رواية نارك جنة الفصل الخامس عشر 15 والاخير
سفيان حط وجه في رقبتها شم عطرها بقوة ..وبحت فيها : كل يوم نبي انوض على ريحتك جنتي
جنات ابتسمت وهو قرب من فمها وباسها بوسة ناعمة ..وحط يده في شعرها وبحت في اعيونها : تمشي امعايا جنة
جنات : وين ؟؟
سفيان : تمشي امعايا والا لا
جنات ابتسمت وهزت راسها : نمشي امعاك وين ماتبي
سفيان ابتسم حرك خشمه على خشمها : بنأخذك للجنة ..ياجنتي
جنات ابتسمت وسفيان شد يدها وباسها في راحة يدها وصبا : تعالي امعايا
جنات صبت امعاه : وين سفيان
سفيان سحبها من يدها وراه : تعالي بس
مشى بيها لعند دارها فتح الباب وخشوا برمها شوره ومسكها من اكتافها : جنة طلعي شنطة وحطي فيها دبش نبوا نمشوا من هنا
جنات : وين سفيان ماتخوفنيش
سفيان حط خشم على خشمها : معاش في خوف خلاص ..نبي ناخذك لمكان مافيشي حد غير أنا وأنتي
جنات : سفيان
سفيان حط صبعه على فمها : اشششش ..جهزي نفسك بس ..أنا عشر دقائق وانجيك
باسها على طرف خشمها وطلع ...مشى لداره غسل وصلى وتى شنطة وغير ادبشه ونزل للمطبخ
سفيان : صباح الخير
صالحة : هلا ..صباح النور
سفيان قرب منها وبصوت واطي : صالحة نبي نمشي أنا وجنات لمكان وبنغيبوا كم يوم ..مانبيش حد يعرف شي ..حتى اي حد يسأل قولي مانندري عليهم وين
صالحة ابتسمت : حاضر ..بس شيباني رد بالك منها ..جنات بنت طيبة ..راك تظلمها
سفيان : ماتخافيش عليها امعايا
طلع سفيان بسرعة ورقى فوق ..وصالحة تنهدت براحة من زمان ماشافت سفيان وجه رايق ومنور هكي
الباب انفتح وخش سفيان : جنة واتية
جنات لابسة ومصبية جنب شنطتها : واتية
سفيان خش وشال شنطتها : تعالي هيا
طلعت جنات وكان في شنطة لسفيان عند الباب شالها ونزلوا ..مافيش حد واعي الا صالحة مازال الصبح بدري ..خطموا على صالحة في المطبخ : طالعين ..اوكي
صالحة قربت منهم : بالسلامة ..ربي يهنيكم
جنات ابتسمت وطبست منحرجة من صالحة ...وطلعوا من الفيلا ركبوا سيارة سفيان ..وهوا طول الطريق شاد يدها ..ويبحت فيها ..لعند جنات خلاص ماتت منه
طلعوا برا مدينة بنغازي بس قبلها سفيان خطم على كم محل وخذا منه حاجات واجد ...بعدها مشوا مسافة على الساحل ...لعند في الاخير خشوا من طريق ترابية ..مشوا اخرى لعند وصلوا ..للحوش صغير وسط الغابة ..قريب من الساحل ...
نزلوا من السيارة وجنات اعيونها على كل شي في المكان ..واعيونها يلمعوا ...المكان فعلا جنة
فتح شنطة السيارة وبدأ ينزل في الحاجات ..بس اعيونه كانوا على جنات ..ايشوفلها كيف تضحك وتشوف في المكان
فتح باب الحوش وخش ولع الضي ..وبدأ يفتح في الرواشن ...جنات خشت وراءه ..وبدأت تكتشف في المكان ..حوش صغير ..دارين ..دار نوم ...ودار جلوس ..وحمام ومطبخ صغير ..وصالة صغيرة في المدخل ..وطلع برا ايخشش في الاكياس والشناطي
بعد كمل قرب من جنات : خذي راحتك أنا بنطلع انشوف وضع المية ..وكل شي ..تمام
جنات : تمام
طلع سفيان ..وجنات تنهدت ..وشافت ان الحوش فيه غبرة ويبي تنظيف ..بدات اتحوس فيه لكن عقلها يدوي ..وتفكر ليش سفيان جابها هنا ...يعني هوا خلاص سامحها ..باهي شن معنى توا ..كيف صدقها من غير دليل ...خطر عليها لاوراق ..وتريحت لانها حطتهم في شنطتها قبل تطلع
كانت متوقعة نقاش مع سفيان عشان القصة ..وكان لازم ايكون امعاها دليل برأتها
جنات اتنظف ..وسفيان خش ..بحت فيها مبتسم ..ومشى خذا شناطيهم للدار ..فتح شنطته خذا منها تيشرت ..وسروال توتة ..لابسهم ...ولابس كويش ..وطلع برا وبدأ يجهز في مكان عشان يبي يولع نار
جنات كملت تنظيف ..وحست بشوب ..خشت ادوشت ولابست سروال جينز ..وتيشرت ..ورفعت شعرها فوق ..وطلعت قمعزت على كراسي برا اتفرج على سفيان وهو يشتغل
سفيان شافها مشى شورها ومسك يدها صباها : كملتي
جنات : نعم
سفيان : تعالي جوا ..انواتو فطور مع بعض ..جيعان بكل
جنات بجد كانت منصدمة من التغيير في تصرفات سفيان ..وحست نفسها تحلم ..بس مش مهم ..ماتبيش توعى من الحلم ..قاعدة هائمة فيه وخلاص
خشت امعاه وطلعوا حاجات من الاكياس ..وتوا فطور ..وسفيان كان طول الوقت يضحك ..ويبصر امعاها ..خذوا سفرة الفطور وطلعوا فطوروا برا ...وكان أحلى فطور مع اعيون سفيان وضحكته اللي اتجنن
بعد الفطور ...خذاها سفيان جولة في السيارة ..وتفرجوا على المنطقة كلها
*************************
في الفيلا ..ناضوا كلهم ..وطبعا صدمت منى لما اكتشفت أن سفيان وجنات مش قاعدين
وطبعا لما سألوا صالحة ..قالت مانعرفش وين هما 
بس الاكيد الوحيد اللي يعرف ..فخري 
منى بعد فطرت توفيق ..طلعت ومشت لهبة في حوشهم
هبة : كيف وين مشوا
منى معصبة وتمشي جاي وغادي : مانعرفش ..بس أكيد الحية هذه كذبت عليه وخذاته لمكان ..بس وين مش عارفة
هبة : بالك طالعين عادي ..وتوا ايردوا
منى قمعزت وخبطت الطاولة بيدها : لاااا هبة لاا ..صالحة قالت خذوا شناطيهم امعاهم يعني بيغيبوا كم يوم ...اااخ بس لو نعرف وين مشوا
هبة زمطت : يمكن ماشيين لهلها في درنة زيارة
منى : اي زيارة هبة بالله عليك اسكتي ترا ..جنات هلها من يومين كانوا عندها ..عليش بتمشيلهم توا ..عندي أحساس أن في مصيبة بتجينا من وراء مشيتهم
هبة اتهز في راسها : أنا مادخلنيش بيك ..لو سفيان عرف الحقيقة ..تحملي ابروحك مايجيك منه ..أنا مليش علاقة بيك منى
منى صبت وقربت منها شدتها من ذراعها وفنصت فيها : تحكي جد ؟!! واللهي ؟! ..املا من ساعدني ياحبيبتي ومن ضحك عليها من الاول مش راجلك يا اعيوني ..ومن حبسها امعايا في الحوش بعد الفرح ..ومن ومن ومن ...اتحبي انذكرك والا انسيتي
هبة زمطت بخوف : كله منك ..كله منك ومن تفكيرك الشيطاني ..يعني عشان اتغطي على مرض خوك ..مشيتي وحطيتينا في مشكلة أكبر منه...أنا مادخلنيش بيك ...لو سفيان جاء وسأل نبي نحكيله ..كل شي
منى دفتها لعند طاحت على الكرسي : جربي وافتحي فمك ..وشوفي شن اندير فيك ..وبعدين بالك تحسابي سفيان يبي ايسامحك لو عرف الحقيقة منك او من غيرك ..اول شي بتردي للشارع من وين ما جيتي
هبة اتهز في راسها وتبكي : الله لا يسامحك ..ربي ينتقم منك ..هذا عليش سفيان من الاول كان عارف نيتك وشرك ..واطردك من المزرعة ...ياريتني ما سمعت كلامك ومشيت امعاك ..دمرتي حياتنا ..ودمرتي صحة توفيق ..وعيشتيه في رعب ..ربي ينتقم منك ..ربي ينتقم منك
وخشت لدارها وصكرت الباب ..ومنى قمعزت واعيونها كلهم شر
********************
بعد الغداء ملاك طلعت لجنان ..شافت جلال امقمعز برا قدام الملحق ويدخن ومش فاطنلها
بدأت ادير في حركات تبيه ايشوفها
...لكن جلال مش مركز ..وبعدين دارت روحها تحكي بالفون وارفعت صوتها ..وجلال التفت وشافها ..ركز عليها ..وبرم وجه وكمل ايدخن 
ملاك تعصبت منه ..لانه من يوم هزباته وهوا قالب عليها ومعاش حاول يحكي امعاها : اووووووفه
جلال كمل دخانه وصبا بحت فيها ..وخش خبط الباب وطاح رقد
وملاك خشت لفيلا اتخبط ..ومعصب منه
مودة العشية امكسدة ..وتقرأ في راسائل فخري ..رن فونها ..لاقاته فخري
مودة : نعم
فخري : اهلين ...شن اخبارك
مودة : بخير الله يسلمك ..شن امورك أنت
فخري : أنا امرايف عليك ..ونبي انشوفك مودة ..دبري رأسك نبي انشوفك
مودة : ياريت فخري ..بس أنت وين وأنا وين ...شن بيجيبني لبنغازي
فخري : بس أنا نقدر انجيك في درنة ..مودة رايفت على اعيونك ..نبي انشوفهم
مودة خلاص ذابت : وربي حتى أنا خاطري انشوفك ..بس مش بيدي ..شن بندير
فخري : اطلعي للشارع ..كان امرايفة عليا بالحق
مودة : الشارع شن نبي فيه
...اهييييي 
قصدك أنت برا
فخري ضحك : وربي من الصبح طالع ..وقلبي سبقني لدرنة ..اطلعي دودي ..هيا بنشوفك
مودة صبت ترجف : تحكي جديات فخري
فخري : تي هيا حتى الجيران قريب ايشكوا فيا ..نبرم بالسيارة في الشارع من بدري
مودة : استنى اشويا ..اطلع من الشارع ..أنا ربع ساعة وانرن عليك
فخري : ليش مودة ...من الصبح وقلبي نار على شوفتك ..اطلعي هيا
مودة اتبحت في شكلها ..حي على امي كان اتشوفني هك : لا بس خليني انشوف أمي وين ..ونعرف وضع الحوش وانرن عليك
فخري تنهد بقل صبر : او كي ..أنا عندي صاحبي قريب من هنا ..نمشي انشوفه على بال مارنيتي عليا ..تمام
مودة : تمام
صكر فخري وعدا لصاحبه ..وهو نفس الصاحب اللي جهزله بوكس الشكلاطة المرة اللي فاتت ..ومشى ايهدرز امعاه
أما مودة مشت بسرعة ..غيرت دبشها وابرمت على وجهها ..وشافت أمها مش قاعدة هيا وبوها ...بس خوتها اللي اصغر منها قاعدين
مودة رنت عليه ..وهو دقائق وكان في الشارع : نعم شن صار امعاك
مودة : فخري خوتي قاعدين ..مانقدرش نطلع برا
فخري تنهد بعصبية : كيف يعني ...بنمشي من غير ما انشوفك ..معقولة ترضيها بعد المسافة هاذي كلها
مودة : مش عارفة ...ممكن نطلع على السريع انشوفك واتشوفني بس
فخري : لا مادخلنيش أنا ..بنشوفك من قريب ..بنهدرز امعاك ..شوفيلي حل مودة ..بالله عليك
