رواية عشق الثأر الفصل الرابع 4 بقلم مينة طلال

رواية عشق الثأر الفصل الرابع 4 بقلم مينة طلال

يكولون القصة نهت بس احنا نشتاك

يافشلة الكلبة قوي ويكسرة الفراك...

__________________________

دُموع: اجه اتصال شو هذا كالي للموت ونزل من السياج

رايح لغرفتة مشيت ورا طب للغرفة رفع الفراش مال جرباية طلع مسدس ، فتح مجراتة اخذ طلق ولثام لبس قمصلة وعبرني صاعد للسطح ركضت ورا

_ بروح ابوية فهمني اجاي تسوي أسحاق راح اتخبل،

هاي انت التصلي وتضرب ركعة ولعباس ممصدك عيوني، احس شقة جذب عبالك جاي اشوف واحد غريب كدامي، انت مستحيل نفسك اخوي ابن ابوي...

أسحاق: باعي صار شي مستعجل ولازم نوزع البضاعة قبل الفجر ،طبي لغرفتج بس لاتقفلين السطح حتى اطب من ارجع

_ أسحاق، جاي احلفك بروح ابوك..

_ بروح ابوج طبي ماعدي وكت...

شو هذا حط اللثام وكف على السياج ضل يحرك براسة باوع لنهاية الفرع، باوعت ويا سيارة سودة عالية حيل ممبين شي مشغلة ضوة ضرب هورن ندارلي

_ طبي دموع حتى لاتخافين

_ ليش شراح تسوي أسحاق حرام عليك ولله..

_ بكيفج ضلي

مااحس الة كمز من السطح صرخت اركض للسياج كامز على حايط بيتنا الجوة ، من الحايط الثاني كمز للحديقة ، ركض باتجاه السيارة اني رخت رجلية ،من الهبطة عبالي انتحر كمت اصرخ وابجي حطيت ايدي على خلكي اصرخ

_ ياااابة تعال شوف ابنك ياااابة

دك مبايل صرصور صغير بالكاع مسحت دموعي زحفت اباوع للاسم مكتوب ايوب

عقجت حاجبي واني اذكر مُروج كالتلة ايوب جاوبت....

أسحاق: طبي جوة باردة ولاضلين تبجين ، ماكو شي اسلم بضاعة واجي..

_ رايح تغضب ربك وتموت ناس بريئة خوية

جر حسرة وكال: طبي خوية

_ مدامك هيج قوي وغني ليش عايفنا هيج، ليش مسويت حل

_ كرب يومهم وحك جدج محمد ، احركهم من صغيرهم لجبيرهم ، وانة اخوج..

_ ماادري شكلك، بس دير بالك على نفسك من لخاطري..

_ خوش..

كمت طلعت من السطح ، سديت الباب نزلت لغرفتة نبشتها نبش، كلشي مابيها طلعت هدومة جاي اطلع بناطير وكع جيس ، رفعت بيدي بس حبوب صفر ناعمة...

فتحتة غريبات معقولة هنة هذني المخدرات ؟

اخذت حباية بيدي مااعرف منين اجاني الغباء ، خليتها بحلكي ورحت لغرفتي فتحت بطل المي وشربتها..

انتضرت شوية كلشي ماكو هزيت ايدي ورجعت لغرفة إسحاق ادردم.. جذاب هذا يشاقة وياي لايشتغل بعصابة ولاشي

هاي حبوب جذبية

رجعت رتبت غرفتة مثل مجانت حتى الحبوب بمكانها ، سديت الضوة نزلت جوة توضيت وصعدت لغرفتي ،كلت اصلي واشكي لربي بس هوة يساعدني..

صليت ركعتين نافلة قنتت جاي اريد ادعي ..

كمت ابجي واضحك ، احجي ماادري شحجي بس احس بروحي جسمي خفيف ومرتاحة، بس دموعي تنزل واسم أسحاق بحلكي..

