رواية عائلة آخر جنان الفصل الخامس والثلاثون 35 والاخير بقلم مروة طارق
عائلة .. آخر جنان
---- الحلقة الخامسة والثلاثون والاخيرة ----
لايك قبل القراءة 
و كومنت بعدها 
- - - - - - - - - - - - - - - - - - - - - -
سمر تروح تقابل واحد يديها ورق ويسيبها ويمشي ........... تاخد الورق وتطلع تقعد في كافيه وتعد تقرا فيه وتبتسم اووووووووووووووووي
*************************************************************
سلمى تطلع تجري من مكتب معاذ وهي بتعيط وماسكة رقبتها .........
سلمى : انا ..... انا يتعمل فيا كده لكن اقول ايه انا اللى مرمت نفسي معاه والاسم بحبه انا اللى غلطانة اني عايزة ارجعله تاني كان لازم افضل زي ما انا ولا حب ولا زفت انا جريت ورا الفلوس وبعت معاذ بقلبي كان ايه اللى خلاني ارجعله تاني انا اللى غلطانة .... اناااااااااااااااااااا اللللللللللللللللللى غلطااااااااااااااااااااانة
********************************************************
مهند خبط على اوضة مروة ......... مروة قامت فتحتله ...........
مهند : ايه ده الجميل ماله عامل كده ليه
مروة : عايزني اعمل ايه يعني ؟
مهند : مالك يا بت
مروة : مليش
مهند : طيب قومي البسي
مروة : ليه ؟
مهند:هنخرج
مروة : هنروح فين ؟
مهند : اي حتة
مروة : لا بلاش يا مهند مليش مزاج
مهند : بت قومي البسي انا مستنيكي تحت يلااااااااااااااااااااا
ويخرج مهند من الاوضة ............
مروة : اوووووووووووووف مليش مزاج
**********************************************************
معاذ بيقف قدام الفيلا ويدخل ويقف في الجنينة قدام بلكونة سهر ...............
معاذ بصوت عالى : سسسسسسسههههههههههههههههههههههههر .......... سسسسسسسسسسهههههههههههههههر ....... سهر ردي عليا انا عارف انك فوق .........ردي قليلي اي حاجة بس انا محتاج اشوفك ............ ارجوكي ردي .......زردي قولى انك حتى مش مسمحاني مش مهم ......... بس خليني اشوفك واطمن عليكي ...... سهر ردي
معاذ ميلاقيش رد يقعد على الارض ويعيط بحرقة جامدة ................
فجأة يحس ان في حد واقف وراه ............ يبص يلاقيها سهر ...........
سهر تبص لحالة معاذ حاسة انها متعرفهوش ..... شكله متغير وتعبان اوي .........قلبها وجعها اوي لما شافته بالمنظر ده ...........
معاذ : سهر
وقام وقف قدامها .......... فضلوا باصين لبعض والعنين اتلاقت اخيرا ........
سهر لنفسها : يااااااااااااااه يا معاذ واحشني اوي واحشني جدا ....... قلبي واجعني على منظرك اكتر ماهو موجوع بالجرح ....... ليه عامل في نفسك كده ؟ ......
معاذ لنفسه : لو قعدت اتملى في جمالك لأخر يوم في عمري عيني مش هتشبع منك ابدا ........... بحبك اوي يا سهر عمري ما تخيلت احب حد كده وكأني عمري ما حبيت قبل كده .......... فعلا انا محبتش قبل كده ....... انا ليكي انتى وبس ومش لغيرك عمري ......... جمالك ملهوش حدود .......... وحشتيني ......... سامحيني ....... ده انتى حتة مني .....
