رواية اضاءت قلبي بعد ظلمته الفصل الخامس والعشرين 25 والاخير بقلم رباب احمد
اضاءت قلبى بعد ظلمته
بقلمى رباب احمدالفصل ٢٥ و الاخير
تانى يوم الصبح صحيت فيروز وهيا نايمه فى حضن رعد ومش مصدقه نفسها وكأنها بتحلم حست قد ايه رعد بيحبها علمها فنون عشقه اثبتلها حبه ليها عاشت ليله امبارح وكانها اميره متوجه على عرش حبيبها فضلت بصاله لحد ما فتح عنيه
رعد بابتسامه جذابه
صباح الفل والورد والياسمين على فيروزى
فيروز بابتسامه بتظهر غمزتها
صباح النور
رعد
يخربيت جمالك على الصبح يلهوى على الغمزات دى وميل باسها من خدها
فيروز بكسوف
طب يلا عشان احضرلك الفطار
وجات تقوم شدها من ايديها استنى يا فيروزى
فيروز بصوت هادى
نعم
رعد لا بقولك ايه بلاش الحنيه والصوت الهامس ده لانى مش هسيطر على نفسى ومش هتكلم فى الموضوع ال عوزك فيه وهعمل حاجات تانيه وغمزلها
فيروز بكسوف
بس يا رعد
رعد
ماشى يا قلب رعد المهم تعالى فى حضنى كده واسمعينى كويس عشان قلبك ده يكون مطمن ونبدأ حياتنا كويس على ثقه وتفاهم واى حاجه اسالك عليها وانتى كمان فاهمه
فيروز
طيب يعنى هتحكيلى موضوع ريتاج
رعد بصى يا قلبى ال هقلهولك اسرار شغلى بس هحكيلك عشان تطمنى وتعرفى ان مفيش فى قلبى غيرك
انا عمرى ما بص ل ريتاج تانى او افكر فيها وبحمد ربنا ان كشفها ليا وبعدها عنى ريتاج حاولت تقرب تانى منى فى نفس الوقت ال اكتشفنا فى الشغل ان شريف جوزها خاين وبيبع بلده وبيتعامل مع الارهابين فلما قربت مينى حبيت استغل الفرصه واشغلها وافهمها انى لسه بحبها عشان اخليها تزرع كاميرات فى البيت عشان اقدر اكشفه والحصل اول امبارح وانا بحاول اقبض عليه وقدر يهرب بس هجيبه
فيروز بحب
اسفه انى ظلمتك وصدقنى عمرى ما اشك فيك ابدا تانى ولو فى اى حاجه هسالك الاول
رعد مسك ايديها وباسها
ربنا يخليكى ليا وعشان خاطرى خلى بالك من نفسك
فيروز
رعد انا كمان عاوزه اقولك على حاجه
رعد بابتسامه
عارف
فيروز باستغراب
ازاى
رعد
مش تقصدى جاسر
فيروز
صح
رعد
بنفس الابتسامه عارف انو اخوكى فى الرضاعه
فيروز
عرفت ازاى
رعد
سيف وعدى قالولى تانى يوم جوازنا لما شافونى مدمر من حبك ومش قادر ابعد عنك وفى نفس الوقت مكسور لما سمعتك بتكلميه وبتقوليله حبيبى كأن سكينه فى قلبى
فيروز بلهفه حطت اديها على شفايفه وبصوت هامس بعد الشر عنك يا حبيبى انا محبتش حد غيرك ولا هحب انت احلى حاجه حصلتلى فى حياتى
رعد
طب انا اعمل ايه بعد الكلام ده ال طالع من اجمل شفايف وبيبص على شفايفها
فيروز اتكسفت من بصته وحاولت تقوم من حضنه
رعد غمزلها بوقاحه راحه فين انا عاوز ادوق الفروله دى وساحبها لدائره عشقه