مودة : ياربي ..شن اندير ..مانقدرش نطلع من الحوش ..أمي مش قاعدة ..كيف نطلع
فخري نفخ معصب وقعد ايفكر اشويا وبعدها : تعالي لحوش اهل جنات
مودة : بس الحوش فاضي مافيشي حد
فخري : أحسن..أنتي مش قلتي اتنطي عندها من السور كنتي من قبل ...نطي وافتحيلي الباب وأنا ننزل عادي وانخش
مودة : شن تحكي فخري ..كيف نبي انخش في حوش ناس مش قاعدين ..وبعدين تخيل ايشوفك الجيران ..شن بتقول
فخري : مودة وغلاتي على قلبك ..اذا كان عندي خاطر عندك حتى اشويا ...دقائق بس بنشوفك ونطلع ..وربي ما اتخافي ..مش مطول
مودة تنهدت بخوف : مش عارفة ..خايفة فخري
فخري سكت اشويا وكان معصب ..لان فعلا كان خاطره ايشوفها بعد طريق طويلة : تمام ..تمام مودة مش مشكلة ..مانبيش نضغط عليك ..أنا عارف أنك خايفة ..وأنا مانبيش انسببلك مشاكل
مودة : زعلت مني صاح
فخري ابتسم : مش هكي ..بس وربي مرايف عليك موت ..وكنت نحساب روحي بنشوفك حتى اشويا
مودة : ماعليش مرة ثانية ...ماتزعلش مني
فخري : مش زعلان .بس في الليل بتعوضيني ..بنحكي امعاك للصبح راه
مودة في بالها نجك ليا : باهي ..حاضر ..من اعيوني
فخري : يسلموا اعيونك
مودة : وين بتمشي ..مروح بنغازي
فخري : إن شالله ...بس بنرد على صاحبي انهدرز امعاه اشويا ونطلع
مودة : تمام
*************************
جلال العشية استغرب ان جنات لا جاته ولا اتصلت بيه ...وحتى سفيان مش باين ...كلمها بس فونها مقفل ..طلع برا الملحق ومشى ايدق على الفيلا ...فتحت ملاك : نعم
جلال من غير اهتمام : كلمي جنات نبيها
ملاك : جنات مش قاعدة
جلال : وين ..قصدي وين طالعة
ملاك : جنات وسفيان مشوا كم يوم برا المزرعة
جلال : كم يوم ؟!! وين ماشيين ؟
ملاك : مش عارفة...شن تبي فيها خليها اتريح منك كم يوم
جلال حط يده على الباب اتكى عليه : وأنتي شن دخلك ..ليش خاشة بين الخوت
ملاك : لانك بارد ..وجنات طيبة واتهبل
جلال بحت فيها وابتسم على حركاتها كيف الطفلة : وأنتي طفلة صغيرة ..بس اتهبلي
وعزقلها بوسة ..وعدا ..وملاك انقهرت كيف اينرفز فيها
*****************
فخري مقمعز يهدرز مع صاحبه ..ورنت عليه مودة : الو
مودة : فخري تعالى نبي انشوفك
فخري صبا وعدا بعيد شويا : شنو ..شن قصدك
مودة : تعالى بسرعة قبل انغير رائي ..تلقى الباب مفتوح متاع حوش جنات
فخري عض على فمه : صاروخ ..لحظة وتلقيني عندك
مودة صكرت وترجف من الخوف ...طبعا هيا بعد عدا فخري ..حست انها مرايفة عليه وتبي اتشوفه ..مشت نطت عند حوش سليمة ..وكانت عارفة مكان مفتاح المطبخ ..فتحت وخشت جو ..ومشت افتحت الباب لفخري واتصلت بيه
فخري وصل وقف سيارته نزل منها ..ودق على الباب وخش عادي ..لاقى مودة امصبية ترجى فيه ...قرب منها سلم عليها وقعد ماسك يدها : كيف صار وغيرتي رائك
مودة مطبسة وخدودها حمر :
فخري رفع وجهها وطبس عليها : قولي أنك امرايفة عليا وتبي اتشوفيني ..زيي أنا
مودة اتبحت في اعيونه وساكتة
فخري خذا وجهها بين ايديه ..وقعد دقائق يملا في اعيونه من ملامحها وهيا ساكتة
قرب منها وهي غمضت اعيونها باسها على اعيونها : أنحبك وأنحب اعيونك ..ربي يحفظك ليا
مودة اعيونها دمعوا : فخري خلاص عدي خايفة
فخري حرك صبعه على خدها : حاضر ..كنت نبي انشوفك وشفتك ..مع أني مانشبعش من اعيونك ..بس حتى أنا خايف عليك
بحت فيها قبل يطلع ..وطلع ركب سيارته ..وهيا شافتله من الباب قبل اتحرك سيارته وتباعد عن الحوش
*************************
لعند العشية والجو بين سفيان وجنات حلو بكل ..طلعوا بالسيارة ..شروا وجبة سمك من مطعم على الطريق ...كسدوا على الساحل ..حكاياتهم كلها كانت بعيدة عن اي شي صار بينهم ..كانوا يحكوا بشكل عام عن كل شي
روحوا للحوش ..وجنات خشت وغيرت دبشها ولابست فستان حاير ..نص كم ..مفتوح من قدام كله .وفيه بطم لعند لوطى ..نزلت شعرها على اكتافها ..حطت مكياج خفيف ..بخت من عطرها ..وكانت ترجف ومش مسيطرة على جسمها . كان عندها شعور ..أن في شي بيصير بينها وبين سفيان ..بس مش متأكدة من نهايته
طلعت برا كان الوقت قريب مغرب ..وسفيان بدأ يولع في نار ..ويجهز في لحم وكباب عشان العشاء ..صبت على الباب اتفرج عليه ..وسفيان اول ماشافها ..ابتسم وقاللها تعالي
نزلت الدرج ..وجت قربت منه ..وكان في كرسي خشب عند النار ..قمعزت عليه ..ومنحرجة من نظرات سفيان اللي تبي تأكلها
سفيان جهز النار ..ومشى للمطبخ جاب كل شي عن الشواء والعشاء ...ورد قمعز جنبها ...وبدأ ايشوي
جنات اتبحت فيه كيف يشوي ..واول مرة اتشوف سفيان على طبيعته ..بعيد عن الاعصاب والعياط ..شن غيره من ناحيتها ..كيف قاعد هادي ..ويعامل فيها بكل حب ...هيا مش عارفة وماتبيش تعرف بس سفيان كان واعي لما جت وحكت امعاه وهو راقد ..كانت بس خايفة تنتهى سعادتها معه بسرعة
شواء وجهز كل شي ..وقرب منها ايتعشوا مع بعض ..على ضي النار
سفيان مد يده : افتحي فمك
جنات ابتسمت وكلت من يده : سلم ايديك
سفيان : صحة جنتي
جنات تأكل وتبحت فيه هل الكلمة هذه قاصدها والا ايقول فيها وخلاص
كملوا العشاء وجنات لمت حوسة العشاء وخشت تغسل في ايديها ...وجهزت بكرج قهوة ..وطلعت بالسفرة ...بس سفيان مش قاعد ...قمعزت اطيب في القهوة على النار ...وسفيان طلع من جوا ..امغير دبشه وشعره مازال مبلول شكله مدوش ..لابس كت وسروال توتة اسود
جنات : ادوشت سفيان ...توا تمرض
سفيان يرفع في شعره فوق بيده : لا ماتخافيش ..الجو حامي ..وأنا انخنقت من ريحة النار والشواء فيا
جنات : صحة ...تشرب قهوة
سفيان ايحرك في النار بعود : نشرب ليش لا
جنات صبت القهوة.... ((عارفتكن على نار تبن تعرفن شن صار بينهم وأنا حرقت دمكن))
المهم جنات مدت فنجان القهوة لسفيان لكن هوا قرب منها ولاصق فيها ..وحط يده على اكتافها وضمها لحضنه ..وخذا منها القهوة وبدأ يشرب ..وهيا غمضت اعيونها في حضنه ..وتشم في ريحته اللي اتجنن
سفيان نزل رأسه وبحت في وجهها ..وحس بيها ترجف ..نزل فنجان القهوة ..ورفع وجهها بيده عشان اتشوفله : جنتي
جنات : هممم
سفيان : ليش ساكتة ..وين جنة اللي ديما اتعيط وتعصب عليا ..وين جنة اللي مستحيل ترضى بحد يفرض عليها اي امر ..تكلمي
جنات اتبحت في اعيونه : ليش اتنادي فيا جنة
سفيان حط صبعه على شعرها يلعب بخصلاته ..ونزلها على خدها : في الاول بس كان عشان انعصبك وانرفزك مني ..بس بعدين تعودت عليها ..وأنتي فعلا اا..
سكت سفيان ..وجنات : فعلا شنو
قرب وجه من وجهها ويحرك في صبعه على فمها واعيونه ناعسة : لانك فعلا جنتي ..جنتي بعد كنت عايش في نار ..جنتي على الارض
جنات معاش قدرت تتكلم مع قرب سفيان منها ..نزل فمه على فمها ..وبدأ ايبوس فيها بوسة ..طويلة وناعمة ..وجنات داخت بين ايديه
رفع راسه اشويا وغمض اعيونه وجه على وجهها ويهمس بأسمها : جنة ..جنة ..جنة
جنات ترجف : نعم
سفيان صبا وشدها فوق وطبس عليها : جنة ..نبيك ..نبيك حبيبي ..نبيك جنتي
جنات ساكتة وذايبة بين ايديه ..وهو رفعها فوق بين ايديه وخش بيها للحوش ...وهيا ضماته بقوة
نزلها على السرير ..ورقى قرب منها ..رفع التيشرت امتاعه حوله ..وجنات انحرجت منه ومسكت ايديه : سفيان اصبر اشويا ..نبي انوريك شي قبل
سفيان سكت وجنات صبت فتحت شنطتها ..وطلعت الاوراق وجت رقت على السرير وقمعزت مقابلة سفيان : نبيك اتشوف التقارير هذي قبل
سفيان من غير مايفتح الارواق : شنو هذين ..شن قصتهن؟؟!!
جنات : هذا دليل على صدق كل كلمة قلتها من قبل ..نبيك تعرف وتتأكد قبل اا
سفيان سحب الاوراق من ايديها وعزقهم لوطى ..وقرب منها : اششش مانبيش دليل على شي ..مانبيش انشوف شي ..تعرفي ليش
جنات : ليش
سفيان مسك يدها وحطها على قلبه : لان دليلك هنا .. قاعد بين ضلوعي ..في كل يوم كان يقولي أنك صادقة ولازم تسامحها ..مارضش يوم أني ننتقم منك ..كان يمنع فيا..وماقدرتش نمنعه عنك لانه اقوى مني
جنات زمطت وكلام سفيان نهى كل شك في قلبها من ناحيته ..موقفه خلاها تعرف ليش اتحبه ..لانه ببساطة سفيان بس
سفيان قرب منها ونزلها على السرير ..ونزل عليها ايبوس في وجهها في كل مكان ..بخفة ..رقبتها ..فمها ..وبدأ يفتح في بطم فستانها لعند لوطى ..كشف على جسمها ..وهيا غمضت اعيونها ..وهو حط يده على خصرها رجفت من لامسته ..ونزل عليها
مانبيش انخش في تفاصيل أكثر ..عيب ..لكن نبي نوصل للحظة معينة ..ومهمة بين سفيان وجنات
اللحظة اللي تأكد سفيان أنها بنت ...رفع وجه وجسمه كله يرجف وانفاسه مرتفعة ..قرب من وذنها ..وهي تبكي ..همس : مبروك حبيبي ..وأسف كان وجعتك
جنات لفت ايديها على رقبته وحضناته : كنت خايفة منك ماتصدقنيش حتى ولو كنت مازلت بنت
سفيان رفع وجه وبحت في اعيونها : لو كانت عندي ذرة شك وحدة فيك بس..مستحيل انخليك مراتي ..مهما كان ياجنة
جنات اتبحت في اعيونه وحطت يدها في شعره وهو همسلها : أنحبك ..انحبك ..وربي انموت عليك جنة
ونزل عليها اخرى و..