معاذ بيبتدي يتكلم مع سهر : انا ..... انا ....هتجنن انا حقيقي مش عارف ازاي ده حصل ؟ او ليه حصل ؟ بس كل اللى اعرفه اني معملتش حاجة وانا قاصدها يعني كل حاجة حصلت فأنا كنت مجبور عليها .... واي حاجة مترتبة على اللى بيحصل ده هبقى بردو مجبور عليها ........ انا اسف ......... انا اسف يا احلى بنت في الدنيا دي كلها ممكن اي حد يقابلها ..... انا كنت مستني لما اشوفك اقولك سامحيني ونبتدي صفحة جديدة مع بعض ...... بس لما شوفتك افتكرت قد ايه انتى جميلة وقد ايه متستهليش اللى بيحصل ........ وقد ايه انا خسارة فيكي ............ وانتى هتفضلي حتة مني
معاذ كان لسة هيمشي ...........
سهر : معاذ
معاذ : نعم يا سهر
سهر : بغض النظر عن قرار اخواتي فأنا هسافر بعد عرض الازياء لشركتنا على طول .... انا ..... انا ... تصدق لو قلتلك اني مصدقة انك عملت كل حاجة غصب عنك .........انا مجروحة عشان كده بعدت .......... مش مجروحة من خيانة مثلا ........ انا مجروحة ان اول طفل ليك هيبقى من غيري ........ وان القدر لازم يجمع بينك وبين سلمى وهي اولى لانها بنت خالتك ولازم تصلح الغلطة دي معاها بغض النظر عن ان ده اسلوبها في الحياة انها تاخد اللى مش ليها وتطمع في اللى في ايد غيرها ....... بس انا مش هعرف اكون نمرة اتنين مش هعرف اكون زي اللى بتاخد واحد من واحدة تانية ......
معاذ : بس انتي مش بتاخديني من سلمى
سهر : بس باخدك من ابنك ......... روح حل مشكلة سلمى مع فريد واتجوزها في اسرع وقت
معاذ : انا ........
سهر : متقولش حاجة ......... انا هبقى كويسة ........ وانت هتبقى كويس ..... والدنيا تقريبا ماشية ........وانا كويسة اصلا عادي مش زعلانة .......
طلعت سهر تجري من قدام معاذ لما حست بخنقة وحست ان دموعها هتخونها قدامه ......... طلعت على اوضتها ودفنت راسها في المخدة واطلقت دموعها اللى كانت حايشاها............
معاذ طلع من الفيلا وفضل ماشي ومبقاش عارف هو رايح فين ؟
****************************************************
سلمى قاعدة في اوضتها بتحسبها مع نفسها ...............
سلمى : طيب معاذ وكل ما يشوفني يهب فيا ومش طايقني ولا طليق صوتي ولا سيرتي ...... هى عملاله ايه بنت ناهد عملاله عمل .......... طيب فريد وبيحب اختها ......... ومش راضي يديني حقي ........... ومينفعش اخلعه ساعتها هطلع من المولد بلا حمص .......... يعني انا قلت لو امه ماتت مش هيبقى مركز في اللى حواليه وهيطلقني على طول وقولت هيورثها وساعتها ملهوش حجة ........ لكن بنت ناهد مقوياه اوي ...........
وقعدت فكرت سلمى شوية مع نفسها لحد ما نامت .......................
********************************************************
مروة ومهند راحوا النادي ......................
مروة : انا عايزة اعرف في ايه انت عايزني في ايه ؟
مهند مش مركز مع مروة بيدور على حد ............ وشوية وقالها ......
مهند : ميرو اقعدي على الترابيزة دي وهروح اجيب حاجة واجي
مروة : حاجة ايه ؟ مهند تعالى هنا
لكن مهند يمشي ويسيبها ................
مروة : ايه العبط ده ؟
شوية ويجي حد من جنب مروة ..................