عدى شهر على ابطالنا ينعمون فيه بعشق دائم ورجعت البنات الكليه تانى
ورعد بيحاول يعرف مكان شريف ومين ال بيساعده داخل الجهاز
امينه عملت العمليه وبقت كويسه وراجعه مصر
مصطفى ابن فاضل بيخطط يخطف البنات عشان يمضيهم تنازل عن ميراثهم ويستفرد بفيروز لانها دخلت دماغه
فى يوم والبنات فى الكليه
قعدت فيروز وجومانا فى الكافيتريا مستنين سيف يخلص المحاضره عشان يعدوا على جورى ويروحوا
ومره واحده دخل عليهم واحده حضرتكم فيروز وجومانا
البنات ايوه حضرتك فى حاجه
البنت
اصل جورى اخت حضرتك تعبت واغمى عليها ومستنياكوا
فيروز وجومانا قاموا يجروا يرحوا ل جورى واول ما خرجوا لقوا عربيه سودا واتنين رجاله خطفوا فيروز وجومانا بعد ما رشوا بنج عليهم وكانت جورى فى العربيه كمان متخدره هيا كمان وطلعت العربيه تجرى
حرس الجامعه مقدرش يلحق العربيه واتصلوا بالعميد بلغوه واالعميد بلغ الشرطه
دخل واحد من زمايل سيف عليه المدرج
سيف بخضه فى ايه يا حسام
حسام بتوتر جومانا مراتك وفيروز اتخطفوا من قدام الكليه
سيف بخضه
انت بتقول ايه وطلع يجرى من المدرج على اوضه العميد واتصل ب رعد وعدى
وصل اوضه العميد ولقى امن الكليه
سيف كانه كاثور الهائج
وبيقول لراجل الأمن الكليه انت متأكد انها مراتى
راجل الامن
ايوه يا دكتور سيف انا عرفها كويس كل يوم بتدخل معاك الكليه هيا واختها
كل شويه بيرن على جومانا على امل يكون بتاع امن الكليه غلط بس بيلاقى تلفونها مقفول
مره واخده دخل رعد بغضب جامح هو وعدى
رعد
ايه ال حصل يا سيف
سيف بجنون
معرفش كنت فى المحاضره
عدى
يعنى ايه طب وجورى فين تلفونها مقفول ومش فى الكليه
رعد
اكيد معاهم
وفضل رعد وعد يستجوبوا الناس وموصلوش لحاجه روحوا الفيلا والغضب وصل ل زروته
اما فى الصعيد وصلت العربيه ال فيها البنات ودخلوهم اوضه مهجوره وكتفوهم
مصطفى
الله ينور يا رجاله واداهم فلوس
مصطفى دخل ل ابوه فاضل
كله تمام يا ابويا
فاضل تسلم يا ولدى قول للمحامى يجهز الورق
مصطفى
وفيروز تلزمنى يا بوى
فاضل
بس اتجوزت يا مصطفى
لا هخدها ولما يعرف كده هيطلقها واتجوزها انا
فاضل
مينفعش يا مصطفى
مصطفى بحده
زى ما عملتلك ال انت عوزه هنفذ ال عوزه والا هخليهم يمشوا قبل ما يمضوا وبرضوا هاخد فيروز
فاضل
خلاص ال انت عاوزه اعمله
سمعت مرات مصطفى الحوار كله
بقا كده يا مصطفى انت وعمى عاوزين تاخدوا حقهم وتجوز عليا كمان
وطلعت تجرى على الاوضه ال فيها البنات ال فاقوا ومش مبطلين عياط ومش عارفين هما فين
دخلت عليهم مرات مصطفى وبصوت هامس هوس اهدوا عشان اقدر اساعدكم
جورى
احنا فين وانتم مين وعاوزين ايه
