رواية الهجرس الفصل السابع 7 بقلم رواء هادي
ماصدكت صرت بالمطبخ خليت ايدي على صدري مكان قلبي يدك سريع بقيت أتنفس سريع أول مرة بحياتي
انحط بيهج موقف محرج
رحت للسنك اغسل وجهي فزيت على صوت حنين "
حسبي أيام وجايين خطابة ههههههه
الماي جان جاي ينزل على أيديه درت وجي عليها"
عليمن ؟
تخوصرت بعتبه الباب وتضحك بخباثه "
عليج عليمن ههههه... راح اجرج
وراي مناوي هههههه
رجعت اغسل وجي بعدم مبالاة كملت تغسيل سديت الماي التفتت عليها وهي بعدها تضحك"
والله بطرنه حنونه
_ليش عيني بطرانة ماشفتي شلون يباوعلج والولد اكلج اكل بنظراته ..وثاني شي بالعرس ماجوي شعجب اجوي وره العرس الموضوع بي انه
_محتمل عدهم ضروف ومكدرون يجون
_لا الولد شافج وراح كال لأمه وخالته واجوي شافوج بحجه يباركون وينطون فضل
_ماتوقع
_انا أتوقع صدك شفتي نظرات فرقد وجدي على رفل
_اي
_وانا احس راح يخطبونها لعمي وائل
_الله يسمع من حلكج المره خوش مرة ومبينة مثقفة
_اويلي يابة الثقافة تخرخر منها هههه
_اي كلش واسلوبها حلو هم
_اي ننطيهم انتي لياسر وتأخذ خالته لعمي ههههه
تعصبت منها وخزرتها "
شنو هالحجي حنين
_شكو بيها
_ماقبل انا لتخليني بالنص تره خطار عدكم
_لامو خطار اخت فرقد أنتي بالرضاعة وثاني شي هذا لبيت بيتج مثل ماهو بيتي وبيت
فرقد وبيت الكل
_متوهمة البيت صح لجدي بس مسجل بأسم فرقد
فكت اعيونها بصدمة"
صدك تحجين ؟
_اي والله العام داره بأسم فرقد هو والكاع
_اشو مكالي فرقد؟!
_ماعرف بس لتكولين انا كلتلج
_لامراح اكول ...سوي العشة انتي لما أروح وأشوف شكو ماكو من حجي
_عود تعاي كليلي
_ماشي
حنين رحت كعدت يمهم بالصالة عمي وائل كعد بصف فرقد مرتاج على المخدة جدي يحجي ويه جداتي
الثلاثه مخلياته بالنص
همست لفرقد "
إجتماع مغلق ؟
رجع شاورني "
لكينه لأبوي حرمة معدلة هههه
_والله
_اي
_رفل مو
_اي هههه
_حلوة كلش وبعدها كتكوتة
_اي وعلى الله يقبل
_وليش مايقبل قابل
_ماعرف بعد خليها على الله
بعد عني صاروا يحجون بموضوع عادي مجابوا طاري ابد لعمي وائل ثاني يوم وهم ماكو مجابوا طاري سألت فرقد كال مو هسه خل احجي
ويه ياسر من أرجع للدوام واكوله عن حاله أبوي مايخلف تقبل تأخذه بدون خلفه يله نفتح
الموضوع ويه أبوي
_نفترض قبلت وأبوك ماقبل شلون بهاي الحالة ؟
_يقبل أبوي
_صار سنوات تقنعون بي ومايقبل وتريد هسه يقبل
_خليها علية انا اعرف شلون أقنعه بطريقتي
_على الله يقبل خطيه عمي يريدله ونس ويا بالغرفة ومره تهتم بي وتداري
_اي تعاي انطيني بوسة عطشان
_ولا تشبع فرقد
_ماينشبع منج حنونتي
_ههههه كافي
_هو شنو كافي بس بوسة وحدة
_المكان مو مناسب
_اكو احلى من هيج مكان اكضي بي وقتي
ويه حبيبتي حنونتي
_عود بالغرفة مو بالحديقة
_انا يعجبني بالحديقة أخذ بوسة يله مديلي شفايفج
_هاي شنو فرقد موعيب
_من انعل ابو العيب دنطيني بوسة
