رواية كسر الخواطر الفصل الثاني عشر 12 بقلم ريم محمد محمد
كسر الخواطر للكاتيه ريم محمد محمد
.
.
12
12.
. ﻛﺴﺮ _ ﺍﻟﺨﻮﺍﻃﺮ _ ﺍﻟﺚﺍﻧﻴﺔ _ ﻋﺸﺮ _
ﻟﻴﺎ ﻓﺘﺮﻩ ﻧﻔﻜﺮ ﻭﺍﺟﺪ ﻓﻲ ﺍﻟﺤﻞ ﻭﺷﻦ ﻧﺪﻳﺮ
ﻛﻨﺖ ﺳﺮﺣﺎﻥ
ﻋﺒﺪﻭ:: ﺑﻌﺪ ﺭﺍﻧﻴﺎ ﻗﻌﺪﺕ ﺗﺤﻜﻲ ﺍﻗﺘﻨﻌﺖ ﺑﻜﻼﻣﻬﺎ
ﻭﻓﻌﻼ ﻧﺠﻴﺐ ﻭﺣﺪﻩ ﺗﻌﺎﻧﻲ ﺍﻟﻌﻴﻞ ﺯﻱ ﺍﻣﻪ ﻣﻌﺎﻳﺎ ﺧﻴﺮ
ﺑﺲ ﺗﻮﺍ ﻛﻴﻒ ﻧﺤﻜﻲ ﻣﻊ ﺭﺣﻤﻪ ﺻﻌﺒﻪ ﻧﺠﻲ ﻧﻘﻮﻟﻠﻬﺎ ﻧﺒﻲ ﻧﺘﺠﻮﺯ
ﺍﻟﺤﻞ ﺣﺎﻟﻴﺎ ﻧﺨﻄﺐ ﺭﺍﻧﻴﺎ ﻧﻤﺴﻜﻬﺎ ﺑﺲ ﺑﺪﻭﻥ ﻣﺎﻧﻌﺮﻑ ﺭﺣﻤﻪ ﻭﺑﻠﻜﻲ ﺍﻟﻔﺘﺮﻩ
ﻫﺬﻱ ﺗﺘﺤﺴﻦ
ﻭﻻﻧﻘﻌﺪ ﻣﻬﺪﺗﻠﻬﺎ
ﺭﺣﻤﻪ:: ﺩﺭﺕ ﺑﻴﺪﻱ ﻋﻠﻲ ﻛﺮﺍﻋﻪ
ﻋﺒﺪﻭ:: ﻧﻌﻢ
ﺭﺣﻤﻪ:: ﻛﺘﺒﺘﻠﻪ ﻟﻴﺶ ﺳﺎﻛﺖ ﺍﻟﻴﻮﻡ ﻏﺮﻳﺒﻪ
ﻋﺒﺪﻭ:: ﺍﻩ ﻫﻬﻬﻬﻬﻪ ﻗﻠﺖ ﺧﻠﻴﻨﻲ . ﻧﺮﻳﺢ ﺭﺍﺳﻬﺎ ﻣﻦ ﺻﺪﺍﻋﻲ ﺍﻟﻴﻮﻡ
ﺭﺧﻤﻪ:: ﺑﺎﻟﻌﻜﺲ ﺍﻧﺖ ﻋﻴﻮﻧﻲ ﻭﻟﺴﺎﻧﻲ ﺑﺪﻭﻥ ﻫﺪﺭﻳﺰﻙ ﻧﺤﺲ ﺭﻭﺣﻲ ﻋﻤﻴﻪ
ﺻﺎﺡ ﺑﺲ ﻣﻌﺎﻙ ﻧﺘﺨﻴﻞ ﻛﻞ ﺣﺎﺟﻪ .
ﻋﺒﺪﻭ:: ﺑﺎﻫﻲ ﺷﻦ ﺗﺒﻲ ﻧﺤﻜﻴﻠﻚ ﻣﺜﻼ
ﺭﺣﻤﻪ:: ﻧﻄﻠﺐ ﻣﻨﻚ ﻃﻠﺐ
ﻋﺒﺪﻭ:: ﻣﻦ ﻋﻴﻮﻧﻲ ﺷﻨﻮ ﺣﺒﻴﺒﻲ
ﺭﺣﻤﻪ:: ﻛﺘﺒﺘﻠﻪ ﻧﺒﻲ ﺍﻧﻄﻴﺐ ﺧﺎﻃﺮﻱ ﻧﺸﺘﻐﻞ ﻓﻲ ﺍﻟﺸﻘﻪ ﻭﻟﻮ ﻣﺮﻩ ﻧﺪﻳﺮﻟﻚ
ﺃﻛﻠﻪ ﻣﻦ ﻳﺪﻱ
ﻋﺒﺪﻭ:: ﻳﺎﺭﻳﺖ ﺑﺲ ﻛﻴﻒ
ﺭﺣﻤﻪ:: ﻧﻜﺘﺒﻠﻚ ﺷﻦ ﻧﺒﻲ ﻭﺗﻤﺪﻟﻲ ﻭﺍﻧﺎﻧﺪﻳﺮ
ﻭﺍﻧﺖ ﺣﻄﻪ ﻋﻠﻲ ﺍﻟﻨﺎﺭ
ﻋﺒﺪﻭ:: ﺧﻼﺹ . ﺑﺎﻩ ﺳﺎﻫﻠﻪ ﻫﻜﻲ
ﺭﺣﻤﻪ:: ﺍﻧﺖ ﺷﻦ ﺗﺒﻲ
ﻋﺒﺪﻭ:: ﺧﺎﻃﺮﻱ ﻓﻲ ﻃﺒﻴﺨﺔ ﺑﺎﻣﻴﺎ
ﺭﺣﻤﻪ:: ﺟﻴﺖ ﻋﻠﻲ ﻫﺬﻱ ﻋﻨﺪﻧﺎﺵ
ﻋﺒﺪﻭ :ﻻ ﻋﻨﺪﻧﺎ ﺍﻧﺎ ﺟﺎﻳﺐ ﻣﺠﻤﺪﻩ ﻛﻨﺖ ﻧﺎﻭﻱ ﻧﺤﺎﻭﻝ ﺍﻧﻄﻴﺒﻬﺎ ﺑﻜﺮﺍ
ﻫﻲ ﺍﻛﺘﺒﻲ . ﺍﻟﻄﻠﺒﺎﺕ
ﻋﺒﺪﻭ::ﺗﻤﺎﻡ
ﻫﻲ ﺷﻠﺘﻬﺎ ﻟﻠﻤﻄﺒﺦ ﻭﻛﺘﺒﺖ ﻣﻘﺎﺩﻳﺮ
ﺭﺣﻤﻪ:: ﻧﻜﺘﺒﻠﻪ ﺷﻦ ﻧﺒﻲ
ﻭﻳﻤﺪﻟﻲ ﺍﻧﺎ ﻧﺤﻂ
ﻭﻫﻜﺬﺍ ﻣﺪﻳﺘﻬﺎ ﻟﻪ ﺣﻄﻬﺎ ﻋﻠﻲ ﺍﻟﻨﺎﺭ ﻭﻛﻞ ﺷﻮﻳﻪ ﻳﻘﻮﻟﻲ ﺷﻜﻞ ﺍﻟﻄﺒﻴﺨﻪ ﻟﻴﻦ
ﻃﺎﺑﺖ
ﻋﺒﺪﻭ:: ﺗﺠﻨﻦ ﺣﺒﻴﺒﺘﻲ ﺑﻜﻞ ﺳﻠﻢ ﺍﻳﺪﻳﻚ
ﺑﻨﺤﻂ ﻣﻨﻬﺎ ﻧﺸﻴﻞ ﻻﻣﻲ ﺑﺎﻫﻲ
ﻧﺬﻭﻗﻬﺎ ﺍﻛﻞ ﻣﺮﺕ ﻭﻟﺪﻫﺎ
ﺭﺣﻤﻪ:: ﻛﺘﺒﺘﻠﻪ ﺗﻮﺍ ﺗﺘﻬﺰﺃ ﻋﻠﻴﺎ. ﺗﻘﻮﻟﻚ ﺍﻟﻌﻤﻴﻪ ﻛﻴﻒ ﺷﺎﻓﺖ ﻭﺩﺍﺭﺗﻬﺎ
ﻋﺒﺪﻭ:: ﺑﻄﻠﻲ ﻫﺒﺎﻝ ﻭﻣﻌﺶ ﺗﻘﻮﻟﻲ ﻫﻚ ﻣﻤﻜﻦ ﺭﺣﻤﻪ
ﺍﻧﺎ ﻧﺎﺯﻝ ﻭﻣﻘﺘﻨﻊ ﺍﻧﻚ ﺍﺣﺴﻦ ﻣﺮﺍ ﻓﻲ ﺍﻟﺪﻧﻴﺎ ﻭﻧﺒﻴﻬﺎ ﺗﺬﻭﻕ ﺃﻛﻠﻚ ﻭﻧﺒﻲ ﻧﻜﻤﻞ
ﺍﻟﻄﻨﺠﺮﺓ ﻛﻠﻬﺎ . ﺷﻮﻳﻪ ﺗﻮﺍ ﻧﺠﻲ .
ﻧﺰﻟﺖ ﻭﻓﻌﻼ ﻛﻼﻡ ﺭﺣﻤﻪ ﻗﻌﺪﺕ ﺗﻘﻄﻒ ﻭﺗﺘﻔﻠﺴﻒ ﻭﺗﺘﻬﺰﺃ
ﻋﺒﺪﻭ:: ﻟﻮﺳﻤﺤﺖ ﻳﺎﺍﻣﻲ ﺣﺮﺍﻡ ﻋﻠﻴﻚ ﻛﻨﻚ ﻫﺎﺯﻳﻪ ﻋﻠﻴﻬﺎ ﺭﺍﻫﻲ ﺣﺎﺳﻪ ﺑﻴﻚ
ﻣﺘﺤﺒﻴﻬﺎﺵ .
