رواية اكره ابي ولكن الفصل السابع 7 بقلم ميرا اسماعيل
البارت السابعاكره أبي ولكن. بقلمى ميرا إسماعيل
:ـــــــــــــــــــــــــــــــــــــــــــــــــــــــــــــــــــــــ
في المستشفى في الإسكندرية
واقف الأخوات الاربعة امام غرفة العناية المركزة بعد انتهاء العملية تم نقلها للعناية لحين الاطمئنان عليها وتنتقل غرفة عادية
ومع شروق الشمس لتعلن عن يوم جديد
الكل من التعب نام إلا مريم ويوسف من الخوف للرجوع للماضي
بعد فترة خرجت دكتورة وقالت.... استاذ يوسف مدام فاطمة فاقت وتنقلت غرفة عادية
يوسف باحترام ... شكرا لحضرتك وراح صحا سفيان وسيدرا ومازن وادم ودخلو عليها قرب الإخوات عليها
سيدار بدموع ...كده يا ماما تخضينا عليكى اما انت تعبانة ليه مش بتقولي ليكى من غيرنا تشتكى ليه
سفيان ... خلاص يا سيدار عدت على خير الحمد لله خضيتنا عليكى يا ماما
فاطمة بتعب ... اوعى تانى مرة تفكر تسبنا يا سفيان انا اموت فيها
سفيان قرب عليها واترمى في حضنها ...حقك عليا مش هتكرر تانى بس كله زعلك
مريم .... ماما انا اكتشفت انى مقدرش اعيش من غيرك انا بحبك قوى
فاطمة ضحكت ... وانا بحبكم قوى يعنى خلاص هتبطلى لبس العفريته والنزول تحت العربيات
مريم... هحاول بس موعدكيش
مازن... حمدالله على السلامه يا طنط رايحى نفسك بنتك مش هتتغير
آدم.. خف يا مازن حمد لله على سلامتك يا طنط ونستئذن احنا ونبقا نرجع بليل
وبعد انصراف مازن وادم
فاطمة باستغراب... يوسف مش طالع ليك صوت ليه يا حبيبي
يوسف بخنقة من الدموع.... قرب عليها وباس ايديها حقك عليا فاطمة استغربت يوسف كمل حقك عليا يا ماما الكل استغرب الكلمة حتى فاطمة هو متعود يقول ليها يا،ست الكل
يوسف... ايوة ماما انت اغلي حاجة عندى
فاطمة دمعت وطبطت علي يوسف وانت حبيبي وروحي وابن عمرى
رد الباقى واحنا؟!
فاطمة... انتو كلكم ولاد عمرى وقلبي ربنا يبارك فيكم
الاولاد مع بعض ... و يخليكى لينا
دخلت الدكتورة علشان فاطمة ترتاح
الدكتورة .... كفاية كده يا جماعة لازم نسيب المدام ترتاح
سفيان ...قرب عليها وتاه في عيونها انا سفيان كابتن طيار وحضرتك
الدكتورة بحزم .... افندم
يوسف بخجل من عمايل أخوه ... احنا آسفين اصل سفيان بيحب يهزر
مريم بصوت واطى ل فاطمة ... ابنك فضحنا في كل حته
وبصوت عالي تعالي سفيان عايزاك وفعلا خرجو
مريم ...انت ايه مش،بتسطر ابدا علي طول فضحنا
سفيان بهيام.... لا لا لا دى غير اى حد دى قمر
يوسف من وراها ... الله يفضحك اتفضل خد اخواتك يروحو ويستريحو تعالو بعد الظهر
مريم وسيدرا... احنا هنفضل
يوسف بغضب مصطنع ... مفيش مناقشة يلا محتاجين ترتاحو وخصوصا مريم منمتش
مريم... تمام انا همشي بس نصايه وراجعة
يوسف متاكد ان مريم اول ما هتشوف السرير هتنام ... ماشي تعالي براحتك يلا ووجه كلامه ل سفيان بطل معاكسة في بنات الناس عندك اخوات احترم نفسك
سفيان عمل تحية بايدة كانه عسكرة... تمام يا فندم يلا يا بنات
يوسف فى سره ...ربنا يحميكو وميفرقناش ابدا
ودخل غرفة فاطمة علشان يكون جنبها في المستشفى اللي فيها فواز
فواز بغضب لنهى .. مين قالك تروحي ليهم عايزاهم يشمتوا فيا