**************************
ثاني يوم الصبح فتحت جنات اعيونها في حضن سفيان ..بحتت في وجه ..ولامست للحيته ..وحطت يدها في شعره ..تلمس في الشيب اللي زائد من وسامة سفيان ومعطيه هيبة وشخصية اتجنن
فتح اعيونه وابتسم وشدها في حضنه ..وباسها على رأسها : صباح الخير ياجنتي
جنات : صباح الخير شيباني
رفع حاجبه : ترا عاوديها
جنات ضحكت : احلى شيباني وربي
سفيان حضنها بقوة ..وقمعز ..وجنات قمعزت ..لابس وصبا : خليك في مكانك ..بنجيبلك فطورك هنا
جنات شدت لغطاء عليها : سفيان
يلبس وبرم بحت فيها : نعم
جنات : شن تبي ادير توا
سفيان تنهد : اللي كان لازم اندير من الاول ..وربي بيشوفوا مني ايام أسود من نوايهم
جنات : بس اا
سفيان : بس شنو ..ليش سكتي
جنات : عشان توفيق ...حرام حسيته مظلوم زيي ..ابروحه مريض
سفيان : مانعرفش توا انشوف
جنات طبست وخذت لاوراق من الارض : شوف سفيان ..توفيق مريض من قبل يعرفني ويشوفني ..مش عارفة شن صار امعاه ..بس حتى هوا ضحية لمنى وهبة
سفيان خذا لاوراق وشافهن : هذه كلها تقارير لتوفيق ..قبل أكثر من سنتين تقريبا ..علاجات ودواء ..في ليبيا ومصر ..من وين جبتيهم ؟؟!!
جنات ضحكت : بصراحة سرقتهم من حوش هبة ..كنت نبي دليل نثبت بيه كلامي
سفيان بحت فيها وعض على فمه : امتى بتبطلي مشاغبة أنتي
جنات : شن ادير ..أنت ماتبيش تسمعني وماتبيش اتصدقني سفيان
سفيان ابتسلمها : سامحيني حبيبي ..بس أنتي عارفة الظروف اللي مريت بيها من قبل ..ومع كلام منى كنت نبي ننتقم من اي حد وخلاص
جنات صبت لافة جسمها بالغطاء قربت منه بأسته على خده : أنحبك وربي سفيان
وهربت منه بسرعة وخشت للحمام ..سفيان ضحك وهز راسه ..وطلع برا
طلعت جنات بعد ادوشت ..وسفيان خش بعدها ادوش ..وطلع ايوتي في باقي الفطور ...مشطت جنات شعرها ..وطلعت لاقاته واقف في المطبخ ..لافت ايديها على ايديه وحضناته من لاوراء
سفيان كمل شغله ...وقمعزوا يفطور مع بعضهم ..بس المرة هذه كانت امقمعزة في حضنه وهو ايوكل فيها ..ويهدرزوا ويضحكوا
***************************
بعد يومين كلهم رومنسية وحب وحاجات فوق الخيال ..روحوا سفيان وجنات للفيلا ...كان الوقت عشية ..خشوا مافيش الا صالحة وملاك في الصالة يشربوا في قهوة ..خشت عليهن جنات ..وملاك صبت تجري ضماتها : جنات حبيبتي رايفت عليك
وسلمت على صالحة ..وخش سفيان سلم عليهن ..وصالحة لاحظت الحب اللي قاعد في اعيونهم
سفيان : وين منى
صالحة : كانت مع توفيق وطلعت ..مش عارفة وين ..ليش
سفيان طلع معصب
صالحة : شن في جنات ..سفيان كنه
جنات : توا تعرفي كل شي ابروحك
وخذت جنات شنطتها وشنطة سفيان ورقت فوق ..حطتهم في دارها ..وتذكرت اول لليلة شافت فيها سفيان وابتسمت ..طلعت من دارها تسمع في توفيق يكح ..مشت تبي اتشوفه
فتحت الباب وخشت عليه : خيير ...كنك اتكح ..أنت مريض
توفيق بحت فيها وعيونه لمعوا : جنات ممكن طلب
جنات اول مرة تسمع يحكي بالطريقة هذه خافت منه : نعم
توفيق : تعالي اشويا ..قربي مني
جنات برغم الخوف منه ..بس قلبها قاللها قربي ..وقربت منه ..وهو مسكها من يدها وشدها ليه : جنات
جنات ترجف : نعم
توفيق : جنات ...والله مانعرف كيف قدرت اندير فيك هكي ..بس منى السبب ..كله منها ..هيا اللي قالتلي ..لازم تتزوج عشان اتجيب اعيال ..يمسكوك ويهتموا بيك ..قالتلي لازم تلقى بنت اتوافق عليك ..وترضى اتعيش امعاك ..حتى لو غصبا عنها
جنات اتبحت فيه ولاحظت في ايديه جروح من محاولة لانتحار ..وقلبها وجعها على توفيق : شن تبي مني توا
توفيق طلق يدها وطبس : نبيك اتسامحيني ..صورتك وأنتي تبكي وخايفة وصوت عياطك عليا ..كل يوم قدامي ..مش قادر نرقد كيف الناس بسبب اللي درته فيك
جنات حطت يدها على كتفه : وأنا مسامحتك ومش زعلانة منك ...بس أنت معاش اتخلي منى او غيرها اتحكم فيك ..أنت أنسان طيب ونظيف ..وإن شالله ربي يشفيك
توفيق يمسح في وجهه وجنات طلعت من داره ونزلت لوطى
سفيان دلف باب حوش هبة برجله بقوة وخش لاقها ابروحها ..صبت ترجف وخايفة وسفيان قرب منها مسكها من شعرها : وين الثعلب لاخرى
هبة : اااءء ممم مش عارفة طلعت من بدري
سفيان برمها بالقوة : وين طلعت ...احكي خير مانكسر رأسك
هبة : عدت للصيدالية اتجيب في دواء لتوفيق
سفيان دفها على الكرسي ..وجاب كرسي حطه مقابلها وقمعز عليه بالعكس : أحكي هيا ...ادوي نسمع فيك
هبة ترتعد : شششن نحكي سفيان
سفيان بصوت مرتفع : أحكييي شن درتوا من اول ماطلعتوا من هنا ...لعند مالاقيتكم في درنة
هبة : ححاضر .توا نحكي
سفيان : أحكي كل شي فاهمة ...وخاصة موضوع جنة ..نبيه بالتفصيل
هبة زمطت : جنات
سفيان ايهز في رجله : احكي هيا
هبة : بببعد عركتك مع منى على موضوع الورثة ..منى تبي تحرق دمك قالت لازم نمشوا من هنا وانخلوه ايدور علينا ومايعرفش وين نحن
سفيان : كملي
هبة : خخلاص لاقينا حوش في بنغازي ..وسكنا فيه ...لعند بعد فترة توفيق طاح في شلة شباب ..قعدوا ياخذوا منه في فلوس ...ولما تعارك امعاهم عشان يبيهن منهم....مش عارفة شن عطوه ..احبوب والا دواء ...وتوفيق قعد مدمن عليهن ...ومع الايام قعد يمرض ويعصب وتغير بكل ...ومنى خافت منك ومن العائلة تسمعوا بيها ...قررت تطلع من بنغازي وتمشي بعيد عشان ماحد يلقانا منكم
سفيان : وجنة ..جنة من وين تعرفوها
هبة : بعد سنة ..توفيق تحسن مع العلاج ...ومنى كانت تبيه يتزوج عشان ايدير اعيال ويستقر ..بس طبعا كانت خايفة تطلب اي بنت ولما تعرف بمرض توفيق ترفض ...وهذا اللي صار فعلا .مشت طلبت كم بنت ..ولما ايشوفوا توفيق يرفضوا
سفيان : لعند لاقت جنة ..من وين تعرفها
هبة : جنات ماكناش نعرفوها .لعند في يوم منى وتوفيق مشوا لدرنة عشان دواء توفيق ..وبالصدفة جنات كانت تاخذ في دواء ..وتوفيق قال لمنى أن البنت عجباته ..ومنى لحقت جنات لعند حوشهم ...قعدت فترة اتراقب فيها ..لعند عرفت عليها كل المعلومات ..وقررت تخطبها لتوفيق
سفيان : وجنة وافقت
هبة : وافقت بس مش على توفيق ..وافقت على معتز
سفيان صبا وزق الكرسي ومسكها من شعرها : شن دخل معتز
هبة تمسك في ايديه : لان جنات يوم المقابلة شافت معتز مش توفيق ..وهذه كانت خطة منى ..عشان اتحط جنات في امر الواقع
سفيان : وشن صار بعدها ادوي
هبة : جنات طبعا لما شافت توفيق خافت منه وقعدت اتعيط وتصرخ ..ومنى ححاولت
سفيان شدها من شعرها فوق : حاولت شنو احكي
هبة : حاولت اتخلي توفيق ياخذها بالغصب ..بس توفيق خاف ومرض وحالته سأت اكثر من الصدمة ومنى دخلت على جنات ابروحها وبالغصب ..وصارلها نزيف وشلناها للمستشفى
سفيان : شن صار كملي ماتخلينيش نقتلك في مكانك
هبة : خلاص منى كان عندها أمل جنات مع الوقت ترضى وتسكت ..كانت متفقة مع وحدة تسحر ..اتجيب دم جنات متاع الدخلة ..والمراة وعدت منى بعد يومين جنات بترضى بيه ..لكن جنات لعند الاسبوع وهي كارهة توفيق وتعيط عليه ..ومنى فهمت أن المراة كذبت عليها وخافت الموضوع ينفضح ..اتفقت مع جنات تنهي القصة مقابل جنات تسكت ...وعشان تضمن ماحد يكشفها ..زورت تقرير لجنات على اساس يوم الفرح توفيق لاقها مش بنت وطلقها
سفيان : أنتوا من اي طينة مخلوقين ...شن هالاجرام ..وين ماشيين بيه ..شن دارت البنت عشان اديروا فيها كل هذا ...وياريت سكتوا ..خليتوني نتزوجها عشان ننتقم منها على شي هيا مش ذنبها ..ليش باهي
هبة : منى بعد فضيحة الفيديو في المحكمة عرفت أنك حتلقانا وخافت منك ..وكان لازم اتحط الذنب على واحد ..وفي نفس الوقت كانت تبي تنتقم من جنات عشان اللي صار في توفيق
سفيان دفها بالقوة لعند طاحت لوطى : اللي صار في توفيق كله بسببكم ..لو من اول يوم جيتوا وحكيتوا راه ماوصل للحالة هذه ..لكن عنادكم وجبروت اختك وظلمها وصلوله للحالة اللي هوا فيها ...لكن وربي انخليكم اتمنوا الموت علي درتوه في جنة وفيه
وطلع سفيان مع خشت سيارة منى للمزرعة ..ولما شافت كيف سفيان معصب ..خافت وقعدت في السيارة لعند جاء وفتح عليها الباب وشدها من شعرها ونزلها وهي تعيط وتصرخ ..وخش بيها للفيلا ..يسحب فيها وصكر الباب ...وجنات وصالحة وملاك صبوا على صوت منى تصرخ
منى : سفيان اطلقني ..حول يدك شن درت أنا سفيان
سفيان مسكها من شعرها : توا بتعتذري منها ..قبل ما انردك لحوش الخرابة اخرى
منى : نعتذر من من ..شن قصدك سفيان عليش تحكي
سفيان شد شعرها أكثر وضربها كف لعند طاحت : مش عارفة شن دايرة ..أكيد من كثر الجرائم مش عارفة على شنو ندوي ...بس هبة حكت كل شي ..وأنتي توا كيف البنت الطيبة تبي تعتذري من جنة وغصبا عنك
منى يدها على وجهها وتبحت في جنات بحقد وتبكي : ليش بعتذر منها ...هيا اللي خلتني اندير فيها هكي
سفيان قرب منها معصب : مازلتي تكذبي ..وطبس رفعها من شعرها وضربها كف وسحبها لعند جنات من شعرها : قتلك اعتذري ..اعتذري راه نقتلك ونحسب ربي ماخلقك ..اعتذري
منى بالغصب : أسفة جنات
جنات كانت منصدمة من الموقف وماردتش ..وصالحة وملاك خايفات ومش فاهمات شي.سفيان سحب منى لعند برا وطردها هيا وهبة ومعتز من المزرعة
طبعا منى صكرت رأسها عشان تاخذ توفيق لكن سفيان ماخلاهاش ..وطردهم كلهم .الحوش اللي في المزرعة سفيان هو اللي بانيه لهم..وردوا لحوشهم القديم
رقى سفيان معصب فوق ..ولاحقاته جنات وقعدت اتهدي فيه ..وسفيان اتصل بفخري عسان يبي يمشي ايبلغ في منى عند الشرطة مع جنات كانت رافضة ..لكن سفيان صكر راسه يحبسها لانها مجرمة ومرات تأذي ناس اخرى
سفيان بعد جاء فخري حكاله القصة ومشوا مع بعضهم للمركز ....جنات مازلت امقمعزة وتفهم في صالحة وملاك القصة ..دق الباب ومشت فتحت ملاك وكان ..جلال خش معصب وينادي على جنات
جنات صبت تجري ومشتله : كنك شن في
جلال قرب منها : سفيان صاح ولد عم توفيق ..زوجك الاول
جنات : اا
جلال مسكها من ذراعها : احكي سألتك أنا ...سفيان وتوفيق اعيال عم
جنات هزت رأسها خايفة : اها
جلال : يعني سفيان صاح تزوجك عشان قصة الفيديو ويبي ينتقم منك ..وجابك هنا بس عشان تقعدي خدامة لولد عمه
جنات : لا لا مش هكي
جلال : قرب منها : ردي بالك تكذبي عليا جنات ..وربي نقتلك راه