ﺣﻠﻴﻤﻪ؛: ﻫﻲ ﺷﻦ ﺫﻧﺒﻬﺎ . ﻧﺤﺒﻬﺎ ﻭﻻ ﻧﻜﺮﻫﻬﺎ ﺍﻧﺎ ﻓﻴﻚ ﺍﻧﺖ ﺍﻟﻐﺒﻲ . ﻭﻓﻲ
ﻛﻮﺛﺮ ﺍﻟﻠﻲ ﺗﺘﻌﺎﻣﻞ ﺑﺒﺮﻭﺩ ﻭﻭﻟﺪﻱ ﻳﻐﻄﻲ ﻋﻠﻲ ﻓﻀﺎﻳﺢ ﻭﻟﺪﻫﺎ
ﻋﺒﺪﻭ:: ﺗﺒﻴﺶ ﺗﻨﺴﻲ ﺍﻟﺴﻴﺮﻩ ﻫﺬﻱ ﺍﻧﺖ ﺧﻔﻲ ﻋﻠﻴﺎ ﺣﺮﺍﻡ ﻋﻠﻴﻚ
ﺣﻠﻴﻤﻪ:ﻭﻻ ﺍﻟﻨﺎﺱ ﻧﺴﺖ ﻏﻴﺮ ﺑﺎﺗﻚ ﻳﺘﻮﻫﻢ
ﺗﻮﺍ ﺧﻠﻴﻨﺎ ﻓﻴﻚ
ﺍﻧﺴﻲ ﺭﺍﻧﻴﺎ
ﻋﺒﺪﻭ:: ﻣﻊ ﺍﻟﺴﻼﻣﻪ ﺍﻧﺖ ﺭﺍﻳﺤﻪ ﻻﺗﻄﺎﻗﻲ ﺑﺠﺪ
ﺣﻠﻴﻤﻪ:: ﻭﻣﺮﺍﺗﻚ . ﻗﺘﻠﻬﺎ ﺑﺘﺨﻄﺐ
ﻋﺒﺪﻭ:: ﺣﺎﻟﻴﺎ ﻣَﺶ ﻣﻔﻜﺮ ﻧﻘﻮﻟﻠﻬﺎ ﺍﻣﺴﻜﻴﻬﺎ ﻟﻴﺎ ﺑﺲ ﺍﻧﺖ ﺭﺍﻧﻴﺎ
ﺣﻠﻴﻤﻪ:: ﺧﻠﻴﻚ ﻋﻠﻲ ﺭﺣﻤﻪ ﻋﻨﺪﻱ ﺍﻫﻮﻥ ﻣﺎﺗﺘﺠﻮﺯ ﻫﺬﻙ
ﺭﺷﺎ :: ﺍﻧﺎ ﻧﺤﺴﻪ ﺣﺮﺍﻡ ﻋﻠﻴﻚ ﻫﻜﻲ. ﺍﻧﺖ ﺍﻧﺎﻧﻲ ﺗﻜﺴﺮ ﺧﺎﻃﺮ ﺭﺣﻤﻪ ﺣﺘﻲ ﺍﻧﺖ
ﺃﺻﺒﺮ ﻣﺮﺍﺕ ﺗﺼﺢ ﻭﺗﻌﻴﺶ ﺣﻴﺎﺗﻚ ﻣﻌﺎﻫﺎ ﻟﻴﺶ ﻣﺴﺘﻌﺠﻞ
ﻋﺒﺪﻭ:: ﻣﺶ ﺣﺎﺱ ﺍﻧﻪ ﺭﺍﺡ ﺗﺘﺤﺴﻦ ﺑﻌﺪﻳﻦ ﻳﺎﻧﺎﺱ ﻣﻦ ﺣﻘﻲ ﻧﺎﺧﺪ ﺍﻟﻠﻲ
ﺣﻠﻤﺖ ﺗﻜﻮﻥ ﻣﺮﺍﺗﻲ ﺭﺣﻤﻪ ﺟﺖ ﺻﺪﻓﻪ ﻭﻣﻨﻴﺶ ﻣﺴﻴﺒﻬﺎ . ﻭﻻ ﻣﻘﺼﺮ ﻣﻌﺎﻫﺎ
ﺃﺭﺟﻮﻛﻢ ﻣﻌﺶ ﺗﺤﺴﺴﻮﻧﻲ ﺑﺎﻟﺬﻧﺐ
ﺣﻠﻴﻤﻪ::ﺗﺠﻮﺯ ﺑﻨﺖ ﺑﻼﺩ ﺣﺘﻲ ﺗﻠﻘﻲ ﻓﻴﻬﺎ ﺍﻟﺨﻴﺮ ﻟﻜﻦ ﻫﺬﻱ ﺍﻧﺎ ﻣﺎﻧﻲ ﺭﺍﺿﻴﻪ
ﻋﻠﻴﻬﺎ ﻭﺑﺎﺗﻚ ﻣﺴﺘﺤﻴﻞ ﻳﺮﺿﻲ
ﻋﺒﺪﻭ:: ﺑﺎﺗﻲ ﺗﻮﺍ ﻧﺤﻜﻲ ﻣﻌﺎﻩ ﺍﺧﺮﻱ ﻭﻧﺤﺎﻭﻝ ﺑﻠﻜﻲ ﻳﻮﺍﻓﻖ
<~>~<~
ﺭﺣﻤﻪ؛: ﻋﺒﺪﻭ ﻣَﺶ ﻃﺒﻴﻌﻲ ﺍﻟﻴﻮﻣﻴﻦ ﻫﺬﻳﻦ ﻧﺤﺲ ﻓﻴﻪ ﻳﻔﻜﺮ ﻭﺍﺟﺪ ﻣﺶ ﻋﺎﺭﻓﻪ
ﻛﻨﻪ ﻗﻄﻊ ﺗﻔﻜﻴﺮﻱ ﺑﻮﺳﻪ ﻋﻠﻲ ﺭﺍﺳﻲ
ﻋﺒﺪﻭ؛:: ﺍﺍﺍﺍﻩ ﻋﻠﻴﻚً ﺭﻳﺤﻪ ﺗﺠﻨﻦ
ﺭﺣﻤﻪ:: ﺍﺑﺘﺴﻤﺖ
ﻋﺒﺪﻭ:: ﻫﻲ ﻧﺪﻳﺮﻭ ﺍﻟﻤﺴﺎﺝ
ﺭﺣﻤﻪ:: ﻫﺰﻳﺖ ﺭﺍﺳﻲ
ﻋﺒﺪﻭ:: ﺟﺒﺖ ﺍﻟﻜﺮﻳﻢ ﺍﻟﻌﻼﺝ
ﻭﻧﺰﻟﺖ ﺭﻓﻌﺘﻠﻬﺎ ﺩﺑﺸﻬﺎ ﻭﺑﺪﻳﺖ ﻧﺪﻫﻦ ﻭﻧﺪﻟﻚ ﻓﻴﻬﺎ
ﻛﻤﻠﻨﺎ ﻳﺎﻗﻠﺒﻲ ﺗﻮﺍ ﻧﺤﻄﻮ ﻛﺮﺍﻋﻚ ﻋﻠﻲ ﻛﺘﻔﻲ ﻭﺣﺎﻭﻟﻲ ﺍﻧﺖ ﺗﻨﺰﻟﻴﻬﺎ . ﺯﻱ
ﻣﻘﺎﻝ ﺍﻟﺪﻛﺘﻮﺭ ﻫﻴﺎ
ﺭﺣﻤﻪ:: ﻫﺰﻳﺖ ﺭﺍﺳﻲ ﻣﻘﺪﺭﺗﺶ ﻭﺩﻣﻌﺖ
ﻋﺒﺪﻭ:: ﺧﻼﺹ ﻋﺎﺩﻱ ﻳﺎﻋﻴﻮﻧﻲ ﻟﻴﺶ ﺑﺲ ﻛﻞ ﻳﻮﻡ ﻧﻔﺲ ﺍﻟﺪﻣﻌﻪ
ﺧﻠﻲ ﻧﻔﺴﻴﺘﻚ ﺣﻠﻮﻩ ﻭﻗﻮﻱ ﺭﻭﺣﻚ.
ﻭﺗﻮﺍ ﺣﺒﻴﺒﻲ ﻭﻗﺖ ﺍﻹﺑﺮ ﺭﻓﻌﺘﻬﺎ ﻋﻠﻲ ﺍﻟﻔﺮﺍﺵ ﻭﺿﺮﺑﺘﻠﻬﺎ ﺍﻹﺑﺮ ﻓﻲ ﺍﻟﻌﻀﻞ
ﺑﺎﻟﺸﻔﺎﺀ ﺍﻥ ﺷﺎﺀﺍﻟﻠﻪ
ﺷﻨﻮ ﺣﺴﻴﺘﻴﻬﺎ
ﺭﺣﻤﻪ:: ﻣﺴﻜﺖ ﻳﺪﻩ ﻭﺣﺒﻴﺘﻬﺎ
ﻳﺘﻌﺐ ﻣﻌﺎﻳﺎﻭﺍﺟﺪ ﺍﺫﺍ ﻛﺎﻥ ﺧﻮﺗﻲ ﺣﺴﻴﺘﻬﻢ ﻭﻛﺄﻧﻬﻢ ﺗﺨﻠﺼﻮ ﻣﻦ ﻫﻤﻲ ﻣﻌﺶ
ﺣﺪ ﺩﻭﺭﻧﻲ .
ﺍﻟﻠﻲ ﻗﺎﻋﺪ ﻳﺪﻳﺮ ﻓﻴﻪ ﻋﺒﺪﻭ ﻣﻌﺎﻳﺎ ﻣﺴﺘﺤﻴﻞ ﻳﺪﻳﺮﻩ ﺣﺪ
ﻳﺮﻭﺡ ﻣﻦ ﺍﻟﻌﻤﻞ ﻭﻣﺮﺍﺕ ﻳﺤﺎﻭﻝ ﻳﻄﻴﺐ ﻫﻮﺍ
ﻭﻳﺴﺎﻋﺪ ﻓﻴﺎ ﻓﻲ ﺍﻟﺘﻐﻴﻴﺮ ﻣﻌﺶ ﻳﺒﻲ ﺭﻳﻤﺎ ﺗﺮﻛﺐ ﺗﺪﻭﺷﻨﻲ ﻗﻌﺪ ﻫﻮﺍ ﺍﻟﻠﻲ
ﻳﺨﺸﺸﻨﻲ ﺣﺘﻲ ﺷﻌﺮﻱ ﻳﺴﺎﻋﺪ ﻓﻴﺎ ﻋﻠﻲ ﻣﺸﻄﻪ ﻣﺮﺍﺕ
ﻳﺸﺮﻳﻠﻲ ﻓﻲ ﺍﺣﺘﻴﺎﺟﺎﺗﻲ ﻭﻳﻄﻠﻊ ﻓﻴﺎ ﻣﻌﺎﻩ . ﻳﺪﻟﻊ ﻓﻴﺎ
ﻭﻳﺤﺎﻭﻝ ﻳﺮﻓﻊ ﻣﻌﻨﻮﻳﺎﺗﻲ
ﺣﻘﻮﻕ ﺍﻟﺰﻭﺟﻴﻪ ﻣﺶ ﻣﻘﺼﺮ ﻓﻴﻬﻦ ﺑﺲ ﻗﺪﻳﺶ ﻣﻨﻪ ﺣﺮﺍﻡ . ﻧﺤﺲ ﻓﻴﻪ ﻣﻈﻠﻮﻡ
ﻣﻌﺎﻳﺎ ﺍﻧﺎ ﻣﺶ ﻭﺍﺿﺢ ﺍﻧﻲ ﺑﻨﺼﺢ . ﻟﺴﺎﻧﻲ ﻣﺮﺑﻮﻁ ﻣﺶ ﻗﺎﺩﺭﻩ . ﻧﺤﻜﻲ
ﻭﻋﻴﻮﻧﻲ ﻇﻼﻡ ﻣﻔﺶ ﺍﻱ ﺃﻣﻞ ﻭﺍﺿﺢ ﻣﻦ ﺍﻟﻌﻼﺝ . ﻭﺍﻟﻤﺸﻲ ﻣﺶ ﻗﺎﺩﺭﻩ
ﻭﺗﻌﺒﺖ ﻣﻦ ﺍﻟﻤﺤﺎﻭﻟﻪ
ﺑﻄﻨﻲ ﺑﺎﺩﻳﻪ ﺗﻜﺒﺮ . ﻗﻌﺪ ﺻﻌﺐ ﻣﻠﻴﺖ ﻣﻦ ﺍﻟﻤﺤﺎﻭﻟﻪ
ﻣﺮﺭﺭﺭﺭﺭﻥ ﺍﻟﺸﻬﻮﺭ
ﺭﺍﻧﻴﺎ :: ﺍﺳﻔﻪ ﺣﺒﻴﺒﻲ ﺑﺲ ﻭﺍﺿﺢ ﺍﻧﻪ ﺑﺎﺑﺎ ﻭﻣﺎﻣﺎ ﺧﻼﺹ ﺭﺍﺡ ﻳﻮﺍﻓﻘﻮ ﻋﻠﻲ
ﺍﻟﻌﺮﻳﺲ ﻫﺬﺍ ﺍﻻﻭﻟﻴﻦ ﻗﺪﺭﺕ ﻋﻠﻴﻬﻢ ﺭﻓﻀﻮﻫﻢ ﺑﺲ ﻫﺬﺍ ﺻﻌﺐ ﺑﻜﻜﻜﻜﻞ ﺍﻟﺴﺒﺖ
ﺍﻟﺘﻠﺒﻴﺴﻪ
ﻋﺒﺪﻭ::ﻻﻻ ﻭﺭﺍﺱ ﺭﺍﻧﻴﺎ ﺩﻳﺮﻱ ﺣﻞ ﺣﺎﻭﻟﻲ ﺣﺒﻴﺒﺘﻲ .
