رواية عشق اهل الانبار الفصل العاشر 10 بقلم رواء هادي
_منو تعيسة الحظ ؟
_مو كلتلك محد
_كافي كلاوات رائد وكول منو هاي
_كلتلك ماكو احد وهاي سديت التلفون وراح الف راسي وانام شكد تنكد صاير فوك رأسي تدري بي ماحب النكد
كافي تنكد جنك ابوي وعمي
أضف تعليقاً
_كلتلك ماكو احد وهاي سديت التلفون وراح الف راسي وانام شكد تنكد صاير فوك رأسي تدري بي ماحب النكد
كافي تنكد جنك ابوي وعمي
_مو عبالك لفيت راسك ونمت وانطيتني ظهرك
معناها راح اعوفك لا والله وراك وراك
_انحم
_ ماانحم راح أبقى كاعد وانتظرك تخابر علمود اكرصك
_أبقى سهران على لاشيء
_خل اتصل بالحب والعشق مالتي مسوكتي
اكضي وياها الليل كلها
رفعت التلفون سويت روحي اتصل
بمسك التفت علية منزعج
_ حلال عليك تسهر وي حبيبتك وعلية حرام
_هاي مرتي ام جهالي أنت تسهر بعرض العالم
وهذا الشي فعلا حررررام
_كافي تنطي شرعيات براسي جنك ابو عذراء
عوفني بحالي وحرام لنفسي مو الك
_كول منو هاي واعوفك
_ماكو احد لو اكو احد جان هسة تلكاني يمك
ومكابل خلقتك الزفرة
_لا تعيب وجه القندرة
_ أنت وجه القندرة وجه ام ساندي الكح....
_انجب رائد انجب لو بالقرآن اكوم
اكسر التلفون براسك
_احسبنك رجال وابن امك وابوك تجي لعندي إذا
ماخليتك تعوص مثل الچلب فلا اطلع
رائد هههههه
_من عمت عينك تتباهى بنفسك وضخامتك تذكر لو اذكرك شسوت بيك ام ساندي هههه خلتك مثل
الچلب تعوص هههههههه
_انجب ماضي وخلص
_والتعيارة تبقى لأخر يوم بعمرك ام ساندي هههه
_انجب لو اكوم اخلي القندرة بحلكك انجب لكوها من الله يعيروني بشي بعد جلبوا على كوله الشيعة أعمى وجلب بشباك الكاظم (ع) عاد أنتو ام قندرة وام قندرة
_والتعيارة تبقى لأخر يوم بعمرك ام ساندي هههه
_اي شنسويلك ماتكعد راحة
_ولا تحلمون اكعد راحة لبراسي اسوي لو
منو يجي ويحجي ويهدد
_ صدك اكولك تعرف اخبار ام ساندي ؟
_لا
_ عمي كال البارحة طلعت مو يزيدية
_شلون مو يزيدية ؟!
_اي والله من بغداد اصولها واصلها مديرة ملهى جانت بغداد ورئسية عصابة نسائية تخلي نسوان بالنهار تجدي
بالشوارع وبالليل تكو... بالملاهي
وتستجرد شكو واحد زنكين وضابط تخطفه هي وجماعتها من حاسين بيها لمي جوالاتج واشردي للانبار بسنة ٢٠١٢ وكايله أني يزيدية علمود العالم تأمن بيها
_طلعت جذابة الحقيرة ؟!
_وأني هم شكيت بالوضع كلت يزيدية شلون ترهم وي داعش هم دواعش يتخبلون من الايزيديات ودمروهن دمار
شلون صارت وياهم ام ساندي
_چلبة جربة هاي دخلها خل تعفن بنص السجن خطفت رائد لو جنت على روحها ماتدري بي حاروكة يابيت اطبه واحبه لازم يحترك لو يموتون اصحابه ههههه
_عوذ بالله أنت تخوف رائد
_شعبالك لعد حبيبتي القديمة ماتت ام ساندي راحت
ميس العشق مالتي راحت وهذني سلملي عليهم
راح يروحن اعدام
_اكلك بطل لا تحبني أخاف على روحي منك
_هههههه
_جديات أنت تخوف
ر _اي سيد رسول الله على كوله الشيعة واشور بلي
يحجي علية ويقهرني هههههه
_احسك تحجي بالشيعة هواي صاير شسالفة ؟
_ماكو شي بس هنا يمنه كم واحد شيعي كعدت يمهم
وتعلمت جم حجاية حلوة وبس يلا
تصبح على خير .
_وأنت من اهل الخير
رائد كعدت الصبح صادف يوم الجمعة تريكت أني وقاسم والجماعة كعدت بره بايدي التلفون كلت خل
اراسل زينب بلا ترد لا
_احسك تحجي بالشيعة هواي صاير شسالفة ؟
دخلت على حساب الفيس بوك نصدمت من شفت صورة ولد كوري شعره جوزي وشاد جدولات أثنين جنه بت اختي فطيمة من يشدولها جدولات يلعب النفس ضعيف مكسر
ملعوج كاتبة على المنشور ..
العشق دونغهي حبيبي وزوجي المستقبلي بحيل
الله واهل البيت(ع)
طميت نفسي مرة مرتين تلاث مرات ...
مداك مداك مداك رائد انعجبت بهاي معجبة بواحد جنه
صخله ام عداي تركض بنص الشوارع تدور
حشيش هم مثلها جوزية وجهها أبيض .بشرفج أنتِ تنكرطين كرط شعجبج بهذا الصخله حور مكور عيونه زروف
الجمجير ملعوج امر من مصطفى ابن عمتي
لا مصطفى بي دم وللحم هذا جلد شايب بعمر ١٠٠
سنة واكثر تفله من تفلاتي يغرك بيها .