قترب مني رأسن كمت وشردت سحبني من أيدي قوي وكعدني بحضنه فوك المرجوحة يباوع بوجي ويضحك خجلت كلش وقطيت وجي
بكفوف أيديه وكلت بخجل"
هاي سويت فرقد؟
_غير أخذ حقي
_عوفني فرقد اااه عوفني ولك لتعض ااااه
_شيلي ايديج لعد
_ماشيل
_تحملي لعد هههه
صار يعض بزندي وانا اصيح بوجع عافني من سمعنا صوت جديتي خديجة "شنو هالعياط؟
رأسن طفرت من حضنه وبقيت واكفه هو كتم ضحكته وصاح بيها " ماكو شي جدة تعاي
جديتي خديجة _ شبيج حنونه بس تعيطين ؟
وكفت كدامنا تخزر بينه خجلت كلش و لزمت زندي مكان العضة بألم رجع فرقد كاللها بضحكة "
"عضيتها ههههه
جديتي خديجة _أدري جلب وتعض
حنونه _ههههه
هجرس _لتخليني اطلعهن جدة
جديتي خديجة _شطلع ولك
هجرس_رومنسية جدي موسى وياج هههه
جديتي خديجة _عززة بعينك شنو هالحجي .. ولك أنت ماتسحتي تحاجي جديتك هيج ؟
هجرس_ليش استحي هاي حياة المتزوجين
كلها رومنسية
جديتي خديجة _طاح حظك أمشي دخلي جوه
جوي خالاتج يباركولج
هجرس_شعدهم جايين
حنونه _منو ومنو جاي ؟
جديتي خديجة _خالاتج تلاثتهن من عده فضيله .. هجرس دير بالك تدخل عليهم
خله أيديه وره رأسه ويضحك بخباثه "
ههه ليش ؟
حنونه_هسه تتعارك وتطردهم بره لتجي
جديتي خديجة _أدري بيك ابو مصايب
أبقى هنا لما يرحون
كام يضحك وكال"
أصلا طالع بره يم بارق .. حنونه ديري بالج
تأخذين بكلامهن
حنونه _هو شنو وأخذ بكلامهن ؟
هجرس_مايكعدن راحة أدري بسوالفهن وتمثيلهن امج خطية امج مسكينه اخذي فرقد
وروحي راضيها
حنونه_هو لازم نراضيها فرقد
هجرس_ مو انا تمشي رضات النسوان..وامج ماصالحها لو تنطبق السماء السبعة
حنونه_فرقد هاي امي ليش تمنعني منها ؟
هجرس _انا مامنعج منها تردين ترحيلها روحيلها بي وقت يعجبج اما انا لا مادخل بيت اهلج لو على كص
اركبتي للموت مادخله
جديتي خديجة _بكيفك جده يله أمشي
حنونه_جدة قنعي
هجرس_ماقنع وتدري بي جديتي صعب القناع
اقترب لعندي طبع بوسة خفيفة على خدي ومشى بدون كلام بقيت اباوعله ودموع بعيوني باوعت لجديتي
اشرت بيدها اجي وياها
_ماكو أمل منه أمشي جدة
_يعني إلى متى نبقى هيج ناس تكره ناس
_هاي هم بيهم بذرة الكره ولبلشوا أهلج
_أدري أهلي بس المسامح كريم
_ولعدنه موكريم بخيل وتعرفينه أنتي أكثر مني ليغلط مرة عنده مايسامحه لو تطلع نخله برأسه
_لعد شلون سامح ابوه
_أبوه ماتخلى عنه أبوه جان تحت تأثير سحورة امج وخالتج صبوحة ..وجان يأخذ بكلام خواته عباله يحبونه
ومايدري بيهم يردونه
يموت ابنه علمود ينكطع من شجرة وينتهي نسله
_هذولة بذرج جدة
_ياحسافة على هاي البطن الخلفت مثل ابوج وعمج جاسم يله أمشي لتهيجين منامات
مشيت وراها بدون كلام دخلت سلمت على خالاتي كعدن يحجن على أمي خطية مكسور ظهرها من وراج ليش هيج سويتي بيها وكسرتيها كدام
فرقد وأبوه "
_اترجاجن سدوا الموضوع أنتو جايين تباركون لو تعاتبون ' الموضوع خاص بيني وبين أمي وانا أعرف شلون أحله اتمنى محد يتدخل بيناتنه