كمت اطوطح بثوب الصلاة ، بالكوة وصلت لجربايتي شمرت روحي عليها ، اني اضحك واكول جذاب أسحاق جذاب

هوة حاسبة متعلملها مو نوب يصير عصابجي ،هوة ومسدس ابو الصجم ولككك أسحاق...

_____

أسحاق..

_ سليم بشرفك مو كلت ورة الفجر نوزع البضاعة

سليم: صيحلي خالد راح يصعدون ويانة جماعة قاسم

_ صخمان ليش هسه راح نوزع هسه

_ ولله قاسم كال خلصو ونامو الصبح نطلع لاربيل عدة استلام سلاح ، يريد اني وياك نستلم..

_ اني؟، ها سليم تخبلت بلة مخدرات ورضيت ، بس مو نوب سلاح شيسوي بي؟

_ أسحاق ، نعيد السالفة كساع بابا هوة يشتغل مافيا، كلشي يسوي هذا تجارة بشر يشتغل ، احنا شعلينا بي ناخذ فلوسنا ونروح..

_ غبي ، مرة مرتين الله عداها النا وداعتك ، اذا سطرنا تلزمنا الحكومة بشاحنة سلاح كبل اعدام..

سليم: مااعرفك جبان

_ مو جبان بس بعدني ممسوي الي اريدة..

_ ماتستعجل تسوي الي تريدة ، مو راح نموت وبعدك

_ كلشي بوكتة حلو

سليم: شوف راح يجون ولد ويانة ثنين ، انزلهم كدامنا النوادي كل واحد ننطي كيلوين ، وهمة يطبون يوزعوهن ويجيبون الفلوس ، ناخذهن منهم ونحول لغير مكان..

_ شعجب اني وياك بسيارة وحدة

_ ذيج المرة زلم قاسم بعروها ، فهل مرة دزنا سوة

_ يصير خير يلا امشي..

داس بانزين رحنا لشارع مهجور البنايات بي قديمة ومهدومة بس البزازين تفتر وصوت الصراصر يصطر الاذان ظلمة حيل مابيهن اضوية وريحة الرطوبة تكتل

دك هورن سليم طلع واحد من الظلام لابس اسود ولثام ، اجة يم سيارتنا نزل سليم الجامة..

سليم: انت عمران؟

عمران: اي اني انتو ويا استاذ قاسم؟

_ اي

_ منو بيكم الساحق

ندارلي سليم يأشر بعيونة وخرت من سليم احاجي

_ اني الساحق كول

_ لا بس اسمك معروف بمجال الشغل، عليك سحب وكلها تريد تشتغل وياك محد صدك من كتلهم ليوم راح نشتغل سوة..

أسحاق: ولا يصدكون لاتهتم اصعد يلا تأخرنا

افتر صعد وراية مشينا مسافة منطقتين وكفنا على الشارع العام ننتضر الثاني ضلينا نص ساعة بشارع ، طك كلبي ويانة عشر كيلوات كرستال اذا اجتنا دورية يمحون اسمنا من الخريطة ، كمت ادردم على سليم شوية واندكت الجامة ..

حامد: اهلا استاذ اني حامد استاذ قاسم كالي اجي وياكم

أسحاق: اصعد يخوي نريد نخلص لعبت روحــي ترة، وينك

_ جنت أمن المكان خاف واحد مراقبنا

أسحاق : وعيونك محد يطلع بهل عاصفة والبرد ، بس المخبل واحنا المغضوب عليهم..

سليم: شجاك ايوب كول يالله

أسحاق : ولله محد يكفرني غيرك ، راحين زيارة وتكلي اكول يالله

عمران: اني فد فرحان اخوية مراح يصدك اني وياك

أسحاق: عمران مرة ثانية جيبة وياك يصدك بس ارحمني

_ اسف دوختك

_ لا اني اعذرني متوتر ، ليوم يلا خالد امشي

سليم: نروح للكرادة نسلم بنادي *** و*** وترجعون شـَڪد مابيكم تستعجلون استعجلو ، وبس تحسون احد شك او بدة يراقب حركاتكم تعوفون المكان وتطلعون خوش لا تخاطرون علمود تخلصون البضاعة نوزعها بغير مكان..