خايبة يحلوة تعاي هنا باعي الجمال باعي الضخامة باعي الهيبة باعي الرتب نجمتين شاد بالجتف الوجه ينكرط كرط جسمي كله عضلات تنامين على صدري
ترتاحين مو تنامين على ....كومه اعضام لا والحلو
صخلة ام عداي دخلت خاص وكتبتلها ..
مرحبا زينب " شلونج شخبارج اريد احجي
وياج إذا متصير زحمة ؟
بقيت انتظرها ترد ...فوك الساعة وماكو رد عاد كمت يم قاسم كعدت هم يباوعلي بنظرات الشكل ماعرف شبي وياي من البارحة واليوم شاد برج مراقبة عبالك.
خل اعرفكم عن نفسي اسمي زينب من مواليد 1996 سكن الحلة مرحلة ثالثة بجامعة الانبار قسم الفيزياء جان حلمي اصير دكتورة بس للأسف مطلعت معدل زين
من ورة مشاكل عمامي اللي ماتخلص وي أهلي على ميراث جدي المهم .. عائلتي متكونه من ثلاث أخوات متزوجات واخوان تلاثه هم متزوجين
وعازلين أبوي مدرس عربي وأمي ربه بيت وأني آخر العنكود عند أهلي والمدللة أبوي يحبني حب مو طبيعي يموت علية أمي هم كذالك تحبني اخواني اخواتي
كلها تحبني ...
طولي ١٦٦ وزني ٥٢ كيلو بشرتي بيضة على أمي طالعة حلوة كلش وابن عمي يريدني اكبر مني باربع سنوات وأني ماريده أريد اتزوج واحد كوري وسافر لكوريا
هذا حلمي ادري راح تكولون مخبلة بس والله هذا حلمي ماريد أتزوج عراقي احب الكوريين لأن اكيوت كلش
وحبابين ويعتنون بالمره مو مثل العراقي
مخبل ودمه حار أقل احجايه يبسطج وأني ماتحمل رقيقة جدآ ونازكة من طلع قبولي بالانبار أهلي عارضوا
لان خافوا علية هناك
الأوضاع مو تمام عاد جلال ابن خالتي وخالتي قنعوهم وخلوني عدهم هناك يوديني ابن خالتي الصغير علاء ويرجعني ومرات يرجعني جلال
وقت مايكون نازل من الواجب الأقارب كلها تضوج مني وتضحك علية لأن أحب الكوريين ويكولولي
ام الكوريين وام الكوريين
والكل بالجامعة يعرفوني أحب الكوريين ماكدر اشوف غير الكوريين عندي فرقة سوبر جونيور المفضلة عندي دونغهي هذا أسمي زوجي المستقبلي
كعدت بالغرفة خالتي ام جلال أنام وي خالتي فوك الجرباية قبل ينام يمها ابنها علاء من اجيت أني اخذت مكانه هههه بايدي التلفون حذف فيس بوك
والماسنجر تلفوني جان ....ممتلئ واريد انزل اغاني كوريا جديدة عفت بس الانستغرام والتيليكرام فقط وكعدت
انزل أغاني ومخليه سمعات بأذاني
على اغنية لفرقة سوبر جونيور بعنوان لا غيرك اغنية كلش حلوة وهادئة وجميلة ورومانسية بنفس الوقت دخلت
خالتي تصيح علية من عتبه الباب
خالتي : زنوبه خالة مو احجي وياج زنوووبه ... وتالي وياج ماتشبعين من الكوريين مو احجي ويااااج
فزيت من جرت السمعات من أذاني بقوة ...
ااااه
خالتي : وجعععع صارلي ساعة احجي وياج
زينب : ماسمعت
خالتي : يلا كومي بدلي
زينب : وين ؟
خالتي : نروح لبيت اهل مرت جلال عازمينه
على العشة يلا كومي بدلي
زينب : اوك
طلعت خالتي بدلت لبست قميص طويل فوك الركبة بشبر تقريباً ابيض سادة وبنطرون اسود قماش وشال اسود
كذلك خليت مكياج وريشت عطر
طلعت اخبل كالعادة حلوة وجميلة دزيت بوسة لنفسي وسويت حركة معتاده عند الكوريين بالصابع قلب حب
لنفسي اخذت الجنطة السودة بجتفي وطلعت .
صادفني جلال من شافتي ضحك وكال ...
أنيقة ام الكوريين ههه
زينب : طبعا انيقة غير أني زوجة دونغهي المشهور
جلال : هههه ومصدكة روحها مزوجة كوري مشهور هههه
علاء : هو مايدري بيها موجودة بهذا العالم هههه
جلال : صدك هههه
زينب : واذا المهم أني أحبه
جلال : شنو فائدة حبج هو مايدري بيج موجودة ههههه
علاء_ : عوفك منها صدك الملازم مالتك اتصل بي
كال اتصل بيك ماترد
جلال : ياهو منهم ؟!
