رواية عيون المها الفصل الثامن 8 بقلم ظل الياسمين
الناس نوعان شخصا لا تنسى فضله طول حياتك
وشخصا لا تنسى غدره ليوم مماتك
_بقيت عد بيت ام صلاح يومين واني على نار 
_كتله عمو اشوكت تبنيلي غرفه بحديقه جدو كام من مكانه وكالي تعالي نروح على عمتج يمن عمه العماهه
طبعا اني استحي اكل عدهم وهمه هواي بس اني لازكه لام صلاح وين ما تكعد اكعد يمهه
رحنه لخيريه وسمعنه اعياطه واصل لسابع جار على منو مندري
دكينه الباب ردنه ماكو اخر شي رجعنه وامرنه لله
_مهاوي عمو انتب مضايقه منه
_لا والله عمو انتم صاحبين فضل عليه وما اجازبكم لو شما اسوي بس ليمته ابقه يمكم هم الولد يردون ياخذون راحتهم خل ندك بعد فدوه عمو
_رجعنه وفلشنه الباب وهلمره طلعت
_خير شكو
_عمو/خير ليصيبج اريد انفذ اتفاقنه ونسوي لمها غرفه عافت الباب ودخلت وخلتنه وراهه كالت تعالي اريدج
رحت وراهه وعمو راح للحديقه يقيس ويفصل دخلت واني كلبي 
معصور هذا بيتنه هنا ذكرياتي هنا جدو هاي بيبي
معصور هذا بيتنه هنا ذكرياتي هنا جدو هاي بيبي دخلت لصاله مسويتهه مطبخ ومرتبته
كالت اكعدي مخليه قنفات خشب كعدت
_شوفي مها اني اريدج تعيشين ويانه ليش تبنين وتخربين الحديقه واني ما اقصر وياج الي ترديه ايصير
انته ليش هيج مبهذله روحج ولابسه اسود
_اني حزينه على بيبي واريد بس غرفه اسكن بيهه ما اريد ازحم احد عظم ابنادم ثكيل
_شوفي اني ما متعوده اعيد الحجي مرتين بس اذ انتي مصره براحتج
وخلي بابج لشارع حتى لا اشوفج ولا تشوفيني
كمت من يمهه ورحت لعمو ابو صلاح كال بابا مها اني اسطه قديم وراح ابلش ابنيلج بلوك على كد فلوسج
اني طلعت مبلغ وانطيته وهو يشرحلي لازم انفلش الحايط ولازم نبني هيج
ختمهه باجر اطلع الولد وياي وابدي اشتغل طلعنه من البيت ولمحت امجد
اخخخخ دنكدت وهو يسلم على عمو رحت ركض لبيتهم
بقيت اسبوع احس الجناين مضايقات مني رغم اني ادز اكل بيد الجهال من بره
وما كلفت احد
_صفنت مره كلت اذ خلصن افلوس بيبي شنو اسوي منين اكل
_خاله انتم اشلون مدبرين عيشتكم وانتم هواي
_الله الي مدبره حصه الغذائيه والطحين ينطوهه النه ونراوسه والولد يشتغلون عماله ويه ابوهم
_الله يرزقكم بجاه الحسين ع
_مها اكول انتي وبيبيتج ما عدكم حصه
_ما ادري
_يا ولج معقولة عاد بيبتج نادره
_والله هيه جانت متكفله عيشتنه
_خلص بس اروح لابو الحصه اخذج وياي
_اني بيبتي انطتني مستمسكات بلكي وياهن خل اشوف رحت ادور ولكيت قسيمه وجبتهه لام صلاح
_عاشت ايدج العصر نروح اني وياج ولو الحصه كلهه حصو بس تكفيج منا لمن الله يفرجهه
طلعنه العصر ورحنه لابو الغذائيه
_خويه حجي هاي حفيده حجي فلاح وعدهم يمك غذائيه
_باستغراب وين جنتو
_بيبتهه ماتت ومحد يراجع عليهه انطيهه الحصه مال كم شهر
