رواية كفي والمنجمة كامله وحصريه بقلم الكاتبة Leo alfatlawi
بارت الاول
للكاتبه Leo Alfatlawi
عندما اعطيتها كفي وقت ذاك قالت لي العرافه
امسحي دموعك فمن ابكاك ضلمآ سيبكيه الله قهرآ
والذي اعطاك عينيه لاتجازيه بالعمى
اسمع صوت صعدته على الدرج عرفته وصل بده دكات كلبي تتسارع ويه سرعت خطواته
الباب مقفوله والشباج مقفول بس هذه كله مراح يحسسني بالامان ولو بشي قليل من كميه الخوف والاحملها والاحس بيها
الباب تندك دكه خفيفه ويه كل دكه يموت جزء مني
غمضت اعيواني سديت اذاناتي بديه مااريد اسمع شي بس جان يتخلل بداخلي صوته غصبا عني
وهوه يكول غزززل ادري بيج كاعده فتحي الباب ليش اكسره واخذ روحج
امبين من صوته الثكيل ثمل لدرجه اذا دخل راح يخلص عليه وهوه ماحاس
اباوع يدت الباب تتحرك يحاول يكسرها طلعت الشهكه غصبا عني خليت ايدي على حلكي مااريد صوتي يطلع ويعرفني كاعده
جسمي يرجف والخوف اخذ مني جزء من روحي
ودموعي غصبا عني تنزل مااكدر اسيطر عليهن
بده يتوسل افتحله الباب بعد ماتعب من تهجمه والسب والغلط الگاله
اسمع مثل كل يوم بجي وتوسله انو ارد عليه جان موبوعيه مامنتظم بالكلام يهدد يتوسل يبجي
اتعودت اوصل ويا مرحلة الانهيار وافقد كل طاقتي بالتحمل مرت ساعه واني على وضعي كرهت روحي واليل ووجودي ويا
اشوكت الله يتوب عليه واخلص من هالوضع اشوكت اعيش مثل باقي البنات خليت راسي على الباب غمضت عيوني مقهوره على حالي
ماراح اكدر احبك ولاراح يجي يوم احبك ليش تعذبني وتعذب روحك بهالشكل
بده صوته يختفي عرفته تعب وراح لغرفته
اخذت نفس ورجعت لفرشتي خليت راسي على المخده وجسمي كله يرجف هم يجي يوم وانام مرتاحه وبلا تفكير
هم يجي يوم واخلص من سيف واعيش بأامان وراحت بال
نفس التفكير يوميه اتخيل روحي عايشه بغير عائله ابأمان واتحسسني بخوفها عليه
ارجع للواقع الااني بي وارجع لنفس معاناتي لااكدر اسكت بعد ماأمن على نفسي كل لحضه اكول هسه يغتصبني
ولااكدر احجي اعرف ماما اتريدها من الله علمود اتزوجني اله امتانيه هذه اليوم بفارغ الصبر مااعرف شنو اللغز من اصرارها بهذا الموضوع
الشمس بعيوني والباب تندك وصوت نبع الحنان وهيه اتكول يلا غزل ماما كومي صار الصبح
اي ماما هسه حجي
يلا يماما عمج دينتضرج بالمطبخ فدوه لاتتعطلين عليه عنده شغل
لاهياتني كمت
مثل كل يوم ماما اتكعدني واتروح تسبح واني انزل اسوي الريوك الهم واحضره علما تطلع من الحمام ونتريك سوه
فتحت باب غرفتي ونزلت دخلت للمطبخ لكيت عمو قتيبه كاعد امتانيني وهذه الحنيه كولها ابكلبه احسن شي عوضني بي رب العالمين
صباحو عمو
هلابابا صباح الخيرات يلا اليوم شنو حتوكلينه
هههههه عمو شعرف غير المخلمه
تتعلمين عمو مادام رجعتي للعراق راح تتعلمين كلشي
عمو اشو صارلي شهر اهنا ماشفت غير مطار بغداد الدولي الساعه 5 عصرا بس هذه شفته من العراق
بس انطيني مجال افرغ اشويه وراح افرج العراق كله اعوضج عن ال14 سنه التركتي بيها
اي والله عمو اريد اتعلم احجي مثلهم عربي بطلاقه
