رواية الهجرس الفصل الثاني والثلاثون 32 والاخير بقلم رواء هادي
فتحت الباب وطلعت أضحك عليها ....عقلها عقل طفلة ولاجن جبيرة وعدها طفل رحت للدوام هوسة ولعبان نفس حسدوني عمي ايهم وربعة من
گالولي كلشي ماعدكم
وتعالوا شوفوا الشغل فوك من الرأس صاير ومداهمات عدنه مره مشتكيه على طليقها خاطف ابنها لعمره ٣ سنوات من باب البيت أهلها
وتگول گالي الا احرك قلبج بي
وتبجي وتگول والله قتل ابني قتل ابني ...
تحجيها بكلب محروك حرك تذكر سيفو بعمره جان وتذكرت معزة شهم عندي صعبة كلش ام تفقد ضناها عاد كملت كل الإجراءات اللازمة وطلعنا
على ابو الطفل
فتح الباب وطلع النه .... عادي سلم وگال ماعندي شي وياها وماخاطف الطفل هي تجذب عليكم وجاي تفتري عليًّ هذا البيت فتشوا إذا لكيتوا اي دليل
اعتقلوني
هجرس_بكلا الحالتين معتق ليك فتشوا المكان
كلبشوا ايديه العناصر دخلت وياهم للبيت شفت مرته الجديدة كاعدة فوك الجرباية شامره الشال شمر وتبتسم بكل صلافة صدك كرهتها وكرهت
هيج نوع من النسوان
قليلات أدب واخلاق فتشوا الغرفة مالكوا شي البيت كله بره كلشي مالكوا تونه ردنه نطلع حساس قوي انتابني قاتله ومخلي بالمجمدة هو ومرته
هجرس _تعال وراي
ذياب_وين؟
هجرس_فتشتوا المجمدة
احد عناصر الشرطة"
لقيت نظره عليها مابيها شي
هجرس_نظره شنو تعال ذياب وياي فتشها
ماخليت العناصر تفتش انه.وذياب فتحتها شفها مخربطة تخربط وكلها اكياس سوده وبطاله بامية مجمدة شامرينهن بشكل عشوائي شلون يردون
يضيعون شي شلت البطالة انه وذياب ..... وكمت اشمر بيهم الصدمة الي اكياس بكمية جبيرة جانوا موجودين طلعت أحد الاكياس
هجرس_انطوني كفوف
ابو الطفل_ هذا لحم
هجرس _هذا لحم ابنك ياناقص
ذياب_شنو ؟!
هجرس_شوف كميات الاكياس الموجودة وخربطة الثلاجة تدل على وجود جثة الطفل مقطعة
داخل الأكياس
انطوني الكفوف لبستهن. فتحت الكيس والصدمة لي ايدين طفل صغير مكطعات داخل الكيس بقيت مصدوم من المظهر صايرين مثل بالفلام
الأجنبية يقتلون
أطفالهم ويقطعونهم ادري شنو من بشر أنت شلون تقتل ضناك كمتله ردت اشيله واخلي بالمجمدة فوك لحم ابنه ماخلوني وجروني منه تخبلت خبال
من شفت المشهد المرعب والمروع اب يقتل ابنه ويقطعه علمود يحرك قلب امه اكو عالم تتحسر على الأطفال وانه من ضمنهم جنت من تزوجت
حنين ماكو أطفال
جنت اشبع قهر من أشوف بارق ولد عمامي عدهم أطفال وانه لا حيلي كله صار يرجف مرته هم تم اعتقالها هي وياه شريكة بالجريمة طلعت
اثنينهم قاتلي ومقطعي
علمود يتخلصون من أثر الجثة عن طريق رمي الأكياس للحيوانات بالبزول ويخفون أثر الجريمة بالكامل صارت هوسة من هوسة وام
الطفل عرفت تخبلت
ونهارت خطية من سمعت قاتل ابنه ومقطعه ومخلي بالمجمدة داخل أكياس شكد مارة عليًّ قضاية مثل هل قضيمة تأثرت بيها بشكل مو طبيعي
طفل عمره ٣ سنوات يقتله
والده علمود ينتقم من طليقته ...
ياسر_الصوج منها هي عوبة شلون تتيه الطفل يلعب كدام الشارع اكرصي ابنج وانجبي داخل البيت جم مرة حذرنا وكلنه لا تخلون الاطفال تلعب بره بالشارع او بالباب الدنيا مو أمان يريد يلعب بره ابو امه اخته عمته خالته توكف ويا ليش هالاهمال ياربي ليش ...
