رواية احببت ذئب الفصل العاشر 10 بقلم الاء محمود
الفصل ال10 طبعا افنان بقت كل يوم تصحي ع وجود ادم وتنام برضو ع وجوود ادم ... وجوده ف حياتها خلاص بقا ادمان وحاسه انه بيعوضها كتير عن اي حاجه هي محتجاها
......
افنان افنان افنان افنان افنان محدش هيسمحلك تكوني معاه فاهمه هو غيرك حياته غيرك لو جتله الفرصه انه يأذيكي هيأذيكي .. ابعدي ابعدي ابعدي
افنان قامت منفوضه من النوم: لالا ادددددم بصريخ
ادم بقلق وخوف: ف ايه يا حبيبتي مالك ف ايه اهدي
افنان : رمت نفسها ف حضن ادم وبدات تعيط "متسبنيش "
ادم : اسيبك !؟ افنان حبيبتي هو اكيد كابوس انا موجود اهو ياروحي ع قلبك متقلقيش اهدي كده انا مش عايز اشوف دموعك
افنان بعياط: ابشع كابوس شوفته ف حياتي ياادم انا خايفه .. خايفه اووووي والاحساس ده كل يوم بيتملك مني .. حاسه اني ف حاجه كبيره هتحصل .. حاجه هتكسرني يا ادم .. وانا مش عايزه يحصلي كده وعيطت ف حضنه تاني
ادم بطمأنينه : انا هفضل جمبك محدش هيقربلك طول مانتي ف حمايتي وغير يلا قومي البسي هوديكي مكان هيعجبك اوووي ومش عايز اي اعتراض يلا قومي خدي شاور وهستناكي تحت وباسها ف خدها يلا قومي
افنان : حاضر خلاص
......
افنان نزلت ل ادم وقعد يلف بيها بالعربيه شويه ف اماكن كتير كانت اول مره تشوفها وكانت مبسوطه جدا ووقت الغروب خدها مكان ع البحر ولقته عاملها جو رومانسي

افنان بفرحه : الله يا ادم انا مكنتش احلم اني اجي مكان زي كده يا حبيبي انا مبسوطه اوووي انت حليت يومي
ادم بحب : انا عايش عشان تبقي مبسوطه وهفضل دايما اخليكي مبسوطه
افنان : بصتله بحب و حضنته ادم انا محظوظه بيك
ادم : انا اللي محظوظ بيكي يا روح قلب ادم
طب ايه رايك نرقص ع اغنيه حلوه
ادم بستغراب : من غير موسيقه
افنان : بأسلوب يضحك لا طبعا ودي تفوتني معايا موبايلي
ادم : ضحك ع شكلها
وشغلت اغنيه "قصه حب " ساموزين 
ولا ليلة انا لوحدى و لا انتى بعيدة
انا من قبل ما اقبلك كنتى فى خيالى
ولما لقيتك لقيتك احلى ايوة اكيد
من اللى فى بالى
وانا الدنيا بقى ليها معنى وانا وياك
وقبلك عشت ايامى ماحستهاش وطول عمرى
دة كلة حلمت بيك ومعاك حياتى تتعاش
تانى تانى هنعيد كل اللى كان بس الفرق
ما بين دلوقتى وبين زمان انى قابلتك وشوفتك
واقف قدامى وانا بقول ليك بحبك وانتى سامعة كمان
ادم ف المقطع ده بدا يغنيلها بصوته :
من الليلة انا بوعد قلبك خلاص هيبقى
بين ايدى اغلى الناس ومن الليلة بقيت
انا ملك الاحساس وانتى اميرتى
وعارف احلى حاجة فى حكايتنا دى اية
واحساسك باحساسى مكمل لية وانت كلامك حبيبى
وعدتنى بية مطمنى
افنان : صوتك حلو اوووي بجد وفضلت حضناه
ادم : انتي فعلا اميرتي
افنان : ابتسامتله بحب
...
ف اوضه افنان ...
افنان بحب وبتحرك ايديها ف شعره : ادم
ادم : عيونه
افنان : انا بحبك اووووي ... انا مش عارفه ازاي حسيت كده بس انت حاجه حلوه اوووي ف حياتي وحقيقي النهارده كنت مبسوطه اوووي وانا معاك يا حبيبي
ادم : اتعدلها وقعد وفضل يبص ف عنيها ... افنان انتي اللي بدور دايما عليها وشاور ع قلبه هتفضلي دايما هنا
افنان بأبتسامه : وقربت منه وباسته بجرائه ولفت ايديها حاولين رقبته
ادم : قربها منه وضغط ع شفايفها اكثر .. فبعد عنها وهو بيتنفس بسرعه وبيبص ف عنيها كانه بيسالها يبعد ولا يلمسها اكتر ولقاه اجابتها بسرعه انها موافقه .. بس قرر انه يبعد هو مش مسئول عن اي حاجه هتحصل منه ف لحظه زي دي ... او بمعني اصح هو كان خايف يأذيها جسديا
ادم لنفسه : مش عشان ارضي رغباتي الرجوليه .. يبقا ااذيها لالا وفاق ع صوت افنان
افنان : لدرجادي خايف تقرب كنت حاسه اني القلق ده هشوفه ف عينيك ع فكره
ادم : بصلها اللي هو كانها قرت افكاره .. افنان انتي لدرجادي فهماني !؟
افنان : ضحكت ايوه وجدا كمان وكنت حاسه بكده ... عشان كده اتعمدت اعمل كده واشوف رد فعلك ومسكت وشه بأيديها وبقت تملس ع دقنه بحنيه احنا بقينا مشتركين ف القلب والروح ..