تتعلمين عمو باقين اهنا سنه كامله وهسه راح تدخلين مدرسه تقوه لغتج بس يلا فضينه اريد اطلع
هياتني عمو دااطبخ بس الجاي مااعرف اشكد احط كوم حطلي
تاامرين يعيون عمج
خلصت المخلمه قبل لااشيل الطاوه دخل سيف حسيت كلبي عصرني
سلم على ابو واجه يمي كال گسبيلي البيضه عدل
شلت راسي شفته يخازرني خفت دنكت على السريع حسيت ايده انمدت على خصري وكرصني كوه اتحملت ماطلع صوتي عافني وكعد يم ابو
كملت التحضير دخلت ماما صبحت وكعدت يم عمو قتيبه وبدت تتغزل اشوكت تقتنع انو هيه كبرت مااعرف اليشوفها يكول مراهقه
خليت الاكل على الميز گال عاشت ايدج بنتي
-الف عافيه عمو
سيف. وين بيضتي
تدري مااعرف اگلي بيض وحده تره المخلمه طيبه اكول وشوف
اكل لويش مااكل
بماانو سيف مكابلني على الريوك فتنكطع شهيتي اشوف ماما اشلون مدللته واتخلي كدامه اتريد بس اتجذبه الها واتخلي يعوف امه ويبقى يمها
اعرفها عناد بشريجتها اتريد الرجال وابنه الها وتحرك كلب ذيج من رجعنه من السفر لسه ماخلته يوصل لمه اعناد بيها
كملو وطلعو للشغل الحمد الله اخذت نفس بدينه بالتنضيف بعد مااكلتلي كم لكمه
حياتي ماشيه الحمد الله حلوه بس المنغصها سيف لوبس اخلص منه احلى عيشه عايشه
خلصت على السريع واخذت دوش شعري كولش طويل اضل ساعه كامله بالحمام يلا اخلص شالع كلبي بس ماما متقبل اكصه اتكول سيف يحب الشعر الطويل واني هلكانه تعب مجبوره اتحمل
طلعت من الحمام مشطتلي ماما وراحت اتكمل الغده رحت للفون لكيته امفول شحن وهاي اكبر سعاده بحياتي من اشوف جهازي مفول شحن الفرحه متوسعني شلت فوني دااباوع
دخلت مريم صديقتي المقربا صاحت من الباب هلووو غززززل
صوتج عزا ولج اتعرفين ماما تنزعج من الصوت العالي
لعد تعالي نصعد غرفتج لان اليوم ناويه اباوع فلم رعب واتعرفيني انسجم وانسه روحي
لا اهنا ولج اخاف خلينه كاعدين حتى ماما قريبا علينه
جبانه امداج
والله سيف سببلي عقده مو بس جبن
بعده مابطل
ولاراح يبطل مرات افكر اكول لماما واخلص
ديري بالج اتعرفين اتكيف وراح اتزوجج ابسرعه حتى قبل لاتبلغين السن القانوني تره اهنا مومثل امريكا كولشي يصير يعني يزوجوج وانتي 16 عادي
لعد حموت مااكدر ولج خلاني امشي واتلفت مرات انسى اصعد مي ضل للصبح ميته عطش اخاف انزل لان اعرفه ميفوت فرصه للتحرش كون اربعه وعشرين ساعه داخله انذار
اتحملي بلكي يعقل ويبطل شرب لو الله يرزقج بواحد يخلصج منه
اشلون من سيف اله معجزه تدرين يحسب لعمري يوم يوم حتى نتزوج تردي ينطيني لواحد غيره
اشتكي اعترضي
حتى يغتصبني ابسرعه وماما اتلم السالفه وراح اتزوجني اله وهوه هذه المتمني
لعد سكتي وضلي لحد مالله يفرجها يلا وين الفلم طلعتي
هياته داابحث صدك شنو حتجيبون اكل باجر للسفره
مااعرف ماما يمكن حتسوي دولمه نطلع من الصبح فدوه حتى وقت عدنه اهواي
ماما تكعد متااخره والله اني اتمنه بس لان جمعه يضلون نايمين مع العلم هوه هذه اليوم الوحيد النطلع بي
غززل كعديهم باجر ناويه اسوي شوبنك