هاني : بصي من الاخر كده انا مش قادر اعيش من غيرك هتتجوزيني ولا لأ
مروة : نعم ؟ هو مهند جايبني عشان كده ؟
هاني : مش موضوعنا ؟ انا بسألك سؤال محدد
مروة : انت عايز تتجوزني انا
هاني : ايوة اومال امي
مروة : هاني انا ..... مش عارفة بص انا مش عارفة اقول ايه ؟
هاني : قولى احساسك انتى حاسة بايه من ناحيتي
مروة : انا كنت مستغرباك كنت فاكرة انك حاجة وانت طلعت حاجة تانية كنت فاكرة انك مقفل ومعقد .......... طلعت غير كده ........ ده غير اخواتك .....
هاني : يادي اخواتي انا مش هسمح لحد انه يأذيكي بكلمة
مروة : انت فاكرني خايفة على نفسي انا خايفة عليهم هما من كلامي انا وده هيسبب مشاكل وانا مبحبش المشاكل خالص
هاني : يعني مش موافقة ...... طيب فكري
مروة : سيبني افكر ماشي ..... وربنا يستر
***********************************************
تاني يوم .................
منار قاعدة دايما جنب اسلام بتقراله كتب واخر الاخبار وتتكلم معاه دايما ...........
مامة اسلام تدخل : ازيك يا منار يا بنتي عاملة ايه ؟
منار : الحمدلله يا طنط مالك انتى شكلك تعبانة اوي
مامة اسلام : وهتيجي منين الراحة يابنتي ربنا يقومك بالسلامة يا اسلام يابني
منار : يارب ........ طيب ممكن تدخلى ترتاحي في اوضتي شوية
مامة اسلام : لا خليني قاعدة مع اسلام شوية
منار : ماشي طيب خليكي قاعدة انا هروح بيتنا وهرجع على طول مش هتأخر
***********************************************************
سلمى قامت لبست طقم شيك اوي عندها وحطت ميك اب ......... ونزلت راحت لفريد ...........
دخلت سلمى ملقتش حد خالص ........ دخلت عالمكتب لقت فريد قاعد ومدي ضهره للباب والمكتب ..........
سلمى : فريد حبيبي وحشتني .....
فريد :....................
سلمى : انا عارفة اني غلطت فيك وجرحتك بس انا ندمانة اوي يا فريد
فريد : .................................
سلمى : فريد انا خلاص مش عايزة اتطلق انا اكتشفت اني مقدرش اعيش من غيرك
فريد : ..........................
سلمى : فريد انا حامل يا حبيبي اخيرا هنجيب ابننا اللى بنحلم بيه
ويلف الكرسي وتتفاجأ سلمى .................
سلمى بصدمة : سمر ؟
سمر : هو اللى في بطنك ده ابن مين معاذ ولا فريد ؟
سلمى : معاذ انتى مين قال كده ؟
سمر : انا مفيش حاجة تستخبي عني
سلمى : فريد فين ؟
سمر : مش قبل ما اعرف اللى في بطنك ده ابن مين ؟
سلمى : ابن فريد
سمر : طيب ومعاذ ؟
سلمى : انا محصلش حاجة بيني وبين معاذ اصلا ......... انا قلت كده لاني كنت عايزاه يرجعلى ويتجوزني ....... انتى قلتى حاجة لفريد ؟
سمر : لا طبعا انتى عايزاه يقتلك ؟
سلمى : ارجوكي ياسمر سيبيلى جوزي انا وابنه محتاجينه اوي ارجوكي متقليلوش حاجة عن اللعبة اللى انا عملتها وارجوكي ساعديني لحد ما ارجعله ارجوكي
سمر بسخرية : اه طبعا ...... طبعا هساعدك بس مش لما يكون في ابن لفريد اصلا
سلمى : انتى قصدك ايه ؟
سمر : تعرفي انا محدش يعرف عني ولا على علاقاتي حاجة خالص ولا يعرف انا ممكن اعمل ايه بالعلاقات دي بس انا رافضة اني ااذي بيها اي حد انا جمايلى مغرقة ناس كتير اوي يتمنوا انهم يساعدوني كلمت واحد ايطالى معرفتي بس هو مركز عالي اوي وقدر باتصالاته يجيبلى كل المعلومات المتاحة عنك حتي تاريخك الطبي تخيلى ؟