ﺭﺍﻧﻴﺎ :: ﻣﺼﻜﺮﻳﻦ ﻋﻠﻲ ﺍﻟﻤﻮﺿﻮﻉ
ﺑﺎﺑﺎ ﻗﺎﻟﻲ . ﻣﻌﺶ ﻧﺎﺧﺪ ﺑﺎﻟﻮﻋﻮﺩ ﻧﺒﻲ ﻛﻼﻡ ﺭﺟﺎﻟﻪ ﻳﺠﻲ ﺑﺎﺗﻪ
ﻭﻳﻤﺴﻜﻚ ﺑﺲ ﻫﻴﻚ ﺧﻼﺹ ﻻﺯﻡ ﺃﻧﺴﺎﻙ
ﻋﺒﺪﻭ :: ﺭﺍﻧﻴﺎ ﺍﻧﺖ ﻋﺎﺭﻓﻪ ﺍﻟﻈﺮﻑ ﻣﻨﻘﺪﺭﺵ ﺣﺎﻟﻴﺎ ﻧﺤﻜﻲ ﻟﺮﺣﻤﻪ ﻭﺑﺎﺗﻲ
ﻣﺰﺍﻝ ﻣﺼﻜﺮ ﺭﺍﺳﻪ ﻟﺪﺭﺟﺔ ﻗﺎﻟﻲ ﻣﻌﺶ ﺗﻔﺘﺢ ﺍﻟﻤﻮﺿﻮﻉ
ﺭﺍﻧﻴﺎ :: ﺍﺳﻔﻪ ﺣﺒﻴﺒﻲ . ﺑﺲ ﺣﺘﻲ ﺍﻧﺎ ﻣﻨﻘﺪﺭﺵ ﻧﻜﺴﺮ ﻛﻼﻡ ﺑﺎﺑﺎ
ﻭﻫﻮﺍ ﻗﺎﻟﻲ ﻣﻌﺶ ﻧﺤﻜﻲ ﻣﻌﺎﻙ ﻭﺍﺿﺢ ﻧﺤﻦ ﻣﺶ ﻟﺒﻌﺾ
ﻣﻊ ﺍﻧﻲ ﺣﻠﻤﺖ ﺑﻴﻚ ﻭﺗﺨﻴﻠﺖ ﺣﺎﻟﻲ ﻣﻌﺎﻙ ﺑﻨﻔﺲ ﺍﻟﺒﻴﺖ
ﻧﺪﻟﻊ ﻓﻴﻚ ﻭﻧﺎﻳﻤﻪ ﻉ ﺻﺪﺭﻙ ﺣﻠﻤﺖ ﺍﻧﻚ ﺯﻭﺟﻲ ﻭﺃﺑﻮ ﻭﻻﺩﻱ ﺑﺲ ﺍﻟﻨﺼﻴﺐ
ﺃﻗﻮﻱ
ﻣﻊ ﺍﻟﺴﻼﻣﻪ ﻳﺎﺭﻭﺣﻲ ﻭﺣﺒﻲ ﺍﻟﻮﺣﻴﺪ
ﻋﺒﺪﻭ:: ﺭﺍﻧﻴﺎ ﺍﺳﺘﻨﻲ ﺍﺧﺮ ﻣﺤﺎﻭﻟﻪ ﻟﻮﺳﻤﺤﺖ
ﺭﺍﻧﻴﺎ :: ﺍﺧﺮ ﻓﺮﺻﻪ ﺣﺒﻴﺒﻲ ﺑﻜﺮﺍ ﻻﻥ ﺑﺎﺑﺎ ﺑﻴﻜﻠﻢ ﺍﻟﻨﺎﺱ ﺍﻧﻪ ﻣﻮﺍﻓﻖ
ﻋﺒﺪﻭ:: ﺧﻼﺹ ﻧﺤﺎﻭﻝ ﻭﻟﻮ ﻗﻠﺒﺘﻬﺎ ﻋﻠﻴﻬﻢ . ﻣﺤﺪﺵ ﻳﺎﺧﺪﻙ ﻣﻨﻲ
ﺭﺍﻧﻴﺎ :: ﻋﺒﺪﻭ ﻻﺯﻡ ﺻﻜﺮ ﺑﺎﺑﺎ ﺑﻴﻨﺎﺩﻱ ﻭﻟﻮ ﺷﺎﻓﻨﻲ . ﻧﺤﻜﻲ ﻣﻌﺎﻙ . ﺭﺍﺡ ﻳﻌﺼﺐ .
ﺑﺎﻱ
ﻋﺒﺪﻭ::ﺍﻟﻮ ﺍﻟﻮ
ﺭﻛﺒﺖ ﻓﻴﺎ ﺍﻟﻨﺎﺭ ﻛﻴﻒ ﺗﻀﻴﻊ ﻣﻨﻲ ﻭﺍﻧﺎ ﺍﻟﻠﻲ ﺣﻔﻴﺖ ﺭﺁﻫﺎ
ﺗﻲ ﺣﺮﺍﻡ ﺍﻟﻠﻲ ﻗﺎﻋﺪ ﻳﺼﻴﺮ ﺷﻦ ﺍﻧﺪﻳﺮ ﺷﻦ ﺍﻧﺪﻳﺮ ﻓﻲ ﺑﺎﺗﻲ ﺍﻟﻠﻲ ﻣﺼﻜﺮ
ﺭﺍﺳﻪ ﻭﺍﻣﻲ ﺍﻟﻠﻲ ﺑﺎﻋﺘﻨﻲ ﻭﻻ ﻣﻤﻜﻦ ﺗﺨﻄﺒﻬﺎ
ﻗﻌﺪﺕ ﻓﻲ ﺻﺮﺍﻉ .
ﻣﺸﻴﺖ ﻟﻤﺮﺍﺩ ﻓﻲ ﺻﺎﻟﻮﻧﻪ
ﻋﺒﺪﻭ::ﺑﺲ ﻣﻦ ﺣﻘﻲ ﻛﻨﻚ ﺍﻧﺖ ﺣﺮﺍﻡ ﻋﻠﻴﻚ
ﻣﺮﺍﺩ ::ﺑﺲ ﻳﺎﻋﺒﺪﻭ ﻣﺶ ﻭﻗﺘﻪ ﺗﻮﺍ ﺍﻧﺖ ﺍﻛﺜﺮ ﻭﺍﺣﺪ ﻋﺎﺭﻑ ﻇﺮﻭﻑ ﺭﺣﻤﻪ
ﻭﺣﺎﻟﺘﻬﺎ ﺍﻟﻨﻔﺴﻴﻪ ﻣﻬﻤﻪ ﻓﻲ ﺍﻟﻌﻼﺝ ﻛﻴﻒ ﺑﻌﺪ ﺍﻟﺒﻨﺖ ﺑﺪﺕ ﺗﻀﺤﻚ ﻭﺗﻌﻴﺶ
ﺣﻴﺎﺗﻬﺎ ﺗﺠﻲ ﺗﺼﺪﻣﻬﺎ ﺍﻧﻚ ﺗﺒﻲ ﺗﺘﺠﻮﺯ
ﻋﺒﺬﻭ:: ﻣﺶ ﺭﺍﺡ ﺗﻌﺮﻑ ﻧﺨﻄﺒﻬﺎ ﺗﻮﺍ ﺑﺲ ﻧﻤﺴﻜﻬﺎ ﻗﺒﻞ ﺗﻄﻴﺮ ﻣﻨﻲ . ﻣﺮﺍﺩ ﺍﻧﺖ
ﺟﺮﺑﺖ ﺍﻟﺤﺐ ﻭﻳﻤﺎ ﺻﺎﺭ ﻓﻴﻚ ﻋﺸﺎﻥ ﺭﺣﺎﺏ ﻭﺍﻓﻘﺖ ﺍﻧﺎ ﺍﻟﻠﻲ ﻛﻨﺖ ﻣﻌﺎﻙ
ﻭﻋﺎﺭﻑ ﻛﻴﻒ ﺣﻔﻴﺖ ﻭﺭﺍﻫﺎ
ﻭﺑﺮﻭﺣﻚ ﻗﺘﻠﻲ ﻳﻮﻡ ﺍﻟﻔﺎﺗﺤﻪ ﺍﻧﻚ ﺍﺳﻌﺪ ﺷﺨﺺ ﻓﻲ ﺍﻟﺪﻧﻴﺎ
ﺗﺠﻮﺯﺕ ﺍﻟﻠﻲ ﺣﻠﻤﺖ ﺑﻴﻬﺎ ﻭﺃﻧﻚ ﻣﻌﺶ ﺗﺒﻲ ﺷﻲ ﺗﻮﺍ
ﻭﻳﻮﻡ ﺍﻟﺰﻓﻪ . ﻗﻌﺪﺕ ﺗﻌﺪ ﻓﻲ ﺍﻟﺴﺎﻋﺎﺕ ﻭﺗﻘﻮﻟﻲ ﺍﻟﻠﻴﻞ ﻃﻮﻝ ﻛﻨﻪ ﺍﻟﻴﻮﻡ ﻧﺒﻲ
ﻧﺎﺧﺪ ﻣﺮﺍﺗﻲ ﻭﻧﻄﻴﺮ ﺑﻴﻬﺎ ﻧﺸﺒﻊ ﻣﻨﻬﺎ
ﻣﺶ ﻫﺬﺍ ﻛﻼﻣﻚ . ﺻﺢ ﻭﻻﻻ
ﻳﻌﻨﻲ ﺍﻧﺎ ﻧﻔﺴﻚ ﺑﺎﻟﺰﺑﻂ ﻛﻼﻣﻚ ﻳﺤﻜﻲ ﺍﻟﻠﻲ ﻓﻲ ﺻﺪﺭﻱ ﺗﻲ ﺍﻧﺎ ﻣﺶ ﻗﺎﺩﺭ
ﺧﻼﺹ ﻧﺼﺒﺮ . ﻧﺒﻴﻬﺎ ﻳﺎﻣﺮﺍﺩ ﺣﺴﻮ ﺑﻴﺎ ﻳﺎﻋﺎﻟﻢ
ﻣﺮﺍﺩ :: ﺑﺎﻫﻲ ﻭﺭﺣﻤﻪ . ﻣﺼﻴﺮﻫﺎ
ﻋﺒﺪﻭ::ﺭﺣﻤﻪ ﻣﺮﺍﺗﻲ ﻭﺍﻡ ﻭﻟﻴﺪﻱ . ﻧﺒﻲ ﻧﻌﺎﻟﺠﻬﺎ ﻭﻣﺴﺘﺤﻴﻞ ﻧﺴﻴﺒﻬﺎ ﻣﺶ ﺭﺍﺡ
ﻧﻘﺼﺮ ﻣﻌﺎﻫﺎ ﻧﺤﺎﻭﻝ ﻧﻤﻬﺪﻟﻬﺎ ﻓﻜﺮﺓ ﺯﻭﺍﺟﻲ . ﺑﺸﻮﻳﻪ ﺑﺸﻮﻳﻪ ﺑﺲ ﺣﺎﻟﻴﺎ
ﻧﺨﻄﺐ ﺑﺲ ﺍﻟﺒﻨﺖ ﻣﺘﺮﻳﺤﺶ ﻣﻨﻲ . ﻭﺑﻌﺪﻫﺎ ﺳﺎﻫﻞ.
