رواية حوا وتمضي الايام الفصل الثاني عشر 12 بقلم علا احمد
بسم الله الرحمن الرحيم الفصل الثاني عشر ...
١٢ من حوا وتمضي الايام
١٢ من حوا وتمضي الايام..........................................
استيقظت في الساعه التاسعه صباحا وهي تشعر بحماس شديد وعازمه النيه على اصلاح زوجها حتى يكن كما ترضى
اتجهت الى الحمام حتى تتوضا لصلاه الضحى وبعد الصلاه جلست تقرا الورد اليومي واذكار الصباح ثم قامت لتحضير الفطور قبل ان يستيقظ نبيل
خرج ونبيل من غرفته وهو يبحث عنها بعيناه حتى وجدها تخرج من المطبخ وتحمل اطباق الطعام نظر اليها بهدوء وبرود كالعاده ثم اتجه نحو الطاوله وجلس عليها يتفقد الحساب الخاص به ولم يعطيها اي اهتمام وضعت فيونكه باقي الاطباق وجلست امامه وهي ترتدي اسدال الصلاه ولكن بدون نقاب وقالت في ابتسامه مشرقه
فيونكة : صباح الخير
نبيل ولم يرفع نظره لها : صباح النور
فيونكة : طب يلا سيب الفون الأول وافطر
نبيل ببرود : افطري انت ملكيش دعوه بيه
تاخذ فيونكه الهاتف منه وتضعوا جانبها وتقول بهدوء: على فكره الاكل لي احترامه ثم تشير الى الطعام كل الاول
نبيل بدهشة من تصرفها : انت ازاي تنتشي الموبايل منى كده
ثم قال بغضب : هاتي الفون واوعي تعملي الحركه دي تاني
فيونكة : المفروض الاكل محطوط كل الاول بعدين امسك الفون زي ما انت عايز
نبيل بصوت عالي : مش عايز اطفح
فيونكه بنفس الهدوء تعطي له الهاتف دون اعتراض ثم قامت بجمع الاطباق الموجوده على الطاوله واتجهت نحو المطبخ وترتيبها من جديد تحت نظرات نبيل المدهشه من تصرفاتها
نبيل : انت شيلتي الاكل ليه انا لسه ما فطرتش على فكره
فيونكة باستفزاز : انت مش قلت مش عايز اطفح
نظر لها نبيل بغيظ شديد و عاد النظر الى هاتفه مره اخرى وهو يشتعل من الغضب
ويقول في باله انا شكلي هتربه من اول وجديد
$$$$$$$$$$$$$$$$$$$$$$
في احدى المراكب الخاصه في مدينه الاسكندريه
وقفت تقى تتفحص الدور الاول برهبه وتوتر حتى شعرت بنادر ياتي من خلفها وهو يدندن بعد الاغاني بفرحه
نادر بابتسامه وهو يمسك بورقه الجواز الخاصه بيهم ويقول : دي النسخه بتاعتك حافظي عليها زي اسمك بالضبط
تقي : حاضر
هاروح اوصل الشهود وخلي السواق يتحرك بالمركب واجيلك
تقي ابتسامه خفيفه : ماشي
بعد قليل تحركت المركب
نادر تعالي يا حبيبتي نطلع فوق المنظر تحفه
علي سطح المركب
نادر وهو يقف بجانب تقى ويقول : مبروك يا توته
تقى بحزن وهي تجلس : الله يبارك فيك
ذهب نادر وجلس بجانبها : مالك بس يا حبيبتي
تقي والدموع متجمده في عيونها : كان نفسي في فرح زي كل البنات والبس الفستان الابيض حاسه ان فرحتي راحت خلاص
نادر هو يمسك بيديها : اوعدك يا حبيبتي اول ما ارجع من السفر هاروح اكلم باباكي واعمللك احلى فرح في الدنيا
تقي : بجد يا نادر