سلمى : وانا بعد ما سمعت لكك ده هستفيد ايه ؟
سمر : هتستفيدي انك مش حامل اصلا لانك عقيم مبتخلفيش
***************************************************
منار : انتى مجنونة يابت انتى يعني ايه انتى حاسة انك مشدوداله ومنين مش عايزة توافقى على طلبه
مروة : انا خايفة من فكرة الجواز نفسها انا لسة صغيرة وبعدين جواز ايه وخطوبة ايه وانا في السن ده
منار : هو قالك هيتجوزك بكرة وبعدين وافقى بشروطك
مروة : يعني ايه ؟
منار : انا معرفش انتى اللى تعرفي ........ وبعدين ماهو مطلعش معقد ولا نيلة يعني هتعيشي معاه حياتك تالت ومتلت
مروة : مش عارفة بقى انا مترددة جدا ومش عارفة اخد قرار
منار : عالعموم شوفي قلبك هيقولك ايه ؟
مروة : ماهو قلبي وعقلي محتارين وانا بحب احكم عقلي وانتى عارفة
منار : وازني ما بين الاتنين هترتاحي
مروة : ربنا يسهل
*******************************************************
ناهد وخالد قاعدين في الصالون ......... بيتكلموا مع بعض ...... لقوا الولاد كلهم نازلين ...... ماعدا سمر وسهر ...........
محمد : بابا .... ماما .... احنا عايزينكوا في موضوع .....
خالد : خير في ايه ؟ انا عارف احنا خلاص بنستعد للسفر بعد عرض الازياء بتاعكوا متقلقوش احنا لسة عند وعدنا ........
محمود : احم .... احم ....... هو احنا نازلين عشان كده بس مش عشان نسافر
خالد : اومال ايه ؟
منار : بابا احنا قررنا نقعد في مصر مش عايزين نسافر
ناهد : بجد ؟
مروة : ايوة يا ماما بجد
خالد : طيب ده رأيكم كلكم طيب فين سمر وسهر ؟
مهند : بص هي سمر مش ممانعة تقعد بس ........
خالد : بس ايه ؟
ناهد : المشكلة في سهر مش كده ؟ انا بردو حاسة انها متغيرة بقالها فترة
مروة : واحنا كمان ومش عارفين في ايه ؟
خالد : طيب انا مش هسيبها تسافر لوحدها
ناهد: اكيد مش هنمنعها
سهر تدخل من باب الفيلا .........ز تبصلهم وتفهم انهم بيبلغوا خالد وناهد بقرار عدم رجوعهم ........
سهر : بابا ممكن اتكلم مع حضرتك لوحدنا
****************************************************
سهر وخالد دخلو اوضة المكتب .........
سهر : انا لازم اسافر ...... انا عارفة انك مش هتسيبني اسافر لوحدي ارجوك يابابا متخافش عليا انت عارف ان انا شخصية مسئولة وعمري ما هعمل حاجة غلط فأرجوك يا بابا ............. انا لو مسافرتش هيجيلي انهيار عصبي ......... ولما اخف من اللى انا فيه ...... صدقني هرجع لوحدي
وابتدت سهر تعيط ............
خالد قام حضنها ...... وهو مش فاهم حاجة .........
خالد : انا مش عارف انتى مالك ؟ ولا فيكي ايه ؟ بس انا عمري ما شفت سهر اقوى ولادي بالمنظر ده ...... سافري يا بنتي انا واثق فيكي ........... بس هسيبك تسافري بشرط ..... توعديني انك تخلى بالك من نفسك
سهر : اوعدك يابابا اوعدك
****************************************************
سلمى : انتى بتقولى ايه ؟
سمر : تقرير دكتورة النسا اللى كنتي بتروحيلها اهو في ايدي متكدبيش
سلمى متقدرش تمسك نفسها تقعد على اقرب كرسي ............