ادم : ضمها لحضنه جامد
افنان بضحك : انت يا عم الناشف وحيات عيالك يا شيخ عضمي بس .. متنشفش عليا وضحكت جامد
ادم : اوسكار تدمير اللحظه وخبطها بالمخده
افنان بضحك : ادم حبيبي انا لو معملتش كده اتحرق .. اضحك اضحك يابني انت معاك جوهره مافيش مني اتنين ومسحت ع كتفها بغرور .. سحقا لتواضعي
ادم : اه اوووي متواضعه جدا
وفضلوا طول الليل يكلموا ويضحكوا
.......
رباب سرحانه
رامي جوزها : ايه يا حبيبتي بقالي ساعه بكلمك
رباب : ها
رامي : طلما ها !؟ يبقي واضح اني ف حوار كبير احكيلي
رباب : انا خايفه اوووي ع افنان يا رامي مش مطمنه حقيقي مش مطمنه
رامي : طب اهدي بس كده ... افنان مالها !؟
رباب حكتله كل حاجه عن ادم وافنان ... انا حاسه ان الزمن بيعيد نفسي يارامي دي تبقي كارثه مش كفايه اللي حصل ل افنان من وهي صغيره .. لو حد شم خبر اني بنت مريم وسيف عايشه الدنيا هتتقلب وماما مش هترحمها
رامي : لميس مش هتقربلها رباب انتي عمرك ماحكتيلي ايه اللي حصل بظبط ل اختك مريم وسيف وايه اللي وصلهم للحال ده اصلا ... وليه مش قايله ل افنان انك خالتها ويارريت تقوليلي كفايه بقا تفضلي كتمه جواكي
رباب : انا هحكيلك ع كل حاجه يارامي
فلاش باك ..
مريم : يارباب يارباب
رباب : ايه الظيطه دي ف ايه !؟
مريم : انا عايزه احكيلك ع حاجه !؟
رباب : يا خوفي يا خوفي انتي بتاعه مشاكل فربنا يستر
مريم : ضربتها ف كتفها تصدقي اني غلطانه مش هقولك خلاص
رباب : خلاص بقا يلا قولي
مريم : انا بحب .. بس عايزاكي تساعديني
رباب : بتحبي !؟ ورفعت حاجبها مش عوايدك تطلبي مني مساعده وغير بتحبي لا غريبه .. قولي قلقتيني
مريم بدات تحكي ل رباب ع سيف وقد ايه هي بتحبه ومغرمه بيه فوق الوصف وحكتلها انه ذئب وان الذئاب غير ماكانت بتسمع من عيلتها عنهم من وهما صغيرين
رباب اتنفضت : يانهار اسود انتي بتستهبلي يوم ماتحبي تحبي ذئب انتي اكيد اتجننتي .. انتي عارفه ماما لو عرفت هتقتلك من غير ماتفكر حتي .. ماما لو عرفت هي مش هتقتلك بس دي هتقتله هو كمان ... لا لا افنان اهدي كده وفكري بالعقل مش هينفع وغير انتي نسيتي اني ف معاهده بين الذئاب والمشعوذين .. واني مافيش حد يكسر المعاهده دي .. واني مافيش حد من الذئاب يقرب مننا ابدا ولا احنا نقرب منهم .. فانتي تروحي تحبي واحد زي ده .. اه وماله هو انتي فاكره ان ماما هتسمي عليكي ولا العيله .. ده ممكن ينفوكي انتي ليه بتعملي كده ..
مريم : بس بقا يا رباب .. رباب انا بحبه وعمري ماهسيبه انا مببصلوش ع انه ذئب ولا هو بيبصلي ع اني من المشعوذين احنا بس بنحب بعض احنا مأجرمناش يارباب وغير ماما عمرها ماهتفهم ف الاحساس ده ابدا ماما مبتفكرش ف حاجه غير الكره للناس وبس انتي بتشوفيها بتعامل بابا ازاي حرام بقا هي اصلا معندهاش قلب ... وعيطت
رباب : خدت اختها ف حضنها وبدات تطبطب عليها خلاص يا مريم بقا اهدي
مريم : انا مش هقدر ابعد عنه وشاورت ع بطنها
رباب : بعدم استيعاب
مريم : رباب انا حامل
رباب : نعم ده حصل امتي هو انتوا مع بعض من امتي اصلا
مريم : احنا مع بعص بقالنا ٣ سنين بس احنا اتجوزنا انا وهو وبقينا جزء واحد مش هينفع نبعد انا هعمل المستحيل عشانه وعشان ابني او بنتي اللي بيكبر كل يوم جوايا انا لازم امشي دلوقتي
........
ف بيت مريم وسيف
سيف : ندمانه :!؟
مريم : انت بتقول ايه لا طبعا انا معرفتش الدنيا غير وانت موجود فيها سيف انا ماليش دعوه بأي حاجه غير اني هنفضل دايما مع بعض .. وطول مانت جمبي كل حاجه هتعدي
سيف : محدش هيأذيكي ياحبيبتي ولا هيأذي بنتنا ابدا
مريم : رفعت حاجبها بنتنا !؟ انت عرفت ازاي انا لسه حامل من قريب انا اللي من المشعوذين ولسه معرفتش
سيف : ضحك عندي احساس قوي .. وانتي عارفه اني احساسي مابيخيبش ابدا وضحك جامد
مريم : هتبقا زينا هتبقا واخده مني ومنك .. وسكتت وسرحت
سيف : سكتي ليه يا حبيبتي !؟
مريم : فاقت ع صوت جوزها سيف ... المهم قولي هنسميها ايه طلما انك حاسس انها بنت وضحكت جامد
سيف : هتغضي عن ضحكتك اللي بحبها بس هقولك ع اسم بنتنا هنسميها " افنان "
