين ورجعوا صاحتلي بالغرفة الوحدنا جانوا مجهزينها النه
كعدت بصف امي بالكاع تباوعلي .
_رائد منو هالبنية لتراسلها من فترة طويلة ومفكر تزوجها ؟
_منو كالج ؟
_منو
_ماعليك بالمنو كالي كول منو هاي ؟
_والله يايمة هاي وحدة مدرسه تدرس بفلان مدرسة تعرفت عليها بالصدفة من وديت بت صدام اخذلها إجازة وراها صار تبادل أرقام بحجه اسأل على بت اخوي وتطورت العلاقة بيناتنه ودا افكر حاليا ارتبط بيها اذا ماعندج مانع
_هااا خوش يمة اسمع هاي البنية مو زينة أبد وما تليق بيك وبالعائلة وحدة لعبية وعدها علاقات سابقة وي غيرك
بالخط العريض يا رائد مثل الكحبة
_شمدريج ؟
_وهاا مسويتلك سحر محبة وربط
_شنوووو ؟!
_كفيلك العباس ابو فاضل مسويتلك سحر معدل
ودافنته بالمقبرة علمود تزوجها
_عوذ بالله أنتِ شمدريج ؟!
_اخذت ام حسن ورحت للعلوية يمهم هنا بالمنطقة تكشف كلت خل اكشفلك واشوف شنو علتك ليش ماتريد تزوج وطلعت لي الصدمة يا رائد امهات السحور انوب علية
ولك ماتجوز ماتبطل من النسوان الف مرة كلتلك لتسلم نفسها لك بسرعة هاي موشريفة الشريفة تكولك تعال دك باب اهلي من اول ماتكوللها معجب بيج بس ماتسمع مني .
_وهاي العلوية حجيها صدك ؟!
_طبعا صدك لو مو صدك مجان كالتلي قلبه اخظر ويحب البنات كلما شاف بنية حلوة رقمها ويحب ينوع روحه من الدنيا البنات والحلوات وهاي البنية خطر علية خل يبتعد
عنها بسرع وقت كان ترى تدمره بالسحورة
_بس خل اوصل للانبار وشوفي شسويلج بيها الا انعل شيب الخلفوها واني اكول صرت احبها واريد اتزوجها اثاري هنا الحجي سامطتني بواحد معدل خلتني اثول
واصير مثل المطي المطيع
_اي والله يايمة مطي وتركبك كلما تكولك ديييي
تمشي كدامها وأنت الممنون
_بسيطة أني أعلمها
_تعال هاك اشرب من هذا المي واخذ هذا البطل اسبح
بي هسه وهذا الحجاب خلي بالفالينة
_حجاب شنو ؟؟
_حرز يحميك من السحورة أخاف تسويلك
واحد ثاني بعد مايشتغل
_هاا هاهيه انطيني خل اطفر بسرعة قبل لا
اصير مطي انطيني
_وأني عبالي مراح تأمن ؟!
_أمن بكلشي أني انطيني
_اي هاك اشرب مي
اخذت الماي جان بطل دا اشرب وجان تعيط بي ...
ولك مو كله شوي أشرب يومية الصبح والمغرب تشرب من الماي لمدة ثلاث أيام وتسبح كل يوم مدة ثلاث أيام
_غير تكولين ردت اصكه براسي هههه
_يلا كوم اسبح
_ماشي
أخذت المي وطفرت للحمام الماي جان عبارة عن ماي ورد ورقة بيضة مكتوب بيها بقلم أحمر الماي صاير أحمر خفت فتحت باب الحمام وصحت على امي
_يمممممة
_ولك شبيك تصيح
_تعاااي
اجت لعندي ...