سلمى : انتى عايزة مني ايه ؟
سمر : قتلتى هدي هانم ليه ؟
سلمى : انا مسمحلكيش
سمر : انتى تخرسي .... انتى اخر واحدة كنتي عندها ........ والله اعلم انتى قولتيلها حصل والازمة جاتلها وانتى لانك سريعة وصحتك ما شاء الله مساعداكي بعدتي عنها كل الوسائل اللى تساعدها انها تطلع من الازمة اللى جاتلها ......... بس انتى غبية لانك رجعتي كل حاجة في مكانها ماهو مش معقول الست مش هتمد ايدها تاخد ماسك الاكسجين ولا تاخد البخاخة اللى كانت جنبها عالسرير الا اذا كان حد منعها لانها لو مكنتش قادرة توصلهم كانوا هيبقوا واقعين عالارض جنبها او هتكون متحركة من مكانها مش مجرد نايمة ...... استنتاجي غلط ؟
سلمى كانت مستغربة جدا من كلام سمر ................
سلمى بارتباك واضح: انتى عرفتي الكلام ده ازاي ؟
سمر بابتسامة نصر : شوية تفكير وشوية معلومات وتوصلي لاستنتاجي ده
سلمى : وانتى عايزة ايه دلوقتي
سمر : مش عايزة حاجة
وفي اللحظة دي يدخل فريد من برة ويمسك سمر من شعرها ...........
فريد : عملتلك ايه عشان تعملى فيها كده عمرها ما غلطتت معاكي بكلمة يا حيوااااااااااااانة انتى متستحقيش تعيشي مع بني ادمين ابدا
سلمى : ملكش دعوة بيا سيبوني في حالى بقى سيبوني في حالى
فريد شدهامن شعرها عالمكتب .............
فريد : امضي
سلمى : امضي على ايه ؟
فريد : تنازل منك عن المؤخر يلا امضي
سلمى : مش همضي
فريد بيلوي دراعها : امضي بالزوق بدل ما تمضي بالعافية
وتقوم سمر تطلع كاميرا من فوق مكتبة الكتب ..........
سمر : كل حاجة اتصورت امضي بدل ما يدخلك السجن
تعيط سلمى وتمضي وهي مجبرة .........
سمر : انا هحتفظ بالشريط ده لان لازم سهر تشوفه
سلمى : انتى ايه يا شيخة انتى طلعتيلي منين انتى واخواتك
سمر بضحكة باردة : مش قولتلك نهايتك على ايدي انا
سلمي تطلع برة المكتب تجري وهي بتعيط ...........
*************************************************
سمر تطلع تجري لاختها في الفيلا ............... سمر تدخل عليها الاوضة تلاقيها بتحضر شنطتها ..........
سمر : انتى بتعملى ايه ؟
سهر : بحضر شنطتي
سمر : ليه ؟
سهر : هسافر بكرة بعد الديفيليه على طول
سمر : تقعد عالسرير .........
سمر : ليه يا سهر ؟ معاذ برئ معاذ معملش حاجة مع سلمى ده كان نايم زي ماهو قال وهي مش حامل اصلا
سهر : انتى بتقولى ايه ؟ ازاي وهو حكالى .........
سمر : حكالك ايه حكالك وقالك انه مش فاكر ايه اللى حصل
سهر : انا مش فاهمة حاجة
سمر : خدي السي دي ده وانتى تعرفي سلمى اللى انتى عايزة تدمري حياتك عشانها دي تبقى ايه تبقى ولا حاجة
سهر تاخد السي دي ............ وهي مش فاهمة حاجة ...........
*****************************************************
فريد يدخل على معاذ المكتب ..........
فريد : ايه ياعم مالك ؟
معاذ رفع راسه بس مش قادر يرفع عينه في معاذ ..........
فريد : انا طلقت سلمى
معاذ : ...........
