رواية كسرة روح جميلة الفصل الرابع 4 بقلم مصطفي جابر
جميلة مينفعش اللي بتعمليه ده.. انتي وافقتي من البداية أني اتجوز عليكي وأنك وتكملي معايا متتطلقيش
جميله ببرود: ورجعت في كلامي علشان انت اناني متستهلش اي لحظة ضيعتها معاك واكيد ربنا هيعوضني عن أذنكم.
سابته وخرجت وهو واقف مصدوم من كلامها
عماد بهدؤء: حتي لو هي سابتك وهتطلق انا بردو مش موافق علي زواجك من بنتي أتفضل مع السلامه.
صوت من وراه: انت بقيت تمشب تكلم نفسك ولا اي؟
بص لها بلهفة: جميله انتي رجعتي عشاني.
جميله بهدؤء: انت مبقتش تسوي حاجه بالنسبالي علشان ارجعلك..تعالي وصلني في سكتك علشان مش لاقيه مواصلات وبالمرة أقولك اني مش زعلانه وبدعيلك بالسعادة معا رحمة بس امانه عليك تخليها تخلف متحرمهاش من اللي حرمتني منه.
حسام حس الدنيا بتلف بيه وقع مكانه.
جميله بخضة: الحقووني... حساااام قووم جرا لك اي... حد يلحقني حسام.
الناس اتلمت وخدته علي اقرب مستشفي وهيا معاه ..
بعد شويه في المستشفى..
الدكتور بهدؤء: هو جاله انهيار عصبي و صدمه مقدرش يستحملها وأغمي عليه
جميله باستغراب: من اي دا؟
الدكتور بضحك: اكيد مش انا اللي عارف يعني الاجابة عند حضرتك يا مدام أهم حاجه يرتاح وميتعرضش لأي ضغوطات
جميله بهدؤء: تمام شكرا لحضرتك يا دكتور تعبتك معانا.
الدكتور بأبتسامة : تعبك راحه يا مدام...أنا بس كنت محتاج رقمك عشان ابقي اطمنك عنه يعني علشان لو مشيتي وسبتيه وعايزه تطمني عليه تقدري تكلميني
جميله بجمود : لا شكرا عن أذنك.
جميله خدت نفسها ودخلت لحسام وقعدت جنبه: معقول مقدرتش تتحمل رفض ابوها ليك ووقعت للدرجة دي بتحبها ياريتك حبتني ربع حبها.
حسام فتح عينه بتعب: مش عاوزاها انا عاوزاك انتي متمشيش يا جميله انا اسف عشان خاطري ما تمشيش.
جميله بهدؤء: اهدي يا حسام انا لازم ابعد كدا هكون مرتاحه وانت هتقدر تعيش مع عروستك اللي بتحبها.
حسام بحزن: لا انا بحبك انتي مش هيا انا افتكرت زكرياتنا سول زمان وحنيت و مشوفتش حاجه غير حنيتيك عليا... انا اسف وحياة اغلي حاجه عنك ما تبعديش عني
جميله بهدؤء: مش عارفه يا حسام مش هقدر اكمل وانت قهرتني وكسرت قلبي.
حسام بلهفة: والله هعوضك انا مخونتكيش انا كنت هتجوز بس.
جميله بضحك: انت عبيط اي ما خونتكيش دي؟ الخيانه ليها انواع وانت خونت قلبي وكسرته
حسام بحزن: هعوضك وهسيبك ترتاحي والله بس مترفعيش قضية الخلع دي وانا اوعدك اني هتغير
جميله بهدؤء: ماشي يا حسام هديك فرصة اخيرة ولو زعلتني هتطلقني بمزاجك او غصب عنك.
حسام بلهفة: موافق نبدء صفحة جديدة واتنازلي عن القضيه.
جميله بهدؤء : ماشي اما نشوف اخرتها.
جميله لنفسها: انا عارفة ان دا غلط بس مفيش انسان مبيغلطش وانا لسه بحبه والمسامح كريم مينفعش أخرب بيتي بأيدي
بعد مرور اسبوع حسام مبيردش علي رحمة اللي هتتجنن و عايش في هدؤء مع جميله..
في يوم..
حسام بغيظ: انا مش فاهم يعني اي بن خالتك راحلك انتي وامك وقعد معاكم هناك امك ليه مسيبتهوش وجيتي؟
جميله باستغراب: مالك يا حسام دا عيل صغير فية ثانوي يا حبيبي مش كدا
حسام بغضب: والله لو اي ما هو شنبه في وشه اهو اوعي تتكرر تاني.
جميله بضحك: حاضر يا حبيبي متزعلش نفسك هقوم اعمل الغداء.
حسام بحنان: لا انا عاملك مفاجأة انا طبخت النهاردة وهأكلك احلي أكي.. ارتاحي انتي وهجيب لك الاكل لحد عندك وهأكلك بأيدي كمان.
جميله بضحك: ياسلام علي الدلع ياخويا الله يرحم مكنتش بتقوم تسقي نفسك حتي.