جنات تبكي وطبست
جلال : يعني كلام اللي اسمها منى صاح ...وأنتي ليش ساكتة وقاعدة ..ليش راضية بالذل ..شن ماسك عليك عشان قاعدة مع واحد ايعامل فيك بالطريقة هذه
جنات : لا سفيان مش هكي ..وربي أنت فا
جلال : صكري فمك ...اطلعي قدامي ..معاش في قعدة لك هنا اطلعي
صالحة : اسمع ..خلي سفيان لعند ايجي على الاقل
جلال : ليش ..شن يبي فيها ..ولدكم اخدموه بروحكم ..بنتنا مش رخيصة عندنا ..عشان كل مرة واحد منهم يلعب عليها
وسحب جنات من يدها تبكي لعند باب الفيلا وبرم بحت في صالحة : خلي سفيان ايدز ورقتها ..ومعاش يحلم ايشوفها اخرى
وطلع جلال وطلعوا من المزرعة ..ركبوا في اول تاكسي ..مشوا لعند الجنسية ..وعدوا في اول سيارة طالعة لدرنة
جنات كانت طول الطريق تبكي بقهر ..اتبحت في شوراع بنغازي ..وروحها تبي تطلع ..تبي اتسيب المكان اللي فيه حبيبها وروحها وكل شي في حياتها اتحبه
سفيان طول ماجاء ...وصالحة رنت عليه لكن هوا ماردش عليها
جنات وصلت درنة في الليل ...نزلت تبكي وخشت على حوشهم ...تعاركت مع جلال ..وعيط عليها ..وطلع سيبها ..مشى لعيت خالها وجاب سليمة ...الليلة هذه كانت اطول لليلة على جنات ...مش عارفة شن صار بعد جاء سفيان للحوش ...شن دار بعد عرف جلال خذاها منه
طبعا جنات ماعندهاش تليفون عشان اتكلم وتسأل عليه ..والدنيا كانت لليل ماقدرت تحكي مع مودة ..وقعدت تبكي للصبح في دارها ...طبعا جلال ماقدر يحكي لسليمة ليش جنات جاية وزعلانة ...خاف منها تمرض ..قاللها متعاركة مع سفيان وجت امعايا لدرنة
جنات ثاني يوم كلمت مودة وحكتلها كل شي ..وطبعا مودة انصدمت من كل الاحداث ...وحاولت جنات تتصل بفخري تسأله على سفيان ..لكن فونه مقفل وهيا مش حافظة رقم سفيان
يومين اخرى وجنات على اعصابها ..وحست روحت خسرت سفيان ..ليش ما حاول يتصل بيها ..ليش ماسال عليها ...زعما كان يكذب عليها وماحبهاش ..ليش يومين منقطع عنها ...معقولة رضى يسيبها ويبي يدز ورقتها زي ماقال جلال
يومين مرن على جنات كيف الكابوس ..وعقلها ايودي ويجيب ...وجلال كل مايشوفها ..يتعارك امعاها
لعند رابع يوم الظهر ..جنات تسمع في الباب ايدق طلعت فتحت ولاقت سفيان واقف على الباب ..لابس اسود وجه باين عليه الحزن ..وللحيته زايدة اشوي ..شكله من كم يوم مش محلق
سفيان بحت في وجهها وهيا اعيونها ادمعوا مش مصدقة ..خش وجنات على طول خشت في حضنه تبكي ...وهو ضمها بقوة وطبس على رقبتها يشم في ريحتها : جنتي ..جنتي ..ليش عديتي وسيبتيني
جنات رفعت وجهها فيه : غصبا عني والله ..مانبيش ..لكن جلال منى عبت رأسه علينا
سفيان مسك وجهها بين ايديه : ماحد يقدر ياخذك مني ..نحرق الدنيا كلها بنارك ...أنتي ليا أنا وبس ..أنتي جنتي وناري
جنات : ليش طولت عليا سفيان
سفيان تنهد وحط يده على شعرها : موضوع طويل تعرفيه بعدين ..هيا امعايا ..هيا لحوشك
جنات : وجلال ...مانقدرش من غير موافقته
سفيان : وينه هوا ..نبي انشوفه
جنات : قاعد راقد في المربوعة
سفيان خش جوا ..وصكر الباب وخش على جلال ..نوضه ..وجنات قاعدة برا تسمع فيهم يتعاركوا وهيا تبكي ..وبعدها صوتهم اختفى ..وطولوا وهما يهدرزوا مع بعضهم ...وجنات كانت قاعدة على نار ..لعند في الاخير طلع جلال : جنااات
جنات جت تجري : نعم
جلال : عدي طيبي قهوة لراجلك
جنات بصدمة : راااجلي..قصدك سفيان
جلال : هذه كنها ..عندك راجل غير سفيان
جنات : لا لا
جلال : عدي بسرعة معناها ..وبالمرة وتي روحك عشان اتروحي امعاه
جنات ضحكت مش مصدقة : صصاح ..تحكي جد
جلال : عدي بسرعة ..وأنتي متنحة ..هيا
جنات ضحكت ومشت بسرعة ...طيبت قهوة ..ومشت غيرت دبشها ..ورقت على سور ..نادت مودة قالتلها نبي نمشي ..وسلمت عليها
بعد ربع ساعة سفيان طلع ..وجلال نادى على جنات ..سلمت عليه وهو وصاها على روحها ..وقاللها ديما خلي في بالك عندك أخ مستعد ايحارب الدنيا عشانك ..لو حسيتي أنك مظلومة وفي حد قسى عليك كلميني انجيك وين ما أنتي
طلعت جنات بعد ما سلمت على اجديدتها ..وركبت مع سفيان ..هو اول ماشافها جنبه الروح ردتله ..مسك يدها بأسها ..وطلع بالسيارة
وصلوا للبنغازي ..خشت جنات وسلمت عليهم ...لكن حست في اعيونهم كلام
سفيان خذاها ورقى بيها فوق ..وقمعز يحكيلها : بعد مشيتك ..روحت للحوش ..وبعد عرفت شن صار ..طلعت وراءك طول ...لكن في الطريق صالحة كلمتني وقالت توفيق حالته تعبت ..ورديت للحوش ...ثاني يوم الصبح نضت على الشرطة جاية ادور في توفيق
جنات : ليش
سفيان قرب منها ومسكها من اكتافها : توفيق هرب في الليل من غير مانشوفوه ..وعدا للحوشهم القديم ..تعارك مع منى ..وووو اووووفه
جنات : شن صار سفيان ..وينه توفيق
سفيان : للاسف توفيق خنق منى وقتلها ..وهبة حاولت تمنعه لكن هو كان قوي وخاصة مع حالته العصبية
جنات صبت : اهييي
سفيان قرب منها : هذا ليش طولت ماجيتك
جنات : وتوفيق شن صار فيه
سفيان : محبوس ..بس المحامي قالي تبعا للحالة والمرض اللي عنده ..أكيد النيابة حتحوله للمستشفى الامراض العقلية
جنات : حراام
سفيان ضمها وقعد ايهدي فيها ..الخبر كان صدمة عليها
بعدها جنات عرفت أن هبة في المستشفى ..والسبب لما كانت اتحاول اتفك توفيق عن منى ..دفها بقوة وطاحت خبطت في الارض ..وصارلها نزيف ...والعجيب من قدرة ربي لما سعفها معتز للمستشفى ..اكتشفوا أنها كانت حامل جديد ونزلت
***************************
بعد سنة ...
جنات وملاك وصالحة قاعدت عند اجديدة جنات في درنة ...جيين يخطبوا في مودة لفخري ...قروا الفاتحة والفرح بعد كم شهر
ملاك طول اليومين اللي عند حوش هل جنات وهي تعارك مع جلال ...هيا اتحبه ومقهورة منه لان ايعامل فيها نفس الطفلة
بس أنتن عارفات جلال مستفز ويحب يحرق الدم ...وكان متقصد اينرفزها ..كانت عجبته كيف تتحمق منه واعيونها يولعوا نار من كلامه ..وكيف اتخبط معصبة منه ..ايموت فيها أكثر
بعد قروأ الفاتحة ..روحوا لبنغازي ...مودة وفخري عايشين قصة حب كبيرة ..بعد كم شهر بيتوجوها بزواج
جلال حاله احسن من قبل ..سيب الشرب بالتدريج لعند سيبه بكل ...العمل امتاعه ماشي ..وانتقل بعد كم شهر لدرنة وقاعد عايش مع سليمة
هوا وملاك علاقتهم غريبة ..طول الوقت عركة ..ومكالمات ..وجلال عرف كيف ايخليها اتحبه ...بس طبعا حتى جلال حبها
عيسى ...أكيد مش ناسيته بكل ...عيسى جاءه السكر ..وكان عندهم وراثة اصلا ...بس عيسى من نوعية السكر القوي ..اللي ايخليه بعد فترة عاجز جنسياً وبالنسبة للشخص كيف عيسى ..وتفكيره الخامر وعايش بغرايزه الحيوانية ..كانت أكبر عقوبة ممكن اتخليه يندم علي داره في جنات وحتى مودة ...ربي ماسيب حق حد
*************************
جنات بعد سفر الطريق ..ادوشت ومقمعزة تمشط في شعرها ..خش عليها سفيان حضنها من لاوراء وطبس بأسها على رقبتها : صحة جنتي
جنات صبت ولفت ايديها على رقبته : مازلت جنتك
سفيان قرب منها : أنتي جنتي وناري ..كل يوم ..ولعند نهاية عمري
جنات حضناته : بعيد الشر عنك حبيبي
سفيان حرك ايديه على ظهرها ..طبس شم ريحتها ..وحط يده في شعرها المبلول ..وشدها لاوراء وبحت في اعيونها ونزل بيها على السرير وقرب ايبوس فيها : أنحبك ..انحبك ..أنحبك جنة
جنات شدته ليها أكثر وقربت من وذنه : وأنا انموت فيك ياشيبانيي ..أنحبك بكل مافيك ..وأنحب اليوم اللي جمعني بيك ..وأنحب حتى نااارك
سفيان حط يده تحت خصرها ورفعها ليه : مانعرفش أمتى تبي تخمد النار في قلبي منك ..بس نعرف أن ناررررك جنة .ياجنتي
ونزل عليها ايبوس فيها بحب كبير ..حب ناررره تولع كل يوم ..بس نار من جنة
*******نهاية الحلقة# 15 والاخيرة
القدر أمره غريب ..مرات لازم اتعيش كارثة كبيرة ..اتعيش ايام صعبة ..اتعذب وتتعب ..بس في النهاية ماتعرفش شن امخبيلك القدر ...مرات النار اللي كنت عايش فيها اتكون اخرتها جنة ...الحب مايبيش دليل عشان يوصل للقلبك ..يب
جنات ابتسمت وهو قرب من فمها وباسها بوسة ناعمة ..وحط يده في شعرها وبحت في اعيونها : تمشي امعايا جنة
جنات : وين ؟؟
سفيان : تمشي امعايا والا لا
جنات ابتسمت وهزت راسها : نمشي امعاك وين ماتبي
سفيان ابتسم حرك خشمه على خشمها : بنأخذك للجنة ..ياجنتي
جنات ابتسمت وسفيان شد يدها وباسها في راحة يدها وصبا : تعالي امعايا
جنات صبت امعاه : وين سفيان
سفيان سحبها من يدها وراه : تعالي بس
مشى بيها لعند دارها فتح الباب وخشوا برمها شوره ومسكها من اكتافها : جنة طلعي شنطة وحطي فيها دبش نبوا نمشوا من هنا
جنات : وين سفيان ماتخوفنيش
سفيان حط خشم على خشمها : معاش في خوف خلاص ..نبي ناخذك لمكان مافيشي حد غير أنا وأنتي
جنات : سفيان
سفيان حط صبعه على فمها : اشششش ..جهزي نفسك بس ..أنا عشر دقائق وانجيك
باسها على طرف خشمها وطلع ...مشى لداره غسل وصلى وتى شنطة وغير ادبشه ونزل للمطبخ
سفيان : صباح الخير
صالحة : هلا ..صباح النور
سفيان قرب منها وبصوت واطي : صالحة نبي نمشي أنا وجنات لمكان وبنغيبوا كم يوم ..مانبيش حد يعرف شي ..حتى اي حد يسأل قولي مانندري عليهم وين
صالحة ابتسمت : حاضر ..بس شيباني رد بالك منها ..جنات بنت طيبة ..راك تظلمها
سفيان : ماتخافيش عليها امعايا
طلع سفيان بسرعة ورقى فوق ..وصالحة تنهدت براحة من زمان ماشافت سفيان وجه رايق ومنور هكي
الباب انفتح وخش سفيان : جنة واتية
جنات لابسة ومصبية جنب شنطتها : واتية
سفيان خش وشال شنطتها : تعالي هيا
طلعت جنات وكان في شنطة لسفيان عند الباب شالها ونزلوا ..مافيش حد واعي الا صالحة مازال الصبح بدري ..خطموا على صالحة في المطبخ : طالعين ..اوكي
صالحة قربت منهم : بالسلامة ..ربي يهنيكم
جنات ابتسمت وطبست منحرجة من صالحة ...وطلعوا من الفيلا ركبوا سيارة سفيان ..وهوا طول الطريق شاد يدها ..ويبحت فيها ..لعند جنات خلاص ماتت منه
طلعوا برا مدينة بنغازي بس قبلها سفيان خطم على كم محل وخذا منه حاجات واجد ...بعدها مشوا مسافة على الساحل ...لعند في الاخير خشوا من طريق ترابية ..مشوا اخرى لعند وصلوا ..للحوش صغير وسط الغابة ..قريب من الساحل ...