اني هم والله كولش معتازه هيج شي يلا بده الفلم سكتي
ضلينه لوكت متاخر انباوع فلم خلص واحد شكلنه بالثاني ماراحت غير ماصارت ال12 بليل واني ابسرعه نمت
كعدت على صوت فوني يرن كمت سحبته لكيتها تتصل حتى اكعد شمرته وكمت اتمغطت وعالحمام غسلت وطلعت لبست قميص وبنطرون ولازم حذاء اسبورت علمود مااتعب شلت شعري
طلعت من غرفتي اريد انزل شفته كدامي اجه اتجاهي مالحكت ادخل للغرفه ركض لزمني وحصرني وره الباب
-فدوه سيف عوفني الله يخليك
--انتي ليش هيج نافره مني والله ميت عليج
--ادري بس فدوه هسه ماما راح تسمعنه عوفني
--خلي تسمعنه بلكي اتعجل زواجنه مو فاض بيه بعد مااتحمل
--سيف فدوه وخر خلي اخذ نفس
بس جان ميسمعني يبوس بيه بقرف تلعب روحي منه ويعصر بخصري حسيت روحي راح اتقيى كلما يوصل لشفتي كوه اسيطر على روحي
صاحت ماما وينكم يلا اتاخرنه
سيف. هااخاله اجينه يلا
يلا ياعيني اتاخرنه شوف غزل ابطريقك ماخلصت
هسه اشوفها كالها وعصرني وره الباب رجع باسني بوسه طويله وطلع
ركضت للمغسله غسلت وجهي وركبتي واني منقرفه لعبت روحي اريد اخذ نفس مااكدر من القرف ماما مستمره بالحجي واتكول يلا
رحت للمرايه عدلت شكلي خليت اشويه ميكب مااريدها اتحس بالديصير بدلت قميصي لان ذاك اتبلل من تغسيلي نزلت لكيتهم امكملين كلشي وصاعدين بالسياره رحت دااصعد اسوفه اشلون يباوعلي اشكد نكس وعينه وصخه
وصلنه للمتنزه لكيت مريم اهناك امتانيتني شافتي اجت تركض كالت اتااخرتو
سكتي قرفانه حتقيى
هم تعرضلج
ولج حصرني وره الباب حتى مالحكت افلت لااتذكريني كوه امصبره اشوكت ارتاح والله تعبت
تعالي نفتر نشتري هسه تنسين يلا لعد شتسوين اهوه نذل وحقير ماعنده غيره
هسه يجي بس يشوفنه اتحركه
يلا بعد احسن حتى يدفع اني امصفره ماعندي غير افلوس قميص واحد ولج خلي نستفاد منه انقطه
مريم كولش مالي مزاج اتجادل وياج
ولج هوه زنكين ويريد بس رضاتج استغلي
مااريد كولشي مااريد بس يعتقني مليت كرهت روحي
غزل والله عاجبني اخذ هاي الماركه وبابا تعرفين ماعنده انتي صديقتي الحبيبه اشتري واني استعيرها منج فدوه
اي ومثل القبلها تختفي
هسه خاسره شي اشو البنك المركزي ويانا يمشي وهوه راضيها على نفسه وفرحان من يدفع يلا امشي
رحنه للمول دخلنه جان يمشي ورانا
اشترينه اهواي اشياء ريم تشتري بدون احساس مااعرف لان بلاش اليدفع سيف مااعرف هيه هيج طبعا وكفت اتعامل على اسوارات جذبتني ساعه جانت لمعتها حلو كلتلها مريم شوفي ذيج الساعه
اتجنن غزل خلي نسال اشكد سعرها
اخاف ينتبه سيف مااريد يشوفني كافي دفع ذني
لامينتبه تعالي دنسال كالتها وصاحت اشلون سعرها هوه رد واني شهكت عزا ابعينهم شنو هاي
حبيبتي هاي ماركه اشعبالج لعد
منو الاحمار الي يشتري هيج شي بهيج سعر
الها ناسها يلا شنو بعد معتازه شي
هوه اني شنو اشتريت حتى اتسأليني يلا ماامعتازه بس خلي نطلع تعبت وذني خلي انخليهن بجنطت سياره سيف لااتشوفهن ماما اتضل اتعيط
روحي جيبي المفتاح