علاء : الملازم رائد
جلال : مادري والله خل اشوف شيريد مني مابي حيل ويا
علاء : الملازم رائد
زينب : شبيك انخبصت جلال هسه وإذا
اتصل بيك ومارديت
جلال : مو نازل قبل الإجازة هو توسط لي واخاف
طلعت شغلة ودزوا علية
زينب : هاا
شفت جلال انخبص اتصل بي بسرعة ... رد صوته عالي
جان برغم مافاتح مكرفون اسمع صوته خشن
اسمع بي يكوله
_باجر تعال الصبح عدنا وأجب
جلال : ان شاء الله سيدي
رائد : وين أنت هسة ؟
جلال : والله بالبيت سيدي ومعزوم يم عمامي
هسه راح نروح أني والعائلة
رائد : تمام اخذ راحتك حبيبي
جلال : راحتي من راحتك سيدي
رائد : تمام حبيبي في امان الله
جلال : الله وياك سيدي
كرهت كلمة سيدي يكولها وينفخ نفسه ... بس مايريد
يأخذ تحية وأني كدامه واكفة سد التلفون وكال...
جلال : باجر ملتحق لدوام
زينب : ترى ماكو داعي تسوي هيج وتخاف
جلال : حقج أنتِ شمدريج شنو العواقب الجندي
لمايحترم الضابط والمسؤول
زينب : شنو العواقب بلا؟
جلال : يفتحون بي مجلس تحقيق ومحتمل
سجن وعقوبه يلا امشوا
زينب : شدعوة !
جلال : شمعرفج أنتِ يابة يلا امشوا راح نتأخر
صعدنا بالسيارة بصفي علاء طول الطريق يحجون بالملازم رائد وأني عقلي وقلبي يم دونغهي اتخيل نفسي مسافرة الكوريا وهناك متعرف عليه بالصدفة
طول الطريق عشت قصة حب هههه وصلنا بيت أهل مرت جلال فردوس عالم كلش طيبة ماعدهم ولد كل اخوانها متزوجين وعازلين بس أخوها الصغير وي
امها وابوها باقي ومرته وردة مال الله كعدنا يهم سوالف عادية هم جابوا طاري رائد ولد اسمه قاسم يجيبون
ويحمدون بيهم وبأخلاقهم وتربيتهم
وشلون يحترمون الجنود عبالك مو ضباط وأهل وساطة
عالية مو مثل بعض الضباط شايف نفسه على
الجندي كتلني الفضول اعرف رائد
رسمت له بعقلي صورة شكله ضعيف طوله متوسط اجلح
املح بطرك الشوارب ويشرب جكاير وقاسم كذلك هم
هيج تخيلته ماعرف ليش ؟
وره العشة رجعنا بدلت وكعدت فوك الجرباية اجه علاء
كعد بصفي بإيده التلفون نبزته ...
زينب : علاء منو هذا الملازم رائد؟
علاء : هذا ابن اخو المسؤول جبير بجهاز مكافحة
الإرهاب والعائلتهم كلها ضباط كبارية و
صديق اخوي جلال
زينب : ماشاءالله عائلة كلها ضباط
علاء : اي
زينب : جاي اتخيل شكله اجلح املح ضعيفون
شواربه داخلات بحلكه وايععع
علاء : هاي شبيج !
زينب : تخيلت رائد من اسمه يلعب سبع ارواح
علاء : انتظري خل اشوفج شكله عود كولي
خوش يلعب سبع ارواح
زينب : بلا شوفني شكله
طلع التلفون صار يقلب بي شوفني صورة ضابط لابس كله أسود ضخم كلش ومعضل اسمر حنطاوي شوارب اخفاف
مو مثل ماتخيلته أني طلع خوش ولد
وصاك بس مانجذبت له أبد...
علاء : هاا بقيتي فاكة حلكج ههههه
زينب : هذا هو ؟!
علاء : اي بوكس واحد منه يدخلج
عدل الوادي السلام هههه
زينب : اوووي هاي منو تقبل تزوج هيج واحد ضخم باع عضله من عضلات ايده امتن من خصري شطوله
بطول الباب لا واطول
علاء : واكع بإيدج
زينب : ويععع لعبان نفس والقرآن هذا شنو
علاء : البنات يكيفن يشوفن هيج خلقة ضابط وكذا وأنتِ ويععع ماويعع كومي ام الكوريين بلا شحبيتي بهذا
الكوري ماعرف شنو اسمه اشو جنه
بت جلال نانا من نلبسها طوق بشعرها
علاء : البنات يكيفن يشوفن هيج خلقة ضابط وكذا وأنتِ ويععع ماويعع كومي ام الكوريين بلا شحبيتي بهذا
الكوري ماعرف شنو اسمه اشو جنه
زينب : انجب ماقبل تحجي على حبيبي دونغهي
علاء : دنجبي ام دودي
زينب : دودي شنو اسمه دونغهي دونغهي
علاء : من امداج ومداه
خله وطلع سد الباب وراه نزعت الحجاب وتمددت بالفراش هذولة شبيهم مايعجبهم الكوري لعندي وخابصيني خبص بالملازم رائد شوف شعبالك عدهم رائد
مسك " رحت لبيت خالي ابو فياض الوحدي بيته بصف بيتنا بس افتح الباب بوجهي باب بيت خالي والمفاجأة المو
حلوة الي ام سيرين موجودة وسيرين هم
سلمت منو وره خشمي وطلعت بالمطبخ كعدت يم بنات فياض درت وجهي على الباب بعد ماسمعت صوت
سيرين الافعى المچلچلة
سيرين : فدوة رحت لجن ممكن تطلعن وتعوفني
لوحدي يم مسوكة
كامن البنات بسرعة وطلعوا من الباب الثاني للمطبخ على الحديقة وعافوا الباب مفتوح راحت سيرين سدت الباب واجت ناحيتي أني كاعدة بمكاني فوك
الكرسي وباوعلها بعصبيه تذكرت شكالتلي كالتلي هي وقاسم على علاقة وقاسم اخذني علمود يرضي اهله وهو
يحبها الها وراح يزوجها فوكي
_ هالايام سم الحياية كثران عدنا !