شبيك تصيح عيب احنا خطار
_عوفيني من العيب هذا الماي احمر ليش؟
_مكتوب بالزعفران علمود يبطل السحر بسرعة فهمت
هسه يلا اسبح بسرعة واطلع اريد
اطلع يمهم عيب
_غير تكولين
_يلا روح شكد تحجي
دخلت للحمام سبحت بسرعة خفت لا يصبغ جسمي غسلت ماصبغ لان خليته بالنجانة الماي وتكاسر ريحة جسمي صارت طيبة كلها ماي ورد طلعت امي تباوعلي واضحك
_شمي الريحة تخبل عبالك وردة جوري
وتفوح بعطرها ههههه
_اي يمة يلا اني طالعة تريد تطلع بكيفك
_لا اريد أنام تعبان طول الطريق اني اسوق
وانتِ نايمة شرايحلج
_يلا نام لعد أني طالع
طلعت أمي نشفت شعري بقيت بطرك الفالينة والبجامة شمرت روحي بالفراش جانت الغرفة بيها كنتور وبوفيه مال افراش ومكتب وحاسبة ماعرف المنو مبين
مكتب بنات
لان جان ابيض بوردي وامراية بيضة بالحايط طويلة مخلينها خليت المسدس وباكيت الجكاير جوه المخدة وتعصبت كلش من عبير ام السحورة واني اكول شبي انثولت وصرت افكر اتزوجها اثاري اهنا الحجي
لازكتني بواحد معدل أني الها .
زينب " اهل مرت اخوي الصغيرة جان عدهم عرس واحنا وياهم مثل الأهل ونعرفهم من زمان والبنية جانت صديقتي وياي بالمدرسة من تزوجت اخوي تركت الدراسة
ماتحب الدراسة جانت المهم.
اليوم الحنة وره الغدة رحت اني وياها ردنا من امي تجي كالت مابي حيل وتعبانة وابوج هم تعبان ماكدر اتيهه عود بالعرس نروح روحي أنتِ وباتي عدهم
يخلوني ابات يمهم لان ناس كلش ثقة وماعدهم احد ولدها كلهم متزوجين وهذا آخر العنقود مؤيد وثاني شي أهلي يوثقون بي رحنا يمهم استغربنا شفنه
سيارة آخر موديل
سودة بالكراج ...
نوره : منو عند أهلي
زينب : شمدريني مبينين زناكين من السيارة
نوره : اي باعي السيارة تلهف لهف عبالك توها
مطلعينها من الجيس
زينب : اي
نوره : يلا خل ندخل
دخلنا بوجهنا للصالة تلكانه مهدي وكال بضحكة ..
يمنا خطاار
نوره : صدك منو عدنا ؟
مهدي : ناس ضباط هههه
نوره : ضباط منو ولك هالضباط
مهدي : صديقه امي ام صدام تذكرتيها من الانبار
نوره : اي جانت امي تحجي بيها بس لا هي ؟!
مهدي : اي والله هي وابنها ناس طاكين وابنها صاك يطك بالكاع ضابط معضل هيج العضله اويلي مو جسم عليه الا قنبلة هههه مو مثل حظي مكرسع هههه
نوره : هااا خل اروح اشوفه لعد هاج ابني
مهدي : وين مولية ولج
نوره : اشوف الضابط
مهدي : وج تعاي عيب ام الوسخ تعاااي
نوره : دولي ابو الوسخ شوقتني اشوفه وينه ولك
مهدي : جوه بالغرفة نايم
نوره : هاا امه هم نايمة ؟
مهدي : لا يم امي والبنات بالغرفة روحوا
لعدها هلا ام الكوريين
زينب : هلأ بيك مهدي
مهدي : هم بعدج تحبين هذا الكوري
نوره : طبعآ ههههه
مهدي : بشرفج زينب شفتي بي وحبيتي؟
زينب : امممم اخلاقه
مهدي : ههههه خرب بيومج وين الاخلاق بالموضوع
مصلخ ويركص مثل تيسير العراقي هههههههه
زينب : ليش تعيب تقبل هسه اعيب عليك
مهدي : عمي عيبي قابل من شفت الضابط
طميت روحي هههه
نوره : تدري بي فضولية مهدي شوكت اشوفه
مهدي : شوكت مايكعد تشوفي يلا أني طالع
طلع مهدي اباع النوره كامت تموت ادري ...بيها فضولية وهذا مهدي شوقها وشوقني وياها اشوفه رحنا بالغرفة شفت مره متوسطة العمر بيضة ثلج حلوة كلش جانت
احلى من أمي بهواي وجهها يضحك جانت ام صدام صديقة خالتي سلمنا عليها ردت اكعد يم نوره جرتني من ايدي ام صدام وكعدتني بصفها خجلت فدمرة
ام صدام : يمة فدوة ميلكم هالحلوة
نوره : هاي حماتي خاله
ام صدام : تخبل ماتنطونياها
نوره : كدامج خاله هههههه
كلمة وحدة ماطلعت من الخجل بقيت ساكتة هي تباوعلي وتضحك والكل يضحك وياها لازمة ايدي وتسأل بي شكد عمرج دارسة لو تاركة متزوجه لو مخطوبة واني
اجاوب بصوت ناصي .