انتم فى الصعيد وعمكم فاضل هو ومصطفى جوزى ال خطفوكم وعاوزين تتنازلوا عن ميراثكم ومصطفى عاوز ياخد فيروز
فيروز بصدمه
انا متجوزه ده مجنون
طب اهدوا انا معايا موبيل حد حافظ رقم حد يجى يساعدكم
فيروز
ايوه اتصلى برعد وقلتلها على رقمه
رعد قاعد فى الفيلا وحاطط راسه بين اديه وفجأه تلفونه رن
فتح بسرعه
سمع صوت فيروز بدموع رعد الحقنى
رعد بلهفه
فيروز انتم فين
سيف وعدى قاموا من مكانهم وقفوا جنب رعد
فيروز بصوت هامس
عمى فاضل خاطفنا عاوز يمضينا على تنازل ومصطفى عاوزنى الحقنى يا رعد انقذنى انا وابنك
رعد اتصدم من الخبر ومش قادر يرد
فيروز بدموع رعد رعد
رعد فاق من شروده
متخافيش يا حبيبتى قسما بربى لعرفهم كويس مقامهم واجبلك حقك طب انتى والبنات كويسين
فيروز
ايوه متتاخرش علينا
رعد بغضب جامح
هدفنهم النهارده
اخذت مرات مصطفى التلفون من فيروز وقلتله مكانهم بظبط
رعد بص لعدى والغضب وصل لذروته اتصل بالفريق هدفنهم النهارده عشان يقربوا ليهم تانى
رعد
سيف هات سلاحك ويلا
سيف بغضب
حاضر
وطلعوا الثلاثه بجحيم يدمر و٠٠٠٠٠٠
يتبع
بكرا الفصل الاخير وهيكون كبير ان شاء الله
الفصل الاخير
طلع رعد وعدى وسيف وغضبهم ينسف
وصلوا الصعيد بالفريق بتاعهم اقتحموا المنزل على فاضل
رعد بصوت جهورى وسط المنزل
فاضل
فاضل نزل بخوف لما شاف رعد وعدى وسيف بجحمهم ال داخلين بيه والفريق ال معاهم الواحد منهم يخلص على عيله بحالها ببساطه
فاضل وبيحاول يرسم الجمود
خير فى ايه
عدى
قسما بربى لو ما قلت البنات فين لدفنك مكانك
قرب سيف منه وبيخنقه وبغضب جامح وعيون حمرا
انا على اخرى هقتلك انطق
فاضل بصوت مخنوق
تحت فى البدروم
رماه سيف للرجاله ال معاه ونزل رعد وسيف وعدى جرى للبنات
فاضل وبيحاول ياخد نفسه وبيقول جواه شكلى حسبتها غلط ومكنتش اعرف انهم بالقوه دى
نزل رعد وفتح الاوضه بقوه ووراه سيف وعدى
شاف فيروز مغمى عليها وجورى وجومانا بيعيطوا
جرى عليها بلهفه فيروز فيروز وفضل يفوق فيها لحد ما فاقت
رعد بعشق باين فى كل تصرفاته وكلامه انتى كويسه ياقلبى
فيروز بتعب
كويسه بس دايخه شويه
رعد بعتاب
مقلتليش ليه انك حامل
فيروز
كنت هقل النهارده ونحتفل سوا
رعد
ربنا يخليكى ليا يا عمرى وسندها قامت
وكان عدى واخد جورى فى حضنه ومش عاوز يخرجها خالص
اما سيف باصص فى عيون جومانا ومش بينطق
جومانا بصوت حنون وحطت اديها على وشه
انا كويسه يا حبيبى متخافش صدقنى انا كويسه
شدها سيف لحضنه وكان هيكسر ضلوعها من كتر ضمه ليها فى حضنه وخرجوا الثلاثه من تحت وطلعوا ل فاضل
رعد ببرود مخيف
فاضل انت هتكتب شيك دلوقتى لكل بنت من البنات بناصبهم فى ورثهم احنا كنا ساكتين ومش بنفكر اصلا فى الموضوع ده بس بعد ال عملته قسما بربى لتدفع تمنه غالى