أسحاق: اسمائكم هاي ممنوع تستعملوها غيروها والماسك لاتخلو ينزل من وجهكم ابد ، اطو بس للزبائن الي تعرفوهم ترة الاستخبارات تلكوهم معشعين هنا ومتنكرين..

عمران: يعني انت مو اسمك ايوب

أسحاق : عمررران

_ اسف ولله تمام نفس ماتكولون

حامد: بس اني وعمران مانشتغل سوة

سليم: اشتغلو خل نخلص ترة عدنا شغل لراسنا ، لاضلون تتناكرون

عمران: ديلا اني كاتل روحــي اشتغل ويا

حامد: عمران اسكت احسلك

أسحاق : ولله اني الي راح اسكت واشوفكم وين توصلون

_ نعتذر

_ دوس بانزين بروح ابيك سل** خالد خالد امشي بسرعة يمعود خل نخلص

سليم: هوة شلون ما اشوف اليوم انت راح ت** امهاتنا

أسحاق : احترم نفسك

_ صار استاذي

ولصلنا للنادي غطو وجهم عمران وحامد كتلهم كالو محمد واحمد

اخذ الجنط وطبو ، ضليت ارقب المكان سحبت اقسام وعيني للباب تأخرو باوعت للساعة شوية وطلع عمران

باوع يمنا ويسرة واجنا يركض فتح القفل سليم كعد وراية يلهث

عمران: ايوب وزعت تقريبا النص اكثر بس اكو ثنين لزكو يسألون ماادري سكارة لو اشتبهو بية ماخاطرت اطيتهم وطلعت

_ شبيهم؟

_ كالو شسمك ويامن تشتغل منين تجيبهن..

_ خما حجيت شي

_ لا اخذت الفلوس وطلعت

_ شـَڪد عدك

_ تقريبا صارن ٢٠٠٠ دولار

سليم : ابن *** قاسم ليوم يسبح بالفلوس

أسحاق : ابن لل** مو كتلك لاتفشر كدام احد على قاسم

عمران: اخذو راحتكم اني واخوية مسوينا دوشك رزايل

أسحاق: وين اخوك شنو يشتغل ، هواي تذكرة الظاهر تحبة..

عمران : هوة توأمي اسمة عمر هم يشتغل ويا قاسم بس بالحراسة بالكوة رضة يشغلة ، لان اخوية عكسي طيب وفقير كبل ينضحك علية

أسحاق: دير بالك لان قاسم يصفي كل فترة ، لا يشمر كلمة ويخفي

_ لا لا محذرة

_ الله كريم

باوعنا للباب ماكو حميد سليم كال: ايوب انزل اشوفة

_ لا انت ممغطي وجهك اني راح انزل ، احسبلي عشر دقايق مطلعت تطفر بسرعة تمام

سليم : مخبل وعباس يكطعوني وصل ومااعوفك

عمران: ولعباس؟

أسحاق: ها خوية خير

عمران: بس الحلف بغير الله ميجوز شرك

ضحكنا اني وسليم وهوة بعدة عاقج حاجبة كلتله: ليش ختم القران الجنت توزعة حلال ، اسكت لا تكفرنا بالاديان

سليم يضحك ويفر بيدة: كال حرام كال

_ اني نازل سليم ، بس اذا تأخرنا شوفلك حل ماشي..