المهم سدوا الموضوع سألوا على فرقد كتلهن طالع ساعة زمان وطلعوا رجع فرقد ويا بارق خربان من الضحك ماعرف عليش
ردت أسأل بس تراجعت رحت يم مناوي جانت تطبخ العشة كعدت كدامها بالكاع جانت تثرم بصل "
مناوي حياتي
_هاا
_فرقد كعب باجر يروح للدوام
_اي
_اي وراح يفتح موضوع ويه صديقه ياسر
_موضوعيش ؟
_موضوع زواج عمي وائل من خالته تتوقعين تقبل
_تبقى يم الله
_ونعم بالله أنتي من وجهة نظرج تقبل ؟
_ماعرف
_شتعرفين لعد
_حنونه عيوني راحوا من ثرم وأنتي تسالين اسأله محد يعرف جوابها عوفيني
_هاي شبيج
_ماتشوفين الدموع
_اي دموع الفرح هههههه
_يافرح هذا رب الكعبة
_فرح زواج عمي وائل وجيه ياسر لهنا ههههه
_حنونه انجبي لايسمعج احد شيكول مو يكول
عدها شي ويا
_هيج حظج الغبر يسويها وتزوجين ضابط ياسر الصاك ابو ضحكة الحلوة ههههه
_عزززة تتغزلين بالرجال
_غير راح يصير النسيب والنسيب قطعة من الكبد هههه
_استغفر الله
شالت لبصل وكامت خلته بالجدر ماترد كمت وكتلها "
صراحة شنو رايج بي ؟
_بيمن ؟
_ياسر
_شعلي بي عوفيني حنونه
_عليج الله شنو رايج بي ؟
_جوزي مني
_من عابتلج مو مال واحد يحجي وياج
قبل لا ترد دخل بارق بيده تفاحة يرفع بيها للهوى ويرجع يلزمها وابتسامة على شفايفه " ابشركم تك نعالي راح يصير نسيب هههههه
باوعتلها قطرة دم مابقت بيها انا ضحكت وكلتله "
والله
بارق_اي والله ههههه
حنونه _يعني وافق ؟
بارق_ باجر هجرس يروح للدوام ويحجي ويا هههه
حنونه _بخصوص زواج عمي وائل ؟
بارق_لعد بخصوص زواجي من خالته ههههه
حنونه _اي شعجب فرقد يروح باجر ؟
بارق_علمود زواج أبوه
حنونه_اي يكدر يتصل بياسر ويعزمه بمكان ويحجي ويا مو إلا بالدوام
بارق_تردينه يبقى كارك عندج ؟
حنونه _مو عرسان جددد
بارق_واذا عرسان .. حنين لا تشأمين من هسه الخاطر الله خلي الأمور تمشي بهدوء وخلينه فرحانين وهجرس ماراح يطير منج الظهر
يجي وينام على قلبج واشبعي بي
حنونه_لا بالعكس فرحانه لعمي
بارق_خلص لعد اسكتي ...وهاا ديري بالج توصلين هذا الحجي لاهلج اياني وياج توصلي حتلوه
لصديقتج عدوية ماتوصلي
حنونه_والله أبد ماكول
بارق_اي عفيه بالسباعية هيج نريدج
حنونه _ وأنت شوكت تعرس
بارق_ انظر بقضيتي بعدين هسه انظاري
على قضية عمي
حنونه_شعليك بعمك ؟
بارق_عمي الهم وانا ضامن زواجي
من حبيبتي هباوي
حنونه _هاا زين لعد انا رايحة يم فرقد
بارق_اركضي قبل لايشرد ويخليج ههههه
حنونه _توه جاء وين يشرد هههه
بارق_لغيرج هههه
حنونه _علمود اذبحه بالسجين
بارق_من يمج مناوي شمريلها السجين خل تروح تذبحه وتسوي ضحية العرس ههههههه
حنونه_بعيد الشر عنه
بارق_باع العيارة والمكر
حنونه_مثل مكرك ههههه
بارق_لو عندي مكر جان هسه لكيتيني بمكان امج
حنونه_غلطان بمكان أمك
رديت بارق وطلعت دخلت لغرفة لكيت فرقد ممطول على ظهره فوك الجرباية مشغل قرأن سورة البقرة