فريد : سلمى مبتخلفش سلمى عقيم
معاذ انتبه : ايه بتقول ايه ؟
فريد : سلمى مش حامل
معاذ بفرحة : بجد ؟ بجد ؟ بس انت عرفت منين
فريد: انا عارف كل حاجة
معاذ وشه اتغير : عارف .........على فكرة انا..........
فريد : متقولش حاجة ....... سلمى للأسف اتبلت عليك ومحصلش حاجة بينكم انت فضلت نايم مش اكتر ........ وانا طلقتها خلاص وبلا رجعة
معاذ قام حضن فريد ..............
معاذ : انت متخيل انا عمري ما فكرت ابدا اني احبك كده في يوم من الايام
فريد : لا ده انت غصب عنك هتحبني مش هنبقى نسايب
معاذ : نسايب ؟
فريد: اه طبعا انا بكرة في العرض هطلب سمر من باباها
معاذ : الف مبروك ....بس سهر انا مش عارف هتسامحني ولا لأ
فريد : لازم تسامحك مادام طلعت برئ
معاذ : بس جواها جرح برده من اللى سلمى عملته
تليفون معاذ يرن ............
معاذ : الو ....... ايوة يا ماما ...... ايه بتقولى ايه ......... طيب وعايزاني اعمل ايه ؟ ........ لا انتى وخالتي قدها وقدود واي حاجة تخص سلمى انا مليش علاقة بيها ....... عن اذنك يا امي ...... سلام
فريد: في حاجة ؟
معاذ : سلمى جالها انهيار عصبي حاد والدكتور هيقعدها في مصحة نفسية لانها تقريبا فقدت عقلها
فريد : لاحول ولا قوة الا بالله
معاذ : مش مهم المهم انا هعمل ايه مع سهر دلوقتي
فريد: سمر راحت لسهر دلوقتي وزمانها حكتلها على كل حاجة
معاذ : انا خايف متسامحنيش
فريد : بص انا عندي فكرة هننفذها بكرة بس يلا نرتبها من دلوقتي
وقاموا الاتنين مع بعض ..............
****************************************************
سهر كل شوية تعيد وتزيد في الشريط عشان تتأكد ان سلمى قالت ان محصلش حاجة بينها وبين معاذ ......... بتحاول تكلمه بس في نفس الوقت مش عارفة لسه في جرح جواها ....
دخلت سهر لأختها ..........
سهر : سمر انتى نايمة
سمر تقوم تعدل نفسها : لا صاحية عايزة ايه ؟
سهر : انا هسافر
سمر : بردو ؟
سهر : انا هسافر عطلة او رحلة وهرجعع تاني بس محتاجة اغير جو
سمر : انتى حرة
سهر : انا مصدقة كل كلمة سلمى قالتها بس محتاجة وقت جرحي يلم
سمر : براحتك يا سهر وسيبيني انام ......... تصبحي على خير
سهر : تصبحي على خير
**********************************************
تاني يوم في الديفيليه ......... سهر متوترة جدا لان اول مرة بيتعرضلها ازياء ..........
في صالة العرض شغالة موسيقى هادية واضواء مريحة ..... محمود قاعد جنب مريم وبيضحكوا ويهزروا مع بعض ........ زيهم محمد ونورهان ......... مهند قاعد مع منة بيخططوا هيعملوا ايه السنة الجاية .......ناهد وخالد قاعدين جنب بعض ........... جه فريد قعد جنب خالد ..........
فريد : دكتور خالد انا عايز اطلب ايد سمر من حضرتك
خالد بفرحة : انا مش هلاقي احسن منك لبنتي بس ناخد رأيها
ناهد تنده على سمر ......... وسمر تيجي تقعد جنب ناهد .........
ناهد : فريد طلب ايدك من بابا وعايزين ناخد رأيك ؟
سمر بكسوف : اوك موافقة
خالد : مبروك يافريد
فريد : الله يبارك فيك يا عمي انا هبقى اجي اقعد مع حضرتك قاعدة نتكلم عن كل التفاصيل
واقف بعيد شوية مروة وهاني .........