ﺣﻄﻮ ﻓﻲ ﺑﺎﻟﻜﻢ ﻣﺴﺘﺤﻴﻞ ﻧﻔﺮﻁ ﻓﻲ ﺭﺣﻤﻪ ﻭﻟﻮ ﺭﺍﻧﻴﺎ ﻗﺎﻟﺖ ﻣﺘﻘﺪﺭﺵ ﻋﻠﻲ
ﺍﻟﻤﻌﻴﺸﻪ ﻣﻌﺎﻳﺎ ﻭﺭﺣﻤﻪ ﻋﻠﻲ ﺫﻣﺘﻲ ﻛﻨﺖ ﺣﺎﻭﻟﺖ ﻧﻄﻠﻌﻬﺎ ﻣﻦ ﺭﺍﺳﻲ ﺑﺲ
ﺍﻟﺒﻨﺖ ﺗﺤﺒّﻨﻲ ﻭﺭﺍﺿﻴﻪ ﻭﺗﺴﺎﻋﺪﻧﻲ ﻓﻲ ﺗﺮﺑﻴﺔ ﺍﻟﻌﻴﻞ
ﻣﺮﺍﺩ :: ﻭﺑﺎﺗﻲ . ﻣﺴﺘﺤﻴﻞ ﻳﻮﺍﻓﻖ
ﻋﺒﺪﻭ:: ﻫﺬﻱ ﺍﻟﻤﺸﻜﻠﻪ ﻛﻴﻒ ﻣﺪﺍﺭ ﻓﻲ ﻣﺤﻤﺪ ﻧﺎﻭﻱ ﻳﺪﻳﺮ ﻓﻴﺎ
ﺭﺣﻤﻪ:: ﺳﻤﻌﺖ ﻛﻞ ﺍﻟﻜﻼﻡ ﻃﻠﻌﺖ ﻣﻦ ﺍﻟﺸﻘﻪ ﺑﻨﺪﻕ ﻋﻠﻲ ﺭﺣﺎﺏ . ﻭﻫﻤﺎ
ﺻﻮﺗﻬﻢ ﻋﺎﻟﻲ ﻳﺤﻜﻮ ﺳﻤﻌﺖ ﻣﻦ ﺍﻭﻝ ﻣﺎﺑﺪﺍ ﻳﺤﻜﻲ ﻟﻌﻨﺪ ﻣﺎﻫﻮ ﺧﺎﻳﻒ ﻣﻦ ﺑﺎﺗﻪ
ﻭﻧﻔﺲ ﺍﻟﻤﺼﻴﺮ ﺍﺣﺘﻤﺎﻝ ﻳﺠﻴﻨﻲ ﻟﻮ ﺑﺎﺗﻪ ﺭﻓﺾ ﻳﻌﻨﻲ ﺍﻧﺎ ﺍﻟﻀﺤﻴﻪ ﻭﻓﺸﺖ ﻏﻠﻬﻢ
ﺗﺠﻲ ﻓﻴﺎ
ﺳﻤﻌﺖ ﺻﻮﺕ ﺭﺣﺎﺏ ﻭﺩﻧﻴﺎ ﻳﺤﻜﻦ . ﺧﺸﻴﺖ ﻧﺠﺮﻱ ﺑﺎﻟﻜﺮﺳﻲ ﻟﻠﺸﻘﻪ
ﺭﺣﺎﺏ:: ﺧﺸﻴﺖ ﺑِﺴْﻢ ﺍﻟﻠﻪ ﻛﻨﻪ ﺻﻮﺗﻜﻢ ﻋﺎﻟﻲ. ﻭﺍﺻﻞ ﻟﻠﺪﺭﻭﺝ
ﻋﺒﺪﻭ::ﺍﺳﻒ ﻣﻌﻠﺶ
ﺭﺣﺎﺏ:: ﺭﺣﻤﻪ ﻛﺎﻧﺖ ﻣﻌﺎﻛﻢ ﺗﻮﺍ ﻭﻃﻠﻌﺖ
ﻋﺒﺪﻭ::ﺭﺣﻤﻪ ﻓﻲ ﺍﻟﺸﻘﻪ ﻗﺘﻠﻬﺎ ﻗﺎﻋﺪ ﻟﻮﻃﺎ ﺍﻧﺎ
ﺭﺣﺎﺏ:: ﺗﻲ ﺗﻮﺍ ﺑﺎﺏ ﺷﻘﺘﻚ ﻃﺒﻖ . ﻭﻛﺎﻧﻪ ﺣﺪ ﺧﺶ
ﻣﺮﺍﺩ :: ﻳﻠﻌﻦ ﺟﺪ ﻭﺟﻚ ﺑﺎﻫﻲ ﺗﺮﻳﺤﺖ ﺗﻮﺍ .
ﻋﺒﺪﻭ:: ﻗﺼﺪﻙ ﺗﻘﻌﺪ ﻛﺎﻧﺖ ﺗﺴﻤﻊ ﻓﻴﺎ .
ﺭﺣﺎﺏ:: ﺗﻲ ﺍﻧﺎ ﻣﻦ ﺍﻟﺪﺭﻭﺝ ﻧﺴﻤﻊ ﻓﻲ ﺣﺴﻜﻢ. ﻋﺎﻟﻲ
ﻋﺒﺪﻭ:: ﻗﺘﻠﻬﻢ ﻳﺴﺘﺮ ﺍﻟﻠﻪ ﻧﻌﺪﻱ ﻧﺸﻮﻓﻬﺎ
ﺭﻭﺣﺖ ﺧﺸﻴﺖ ﻟﻘﻴﺘﻬﺎ ﻋﻴﻮﻧﻬﺎ ﺍﺛﺎﺭ ﺑﻜﺎﺀ
ﻋﺒﺪﻭ:: ﺣﺒﻴﺒﻲ ﻛﻨﻬﺎ ﻋﻴﻨﻚ ﺗﻮﺟﻊ ﻓﻴﻚ ﻭﻣﺪﻳﺘﻠﻬﺎ ﺍﻟﻜﺘﺎﺏ
ﺭﺣﻤﻪ:: ﺗﻨﻬﺪﺕ.
ﻭﻛﺘﺒﺘﻠﻪ ﺍﻟﻘﻄﺮﻩ ﺷﻜﻠﻬﺎ ﺗﺤﺮﻕ ﻓﻴﺎ
ﻣﻌﻠﺶ ﺣﻄﻨﻲ ﻋﻠﻲ ﺍﻟﻔﺮﺍﺵ ﺗﻮﺍ ﻧﺮﻗﺪ ﻧﺘﺮﻳﺢ .