نادر : طبعا يا حبيبتي انت لسه عندك شك طب اقول لك على حاجه عشان تطمئني اكثر و تعرفي انا بحبك قد ايه
تقي : ايه
نادر : المركب دي بتاعتي انتي اول واحده تدخليها حتى صحابي حتى اختي مش برضى اجيب حد هنا مش بسمح لحد انه يقرب منها الا أنتي عشان بحبك كمان يا ستي وتابع في خبث المركب دي هديه مني ليكي بمناسبه جوازنا
تقي بفرحه وهي تنظر حولها : يعني المركب دي دلوقتي بتاعتي
نادر طبعا يا حبيبتي بتاعتك وانا هنا ضيف عندك
تقي بسعاده : مش عارفه اقول لك ايه يا حبيبي ربنا يخليك ليا يا رب
نادر : مش قلتلك يا حبيبتي حياتك معايا هتكون كلها فرحه
وظننت تقى انها حققت احلامها بجوازها من نادر ولم تعرف انها اوقعت نفسها في خطا فاضح لا يمكن اصلاحه ولا تستطيع الخروج منه طوال حياتها وستظل تدفع الثمن لاخر يوم بعمرها
$$$$$$$$$$$$$$$$$$$$$
فيونكه قاعده في اوضتها بتكلم منى صاحبتها بتحكي لها على اللي حصل
مني بضحك : يا خرابي عليك ده انت مصيبه
فيونكة ببراءه: ده انا غلبانه خالص انا بس ناويه اعيد تربيه من الاول
مني : طب خلي بالك لحسن انتي هتتعبي معه قوي
فيونكة بتنهيده: انا عارفه والله يا منى بس اهم حاجه عندي النتيجه ويكون انسان كويس
مني بمكر: وعليك بايه التعب ده ما هو قال لك لو عايزه تطلقي انا موافق ولا انت شايفه حاجه ثانيه
فيونكة بتوتر: قصدك ايه يعني يا ست مني على فكره هو بالنسبه لي حاله خيريه وعايزه اخذ في ثواب
مني بخبث: والله طيب ربنا يقويكي يا ستنا الشيخه
فيونكة بحده: مني انا مش بحب الكلام والطريقه دي وأنا.....
قطع حديث فيونكة خبط نبيل على باب الاوضه
فيونكة : اقفلي دلوقتي يا منى و هكلمك بعدين السلام عليكم
مني : ماشي يا حبيبتي وعليكم السلام ورحمه الله وبركاته
قفلت فيونكة الخط مع منى وراحت تفتح لنبيل الباب
نبيل : اجهزي عشان في ناس طالعه
دلوقتي
نبيل قال الكلمتين دول وراح ماشي
دخلت فيونكه الاوضه وقفلت الباب وراها وراحت عند الدولاب ووقفت محتاره مش عارفه تلبس ايه
في الاخر استقرت علي عبايه استقبال من اللون النبيتي الداكن وطرحه اوف وايت ولم تضع اي مساحيق تجميل فهي جميله ولم تحتاج لشيء
خرجت فيونكه ولسه رايحه ناحيه المطبخ وسمعت نبيل بينادي عليها بغضب
نبيل : فين النقاب بتاعك يا هانم
فيونكة بغباء: جوه ليه في حاجه
نبيل بغيظ: لأ بس كنت بطمن عليك ثم قال في غضب عارم: بيعمل ايه جوه وفي ناس طالعه
فيونكه : ناس مين مش مامتك وباباك وده عمي يعني مش راجل غريب
نبيل بسخرية: و سند اخوكي في الرضاعه
فيونكه بضيق: لمعلومات حضرتك البسيطه جدا في الدين حتى لو لابسه النقاب مش هاقعد مع اخوك عشان الاختلاط حرام شرعا انا كنت رايحه المطبخ عشان احضر مشروبات تقدمها لاخوك وعمي وانا هقعد جوه مع طنط نجاه فهمت ولا نو استيعاب