نزلوا من السيارة وجنات اعيونها على كل شي في المكان ..واعيونها يلمعوا ...المكان فعلا جنة
فتح شنطة السيارة وبدأ ينزل في الحاجات ..بس اعيونه كانوا على جنات ..ايشوفلها كيف تضحك وتشوف في المكان
فتح باب الحوش وخش ولع الضي ..وبدأ يفتح في الرواشن ...جنات خشت وراءه ..وبدأت تكتشف في المكان ..حوش صغير ..دارين ..دار نوم ...ودار جلوس ..وحمام ومطبخ صغير ..وصالة صغيرة في المدخل ..وطلع برا ايخشش في الاكياس والشناطي
بعد كمل قرب من جنات : خذي راحتك أنا بنطلع انشوف وضع المية ..وكل شي ..تمام
جنات : تمام
طلع سفيان ..وجنات تنهدت ..وشافت ان الحوش فيه غبرة ويبي تنظيف ..بدات اتحوس فيه لكن عقلها يدوي ..وتفكر ليش سفيان جابها هنا ...يعني هوا خلاص سامحها ..باهي شن معنى توا ..كيف صدقها من غير دليل ...خطر عليها لاوراق ..وتريحت لانها حطتهم في شنطتها قبل تطلع
كانت متوقعة نقاش مع سفيان عشان القصة ..وكان لازم ايكون امعاها دليل برأتها
جنات اتنظف ..وسفيان خش ..بحت فيها مبتسم ..ومشى خذا شناطيهم للدار ..فتح شنطته خذا منها تيشرت ..وسروال توتة ..لابسهم ...ولابس كويش ..وطلع برا وبدأ يجهز في مكان عشان يبي يولع نار
جنات كملت تنظيف ..وحست بشوب ..خشت ادوشت ولابست سروال جينز ..وتيشرت ..ورفعت شعرها فوق ..وطلعت قمعزت على كراسي برا اتفرج على سفيان وهو يشتغل
سفيان شافها مشى شورها ومسك يدها صباها : كملتي
جنات : نعم
سفيان : تعالي جوا ..انواتو فطور مع بعض ..جيعان بكل
جنات بجد كانت منصدمة من التغيير في تصرفات سفيان ..وحست نفسها تحلم ..بس مش مهم ..ماتبيش توعى من الحلم ..قاعدة هائمة فيه وخلاص
خشت امعاه وطلعوا حاجات من الاكياس ..وتوا فطور ..وسفيان كان طول الوقت يضحك ..ويبصر امعاها ..خذوا سفرة الفطور وطلعوا فطوروا برا ...وكان أحلى فطور مع اعيون سفيان وضحكته اللي اتجنن
بعد الفطور ...خذاها سفيان جولة في السيارة ..وتفرجوا على المنطقة كلها
*************************
في الفيلا ..ناضوا كلهم ..وطبعا صدمت منى لما اكتشفت أن سفيان وجنات مش قاعدين
وطبعا لما سألوا صالحة ..قالت مانعرفش وين هما بس الاكيد الوحيد اللي يعرف ..فخري منى بعد فطرت توفيق ..طلعت ومشت لهبة في حوشهم
هبة : كيف وين مشوا
منى معصبة وتمشي جاي وغادي : مانعرفش ..بس أكيد الحية هذه كذبت عليه وخذاته لمكان ..بس وين مش عارفة
هبة : بالك طالعين عادي ..وتوا ايردوا
منى قمعزت وخبطت الطاولة بيدها : لاااا هبة لاا ..صالحة قالت خذوا شناطيهم امعاهم يعني بيغيبوا كم يوم ...اااخ بس لو نعرف وين مشوا
هبة زمطت : يمكن ماشيين لهلها في درنة زيارة
منى : اي زيارة هبة بالله عليك اسكتي ترا
..جنات هلها من يومين كانوا عندها ..عليش بتمشيلهم توا ..عندي أحساس أن في مصيبة بتجينا من وراء مشيتهم هبة اتهز في راسها : أنا مادخلنيش بيك ..لو سفيان عرف الحقيقة ..تحملي ابروحك مايجيك منه ..أنا مليش علاقة بيك منى
منى صبت وقربت منها شدتها من ذراعها وفنصت فيها : تحكي جد ؟!! واللهي ؟! ..املا من ساعدني ياحبيبتي ومن ضحك عليها من الاول مش راجلك يا اعيوني ..ومن حبسها امعايا في الحوش بعد الفرح ..ومن ومن ومن ...اتحبي انذكرك والا انسيتي
هبة زمطت بخوف : كله منك ..كله منك ومن تفكيرك الشيطاني ..يعني عشان اتغطي على مرض خوك ..مشيتي وحطيتينا في مشكلة أكبر منه...أنا مادخلنيش بيك ...لو سفيان جاء وسأل نبي نحكيله ..كل شي
منى دفتها لعند طاحت على الكرسي : جربي وافتحي فمك ..وشوفي شن اندير فيك ..وبعدين بالك تحسابي سفيان يبي ايسامحك لو عرف الحقيقة منك او من غيرك ..اول شي بتردي للشارع من وين ما جيتي
هبة اتهز في راسها وتبكي : الله لا يسامحك ..ربي ينتقم منك ..هذا عليش سفيان من الاول كان عارف نيتك وشرك ..واطردك من المزرعة ...ياريتني ما سمعت كلامك ومشيت امعاك ..دمرتي حياتنا ..ودمرتي صحة توفيق ..وعيشتيه في رعب ..ربي ينتقم منك ..ربي ينتقم منك
وخشت لدارها وصكرت الباب ..ومنى قمعزت واعيونها كلهم شر
********************
بعد الغداء ملاك طلعت لجنان ..شافت جلال امقمعز برا قدام الملحق ويدخن ومش فاطنلها
بدأت ادير في حركات تبيه ايشوفها
...لكن جلال مش مركز ..وبعدين دارت روحها تحكي بالفون وارفعت صوتها ..وجلال التفت وشافها ..ركز عليها ..وبرم وجه وكمل ايدخن ملاك تعصبت منه ..لانه من يوم هزباته وهوا قالب عليها ومعاش حاول يحكي امعاها : اووووووفه
جلال كمل دخانه وصبا بحت فيها ..وخش خبط الباب وطاح رقد
وملاك خشت لفيلا اتخبط ..ومعصب منه
مودة العشية امكسدة ..وتقرأ في راسائل فخري ..رن فونها ..لاقاته فخري
مودة : نعم
فخري : اهلين ...شن اخبارك
مودة : بخير الله يسلمك ..شن امورك أنت
فخري : أنا امرايف عليك ..ونبي انشوفك مودة ..دبري رأسك نبي انشوفك
مودة : ياريت فخري ..بس أنت وين وأنا وين ...شن بيجيبني لبنغازي
فخري : بس أنا نقدر انجيك في درنة ..مودة رايفت على اعيونك ..نبي انشوفهم
مودة خلاص ذابت : وربي حتى أنا خاطري انشوفك ..بس مش بيدي ..شن بندير
فخري : اطلعي للشارع ..كان امرايفة عليا بالحق
مودة : الشارع شن نبي فيه
...اهييييي قصدك أنت برا فخري ضحك : وربي من الصبح طالع ..وقلبي سبقني لدرنة ..اطلعي دودي ..هيا بنشوفك
مودة صبت ترجف : تحكي جديات فخري
فخري : تي هيا حتى الجيران قريب ايشكوا فيا ..نبرم بالسيارة في الشارع من بدري
مودة : استنى اشويا ..اطلع من الشارع ..أنا ربع ساعة وانرن عليك
فخري : ليش مودة ...من الصبح وقلبي نار على شوفتك ..اطلعي هيا
مودة اتبحت في شكلها ..حي على امي كان اتشوفني هك
: لا بس خليني انشوف أمي وين ..ونعرف وضع الحوش وانرن عليك فخري تنهد بقل صبر : او كي ..أنا عندي صاحبي قريب من هنا ..نمشي انشوفه على بال مارنيتي عليا ..تمام
مودة : تمام
صكر فخري وعدا لصاحبه ..وهو نفس الصاحب اللي جهزله بوكس الشكلاطة المرة اللي فاتت ..ومشى ايهدرز امعاه
أما مودة مشت بسرعة ..غيرت دبشها وابرمت على وجهها ..وشافت أمها مش قاعدة هيا وبوها ...بس خوتها اللي اصغر منها قاعدين
مودة رنت عليه ..وهو دقائق وكان في الشارع : نعم شن صار امعاك
مودة : فخري خوتي قاعدين ..مانقدرش نطلع برا
فخري تنهد بعصبية : كيف يعني ...بنمشي من غير ما انشوفك ..معقولة ترضيها بعد المسافة هاذي كلها
مودة : مش عارفة ...ممكن نطلع على السريع انشوفك واتشوفني بس
فخري : لا مادخلنيش أنا ..بنشوفك من قريب ..بنهدرز امعاك ..شوفيلي حل مودة ..بالله عليك
مودة : ياربي ..شن اندير ..مانقدرش نطلع من الحوش ..أمي مش قاعدة ..كيف نطلع
فخري نفخ معصب وقعد ايفكر اشويا وبعدها : تعالي لحوش اهل جنات
مودة : بس الحوش فاضي مافيشي حد
فخري : أحسن..أنتي مش قلتي اتنطي عندها من السور كنتي من قبل ...نطي وافتحيلي الباب وأنا ننزل عادي وانخش
مودة : شن تحكي فخري ..كيف نبي انخش في حوش ناس مش قاعدين ..وبعدين تخيل ايشوفك الجيران ..شن بتقول
فخري : مودة وغلاتي على قلبك ..اذا كان عندي خاطر عندك حتى اشويا ...دقائق بس بنشوفك ونطلع ..وربي ما اتخافي ..مش مطول
مودة تنهدت بخوف : مش عارفة ..خايفة فخري
فخري سكت اشويا وكان معصب ..لان فعلا كان خاطره ايشوفها بعد طريق طويلة : تمام ..تمام مودة مش مشكلة ..مانبيش نضغط عليك ..أنا عارف أنك خايفة ..وأنا مانبيش انسببلك مشاكل
مودة : زعلت مني صاح
فخري ابتسم : مش هكي ..بس وربي مرايف عليك موت ..وكنت نحساب روحي بنشوفك حتى اشويا
مودة : ماعليش مرة ثانية ...ماتزعلش مني
فخري : مش زعلان .بس في الليل بتعوضيني ..بنحكي امعاك للصبح راه
مودة في بالها نجك ليا
: باهي ..حاضر ..من اعيونيفخري : يسلموا اعيونك