ﻋﺒﺪﻭ:: ﻣﺘﺄﻛﺪﻩ. ﺣﺒﻴﺒﻲ ﺭﺍﻩ ﺗﻘﻌﺪﻱ ﺯﻋﻼﻧﻪ ﻣﻨﻲ ﺩﺭﺕ ﺣﺎﺟﻪ ﻭﻣﺶ ﻓﺎﻃﻦ
ﺭﺣﻤﻪ:: ﻻﻻ ﻟﻮ ﻧﺰﻋﻞ ﻣﻦ ﺍﻟﺪﻧﻴﺎ ﺍﻧﺖ ﻣﺴﺘﺤﻴﻞ. ﻧﺰﻋﻞ ﻣﻨﻚ
ﺑﻨﺮﻗﺪ ﺑﺲ
ﺭﻓﻌﻨﻲ ﻭﺣﻄﻨﻲ ﻓﻲ ﺍﻟﻔﺮﺍﺵ
ﻋﺒﺪﻭ:: ﻏﻄﻴﺘﻬﺎ ﻭﺣﺎﺱ ﺍﻧﻬﺎ ﺳﻤﻌﺖ ﺑﺲ ﻣﻨﻴﺶ ﻗﺎﺩﺭ ﻧﺒﺮﺭ ﻭﻧﺤﻜﻲ ﻭﺍﺻﻼ
ﻛﻴﻒ ﻧﺼﺮﻑ
ﺧﻄﺖ ﺍﻟﻐﻠﻄﺎﺀ ﻋﻠﻲ ﻭﺟﻬﺎ
ﻗﻌﺪﺕ ﺟﻨﺒﻬﺎ ﺷﻮﻳﻪ ﺑﻌﺪﻫﺎ ﺭِﻥ ﻋﻠﻴﺎ ﻣﺮﺍﺩ
ﻋﺪﻳﺘﻠﻪ
ﻋﺒﺪﻭ:: ﻛﺄﻧﻬﺎ ﺳﻤﻌﺖ
ﻣﺮﺍﺩ؛: ﺑﺠﺪ ﺍﻟﺒﻨﺖ ﻫﺬﻱ ﻭﺍﺟﻌﺘﻨﻲ ﻟﺪﺭﺟﺔ ﺍﻧﻲ ﺑﺪﻳﺖ ﻧﻜﺮﻫﻚ ﺯﻱ ﻣﺤﻤﺪ
ﻋﺒﺪﻭ:: ﺗﻲ ﻭﺍﻟﻨﺒﻲ ﻣﺎﺗﺰﻳﺪﻫﺎ ﻋﻠﻴﺎ. ﻭﻗﻌﻤﺰﺕ . ﻗﻌﺪﺕ ﺣﺎﻁ ﻳﺪﻳﺎ ﻋﻠﻲ ﺭﺍﺳﻲ
ﺭﺣﺎﺏ:: ﺷﻴﺮﺕ ﻟﻤﺮﺍﺩ . ﻭﻃﻠﻌﻨﺎ
ﺭﺣﺎﺏ:: ﺑﺼﻮﺕ ﻭﺍﻃﻲ . ﺧﻼﺹ ﺍﻧﺖ ﻛﺜﺮﺕ ﻣﻌﺶ ﺗﺰﻳﺪ ﻋﻠﻴﻪ ﻣﺴﻜﻴﻦ ﺷﻮﻑ
ﺷﻜﻠﻪ ﺗﺤﺴﻪ ﺯﻱ ﺍﻟﻤﺮﻫﻖ ﻣﻴﺮﻗﺪﺵ
ﻭﺿﺎﻳﻊ ﺧُﻒ ﻋﻠﻴﻪ ﻭﺍﻧﺼﺤﻪ ﻳﺼﻠﻲ ﺍﺳﺘﺨﺎﺭﺓ ﻭﺍﺩﻋﻴﻠﻪ ﺭﺑﻲ ﻳﺮﺷﺪﻩ ﻟﻠﺼﺢ
ﻣﺮﺍﺩ :: ﻣﺶ ﻣﺘﺮﻳﺢ ﺧﺎﻳﻒ ﻋﻠﻲ ﺭﺣﻤﻪ ﻣﺘﺴﺘﺎﻫﻠﺶ. ﺍﻧﺎ ﺍﻟﻠﻲ ﻋﺎﺭﻑ ﻛﻴﻒ
ﻋﺎﺷﻦ. ﻭﺑﻌﺪ ﺣﺴﻴﺘﻬﺎ ﺑﺪﺕ ﺗﻨﻄﻠﻖ ﻭﻣﻌﺶ ﺗﺨﺎﻑ ﻭﺟﻮﻫﺎ ﺣﻠﻮ ﻳﺠﻲ ﺣﺘﻲ
ﻫﻮﺍ ﻳﻜﺴﺮﻫﺎ .
ﺑﺲ ﻳﻼ ﻧﺤﺎﻭﻝ ﻧﺪﻳﺮ ﺯﻱ ﻣﺎﻗﻠﺘﻲ
ﻃﻠﻌﺘﻠﻪ ﻭﻧﺼﺤﺘﻪ ﻭﻫﻮﺍ ﻳﻬﺰ ﻓﻲ ﺭﺍﺳﻪ
ﺑﺪﻭﻥ ﻣﺎﻳﺤﻜﻲ ﻣﻌﺮﻓﺘﺶ ﺷﻦ ﻧﺎﻭﻱ .
ﻋﺒﺪﻭ::ﺭﻭﺣﺖ . ﺣُﺸِﻴﺖ ﻟﻠﺪﺍﺭ ﻣﺰﺍﻟﺖ . ﻣﻐﻄﻴﺎ ﻭﺟﻬﺎ ﻗﺮﺑﺖ ﺭﻓﻌﺖ ﺍﻟﻐﻄﺎﺀ
ﺭﺳﻤﻲ ﻣﻨﻈﺮﻫﺎ ﻛﺎﻧﺖ ﺗﺒﻜﻲ ﺩﺍﻳﺮﻩ ﺭﻭﺣﻬﺎ ﺭﺍﻗﺪﻩ ﻃﻠﻌﺖ ﻟﻠﺼﺎﻟﻪ ﺗﻮﺿﻴﺖ
ﻭﺻﻠﻴﺖ ﺍﺳﺘﺨﺎﺭﺓ
ﻭﺭﺩﻳﺖ ﻟﻠﺪﺍﺭ ﺟﻨﺒﻬﺎ .
ﺭﺣﻤﻪ:: ﺍﻟﻠﻴﻞ ﻛﻠﻪ ﺗﻔﻜﻴﺮﻱ . ﻓﻴﻪ ﻣﻦ ﺣﻘﻪ ﻭﻫﻮﺍ ﻣﻘﺼﺮﺵ ﻣﻌﺎﻳﺎ
ﻭﺣﻘﻪ ﻳﺤﺐ ﺷﺎﺏ ﺻﻐﻴﺮ ﻳﺤﺐ ﻭﻳﺒﻲ ﻳﻌﻴﺶ ﺣﻴﺎﺗﻪ ﺑﺮﻓﺎﻫﻴﺔ ﻭﻳﻨﻂ ﻭﻳﺪﻟﻊ
ﻭﻳﺘﺪﻟﻊ ﻭﻳﺨﺶ ﻭﻳﻄﻠﻊ ﻭﻳﻌﻴﺶ ﻓﻲ ﺟﻮ ﻣﺴﺘﻘﺮ
ﻣﺶ ﻣﻦ ﺍﻻﻭﻝ ﻳﻌﺎﻧﻲ ﻓﻴﺎ ﻳﺮﻓﻊ ﻭﻳﻐﻴﺮ ﻭﻳﻨﺰﻝ ﻭﻋﻼﺝ ﻭﺃﺑﺮ ﻛﺮﻳﻤﺎﺕ ﻭﻓﻮﻕ
ﻛﻞ ﻫﺬﺍ ﺟﺎﻳﺒﺘﻠﻪ ﻋﻴﻞ ﻣﻌﺎﻕ
ﻟﻴﺶ ﻧﻘﻌﺪ ﺃﻧﺎﻧﻴﻪ ﻭﻧﺨﻠﻴﻪ ﻣﺤﺘﺎﺭ ﻭﻳﻔﻜﺮ
ﺑﻌﺪﻳﻦ ﺭﺍﻧﻴﺎ . ﻫﺬﻱ ﺍﻟﻮﺍﺿﺢ ﺍﻧﻪ ﻳﺤﺒﻬﺎ ﻣﻦ ﺯﻣﺎﻥ .
ﻟﻴﺶ ﺑﺎﺗﻪ ﺭﺍﻓﺾ ﻭﻳﻮﺭﻃﻪ ﻓﻴﺎ ﺯﻱ ﻣﺤﻤﺪ
ﻭﺑﻌﺪﻳﻦ ﻧﻘﻌﺪ ﺍﻧﺎ ﺍﻟﻀﺤﻴﻪ ﻳﺤﻂ ﻏﻀﺒﻪ ﻣﻦ ﺑﺎﺗﻪ ﻛﻠﻪ ﻓﻴﺎ
ﺯﻱ ﻣﺪﺍﺭ ﻣﺤﻤﺪ . ﻻ ﺍﻧﺎ ﻣﺴﺘﺤﻴﻞ ﻧﺘﺨﻴﻞ ﺭﻭﺣﻲ ﺑﻌﻴﺪﻩ ﻋﻠﻴﻪ
ﺍﻧﺎ ﻻﺯﻡ ﻧﺨﻠﻴﻪ ﻳﻌﻴﺶ ﺣﻴﺎﺗﻪ ﻣﻊ ﺍﻟﺒﻨﺖ ﺍﻟﻠﻲ ﻳﺒﻴﻬﺎ ﺷﻦ ﺫﻧﺒﻬﻢ
ﻋﺸﺎﻥ ﻭﺣﺪﻩ ﻭﺭﻃﻪ ﺯﻳﻲ
ﻧﻀﺖ ﺍﻟﺼﺒﺢ ﻋﻠﻲ ﺑﻮﺳﻪ ﻋﻠﻲ ﺧﺪﻱ
ﻋﺒﺪﻭ::ﺻﺒﺎﺣﻮ ﻳﺎﻋﻤﺮﻱ ﻫﻴﺎ ﺑﻨﻌﺪﻱ ﻧﺪﻳﺮﻟﻚ ﺍﻟﺠﻬﺎﺯ . ﻓﻲ ﻛﺮﻋﻴﻚ ﻋَﻠِﻴﻤﺎ
ﻟﺒﺴﺖ ﻭﺗﻴﺖ ﺍﻟﻔﻄﻮﺭ
ﺭﺣﻤﻪ:: ﻣﺮﺩﻳﺘﺶ ﺑﺎﻱ ﺗﻌﺒﻴﺮ
ﺩﺍﺭ ﺯﻱ ﻛﻞ ﻳﻮﻡ
ﻭﻋﺪﺍ
ﺍﻟﻌﺸﻴﻪ .