هجرس_هواي جاي لاحظ هذا الشي الاطفال مسربته بالشوارع وامهاتهم ماكو وياهم ومن يختفون تعالوا لكوهم النه ويكتلك القهر مانلكاهم عايشين نلكاهم
مكتلين ومكطعين لو مغتصبين
ياسر_اي والله دنيانا مو أمان أبد
هجرس_والله لليوم مامخلي طفل من أطفال ولد عمامي الصغار تطلع بره تلعب خوب احنه منطقة ريفيه وكلنه ولد عمام ماكو احد غريب بينه
امشي واحذر بيهم اطفالكم اطفالكم عينكم عليهم والكل ماخذ بنصيحتي بس هالعالم تنصح بيها عبالك مايسمعون وماخذينها بستهزاء عبالهم الدنيا بعدها بخير الله مايدرون صارت دنيانا موحشة والاب والام والاخت.والاخ يتقمس بدم الآخر...
ياسر_طبهم مرض احنه علينه نسوي شنسويلهم
هذا الإهمال نتيجة من الأهل
هجرس_ايي
ياسر _هواي متأثر
هجرس_غير انصدمت من شفت ايد صغيرة مجمدة
ياسر_يمممة الله لاينطي الله لايوفقة هذا خل يسلمونه بيدي والله اكطعه تكطع وجمدة هو وعايش علمود يحس بشعور الطفل شنو جان
هجرس_لو بمكان القاضي انه راساً انطي عدام من اول جلسة وعدامه يگول تقطيع هو وعايش واشمره
بالمجمدة لما ينتهي ويموت
ياسر _اي والله هذا دواه ودوه كل شخص مثله
تكسرت تكسر لما انتهى .... الدوام ورجعت للبيت منتهي من التعب تلكتني سلي مبتسمه ...سلمت عليها ودخلت للغرفة دخلت وراي
_متغدي
_الحمدالله
_اخاف جوعان
_لا
_مو على بعضك اخاف زعلان مني
_لا
_لعد شبيك
_تعبان
_بي ولابيك
باوعتلها بطرف عيني "
شبيك تباوعلي هيج
_منو يدعي عليًً الصبح
_ من حركة قلبي
_وقلبج من يحترك تدعين عليًّ
_ايي اريدك بس لي وماريدك لغيري
_اي الج بس لا تدعين
_وليسمع الله يستجاب دعائي من اول كلمة
_محتمل تكون ساعة مستجابة
_هاا
_اي والاسلام ينهي الدعاء على الأبناء وقت العصبية لان من المحتمل تكون ساعة مستجابة
_والله بعد ماعيدها ابد ابد
_وياريت كلامج صدك
_صدك
_دتعاي فتحي دكم البدلة مابي حيل
_شكد تعبتك لعد من سودة بكصتي
_شكلنه شرشبيل
_زلة
اجت لعندي فتحت دكم البدلة ونزعتها لي ...
يلا وراي للحمام
_توني سبحت
_وانه كايلج اسبحي تعاي سبحيني مابي حيل
_ههه يلا فوت لما اطلعلك ملابس
فتت للحمام ثواني ولحكتني ردت تتحرش بيها بس تعوذت الشيطان خليها مالي خلك هسه كملت سبح طلعت بدلت وكعدت فوك الجرباية طلبت شهم
مشتاقله راحت جابته لي اخذته وخلينه فوك صدري العب وياه أقل زلة يصير يضحك مثل أمه يضحك للهوى اندك الباب اسمع صوت سيفو
.. فقع الباب تهوم ...