مودة : وين بتمشي ..مروح بنغازي
فخري : إن شالله ...بس بنرد على صاحبي انهدرز امعاه اشويا ونطلع
مودة : تمام
*************************
جلال العشية استغرب ان جنات لا جاته ولا اتصلت بيه ...وحتى سفيان مش باين ...كلمها بس فونها مقفل ..طلع برا الملحق ومشى ايدق على الفيلا ...فتحت ملاك : نعم
جلال من غير اهتمام : كلمي جنات نبيها
ملاك : جنات مش قاعدة
جلال : وين ..قصدي وين طالعة
ملاك : جنات وسفيان مشوا كم يوم برا المزرعة
جلال : كم يوم ؟!! وين ماشيين ؟
ملاك : مش عارفة...شن تبي فيها خليها اتريح منك كم يوم
جلال حط يده على الباب اتكى عليه : وأنتي شن دخلك ..ليش خاشة بين الخوت
ملاك : لانك بارد ..وجنات طيبة واتهبل
جلال بحت فيها وابتسم
على حركاتها كيف الطفلة : وأنتي طفلة صغيرة ..بس اتهبليوعزقلها بوسة ..وعدا ..وملاك انقهرت كيف اينرفز فيها
*****************
فخري مقمعز يهدرز مع صاحبه ..ورنت عليه مودة : الو
مودة : فخري تعالى نبي انشوفك
فخري صبا وعدا بعيد شويا : شنو ..شن قصدك
مودة : تعالى بسرعة قبل انغير رائي ..تلقى الباب مفتوح متاع حوش جنات
فخري عض على فمه : صاروخ ..لحظة وتلقيني عندك
مودة صكرت وترجف من الخوف ...طبعا هيا بعد عدا فخري ..حست انها مرايفة عليه وتبي اتشوفه ..مشت نطت عند حوش سليمة ..وكانت عارفة مكان مفتاح المطبخ ..فتحت وخشت جو ..ومشت افتحت الباب لفخري واتصلت بيه
فخري وصل وقف سيارته نزل منها ..ودق على الباب وخش عادي ..لاقى مودة امصبية ترجى فيه ...قرب منها سلم عليها وقعد ماسك يدها : كيف صار وغيرتي رائك
مودة مطبسة وخدودها حمر :
فخري رفع وجهها وطبس عليها : قولي أنك امرايفة عليا وتبي اتشوفيني ..زيي أنا
مودة اتبحت في اعيونه وساكتة
فخري خذا وجهها بين ايديه ..وقعد دقائق يملا في اعيونه من ملامحها وهيا ساكتة
قرب منها وهي غمضت اعيونها باسها على اعيونها : أنحبك وأنحب اعيونك ..ربي يحفظك ليا
مودة اعيونها دمعوا : فخري خلاص عدي خايفة
فخري حرك صبعه على خدها : حاضر ..كنت نبي انشوفك وشفتك ..مع أني مانشبعش من اعيونك ..بس حتى أنا خايف عليك
بحت فيها قبل يطلع ..وطلع ركب سيارته ..وهيا شافتله من الباب قبل اتحرك سيارته وتباعد عن الحوش
*************************
لعند العشية والجو بين سفيان وجنات حلو بكل ..طلعوا بالسيارة ..شروا وجبة سمك من مطعم على الطريق ...كسدوا على الساحل ..حكاياتهم كلها كانت بعيدة عن اي شي صار بينهم ..كانوا يحكوا بشكل عام عن كل شي
روحوا للحوش ..وجنات خشت وغيرت دبشها ولابست فستان حاير ..نص كم ..مفتوح من قدام كله .وفيه بطم لعند لوطى ..نزلت شعرها على اكتافها ..حطت مكياج خفيف ..بخت من عطرها ..وكانت ترجف ومش مسيطرة على جسمها . كان عندها شعور ..أن في شي بيصير بينها وبين سفيان ..بس مش متأكدة من نهايته
طلعت برا كان الوقت قريب مغرب ..وسفيان بدأ يولع في نار ..ويجهز في لحم وكباب عشان العشاء ..صبت على الباب اتفرج عليه ..وسفيان اول ماشافها ..ابتسم وقاللها تعالي
نزلت الدرج ..وجت قربت منه ..وكان في كرسي خشب عند النار ..قمعزت عليه ..ومنحرجة من نظرات سفيان اللي تبي تأكلها
سفيان جهز النار ..ومشى للمطبخ جاب كل شي عن الشواء والعشاء ...ورد قمعز جنبها ...وبدأ ايشوي
جنات اتبحت فيه كيف يشوي ..واول مرة اتشوف سفيان على طبيعته ..بعيد عن الاعصاب والعياط ..شن غيره من ناحيتها ..كيف قاعد هادي ..ويعامل فيها بكل حب ...هيا مش عارفة وماتبيش تعرف بس سفيان كان واعي لما جت وحكت امعاه وهو راقد
..كانت بس خايفة تنتهى سعادتها معه بسرعة شواء وجهز كل شي ..وقرب منها ايتعشوا مع بعض ..على ضي النار
سفيان مد يده : افتحي فمك
جنات ابتسمت وكلت من يده : سلم ايديك
سفيان : صحة جنتي
جنات تأكل وتبحت فيه هل الكلمة هذه قاصدها والا ايقول فيها وخلاص
كملوا العشاء وجنات لمت حوسة العشاء وخشت تغسل في ايديها ...وجهزت بكرج قهوة ..وطلعت بالسفرة ...بس سفيان مش قاعد ...قمعزت اطيب في القهوة على النار ...وسفيان طلع من جوا ..امغير دبشه وشعره مازال مبلول شكله مدوش ..لابس كت وسروال توتة اسود
جنات : ادوشت سفيان ...توا تمرض
سفيان يرفع في شعره فوق بيده : لا ماتخافيش ..الجو حامي ..وأنا انخنقت من ريحة النار والشواء فيا
جنات : صحة ...تشرب قهوة
سفيان ايحرك في النار بعود : نشرب ليش لا
جنات صبت القهوة.... ((عارفتكن على نار تبن تعرفن شن صار بينهم وأنا حرقت دمكن
))المهم جنات مدت فنجان القهوة لسفيان لكن هوا قرب منها ولاصق فيها ..وحط يده على اكتافها وضمها لحضنه ..وخذا منها القهوة وبدأ يشرب ..وهيا غمضت اعيونها في حضنه ..وتشم في ريحته اللي اتجنن
سفيان نزل رأسه وبحت في وجهها ..وحس بيها ترجف ..نزل فنجان القهوة ..ورفع وجهها بيده عشان اتشوفله : جنتي
جنات : هممم
سفيان : ليش ساكتة ..وين جنة اللي ديما اتعيط وتعصب عليا ..وين جنة اللي مستحيل ترضى بحد يفرض عليها اي امر ..تكلمي
جنات اتبحت في اعيونه : ليش اتنادي فيا جنة
سفيان حط صبعه على شعرها يلعب بخصلاته ..ونزلها على خدها : في الاول بس كان عشان انعصبك وانرفزك مني ..بس بعدين تعودت عليها ..وأنتي فعلا اا..
سكت سفيان ..وجنات : فعلا شنو
قرب وجه من وجهها ويحرك في صبعه على فمها واعيونه ناعسة : لانك فعلا جنتي ..جنتي بعد كنت عايش في نار ..جنتي على الارض
جنات معاش قدرت تتكلم مع قرب سفيان منها ..نزل فمه على فمها ..وبدأ ايبوس فيها بوسة ..طويلة وناعمة ..وجنات داخت بين ايديه
رفع راسه اشويا وغمض اعيونه وجه على وجهها ويهمس بأسمها : جنة ..جنة ..جنة
جنات ترجف : نعم
سفيان صبا وشدها فوق وطبس عليها : جنة ..نبيك ..نبيك حبيبي ..نبيك جنتي
جنات ساكتة وذايبة بين ايديه ..وهو رفعها فوق بين ايديه وخش بيها للحوش ...وهيا ضماته بقوة
نزلها على السرير ..ورقى قرب منها ..رفع التيشرت امتاعه حوله ..وجنات انحرجت منه ومسكت ايديه : سفيان اصبر اشويا ..نبي انوريك شي قبل
سفيان سكت وجنات صبت فتحت شنطتها ..وطلعت الاوراق وجت رقت على السرير وقمعزت مقابلة سفيان : نبيك اتشوف التقارير هذي قبل
سفيان من غير مايفتح الارواق : شنو هذين ..شن قصتهن؟؟!!
جنات : هذا دليل على صدق كل كلمة قلتها من قبل ..نبيك تعرف وتتأكد قبل اا
سفيان سحب الاوراق من ايديها وعزقهم لوطى ..وقرب منها : اششش مانبيش دليل على شي ..مانبيش انشوف شي ..تعرفي ليش
جنات : ليش
سفيان مسك يدها وحطها على قلبه : لان دليلك هنا .. قاعد بين ضلوعي ..في كل يوم كان يقولي أنك صادقة ولازم تسامحها ..مارضش يوم أني ننتقم منك ..كان يمنع فيا..وماقدرتش نمنعه عنك لانه اقوى مني
جنات زمطت وكلام سفيان نهى كل شك في قلبها من ناحيته ..موقفه خلاها تعرف ليش اتحبه ..لانه ببساطة سفيان بس
سفيان قرب منها ونزلها على السرير ..ونزل عليها ايبوس في وجهها في كل مكان ..بخفة ..رقبتها ..فمها ..وبدأ يفتح في بطم فستانها لعند لوطى ..كشف على جسمها ..وهيا غمضت اعيونها ..وهو حط يده على خصرها رجفت من لامسته ..ونزل عليها
مانبيش انخش في تفاصيل أكثر ..عيب
..لكن نبي نوصل للحظة معينة ..ومهمة بين سفيان وجناتاللحظة اللي تأكد سفيان أنها بنت ...رفع وجه وجسمه كله يرجف وانفاسه مرتفعة ..قرب من وذنها ..وهي تبكي
..همس : مبروك حبيبي ..وأسف كان وجعتك جنات لفت ايديها على رقبته وحضناته : كنت خايفة منك ماتصدقنيش حتى ولو كنت مازلت بنت
سفيان رفع وجه وبحت في اعيونها : لو كانت عندي ذرة شك وحدة فيك بس..مستحيل انخليك مراتي ..مهما كان ياجنة
جنات اتبحت في اعيونه وحطت يدها في شعره وهو همسلها : أنحبك ..انحبك ..وربي انموت عليك جنة
ونزل عليها اخرى و..