وبيده تلفون يكلب بي
كعدت بصفه اباوعله وابتسم سارحة بي مامصدكة صرت مرته وحلاله وصار زوجي بقيت تأمل بي نزل تلفون وباوعلي رفع تك حاجب مستغرب
_سالمين وين صاف الحلو مالتي
_بيك
_شتعلت صفحتك بارق ههههه
_أروح فدوة لضحكاتك الحلوة فرقدي
_اووف يابة ماتحمل انا تره هههه
_أحبك
_اويلي
عاف التلفون بصفه وفتح أيديه الأثنين وكالت "
تعاي خل اضمج بين اضلوعي
أبتسمت ونمت على صدره حضني بأثنين أيديه قوي راسي صار فوك قلبه أسمع دكات قلبه تدك حيل بقيت مستمتعة بسمعي لدكات قلبه .
كلمة وحدة ماحجيت ولاهو حجه بقينا على هاي الحالة وانتبهت على سؤاله " هم يجي يوم
وتعوفيني بي حنونه ؟
ردت أرفع رأسي منعني وكال "
أبقي نايمة على قلبي وقلبي
يريد جوابه؟
بست صدره مكان قبله وكالت "
اهجر الروح وماهجرك فرقدي
شد على حضنه أكثر في حيث توجعت ودكات قلبه صارت أقوى " وكال بكل شغف "جنت متأكد والله
مراح تهجريني بيوم وراح تبقين
وياي لآخر نفس بي
_انا وياك للشيب فرقدي
_وان شاءالله يومي قبل يومج
_سم الله عليك ان شاءالله انا يومي قبل يومك
_لاا حنونه ماتحمل انا افراقج خليني اموت قبلج علمود ماحس بطعم بفراقج شنو
_لعد وانا شلون أتحمل افراقك ؟
_يله لتزعلين ان شاءالله يومنا واحد ونندفن بكبر واحد واحد حاضن الثاني
_ياريت والله نندفن بكبر واحد
_وانا هم حنونتي
رخه أيديه رفعت جسمي اباوعله مبتسم الوجه أبتسمت وكالتله "هيج تحبني فرقد ؟
_وأكثر ماتصورين أحبج حنونتي
_ياريت يبقى هذا الحب لآخر يوم بعمرك
_طمني يبقى محفوظ بقلبي الج لآخر يوم بعمري
_ان شاءالله يارب
رفع رأسه من المخدة وباسني بشفايفي بهدوء بعد شوي وهمس كدام شفايفي "بي مرض اسمه حنونه
_هههه
_ضحكاتج تشرح قلبي شرح حنونتي
_أحبك اممممح
أخذني الحماس وحضنت رأسه قوي كمت أبوس بي بوسات سريعة ومتقاطعة هو خربان ضحك بعدني عنه وجرني الحضنه حضني قوي
_من كل عقلها امج جانت ناويه تحرمني منج ؟
_هههه اي
_تدرين لو مسويتها صدك جان سويت؟
_سويت ؟
_وحق أمير المؤمنين علي ابن أبي طالب جان حركت الدنيا على راس امج وابوج وابن خالج اخليهم يزفوا عريس للمكابر بدل مايزفوا عريس الالج
_فرقد من كل عقلك جاي تحجي ؟
_اي مادترين بي شكثر أحبج حنونه ومتعلق بيج
_ماتصورتك مجنون
_هو انا مجنون من قبل ونجنين بالزايد من حبيتج
_بس موهيج
_هو شنو موهيج
_تحبني بخبال
_الحب لو ماصار بخبال مايسمى حب
_غلطان
_مغلطان وهذا انا من أحب شخص أحبه من كل قلبي ماحبه حب سطحي مال يوم يومين وانساه من أحب افتح قلبي فتح ودخل الحب كله بي
وراها اسده وضربه قفل واشمر مفتاحه بعماق البحار علمود محد يلكاه ويفتح قلبي ويطلع
كل حب هذا الشخص
_ياهنيالي بيك فرقدي
_والله انا هنيالي بيج حنونتي اممممح
باسني بوسة طويلة بخدي خربت من الضحك صار يبوس بي ويتغزل وانا ذايبه بين لمساته وبوساته أحب قربه لي واحب كلشي بي .