هجرس_ههههه افتحي الباب يريد تهوم
سلي_جاية معشوقي جاية هههه
فتحتله الباب دخل بسرعة ركض صعدلي لجرباية يبوس بي ...فقع ابوش
_رحمه لاهلك هو انت جيتت تبوس بي
وتطلب البوس هههه
سيفو_ تهوم
هجرس_شبي تهوم
سيفو_عنوني
هجرس_وانت ببو
سيفو_اي ببو هو عنوني
هجرس_اي شعندك ساكنه الليل والنهار روح لاهلك
سيفو _مالوح
هجرس_ليش ماتلوح؟
سيفو_تتومة علاوي جدو جدة تلي فقع تهوم
هجرس _ماتكدر تتيهنه
سيفو_اي ابوش تهوم
هجرس_اي بوشه
صار يبوس بي الحلو بي سيفو ....مايقترب ويضرب شهم أبد يحبه ويموت عليه شبعنه لعب وي شهم ونام من كيفه وسيفو هم نام بحضني
عفته نايم بحضني
وسلي راحت انطت... خبر الهم سيفو عدنه نايم اخاف ينشغل بالهم عليه طفت الضوه واجت نامت على ايدي وأيدي الثانية نايم عليها سيفو
_اسفة
_بعد وكت تتأسفي
_مو انت تعاركت وياي
_والله كيوت وحباب انه بس أنتِ بسلامتج مخبله وشاخطة واقل زلة تكبين هاي الكبة
البيج بطليها
_ايي
_وجعيي نامي
_مو كوه تتحرش بي
_وين متحرش بيج ايد سيفو نايم عليها وهاي الج
_خل انام احسلي
_اي نامي شرشبيل
العصر طلعت من الغرفة توجهت لبيت عمي ايهم بارق اجه يركض فرحان ماعرف شبي دخل
علينه جفت وگال بصياح
بارق_الف مبروك المسؤول منتحر ههههه
ايهم _انجب شنو منتحر احجي عدل
بارق _والله العظيم شيخهم أتصل بجدي هسه وگاله لاكينه شانق نفسه بالشقة بيروت
ايهم_والله؟
بارق_صارلي ساعة احجي عربي لو فرنسي جاي اكول شانق روحه شانق روحه وميت حرامات مات وماخذته الحكومة ولا احنه اخذته حقنه منه
هجرس_اخذنه حقنه وخلص
بارق_وين اخذنه ؟
هجرس_انه اگول اخذنه حقنه مربع
يلا سدوا موضوعه
ايهم_قصده على الشكيه وهو فلت ومن خوفه من الحكومة كتل نفسه وخلص هاهي انتهى موضوعه ... صدك ترحون زيارة كربلاء والنجف وشريفة (ع)
هجرس _الثلاثاء شعدكم
ايهم_ماعدنه شي بارق عندك شي
بارق_كلشي ماعندي اشمر المره على أهلها واحكل
سيفو فوك جتفي واطلع
هجرس_هاهيه لعد الثلاثاء إذا الله
خلانه عايشين نطلع
ايهم_ان شاءالله فرقد بارق ماتطلعون
اليوم الا تتعشون عندي
هجرس_نبقى ليش مانبقى ههههه
بارق_نريد تسويلنه دجاج شوي بالفرن
ايهم_تدللون
هجرس_مايدلل عليك ظالم عمي الصاك
ايهم_طبعا صاك العشيرة انه هههههه
بارق_شكد ساقط
ايهم_مثلك ساقط كرسوع ههههه
نصبنه على بارق صار يكمز وانوب عيرني بشهم ابنك كرسوع مثلي لا تحجي ولا تعيب شوف هلكد ماعيبت عليه طلع ابنك مثلي ناعم
وره العشة بساعة رجعت للبيت كعدت بالمضيف بعد ماشفت زلم عدنه خطار يحجون بسالفة المسؤول يكولون هو متورط وي هواي عالم وكلها تريد تكتله
ومأيس من الحياة وشانق نفسه البارحة بالشقة ..
لل١٠بالليل يلا راحوا كمت دخلت للبيت ماشفت سلي وشهم عند أمي رحت شفته نايم وفطومة فارشه افراشها بصف الكاروك وعلاوي نايم فوك الجرباية
نزلت بوست علاوي وفطومة وشهم وطلعت لكيت امي كاعدة يم جديتي حلوة وأبوي ومرته جاي يحجون بموضوع المسؤول عفتهم ورحت للغرفة
وي فتحتي للباب شفت سلي كاعدة و ...