**************************
ثاني يوم الصبح فتحت جنات اعيونها في حضن سفيان ..بحتت في وجه ..ولامست للحيته ..وحطت يدها في شعره ..تلمس في الشيب اللي زائد من وسامة سفيان ومعطيه هيبة وشخصية اتجنن
فتح اعيونه وابتسم وشدها في حضنه ..وباسها على رأسها : صباح الخير ياجنتي
جنات : صباح الخير شيباني
رفع حاجبه : ترا عاوديها
جنات ضحكت : احلى شيباني وربي
سفيان حضنها بقوة ..وقمعز ..وجنات قمعزت ..لابس وصبا : خليك في مكانك ..بنجيبلك فطورك هنا
جنات شدت لغطاء عليها : سفيان
يلبس وبرم بحت فيها : نعم
جنات : شن تبي ادير توا
سفيان تنهد : اللي كان لازم اندير من الاول ..وربي بيشوفوا مني ايام أسود من نوايهم
جنات : بس اا
سفيان : بس شنو ..ليش سكتي
جنات : عشان توفيق ...حرام حسيته مظلوم زيي ..ابروحه مريض
سفيان : مانعرفش توا انشوف
جنات طبست وخذت لاوراق من الارض : شوف سفيان ..توفيق مريض من قبل يعرفني ويشوفني ..مش عارفة شن صار امعاه ..بس حتى هوا ضحية لمنى وهبة
سفيان خذا لاوراق وشافهن : هذه كلها تقارير لتوفيق ..قبل أكثر من سنتين تقريبا ..علاجات ودواء ..في ليبيا ومصر ..من وين جبتيهم ؟؟!!
جنات ضحكت : بصراحة سرقتهم من حوش هبة ..كنت نبي دليل نثبت بيه كلامي
سفيان بحت فيها وعض على فمه : امتى بتبطلي مشاغبة أنتي
جنات : شن ادير ..أنت ماتبيش تسمعني وماتبيش اتصدقني سفيان
سفيان ابتسلمها : سامحيني حبيبي ..بس أنتي عارفة الظروف اللي مريت بيها من قبل ..ومع كلام منى كنت نبي ننتقم من اي حد وخلاص
جنات صبت لافة جسمها بالغطاء قربت منه بأسته على خده : أنحبك وربي سفيان
وهربت منه بسرعة وخشت للحمام ..سفيان ضحك وهز راسه ..وطلع برا
طلعت جنات بعد ادوشت ..وسفيان خش بعدها ادوش ..وطلع ايوتي في باقي الفطور ...مشطت جنات شعرها ..وطلعت لاقاته واقف في المطبخ ..لافت ايديها على ايديه وحضناته من لاوراء
سفيان كمل شغله ...وقمعزوا يفطور مع بعضهم ..بس المرة هذه كانت امقمعزة في حضنه وهو ايوكل فيها ..ويهدرزوا ويضحكوا
***************************
بعد يومين كلهم رومنسية وحب وحاجات فوق الخيال ..روحوا سفيان وجنات للفيلا ...كان الوقت عشية ..خشوا مافيش الا صالحة وملاك في الصالة يشربوا في قهوة ..خشت عليهن جنات ..وملاك صبت تجري ضماتها : جنات حبيبتي رايفت عليك
وسلمت على صالحة ..وخش سفيان سلم عليهن ..وصالحة لاحظت الحب اللي قاعد في اعيونهم
سفيان : وين منى
صالحة : كانت مع توفيق وطلعت ..مش عارفة وين ..ليش
سفيان طلع معصب
صالحة : شن في جنات ..سفيان كنه
جنات : توا تعرفي كل شي ابروحك
وخذت جنات شنطتها وشنطة سفيان ورقت فوق ..حطتهم في دارها ..وتذكرت اول لليلة شافت فيها سفيان وابتسمت ..طلعت من دارها تسمع في توفيق يكح ..مشت تبي اتشوفه
فتحت الباب وخشت عليه : خيير ...كنك اتكح ..أنت مريض
توفيق بحت فيها وعيونه لمعوا : جنات ممكن طلب
جنات اول مرة تسمع يحكي بالطريقة هذه خافت منه : نعم
توفيق : تعالي اشويا ..قربي مني
جنات برغم الخوف منه ..بس قلبها قاللها قربي ..وقربت منه ..وهو مسكها من يدها وشدها ليه : جنات
جنات ترجف : نعم
توفيق : جنات ...والله مانعرف كيف قدرت اندير فيك هكي ..بس منى السبب ..كله منها ..هيا اللي قالتلي ..لازم تتزوج عشان اتجيب اعيال ..يمسكوك ويهتموا بيك ..قالتلي لازم تلقى بنت اتوافق عليك ..وترضى اتعيش امعاك ..حتى لو غصبا عنها
جنات اتبحت فيه ولاحظت في ايديه جروح من محاولة لانتحار ..وقلبها وجعها على توفيق : شن تبي مني توا
توفيق طلق يدها وطبس : نبيك اتسامحيني ..صورتك وأنتي تبكي وخايفة وصوت عياطك عليا ..كل يوم قدامي ..مش قادر نرقد كيف الناس بسبب اللي درته فيك
جنات حطت يدها على كتفه : وأنا مسامحتك ومش زعلانة منك ...بس أنت معاش اتخلي منى او غيرها اتحكم فيك ..أنت أنسان طيب ونظيف ..وإن شالله ربي يشفيك
توفيق يمسح في وجهه وجنات طلعت من داره ونزلت لوطى
سفيان دلف باب حوش هبة برجله بقوة وخش لاقها ابروحها ..صبت ترجف وخايفة وسفيان قرب منها مسكها من شعرها : وين الثعلب لاخرى
هبة : اااءء ممم مش عارفة طلعت من بدري
سفيان برمها بالقوة : وين طلعت ...احكي خير مانكسر رأسك
هبة : عدت للصيدالية اتجيب في دواء لتوفيق
سفيان دفها على الكرسي ..وجاب كرسي حطه مقابلها وقمعز عليه بالعكس : أحكي هيا ...ادوي نسمع فيك
هبة ترتعد : شششن نحكي سفيان
سفيان بصوت مرتفع : أحكييي شن درتوا من اول ماطلعتوا من هنا ...لعند مالاقيتكم في درنة
هبة : ححاضر .توا نحكي
سفيان : أحكي كل شي فاهمة ...وخاصة موضوع جنة ..نبيه بالتفصيل
هبة زمطت : جنات
سفيان ايهز في رجله : احكي هيا
هبة : بببعد عركتك مع منى على موضوع الورثة ..منى تبي تحرق دمك قالت لازم نمشوا من هنا وانخلوه ايدور علينا ومايعرفش وين نحن
سفيان : كملي
هبة : خخلاص لاقينا حوش في بنغازي ..وسكنا فيه ...لعند بعد فترة توفيق طاح في شلة شباب ..قعدوا ياخذوا منه في فلوس ...ولما تعارك امعاهم عشان يبيهن منهم....مش عارفة شن عطوه ..احبوب والا دواء ...وتوفيق قعد مدمن عليهن ...ومع الايام قعد يمرض ويعصب وتغير بكل ...ومنى خافت منك ومن العائلة تسمعوا بيها ...قررت تطلع من بنغازي وتمشي بعيد عشان ماحد يلقانا منكم
سفيان : وجنة ..جنة من وين تعرفوها
هبة : بعد سنة ..توفيق تحسن مع العلاج ...ومنى كانت تبيه يتزوج عشان ايدير اعيال ويستقر ..بس طبعا كانت خايفة تطلب اي بنت ولما تعرف بمرض توفيق ترفض ...وهذا اللي صار فعلا .مشت طلبت كم بنت ..ولما ايشوفوا توفيق يرفضوا
سفيان : لعند لاقت جنة ..من وين تعرفها
هبة : جنات ماكناش نعرفوها .لعند في يوم منى وتوفيق مشوا لدرنة عشان دواء توفيق ..وبالصدفة جنات كانت تاخذ في دواء ..وتوفيق قال لمنى أن البنت عجباته ..ومنى لحقت جنات لعند حوشهم ...قعدت فترة اتراقب فيها ..لعند عرفت عليها كل المعلومات ..وقررت تخطبها لتوفيق
سفيان : وجنة وافقت
هبة : وافقت بس مش على توفيق ..وافقت على معتز
سفيان صبا وزق الكرسي ومسكها من شعرها : شن دخل معتز
هبة تمسك في ايديه : لان جنات يوم المقابلة شافت معتز مش توفيق ..وهذه كانت خطة منى ..عشان اتحط جنات في امر الواقع
سفيان : وشن صار بعدها ادوي
هبة : جنات طبعا لما شافت توفيق خافت منه وقعدت اتعيط وتصرخ ..ومنى ححاولت
سفيان شدها من شعرها فوق : حاولت شنو احكي
هبة : حاولت اتخلي توفيق ياخذها بالغصب ..بس توفيق خاف ومرض وحالته سأت اكثر من الصدمة ومنى دخلت على جنات ابروحها وبالغصب ..وصارلها نزيف وشلناها للمستشفى
سفيان : شن صار كملي ماتخلينيش نقتلك في مكانك
هبة : خلاص منى كان عندها أمل جنات مع الوقت ترضى وتسكت ..كانت متفقة مع وحدة تسحر ..اتجيب دم جنات متاع الدخلة ..والمراة وعدت منى بعد يومين جنات بترضى بيه ..لكن جنات لعند الاسبوع وهي كارهة توفيق وتعيط عليه ..ومنى فهمت أن المراة كذبت عليها وخافت الموضوع ينفضح ..اتفقت مع جنات تنهي القصة مقابل جنات تسكت ...وعشان تضمن ماحد يكشفها ..زورت تقرير لجنات على اساس يوم الفرح توفيق لاقها مش بنت وطلقها
سفيان : أنتوا من اي طينة مخلوقين ...شن هالاجرام ..وين ماشيين بيه ..شن دارت البنت عشان اديروا فيها كل هذا ...وياريت سكتوا ..خليتوني نتزوجها عشان ننتقم منها على شي هيا مش ذنبها ..ليش باهي
هبة : منى بعد فضيحة الفيديو في المحكمة عرفت أنك حتلقانا وخافت منك ..وكان لازم اتحط الذنب على واحد ..وفي نفس الوقت كانت تبي تنتقم من جنات عشان اللي صار في توفيق
سفيان دفها بالقوة لعند طاحت لوطى : اللي صار في توفيق كله بسببكم ..لو من اول يوم جيتوا وحكيتوا راه ماوصل للحالة هذه ..لكن عنادكم وجبروت اختك وظلمها وصلوله للحالة اللي هوا فيها ...لكن وربي انخليكم اتمنوا الموت علي درتوه في جنة وفيه
وطلع سفيان مع خشت سيارة منى للمزرعة ..ولما شافت كيف سفيان معصب ..خافت وقعدت في السيارة لعند جاء وفتح عليها الباب وشدها من شعرها ونزلها وهي تعيط وتصرخ ..وخش بيها للفيلا ..يسحب فيها وصكر الباب ...وجنات وصالحة وملاك صبوا على صوت منى تصرخ
منى : سفيان اطلقني ..حول يدك شن درت أنا سفيان
سفيان مسكها من شعرها : توا بتعتذري منها ..قبل ما انردك لحوش الخرابة اخرى
منى : نعتذر من من ..شن قصدك سفيان عليش تحكي
سفيان شد شعرها أكثر وضربها كف لعند طاحت : مش عارفة شن دايرة ..أكيد من كثر الجرائم مش عارفة على شنو ندوي ...بس هبة حكت كل شي ..وأنتي توا كيف البنت الطيبة تبي تعتذري من جنة وغصبا عنك
منى يدها على وجهها وتبحت في جنات بحقد وتبكي : ليش بعتذر منها ...هيا اللي خلتني اندير فيها هكي
سفيان قرب منها معصب : مازلتي تكذبي
..وطبس رفعها من شعرها وضربها كف وسحبها لعند جنات من شعرها : قتلك اعتذري ..اعتذري راه نقتلك ونحسب ربي ماخلقك ..اعتذري منى بالغصب : أسفة جنات
جنات كانت منصدمة من الموقف وماردتش ..وصالحة وملاك خايفات ومش فاهمات شي
