رواية بنت المصري ومؤذن الحي الفصل الرابع عشر 14 والاخير بقلم جمانه السعيدي
منى...عيني على عبدلله ما مصدكه هذا ابني ابني الي اتخليت عنه بلحظة ضعف رجع الحضني مره ثانيه
الشعور اختلف جنت احبه ومتعلقه بي بس هسه لا مجاي اكدر ارفع عيني عنه التعلق صار اكبر الحب والاحساس صار اقوى مجاي اتخيل شلون اكدر ابتعد عنه
بليل اتصل الشيخ
منى...اهلا وسهلا
الشيخ...اسف ثقلت عليكم بس ماعندي احد غيركم يتحمل
ابني بهاي الضروف هسه اجي اخذه
منى...ممكن تعوفه عندي
الشيخ...اني مقدر انتي تعلقتي بي بس لازم يرجع البيتنا
منى...شيخنا اكو شغله مهمه اريد احجي وياك بيها اذا تسمح
الشيخ...اي كولي
منى... مو مال كلام بلتليفون لازم اكعد واحجيلك
اكو قصه لازم تعرفها محتاجه توكف وياي وتساعدني
الشيخ... اي طبعا اي شي تحتاجي حاضر اني مااكدر انسى فضلج عليه
منى...يمتى تكون فارغ حتى تسمعني
الشيخ...ممكن اتأجلين الموضوع كم يوم اذا الضروف تسمح
لان اني حاليا بوضع حزن واكيد راح استقبل المعزين
هاي الايام وراح اكون مشغول
اذا الموضوع طبعا يتحمل التاجيل واذا ما يتحمل
باجر افرغ نفسي علمودج
منى...اي ميخالف بس انت تكول راح استقبل المعزين على الاقل الحد يوم السابع يعني راح تكون مشغول
منو يشوف طلبات عبدلله وينتبه علي
ملابسه اكله شغلات تعرف طفل ويتحرك ويلعب
الشيخ...اني اعرف اعتني بي اكيد راح انتبه علي
عبدلله الشي الوحيد الي بقالي بهاي الدنيا
منى...ليش ما تعوفه عندي
جمانه السعيدي
الشيخ....اني ماكدر استغني عنه واذا احتاجيت مساعده
اكيد راح اتصل عليج فعلا انتي احن كلب عرفته بحياتي
منى...بس اني مااكدر اتحمل بعده عني
عبدلله ماما تروح ويا بابا لو تبقى عندي
عبدلله....اريد اشوف بابا واريد اشوف ماما وبعدين ارجع
الشيخ...ولله يعز عليه اخذه منج بس هذا طفل ومااريده يتعود يعيش بعيد عن البيت
راح اجي اخذه
صاح عبدلله بصوت عالي بابا يصير ناخذ منى ويانا
الشيخ....لا مايصير يله حضر نفسك راح اجي اخذك
منى...جهزت ملابسه وكمت ابجي امي من شأفتني ابجي دخلت الغرفتها
اندكت الباب لبست حجاب وثوب طويل
طلعت شايلته بحضني وامسح بدموعي
الشيخ سلم عليه ودار وجها للجها الثانيه
الشيخ...يله بابا تعال منى...كمت ابجي بصوت عالي
التفت عليه
الشيخ...ليش تبجين خلي يمج ابقى بابا يم خالتك
منى..شيخنا اني بعد مااكدر اتحمل اكثر ممكن نحجي هسه
الشيخ.. اهدي على كيفج .تشوفين الوضع يسمح بلكلام
انتن نسوان ثنيين واني رجال غريب عيب هاي الوكفه بلباب مايصير الناس شراح تكول عليجن
منى...لازم نحجي اني بعد مااكدر اتحمل اليوم كله اني خلصته بجي
الشيخ...اذا تبجين علمود عبدلله خلي عدكم مراح اخذه
ترا دموعج غاليه واني ماكدر انسى موقفج الإنساني وياي
منى...اريد اخذ رائيك بموضوع مهم بلنسبه اليه والك
الشيخ...باجر الصبح ممكن تجين البيتنا انتي وامج
ونحجي باي شي تردي
خلي عبدلله عندج مراح اخذه جيبي باجر وياج
منى...تمام
عبدلله...بابا اروح وياك
الشيخ....تجي وياي خاف منى تبقى تبجي عليك
عبدلله....تعال انت ابقى ويانا هنا
الشيخ....باجر تعال انت ومنى
منى...راح الشيخ ودخلنا اني وعبدلله
بس شاف ابو راح كام يبجي علي اريد ابوي اريد اروح الامي
منى...باجر اني وياك نروح البيتكم
شكد بقيت اقنع بي اتصلت على الشيخ بقه يحجي ويااا
لمن نام
ماكدرت انام خايفه الشيخ مايصدكني
لو ياخذ عبدلله مني لو مايقبل يخليني اشوفه شلون مشكله
عبدلله يريدني ويريد ابو شلون تنحل هاي المشكله
ماادري