لاهياته انطانيا اول مادخلت عرف السالفه يلا تره دتتصل ابسرعه
طلعنه عالسياره فتحت الجنطه وخليت الغراض دنقفلها شفت سيف اجه اتجاهنا مبتسم درت وجهي وقفلت السياره
وصل يمي مد ايده اباوع علبه ازغيره بيده وكال متغله عليج كلتلج اي شي يعجبج بدون تردد تاخذي
شلت راسي باوعتله هذه شنو يقصد
فتحت العلبه وطلع الساعه
عزا صدك دتحجي سيف تعرف هاي ابيش
اي اعرف غير اني الدافع افلوسها
مااريدها بس هيج سالت رجعها والله متسوه
- باجر عيد ميلادج كل عام وانتي بالف خير ردت اول واحد يعايدج اني وان شاء الله السنه التجي نحتفل بي سوه بيتنا واتكونين حلالي
سحب ايدي ولبسني الساعه وشالها باسها سحبتها استحيت من مريم يمنه
اتشكرت منه ورجعنه لمكانه لان صار وكت الغده اباوع للساعه واباوعله يمشي كدامنا ابكد ماكارهته ابكد ما كاسر خاطري اشكد يسوي واشكد يشتريلي بس موبيدي شعور غصبا عني احس بي مااكدر احبه يمكن لان يشرب ويعاملني هيج ايخليني ازيد بكرهي ونفوري منه او اني من الاصل مااطايقته مااعرف
وصلنه كالعاده ماما متسكت لان اتاخرنه وضلت اترزل اني اسمع واغلس وسيف يبتسم كعدنه صبو الاكل اكلنه وشربنه جاي
طلعو طاولي يلعبون وحنه نتفرج عمو وابو مريم واخوها وسيف طبعا الشباب جانو يغشون اهواي وتكب العيطه وحنه ميتين ضحك عليهم
عمو قتيبه يگله اني كم مره اگول ماالعب وارجع اعيدها مااعرف اشلون انته واحد منحط مومال لعب
سيف. حجي انته كبرت مومال لعب كول اني بعد مااعرف العب لااتطلع بطولاتك كدام مرتك وتنزل عليه
انجب ولك انته اتغش
يضلون يتناكرون وهاي كل اسبوع نفس الشي بس اشكد نتونس على عركاتهم
مريم. غزل كومي نفتر مامليتي
ولج ماما حتعيط
دكومي لامتعيط انكلها بس نشرب عصير احترينا ابسرعه نجي يلا ولج اكو حدايق اهنا حلوه
صدك وهم ناخذ بركر ويانا للعشه لان اتعرفين اسد بابا الغرفه من المغرب اضل بلا اكل وفلام الرعب اتجوعني زايد
لعد كومي يلا
خلي اكولها لحضه --مامااا
شكو
حنروح اني ومريم منا نشرب عصير ونجي ابسرعه
غززل تتاخرين ورانا روحه
لاماما ابسرعه نجي مانتااخر
نص ساعه اشوفج كدامي
ؤك كلتها وكمنه ابسرعه انخاف ترد بكلامها على ابو العصير ركض
دنشرب العصير واتشاقينا دفعتني انگلب اگلاص المي على ملابسي خرب اليوم مكتوبلي كم مره ابدل يلا هسه اشلون بله منين اجيب ملابس
--عادي هسه المصباح السحري راح يركض يحيبلج محل كامل
--اكولج شو سكتي خليني متهنيه بالطلعه لااتذكريني بي
--وليش عيني متضايقه من وجوده اشو بس طلعة اليوم مكلفته بذاك الحساب وانوب يدفع وهوه الفرحان
--اي موعالاساس تعبان بيهن خطيه يشتغل عماله اشوخليني ساكته فدوه وانتي ليش احسج عينج منه
--امني ميشوف كدامه بس انتي
سكتت مارديت بس حسيتها غيرانه صحيح حالتهم الماديه موكلش على كد حالهم لان ابوها موضف بس مااشوفه مقصر وياها ابد وكافي الامان الحاسه بي هيه
واني اي شي اشتري هم انطيهيا مااريد يضل شي بنفسها لان معتبرتها اختي