ثاني يوم الصبح بدل بيقت اباوعله بحزن ماريده يروح ماصارلنه غير كم يوم من عرسنا ويريد
يروح ويخليني
جان يمشط كدام المراية كمل والتفت عليه متربعة فوك الجرباية وكاتفة أيديه قترب مني دنك
علية صار بمستواي
_شبيها حنونتي ؟
_زعلانة
_منو مزعلج
_أنت
_هجرس ولك ليش مزعل حنونتي اليوم اشكك بالنص
_هههههه
_أروح فدوة لضحكاتج حنونتي
دنكت عليها وبستها بشفايفها بوسة خفيفة وراها كمت بطولي اباوعلها تباوعلي وتضحك "
ديري بالج على نفسج ماوصيج
بعد حنونتي
_وأنت هم دير بالك على نفسك ولتطلع من المركز أبد
_أبد ماطلع احبس نفسي بالمكتب لو بالسجن واسكت علمود ارضيج ههههه
_اي
_أهم شي رضاتك حبيبي
_تعال خل ابوسك
كامت وكفت فوك الجرباية وكفت كداها لزمت وجي بكفوف ايديها وباستني بخدودي الأثنين وراها باست كصتي وراها شفايفي بوسة
طويلة بعدت وكتلها"
اكلتيني اكل هههه
_مالي وحلال اكلك
_مالج والله ههههه
حضنتها بيد وحدة وكتلها "
مادري شمسوي يم الله ورزقني بيج حنونتي
_لان هجرس هههه
_ههههه
_اشاقه هههه
_أدري ياروحي يله لازم اروح راح تأخر على الدوام
_ماشي يقلبي دير بالك على نفسك
_ماشي باي اممممح
دزيتلها بوسة بالهوى هي هم باست أيدها ودزتلي بوسة كمشتها بيدي وخليتها على قلبي وطلعت أضحك سلمت على جداتي ومناوي وطلعت
للمظيف سلمت على جدي وأبوي وأخذت ..سيارة أبوي وطلعت وصلت المركز كلها تبارك الي جواد وياسر من شافوني انصدموا اجيت قبل لا تكمل
إجازتي اخذوني للمكتب دك سوالف وضحك نادوا على جواد طلعت واستغليت الفرصة ياسر الواحدة عندي فتحت ويا الموضوع
أبتسم وكال "
خليتوا عينكم على خالتي رفل ؟
_اي ههه
_وتريدها تصير أمك؟
_ياريت والله
_باع خالتي قلبها طيب وطيبوبة لأبعد الحدود تحجي وياها تحجي ماتحجي وياها ماتحجي مو مثل بعض النسوان تصفك وتلحك وترجع ليورة
_اي
_اي من هسه اكلك وعيبها الوحيد الكذب
اذبحها ولا تكذب عليها
_مثلي
_اي مثلك قلبها ملجوم وأعتقد تدري بالسالفة شلون خانها ابن عمها وفسخ الخطوبة بعد ماحب
وحدة بالجامعة ويا
_اي كالولي
_هاي انطيتك معلومات عن خالتي انطيتي
معلومات عن أبوك
_تمام أبوك يعرف أبوي حق المعرقة
_اي بس انا ماعرفه
_تمام وياك بهذا الشي وهسه راح احجيلك قصة أبوي من بداية زواجة من امي لحد طلاقة وحد زواجة من اخت ام مرتي وكلشي ماراح اضم عليك
_هو هذا المضبوط