حسام بحنان: مش اتفقنا ننسي الماضي ونركز في الجاي يا جمليتي.
الباب خبط..
احمد بأبتسامه: خليكي انتي هروح انا أفتح .
راح فتح الباب
أحمد بصدمه : انتي بتعملي ايه هنا.
رحمة بغضب: اقدر افهم البيه متجاهلني لي بقا ان شاءلله.
حسام بهدؤء: ابوكي قال كلمته وانا نفذتها عاوزة اي تاني.
رحمة بغضب: انت زي ماتكون مستني انه يقولك كدا عشان تسيبني هو دا الحب اللي انا حبتهولك يا حسام.
حسام بهدؤء: دا مكنش حب يا رحمه... الحب اللي بجد هو اللي مع جميله و بصراحه اكتشفت اني بحب مراتي وعاوزاها ومش هقدر استغني عنها
رحمة بزعيق: وجاي تكتشف دا دلوقتي يا حسام بعد اما كنا خلاص هنتجوز؟ هيا سحرت لك ولا اي.
حسام ببرود: اه سحرت لي بعنيها وحبها.
رحمة بغل: ده الحمد لله انها سابتك وخلعتك ابقي تف علي وشي لو رجعتلك تاني.
جميله من ورا حسام: اي اللي جاب الحرباية دي هنا يا حسام؟.
رحمة بصدمة: ج جميلة؟ انتي بتعملي ايه هنا مش انتي خلعتيه! رجعتيله تاني ليه عاوزة اي منه.
جميله بهدؤء: وانتي مالك انا وجوزي بنحب بعض وشيطان ودخل بينا والصراحة كده عايزينك تبعدي عننا بقا شوفي لك واحد شبهك.
رحمة بغل: واحد شبهي يا خطافة الرجالة بتاخديه مني.
جميله بسخرية: خطافة رجالة اي دا جوزي هو انتي بتجيبي صفاتك القذرة دي فيا لي يا رحومه؟ يلا من غير مطرود برا عشان انا وهو عاوزين نقعد علي رواقة.
رحمة بزعيق: مش همشييي... انا بحبك يا حسام وانت بتحبني هي اكيد عامله ليك عمل علشان تاخدك مني انا رحمة فاكرني.
حسام بقرف: فاكرك وفوقت من اللي كنت فيه يا رحمه وياريت متجيش هنا تاني عشان مهزقكيش
رحمة بكره: بقا كدا تمام اوي والله العظيم هتندموا وهتشوفو انا هعمل اي.
حسام قفل في وشها الباب وهيا لسه بتزعق...
جميله بصت ل حسام بحزن وراحت قعدت..
حسام راح وراها بهدؤء: ممكن اعرف زعلتي لي يا حبيبتي.
جميله بهدؤء: انت هتحن تاني ليها زي ما حنيت اول مرة وزي ما كنت بتعمل هتفضل تكرر الغلط تاني.
حسام بندم: والله ابدا انا اتعلمت وعرفت قيمتك بلاش تخليها توقع بينا انا بعمل كل اللي اقدر عليه عشان تفضلي معايا ومتبعديش.. وبعدين دنا طردتها قدامك اهو ومسحتلك بكرامتها الارض
جميله بابتسامة: ماشي ها عامل لينا اكل اي بقا
يا حبيبي.
حسام بابتسامة: كل الاكل اللي بتحبيه تعالي يلا.
عند رحمة.
نزلت لاقت جمال مستنيها في العربية..
رحمة وشها أحمر من الغضب.
جمال باستغراب: اي يا رورو نازلة قالبه وشك كده ليه؟
رحمة بزعيق: متتكلمش معايا نص كلمه عشان انا مش طايقه نفسي.
جمال بهدؤء: مالك طيب هو قالك حاجه زعلتك ولا تكونش مراته طردتك.
رحمة بغضب: هو اللي طردني بنفسه وقفل في وشي قال اي رجعو لبعض وانه خلاص مش طايق يشوف وشي اموت واعرف عملت له اي بنت الكلب دي.
جمال بصدمة: يعني اي خلاص كدا المزة طارت قصدي المصلحه طارت.
رحمة بغل: لا مطارتش انا هفضحه وهخليه يجيلي راكع والبت دي والله لشوهها.
جمال ببرود: انتي اخرك بوق وخلاص يا رحمة انتي لاقدها ولا تقدري علي حاجه.
رحمة بغضب اعمي: طب والله لتشوف بعينك اما شوهتها و خليته يكره يبص في وشها ويرميها زي ما رماني مبقاش رحمة.
جمال بسخرية: ياختي بطة تشوهيها وهي هتسكت لك يعني يلا انزلي من العربية عشان اشوف المصالح اللي ورايا.
رحمة بغيظ: مصالح اي اتزفت وصلني البيت.
جمال ببرود: والناس لو شافوكي معايا هيقولوا بتعمل اي مع طليقها.
رحمة بغضب: يولعوا بجاز اتزفت وصلنيييي.
جمال بهدؤء: طيب انتي حرة يا رورو.