نبيل بحده: نوا استيعاب اتكلمي كويس لاخر مره باقول لك عشان انا ماسك نفسي بالعافيه بس بصراحه انتي مستفزه لاقصي درجه و هتخليني ازعلك وتابع وبعدين حضرتك عامله لي فيها شيخه قوي وانتي بتكلمي جوزك بقله ادب كده بقى مش حرام
وراح سايبها وماشي
بعد فتره صغيره روحت فيونكه وراء نبيل ووقفت قدامه
فيونكة : انا اسفه ما كانش قصدي اغلط فيك بس انت تستاهل ومش عايزاك تزعل مني انا بس بتنرفز غصب عني
نبيل بابتسامه : مش عصبيه بس ده انتي كمان لسانك طويل في واحده جايه تعتذر تقول مش قصدي اغلط فيك بس انت تستاهل
فيونكة بمرح: بس طيبه و دمي خفيف و مفيش مني اثنين عامله زي عود الكبريت بولع بسرعه وبطفي بسرعه مش انت
نبيل بضحك : أنا ايه
فيونكة : عصبي ولسانك طويل زيي بس مش طيب ولا دمك خفيف وبتشتعل و تساعد على الاشتعال
كتم نبيل ضحكته بصعوبه وانظر لها بحده مصطنعه : طب شكرا يا ستي مش عايز اسمع منك تفسير لشخصيتي ممكن بقى تدخلي جوه عشان الناس طالعه دلوقتي
فيونكه بخوف : احم احم حاضر بس...
صوت جرس الباب
نبيل : علي جوا يلا
ذهبت فيونكة إلي غرفتها وأغلقت الباب خلفها
وذهب نبيل وفتح الباب وكان اكرامي وسند
$$$$$$$$$$$$$$$$$$$$$
كانت أيار تجلس في البلكونه وهي تنظر الى الفراغ حتى دخلت صديقتها مريم
مريم : ايه يا رورو خضتيني في ايه يا بنتي
أيار وهي تتنفس عدت مرات ثم تقول : انا جالي النهارده عرض
مريم باستغراب : عرض ايه شغل يعني ؟
أيار : لا جواز
مريم بعدم فهم عرض جواز ازاي يعني
أيار : فاكره علي محمود اللي كان ولم تكمل أيار باقي كلامها حتى صرخت مريم بفرحه شديده
مريم وهي تقفز بسعاده: علي محمود عايز يتجوزك وانت بتقولي عرض جواز من غير نفس اما انك واحده غبيه صحيح
أيار بالسخريه : ليه بقى ان شاء الله
مريم بحماس : يا بنتي ده انت كنتي بتقولي عليه كاتب الحب رقم واحد في الرومانسيه الحلال وكمان لما عرفنا من على النت انه مش مرتبط قلتي اللي زي ده لا يمكن يتجوز الا عن حب يبقى اكيد بيحبك عشان عايز يتجوزك
أيار : شكلها مش كده خالص يا مريم اللي يخليه عايز يتجوزني انا والبنات الحلوين في كل حته
مريم : ما تقوليش على نفسك كده انت احلى البنات وجميله قوي من جواك انت كنز في حياه اي حد يعرفك وبعدين انت مهندسه ودكتوره كبيره في الجامعه يعني مش حد قليل
أيار : عشان كده بقول لك يا مريم انا خايفه يكون ده جواز شكل قدام الناس وخلاص هو كاتب كبير فطبيعي لازم مراته تكون مستوى العلمي بتاعها عالي
مريم : طب ما يروح يتجوز اي واحده تعليمها عالي وتكون حلوه وفيها كل المواصفات عايز يتجوزك انت ليه ؟
أيار : عشان الظروف اللي عنده
مريم : وايه بقى الظروف اللي عنده ان شاء الله ؟
أيار : انه يعني أنه عاجز
مريم بصدمه وعدم استيعاب : يعني ايه عاجز
أيار ودموعها تنزل بغزاره : عنده عجز في رجله وقاعد على كرسي متحرك