ثاني يوم اتصلت على البنات طلبت اجازه يومين لان مااكدر اداوم
جمانه السعيدي
منى...ماما الازم ترحين وياي اني لازم الكه حل الهاي المشكله
امي...اروح وياج ميخالف بس بشرط تقبلين باي شي يكول علي الشيخ
منى...موافقه
لبست عبدلله تراك جديد ورحنا اني وامي البيت الشخ
دكينا الباب ودخلنا
امي...البقيه بحياتك
الشيخ...حياتج الباقيه تفضلو
استقبلنا احلى استقبال خطيه بيته هوسه
النسوان طالعات والبيت باقي هوسه
الشيخ...اعذروني البارحه رجعت متأخر تعبان ونمت
مالحكت انظف البيت
راح عبدلله كعد بحضن ابو
الشيخ...هله بابا الله شنو هاي الريحه الطيبه
عبدلله....هاي من منى
الشيخ...ولله شكد مااشكركم الساني يعجز عن الشكر
منى تعبت ويانا بلمستشفى والنوب شالة مسؤلية
عبدلله وحافظة علي الف الف شكر
منى...اريد اججيلك قصتي انت رجال تعرف الله
واكيد راح تحكم على الموضوع حكم عادل
الشيخ...اتمنى اكدر اساعدج لان مبين الموضوع جبير
منى...اني اتوفه ابوي عمري سبع سنوات طبعا امي ابد ماقصرت وياي بس تعرف مره وشايله كل المسؤليه
على راسها ايجار وعيشه ومصاريف ما تخلص
الشيخ....اني اشهد امج انسانه مجاهده والنعم منها
منى...امي مشغوله بلمعيشه والضروف الصعبه اني بعمر ١٧ سنه عندي صديقه اتردد عليها ندرس سوه
اتعرفت على اخوها اخوها من ابوها
زغيره وماعندي ادارك وفهم كدر يضحك عليه بكلام الحب اني كنت طايشه
وماكو بحياتي توعيه صدكته الحد ما استدرجني
البيته وأخذ مني اعز شي أملكه
جان عنده غايه يخوفني ويهديني حتى يبقى ياخذ مني فلوس لان جان مدمن مخدرات
من ساعتها عاهدت ربي اذا طلعني من هاي الشده
بعد ماارجع المعصيه والخطيئه مره ثانيه
اني سئلتك مره اذا رب العالمين يغفر الذنوب اذا الانسان تاب ومارجع الطريق المعصبه
الشيخ...اي اذكر
منى...المصيبه الي ابد ماحاسبه حسابها طلعت حامل
عشت اسوء اشهر بحياتي اشهر الحمل حاولت أسقط الطفل بكل طريقه بس رب العالمين راد هذا الطفل يبقى
ضميت نفسي عن امي حرمت نفسي من الطلعه من الغرفه
كنت اناجي رب العالمين ليل نهار
بس يطلعني من هاي الشده بيوم ولادتي يله عرفت امي
اجيت افقد امي بهذا اليوم هلكد ما انقهرت
اخذني الطلوك وصلت للموت امي ساعدتني جبت ولد
امي أخذت هذا الطفل وطلعت من البيت
ماسئلتها وين اخذتي من هاي اللحظه غيرت حياتي
امشي على السراط المستقيم ابد ماغلطت اي غلطه من اي نوع ماتزمه بعلباده وربي العالمين شاهد على كلامي
امس اكتشف عبدلله ابني
فتح عيونه الشيخ مستغرب من كلامي
منى....... امي تحجيلك باقي التفاصيل
امي....بعد ماصار الطفل خفت يبقى بيتنا وننفضح
اليل كله ابجي وادعي رب العالمين يهديني للطريق الصحيح مااريد اكتله ويبقى ذنبه بكربتي
رب العالنين هداني اخلي بابكم بعد صلاة الصبح
طلعت اباوع للحسينيه
لمن شفت آخر واحد من المصلين طلع والشارع فرغ أخذته خليته بابكم
جمانه السعيدي
الشيخ بقا صافن على قصتنا مامصدك شنو هاي الصدفه الغريبه الي رجعت جمعتنا من جديد
منى...شيخنا اني اريد حل اني تعلقت بعبدلله
ومااكدر افاركه صدك من امس لليوم واني بس ابجي
اني اريد ابني
اعرف الموضوع صعب عليك لان انت الي ربيت وكبرت
بس اني قابله باي حل تكول علي
الشيخ...فعلا شغله تحير
منى...اني مستعده الاي شي تكول علي بس لا تبعد ابني عني الله يخليك
امي...شيخنا اعرف اتفاجئت بهاي القصه وحقك تتفاجئ
بس منى فعلا البارحه يله عرفت عبدلله ابنها مابطلت بجي من امس لليوم
الشيخ....ماادري الشغله تحير