هاني : يابنتي انتى تعبتيني معاكي بترددك ده
مروة : بص انا مبحبش الارتباط والجو ده اللى يقيد
هاني : عيب اوي انا بردو من الرجالة اللى تقيد وتخنق
مروة : ماهو جو الجواز والمسؤلية ده انا ماليش فيه.......... طيب استني لما اكمل 30 سنة ونتجوز
هاني : 30 سنة انتى تكملى 30 سنة وانا ...... اااااااااااه .... انتى بتتلككي ؟
مروة : لا والله
هاني : طيب انا عايزك تطمني متخافيش الجواز حلو والله مش وحش
مروة : طيب بص احنا نقرا فاتحة بسيطة دلوقتي وبعدين الخطوبة تيجي على مهلها خااااااااااالص اكون خلصت كلية ونتخطب على طول
هاني : اووووووووووووف
هاني يسيبها ويمشي .......... هو عامل نفسه هيمشي ............
مروة : هاني استني يا هاني رايح فين طيب خلاص وانا في الكلية نتخطب في سنة تانية كده ولا تالتة
********************************************************
يبتدي الديفليه ......... وتخرج عارضة ازياء ورا التانية كل الحضور مبهور باللى بيشوفوه من ازياء سهر فعلا ابدعت في ازيائها ............ سواء كان كاجوال او كلاسيك او سهرة او زفاف .......... خلص العرض وكل الناس تقريبا مقررين يتعاملوا مع الشركة اللى بهرتهم من او عرض ازياء ليها ............ خلص العرض وكان المفروض سهر تطلع تحيي الناس .......... طلعت سهر وجنبها كل العارضات ....... وفجأة الكهربا والنور قطعوا ............ حصل هرج في المكان وصوت بيطالب النا ميتحركوش لحد ما العطل يتصلح ...... 30 ثانية واشتغلت الشاشة اللى في وش الاستيدج اللى سهر واقفة عليه .......... بصورة كلام وبصوت معاذ بيقراه ...............
يا اجمل ملاك شافته عنيا في الدنيا ديا انا اسف
يا احلى بنت في العالم كله انا اسف
انا اسف سامحيني اوعدك ان حياتي وعمري هسخرهم بس ليكي لاسعادك وبس مليش شغلانة في الدنيا غير تحقيق رغباتك ما انتى في الاخر حتة مني .....
وينور النور وتلاقي سهر حد بيخبط على ضهرها ........ تبص تلاقيه معاذ ...........معاه اجمل بوكيه ورد ..........ويطلع علبة قطيفة من جيبه ...... ويحطها قدام سهر ...........
معاذ : تتجوزيني يا احلى سهر في الدنيا ؟
سهر عيونها مليانة بالدموع : اه
معاذ خدها في حضنه وفضل يلف بيها ........... وناهد بتعيط وكل الناس بتصقف ........
خالد بصوت عالى : وووووووووووووولد معاذ
معاذ : بقولك ايه انا هكتب كتابي كمان اسبوع موافق ؟
خالد : امري لله موافق وضحك خالد وتعالت اصواتهم في الضحك يخلص المشهد وكل الناس فرحانة ومبسوطة بالعرض الازياء مع عرض الجواز.......................
*******************************************************
تمر سنة مروة ومهند دخلو كلية هندسة مع بعض ......
ومنة دخلت فنون جميلة ........ هبة دخلت حقوق ...... سهر ومعاذ بقالهم سنة متجوزين ..... سلمى لسة قاعدة في المستشفي ...................... في المستشفي قاعدة منار مع اسلام اللى لسة مفاقش من الغيبوبة ...............
منار : بس يا سيدي وانا حاسة ان دانيال وهو صغير احلى بكتير وهو كبير في دور هاري بوتر بس ايما متألقة جدا في دور هرميوني بس سخافة انهم يعملوا الجزء الاخير من القصة على فيلمين .......... ولا توايلايت انا حاسة انه عادي روبرت متألق في دور ادوارد كولين مصاص الدماء الفظيع جدا بس كريستين حاساها مش بتمثل قد ماهي مندهشة في دور بيلا سوان مش عارفة .........
