رواية مدللة كسرت كبريائي الفصل الثالث والثلاثون 33 والاخير بقلم ميرا اسماعيل
البارت (33) الاخيرررررة
رواية مدللة كسرت كبريائي
تأليفي ميرا إسماعيل
***************************************
فى قصر الجبالى
رؤوف الجبالى ... نورت الدنيا كلها يا ولدى
ليث ب إرهاق ... تسلم يا جدى
رائد ... حمد الله علي السلامة يا ليث
ليث ... الله يسلمك
فارس ... انت خرجت ازاى يعنى إفراج ولا
ليث ... براءة الحجيجة انكشفت الحمد لله
سعاد ... وهى بتحضن فيه مين يا ولدى اللي عمل الملعوب دا ؟
ليث ... وفاء وهى اللي جات واعترفت كمان علي حالها
صفا ... اعترفت ليه طالما كانت عايزة تلبسك الليلة
ليث ... أنى مش جادر اتحدت دلوجيت هموت وانام فين نور عشان نمشوا
رؤوف الصغير ... هى مش هنا بره زمانها جاية
ليث باستغراب وقلق... بره فين ؟
وقطع كلامهم دخول ليث ونور الصغيرين
نور الصغيرة ... عمو ليث وحشتنى قوى
ليث حضنها ... وانت كمان يا نور كيفك ؟
نور ... انا كويسة روحنا شفنا ليل ونورى والجاسر شكلهم حلو قوى
ليث بضحك ... ههههه فكرتينى ب نور الكبيرة
فارس ... طيب خف احسن فى واحد معانا فكرنى ب ليث الصغير برده
ليث عرف انه قصده علي ليث فارس
ليث الصغير ... كان هيتجنن من الغضب والغيرة
ليث الجبالى ... لدرجة دى هتولع فينا واحنا واجفين مش هتسلم عليا إياك
ليث الصغير بحنق ... كفاية نور قامت بالواجب
ليث ... جرب يا ليث تعرف حالك دا بيفكرنى بنفسي زمان اما نور كانت بتلعب و يا فارس فكرتنى بأيام حلوة جوى
رؤوف الجبالى ... وانتم مع بعض هيكون عنديكم ذكريات تانية وحلوة برده
رؤوف قال كده كان عايز يعرف رد فعل ليث هو ناوى على ايه ل نور
ليث ... تفتكر
إجابات ليث خلت رؤوف قلق
بعد شوية فون ليث رن وكان حمزة الضابط
ليث ... اذيك يا حمزة بيه
حمزة ...................
ليث ... بجد الحمد لله كتر خيرك أنى كت جلجان جوى
حمزة ..........
ليث ... اكيد أن شاء الله مع السلامه
سعاد ... مين يا ولدى
ليث ... دا حمزة بيه الضابط راجل زين جوى فايز بقلق ... كان عايز ايه تانى
ليث ... كان بيجول انه جبض علي الناس اللي ساعدت وفاء عشان تجتل دينا وكمان كانو ناوين يخطفوا نور
نفين برعب .... بنتى فى خطر
ليث ... مفيش خطر هما انجبض عليهم والموضوع خلص
مراد ... لا كده الموضوع كبير ولازم نعرف كل حاجة
ليث ... مش جادر دلوجيت هحكى بس
وقطع كلامه صوت نور
نور .... بدموع فرحة ليث واترمت فى حضنه وفضلت تعيط
ليث ... بكفايا بكى يا نور
نور ... وحشتنى قوى كنت بموت من غيرك يا ليث اوعى تسبنى تانى