رحنه لمحل قريب ضليت ادور على شي اشتري عجبتني تنوره كابوي كانت قصيره بس كيوت اتخبل سالت على سعرها زين موغاليه اخذتها واخذت قميص نسقته وياها دفعت افلوسهن ورحت لغرفت القياسات بدلت وطلعت
--غزل ولج هاي قصيره كولش
--يلا منو حيشوفنه هسه راجعين للبيت
--موسيف راح يتضايق
--مواشوفج مهتمه لسيف اكثر مني وهم امني ميتضايق لان مااحس عنده غيره
--يلا لعد خلي نطلع ابسرعه كل اشويه ماما داتخابر اتكول وين صرتي
اخذت ملابسي القديمه ورحنه وصلنه لكيناهم امتانينه ماما اعترضت على ملابسي كلتلها راح اصعد السياره محد حيشوفني كوه سكتت
بس شيف جان يضحك يكول شعرج اطول من تنورتج يلا خلينه انشوف الكيمر ليش هيج ضامتهن
باوعت لمريم واغمزتلها اكلها شوفي موكلتلج الله غاسل حضه ضحكت وسوتلي اوك
سيف. يابه اخذ السياره ورجعو اني اخذ تكسي عندي شغل
جذاب موشغل كول اريح اسهر واشرب ويه اصدقائي
لايابه شدعوه كل ماگلت عندي شغله تتهمني هيج
ولك اتعلمني بيك واحد منحط ومضيع افلوس تعبنه على السهر والعربده متكلي اشوكت تعقل والله يتوب عليك يابابا اني تعبت ماضل ذاك الحيل اركض وانصح بيك
اهوووو اشطلعت كل يوم نفس المقاله اسمعها كلتلك عندي اصخام
روح الله يهديك بابا مااكدر امنعك تعبت واني انصح ولازم اتحمل اطياح حظك كل ليله
يلا ارجع من وكت
روح بابا لاراح ترجع من وكت لاراح تعقل مادامك امصاحب ذوله اصدقاء السوء روح بابا يلا
اندار سيف يضحك اشر باي وغمزلي درت وجهي عمو حرك السياره
جنت اباوعله وندعي اخلص منه ماعرفت انو راح يجي يوم اتمنى ارجع لهاي الايام واتمنى لو باقيه بس على اسوالف سيف وعياط عمو ماجنت اعرف هاي مجرد احلام بسيطه اكدر اتخطاها بالنسبه للواقع الراح اعيشه
وصلنه للشارع مالتنه شفنه سياره سوده عاليه واكفه يم سيارة عمو قتيبه بالباب عمو كال لماما دشوفين ذيج السياره اليم سيارتي ردت ماما
يمكن لواحد من الجوارين ماكو مكان خلاها يمنه
-لعد اني وين اخلي سياره سيف هسه
--يلا ياعيني نوصل وكلهم يوخروها منا لااتضوج روحك
--عالم ماعدهم ذوق غير يستاذنون يالله يخطون هيج خطوه
وصلنه نزل عمو ردت انزل بس ماما كالت مشايفه روحج اشلابسه وين تردين
بطلت ضليت اباوع من الجامه امتانيا عمو يحجي وياهم ويركن السياره يالله انزل
نزلت ماما وراحت يمهم لان شافت عمو ديصيح وياهم خافت عليه
اباوع نزل منها شاب يحجي ويه عمو بصوت عالي بس لهجتها اشويه غريبه وانوب نزل ثاني هم ضل يعيط على عمو ماما كامت اتصيح بصوت عالي ودفع بواحد من الشباب
ذوله مشايفتهم بالمنطقه قبل لبسهم يختلف مولبسنه ولافين على راسهم غتره
اسمع واحد يصيح بماما ويكلها هسه اتجيبيها لواحركج انتي وبيتج
ماما كامت تلطم على وجها اتكله ماكفاكم السويتو هسه اجيتو على بتي خافو الله
هاي بتنه وناخذها غصبآعلى اكبر واحد بعشيرتج
خفت ذوله شنو يحجون ولويش عمو بطل ميحجي منو ذوله شنو خاف منهم لو شنو
ماما ليش اتعيط وتضرب على وجها نزلت رحت يم ماما اريد اعرف منو ذوله وصلت يمها بعدني استوني دااكول ماما منو ذوله اندارت عليه وكالت رجعي للسياره ابسرعه