_سمكم على كدكم لا تطلعوا على غيركم
_ سمكم لو سمنا ست الحسن والجمال !
_سمنا ابيض شفاف مايأذي مثل سمكم اسود
جيرة يسمم ويقتل بالمكان
_سمكم على كدكم لا تطلعوا على غيركم
_هه
سحبت الكرسي الكدامي وكعدت خلت رجل فوك رجل تباوعلي وتخزر بي من ودها تشرب من دمي لو
تاكلني أكل من نظرات عيونها
_اخذتي مني يالحية الصفرة
_عفوا حبيبتي ماخذت احد منج
_اخذتي حب حياتي اخذتي حب طفولتي قاسم يالساقطة
_والله ماكو غيرج أنتِ الساقطة
_راح اكوم اشك حلكج
_جربي وشوفي حلك منو ينشك
_ادبسززز
_ماكو غيرج أنتِ الادبسزز
_لزمي حدج
_الزمي حدج بالاول يلا تنصحيني الزم حدي اللي ماعدها احد على نفسها وكل حدودها سفرتحي
_عليمن سفرتحي بت الفكر
_وعاد اليسمع أنتِ بت العز والدلال خلف الله على امج اخذت ورث اهلها وبنت بي بيت وشترت محل لابوج
وطلعتكم من الفكر الجنتوا بي
_ على اقل طلعنا مو مثلكم بقيتوا خايسين بي
_الحمدالله والشكر على كل حال قابلين بالي كتبه النه الله ونبوس ايدينه ونخليها على اكصصنه اكثر من مرة باليوم على كوله ابوي احنا عدنا وارد قليل يوكلنا ويشربنه احسن من غيرنه تتحسر على للكمة الخبز
_صارت تفلسف براسي بت الفكر
_دكافي بت القندرة جلبتي بت الفكر وبت الفكر لا والله ماكو غيرج بت الفكر ناقصج اخلاق واخلاقج فكر فكر
فكر افتهمتي لو لا
_مسك راح اكوم اشك حلكج وحلك الخلفوج افتهمتي
_ اي مو ناقصني ايدين ورجلين اخلي حاروشة الزلم
تشك حلكي وحلك الخلفوني
_ساقطة
كامت دفعت الكرسي قوي بايدها واجت لعندي كمت بسرعة متحلفة بيها من زمان والله ولكيتها من الله هي البدت قبل لا تقترب الي صاح خالي من باب المطبخ
ابو فياض : اصواتجن واصله الراس الشارع كصرن حسجن
مسك : خالي هي السبب طلعت صوتي وخلتك تجي
سيرين : لا والله خالي هي السبب
مسك : وغلات امي وابوي هي اجت لعندي تتعارك
سيرين : لتجذبين أنتِ اجيتي تتعاركين
مسك : لو أني اجيت اتعارك ماجيت بالمطبخ جان طلعت وتعاركت وياج يم امج مو أنتِ اجيتي وطلبتي من البنات يطلعون علمود تتعاركين وياي
سيرين : صح اجيت احجي وياج بس مو اتعارك
مسك : الله ياخذج شكد جذابة
ابو فياض : كافي اسكتوا سيرين اطلعي بره
وأنتِ لحكيني للغرفة بسرعة
مسك : ماشي خالي
سيرين طلعت بره تضحك من بين عيونها وأني دمعتي صارت على طرف ارموشي وكعوا دموعي بسرعة ماتحمل
حساسة كلش أقل زلة تطفر دمعتي
مسحت دموعي ومشيت وره خالي للغرفة دخل
ودخلت طلب مني اسد الباب
_سدي الباب وتعاي اكعدي هنا
_امم
سديت الباب ورحت كعدت يمه فوك الجرباية يباوعلي بملامح وجه عادية كلش وأني مثل المذلولة احس نفسي كدام
عبالك فعلاً افتعلت المشكلة بيني وبين سيرين
_امم
_ عركتجن على شنو جانت ؟
_علمود قاسم!
_شبي قاسم ؟
_ سيرين تحب قاسم وتتهمني أني بايكته منها
_شهل تخبيص مسك
_مو تخبيص خالي هاي الحقيقة سيرين تحب قاسم من أيام الطفولة وحتى قاسم يدري رائد يدري عمة سهاد وعمة ام
نزار تدري والكل تدري بهاي السالفة
_مسك تعرفين نفسج جاي تحجين ؟
_اي خالي اعرف نفسي جاي احجي واثقة من كلامي
لما واثقة منه ماحجيته الك
_ باوعلي لما أنتِ بت اختي الوحيدة وتربيتي مثل مايكول وثقت بيج وبكلامج لو غير وحدة كايلتلي هذا الكلام جان مالامت إلا نفسها افتهمتي
_ليش خالي تستر على الحقيقة فوك مايكشفوها الك
_هاي حقيقة تهجم بيوت وتكتل زلم مشوربة وتشوه سمع بنات الناس وتذبج بنات افتهمتي
_افهم خالي بس شيسون بالبنية اللي اذنها مدودية مثل الچلب على زلمة غيرها قاسم زلمتي وماقبل وحدة مثل سيرين تخلي عينها عليه وتكلي بكتي مني
والله والسمه الله بس تجيني مرة ثانية وتحجي بكيفها إلا اشهرها بيت العرب كلها واخلي سيرتها
على كل السان تصير
_صدك ولج تشوهين سمعت بت عمتج
_ مو بس اشوف سمعتها واكلها اكل بسنوني هالبربوك
_ والله وطلعتي مو هينة مسوكة
_من حقي اضوج واعصب خالي قاسم زلمتي قاسم رجالي شلون اقبلها تجيني وحدة وتكلي احبه واريده من زمان وانتِ بكتي مني كلي أني عوبة لو بي نقص علمود تجي وحدة
مثلها وتحجي وياي هذا الحجي ..