فاضل
لا طبعا
عدى قرب منه وبهمس مريب هطلع دفتر الشيكات ادبا ليك على ال عملته وتكتب شيك بحقهم
سيف عمر مسدسه وحطه على دماغه
انجز
رعد بص للبنات
تعرفوا حقكم قد ايه
جورى
ايوه ماما قالت انا وفيروز ١٠ مليون وجومانا ٥ مليون
سيف سمعت
انجز يلا
عدى
اخلص احسن ما اخلى الرجاله دى تقطعك وتدفنك مكانك
فاضل بخوف
طيب وطلع يكتب الشيكات ليهم واداهم ل رعد
اخد رعد الشيكات وطالع هو وعدى وسيف والبنات لقوا مصطفى فى وشه ومعاه رجلته ماسكين سلاح
مصطفى بغل هات الشيكات ال ابويا كتابها وسيب فيروز وامشى من هنا
رعد
انت اتجننت اسيب مين غور يلا من قدامى
مصطفى
هيا كده خلاص لو مش هتبقى ليا يبقى تموت واحسر قلبك عليها يا عم الحبيب واطلق رصاصه على فيروز فى نفس الوقت جورى كانت جمب اختها وقفت قدام اختها اخدت الرصاصه ضحت بنفسها عشان اختها
وقعت جورى فى حضن فيروز
فيروز وجومانا بصريخ جورى
عدى وقف مصدوم مش عارف يتحرك
رعد بخبرته وذكأه وسرعته كان مصوب مسدسه على مصطفى وقعه جثه هامده
فيروز بدموع
جورى خليكى معايا عملتى كده ليه
جورى بصوت واهن وابتسامه بسيطه
لانك هتكونى مامى يا حبيبتى لو بنت سميها جورى وغابت عن الوعى
كان فريق رعد خلص على رجاله مصطفى وأنهو الموضوع
رعد قرب من عدى ال واقف وكأنه فى عالم تانى وضربه بوكس فى وشه وبزعيق فوق مراتك محتجالك يلا شيلها بسرعه وعلى المستشفى
فاق عدى وطلع يجرى على جورى واخدها فى حضنه وطلعوا يجروا على المستشفى
وفيروز وجومانا منهارين
دخلت جورى العمليات وعدى بره وعيونه حمرا من كتر الدموع ومش حاسس بحاجه حوليه
بعد ساعتين خرج الدكتور جرى عليه عدى
مراتى كويسه صح
الدكتور ابتسامه هاديه
ماتخفش الحمدالله هيا كويسه والرصاصه مكنتش فى مكان خطير والجنين بخير
عدى بصدمه
ايه جورى حامل
الدكتور ايوه والحمل كويس بعد اذنكم
رعد الحمدالله على سلمتها يا عدى وبعدين صحيح هتبقى اب معايا كمان يعنى اتجوزنا سوا وولادنا هيكونوا هما كمان مع بعض انت ورايا ورايا يبنى
جومانا بكسوف فى ودن سيف على فكره ابننا كمان هيكون معاهم
سيف بصدمه
بجد وضحك من قلبه
رعد
بتضحك على ايه
سيف اعملوا حساب ابنى معاكم ههههههه
الكل ضحك
عدى بس جورى كانت تعرف
جومانا
لا هيا كانت شاكه بس معرفتش
عدى الحمدالله انها بخير هيا عندى اهم من اى حاجه
وفاقت جورى وفضلوا فى المستشفى ٤ ايام لحد ما اطمنوا على جورى كويس ورجعوا الفيلا
وبعديها ب اسبوع رجع عثمان وامينه وحنان بعد ما عملت العمليه وبقت كويسه جدا
عثمان على الغدا
وحشتونى جدا يا ولاد عاملين ايه
كويسين يا بابا والله
فيروز
البيت كان ظلمه من غيركم
امينه