لابسه فستان أبيض قصير فوك الركبة واصلوخ مطلعة صدرها وشعرها البني نازل على اكتوفها ومخليه مكياج طالعة جنها لعابة مو بني آدمية
بتسمت بخجل وگالت بكل هدوء ورقة "
تأخرت
رجعت الإبتسامة الها دخلت للغرفة سديت الباب وخليت التلفون وسويج السيارة عالطبلة
بصف.جرباية وقتربت الها
_لو ادري منتظرتني مجان تأخرت
_مو دزيتلك رسالة
_وين ؟
_ عالخط
_ماجنت منتبه أروح فدوة لهذا الطول على كيفج وياي ترى قلبي ترف ومايتحمل
كل هذا جمال
كامت بطولها اخذتلي قلبي وعقلي اجت لعندي مبين عليها وجهها ملامح الخجل بس صارت كدامي جريتها .من خصرها بأثنين أيديه
_احتركت امج على جمال لبيج
خلت رجليها فوك رجلية وكفت ع روس أصابها وحاوطت ركبتي بأيديها الاثنين وتباوعلي بكل لهفة وشوق .وأني كذلك ذايب بنظراتها
قربت وجي لوجهها وهمست كدام شفايفها "
ليش من اقتربلج تنتهي كل
القسوة لبي ؟
شدت على ركبتي أكثر وگالت "
لأن تحبني وأحبك
_اي والله
شلتها بحضني لفت رجليها على خصري وهي باستني بشفايفي مو انا تهديد الصبح جاب نتيجة وياها .. جانت هي ليلة أحلى من ليلة عرسنا ...
اجه يوم الثلاثاء رحنا كلنه للزيارة اول مازرنة العلوية شريفة (ع) وعلي ابن الحسين (ع) وراها كربلاء المقدسة وثاني يوم طلعنا للنجف زرنا
الإمام علي(ع) وراها رحنا
للمقبرة ' جداتي تعاركن بالمقبرة خربنه ....من الضحك عليهن متيهات مقبرة اهلهن وحدة تكل للثاني هنا اهلج وهنا اهلج ...
جدي_اكو واحد مايندل مقبرة اهله هنا سرداب
اهلج خديجة جوري بالفتحة
الثانية سرداب اهلج
هجرس_جدي اندل اهلجن وانتن ماندليتن
خديجة _صارلي سنة ماجاية للمقبرة ومتغيرة هواي
ايهم_كل يوم يموت ألف واحد هاج
شوفي اجنازة اجت
باوعنه على جهة اليسار شفنه شايلين . جنازة وعالم كلها زلم معكلة مره وحدة ماكو وياهم جاي يدفنون ميتهم بعد ماكملنه زيارة أهل القبور...
نزلنه للسوك اشترينه غراض وسيفو عايف ابوه ولاحكني شلته بحضني اشتريله ليعجبه وراها رجعنا للبيت بالطريق نزلنه بارق وعمي ايهم جابلنه غده بالسياره نأكل لفات ...
بالازدحامات لمحت سيارة كاعدة بالصدر وحدة تشبه حنين بقيت مركز بيها دارت وجهها والصدمة لي هي حنين بس متغيرة ومسويه تجميل
الخشمها ونافخة شفايفها وسمنانه ... هي قبل ضعفت علمود الخلفة بقيت أبتسم بخبث وأخيراً رجعت للعراق علمود انتقم منها وأخذ
حيفي من رجلها
مرت على اول . لقاء لي بحنين شهرين وبهل شهرين جبت عنوان بيتها ردت اروحلها وانتقم منها بس للاسف ماحالفني الحظ وكعت
جديدي خديجة مريضة
بالفراش وطلع بيها مرض تليف بالرئة مراجعات كله الاربيل وانا لحرت بيها اودي واجيب ولا واحد من ولدها گال انه اودي امي واجيب بيها كلها شالت
ايدها هي نايمة بالفراش وعايشة على الأوكسجين وتبجي لأن ولدها وبناتها بالسنة حسنه يذكرونها وعمي جاسم ماكلف نفسه واجه سأل
عليها بغياب جدي
خوش ماخذله عذر جدي متبري منه ...