حجيتله قصة أبوي كلها وشلون جان يأخذ علاج أعشاب على أساس علاج ينزل الرمل من الكلى هو يبس خلفته وبعد مستحيل يخلف ومكالتله عمامي السبب ماردت اخوفه ويكول هذوله أعداء مو أخوه
حسيت بي جرله صفنة طويلة "
هاا شكلت ؟
_والله يافرقد خالتي
_شبيها خالتك ؟
_وره ماعافها ابن عمها بسنتين
_اي كمل ؟
_صار عدها كيس على الرحم
_اي
_وشكو بي مرض خبيث
_تحجي الصدك؟
_اي والله لذالك طروا يشيلون رحمها بالكامل
_قهرتني بكلامك
_ماتشوفها ماتقبل تزوج ياهو ليجي ترفض لان ماتكدر تخلف حالتها مشابهة الحال أبوك
_ تعرف حسيت الله خلقها لأبوي
_هجرس
_وجعععع خالتك اخذها لأبوي هي ماتخلف وابوي مايخلف وانا اصير ابنهم واخلف
جهال وانطيهم
_خوش حاسب احساب أنت
_اي يداروني واداريهم
_وراح تعاملها مثل ماتعامل امك
_مستحيل اعاملها مثل أمي
_لعد شلون تريدني أمن انطيها لأبوك وأنت ترفض تعاملها مثل ماتعامل أمك
_لأن امي بعمرها مجانت ام
_مافهمت شقصدك ؟
_أمي تبرت مني وتمنت لي الموت شلون تريدني احبها واعاملها معامله الأم
_ آسف يمكن فتحت جروح
_لاعادي أصلا ماهتم من يمر طاريها وعوفنه من سيرتها خلنه بسيره أمي الجديدة هههه
_خررر... بيك هجرس صدكت صارت امك
_اي من شفتها حسيت بيها هاي الأم المناسبة لي
_هااا
_اي والله جانت كاعدة بصف اختي مناوي وتحجي وانا وجدي تباوعلها ونحجي صدك حسيت بهذيج
لحظة هي امي صايرة
_صدك صدك مناوي منو ؟
_بت عمي وأختي برضاعة
_ياهو من عمامك
_فواز ابو بارق
_بارق لو غيره
_اي هو بارق الشاخط ههههه
_ولك هذا الضلع أموت عليه وربي سوالفه تخبل
_مثل سوالفك
_اي والله بي شبه مني موطبيعي
_اي هواي
_ هي عايشة يمكم ليش ؟
_اي
_واهلها هم يمكم عايشين ؟
_لا بس أبوي بالبيت وجداتي التلاثه ومناوي انتقلت جديد عدنا بالبيت
_هاا شكد عمرها
_ليش تسأل ولك ؟
_مجرد فضول
_بعمري
_يعني انا أكبر منها ب٣ سنوات
_اي والمطلوب
_ماكو مطلوب عزيزي ولتاخذها بغير نظره تره انا زلمة ثكيل مو ابو عين زايغة وأختك
بحسبه أختي
_اي هسه شكلت
_والله من جهتي انا موافق بس لازم يرجع أبوي وافاتحه بالموضوع علمود هو شخصيا يحجي وياها .. تعرف هي تحب أبوي وبمثابه اب الها وتسمع كلامه
وتأخذ بنصيحته
_تمام شوكت ينزل أبوك
_بعد خمس أيام ينزل للبيت
_صدك ماسألتك من قبل ... أبوك بالجهاز مكافحة الإرهاب يداوم أنت شعجب ماصرت بالجهاز