ليث ... اهملك اروح فين أنى جارك اهو
نور فضلت فى حضنه رافضة تبعد وكل المحاولات فشلت
ليث بعد فترة ... نور أنى رجلى وجعتنى عايز ارتاح
نور هزت راسها بمعنى اه ليث اتحرك علشان يقعد وهى متمسكة بيه قعد ليث وهى علي رجله نايمة علي صدره
ليث "... من الواضح مفيش نوم يبجا احكى بجا
حكى ليهم ليث اعتراف وفاء اللي كان صدمة للكل وأنها كانت بتخطط لقضية شرف ل نور مع منصور بس اللي بيساعدوها اتقبض عليهم
وإن الضابط سرع إجراءات الخروج لانه كان من اول دقيقة حاسس انه برئ
الكل كان مصدوم بيتكلم ويسأل وليث يجاوب
إلا نور اللي الكل استغرب سكوتها ودا مش عادى
ليث ركز معاها كانت نور استسلمت لامان حضنة ونامت نوم عميق
ليث ر... أكده يا نور انى احكى وأنت تنامى
نفين ... اعذرها دى منمتش ثانية من وقت اللي حصل
ليث ... الامر لله هطلع انايمها وارتاح شوية
رؤوف ... ارتاح يا ولدى ربنا يبعد عنك كل شر
وطلع ليث وهو شايل نور
فى جناح ليث
وضع ليث نور برفق علي السرير لكن نور فضلت متمسكة ب ليث
ليث ... هههه متخافيش مهبعدش عنيكى ونام جانبها وذهبوا فى ثبات عميق
فى الأسفل
رؤوف الجبالى ... فايز خلى الغفر يجيبو الجزار عشان يدبحوا 4عجول
صفية ... بسم الله ما شاء الله بس 4كتير يا حج
رؤوف ... لاه مش كتير انا عايز اوزع لحمة علي كل دوار "فى الكفر و الرجالة يجو فى العشية يتعشوا كمان فرحة خروج ليث بالسلامة وان ربنا رده لينا من تانى وبعدين كنا هنعملوا أكده عشان نور جامت بالسلامة بس اتأجلت أنى عايز الكفر كلته يفرح كبار وصغار يلا يا ولدى
ليث الصغير ... ممكن اجى معاك يا جدو فايز
فايز ... تعاله تنور يا ليث
نور الصغيرة ... وانا كمان
ليث ... تروحى فين ؟ لأ طبعا دا دبح ودم ورجاله مينفعش
نور بغضب وهى بتخبط رجلها فى الارض ... اشمعنا انت
ليث ... انا راجل
نور ... جدو رؤوف أنا عايزة اروح
مليكة ... بنتى راحت للكبير وعارفة ميقدرش يقول لاء
رؤوف ... عارفة أنى مجدرش اجولك لاه بس ليث عينديه حج انت مش هتستحملى المنظر وكمان الريحة ليك عليا وهما بيوزعو اللحمة تروحى معاهم
نور ... بجد ممكن
ليث ... أيوة كده ماشي
نور ... ماشي بس بليز يا ليث صور الجزار وهو بيدبح
ليث. ... من عنيا حاجة تانية
نور .... تؤتؤ
خرج فايز وليث و معاهم رائد و رؤوف الصغير
مراد ... ربنا يزيدك يا حج
رؤوف ... تسلم يا ولدى والله انت معزتك من معزة فايز واكتر
مراد ... تسلم يا حج
وكان قصر الجبالى يعمه السعادة
فى مستشفى اللي فيها دينا
منصور جالس امام دينا وعلي وجهة علامات القلق
دينا ... مالك يا منصور !