جريت ايدي بهدوء منها وكالت ...
اي والله كلهم زوجتهم بنات ولولد الا رائد مايقبل
يتزوج شالع قلبي شلع
ام حسن : يتزوج ان شاءالله وتفرحين بي
ام صدام : الله يسمع من حلكج ام حسن هاي بناتج كلهن مو
ام حسن : اي والله تلاثه بناتي والرابعة
بالصالون وي العروس
ام صدام : ربي يحفظهن الج يخبلن طالعات عليج
ام حسن : اي علية هههه
ام صدام : مو مثلي ولا وحدة طلعت تشبهني كلهن على
اهلهن من البنات والولد بس رائد بي شبه مني
ام حسن : اي العيون ولوعة الوجع عليج ماشاءالله عليه هيبة ومن يمشي يهز الكاع لو هيج الزلم لو ماتنراد
ام صدام : الله يسلمج أخيتي
نوره: وج راح اموت بالقرآن
ام صدام : بعيد الشر عنج خاله شبيج
نوره : تعبانه خاله هههه
ام صدام : واني عبالي بيج شي تهمسين لزنوبة الوردة
فدوة شكد عاقلة وحبابة هالبنية دخلت
قلبي بسرعة
زينب خجلت كلش دنكت راسي وافرك بإيديه نوره تنبز بي وتضحك ساعة زمان كمنه بدلنا وخليت مكياج طلعت اخبل دخلت عليهن يباوعلي ابو صدام كالت من مكانها
ام صدام : جنج اللعابة وترمش هنياله لياخذج خاله
زينب : هذا من ذوقج خاله
وراها رحنا على بيت العروس ام صدام هم اجتي ويانه كلش
حبابة جانت وطيوبة وصلنا بيت العروس دك ورقص الكل البنات الا أني ماشاركت وياهن جرن رادن مارقصت بقيت كاعدة استحي و هواي عالم وكلها تباوعلي
يبووووه وين اضم راسي
وفوكاها جاي يصورون عادي عدهم التصوير وأخاف أني بقيت كاعدة ماعرف يمنن انتبهت يم ام صدام باوعتلها
انصدمت هي ضحكت وكالت
_تستحين ترقصين لو ماتعرفين ؟
_اعرف خاله بس استحي وجاي يصورون
_عفيه عليج خليج ثكيلة عجبتيني اكثر
بلعت ريجي وتذكرت عدها ولد مامتزوج وجابته وياها هذا الكل تحجي بي حتى الزلم وانوب سنه ابوي هم هواي يحب السنه يتخبل منهم وعقله يطير من اهل الانبار
أنتهت الحفلة كمت اخذت شكم صورة وي العروس والبنات ورجعنا للبيت تعبانه هلكانة من التعب واريد ابدل رحت يم بت حسن عمرها ١٣ سنة كتلها اريد ابدل
رقية : روحي بهذيج الغرفة بدلي فارغة
زينب : ماكو احد هناك
رقية : لا مابيها هي غرفتي مو تعرفيها اقفلي الباب وبدلي
زينب : تعاي وياي
رقية :ماكدر اجي شوفي شكد خطار وجاي اشتغل
روحي بدلي وتعاي بسرعة هواي شغل عدنا
زينب : ماشي
جنت شايلة التراك طويل بايدي والحجاب .....اريد ابدل مليت من الفستان طويل وثكيل والمكياج هم ضوجني جان ثكيل على الوجه فتحت الغرفة دخلت جانت
زينب : ماشي
ظلمة كلش ونقطة مخلينها بزاوية الغرفة دخلت سديت الباب جانت هدوء كلش وبيها ريحة عطر قوية أول مرة
اشم هيج ريحة حلوة وقوية
مشيت عمياوي ادور على الحايط ماكو عثرت بشي
وراسن وكعت أنتبهت جان شخص رأسن
صاح ولفلفني بالبطانية ..