بليل..
جميله كانت عند امها...
جميله بحنان: عاملة اي ياست الكل دلوقتى.
امها بأبتسامة: بخير يحبيبتي... عاملة اي مع جوزك اليومين دول مش ناويين تجيبوا لنا حتة عيل بقا.
جميله بابتسامة: قولي يارب وهنملى لك البيت دا عيال كتير تفضلي كل شويه تجري وراهم.
امها بابتسامة: دا يوم المنى يا ضنايا روحي يلا بيتك ولا حسام هييجي ياخدك.
جميله بهدؤء: هو جاي هيخلص شغل كدا وييجي اي زهقتي مني يا ست الكل.
امها بابتسامة: لا طبعا دا انتي اللي ليا.
ضحكوا بحنان..
شوية وحسام جه سلم علي ام جميله وركبوا ومشيوا وكان في عربية نقل وراهم..
حسام بحنان: اي يا جوجو شايفك مبسوطه اوي.
جميله بهدؤء: عادي يعني اصلك بقيت بتهتم بيا زياده تفتكر انا لو جرا لي حاجه هتفضل تحبني.
حسام بخضة: انتي مجنونه متقوليش كدا تاني عشان والله هزعل منك.
جميله ببراءة: خلاص متزعليش يا حبيبي.
حسام بابتسامة: اي دا بتاع الايس كريم اهو اللي بتحبيه هنزل اجيب لينا اتنين اي رايك .
جميله بابتسامة: ماشي وهات لي ايس كوفي.
حسام بهدؤء: بس كدا عنيا.
ركن العربية ونزل راح المحل وهو ماشي سمع صوت خبطة قوية بص وراه لاقى عربية نقل خبطت العربية بتاعته وقلبتها
حسام بصدمة وصريخ: جميللللةةةةةةةةةة.
العربية طلعت تجري و حسام هيقرب من العربية انفجرت..
حسام وقف بدموع وصريخ: لا لا جميله جميلة.
كان هينط في النار وراها الناس مكسته بالعافيه وهو عمال يصرخ ب اسمها لحد اما اغمى عليه...
بعد شويه..
في المستشفى...
صحي بزعر: جميله روحتي فين.
الدكتور بحزن: اهدا يا فندم عشان صحتك.
حسام قام بضعف: مراتي فين هي كويسة صح راحت فين.
الممرضه بحزن: للاسف محدش لحقها ادعي ليها بالرحمة.
حسام مسكها من رقبتها: مين دي اللي ادعي ليها مراتي كويسة هي محصلش ليها حاجه انا متاكد.
الدكتور مسكه وبعده عنها: انت اتجننت بتخنقها كدا لي.
حسام بدموع: فين جميله ودتوها فين هي بتكدب وبتقولي انها ماتت.
الدكتور: اهدا واستغفر ربنا دا نصيبها يا فندم البوليس هناك دلوقتي وبيحقق في القضية عشان يجيب اللي عمل كدا.
حسام بدموع : يعني راحت مني اول لما افوق ليها تروح من ايدي هي زعلانه صح طب انا عاوز اشوف جثمانها ارجوك.
الدكتور بهدؤء: مظنش حضرتك هتقدر تستحمل منظرها لانه بجد صعب اوي ولو مصمم امسك اعصابك وتعالي شوفها هيا في المشرحة تحت
حسام قعد بدموع: اقول ل امها اي اقول ليها اييي طب اعمل اي يارب ااه مش قادر صبرني يارب
عند ام جميله..
صحيت بخضة: بنتي جميله بسم الله الرحمن الرحيم يارب استرها عليها يارب انا لازم ارن اطمن عليها.
بترن تليفونها مقفول..
ام جميله بقلق: هي قافلاه لي الف مرة اقولها تسيبه مفتوح وهي اللي في دماغها في دماغها بردو مش عارفه مبتتعلمش لي دي.
اتصلت ب حسام مش بيرد..
ام جميله بهدؤء. اكيد نايمين الصبح هروح اطمن عليهم اه يارب عشمي فيك كبير اوي استرها علي البت اللي حيلتي.
بعد شويه.
في المستشفى..
دخلت لاقت حسام نايم ابتسمت بخبث..
رحمة بخبث: أخيرا مراتك غارت في داهيه.. كان نفسي اموتها علي ايدي وتحس بقيمتي.... قربت منه وقعدت جنبه: عارف يا حبيبي انا كان نفسي اخلص منها من زمان بس معرفتش خالص او مكنش عندي الجراءة اعمل كدا بس انت اللي قوتني ووفرت عليا كل المجهود.
حسام فتح عينه: انتي بتعملي ايه هنا مش قولت مش عاوز اشوف وشك تاني.
رحمة بدلع: انت لسه هتكمل تمثيل مهي خلاص ماتت والسواق بتاع النقل اللي انت أمرته انه يخلص عليها عمل مهمته علي أكمل وجه
حسام بخبث: بس اي رايك انفع ممثل شاطر مش كدا
الخامس من هنا