منصور ... بشرود بفكر
دينا ... بتفكر في إيه ؟
منصور ... فى حالنا يا دينا أنت معيزاش ترجعى ل واد عمك واصل صوح
دينا بدموع وخوف ان منصور يرجعها ... لاه ابوس يدك بلاش أنى معيزاش أعاود واصل
منصور ... هتعملى ايه دلوجيت ؟
دينا ... اخرج من إهنا الأول وربك كريم
منصور باندفاع ... نتجوز
دينا بخضة ... ايه بتجول إيه ؟
منصور بهدوء وارتباك ... بصى أنى مش هجول أنى عاشجك بس انى رايد أننا نعيش بلاش نحبسو حالنا فى اللي حصل زمان أنت عايزة اللي يعوضك المرار اللي شوفتيه وأنى عايز انسي وجعى علي تهانى جولت إيه ؟
دينا ... ليه أنى بالذات ؟
منصور ... أنى جولت انت مسمعتيش حديتى ولا ايه
دينا ... لاه سمعت بس
منصور ... مبسش فكرى وردى بعدين عليا
دينا ... هزت راسها بمعنى اه وهى ساكتة وبتفكر صحيح هى حبت منصور بس خايفة تكون سد خانة بس برده هو أملها دلوقت ولازم تحارب عشان تعيش ومنصور كمان يعيش
دينا بعد سكوت ... منصور
منصور بايجاب... ايوة
دينا ... بخجل أنى موافجة
منصور بفرحة ... بجد بجد موافجة
دينا ... ايوة
منصور ... خفى بسرعة عشان نتجوز وانى هعملك فرح ودوار كبيركمان
دينا ... يخليك ليا
منصور ... ويبارك فيك
فى قصر الجبالى
نور الصغيرة أستاذنت وخرجت توزع اللحمة مع الرجالة والنساء قامت لاعداد الولايمة للناس اللي هيجو بليل حتى نفين كانت بتساعدهم كمان
فى غرفة ليث
نور قامت من النوم مخضوضة وبتنادى علي ليث
ليث بخضة ... أنى إهنا يا جلب الليث
نور وهى بتاخد نفسها ... ليث انت هنا بجد واترمت فى حضنه وحشتني قوى يا ليث
ليث وهو بيملس علي شعرها ... وانى كمان اتوحشتك جوى يا جلب الليث
نور ... ايه اللي حصل خرجت ازاى
ليث ... لاه أنى مهحكيش تانى المهم أنى معاكى وانت معايا صوح
نور ... أيوة دا المهم انك معايا وسكتت احم أنت زعلان منى يا ليث
ليث ... ليه ؟
نور ... علشان موضوع موت عمى ومرات عمى
ليث ... عارفة يا نور انى كت زعلان منيكى اول ما سمعت كت عامل زى الطير المدبوح عارفة لو محصلش اللي حصل وانجبض عليا كت جتلت وفاء يعنى كت هتعدم اكيد اللي حصل خلانى عدت الحسابات الدنيا مش مستاهلة وجع وفراج بكفايا اللي حصل نعمه من ربنا عشان اعرف جيمة الحرية وجيمة وجودك جارى وفى حضنى عشان اكده أنى جررت انسا خصوصا ان جدى جاب حج امى وابوى زمان ووفاء خدت جزاءها علي اللي عملته واللي كانت عايزة تعمله
نور ... بجد يا ليث يعنى خلاص انت مش زعلان منى
ليث ... لاه مش زعلان بس عندى شرط
نور .. ايه شرطك يا ليث
ليث .. مفيش أسرار تانى خلاص وعد يا نور
نور بفرحة وراحة ... وعد يا جلب نور
ليث ... بعشجك وانت بتتحدتى صعيدي
نور .. وانا بحبك علي طول
ليث .. اللهم ما اخزيك يا شيطان انت لسه ممنوعة من المجهود
نور ... هانت واكون ملكك للابد
ليث ... وانى معيز حاجة غير غيرك جنبى
نور .. طب يلا ننزل تحت للناس اللي سيبنهم دول
ونزل ليث ونور وعرفوا بأخبار الولائم والذبح
وليث كلم الضابط حمزة وعزمة نوع من انواع رد الجميل علي اللي حصل وعدا اليوم بسعادة علي الجميع
وليس هذا اليوم فقط بل ثلاث اشهر مروا علي الجميع بسعادة