نزلت لبست نظارت نزلت الشفقة على وجهي ، طلعت باجي مال نادي طبع على ايدي وفتت

كلوبات اللوان وناس تركص طافين ، ميدرون الله وين شامرهم

النسوان مطوطحات ولابسات عبالك ملابسات ، اصلان

عبرت الناس ادور بعيوني ، على حامد اشوفة واكف ويا مجموعة

لازمي من جتفة وهوة حاضن الجنطة واحد حاط ايدة عليها عبالك يريد يسحبها منة تقدمت يمهم

أسحاق: ها محمد وينك

حامد: ايوب الشباب يريدون كل البضاعة، لو كالو مانطلعك

_ ليش المكان مال ابوهم

حجة واحد يتمخطر ويجر الحجاية جر: شوف لك روح منا حباب

غلست علية جريت الجنطة من حامد لزمت ايدة ، سحبتة نطلع جلبو بي شمرت الجنطة بزاوية نداريت

ضربتة كلة براسة وكع بالكاع كبل صديقة من شافة وكع ركض يضربني وخرت حامد وركعت بوكس ضربني بخشمي ، كبل طك دم مسحت الدم بيدي وضربتة براسة وكع ..

جانت يمهم بنية طبت بغرفة تركض شلت الجنطة وجريت حامد

طلعت واني اسحب بي واصيح : شمضرطنا مو صخمنا كلنا من تشكون شي لا تضحون، بروحكم وطلعو

حامد: بس قاسم كال خلصو البضاعة

_ خرة بروح قاسم امشي

ركضت بس للسيارة فتحولنا الباب صعدنا وكبل حرك سليم

سليم: شبي وجهكم شبيك ايوب خشمك ينزف ، خرب احجو

_ ماكو شي حبيبي بوكس بالغلط

_ بس لا شرطة

_ لا سكارة دين مابراسهم مفلسين ، ويريدون ياخذون جنطة ب١٠٥٠٠ دولار بدين

سليم : حتى قاسم ي*** امهاتهم

_ خرة ب*** لاتكفرنا خالد

_ ك** احسلك

_ مراح احاجيك

حامد : ولله استاذ ايوب مااعرف شلون اجازيك ، الجماعة القبلك استغلت وياهم اشبع كتل ومايجوني

عمران : طبعا هذا الساحق تقارنة بجماعة قاسم الهتلية

أسحاق: ادلل حبيبي بس صوجك جان المفروض تنسحب كلتلك نغير المكان، مو الة كلهن نبيعهن..

حامد: مابعت بس ب١٥٠٠ دولار ، كلت راح تعاركوني

سليم: يمعود ع*** بالفلوس المهم انتو سالمين

أسحاق: خابر قاسم كلة نكمل توزيع لو نرجع للبيت

سليم : هسه يضل يمضرط

_ حاجي يمعود

خابر بس كلة نكمل توزيع كام الفشار والكفران يوصل لحضني

قاسم: خالد توزيع مادبرتة

سليم: استاذ يعني مااشترو اشمرهن عليهم

_ فوكاها تصيح بوجهي

- مامصيح استاذ بس انت تكول مدبرناها

_ ومجذب مو نصهن بقن يمكم

- تعال وزع لعد مكاني

_ صاير تتجاوز حدودك هواي انتبه لنفسك خالد

- اسف استاذ

_ الغي التوزيع الغي

انعل اهلكم كلكم فشلة..

- تم تم

سليم: ع*** بيكم نعل ابهاتكم اشتعلت روحكم

عمران: اسف استاذ

حامد: اني هم اعتذر اجاك حجي من ورانا

أسحاق : مشيها خالد لا تضوج خلي روحك خضرة

طبك السيارة يركع بيدة بالستيرن ، السيارة طوط وتشتغل اضوية السيارات كامت تندار تباوع علينا

أسحاق: هوب هوب شجاك شبيك

_ ابن *** يروح فدوة لهلي يسبهم

_ ميخالف خوية ميخالف

مو انت كلت ناكل *** حتى نحصل الفلوس

_ *** بالفلوس

_ أسحاق: ميخالف انزل اشتم هوة

نزلت ويا دموعة تنزل حطيت على صدري امسح براسة همست: ولك سويلم قاسم يبجيك

_ الذلة التبجيني وتكسر ظهري خوية ، اخ ياكلمة الخوية الكسرت ظهري أسحاق..