بس واحد منهم كال كفو والله عرفنه ترباتج شنو جان يحجي بستهزاء لان امبين ماعاجبه منضري ورد كال تعالي لاترحين
--انتو منو وين اجي
--اني الطلي العايفج بيد هاي ال----- اتربيج
--شنو مافهمت
رد بعصبيه بدون لاتفتهمين ولي للسياره صعدي ابسرعه لاانعل اهلج
خفت رجعت ليورا بس الثاني اجه سحبني حيل وشالني شمرني بالسياره ردت اصيح كال اذا هيست حسج افرغ السلاح ابراسج وانعل ابو امج
خفت لان شفت صدك سلاح بحزام متنا موجود خنست امتانيه ماما اترد
العجيبه عمو ساكت ويهدء بيها وهيه تبجي اتكله لويموتون ماانطيها هاي بتي
اجه الولد صعد وسد الباب حيل والثاني صعد هم ليكدام قبل لايحركون السياره فتحت الباب وردت اشرد بس جان اسرع مني نزل ابسرعه وسحبني من شعري ورد صعدني دفع وصعد يمي دفعته صفعني راجدي حسيت وجهي انشل خفت ضليت بس ابجي واتوسل يعوفوني اباوع السياره تمشي وماما تلطم وراي وعمو يسكت بيها
فدوه رجعوني لويش ماخذيني والله اذا وصلت سيطره اشتكي عليكم اكلهم خاطفيني نزلوني احسللكم
-- شتكولين اخوي خطفني
--منو اخوي اني ماعندي اخوان
--هم صح والله اول مشفتج حسيت روحي مكرن هاي امج من الله طيح حظها وحظ الزلمه الماخذته ماعلمتج على الستر
--انته هئ احترم نفسك لاتغلط وشبي لبسي
ماحسيت غير جرني من شعري واسمع ذاك الثاني كله احمد عوفها خلي نوصل وعيد تربيتها مو انفضحنه كدام العالم
وحق علي اخلي طلقه ابراسج وانعل ابو هلج ولانفس-- مكرم اطلع عالترابي امبينه عرمه راح اتعبنا حتى اول مااسمع نفس ادفنها
اني خنست خفت صدك يسويها بس والله اول مااوصل للسيطره اشتكي عليهم بسيطه لميت رجليه وكعدت عاقله خفت انضرب مره لخ الطريق جان طويل وكل اشويه اسمع يخابره واحد اول مره ساله جبتوها رد كله اي جبتها بس عساها ماتت من ذاك اليوم ولاهالشوفه
عساك انته متت ان شاء الله بيش طالبني
اشويه ورجع خابر وين وصلتو وهوه يرد لفلان مكان
مرت كم ساعه جانو يطلعون بطريق مابي سيطره لان عرفو راح اسببلهم مشكله بس بعد مابيها مجال يمكن للعبور لان وصلنه سيطره كال غزل اذا سمعت صوت منج اكسر اسنونج داخل حلكج
شافني سكتت رجع گال هسه اشلون بالله العالم اتشوفج وياي من خره بقسمتي
هذه شبي ليش هيج يحجي هوه منو كله ياخذني وانوب يدعي والله اذا مافضحتكم وخليكم اتبوسون ايادي مااطلع غزل
وصلنه وكفت السياره هذه اليسوق طلع هويته وانطاها للشرطي قبل لايباوعها
صحت عمو الحكني ذوله خاطفيني انتبه الشرطي كال نزلو
نزل احمد يتوعدلي واعيونه ناطه والسايق هم نزل ونزلوني كال بابا منين خاطفيج
--والله عمو مااعرفهم خطفوني من كدام بيتنا
--وين بيتكم راد يحجي احمد صاح الشرطي بي كله مااسمعلكم صوت خلي افتهم رد كلي اي بابا وين بيتكم
بغداد بشارع فلسطين
--يعني ذوله متعرفيهم
--لاابد ولاشايفتهم
انتي منين اشو حجيج امكسر ماداافهم عليج
عمو اني من امريكا مصار اهواي من اجيت بغداد وذوله خطفوني مااعرفهم منين كلتها وبجيت