رائد ومليكة ونور الصغيرة كانت حياتهم هادية ومليئة بالحب واكتمل الفرح بخبر حمل مليكة
فارس وصفا وليث الصغير كانت حياتهم جميلة مجنونة إلى حد ما وفى انتظار المولود الجديد الذى تبين انه انه ولد
مراد ونفين حياة مستقرة وحب وامان
ليث ونور الصغيرين حياتهم عيند وحب ومشروع حب جديد أبطاله ليث ونور جداد
تم الحكم علي وفاء بالسجن عشر سنوات
عائلة الجبالي
رؤوف وسعاد كانو يحصدون ثمرة السنين الماضية مند ليث تارة ونور تارة ورؤوف الصغير تاره
رؤوف الصغير حب زميله ليه وانخطبوا والجواز بعد سنة
فايز وصفية حياة هادية ومحاولات تعويض نور لحنان الأب
ليث ونور حياتهم مليئة بالرومانسية وليثذ بيحاول يريح نور قدر الإمكان ونور فى سعادة اخيرا ليث معاها وفى حضنها
فى فيلا ليث
نور وهى بتلف حوالين نفسها علشان ليث يشوف لبس نور كان عباية باللون الموف الهادى علي شكل فراشة وهى ترتدى ذهبها الكامل
نور ... ايه رايك انفع ابقا مرات كبير عائلة الجبالي
ليث .. واه مين يجول غير أكده انت مرت كبير عائلة الجبالي وجلب كبير عائلة الجبالي كمان
نور بدلال ... بعشقك يا ليثى
ليث ... أكده مهنروحش الفرح هدى دلالاك عليا شوية
نور .. لا إلا الفرح دا فرح دينا ومنصور انا مصدقت حصل
ليث .. طب يلا بينا واما نرجع نجرب الجلب الجديد
نور وهى بتجرى .. انت قليل الادب
ليث وهو ممسك جلبابه ... يا ابوى كل دا وجليل الادب الصبر من عندك يارب
كان فرح منصور ودينا فرح من نوع خاص كان مبنى علي التفاهم والعشرة اللي هتكون بينهم و الرحمة والموده
نور كانت سعيده ان دينا بدأت حياتها بسعادة ومع راجل بجد زى منصور
فى عيد جواز نور و ليث الأول
الكل متجمع فى فيلا ليث فى الصعيد الاحتفال بأحلى قصة حب ووفاء
نور كانت فى قمة الروعة والفرحة وهى بتستقبل الناس
نور ... نورتى يا ماما زينب انا مبسوطة انك هنا وجنبى
زينب ... كل سنة وانت وليث طيبين ويارب تفضلو مع بعض في سعادة علي طول
ليث من وراها ... ويبارك فيك يا ست الناس يلى من غيرك مكناش إهنا اصلا
زينب ... انت إللي اصيل وولد أصول
رائد وفارس ... انا دماغى ورمت من الزن
نور ... فى أية ملكم
فارس و رائد ... الواد البت هيجننى /هتجننى
نور ... بس مش فاهمة
فارس ... جاسم مش مبطل زن والهانم مكبره دماغها بتقولى انا اجازة النهاردة
نور بتتحكم فى ضحكتها ... ههه وانت يا رائد
رائد ... ضى هانم برده بتزن و مليكة بتقول نفس كلام الهانم صفا
نور .... احم ايه يعنى من حقهم اجازة انتو شيلو شوية
فارس و رائد .... لأ لأ لأ
نور ... اخر كلام متأكدين
فارس و رائد بتأكيد ... أيوة
ليث ... البس يا راجل منك ليه لف وراك بس بشويش احسن تموتو من الخضة
فارس ورائد ... مليكة / صفا
نور وليث بيحركوا راسهم بمعنى اه
كل واحده منهم مسكت جوزها زى المخبر اللي ماسك حرامى
نور وليث مش قادرين من كتر الضحك
رؤوف الصغير وشاهندة خطيبته ... مبروك يا ليث مبروك يا نور عقبال سنين كتير حلوة
نور .. مرسي يا شاهى شكرا يا رؤوف تعالو ادخلو
رؤوف الجبالى ر... مبروك عليكم يا زرعة عمرى
نور وليث ... ويبارك فيك يا كبير
سعاد ... جلبى يا ولادى مبروك عليكم يا اولادى