بالليل حالته الصحية تدهورت وفدمرة صارت بساعات تسلمها كاعد يم رأسها دارت وجهها عليًّ وگالت بصوت تعبان شبه مسموع
_جدة فرقد
قتربت الها "
هاا جدة شمعتازة؟
_عوف حنين
_اعوف حنين !؟
_اي لا تدمر نفسك بيها وتضيع شبابك بقذارتها
_ارتاحي جدة
_امانه عليك عوفها الخاطري عوفها وركز
بحياتك.وي مرتك وابنك
_انه بنيتي اقتلها هي وزوجها بس
الخاطرج راح اعوفها تولي
_ايي خلها تولي
_شيوجعج جدة
_قلبي
_اريد من الله يدير الوجع بي وشوي
اخفف من الامج
_بيش طالب روحك
_ماتحمل اشوفج تتعذبين
_هذا أمر الله
_ونعم بالله
نزلت دمعتها .... لزمت أيدها بايدي وبستها الها كوه صارت تجر بالنفس عرفتها هاي اللحظاتها الأخيرة وراح تنقطع أنفاسها الأخيرة كمت صحت
للكل ودزيت على عمامي
وعماتي قسم اجه وقسم ماجه والله ... عالساعة بال١١ بالليل سلمتها الله كسرت ظهري من ماتت صرت ابجي على جنازتها مثل الطفل
تأثرت هوي بموت جديتي
خديجة موت جديتي كلش أثر بي وبالعائلة اروح لادوام ومن ارجع اصيح عليها عبالي موجودة بالبيت من ادخل وماشوفها أشبع بجي ويه جداتي
عليها ...
وره السبعة جديتي خديجة بيوميا اجوي ولدها وبناتها يطالبون بالذهب والفلوس كعدت الهم ركبة ونص وكتلهم مالكم درهم أحمر الذهب
ابيعه واوزعة على الفقراء
والايتام بخيراتها والفلوس أشتري بيهن افراش وبرادات واوزعهن على الحسينيات والمساجد بخيراتها وهاي وصيتها وانه المتكفل بالوصية
اي واحد عنده اعتراض
خل يقدم اعتراضه
دخل جدي وگال "
موين جنتوا من جانت مريضة ؟ ميتين لو مفقودين وقت ماتت امكم ذكرتوها واجيتوا تطالبون بورثها يله برره ماريد اشوف شكولاتكم الزفرة
حرامات حبلت
بيكم وكبرتكم وزوجتكم وتعبت عليكم حرامات
.. يلا الكل تكوم تطلع ولمايطلع
اطلعه بطريقتي
الكل طفر عمتي يخزرن بي عمامي من ودهم يشربون من دمي وره هاي السالفة صرت اسمع حجي ماينسمع بحقي وبحق جدي هملوها وخلوها
تموت ماعالجوها ماسفروها
خارج العراق واكلوا حالها ومالها ...
وانه منطيهم الاذن الطرشة لأن أعرف بنفسي كل أسبوع باربيل وهذا المرض ماله علاج لان آدمي جبير وماكل رائتها بالكامل حتلوه اطلع بيها
للخارج نفس الشي
تموت وماعدها مناعة حسب كلام الأطباء....
انه ادري بيهم كل دكهم .ومدكوكهم الذهب والفلوس الفلوس طلعوا ٣٦ مليون والذهب بعته جاب ٦ مليون ٣١٨الف دينار تبرعت بجمعية تلم تبرعات للفقراء
والمحتاجين والأيتام
بال٦ مليون ...
واشتريات افراش وبرادات ... بخيراتها وياي يمشي عمي ايهم وابن عمي هيثم وبارق في حيث بسنة وحدة صرفت كل افلوسها بخيراتها وربع دينار ماخليت بجيبي
وبجيب أحد وماخليت احد من ولدها وبناتها يتهنى بيهم هي ماتهنت بيهن اخليهم هم
يتهنون لاوالله .
مرت الأيام والشهر والسنوات وهباوي صارت عدها بنات أثنين ومناوي ولد وسمته فرقد على اسمي وسلي جابت ابنية سميتها على اسم
جديتي خديجة...
ماريد اسمها ينمحي من البيت اريد اسمها يبقى عايش ويانه وكل يوم اصيح بي بالبيت ماحجيلكم عن شهم بطرك الطول جنه عامود كهرباء
وجسمه جنه كصبة
رفيعون نهار كله مكابل سيفو وكاعد بالمضيف ...