نهى ... حبيبي انا روحت علشانك دا اولا ثانيا بقا كل اللي هما فيه من فلوسك ولا نسيت يعنى كل اللي عندهم ملكك انت واحد غيرك كان خد منهم كل حاجة لكن انت طيب
فواز بلين .... ايوة بس يقولو ايه رجع بعد السنين دى عايز فلوس حتى لو فلوسي
نهى ... حبيبي هو احنا اللي طردناهم ولا هما الا سرقوك وهربو وبدموع التماسيح وقتلو ابنى وحرمونى انى اخلف تانى انت لازم ترجع الفلوس اللي عندهم وبالارباح كمان
فواز... ازاى
نهى ... بالمكر والحيله انت تمثل انك ندمان وعايزهم ويوسف وسيدرا هيوفقو لكن مريم وسفيان هيزرجنو شوية لكن شوية دلع زيادة وكله ينتهى ولا نفضل احنا كده والست الغريبة تتمتع بفلوسك بحجة انها ربتهم طبعا كانت عارفة انهم نايمين علي خميرة تقيله
فواز باقتناع ... عندك حق دى فلوسي وهما ولادة
هاتى الكارت علشان اكلم المحامى بتاعه
نهى ادت فواز الكارت لتكون بداية اللعبة ليند الخير والشر والحق والباطل يا ترا مين المنتصر؟
نهى في سرها .... هو دا الشغل والله انت دماغ يا نهى
وفعلا كلم فواز المحامى وقاله انه عايز يقابل يوسف شخصيا المحامى قاله انه صعب بسبب مرض فاطمة قفل معاه وقرر مجرد ما صحته تتحسن يروح يسترد ما هو ليس بملكه
عند فيلا ادم
آدم دخل غرفة والده وفضل بيص علي الصورة هي نفس الفتاه باختلاف بسيط من اثر الزمن دخل توفيق عليه وشاف شكله
توفيق بقلق ... مالك يا آدم!
ادم ... اقعد وانا هحكى ليك كل حاج
وفعلا قعد توفيق وقص عليه آدم الحكاية كلها من اول دخول نهى حياة فواز لغاية المقابلة في الليله الماضية
توفيق بحزن علي حال الاولاد .... ربنا يعينهم بس انت بتحكى ليا ليه بعد المده دى كلها من معرفتكم وشغلكم
ادم ... لان نهى اللي شوفتها امبارح تبقا دى وشاور علي الصورة
توفيق بصدمة... انت بتقول ايه
ادم .... الحقيقة يا بابا هى عمتى فين وليه ممنوع سيرتها تيجى في البيت
توفيق انا هحكى ليك بس توعدنى أننا لازم نتفق نقف جنب يوسف واخواته لان نهى دى افعى شيطان قرصا منها والقبر
ادم ... احكى انا سامعك واكيد دا صاحبى وهما عشرة عمرى
ولازم اكون جنبهم
توفيق ... نهى تبقا اختنا بس من الاب امها كانت بتشغل عندنا .كانت طماعه وعملت اللي عملته ل جدك اغرته بكل حاجة خصوصا أن جدتك كانت مريضة جدااااا وبعد لما اتجوزها عملت المستحيل علشان تفرق بينا وبين أبونا لكن هو كان حكيم واحتراما وطلقها بس هي بثت سمومها في نهى انا احنا بنكرها وبعد مواد جدك خدت ورثها وصرفته علي مشاريع فاشله وبعدها رجعت لامها في المنوفية طول الوقت بعرف اخبارها لغاية اما عرفت بعلاقتها الكتير مع الرجالة وفي الاخر عرفت انها اتجوزت واتقطعت اخبارها بس اللي انت حكيته علي اللي عملته مع يوسف واخواته بيبين انها اقوى من امها في الشر لازم يوسف يعرف يمكن الماضي يساعده في الحاضر
يوسف بخوف من معرفة مريم .... مريم كده راحت منى للأبد
توفيق ... مريم بتحبك وانا كنت بستغرب تصرفاتها لكن دلوقت فهمت مريم هتتعبك خصوصا بعد موضوع نهى لو انت بتحبها هتستحمل وبحزن اظهار مكتوب عليكم تتدفعو تمن أخطاء الماضى
ادم .... ربنا يستر علينا كلنا من اللي جاى انا هقوم اخد شاور وأصلي وانام شوية علشان ارجع المستشفي ل يوسف