قاسم اختارني الي ماختارها ولا اختار غيرها وعيب عليها تجي وتحجي بكيفها بعد ماتزوجني الي هي اللي تريد
تفضح نفسها بنفسها مو أني خالي
_شلون تفضح نفسها ؟!
_خالي لو صدك ماتريد الفضيحة وتريد السترجان سكتت ومجابت طاري هي تحب قاسم وتريده بعد ماتزوج اشو
هي من تزوج انجلبت وصارت تدور ثارات
هي واخواتها وتريدني اطلق وتجي بمكاني تريد
_ راح تزوج
_سيرين !
_اي امها اجت وكالتلي اسألي على فلان ولد جايها خطابة
_والله
_قابل اضحك عليج خالي
_منو هذا ؟
_واحد من الموصل يداوم وياها بالجامعة
_هاا
_اي وكتلها اسأل واردلج الخبر
_عسها كلعة
_ليش خالي ليش
_اموت منها بالقران
_هيج تحبين قويسم
_شعندي غيره خالي غير رجلي
_مو جنتي ماتردينه
_جنت ماريده هسة اريده وماقبل وحدة تباوعله غيري
_ عمي قويسم مالتج الج بس اسكتي وخل
احجي وياج بالموضوع
_ياموضوع ؟!
_موضوع الخلفة
_ عمي قويسم مالتج الج بس اسكتي وخل
احجي وياج بالموضوع
_خلفة ؟
_اي صارلكم هواي من تزوجتوا ولحد هسة ماكو خلفة
_رزق من ربك والله مكاتب النه نرزق بالخلفة هسة
_ونعم بالله .. بس لازم ترحين دكتورة تكشف
عليج اخاف عندج الالتهاب
_مستعجل على الخلفة خالي اكثر من عدنا
_ والله ياخالي المرة والرجل من يزوجون يشنتظرون وره الزواج غير الخلفة والجهال وانتو صارلكم هواي والعالم
صارت تحجي أشكال الألوان وأنتِ بنيتي
قبل لا تصيرين بت اختي واريدج تستعجلين بموضوع الخلفة وترحين الدكتورة شاطرة باقرب وكت
_خالي سامع شي
_ مو إلا سامع شي خالي لازم تخلفين طفل طفلين
_الله كريم خالي بس هو يبقى رزق
_ سامعة بالمقولة تكول " اسعى يا عبد وانا اسعى معاك
وانتو ماجاي تسعون للخلفة اسعو علمود الله
يقدر تعبكم وينطيكم الخلفة
_ خالي جاي احس صاير شي ؟
_لا خالي ماكو شي بس اريد اشوف خلفتج
_الله كريم خالي تشوفهم وتمل منهن
_الله كريم
وره شوي اجت عمة ام فياض تسأل على موضوع العركة بيني وبين سيرين لأن سامعات الصياح والعياط مالتنا بالمطبخ ورايدات يجن لعدنا وخالي مامخليهن
المهم وره فترة رجعت للبيت بالليل وره العشة طلعت
بالصدفة سمعت ام سارة تحجي
بالتلفون وتكول ...
_ اي والله لحد هسة ماكو خلفة اشك طالعة
على ابن عمتها ماتخلف ... اي واضحة كلش ماتخلف صارلها هواي عمة تسأل قاسم .. اي يكوللها ماريد خلفة هسة
..يجذب مايريد يقهرها ...
اي والله هذا اختياره شنسويله مو كتل نفسه عليها خوب جبتله بت عمتي وبت خالتي وفلانة وفلانة كلهن
مارادهن وارد مسك بت الفكر العاقر
متت من القهر من سمعت كلامها حالها من حال سيرين وامها هم تفكر مثلهم وتحجي علية بت الفكر وبت الفكر خليت وصعدت فوك بغرفتي ميته من القهر
احس قلبي راح يتكطع من القهر كمت ابجي بيني وبين نفسي ترى مصارلنا هواي من تزوجنا وكلها تدور خلفة والخلفة
بيد ربك هو اليرزق الإنسان بالذرية قابل
أني بايدي اخلف وماخلف ...
شبعت بجي من كيفي وكمت بدلت ولفيت راسي اريد انام ماكدر كلام ام سارة يضرب بمسامعي حسيت على قاسم
اجه للغرفة فتح الباب وصاح باسمي
أني بايدي اخلف وماخلف ...