واحنه جنه بزمن كورونا والأوضاع تخوف اول شخص انصاب عدنه عمي جاسم وماكو ١١ يوم بالحجر الصحي وسلمها لربك وراها عيدان
انصاب وعمي ايهم وبارق
اغلبيتها انصابت بس الحمدلله والشكر تشافوا منها وماماتوا غير ماتوا من عدنه تلاثه ويه عمي جاسم جدي ضارب الدنيا واهلها جلاق ولامهتم
لكورونا ولا ملتزم بالوقاية
الصحية اكله التزم يگلي هو الروح بايد ربك شوكت ماياخذها يأخذها جايني كرونا ياكرونا هاي
دروحوا انتو وكرونا
هجرس_جدي اسمها كورونا مو كرونا
جدي_نفس الشي جر من يمي هجرس
الحجي وي جدي عيب كاعد بالليل بالغرفة وسلي كاعدة تنوم بخديجة واتصل بي عمي ايهم خبرني الشيخ الروحاني ضاربته كورونا وهسه
بالحجر الصحي بغداد
كمت كل يوم أتصل بأخو واطمن عنه كل يوم يكلي وضعه مو تمام وماعنده مناعة والله ماكو ١٣ هيج بقى عايش وراها توفى خطية انكسر قلبي
عليه جان خوش ادمي
ويساعد هواي عالم من خلال شغلة وشغلة الأساسي هو رادود حسيني ويقرا بالمجالس الحسينية مرتين لزمنا قرالنه بالمجالس واخر مره عالم
من نفس عشيرتنا
لزموا عدهم وره مامكمل من عدهم العشرة الأولى والعشرة الثانية والثالثة وبالرابعة من محرم لازمي بمجلس عزاء بالكاظمية وانصاب هناك وتوفى هذا الحجي.صار بشهر محرم الحرام ....
صار يوصلني حجي من عماتي الشيخ ومات وهسه ترجعلك سل ويرجعلك هجرس منو يخلصك منهم وحوبتنه راح تطلع بيك اكلت ورث امنه
حسبي الله ونعم الوكيل
بيك هجرس ...
من مانطيتهم ورث جديتي خديجة هم ماطابين البيت حتى بالاربعين مالتها ماجوي ولا راحوا زاروا قبرها ماعرف.الحقد لبقلبهم منين جايبينه ؟
وعلاقتي بسلي حلوة ومستقرة وخالية من المشاكل صح تزعل وهناك وين تقنع ونصالح ...
ودلشاد انقطعت اخباره هي القطعة عبالك فص ملح وذاب وحنين لحد الآن ماكو خلفة زوجها متزوج عليها وهسه مرته حامل بس هي باقية ويا
لان مالها احد غيره
وجدي يمشي ويوصي بي شكد ماجاك ابتعد عن المشاكل ولا تقترب للمشاكل ولا تورط نفسك
وي.عالم ماتخاف الله
من شفت صار عندي طفلين ومتعلقين بي واخواني اثنين واهلي كلها تحبني تغيرت وصرت مادخل
بالمشاكل وابتعد عنها ...
وره ماخفت كورونا والأوضاع صارت شوي أهون من قبل سلي حبلت وهالمرة حبلت بتوم بنية ولد سمنت بشكل موطبيعي وبطنها كبرت صارت
مابيها حيل تكوم من
الفراش وانه طاير من الفرحة بيها الله عوضني بمره ذرة مال ذهب وأطفال يخبلون وعائلة حلوة ومرت ابوي اخذت خديجة الها وامي ماخذه شهم يمها
بالشهر لل١١ من سنة ٢٠٢٢ سلي جابت البنية والولد الولد ردت اسمي على اسم جدي جدي ماقبل وگال تسمي عباس والبنية زينب ماكدرت أعارض كلامه وسميتهم عباس وزينب
جانوا هادئين كلش ....ومايحجون مو مثل شهم وخديجة مخابيل خدوجة تباوعلهم وتضحك انوب هي سمينة وام خدود نسخة ثانية من أمي صايرة
ومرت ابوي طايره بيهم ... عبالك احفادها مو ولد ابن زوجها وخدوجة تصيحلها ماما وتنام بحضنها متعلقه بيها وسلي المسكينة متعاركة وياي ..
_انت گلتلي كل سنة نجيب طفل وصدك سويتها
_اي وان شاء الله على السنة الجاي هم نسوي واحد
_والنبي ماكو بعد راح أقفل كافي ابنيتين
ولد هي شبع جهال فرقد
_جدي يكول ابوك ماخلف غيرك واريدك انت تخلف
عشر على عناد عمامك وعماتك
_ماكو فرقد لا تحلم
_انجبي بعد واحد نجيب
_لاااا
_ايي هههههه
جريتها الحضني واضحك عليها انوب هي كامت تبجي ماتريد جهال بعد بعد ماخلف تتوسل بي عبالك هذا الشي بايدي مو بايدها عاد گتلها اشاقه وياج
أربعة كافي وراح نقفل بعد مانخلف
النهاية .....