وتقوم منار تقف قدام الشباك ............
منار بتتكلم وهي مش باصة لاسلام : هتفوق امتى بقى انا تعبت يا اسلام انا تعبت بجد
يدخل مهند الاوضة ..........
منار : مهند في ايه ؟
مهند : سهر بتولد وجات تولد هنا
منار : بجد ربنا يقومها بالسلامة
مهند : انتى كويسة
منار : انا تعب........... انا كويسة متقلقش عليا
مهند : طيب تعالى نطلع
منار : اطلع انت وانا وراك
مهند : طيب مستنيكي
وطلع مهند وقفل الباب ..............
منار رجعت تبص من الشباك ..........
سمعت صوت وراها بيقول : بقي بتعاكسي مصاص الدماء وقدامي
منار مصدقتش اللى هي سمعاه ......
راحت تجري على اسلام ..........
منار : اسلام .... اسلام انت اللى كلمتني ...... كلمني تاني
اسلام بصوت ضعيف : ايوة
طلعت منار تجري على الدكاترة .......طلعت تجري تنده باباها اللى كان واقف مع سهر ....... وسهر عمالة تصرخ بصوت عالى .....
منار : بابا تعالى معايا حالا
سهر : لااااااااااااااااااا بابا متسيبنيش
منار : يابابا اسلام فاق لازم تيجي معايا
سهر : اسلااااااااااااااااااام ايييييييييييييييييه وززززززززززززززفت ايييييييييييييييييييييه ؟
معاذ يقرب من سهر : اهدي ياحبيبتي وبعدين باباكي مش دكتور توليد يعني
سهر : ابعدددددددددددووووووووووووووووه عنننننننننننننننني مش طااااااااااااااااااااااااااايقاااااااااااااااااااااااااااااااه هوف هوف هوف ابععععععععععععععععععد عنننننننننننننننننننننني بقوووووووووووووووووووووووولك
مهند واقف مش قادر يمسك نفسه من الضحك ............
خالد : حبيبتي ماما هتيجي دلوقتي تفضل معاكي انا لازم اروح اشوف اسلام
وينزل خالد مع منار ويحاول يفوق في اسلام مع بقية الدكاترة ............
سهر بتولد ومش طايقة معاذ جنبها ........... بعد ساعة ولدت سهر جابت بنتين توأم ......
اسلام فاق بس ممنوع من الحركة ................
كل الاسرة متجمعة عند سهر في اوضتها .............
محمد : يالاهوي هو احنا هنبقى تخصص توائم ولا ايه ؟
محمود : لا واهو لو كده انا هخلى مراتي تجيبهم تلاتة ونخلص وهطلقها عشان منخلفش تاني
كلهم يضحكوا ..............
مروة : توائم دي تبقى مصيبة لو كل واحد فينا خلف توأم ههههههههههه
منار : ولا مصيبة ولا حاجة دي كارثة طبيعية
سهر : انتوا بتتريقوا يعني
مهند : احنا نقدر يا حبيبتي نتريق عليكي ولا على امنا
ناهد وخالد جنب بعض ماسكين ايد بعض بيبصوا على ولادهم بسعادة
دخل معاذ عليهم ومعاه كاميرا ...........
معاذ : يلا يا جماعة ضموا كلكم على سهر عشان القطلكم صورة
فضلوا يتحركوا كتير لحد ما عدلوا نفسهم بعد 5 دقايق وكانت سهر شايلة بنوتة وخالد وناهد بنوتة ..........
Say cheese معاذ:
Cheese:كلهم
واخد معاذ الصورة وهما بيضحكوا فيها كلهم وعلامات السعادة واضحة على وشهم .......
تمت بحمد الله