_ مسوكتي ... نايمة
سديت عيوني قوي وسويت نفسي نايمة اسمع خطواته بالغرفة راح فات للحام وراها طلع فتح الكنتور وطفى
الضوه واجه نام وراي اقترب لعندي
وجرني الحضنه حضني من وره ظهري قوي ودفن راسه باركبتي باس ركبتي بخفه وراها رفع راسه عن
اركبتي وبقى بس حاضني
قاسم هواي يحبني ومتعلق بي واني هم يوم بعد يوم جاي احبه اكثر واكثر واتعلق بي اكثر من اليوم القبله المهم
ثاني يوم الصبح شوي احسن صرت
وره ماكملت شغلي بالبيت صعدت فوك بالغرفة قاسم كاعد فوك الجرباية يقلب بالتلفون رحت يمه كعدت ابتسم وعاف التلفون من ايده وخلاه فوك تاج الجرباية
وجرني الحضنه ...
_شبيها مسوكتي ؟
_مابي
_مو على بعض
_تعبانة من الشغل
_ليش تشتغلين هواي
_مو ام سارة عدها جهال وام ادريس هم عدها
جهال ومايلحكون على شغل البيت
وأني ماعندي جهال
_وماعندج جهال تموتين روحج بعد لا تشتغلين بدالهن
خل كل وحدة تشتغل شغلها ترى يستغلون
ويذبون كل الشغل براسج
_افففف
_جهزي نفسج العصر نروح لبيت اهلج
_ماروح
_ليش ؟
_اريد اروح للدكتورة
_يوجعج شي ؟
_توجعني الخلفة
_مسك مو كلتلج من البداية ماريد خلفة اريد اكضي وياج وقت حلو شلج بالجهال ودوخة الراس
دخلينا مرتاحين البال
_قاسم اريد جاهل يترس حضني
_يجي الجاهل بس مو هسة
_ليش ماتقبل
_مسك اترجاج سدي سيرة الخلفة مو وكتها هسة
_لعد شوكت وكتها
_خل يمر على زواجنه سنة سنتين تلاث اربع خمس مو من اول اشهر النه تدورين جهال وي الله تلحكين
على الجهال وجع الراس
_ماشي براحتك
قهري زاد اكثر من قاسم رفض روحتي على الدكتورة المهم سديت على السيرة والعصر اخذني البيت اهلي كلت لامي
على سالفة الخلفة ورفض قاسم اروح للدكتورة
كالت براحته زوجج مايريد هسة خلفة تونسوا
بحياتكم وتعرفوا على بعض اكثر شلكم
بالخلفة وجع الراس من هسة
_لا تاخذين بي علمود لا يأذيج
_ماكدر
_لا تكدرين كلما تسمعينهن يحجن اطلعي ورديهن لا تبقين ساكته كلما سكتي الهن زاد القال والقيل عليج وإذا
ماكدرتي تردين روحي كولي القاسم
_افففف
_مسك هواي متأثرة بكلام ام سارة
_اذتني يمة ماجنت متوقعة تطلع هيج حقيرة وتحجي عني والله العظيم لليوم بكلمة مامضايقتها وشتغل شغلها
اكول خطية عدها جهال ماتلحك للشغل
كل هذا ماوكف بعينها ...
_هذا بني ادم مايغزر بي
_اي والله
المهم مارجعنا إلا وره العشة وره يومين طلعت بره بالحديقة شفت قاسم ورائد كاعدين وي بعض بالحديقة ويضحكون
واحد يضرب ايد الثاني عبالك
مسوين إنجاز عظيم ستغربت حركاتهم دخلت جوه
يم عمتي رحت كعدت جانت تخابر
ماعرف منو وكالت...
ام نزار : بيها الخير والله فرحتلها بكد شعر راسي تستاهل كل الخير ايي ان شاءالله نجي اني وابو نزار والولد
شلون نعوفكم بهيج يوم حلو
نهت الإتصال أني اباوعلها والبنات كذالك ...
ام سارة : شكو عمة؟
ام نزار : سيرين راح يجونها خطابة باجر
العصر وامها تكول تعالوا
مسك : واخيراً
ام نزار : شبيج تحمستي !
ام سارة : خطية فرحانة للبنية
مسك : اي احبها أني خوش بنوته سيرين وتستاهل كل خير
ام نزار : اي تستاهل
الفرحة لبي مو طبيعية جانت واخيراً راح تزوج وتحل عني لأن الصراحة اخاف منها كلش مابيها امان وماتخاف من
قاسم ابد ولا من احد من هذا البيت غير رائد
ورائد ماموجود عدنا مرات يجي وأني استحي اكله عليها هيج وهيج تحجي وياي وتهدد اخاف ياخذ نظره سيئة
عني وعلى قاسم مابي فائدة ماكدر
يردع سيرين وجماعتها .
المغرب دخل قاسم فرحان يباوعلي ويضحك وأني كذلك اباوعله واضحك من الفرحة البي سيرين
راح تزوج وتحل عنه
المهم مر اسبوع كامل وسيرين انخطبت الواحد غريب من الموصل خلصت منها وكالوا خلال شهر يزفون وقاسم
لتحق للجيش كلت اروح لبيت اهلي
نزلت كلت العمتي ماقبلت رفضت روحتي لبيت اهلي مايقبلون مره تطلع الوحدها حتلوه البيت اهلها إلا زوجها ياخذها ويوديها حتى حماها لو عمها لو عمتها ممنوع
يودونها إلا زوجها
انقهرت كلش ام سارة تباوعلي صفح وتضحك بينها وبين نفسها ام ادريس لا بالعكس حبابة كلش اجت كعدت
يمي بالمطبخ وتنصح بي وتعلمني
على اطباع عمتي عمتي ماتحب احد يكسر كلمتها
وكلمتها هي الماشية بهذا البيت ...