وحشتونى اوى يا بنات اخباركم ايه
سيف
هتبقى جده قريب
امينه بفرحه
بجد مين فيهم
رعد بابتسامه الثلاثه
عثمان بضحك
لا شرفتونا
سيف
امال ولادك مسيطرين
البنات اتكسفوا
امينه بضحك بس بقا كسفتوا البنات
حنان مسكوفه جدا ومش قادره تقول على الخبر ال عندها
امينه حست بيها واتكلمت هيا احم
عندى ليكم خبر
الكل خير يا ماما
امينه
حنان حامل
الكل بصدمه ايه
امينه
ال سمعتوه
عثمان بجديه
حد عنده اعتراض
رعد
لا يا بابا طبعا بس اتصدمنا بس
عثمان
بحسب وبضحك عشان محدش يبقى احسن من حد
سيف وبيغمزله شكلك شقى يا حاج
عدى
عمى الاساس يبنى
حنان بكسوف
انتى زعلانه يا جومانا
لا يا ماما ابدا انا خايفه عليكى بس
عثمان
والله وانا كمان خايف عليها والموضوع حصل ومكنش فى دماغنا خالص وانا متابع مع دكتور كويس جدا وطمنى على صحتها وصدقينى يا جومانا انا افديها بروحى
حنان
تسلملى يا غالى
سيف
شقى انت يا بوب
عثمان بفخر
طبعا عشان محدش يبقى احسن من حد انا لسه فى شبابى وهيجيلى ولد صغير هيضربكم كلكم
الكل ضحك من قلبه
مر شهر كمان على ابطالنا الكل مبسوط والحب بينهم مالى البيت والكل منتظر قدوم مولوده
ورعد بيحاول يوصل ل شريف
فى يوم الصبح والكل بيفطر تلفون رعد رن ورد
رعد الوو
٠٠٠٠٠٠٠
رعد بصدمه بتقول ايه لا حول ولا قوه الا بالله
عثمان
فى ايه يا رعد
رعد
ريتاج بنت خالتى اتقتلت
حنان
البقاء لله
امينه ربنا يرحمها
والبنات اتصدموا
عثمان ازاى
عدى
اكيد شريف هو ال عمل كده
سيف
ويعمل كده ليه
عدى
لان هيا ال سعدتنا فى كشف حقيقته وانه خاين للبلد
عثمان ازاى
عدى حكلهم على كل حاجه وان رعد رسم عليها دور الحب وخلها زرعت كاميرات كاشفته و٠٠٠٠
رعد وعدى بيحكى سرح
فلاش بالك تانى يوم بعد ما حاول يقبض على شريف وهرب واتصالح هو وفيروز واصبحت زوجته
وهو وفيروز بيتكلموا وبيعرفها الحقيقه تلفونه رن وفيروز فى حضنه شافه طلعت ريتاج
فيروز اضيقت وكانت هتقوم من حضنه شدها وقلها استنى
وفتح على ريتاج
رعد ببرود
ايوه
ريتاج
صباح الخير يا بيبى
رعد
عاوزه ايه
ريتاج بشك
بتكلمنى كده ليه
رعد
عشان ده ال تستهليه لانك واحده رخيصه
انت ازاى تكلمنى كده
رعد بعصبيه
بقولك ايه فوقى انا عمرى ما بص لزباله زيك انا لما برمى حاجه مش برجع ابصلها يا رخيصه معرفش ازاى انا كنت هتجوزك وامنك على اسمى وشرفى
ريتاج بعصبيه
وال اتجوزتها هيا ال هتحافظ دى متسواش
رعد
اخرسى يا حقيره مراتى ده ستك وتاج راسك وبحبها وبعشقها وبموت فيها لانها اجمل حاجه حصلتلى وغورى فى داهيه مش عاوز اشوفك نهائى يا زباله وقفل فى وشها
رمى رعد التلفون وبص ل فيروز وقالها ريتاج صفحه وقفلتها لا قطعتها ماشى يا قلبى