توفيق بحنان ... قوم يا حبيبي
خرج ادم ركن غرفة والده ودخل غرفته
توفيق امام صورة جامعا العائلة كلها ... يا ترا ناوية علي ايه يا نهى والمصيبة اللي وراكى هتجيب ايه من الماضي ويخوفي عليك يا آدم من اللي جاى
في المستشفى عند فاطمة مريم رجعت علي طول مقدرتش تنام من القلق وهى داخله قابلت الدكتورة واطمنت منها علي حالتها ودخلت فاطمة كانت نايمة بسبب الأدوية ويوسف نايم جنبها وماسك ايديها
مريم بهمس ... يوسف. يوسف
يوسف بخضة ... في ايه اللي حصل؟
مريم .... هششش مفيش حاجة حصلت قوم روح انت وانا هقعد معاه
يوسف بص في الساعة حس ان معداش وقت كبير... مريم انت متمتيش ليه
مريم بتبص علي فاطمة بحزن ... البيت وحش من غيرها كل ما غمض عينى اشوف ماما الله يرحمها
يوسف خد مريم في حضنه ... الله يرحمها ماما فاطمة هتبقا كويسه
مريم ... إن شاء الله . هو المحامى عمل ايه فواز قبل المساعدة
يوسف..... رفض في الاول لكن بعدها اتصل بالمحامى ووافق
مريم بزهق ... لا والله ايه دا مفيش دم خالص انا قولت ان عمره ما هيبقلها مش كان بيقول لومتنا من الجوع هو خلاص مش عايز يعرفنا غريبة والله
يوسف بعتاب... تانى يا مريم هنتكلم في الموضوع دا انا هساعده مش علشان حاجة علشان ربنا
مريم بغضب ... وهو معرفش ربنا ليه
يوسف ... مريم احنا هنساعده وهو في حاله واحنا في حالنا كفايه اللي حصل وبعدين انا عارف ربنا اما هو ربنا يتولا
مريم بغضب وبهمس ... ربنا يتولا مش قبل ما انتقم منه ومنها
بعد فترة الكل اتجمع حوالين فاطمة
سيدرا ... البيت وحش قوى من غيرك خفي بسرعة بقا
سفيان قام وقف.... صح البيت وحش انا هروح لدكتورة اسألها ينفع تخرج امتا
مازن بضحك... هههه عايز طنط تروح برده ولا عايز الدكتورة
سفيان بغيظ ... وانت مالك يا عم ايوة عايز الدكتورة خد الكبيرة بقا وعدل ليقه القميص يوسف انا عايز اتجوز الدكتورة
يوسف ... يا شيخ اتنيل هو انت تعرف اسمها
سفيان ... نتعرف احنا ورانا حاجة قطع كلامهم دخول الدكتورة
الدكتورة شافت التقرير وقالت انها اتحسنت وممكن تخرج بعد يومين
مريم شكرت الدكتورة و اتعمدت تقول اسمها لتسهيل مهمة سفيان لانها حست بحبه ليها
مريم... شكرا يا دكتورة هنا
سفيان خرج ورا الدكتورة علشان يتعرف عليها
مازن... دا ظلم انا كمان عايز اتجوز ووطى علي ايد فاطمة ... خلي يوسف يوافق بصت فاطمة ل يوسف بمعنى يوافق وفعلا وافق وقال إن لو سفيان ناوى بجد يبقا خطوبة التؤام سوا
عدا اسبوع بدون أحداث غير خروج فاطمة وتحديد خطوبة سفيان وهنا وسيدرا ومازن
في الشركة عند يوسف دخل ادم علشان يحكى ليه
ادم بتردد . .. يوسف في حاجة مهمة لازم تعرفها
يوسف بانتباه .... خير يا آدم
ادم .... بس اوعدنى مش هتغير معاملتك معاى وتقف جنبي لما مريم تعرف
يوسف بقلق... في ايه قلقتنى
ادم ... نهى مرات ابوك وقطع الكلام صوت فون يوسف
يوسف.... استنا ارد علي ماما
يوسف فتح الفون... اهلا يا م
فاطمة ... الحقنى يا يوسف مصيبة
يوسف قام وقف... في ايه مسمعش صوت فاطمة وسمع صوت صريخ عالي.
وبكدة خلص بارت النهاردة اشوفكم قريب
عايزة اعرف...
توقعاتكم ؟
ايه اللي حصل في بيت يوسف؟
رد فعلهم لما يعرفو علاقة نهى ب ادم واهله ؟