وصرت بالشرطة ؟
_والله مجايز من روحي اروح للجهاز
_ليش شبي ؟
_موت أحمر بالقرأن شايف تدريبهم شنو شايف وين ماكو مكان خطر يشمرون نفسهم شمر وانا أحب روحي اخذت الشرطة لأن راحة ومابيها تعب
مثل الجهاز
_لعد أبوك شلون راح للجهاز؟
_أبوي يحب المخاطر والمغامرات مو مثلي
_تره كلا الحالتين شغل العسكري خطر
_اي بس هنا مرتاح اجي الصبح ارجع الظهر وخفارة كم يوم عندي مو مثل أبوي بالسنة حسنه يله نشوفه حتى ماشابعين منه شوف وأمي الليل والنهار مادة السجادة وتدعي مايصير بي شي ويرجعلها سالم
_تره حالنا من حال أبوك ماتدري ساعة الساعة
يجينه الموت و ياخذنه
_الموت حق مو اليوم باجر داك بابنه بس انا اباوع الحال أمي.. غصب عنها صرت
ضابط ههههه
_فوكاها تضحك
_اي والله بوكتها موتتني من الكتل فوكاها خالتي تكتل بي لتصير ضابط صير مدرس معلم مثلي وانا مصلخ بطرك البجامة واصيح عليهم
من باب الحوش " لوووو ضابط لو ماصير لو تطلع نخله براسكم ماصير غير ضابط ..ههههه وجان يجيني نعال تايه من خالتي بنص رأسي
سطرني سطره العباس هههههه
_ههههع خررر.. بيك ياسر ههههه راح توكف
قلبي هههههه
_بعد عندي سوالف تجلطك هههههه
_لا ماريد ماتحمل انا هههههه
بيقنى نضحك متنه من الضحك طلع عدنا وأجب طلعنا ساعتين رجعنا للمركز جاء جواد
ضايج سأله ياسر
ياسر_شبيك كالب خلقتك ؟
جواد _ اكو واحد كلب ابن شطعش كلب
هجرس_خيره ؟
جواد_كل شهر مشتكي على طليقته
ياسر_عليش يشتكي عليها ؟
جواد_هذا الشهر مجايبتله البنية يشوفها
ياسر_ولك هذا تلزمة وتكطع النعال فوك رأسه ورأس الخلفوه هي مطلقة وكل ظيم الله برأسها واكع
أنوب هو صاير ابو الراهي
هجرس_محتمل عدها ضروف وماكدرت تجيبها له
جواد_ولك هذا كلب ابن كلب اعرفه انا حق المعرفة
ياسر_عليك الله مو هو رأس البله
جواد _اي والله جان شالع قلبها شلع وهسه مطلكها كاعد يكلي مشتاقلها فريت الدنيا كلها مالكيت مثل حنيتها وطيبه قلبها
هجرس_جرب غيري تعرف خيري
ياسر_من يحبها ومشتاقلها عليش مشتكي عليها ؟
جواد_انا أدري عليش اشتكه علمود تجي
ويشوفها بالمحكمة
ياسر_وله هيج يله يشوفها ؟
جواد_اي هي ماتطلع أبد من البيت واهلها ناس متشددة وماعدها مره تطلع وهذا اخوها يجيبها له
بالمحكمة يشوفها
هجرس_ وشيريد هذا هي تدش محاكم وتجيبله البنية؟
ياسر_اي لعد شلكيته كوا....ابن كوا...