الشرطي. اي استاذ احمد شنو القضيه بلكي اتفهمنه
احمد. سيدي والله هاي اختي وجانت عد مرت ابوي بس هسه اتزوجت واجينه ناخذها تعرف مالها حق بيها بعد ولوالد متوفي اني اخوها احق واحد بيها حاليا
--شنو اليثبت
طلعو هوياتهم وانطوها للشرطي شافهن وكال شنو اسمج ولقبج
غزل معتصم ولقبي ----
هويتج وين
عندي باسبورد بالبيت
يعني ماكو هويه شنو يثبت هاي بتكم ترحون هسه للمركز وهناك نتفاهم
مكرم. سيديييي كول يالله اشلون اندخلها للمركز احنه من عشيره معروفه وهاي عرضنه صدك تحجي
اخذوهممم لحد منعرف شنو ذوله
اخذوهم الشرطه كدامي اباوعهم يتلاوون وياهم واحمد يكلهم لحد يخلي ايده عليها وحق الكعبه اسويلي مصيبه بيكم
اخذوهم دفع واني صدك مالمسوني بس امشي وياهم وصلنه مكان مثل الغرفه
مكرم. بس دقايق اخابر ابن عمنا يجيب هويتها واتاكدو والبت ردوها للسياره لااتخلوها اهنا
موابكيفكم نشتغل اتريد اتخابر خابر بس متتحرك هاي منا وانته شنو هم اخوها
لا
يلا لعد استعجل خبر
استغفر الله ربييي انتييي تعالي اوكفي اهنا كالها وسحب الفون خبر واحد ثواني وكال مؤتمن الحكنه يخوي انحجزنه جيب هويه غزل وتعال ابسرعه --لاهاي غضب الله موجوده ويانا -استعجل يخوي -يلا امتانيك لاتبطي
ضلينه وكت على وضعنه كاعدين كل مايجي الضابط يحجي يكله يخوي احنه من البصره طبعا يتاخر انطينه صبر
واني اتوسل بالضابط عمو والله مااعرفهم فدوه رجعوني لماما كال خبرنه والدتج وجايه بالطريق
نعست الوقت اتاخر اعيوني غمضت لاارادي حسيت احد يغطيني فتحت اعيوني لكيته احمد دار وجها عني ورجع مكانه
لفيت روحي بالغتره لان اشوفه اشلون اعيونه ناطه من يشوف الشرطه يباوعولي
مر الوقت واشوف دخل واحد طويل ومتروس اسمر بس لامالابس مثلهم لابس بنطرون كابوي وتشيرت ولاف على رسه مثلهم وهم شايل سلاح على متنه
سلم صوته خشن اتلكو لان مبين يعرفو رحبو بي
كعد اندار باوعلي بنضره من يمي خفت رجعت ليورا بدون لايحاجيني شكله امعصب حيل اني معوزه على جوز المخابيل اليمي هذه اجه يكملها انوب هذه بي 2منهم كملت
كاللهم اعتذر اتعطلت بس تدري طريق البصره وعلما اتفقت ويه والدتها ورحت جبتها
تمام خلي تدخل لهنا ماطولها اجت
انفتحت الباب ودخلت ماما ركضت حضنتها وبجيت ماما ضربوني وبهذلوني شوفي شنو سوو بيه
خلص حبيبتي هسه احلها لاتخافين راح اترجعين وياي
راحت للضابط انطته هويتي وضل يسال بيهم وكل واحد يجاوب على سؤاله بس اني لان قاصر لازم ماما تاخذني مامسوح احد ياخذني غيرها
مؤتمن. يلا ابو محمد احنه نترخص وهاي امور عائليه احنه انحلها بينه ازعجناكم
الضابط. اسفين شيخنا والله لو عارف ذوله اهلك ماوقفناهم بس الابنيه جانت تبجي واتكول خطفوني
ههههه يلامصار شي وهسه نترخص لان ورانا طريق
كلتله شنو يعني متاخذون حقنه تره ضربوني وهانوني وهذه الولد جان كل اشويه يخابرهم يكلهم كتلوها
اني احجي وماما تعصر بيدي اتريدني ابطل اتباوع لمؤتمن وخايفه مااعرف لويش