امي...اني عندي حل اذا انت فعلا صدكتنا اني عندي حل
الشيخ...اكيد مصدك ترا منى خوش بنيه وكلنا معرضين للغلط البشر ما معصوم من الغلط خير الخطائين التوابين
مادام هيه تابت اكيد رب العالمين يغفرله كافي انسانيتها
وياا المرضى شكد الها اجر عليه
امي...الحل الي راح يرضي كل الاطراف تزوج مني
منى... اتفاجئت باوعت على امي واني امسح دموعي
الشيخ...بس منى زغيره واني جبير شكد مواليدج
منى...٩٠
الشيخ...اني اكبر منها ١٨ سنه ليش تأخذ واحد جبير
من حقها تزوج شاب عمره قريب عمرها
منى...اني موافقه
الشيخ...تحجين صدك عمو ترا اني بكد ابوج
منى...اي موافقه انت انسان محترم وخايف الله واني راح اكون مطمنه على نفسي وعلى ابني وياك
الشيخ...لا اليوم يوم المفاجئات
امي...فكر شيخنا اني هم مريضه وتعبانه بعد مااكدر
واخاف اموت ومنى تبقى وحدها
انت انسان خايف الله راح اكون مطمنه على بنتي وياك
الشيخ...ممكن اخذ وقت بس الحد ما تطلع اربعين لمياء
امي...اي ممكن من حقك بس لا تحرمنا من عبدلله
الشيخ.. عبدلله ابنكم راح اجيبه كل يوم تشوفه منى
منى...طلعنا من بيت الشيخ وعبدلله بقى يبجي عليه
التفت علي كتله تجي وياي يكول اريد بابا
اله يجي بابا ويانا
طلعت من بيت الشيخ واني كلبي مطمن مااعرف ليش حسيت براحه مو طبيعيه
بس بعدني ابجي مااعرف دموع خوف او فرح او راحه بعد ماحجيت كلشي بكلبي
لليل اتصل الشيخ
الشيخ....عبدلله يبجي عليج
منى...جيبه اني هم ابجي علي
الشيخ....ليش تبجين راح يكون بحضنج للابد
منى...افهم من كلامك
الشيخ....ولله انتي هواي على واحد شايب مثلي عمرج ٢٥ واني ٤٣ بس يمكن امي دعتلي بكبرها
منى...انت انسان طيب ومحترم واني سعيده بهذا القرار
منى...بقا عبدلله بيني وبين ابو منا لمن خلصت أربعين زوجته واجا تقدملي جاب وياا شهود ثنيين
الشيخ.. اني مستعد الكل طلباتكم بس اعتذر ماكدر اسوي حفله عرس
منى...اني مااريد حفله لمياء عزيزه عليه واحترم حزنك عليها
انطاني مهر خمس مليون حاضر وسجل عشره غايب
بعد يومين.. عقدنا بلمحكمه
اشتريت ذهب وشغلات ضروريه بعد اسبوع من العقد
اجا اخذاني بليل بس اني ويااا وعبدلله ويانا حاضر بعرس امه وابو
جمانه السعيدي
كل عمري جنت متوقعه الحب الي حبيته الهيثم حب ماكو منه بس من عاشرت هاشم عرفت الحب الحقيقي
انسان محترم راقي حنيين طيب
شكد يحترمني ويحترم امي شكد يعاملني معامله راقيه
بعمره ماحسسني بلنقص لو لمح مجرد تلميح للماضي
بعد سنه من زواجنا حملت جبت ولد سمينا علي
بعدها جبت بنيه فاطمه بعدها جبت ولد محمد
هاشم...رب العالمين شكد كريم ضاملي حصتي من الفرح والسعاده والأطفال والزوجه الحنونه هاي السنيين كلها
رغم اني اول حياتي سجن وتعذيب
وفقدت امي وابوي وزوجت وماصار عندي اطفال
يمكن لو واحد.غيري جان ابتعد عن رب العالمين
وكال حظي اسود
بس البشر مايعرف يمتى رب العالمين راح يرزقه خير
منى...هذا جزاء صبرك وتحملك اختبار رب العالمين الك
من صبر ضفر ومن لج كفر
منى.....وهيج رب العالمين كرمني آخر كرم
بيت وعائله وزوج حنون وطيب
الساني مايتوقف عن الحمد والشكر لان رب العالمين
يستاهل الحمد على النعم والعطيا
الف الحمد لله والشكر
عبدلله السنه ثالثه هندسه
وهو اكثر واحد يعتني باامي وساكن وياها
هيثم كان ضحية امه وابو ضاع بلشارع بسببهم
شيخ هاشم صبر ورب العالمين عوضه عن صبره
منى...غلطت بس تابت واستغفرت ربها اجاها العوض
الي تستحقه
انتهت قصتنا شكرا للمتابعه الحلوه
موعدنا بعد شهر رمضان مع قصه جديده
رمضان كريم عليكم