فيروز بابتسامه
ماشى
بالك
رعد ربنا يغفرلها
سيف
يلا يا بنات عشان الكليه
عدى
هعدى عليكى يا جورى النهارده فى الكليه هنخرج سوا
سيف خلاص ورعد يجى ونتغدا سوا كلنا
رعد
تمام بابا وعمتى وطنط حنان يسبقونا على المطعم واحنا نحصلهم
عثمان
ماشى يا ولاد
وراحوا البنات الجامعه وبعد ما خلصوا محاضرات
عدى راح ل جورى الكليه لقى شاب واقف قصادها وبيقولها انو معجب بيها وبيحبها
مقدرش يتحرك من مكانه وكان فى دافع جواه بيقوله استنى لما تسمع هتقول ايه
جورى
انا اسفه حضرتك بس لو اخذت بالك انا لبسه دبله وفى الشمال كمان ومتحوزه احلى راجل فى الدنيا دى كلها وبعشق جوزى وبموت فى التراب ال بيمشى عليه ولو سمحت متكلمنيش تانى ولسه بتلف لقت عدى فى وشها والابتسامه على وشه ومن فرحته بكلمها نسى الشاب خالص وفضل سرحان فيها
جورى
حبيبى جيت امتى
عدى
من شويه وانا بسمع احلى كلام عنى من حبيبتى وقلبى ونور عنيا
جورى بابتسامه
انت كل حياتى يا ديدو يلا بقا احسن جعانه
عدى بضحك
ديدو ماشى يلا رعد مستنى فى العربيه نروح ل فيروز وجومانا
وطلعوا راحوا ل فيروز الكليه
لقو حركه غريبه فى الكافيتريا راحوا يشفوا ايه
رعد شاف سيف من ظهره بيحاول يهدى حد
رعد قرب من وسط الزحام
اتفاجأ ان شريف ماسك فيروز وحاطط المسدس على دماغها وعاوز ياخدها ويخرج
رعد شد سلاحه وصوبه ناحيته
سيبها يا شريف
شريف بضحك هستيرى
انسى هخدها معايا واحصرك عليها يا رعد لازم اخد منك كل حاجه حلوه
عدى راح من جنب تانى ورفع سلاحه على شريف وبص ل رعد بصه ميفهمهاش غيرهم
ورعد هز دماغه بالموافقه
ومره واحده نادى عدى على شريف بصوت على عشان يشتت انتباه ويبصله
عدى
شريف
شريف
بصله فى لحظه
وفى اقل من الثانيه كان رعد ضربه من النار والرصاصه جات فى دماغه وقع مات
جرى رعد على فيروز حضانها وهداها
وكل البنات بتبصله باعجاب وانبهار وبيحسدوها عليه
وخرجوا من الكليه وخلصت حكايه شريف خاين بلده وكل خاين نهايته الموت
عدى شهور
وولدت حنان ولد جميل جدا سماه عثمان اياد
وبعديها بشهرين ولدت فيروز ولد سمته احمد
وجومانا بنوته قمر سمتها فيروز
وجورى جابت بنت وولد سمتهم رعد ونسرين
وفى يوم الشباب سابو الولاد معا اجدادهم وكل واحد اخد حبيبته يخرجوا سوا ويجددوا عشقهم
عدى اخد جورى شقته الخاصه وعملها احتفال يجنن ليهم
اما سيف اخد جومانا اليخت وعاشوا اجمل ليله
اما بطلنا حجز سويت فى اوتيل ليه هو وفيروزه
رعد
بحبك وهفضل احبك يا اجمل فيروز
فيروز بابتسامه جذابه
بعشقك
رعد
تعرفى يا فيرى انا قلبى ده كان ظلمه وانتى ال جيتى نورتيه
انتى ال نورتى قلب الرعد
واصبحتى انتى التى (اضاءت قلبى بعد ظلمته)
تم بحمد الله