_ خل يولي ماضل شي ونخلص ، جمعت هواي فلوس بس اخلص منهم نشتغل اني وياك شغل نظيف ، نطلع من هل قذارة كلها

سليم: هاهيه شكرا أسحاق ارتاحيت

_ خل اجيبلك مي

عفتة لازم حديد الجسر فتحت السيارة اخذت بطل المي

عمران: اني هم احتاج واحد يحضني ولله

حامد: اشبكك اني

_ انت نجب

_ موصوجك

ضحكت عليهم سديت السيارة ورحت يمة

حطيت بيدي مي غسلت وجهة ونطيته البطل

_ اشرب خوية سهلة

_ شيصير لو جنت انت اخوية الصدك

_ انجب سليم اني اخوك مو الة صلة دم بينا، انت اخو دنا صرتلي بمعزة اهلي

سليم: مااعرف شكلك شكرا لوجودك

حضنتة دك مبايل جاوبت : نعم استاذ

قاسم: انتو وين؟

-مبدلين موقعنا راح نروح لنادي**

_ ارجعو لبيوتكم اتأجل التسليم باجر مطر غزير

هية هاي مادبرتوها شلون راح ادبرون التسليم ماادري

- يعني نعوف البضاعة

_ عوف عمي عوف

- هاهيه تدلل

_ هذا خالد ليش ميجاوبني

روحو للبيت يلا

- ماسمعك ، صار

مع السلامة

سديتة باوعلي سليم: شيريد منك الدوني

_ يكلي ليش ميجاوبني سليم

_ ك*** عرضة

_ لاضل تفشر كدام الولد ترة يراشدي واحد يبعون حتى شرفهم ، ياروح مابعدج روح..

_ لا ولك جماعتي من زمان اعرفهم من سنين

_ بكيفك بعد

صعدنا بسيارة نريد نرجع كال حامد: أستاذ ايوب خل ننطيهن لجاسم ونطلع منها

سليم: ايباه اني اطي لجاسم حتى يضل شهر يسوي خالد وايوب مادبروها اني دبرتها..

أسحاق: براسي موال بس اطاوعوني

عمران: بس احجي واحنا بظهرك

_ نروح لنادي *** الصاير ب*** بس اطلعلهم بوجهي

الساحق اطيهم كل البضاعة وأخذ الفلوس وارجع

سليم: اجي وياك

_ لا اخذ عمران يريد يشتغل وياي

حامد: ولله اني هم بنفسي نشتغل سوه

_ الجايات هواي انتو راقبو الوضع ، برة واحنا نحاول مانتأخر

رحلنا للمنطقة الجو غير ومبين راح تمطر اصلان قاسم كال راح تمطر رجعو لغينا التسليم بس ماريد ينضرب اسمي بالسوك يكولون مدبرها سحبت اقسام ، ترست جيوبي طلعت وسليم اطة سلاحة لعمران نزعت اللثام ونزلنا مشينا بشارع ..

طبينا للنادي وراية عمران واني ادور بعيني شفت الاستاذ هاني من بعيد اشرتلة ابتسم لزمت الجنطة ومشيت..

أسحاق: استاذ هاني سعيد بشوفتك

هاني: الي الشرف اليوم الساحق منورنا شعجب ، مو من عوايدك اشوفك بهيج اماكن..