رائد اباوع القاسم ضايج ماعرف شبي .. واحنا عدنا طلعة اليوم لفلان فوج واكف بصف السيارة بايده التلفون
والجكارة صفح بحلكه اقتربت منه
_ ضايج شبيك؟
_كالعادة مشاكل الچنة والعمه ماتخلص
_شصاير ؟
_مسك تريد تروح البيت اهلها وامي رافضه هي
لاحة بالكلام وامي مرزلتها
_بسيطة
_يابسيطة هاي تعرف امي اعصاب وتتخبل اذا
احد كسر بكلامها ومسك معاندة
_بسيطة
_انطوها حقها بعدها جديدة وماتعرف
المفروض تقبل تروح البيت اهلها
_شبيدي رائد أني ماريد تصير حزازية بيناتهن كلت لامي امي كالتلي لو بإيدي اخليها تروح بس الچناين يغارن وتصير مشاكل بالبيت وكثرة المشاكل تهجم البيت .
_ اتصل بمسك وفهمها امك مو قصدها تمنعها من
بيت اهلها ماتريد تجيب المشاكل للبيت
_ الله كريم
طلع عمي والضباط الكبارية ويا الكل صعدت بالسيارة
صعدت بالصدر وياي المقدم حرك السيارة الجندي
طول الطريق عيوني على الشارع
دخلنا نص السوك لمحت زينب واخو جلال علاء وبت جلال الصغيرونه دخلوا محل حلويات شفت الفوج وكف ماعرف ليش يمكن نزلوا ياخذون شي شياتين
راسن فتحت الباب السيارة ...
وين ملازم رائد
رائد : جوعان سيدي اشتري شي
اسد جوعي بي تعالوا وياي
المقدم : جيبلي وياك شي اكله اشو هم جعت
رائد : صار تدلل سيدي
نزلت نزلوا وياي اربع جنود دخلنا نفس المحل نفخت
نفسي سلمت بصوت عالي اريد افززها ...
رائد : السلام عليكم
ابو المحل ارتبك ...
وعليكم السلام تفضل سيدي
باوعتلها باوعت علينا وخنست راسن طبكت على صفحة والبنية خافت حضنتها من رجليها علاء عرفني.
ابتسم واجه سلم .
علاء : اهلا واسهلا بيك سيدي
رائد : هلأ بيك علاوي شلون شخبارك ... اشتروا أنتو
هذا وهذا وهذا اخذوهن
علاء : الحمدالله وأنت
رائد : على الله ماعندك جبس ليز
ابو المحل : لا والله سيدي جان باقي واحد واخذته البنية
باوعت على زينب مرعوبة مدنكة راسها للكاع بت جلال حاضنتها تخاف منه حقها تخاف كلها لابسه اسود ومسلحة الشباب صاروا ياخذون موطات وشرابت باردة
حبيت اضوجها لأن ماردت علية أبد قتربت منها وجريت جيس الجبس من ايدها حيل راسن فزت
وعاطت بت جلال
رائد : مراح تمانع إذا اخذته مو صح علاء
علاء: اي نانا لتبجين هذا عمو
بقيت اباوعلها كعدت بالكاع حضنت بت جلال وتهدي بيها هي هم مثلها مرعوبة وخايفة ابتسمت رحت اخذت مصاصة وكعدت وره البنية قريب من زينب
من شافتني فزت وكعدت بالكاع بخوف ...
هاج عمو هاي المصاصة
البنية عاطت مرة اللخ وحضنت زينب كل قوتها كمت اضحك
ههههه ادري شايفة وحوش مفترسة هاج
انطيها لها وسكتيها .
بقت تباوعلي مصدومة فتحت ايدها وخليت
بيها المصاصة وكمت...
رائد :علاء دير بالك عليهن خطية
خايفات ههههه يلا كملتوا
ابو المحل :الحساب علينا سيدي
رائد : لا مايصير هذا باب رزقك هاك والباقي لعلاء والبنات
علاء :مايصير سيدي احنا ندفع لا تكلف نفسك
رائد : لا تكلفة ولاشي سعر الجبس هذا وحقكم هههه
علاء : الجبس بالف والباقي ٨ ألف
رائد : الجبس غالي صار ههههه ... يلا
باوعتلها كاعدة وحاضنه بت جلال وتباوعلي بخوف شفايفها الحلوات يرجفون مادريت أني هيج اخوف هههه غمزت لها عين راسن دنكت راسها طلعت اضحك
عدل للسيارة بقيت اكل جبس واضحك واخيراً شفتها عن قرب ولمست ايدها رجعت شميت ايدي بيها ريحتها خليتها بالي زينب خليتها اوصل لها اوصل .
