رواية عيون المها الفصل الرابع 4 بقلم ظل الياسمين
في الحب الاول جذوه من الشوق لا تنطفئ الا برؤيه الحبيب
اندكت الباب وطلعت صحت منو كالت اني فتحت الباب وطلعت بنيه مرتبه كالت عيوني اريد ثلج احنه جيرانكم الجدد
درت وجهي لكيت بيبي وراي كل الهله بيكم عيوني عذرينه ما ندري بيكم اشوكت شلتو كالت البارحه وتدرين بهوسه الشيله رحت جبتلهه قواطي ثلج وانطيته وراحت
وثاني يوم بيبي سوت صينيه وكالت بيبي وديهه لجيرانه الجدد هذا واجب والله والنبي وصه بسابع جار
دكيت الباب طلعت البنيه نفسهه اخذت الصينيه وتشكرت مني
وره شهر تقريبا اجت البنيه كعدت يم بيبي تعرفهه على نفسهه همه جايين من العرب
وامهه وابوهه ناس فقره وعددهم هواي اربع بنات وخمس ولد وابوهم وامهم ما شاء الله
والولد الجبير مزوج وعده بنات بعمري وكامت اتعدد وتنطي اسماء وبيبي تكول ماشاء الله اخر شي كالت انتم هذا البيت بس انتم بيه بيبي انتبهت عليهه تباوع بحسد ما جاوبتهه كالتهه صلي على محمد وال محمد
بهاي الاثناء اجت ام صلاح
-اشلونج حجيه ترحين لزياره ويانه اكو ريم كل خميس تروح لابو عبد الله
_اي والله محتاجين ازياره
_انشالله باجر ساعه وحده الكاجن جاهزات
_بشرى/ اشكد الكروه خلي اكل الاهلي اروح وياكم
_ام صلاح/كل الهله بيكم اي واحد يريد يسجل خلي ينطينه خبر
طلعنه لكربله وهنا اول مره اشوف شاب مرتب يضحك ودمه خفيف وياه ابوه رجال شايب واخوه
كالت ام صلاح ذولي الجدد
اباوعله
شكله كلش حلو وهادئ ومرتب كلما يكوم اصير عينه على جهتنه ويركز
صار كلبي 
يدك كلما ايكوم ويباوع
يدك كلما ايكوم ويباوع سالت نفسي اني ليش هيج كلبي يدك مره سمعت صاحبتي تكول حب من اول نضره
بس هو ليش يباوع لجهتنه اويلي يابه السياره كل شويه تعطل وننزل
واني كلبي طاير بيه اتمنه ما نوصل
بيبي حست كالت اكو شي بيج شي اني استحيت لان حست اني فرحانه
وصلنه ونزلنه الاكل وكربله ازدحام فطرنه وكملنه ورحنه زياره اجينه لكيناهم مجمعيين كالت لابوه حجي فطرتو كالهه اذ عدج لكمه انطينه بيبي استغربت
فتحت العلاكه كامت تخليلهم وهمه ياكلون كالت بثواب الامام
صعدنه واهنا اكو بنيه كاعده بلكرسي الكدامنه على الجهه الثانيه اني اعرفهه وياي بلمدرسه اسمهه شيماء
اباوع الولد يباوعلهه وهيه تباوعله ويضحكون شكد ما جنت فرحانه انطفت فرحتي لان البنيه حلوه
رجعنه واني كل شويه اباوع بلمرايه عيوني كبار وبشرتي حنطاويه وشكلي مقبول واقارن نفسي بهاي البنيه الحلوه
بيبي حست وكامت تحجي وياي بدين ورضه الله استحيت وخجلت