الكل كان فى سعادة ونور وليث طفوا اول شمعة فى سنين كتير جاية من حب وأمان
ليث كان جايب ل نور طقم الماظ تحفة
نور ... مرسي يا ليث تحفة بجد بس انا هديتى مش هتستلمها دلوقت
ليث باستغراب .... كيف يعنى ؟
نور ... انا عارفة آن اللي هقوله دلوقت لازم تعرفة لوحدك بس كل اللي موجودين هنا ليهم نصيب من السعادة دى علشان كده كلهم لازم يسمعوا الخبر معاك
احم هديتك هتستلمها بعد 7شهور انا حامل
ليث ... ايه أنت ايه جولى تانى أكده
نور ... حامل انا حامل فى شهرين
ليث ... فضل يلف علي كل اللي واقفين سامعين نور جالت ايه بتجول حامل سمعت يا جدى سمعت يا عمى
نور ... ليث اهدى
رؤوف الجبالى .. بدموع مبروك يا ولدى مبروك يا نور
ليث ...مبروك اه انى هبجا اب يا ناس
الكل كان فرحان ل نور ودموعهم كانت معبرة عن سعادتهم
ليث شال نور وفضل يلف وهو يردد هبجا اب يا عالم سامعين يا ناس ليث الجبالى هيبجا اب
نور بدوخة ... كفاية يا ليث انا دوخت
ليث ... نزلها براحة حجك عليا يا جلبى واقعدها علي الكرسي ارتاحى يا جلب الليث
نور وهى ماسكة وجه ليث ... فرحان يا ليث
ليث ... يا ابوى فرحان بس دا انى هموت من الفرحة
نور ... بعد الشر عنك يا ليثى
منصور ودينا و معاهم طفل صغير ... داخلو وشافوا اللي حصل
منصور ... احنا اتأخرنا جوى أكده ولا ايه ؟
ليث ... منصور هبجا اب يا منصور
دينا ... مبروك يا نور مبروك يا ليث
منصور ... مبروك بس لو جبت بت هاخدها ل عمر ولدى
ليث ... لاه بتى لاه اللي يجرب منيها اجتله دى بتى من نور انسا شوف ل ابنك عروسة تانية
صوت من ورا منصور ... مبروك يا ليث مبروك يا مدام نور
ليث ... حمزة بيه نورتنا اتفضل
حمزة .. انا قولت اسلم عليكم انا قرار نقلي صدر وراجع القاهرة
ليث ... هتوحشنا والله يا حمزة بيه الصعيد كان منور بيك
حمزة .. الصعيد منور بأهلة دايما
وسلم علي الكل
ليث ... أمانة عليك سلامنا ل الوالدة وبتك
حمزة .. يوصل إن شاء الله
نور ... مبروك علي النقل و شرفتنا
الفترة دى
حمزة ... الله يبارك فيك الشرف ليا
وخرج حمزة وهو بيفكر فى حبه عمره اللي كانت عيونها نفس عيون نور
حمزة ... يا ترى انت فين يا غرام وايه اللي حصل بعدك عنى
ودور عربيته وانطلق للقاهرة
((حمزة و حبيبته غرام هى روايتى القادمة غرام حمزة))
داخل الفيلا
نور .. قولى لو ولد هتسميه ايه
ليث ... فهد هسميه فهد
نور ... بخضة فهد ليه حرام انت ليث وابنك فهد
ليث ... أنى ليث عاشج ام الفهد
نور ... ماشي طيب لو بنت
ليث ... لاه انت اللي تسميها
نور ... يبقا وعد وعد ليث ونور
ليث ... نور بجا عتدينا عائلة وانى وانت هيكون عندنا وعد وفهد
نور ... بحبك يا ليثى
ليث ... وأنى بعشجك يا جلب الليث
شاهندة ... يلا يا جماعة كلنا جنب جدى علشان نتصور كلنا
الكل التف حول رؤوف الجبالى واتلقطوا صورة لعائلة الجبالى والعائلات الأخرى
استوووووب وبكده خلصت حكاية ليث ونور حكاية مدللة عذبت ليث فى حبها لكن ملكته وامتلكها فى النهاية
توتة توتة فرغت الحدوتة واتمنى تكون حلوة مش ملتوتة
الأهل هم العزوه الأمان
الصديق هو السند
الحبيب هو اروع مثال كان ليث
نور كانت محظوظة لأن عندها الاهل والصديق وطبعا الحبيب
تمت بحمد الله