زينب "رحت وي علاء وبت جلال نشتري العصر متعودة اشتري أني وبيت خالتي بنص السوك صاير دخلت محل اشتريت جبس ليز جان بس واحد باقي
ودفعت الحساب علاء دا يشتري شرابت وكرزات دخلوا جنود كلها لابسه أسود اثنين لابسين أقنعة والملازم شكبره وشكده لابس أسود مسدس بفخذ رجله مخلي
اول مرة اشوف جنود بهل الضخامة ..... وقريبين مني لهاي الدرجة متتت بدمي راسن طبكت صفحة بت جلال نانا حضنتني هم خافت منهم
سلم عليه علاء من كال رائد تذكرت ..... الملازم رائد صديق جلال عقلي وكف من شفته بالواقع هذا اضخم من الصور وشكله يرعب ويخوف
بس ماردت ابجي من سحب ... جيس الجبس مني بهيج لحظة ردت افقد الوعي نانا عاطت واني جنت كاعدة
وكعت بالكاع سحبته جانت قوية كلش
حضنت نانا هي تبجي واني دموع بطرف ..... اعيوني صاروا صوته عبالك رعيدة وترعد خشن كلش فزيت من كعد كدامي وره ظهر نانا بيده مصاصة
قريب كلش مني جان في حيث أنفاسه تضرب بوجي بقيت مصدومة جر كف ايدي وخله بي مصاصة وكام يضحك
قطرة دم مابقت بي بهذيج لحظة
لما طلعوا ردت روحي شوي جابلي علاء ماي شربت وشربت نانا بس تبجي اخذتها وطلعت بره اسكت بيها والرتل مالتهم بعده يفوت سيارات سود اشكالهم مرعبة
ضخمين لدرجة .
طلع علاء مشتري طول الطريق يضحك علية يكولي بس لا بلتي على روحج هههههههه
زينب : لو باقي اي سويتها اني ونانا سويه
علاء : خرب بيومج شبيج متي من الخوف نانا
طفلة صغيرة وانتِ مرة جبيرة
زينب : شفت شكولهم تخوف ضخمين كلش اصواتهم
خشنه وهذا الملازم يخوف كلش
علاء : شدعوة زينب هو إنسان حاله من حالنا خفتن من السلاح ولبسهم الاسود مو صح
زينب : اي والله هو هم شكله يخوف
علاء : هههههههه
زينب : كافي علاء تضحك والله لهساني خايفة
علاء : واخيراً لكينه واحد يخوف ام الكوريين ههههه
زينب: انجب يمة قلبي بس لا يوقف ااافففف اااففف
علاء :هاج شيلي الاغراض وانطيني نانا راح تتخربطين ههه
انطيته نانا وشلت الأغراض رجعنا على البيت اسولف الخالتي ومرت جلال فردوس خربوا ضحك علية وكالوا هذا
الولد ماكل وشارب بيتنا وحاظر اعراسنا
الولد خوش ولد وهاي هم عائلتهم اغلبيتها ضخمه وحلوين
رحت بغرفتي بعده حيلي يرجف من الخوف تذكرت غمزلي عين وضحك ضحكه مستفزة
ضجت هنا ...
غمزلي عين الوحش اني اعلمه ... انجبي شتعلمين اكعدي راحة نفخه منه يوديني للمقبرة يمة هذا منو تقبل تزوجه
واني اكول ليش مامتزوج لحد الآن
لأن محد تقبل بهيج واحد منو جايزة من روحها تاخذ هيج واحد انوب ضابط وضخم ويععع شكد اكره هيج زلم
عمي خلاف الكوريين كل الزلم هيج
نعومة وكياته وجمال ياربي .
بالليل نايمة بفراشي .... والتلفون بإيدي اقلب يوتيوب على الكوريين اجاني إشعار على تيليكرام دخلت بسرعة
رسالة من رقم مجهول الهوية حتى اسم
ماكو مخلي فقط حرف R ونجمة استغربت كاتب ...
شلونج خوما بعدج خايفة ؟!
من قريت الرسالة زداد خوفي اكثر
رديت ...منو أنت؟
بسرعة صار يكتب ...
طمنيني عنج بالاول
_زينة هسه كلي منو أنت ومنين جبت رقمي ؟
_جبته وخلص دوم ان شاءالله زينة شطب ريحان
_شطب ريحان ؟ ...متحجي منو حظرتك
_ واحد معجب بشطب ريحان
_استغفرالله العظيم واتوب اليه كول منو انت وخلصني
_مو كلتلج معجب وحاب اتعرف عليج ونرتبط
_ واحد معجب بشطب ريحان
جريت خلك اجت بالي ماكو غير واحد من الجامعة واخذوا رقمي من البنات كلت خل استفزه شوي علمود
مرة الخ مايقترب مني .
_باع ياولد أني مرتبطة
_بمنو ؟
_بواحد يسواك ويسوى عشيرتك
_منو هذا بلا يسواني ويسوى عشيرتي؟ واني اكول ماعتقد اكو احد يكدر يسواني بهذا الكون كله علمود تكولين
يسوى عشيرتي شطب ريحان
_بواحد يسواك ويسوى عشيرتك
_هذا شجلب بالشطب ريحان ...
شنو انت فوك راسك ريشة ؟
_أني مو خفيف علمود اخلي فوك راسي ريشة أني ثكيل
وفوك راسي تاج من ذهب ومرصع بالالماس
_هههههه ثقتك بنفسك عالية
_طبعآ
_المهم حابه اكولك أني مرتبطة لا تتراسل بعد
وحذف رقمي رجاءً
_اي مكتيلي منو سعيد الحظ ؟
_انتظر لحظة هسه ادزلك صورته
دخلت استوديو بكل حذر اقلب بالصور مابي حيل ادز صورتي له وابتلي لكيت صورة دونغهي دزيتله انتظرت ترسل
الصورة وكتبت تحت الصورة
_هذا زوجي المستقبلي 
صار يكتب ...
صخله ام عداي جابها يمكم لا والحلو مرتبطة
بيها وتريد تزوجها ههههههه 
دخلت استوديو بكل حذر اقلب بالصور مابي حيل ادز صورتي له وابتلي لكيت صورة دونغهي دزيتله انتظرت ترسل
الصورة وكتبت تحت الصورة