ﻋﺒﺪﻭ:: ﻛﻨﺖ ﻣﺘﻜﻲ ﻟﻘﻴﺖ ﺭﺣﻤﻪ ﻛﺎﺭﻩ ﺭﻭﺣﻬﺎ ﻭﺧﺎﺷﻪ ﻓﻴﺎ ﻭﻣﺎﺳﻜﻪ ﻓﻴﺎ
ﻋﺒﺪﻭ::ﺭﺍﻳﻔﺘﻲ ﻫﻬﻬﻬﻪ
ﺭﺣﻤﻪ: ﺭﻓﻌﺖ ﺭﺍﺳﻲ ﻭﻫﺰﻳﺘﻪ ﻭﺑﺴﺘﻪ ﻋﻠﻲ ﺻﺪﺭﻩ
ﻭﻗَﻌَﺪﺕ ﻧﺸﻢ ﻓﻲ ﺑﻨﺘﻪ
ﻋﺒﺪﻭ:: ﻗﻌﺪﺕ ﻧﻠﻌﺐ ﺑﺸﻌﺮﻫﺎ ﻭﻧﺤﻜﻲ
ﺭﺧﻤﻪ ﻛﻨﻚ ﺍﻟﻴﻮﻡ ﻣﺶ ﻋﺎﺟﺒﺘﻴﻨﻲ
ﺑﺮﻣﺖ ﺟﺒﺖ ﺍﻟﻜﺮﺍﺱ ﻭﻛﺘﺒﺘﻠﻪ
ﺣﺒﻴﺒﻲ ﻧﻄﻠﺐ ﻣﻨﻚ ﻃﻠﺐ
ﻋﺒﺪﻭ:: ﻋﻴﻮﻧﻲ ﺷﻦ ﺗﺒﻲ
ﺭﺣﻤﻪ :: ﻧﺒﻴﻚ ﺗﺠﻮﺯ . ﺭﺍﻧﻴﺎ
ﻋﺒﺪﻭ:: ﻣﺴﻜﺖ ﺍﻟﻜﺮﺍﺱ ﻭﻗَﻌَﺪﺕ ﺳﺎﻛﺖ
ﺭﺣﻤﻪ:: ﻣﺴﻜﺖ ﻳﺪﻩ ﻭﺭﻓﻌﺖ ﻳﺪﻱ ﻋﻠﻲ ﻭﺟﻪ
ﻋﺒﺪﻭ::ﺭﺣﻤﻪ ﺍﻧﺎ ﻣﺶ ﻋﺎﺭﻑ ﺷﻦ ﺍﻧﻘﻮﻟﻚ
ﺑﺲ ﺣﺒﻴﺒﺘﻲ ﺍﻧﺎ
ﺭﺣﻤﻪ: ﺍﺑﺘﺴﻤﺘﻠﻪ ﻭﻛﺮﻳﺖ ﺍﻟﻜﺮﺍﺱ ﻭﻛﺘﺒﺘﻠﻪ ﻟﻮ ﺗﺤﺒّﻨﻲ . ﻭﺍﻓﻖ
ﺍﻧﺎ ﻋﺎﺭﻑ ﻛﻮﻭﻭﻭﻭﻳﺲ ﺍﻧﺖ ﻛﻴﻒ ﺗﺤﺐ ﺭﺍﻧﻴﺎ
ﻭﻣﻦ ﺣﻘﻚ ﺗﺠﻮﺯ ﻭﺍﻧﺖ ﻣﻘﺼﺮﺗﺶ ﻣﻌﺎﻳﺎ ﻭﻋﺎﺭﻓﻪ ﻣﺶ ﺭﺍﺡ ﺗﻘﺼﺮ ﺑﺲ
ﺣﺒﻴﺒﻲ . ﺍﻧﺎ ﻧﺒﻴﻚ ﺗﺠﻮﺯ ﺗﻮﺍ ﻗﺒﻞ ﻧﺠﻴﺐ ﻧﺒﻴﻚ
ﺍﻧﺖ ﺍﻟﻠﻲ ﺗﻬﺘﻢ ﺑﺎﻟﻌﻴﻞ ﻭﻣﺮﺍﺗﻚ ﻋﺸﺎﻥ ﺗﺤﺒﻚ ﺍﻛﻴﺪ ﺭﺍﺡ ﺗﻌﺒﺮﻩ ﻭﻟﺪﻫﺎ
ﻋﺒﺪﻭ::
ﺭﺣﻤﻪ:: ﻛﺘﺒﺘﻠﻪ ﻻﻻ ﺣﺒﻴﺒﻲ
ﺍﻧﺎ ًﺳﻤﻌﺖ ﺍﻟﻠﻲ ﺍﻧﺖ ﺧﺎﻳﻒ ﺗﻘﻮﻟﻪ ﻟﻴﺎ ﻭﺍﻧﺎ ﺻﺢ ﺻﻌﺐ ﻋﻠﻴﺎ
ﺑﺲ ﺣﻘﻚ . ﻭﻋﻤﻮ ﻣﺘﺨﻔﺶ ﺍﻧﺎ ﺭﺍﺡ ﻧﺨﻠﻴﻪ ﻳﺪﺯ ﺃﻣﻚ ﺗﺨﻄﺒﻬﺎ . ﻧﺒﻴﻚ ﺗﻄﻠﻊ
ﻓﺮﺣﻚ ﻗﺒﻞ ﻧﺠﻴﺐ ﻋﺸﺎﻥ ﺗﻤﺴﻚ ﺭﺍﻧﻴﺎ ﻋﻠﻴﻮﺍ ﻋﻠﻲ ﻃﻮﻝ ﻭﻣﻴﺘﻌﺒﺶ . ﻭﻳﺘﺒﻬﺪﻝ
ﻋﺒﺪﻭ:: ﻣﺴﻜﺘﻬﺎ ﻣﻊ ﺣﻨﻜﻬﺎ ﺑﺴﺘﻬﺎ ﻋﻠﻲ ﺭﺃﺳﻬﺎ
ﺭﺣﻤﻪ ﺻﺪﻗﻴﻨﻲ ﺍﻧﺖ ﻣﻬﻤﻪ ﻋﻨﺪﻱ ﻭﻣﺴﺘﺤﻴﻞ ﻧﻀﻠﻤﻚ ﻭﻋﺒﺪﻭ ﻣﺴﺘﺤﻴﻞ ﻳﺘﻐﻴﺮ
ﻋﻠﻲ ﺭﺣﻮﻣﺘﻪ ﻛﻞ ﻳﻮﻡ ﻛﻞ ﻳﻮﻡ ﻧﻔﺲ ﺍﻟﺮﻭﺗﻴﻦ
ﻣﺴﺘﺤﻴﻞ ﻧﻐﻴﺮ ﺷﻲ ﻭﺭﺍﻧﻴﺎ. ﺍﻧﺎ ﺣﻜﻴﺘﻠﻬﺎ ﻭﺣﺒﺎﺗﻚ ﻭﺧﻄﺮﻫﺎ ﺗﺘﻌﺮﻑ ﻋﻠﻴﻚ
ﺭﺣﻤﻪ .:ﻛﻼﻣﻪ ﻧﺴﻤﻊ ﻓﻴﻪ ﻭﻧﺒﺘﺴﻢ ﺍﺑﺘﺴﺎﻣﻪ ﺻﻔﺮﻩ ﻓﻮﻕ ﻣﻦ ﻧﻔﺴﻲ
ﻧﺤﺲ ﻓﻲ ﺭﻭﺣﻲ ﻣﻐﺼﻮﺻﻪ ﻧﺒﻴﻪ ﻳﻄّﻠﻊ ﻧﺒﻲ ﻧﻘﺪ ﺑﺮﻭﺣﻲ ﻧﺒﻲ ﻧﻌﻴﻂ ﻭﻧﻄﻠﻊ
ﺍﻟﻐﺼﻪ ﻳﺤﻜﻲ ﻣﻌﺎﻳﺎ ﻭﻻ ﺣﺎﻭﻝ ﻳﻨﻜﺮ ﻭﻻ ﻳﺒﺮﺭ ﻭﻻ ﺣﻜﻴﺘﻠﻬﺎ ﻋﻠﻴﻚ . ﻟﻠﺪﺭﺟﻪ .
ﻫﺬﻱ ﺍﻧﺎ ﻋﺒﺄ ﺗﺤﻜﻲ ﻋﻠﻴﺎ
ﺍﺍﺍﺍﻩ
ﻋﺒﺪﻭ:: ﻣﺶ ﻋﺎﺭﻑ ﻛﻴﻒ ﺣﻜﻴﺖ ﻣﻌﺎﻫﺎ ﻫﻜﻲ ﻣﻔﺮﻭﺽ ﺑﻴﻨﺖ ﺍﻧﻲ ﻧﺒﻴﻬﺎ
ﻭﻣﺴﺘﺤﻴﻞ ﻧﺘﺠﻮﺯ ﻋﻠﻴﻬﺎ ﻟﻴﺶ ﻋﻠﻲ ﻃﻮﻝ ﻫﻜﻲ ﻳﺎﻏﺒﻲ . ﻭﺍﺿﺢ ﻋﻠﻴﻬﺎ ﺗﺤﻜﻲ
ﻣﻦ ﻭﺭﺍ ﻗﻠﺒﻬﺎ ﻭﺍﺿﺢ ﻋﻠﻴﻬﺎ ﺗﺒﻲ ﺗﺒﻜﻲ
ﺑﺲ ﺍﻧﺎ ﻓﻌﻼ ﺍﻧﺎﻧﻲ . ﻣﺮﻋﻴﺘﺶ ﺷﻌﻮﺭﻫﺎ ﺭﻛﺰﺕ ﺑﻌﺪ ﻃﻠﺒﺖ ﻣﻨﻲ ﺗﺒﻲ ﺗﻨﺰﻝ
ﻟﻮﻃﺎ
ﺳﺎﻋﺪﺗﻬﺎ ﻟﺒﺴﺖ ﻭﻧﺰﻟﻨﺎ
ﻋﺒﺪﻭ:: ﺣﺒﻴﺒﻲ ﺍﻧﺎ ﻃﺎﻟﻊ ﻋﻨﺪﻱ ﻣﺸﻮﺍﺭ ﺑﺎﻫﻲ ﺳﺎﻋﻪ ﻭﻧﺠﻲ
ﺭﺣﻤﻪ .:ﻛﺬﺍﺏ ﺍﻛﻴﺪ ﻣﺎﺷﻲ ﻳﺒﻲ ﻳﺤﻜﻲ ﻣﻌﺎﻫﺎ ﻭﻳﺒﺸﺮﻫﺎ
ﻟﻘﻴﺖ ﻋﻤﻮ ﻭﻛﺘﺒﺘﻠﻪ ﻭﻃﻠﺒﺖ ﻣﻨﻪ ﻳﻮﺍﻓﻖ ﻋﻠﻲ ﺭﺍﻧﻴﺎ
ﺭﻓﺾ ﺑﺲ ﺍﻧﺎ ﻫﺪﺩﺗﻪ ﺍﻧﻪ ﻟﻮ ﻣﺎﻭﻓﻘﺶ ﺍﻧﺎ ﺭﺍﺡ ﻧﻤﺸﻲ ﻟﺤﻮﺵ ﺟﺪﻱ ﻭﻣﻌﺶ
ﻳﺸﻮﻓﻮ ﻭﺟﻲ ﻗﻌﺪﺕ ﻧﺠﺪﺍ ﻓﻴﻪ ﻟﻴﻦ ﻭﺍﻓﻖ
~<~<~
ﻣﺤﻤﺪ:: ﻧﻀﺖ ﻣﻠﻘﻴﺘﺶ ﺍﻣﻴﺮﻩ ﺗﺴﻤﻌﻲ ﺍﻟﻴﻮﻡ ﺍﺟﺎﺯﻩ ﻫﻴﺎ ﻭﻳﻦ ﻋﺪﺕ
ﺧﺸﻴﺖ ﻟﻠﻤﻄﺒﺦ ﻟﻘﻴﺖ ﻋﻠﻲ ﺍﻟﺜﻼﺟﻪ ﻭﺭﻗﻪ.
ﺣﺒﻴﺒﻲ ﺍﻧﺎ ﻣﺘﻐﺪﻳﻪ ﺑﺮﺍ ﻭﻣﻄﻮﻟﻪ ﺗﻐﺪﺍ ﻣﺘﺮﺍﺟﻴﻨﻴﺶ
ﺿﺤﻜﺖ . ﺗﻐﺪﺍ ﺷﻦ ﻧﺘﻐﺪﺍ . ﻏﻴﺮ ﺍﻟﻤﻌﻠﺒﺎﺕ .