_ جايب بضاعة جديدة لتاجر

_ شنو البضاعة

_ كرستال مغربي

_ شـَڪد عدك

_ بقى بس ٧ كيلوات هوة طالبهن

_ شـَڪد تبيعهن

_ مو الي لاستاذ قاسم ب ١٢٠٠٠ دولار

_ اخذهن منك ب ١٥٠٠٠

_ ولله استاذ جان ودي نتعاون بس مطي كلمة

_ ميخالف كنسل هل مرة

_ يدلل المعلم

مديتلة الجنطة: البضاعة

هاني: مراح اشوفهن لان اعرف منو انت

صاح على الي يشتغلون ويا : فؤاد الجنطه

ركض واحد جاب جنطة جلد فتحها طلع دولارات حسب حسب اطاهن للي بصفة حسب مدلياهن

_ احسبهن

أسحاق: ولو احسب وراك مستحيل

هاني: ياريت لو تفكر وتشتغل وياي

_ الله كريم استاذ . ممنون

ضميت الفلوس بجيب ظهري حطيت ايدي على المسدي طلعت وايدي بيد عمران مشينا للسيارة صعدنا وكتلهم: تم هديتكم كل واحد الف دولار

حامد : عاش العراق

سليم : ياعراق هذا غير زر*** بي

عمران : ما جذب السماك الساحق ، سحق الجو اخذ الفلوس وطلع عبالك الساحة واللملعب كلهن الة

_ اعجبك

عمران: بالعباس عجبتني

سليم : شنو غيرت رأيك

عمران: عمي اروح فدوة للعباس

أسحاق: اتونسو انتو بالعافية اني بعدلي شوية واوصل لهدفي

سليم: ادري نمت على مغارة علي بابا بس لو افتهم ليش جاي تجمع

_ جاية الايام وتعرف

حامد: اني هم لازم اجمل عليهن لعد واطيهن لقاسم

سليم: خير ليش تنطي؟

_ اخوي تورط بالاقمار وهوة دفع عنة ، واني اشتغل اسددلة ولو شجابني اني لهل سوالف ، تربتي وصلاتي ياحيف

سليم: شتكول على أسح** قصدي الساحق غير هاي الطمغة البوجهه كد السجود ٢٤ ساعة يصلي

عمران: شنو الي خلاك تشتغل هيج شغل استاذ

أسحاق: الدنيا خوي

يلا خالد بشرفك رجعنا للبيت، طلعت الشمس من انعل هيج شغلة

فرنا وشمرني براس الشارع العام مال منطقة اطيتة الفلوس والسلاح نزلت طرك الجكاير كمت اتمشى لمنطقتنا..

جان الشهر ال١١ والدنيا بردت حيل وبدت موجات البرد والمطر الخفيف وفجأة تزخها وتعصى بشارع لهذا للشوارع جانت فارغة حتى الحيوانات داخلة بيوتها..

خلصت شغلي ورحت لفرعهم اباوع لبوبهم واحد واحد ونار احسها تشتغل بكلبي كل مااباوع تكب اكثر

مرت ١٢ سنة واني ماناسي ذاك اليوم الاسود الي كلب حياتي كلها وخلاني بس أفكر بالانتقام

درت ظهري واني اتوعد يجي يوم واني اخذ ثاري منكم واحد واحد واضوكم نفس الوجع والقهر والحسرة الي عيشتونيها اني واختي

أسحاق : رجعت من فرعهم التفت وراية ماكو احد

كملت مشي واني اسمع صوت مشي احسة قريب مني

دنكت أسرعت بخطواتي واحس الخطوات تتسابق حتى توصلني

كطرات المطر بدت تنزل علية ملابسي تبللت

وبدة البرد ياكل جسمي النحيل

واني احاول ارجع للبيت قبل لا تقوة العاصفة اكثر واصفى بشارع

كالو اليوم عاصفة شعدك طلعت يا أسحاق ليش رحت للمنطقة هاي لشوكت تضل تباوع من بعيد شوكت تتحرك شوكت

ضليت احجي بعقلي واحاول اوصل لفرعنا من حسيت الخطوات اختفت نداريت وانصدم وراية ...

غايب : ها عمي شسوي هنا...

___

يُتبع

الخامس من هنا

تعديل المقال