.سفيان سحب منى لعند برا وطردها هيا وهبة ومعتز من المزرعةطبعا منى صكرت رأسها عشان تاخذ توفيق لكن سفيان ماخلاهاش ..وطردهم كلهم .الحوش اللي في المزرعة سفيان هو اللي بانيه لهم..وردوا لحوشهم القديم
رقى سفيان معصب فوق ..ولاحقاته جنات وقعدت اتهدي فيه ..وسفيان اتصل بفخري عسان يبي يمشي ايبلغ في منى عند الشرطة مع جنات كانت رافضة ..لكن سفيان صكر راسه يحبسها لانها مجرمة ومرات تأذي ناس اخرى
سفيان بعد جاء فخري حكاله القصة ومشوا مع بعضهم للمركز ....جنات مازلت امقمعزة وتفهم في صالحة وملاك القصة ..دق الباب ومشت فتحت ملاك وكان ..جلال خش معصب وينادي على جنات
جنات صبت تجري ومشتله : كنك شن في
جلال قرب منها : سفيان صاح ولد عم توفيق ..زوجك الاول
جنات : اا
جلال مسكها من ذراعها : احكي سألتك أنا ...سفيان وتوفيق اعيال عم
جنات هزت رأسها خايفة : اها
جلال : يعني سفيان صاح تزوجك عشان قصة الفيديو ويبي ينتقم منك ..وجابك هنا بس عشان تقعدي خدامة لولد عمه
جنات : لا لا مش هكي
جلال : قرب منها : ردي بالك تكذبي عليا جنات ..وربي نقتلك راه
جنات تبكي وطبست
جلال : يعني كلام اللي اسمها منى صاح ...وأنتي ليش ساكتة وقاعدة ..ليش راضية بالذل ..شن ماسك عليك عشان قاعدة مع واحد ايعامل فيك بالطريقة هذه
جنات : لا سفيان مش هكي ..وربي أنت فا
جلال : صكري فمك ...اطلعي قدامي ..معاش في قعدة لك هنا اطلعي
صالحة : اسمع ..خلي سفيان لعند ايجي على الاقل
جلال : ليش ..شن يبي فيها ..ولدكم اخدموه بروحكم ..بنتنا مش رخيصة عندنا ..عشان كل مرة واحد منهم يلعب عليها
وسحب جنات من يدها تبكي لعند باب الفيلا وبرم بحت في صالحة : خلي سفيان ايدز ورقتها ..ومعاش يحلم ايشوفها اخرى
وطلع جلال وطلعوا من المزرعة ..ركبوا في اول تاكسي ..مشوا لعند الجنسية ..وعدوا في اول سيارة طالعة لدرنة
جنات كانت طول الطريق تبكي بقهر ..اتبحت في شوراع بنغازي ..وروحها تبي تطلع ..تبي اتسيب المكان اللي فيه حبيبها وروحها وكل شي في حياتها اتحبه
سفيان طول ماجاء ...وصالحة رنت عليه لكن هوا ماردش عليها
جنات وصلت درنة في الليل ...نزلت تبكي وخشت على حوشهم ...تعاركت مع جلال ..وعيط عليها ..وطلع سيبها ..مشى لعيت خالها وجاب سليمة ...الليلة هذه كانت اطول لليلة على جنات ...مش عارفة شن صار بعد جاء سفيان للحوش ...شن دار بعد عرف جلال خذاها منه
طبعا جنات ماعندهاش تليفون عشان اتكلم وتسأل عليه ..والدنيا كانت لليل ماقدرت تحكي مع مودة ..وقعدت تبكي للصبح في دارها ...طبعا جلال ماقدر يحكي لسليمة ليش جنات جاية وزعلانة ...خاف منها تمرض ..قاللها متعاركة مع سفيان وجت امعايا لدرنة
جنات ثاني يوم كلمت مودة وحكتلها كل شي ..وطبعا مودة انصدمت من كل الاحداث ...وحاولت جنات تتصل بفخري تسأله على سفيان ..لكن فونه مقفل وهيا مش حافظة رقم سفيان
يومين اخرى وجنات على اعصابها ..وحست روحت خسرت سفيان ..ليش ما حاول يتصل بيها ..ليش ماسال عليها ...زعما كان يكذب عليها وماحبهاش ..ليش يومين منقطع عنها ...معقولة رضى يسيبها ويبي يدز ورقتها زي ماقال جلال
يومين مرن على جنات كيف الكابوس ..وعقلها ايودي ويجيب ...وجلال كل مايشوفها ..يتعارك امعاها
لعند رابع يوم الظهر ..جنات تسمع في الباب ايدق طلعت فتحت ولاقت سفيان واقف على الباب ..لابس اسود وجه باين عليه الحزن ..وللحيته زايدة اشوي ..شكله من كم يوم مش محلق
سفيان بحت في وجهها وهيا اعيونها ادمعوا مش مصدقة
..خش وجنات على طول خشت في حضنه تبكي ...وهو ضمها بقوة وطبس على رقبتها يشم في ريحتها : جنتي ..جنتي ..ليش عديتي وسيبتيني جنات رفعت وجهها فيه : غصبا عني والله ..مانبيش ..لكن جلال منى عبت رأسه علينا
سفيان مسك وجهها بين ايديه : ماحد يقدر ياخذك مني ..نحرق الدنيا كلها بنارك ...أنتي ليا أنا وبس ..أنتي جنتي وناري
جنات : ليش طولت عليا سفيان
سفيان تنهد وحط يده على شعرها : موضوع طويل تعرفيه بعدين ..هيا امعايا ..هيا لحوشك
جنات : وجلال ...مانقدرش من غير موافقته
سفيان : وينه هوا ..نبي انشوفه
جنات : قاعد راقد في المربوعة
سفيان خش جوا ..وصكر الباب وخش على جلال ..نوضه ..وجنات قاعدة برا تسمع فيهم يتعاركوا وهيا تبكي ..وبعدها صوتهم اختفى ..وطولوا وهما يهدرزوا مع بعضهم ...وجنات كانت قاعدة على نار ..لعند في الاخير طلع جلال : جنااات
جنات جت تجري : نعم
جلال : عدي طيبي قهوة لراجلك
جنات بصدمة : راااجلي..قصدك سفيان
جلال : هذه كنها ..عندك راجل غير سفيان
جنات : لا لا
جلال : عدي بسرعة معناها ..وبالمرة وتي روحك عشان اتروحي امعاه
جنات ضحكت مش مصدقة : صصاح ..تحكي جد
جلال : عدي بسرعة ..وأنتي متنحة ..هيا
جنات ضحكت ومشت بسرعة ...طيبت قهوة ..ومشت غيرت دبشها ..ورقت على سور ..نادت مودة قالتلها نبي نمشي ..وسلمت عليها
بعد ربع ساعة سفيان طلع ..وجلال نادى على جنات ..سلمت عليه وهو وصاها على روحها ..وقاللها ديما خلي في بالك عندك أخ مستعد ايحارب الدنيا عشانك ..لو حسيتي أنك مظلومة وفي حد قسى عليك كلميني انجيك وين ما أنتي
طلعت جنات بعد ما سلمت على اجديدتها ..وركبت مع سفيان ..هو اول ماشافها جنبه الروح ردتله ..مسك يدها بأسها ..وطلع بالسيارة
وصلوا للبنغازي ..خشت جنات وسلمت عليهم ...لكن حست في اعيونهم كلام
سفيان خذاها ورقى بيها فوق ..وقمعز يحكيلها : بعد مشيتك ..روحت للحوش ..وبعد عرفت شن صار ..طلعت وراءك طول ...لكن في الطريق صالحة كلمتني وقالت توفيق حالته تعبت ..ورديت للحوش ...ثاني يوم الصبح نضت على الشرطة جاية ادور في توفيق
جنات : ليش
سفيان قرب منها ومسكها من اكتافها : توفيق هرب في الليل من غير مانشوفوه ..وعدا للحوشهم القديم ..تعارك مع منى ..وووو اووووفه
جنات : شن صار سفيان ..وينه توفيق
سفيان : للاسف توفيق خنق منى وقتلها ..وهبة حاولت تمنعه لكن هو كان قوي وخاصة مع حالته العصبية
جنات صبت : اهييي
سفيان قرب منها : هذا ليش طولت ماجيتك
جنات : وتوفيق شن صار فيه
سفيان : محبوس ..بس المحامي قالي تبعا للحالة والمرض اللي عنده ..أكيد النيابة حتحوله للمستشفى الامراض العقلية
جنات : حراام
سفيان ضمها وقعد ايهدي فيها ..الخبر كان صدمة عليها
بعدها جنات عرفت أن هبة في المستشفى ..والسبب لما كانت اتحاول اتفك توفيق عن منى ..دفها بقوة وطاحت خبطت في الارض ..وصارلها نزيف ...والعجيب من قدرة ربي لما سعفها معتز للمستشفى ..اكتشفوا أنها كانت حامل جديد ونزلت
***************************
بعد سنة ...
جنات وملاك وصالحة قاعدت عند اجديدة جنات في درنة ...جيين يخطبوا في مودة
لفخري ...قروا الفاتحة والفرح بعد كم شهر ملاك طول اليومين اللي عند حوش هل جنات وهي تعارك مع جلال ...هيا اتحبه ومقهورة منه لان ايعامل فيها نفس الطفلة
بس أنتن عارفات جلال مستفز ويحب يحرق الدم ...وكان متقصد اينرفزها ..كانت عجبته كيف تتحمق منه واعيونها يولعوا نار من كلامه ..وكيف اتخبط معصبة منه ..ايموت فيها أكثر
بعد قروأ الفاتحة ..روحوا لبنغازي ...مودة وفخري عايشين قصة حب كبيرة ..بعد كم شهر بيتوجوها بزواج
جلال حاله احسن من قبل ..سيب الشرب بالتدريج لعند سيبه بكل ...العمل امتاعه ماشي ..وانتقل بعد كم شهر لدرنة وقاعد عايش مع سليمة
هوا وملاك علاقتهم غريبة ..طول الوقت عركة ..ومكالمات ..وجلال عرف كيف ايخليها اتحبه ...بس طبعا حتى جلال حبها
عيسى ...أكيد مش ناسيته بكل ...عيسى جاءه السكر ..وكان عندهم وراثة اصلا ...بس عيسى من نوعية السكر القوي ..اللي ايخليه بعد فترة عاجز جنسياً وبالنسبة للشخص كيف عيسى ..وتفكيره الخامر وعايش بغرايزه الحيوانية ..كانت أكبر عقوبة ممكن اتخليه يندم علي داره في جنات وحتى مودة ...ربي ماسيب حق حد
*************************
جنات بعد سفر الطريق ..ادوشت ومقمعزة تمشط في شعرها ..خش عليها سفيان حضنها من لاوراء وطبس بأسها على رقبتها : صحة جنتي
جنات صبت ولفت ايديها على رقبته : مازلت جنتك
سفيان قرب منها : أنتي جنتي وناري ..كل يوم ..ولعند نهاية عمري
جنات حضناته : بعيد الشر عنك حبيبي
سفيان حرك ايديه على ظهرها ..طبس شم ريحتها ..وحط يده في شعرها المبلول ..وشدها لاوراء وبحت في اعيونها ونزل بيها على السرير وقرب ايبوس فيها : أنحبك ..انحبك ..أنحبك جنة
جنات شدته ليها أكثر وقربت من وذنه : وأنا انموت فيك ياشيبانيي ..أنحبك بكل مافيك ..وأنحب اليوم اللي جمعني بيك ..وأنحب حتى نااارك
سفيان حط يده تحت خصرها ورفعها ليه : مانعرفش أمتى تبي تخمد النار في قلبي منك ..بس نعرف أن ناررررك جنة .ياجنتي
ونزل عليها ايبوس فيها بحب كبير ..حب ناررره تولع كل يوم ..بس نار من جنة
*******نهاية الحلقة# 15 والاخيرة
القدر أمره غريب ..مرات لازم اتعيش كارثة كبيرة ..اتعيش ايام صعبة ..اتعذب وتتعب ..بس في النهاية ماتعرفش شن امخبيلك القدر ...مرات النار اللي كنت عايش فيها اتكون اخرتها جنة
...الحب مايبيش دليل عشان يوصل للقلبك ..يب