ﺩﺭﺕ ﻣﻖ ﻗﻬﻮﻩ ﻭﺻﺒﻴﺖ ﻋﻠﻲ ﺍﻟﺒﻠﻜﻮﻧﻲ ﺷﻔﺖ ﻟﻤﻴﺲ
ﻗﺎﻋﺪﻩ ﻓﻲ ﺍﻟﺠﻨﻴﻨﻪ ﻭﺗﺸﺮﺏ ﻓﻲ ﻗﻬﻮﻩ
ﻧﺰﻟﺘﻠﻬﺎ
ﻣﺤﻤﺪ:: ﺧﻴﺮﺍﺕ ﻧﻘﻌﻤﺰ ﻋﺎﺩﻱ
ﻟﻤﻴﺲ ::ﺍﺣﻤﻴﺪﻩ ﺧﻴﺮﺍﺕ ﺗﻔﻀﻞ
ﻣﺤﻤﺪ:: ﺷﻦ ﺍﺧﺒﺎﺭ ﻣﺎﻣﺎ ﺍﻟﻴﻮﻡ
ﻟﻤﻴﺲ :: ﺍﻟﺨﻤﺪﺍﻟﻠﻪ ﺑﺲ ﺗﻌﺒﺎﻧﻪ ﺗﺤﺴﻬﺎ ﻣﻦ ﺍﺧﺮ ﺟﺮﻋﻪ ﻟﻠﻜﻴﻤﺎﻭﻱ
ﻣﺤﻤﺪ:: ﺭﺑﻲ ﻳﺸﻔﻴﻬﺎ ﻭﻳﺨﻔﻒ ﻋﻠﻴﻬﺎ
ﻟﻤﻴﺲ:: ﺷﻜﻠﻚ ﻛﻴﻒ ﻧﺎﻳﺾ
ﻣﺤﻤﺪ:: ﻛﺴﺎﺩ ﻫﺬﻱ ﺍﻟﻨﻮﺿﻪ
ﻟﻤﻴﺲ .: ﻭﻳﻦ ﺍﻣﻴﺮﻩ
ﻣﺤﻤﺪ:: ﻫﻬﻬﻬﻪ ﻣﻴﺮﻭ ﻛﺎﻟﻌﺎﺩﻩ ﻣﻊ ﺻﺤﺒﺎﺗﻬﺎ
ﻟﻤﻴﺲ : ﻭﺍﻧﺖ ﻟﻴﺶ ﻣﺎﺗﻄﻠﻊ . ﺍﻭ ﺗﺪﻳﺮ ﺍﻱ ﺷﻲ ﺗﻐﻴﺮ ﺟﻮﻙ
ﻣﺤﻤﺪ:: ﺩﻱ ﺷﻨﻮ ﻧﺤﺲ ﻓﻲ ﺭﻭﺣﻲ ﻣﻨﻌﺮﻓﺶ ﺷﻲ ﻫﻨﺎ
ﻟﻤﻴﺲ ::ﻋﻠﻲ ﺍﺳﺎﺱ ﺍﻧﺎ ﺍﻟﻠﻲ ﻧﻌﺮﻑ . ﺣﺘﻲ ﺍﻧﺎ ﺯﻳﻚ ﺟﺪﻳﺪﻩ ﻫﻨﺎ
ﺑﺲ ﺍﻧﺎ ﺑﺪﻳﺖ . ﻧﻤﺸﻲ . ﻟﻜﻔﻴﻬﺎﺕ ﻋﺮﺏ ﻭﻣﺴﻠﻤﻴﻦ . ﻭﺗﻌﺮﻓﺖ ﻋﻠﻲ ﻟﻴﺒﻴﻴﻦ
ﻭﺍﺟﺪ ﻭﻧﻐﻴﺮ ﻓﻲ ﺟﻮﻱ ﻣﻌﺎﻫﻢ
ﻣﺤﻤﺪ:: ﺷﻴﻠﻴﻨﻲ ﻣﻌﺎﻙ . ﺗﻜﺴﺒﻲ ﻓﻴﺎ ﺍﺟﺮ. ﻫﻬﻬﻬﻬﻬﻪ
ﻟﻤﻴﺲ: ﻧﻜﺴﺐ ﻓﻴﻚ ﺗﻮﺍ ﺍﻛﻴﺪ ﻣﺶ ﻣﺘﻐﺪﻱ
ﻣﺤﻤﺪ:: ﻻﻻ ﺍﻟﺼﺮﺍﺣﻪ ﻫﺬﻱ ﺍﻟﻨﻮﺿﻪ ﻣﻮﻗﺘﻠﻚ ﻭﺍﺻﻼ ﻣﻔﺶ ﻏﻴﺮ ﺍﻟﻤﻌﻠﺒﺎﺕ
ﻫﻬﻬﻬﻬﻬﻪ
ﻟﻤﻴﺲ ﺧﻼﺹ:: ﻫﻴﺎ ﺻﺒﻲ ﻧﺘﻤﺸﻮ . ﺑﻌﺪﻫﺎ ﻧﺤﻄﻠﻚ ﻣﻦ ﺍﻟﻜﺴﻜﺴﻲ ﺍﻧﺎ ﺩﺍﻳﺮﺗﻪ
<~>|>~
<|<~
ﻣﺮﺍﺩ؛: ﻣﺶ ﻋﺎﺭﻑ ﻧﺤﺲ ﻓﻴﻪ ﺍﻧﺎﻧﻲ . ﻣﺶ ﻫﻜﻲ ﺍﻟﺤﺐ
ﻳﺼﺒﺮ ﺷﻮﻳﺎ ﻭﻣﻦ ﻫﻞ ﺍﻟﺮﺍﻧﻴﺎ ﺍﻟﻠﻲ ﻣﻨﻜﻠﺐ ﻋﻠﻴﻬﺎ.
ﺭﺣﺎﺏ .: ﺃﺷﺮ ﻣﻨﻚ ﻣﺶ ﻃﺎﻳﻘﺘﻬﺎ ﻭﺍﻟﻬﻨﺪﻱ ﻧﻴﻪ ﻧﺤﻀﺮ ﺍﻟﺤﻔﻠﻪ
ﻣﺮﺍﺩ /: ﻭﻻ ﻫﻮﺍ ﻳﺠﺮﻱ ﻋﻠﻲ ﺍﻟﺸﻘﻪ ﻭﻳﺮﺗﺐ ﻓﻴﻬﺎ ﺗﻘﻮﻝ ﺟﺎﻳﺐ ﺍﻧﻈﺮ ﻣﻦ ﺑﺠﺪ
ﺧﺎﻃﺮﻱ ﻧﺠﻴﺐ ﻓﺌﺮﺍﻥ ﻭﻧﻌﺰﻗﻬﻦ ﻓﻲ ﺍﻟﺸﻘﻪ ﺧﻠﻴﻬﻦ ﻳﻠﻌﺒﻦ ﻓﻴﻬﻢ
ﺭﺣﺎﺏ:: ﻳﺎﺭﻭﺣﻲ ﻋﻠﻲ ﺭﺣﻤﻪ ﺗﺤﺎﻭﻝ ﺗﺒﻴﻦ ﺭﻭﺣﻬﺎ ﻃﺒﻴﻌﻴﻪ .
ﻭﺍﻟﺤﻖ ﻫﻮﺍ ﻗﺪﺍﻣﻬﺎ ﻳُﺒﻴﻦ ﺭﻭﺣﻪ ﻋﺎﺩﻱ.
ﺍﻟﻤﻬﻢ ﺣﺒﻴﺒﻲ ﺟﻴﺒﻠﻲ ﺣﺎﺟﻪ ﺫﻫﺐ ﻧﻤﺪﻫﺎ ﻟﻬﺎ
ﻣﺮﺍﺩ .: ﻧﺠﻴﺒﻠﻬﺎ ﺗﻞ ﻣﺼﺪّﻱ ﻧﻤﺤﻄﻬﺎ ﺑﻪ ﻫﻞ ﺍﻟﺒﺎﺭﺩﻩ ﻫﺬ ﻣﻨﻴﺶ ﻃﺎﻳﻖ ﻭﺟﻬﺎ
ﺭﺣﺎﺏ:: ﺍﻫﻮ ﺻﻮﺗﻪ ﺭﺍﻛﺐ ﻳﻐﻨﻲ. ﻋﻠﻲ ﺍﻟﺪﺭﻭﺝ
<~>~
ﺍﺷﺮﻑ:: ﻣﺒﺮﺩ ﺩﻣﻬﺎ ﻳﺎﺃﺧﻲ ﻣﺶ ﻃﺎﻳﻘﻬﺎ
ﺩﻧﻴﺎ :: ﻣﺶ ﻏﻴﺮ ﺑﻌﺪﻙ ﺍﻧﻲ ﻧﻌﺮﻓﺶ ﻧﺠﺎﻣﻞ
ﺃﺷﺮﻑ :: ﻭﻻ ﺍﻧﺎ ﺍﻣﺒﺪﺭﻱ ﺭﻛﺐ ﺩﺍﺭﺍﻟﻨﻮﻡ ﻭﻳﻜﻠﻢ ﻓﻴﻬﺎ ﻧﺤﻂ ﻣﻦ ﻫﻨﺎ ﻭﻻ ﻣﻦ
ﻫﻨﺎ
ﺗﻤﻨﻴﺖ ﻧﻔﻚ ﺍﻟﺘﻠﻔﻮﻥ ﻭﻧﻨﻔﺼﻞ ﻋﻠﻴﻬﺎ
ﺩﻧﻴﺎ ::ﺃﻣﻚ ﻭﺭﻳﻤﺎ ﻣﻨﺎﺣﻪ ﺩﺍﻳﺮﺍﺕ ﺭﻳﻤﺎ ﻗﺎﻟﺖ ﺗﺒﻴﺶ ﺗﺤﻀﺮ ﺍﻟﺤﻔﻠﻪ
ﺍﺷﺮﻑ:: ﻟﻮﻻ ﻳﺰﻋﻞ ﺑﺲ ﺭﺍﻫﻮ ﺣﺘﻲ ﺍﻧﺖ ﻣﻨﺨﻠﻴﻜﺶ ﺗﺤﻀﺮﻱ
~|>~
ﺍﻣﺎﻧﻲ:: ﺑﺠﺪ ﻳﺎﺑﻨﺎﺕ ﻣﺶ ﻗﺎﺩﺭﻩ . ﻧﺤﻀﺮ
ﺭﺷﺎ؛: ﻣﺜﻘﻞ ﺩﻣﻬﺎ ﺛﻘﻴﻠﻪ ﻋﻠﻲ ﻗﻠﺒﻲ ﻗﺒﻞ ﺗﺠﻲ
ﺍﻣﺒﺪﺭﻱ ﺭﻛﺒﺖ ﻟﺮﺣﻤﻪ . ﻭﺃﺿﺢ ﻋﻠﻴﻬﺎ ﺑﺎﻛﻴﻪ
ﺯﻳﻨﺐ:: ﺣﻘﻪ ﻳﺘﺠﻮﺯ ﻣﻌﺶ ﺗﻜﺒﺮﻥ ﺍﻟﻤﻮﺿﻮﻉ . ﻋﺎﺩ ﻛﻮﻳﺲ ﺍﻟﻠﻲ ﻣﺘﺤﻤﻠﻬﺎ