جواد_ هسه نقيب حاتم كالي أتصل بأخوها وكله فلان ابن فلان شتكه على أختك تعال أخذ البلاغ
عيب ندزه لباب بيته
هجرس_هذا بلا شرف وأخلاق
ياسر_اقسم بله ماعنده ذرة رجوله
جواد_لو رجال ماسواها بس للاسف شبه رجال هذا يله انا رايح أتصل باخوها يجي
ياخذ البلاغ
هجرس_روح يابة لشغلك
راح جواد ياسر تنفز كلش كال "
بشرفك هم شايف
هيج رجال ؟
_اي
_انا من صرت بالشرطة صار يمر عليه أشخاص شعر رأسي يشيب من سوالفهم خل احجيلك مرة اجوي اشتكوا علمود عركة صايرة منورة هايشة
ماكله الزرعات وناس ذابحة ناس من وراها ولك بهيمة تتعاركون من وراها لا والحلو كاتلين الهايشة
علمود ماكله الزرعات
_ههههه
_اي سالفة تضحك وتقهر ههههه
_ناس همج ومتخلفة ولو منو يجي مايثقفون ويصيرون واعين للأسف
تفكير متحجر
_هسه لو تجيب جلب دايح من الشارع وتربي وتعلمه راح يتعلم ويثقف بس البشر
ماراح يثقفون أبد
_للاسف هذا واقع الحال
_اي يله عزيزي رايح انا عندي شغل
_تمام روح لشغلك
راح ياسر رجعت بمكتبي أتصلت بجدي وكلتله على كل السالفة وكال هي هاي تفيد ابوك الله دزها له حاول تسوي الشغله علمود أبوك خطية
راح يتخبل بله المره
_ان شاءالله خير جدي انا متفائل
_وانا هم من شفتها شفت كل الخير
_شلون
_اطلب واحد دين مليون ونص وصارله أربع سنوات من متداين خليتها على كصتها وقبل شوي
جابلي الفلوس
_جدي هاي كصتها هير لعد نجلب بيها ؟
_اي جلب باثنين ايديك بعد جدك
_ايي بديه ورجليه اجلب بيها هههه
_هاهيه ههههه
بيقت أضحك واسولف ويه جدي وراها إنتهى الدوام رجعت للبيت سولفت لجداتي ومناوي وحنونه وبارق وعمي فواز عن قصة البنية
انقهروا عليها وبارق طفر وكال _هي هاي ترهم لعمي وائل علمود لا تنكنك فوك راسه مابيك خلفة ومابيك حيل تحبل مثل صبوحة ههههه
فواز_من عمت عينك هذا هم حجي تحجي
بارق_ومجذب قابل مو جانت تعير بي هجرس مو صدك
هجرس_اي
فواز_وانت أبقى ايد بي
هجرس _وقابل مجذب ياعمي جاي يكول الصدك
مرت الأيام وجاء اليوم سألت ياسر كال أبوي مانزل عدهم إنذار تدري داعش دخل للموصل وأبوي دوامه بالموصل وأحنا خايفين عليه .
عاد مالحيت بالسالفة ... بعد وأحنا كل يوم عزيمة بيت عمامي وآخر واحد عزمنه هو ابو سلسبيل كلت
نروح حنين ماقبلت .
عاد قنعتها نروح هم نزور الكاظم(ع) وهم نغير أجواء عاد قنعت والله وثاني يوم بس جديتي حلوة راح تروح جديتي خديجة وجوري كالوا مانروح
نبقى بالبيت مناوي هم ماقبلت حنين لحت عليها عاد قبلت تروح خطيه ماتريد تروح الواحدها المهم بارق حلف بس ماناخذه يكلبها مناحة
عاد أخذناه رحنا سيارتين أبوي وبارق وجدي وجديتي بسيارة وانا وحنونه ومنى بسيارة وصلنا بيت اهل سلسبيل جان قاطين بناء قديم مو حديث
وكله بلكونات جانوا واكفين بالباب كلها نزلنا سلمنا عليهم بعدنا ماداخلين اجت سلسبيل تركض من بره لابسة نفنوف أسود قصير جوه الركبة
نصردان ومن تركض اركبها يطلعون وشعرها القصير طاير بالهوى من مكانها صاحت " ياهلا بالعشق ياهلا لماتسوى
شي عيوني بله شوفته .