_والله يم صلاح اني رجعتهه للمخازن لان محد يراجع عليهه خل تروح للدائره هناك وتسال بلكي تلكي الهم شي
_مشكور رحملله والديك
_عمو ملتهي بلبناء ومحد ياخذني كلت اروح لعمو سالم من الباب
دكيت الباب وطلع ابنه كتله عمو موجود
طبعا عمو سالم مو جبير اكبر مني بحدود ؛ 12سنه
واني واكفه بالباب شفت امجد وراي انخمش كلبي هذا شيريد
هذا شيريد طلع عمو سالم وجلب بيه الا تتفضلين
دخلت
_السلام عليكم
عمو رد وعليكم السلام
حجيتله السالفه كال سهله انطيني القسيمه واني اراجع واذ احتاجوج اجي اخذج وكام يسالني اسويتي ما سويتي
حجيتله بتفاصيل
وطلعت من يمهم دنيا غروب كال اوصلج
كام يمشي واني امشي وراه لمحت امجد يمشي ورانه استغفرت وضجت كلش شيريد مني
وصلت بيت ام صلاح ودكيت الباب وما احس الا واحد جرني حيل
_اشعدج ويه سالم ولو انتي متعوده يوميه ويه واحد
_صدك انته ما تستحي شتريد مني
_نسيتي البينه لو اذكرج
_استغفرت بغضب ودفعته حيل شوف البينه انتهى وانته ازوجت لا تصدكت اباوع لخلقتك افتهمت ولا تحاول تشوهه سمعتي
رحت اركض دكيت الباب قوي ودخلت فحطانه وكلبي يركض كبل رحت غسلت وتوضيت اريد اسيطر على نفسي ما اكدر كمت ابجي بحركه
_شافتني بتهم واجو عليه كلهم يابه شبيج شكو ليش تبجين كتلهم اذكرت بيبي
بليل ما نمت من كد القهر
ثاني يوم اجه عليه عمو سالم ورحنه سوه للغذائيه وهناك بصموني على استماره وسقطو بيبي وجدو من القسيمه وخلوهه بسمي رفعت راسي وتفاجئت شفت بنيه وياي بيام الاعداديه اداوم هناك
اجت سلمت عليه هيه لابسه ملابس انيقه ومرتبه واني بصايه السوده والحجاب الاسود استحيت من شكلي يمهه
_وصال/اشلونج مها
_الحمد لله انتي اشلونج اتعينتي هنا
_اي بابا يداوم بلمخازن تعينت بشهاده الاعداديه
_بيهه الخير شنو اخبار البنات الويانه
_كامت تعدد واني صافنه شهادتي مال الاعداديه ما استلمتهه ولا عرفت روحي ناجحه لو لا
لحد ما سالتني عن نسمه
_زينه الحمد لله
خلص عمو المعامله وطلعنه
_هاي البنيه تعرفيهه منين
_طالبه جانت وياي بلاعداديه
عمو تدري اني ما اعرف نتيجتي مال الاعداديه ولا ادري بيهه التهيت بيبي سوده عليه جانت تتمنه انجح
_امشينه اروح هسه بعد وكت للمدرسه ونشوفهه
هو يمشي سريع واني اركض وراهه
وصلنه دخلته للاداره وشفت المعاونه والمدرسه مالتي ورجعت ذكرياتي اشكد جنت مرتاحه واضحك بجال بيبي
طلعت السجلات وكالت ناجحه ومعدلهه 79%
_مبروك قدمي للكليه صارلج سنه تاركه والتسهيل من رب العالمين
_خلي استقر بلاول يلله افكر بلكليه
_رجعنه ولكينه العالم مخبوصه اباب بيت ام صلاح
_شكو هاي الهوسه
_ام صلاح/مها خاله عمج والولد كرفوهم الامن وما نعرف ليش 
انني لعنه على كل من يقترب مني ويساعدني هل للقدر دور ام للحكايه بقيه
دمتم في امان الله
التاسع من هنا