ﺷﻮﻓﻦ ﺑﻄﻨﻬﺎ ﻛﺎﺑﺮﻩ ﻭﻫﻮﺍ ﻃﺎﻟﻊ ﻧﺎﺯﻝ ﺑﻴﻬﺎ. ﻭﻳﻐﺴﻞ ﻭﻳﻔﻄﺮ ﻭﻳﻠﺒﺲ ﻭﺃﻣﻪ
ﺗﻨﻈﻔﻠﻪ ﺣﻮﺷﻪ ﻭﺗﺤﺪﺩﻟﻪ ﻭﺗﻐﺬﻳﻪ
ﻣﺶ ﺍﺳﺘﻘﺮﺍﺭ ﻫﺬﺍ ﻭﻫﻲ ﻋﺸﺎﻥ ﻋﺎﻗﻠﻪ ﻭﺍﻓﻘﺖ
ﺍﻣﺎﻧﻲ .: ﻳﺎﺭﻭﺣﻲ ﻳﺎﺭﺣﻤﻪ ﻛﻠﻪ ﻣﻨﻲ ﺍﻧﺎ ﺍﻟﻠﻲ ﺃﻗﻨﻌﺘﻬﺎ ﻳﺤﺒﻚ ﻭﻗﺘﻠﻬﺎ ﻋﻴﺸﻲ
ﺣﻴﺎﺓ ﻃﺒﻴﻌﻴﻪ ﺯﻭﺟﻴﻪ ﻣﻌﺎﻩ
<~>~
ﺍﻟﻴﻮﻡ ﺍﻟﺘﻠﺒﻴﺴﻪ
ﺻﻮﺕ ﺍﻟﺒﻴﺒﺎﺕ
ﺭﺣﻤﻪ:: ﻳﻨﺰﻟﻮ ﻓﻲ ﺩﺑﺸﻬﺎ . ﻗﻌﺪﺕ ﻓﻲ ﺩﺍﺭﻱ . ﺑﺲ ﺑﺪﻭﻥ ﺍﻱ ﺩﻣﻮﻉ ﻭﻻ ﺍﻱ
ﺭﺩﺓ ﻓﻌﻞ ﺳﺮﺣﺎﻧﻪ ﺧﺎﻳﻔﻪ ﻭﺑﺲ
ﺭﻳﻤﺎ :: ﺭﺣﻤﻪ ﺍﺑﻜﻲ ﻟﻴﺶ ﻫﻚ ﺳﺎﻛﺘﻪ ﻓﺸﻲ ﺧﺎﻃﺮﻙ
ﺭﺣﻤﻪ:: ﻣﺮﺩﺗﺶ ﻭﻻ ﻛﺘﺒﺖ
ﺭﻳﻤﺎ :: ﻓﻮﺗﻴﻪ ﻳﺎﺭﺣﻤﻪ ﺧﻮﺗﻲ ﺣﻘﺮﺍﺀ ﻛﻼﺏ . ﺍﻧﺎ ﺍﻟﻠﻲ ﺃﺧﺘﻬﻢ ﻛﺮﻫﺘﻬﻢ ﻣﻌﺶ
ﻧﺒﻲ ﻧﺸﻮﻑ ﻭﺟﻪ
ﻛﺘﺒﺘﻠﻬﺎ ﻟﻮ ﻣﺤﻀﺮﺗﺶ ﺍﻟﺤﻔﻠﻪ ﻧﺰﻋﻞ ﻣﻨﻚ ﻭﻣﻌﺶ ﻧﺤﻜﻲ ﻣﻌﺎﻙ ﻋﺒﺪﻭ
ﻳﺴﺘﺎﻫﻞ ﺗﻔﺮﺣﻮﻟﻪ ﻟﻴﺶ ﺯﻋﻼﻧﻪ
ﺟﺎ ﺍﺻﻌﺐ ﻳﻮﻡ .
ﻋﺒﺪﻭ:: ﺧﺸﻴﺖ ﻋﻠﻲ ﺭﺣﻤﻪ ﻓﻲ ﺍﻟﺪﺍﺭ ﻭﺍﻧﺎ ﻧﺒﻲ ﻧﻌﺪﻱ ﺍﻟﻘﺎﻋﻪ
ﻃﺒﺴﺖ ﻋﻠﻴﻬﺎ ﻭﻛﺎﻧﺖ ﻋﻴﻮﻧﻬﺎ ﻳﺪﻣﻌﻦ
ﺣﺒﻴﺒﺘﻲ ﺳﺎﻣﺤﻴﻨﻲ . ﺣﻄﺖ ﻳﺪﻫﺎ ﻋﻠﻲ ﻓﻤﻲ
ﻭﻣﺴﻜﺘﻨﻲ . ﻣﻊ ﺭﻗﺒﺔ ﺳﻮﺭﻳﺘﻲ . ﻗﻌﺪﺕ ﺗﺜﻨﻲ ﻓﻴﻬﺎ . ﺑﻌﺪﻫﺎ ﺭﻓﻌﺖ ﻳﺪﻳﻬﺎ
ﻣﺸﺘﻬﻦ ﻋﻠﻲ ﻭﺟﻲ .
ﻭﺍﺑﺘﺴﻤﺖ ﻭﺩﻣﻮﻋﻬﺎ ﻳﻨﺰﻟﻦ
ﻛﺘﺒﺘﻠﻲ
ﺭﺑﻲ ﻳﺴﻌﺪﻙ ﻭﻳﻬﻨﻴﻚ . ﻭﺍﻟﻴﻮﻣﻴﻦ ﻫﺬﻳﻦ ﺭﺍﺡ ﻧﺮﺍﻳﻒ ﻋﻠﻴﻚ ﻓﻴﻬﻦ
ﻋﺒﺪﻭ::ﻭﺍﻧﺎ ﺭﺍﺡ ﻧﺮﺍﻳﻒ ﻋﻠﻴﻚ ﺧﻮﺩﻱ ﻫﺬﺍ ﺧﻠﻴﻪ ﻋﻨﺪﻙ
ﺭﺣﻤﻪ:: ﻣﺴﻜﺘﻬﺎ ﺷﻴﺸﻪ
ﻋﺒﺪﻭ؛: ﺣﺒﻴﺒﻲ ﻫﺬﺍ ﺍﻟﻌﻄﺮ ﺍﻟﻠﻲ ﻧﺪﻳﺮ ﻓﻴﻪ ﻭﺗﺤﺒﻴﻪ ﻫﺬﺍ ﺧﺎﺹ ﺑﺮﺣﻤﻪ ﺑﺲ .
ﻧﺪﻳﺮﻩ ﻟﻤﺎ ﻧﻘﻌﺪ ﻋﻨﺪﻙ
ﺭﺣﻤﻪ ﺍﻧﺎ ﻋﺎﺭﻑ ﺭﻭﺣﻲ ﻣﻬﻤﺎ ﻧﺤﻜﻲ ﻣﺴﺘﺤﻴﻞ ﻧﺨﻔﻒ ﻋﻠﻴﻚ . ﺑﺲ ﺍﻋﺮﻓﻲ
ﺍﻧﻲ ﻣﺴﺘﺤﻴﻞ ﻧﺘﻐﻴﺮ. ﻭﻻ ﻧﻨﺴﺎﻙ
ﺭﺣﻤﻪ .: ﺣﺒﻴﺘﻪ ﻭﻛﺘﺒﺘﻠﻪ ﺧﻼﺹ ﻋﺪﻱ ﻭﻗﺖ . ﻋﻠﻴﻚ
ﻃﻠﻊ ﻭﻃﻠﻌﺖ ﺭﻭﺣﻲ ﻭﺭﺍﻩ ﻛﺎﻧﺖ ﻣﻦ ﺍﺻﻌﺐ ﺍﻟﻠﻴﺎﻟﻲ ﺗﻤﺮ ﻋﻠﻴﺎ ﻓﻲ ﻫﻞ
ﺍﻟﺤﻮﺵ
<~<<
ﻋﺒﺪﻭ:: ﻃﻠﻌﺖ ﻣﻦ ﺭﺣﻤﻪ ﻣﺘﻀﺎﻳﻖ ﻭﺣﺎﺱ ﺑﺎﻟﺬﻧﺐ ﺑﺲ ﺑﻌﺪ
ﻋﺒﺪﻭ:: ﻧﺤﻜﻲ ﻟﻤﺮﺍﺩ ﻭﺃﺷﺮﻑ . ﺍﺳﻤﻌﻮ ﺣﺴﻴﺘﻮ ﻋﻠﻴﺎ ﺗﻐﻴﺮﺕ ﺩﺭﺕ ﻟﻘﻄﻪ ﻗﻠﻖ .
ﻧﺒﻬﻮﻧﻲ ﻭﺍﺿﺮﺑﻮﻧﻲ ﺣﺘﻲ ﺍﻟﻀﺮﺏ .
ﺧﻠﻴﻜﻢ ﺩﻳﻤﺎ ﺗﺮﺍﻗﺒﻮ ﻓﻴﺎ ﻧﺒﻴﺶ ﻧﻀﻌﻒ . ﻭﻧﺘﻐﻴﺮ ﻋﻠﻲ ﺭﺣﻤﻪ
ﻧﺒﻴﺶ ﺗﻀﻠﻤﻬﺎ
ﻣﺮﺍﺩ :: ﻫﺬﺍ ﺍﻟﻠﻲ ﺭﺍﺡ ﻳﺼﻴﺮ . ﺧﺶ ﺗﻮﺍ ﻭﺧﻠﺼﻨﺎ ﻭﺃﻧﻬﻲ ﻫﻞ ﺍﻟﻴﻮﻡ ﺍﻟﺒﺎﻳﺦ
ﻋﺒﺪﻭ:: ﺧﺰﻱ ﻋﻠﻴﻜﻢ ﺑﺪﻝ ﻣﺎ ﺗﻔﺮﺣﻮﻟﻲ
ﺃﺷﺮﻑ:: ﻟﻼﺳﻒ ﻧﻘﺎﻧﻲ ﺻﺮﺍﺣﻪ ﻣﺎﻧﻲ ﻓﺮﺣﺎﻥ . ﺑﺲ ﻳﻼ ﺭﺑﻲ ﻳﺴﻌﺪﻙ
ﺭﻗﺎﻟﻲ ﻣﻨﻬﻢ ﺯﻳﺎﺩﻩ
ﻭﺧﺸﻴﺖ ﺍﻟﻘﺎﻋﻪ
ﺷﻔﺖ ﺭﺍﻧﻴﺎ ﺗﻬﺒﻞ . ﺣﻠﻢ ﺣﻴﺎﺗﻲ ﺗﺤﻘﻖ. ﻗﺮﻳﺐ ﻃﺮﺕ ﺑﻴﻬﺎ
ﻟﻘﻴﺖ ﺍﻣﻲ ﻣﻘﻌﻤﺰﻩ ﻓﻲ ﺍﻟﻤﺪﺧﻞ ﻭﻗﺎﻟﺒﻪ ﻭﺟﻬﺎ
ﻭﺣﺘﻲ ﺗﺼﻮﻳﺮ ﻣﺒﺘﺶ ﺗﺼﻮﺭ ﻣﻌﺎﻳﺎ ﺧﻮﺍﺗﻲ ﺍﺑﺘﺴﺎﻣﺎﺕ ﺻﻔﺮﺍﺀ
ﺟﻮ ﻣﺸﺤﻮﻥ ﻣﺘﻮﺗﺮ