جان مؤتمن امدنك من سمعني حجيت رفع راسه باوعلي رافع حاجبه
كلتله اي انته راس البله خلي يسجنوك حتى تتاادب
حك لحيته ودنك همس سهلا بت عمي
الضابط. شنو هسه اتقدمين شكو تردين
اي اشتكي عليه
باوع لمؤتمن ومؤتمن ضحك كله يلا يابه سجل دعوتها خلي نخلص
لبالي صدك راح يسجل دعوه واسجنه بس اتفاجىت من عاف مكانه واجه اتصافح ويا ورجع اعتذر
سلم وطلعو
رجعونه الهويه اطلعنه اني ماما
جنت كامشه ايد ماما حيل اخاف يرجعون ياخذوني بس الحمد الله اشوفهم صعدو سياراتهم وحنه رحنه لسيارتنا جان عمو قتيبه امتانينه صعدت الحمد الله خلصت ورجعت بعد هالفلم الاكشن الصار
اتحركت السياره الطريق جان طويل خليت راسي على متن ماما واني اسولفلها الصار واشلون جانو يغلطون عليها وهيه ماقصرت اترجع الغلطه بعشره عمو يكلها عيب ذوله اهلها
--ماما لويش مجنتي اتكولين عندج اخوه
--يااا منيلج هوه بس احمد وثنين خوات عوبات مثله
--لعد ذوله منو الولد
--هذه مكرم ابن عمتج ومؤتمن ابن عمج الجبير هذه بالذات اذا شفتي لو لمحتى بالشارع تختفين من كدامه لاتوصلين يمه
لويش ماما
هذه حفيد صبحه اكبر ضالم شفته وراح اشوفه بحياتي شفت الويل كرهت عيشتي من وراه تربيه صبحه الله ياخذهم ابسببهم اخذتج ونهزمت
يعني لويش مسالو عني هسه يالله اتذكروني
--لان ناس متخاف الله تحسب بعمرج اشوكت اتكبرين وياخذوج مني
--يعني عندي اهل اهواي الله
--عزا ولج غزل ذوله عرب جول اتعرفين شنو مو اوادم تره ذوله
--خلص ماما لااتصيحين خلي يولون
غمضت اعيوني اخذت نفس الحمدالله خلصت اتصل سيف ردت ماما اسمع اتكله جبناها لايضل بالك لالامابيها شي ولك اعقل حنوصل لاتجي يلا الله وياك
لعد لويش مااجه سيف وياكم
يااا ولج غير گوه قتيبه كمشه وكله اذا وصلت ويانه واشتموك شارب يذبوك بالحبس
والله هوه اتخبل من سمع اخذوج ماقبل يبقى بس من سمع مؤتمن خابرني وكال تعالي اخذي بتج يالله قبل يبقى بالبيت
يلا الله يهدي ويبطل شرب
رجعت غمضت اعيوني واستوه عمو ديحجي ويانا يكول اخذكم اعشيكم اكو مطعم قريب ماحسينه غير سيارتنا انضربت همزين ماانكلبنه
نزل عمو معصب ويغلط انفتحت الباب من جهتي وسحبني واحد حيل طلعني من السياره ماما ضلت اتصرخ وتصيح بصوت عالي بلكي واحد ينقذنه بس الشارع جان فارغ اخذني سحل لسياره جانت واكفه مقابيلنه فتح باب السياره وشمرني داخلها اباوع الولد الي داخل السياره جان مؤتمن والجابني سحل هذه احمد
مؤتمن. اتركها ورد لااتخليهم يتحركون لحد مااعبر للبصره
سد الباب ردت افتحها انزل بس داس دكمه من يمه انقفل الباب كمت اشهك واتوسل ينزلني
اندار باوعلي دنك شاف تنورتي شفته صار اعصاب وكال تشتكين عليه بت ال------مو متلامين تربات فريال ال------- اوصل واعلمج اشلون ادخلينه مراكز
والله اسفه فدوه بس خليني ارجع لماما
ادكدك على الباب اريد احد ينقذني واشهك بصوت عالي ماماااااا
ماسمعت غير صوت طرش اذني
والاسمممممه الله اركعج كف اموتج ابمكانج
مااهيس حسج نفس واحد احطج جوه التاير واحسب الله ماخلقج
