رواية مدللة كسرت كبريائي الفصل الحادي والثلاثون 31 بقلم ميرا اسماعيل
البارت(31) :رواية مدللة كسرت كبريائي
تأليفي ميرا إسماعيل
*************************************
فى قصر الجبالى
بعد القبض علي ليث كان الكل فى حالة رعب بعد وقوع رؤوف الجبالى
نور فحصته .كان ضغطه واطى جدا بدأت نور فى الإسعافات ل رؤوف الجبالى وكان تفكيرها فى ليث
فايز ... نور انت هنا مع جدك انا هروح ورا ليث افهم إللي حصل
نور بلهفة ... هاجى معاك أرجوك
فايز .. مينفعش لازم تفضلى عشان جدك وانا هاخد المحامى واروح
نور ... اول ما اطمن على جدى هحصلك
فايز وهو بيتحرك ... ماشي يا نور
سعاد بدموع ... الستر من عيندك يارب
صفية ... اهدى يا حاجة احسن يجرى ليكى حاجة بكفايا الحج
رؤوف الصغير ... انا دماغى وقفت ليث كان عايز يقتل مين اما كان خارج من المندرة وايه الادله اللي بسببها اتهمو ليث بالقتل
نور لا رد كانت دموعها فقط ليس الا
سعاد ... ايه اللي حصل يا نور فى المندرة ؟
نور بصراخ ... ليث عرف الحقيقة عرف مين وفاء عرف حكاية قتل عمى ليث راح منى يا ناناه بعد ما رجع ليا هو انا ليه مش بفرح زى الناس انا تعبت والله تعبت
سعاد ... يا مرارى ليث عرف
رؤوف الصغير ... عمى اتقتل طب ازاى وانت كنت عارفة يا نور
نور بدموع حكت كل حاجة من اول قتل عمها لغاية اللي حصل فى المندرة
صفية باشفاق ... يا ضنايا يا ولدى الدنيا عماله تديك فوج راسك
نور ... ليث عمره ما هيسمحنى تانى
رؤوف الصغير ... يخرج من المصيبه دى الاول
الكل ... يارب
بدأ رؤوف فى الافاقة
نور بسرعة... جدى انت سمعنى يا جدى
رؤوف .... ليث فين ؟
نور بدموع ... خدوه يا جدى خدو منى ليث
رؤوف وهو.يقوم بنزع الكانولا ... لازمن اطمن عليه
نور ... يا جدى انت تعبان بابا معاه وانا كنت مستنية اطمن عليك وبعدين اروح ليه
رؤوف وهو بيقوم من علي السرير ... نروح ليه لفينى العباية يا حاجة
سعاد بدموع ... ارتاح يا حج فايز
رؤوف بمقاطعة ... مفيش وجت للراحة يلا يا بتى
وفعلا طلع نور ورؤوف الجبالى
والجد رفض أن رؤوف الصغير يروح عشان يكون فى راجل فى المكان
وهم خارجين منصور كان وصل
منصور وقف بعيد .. غريبة رايحين فين نور بتبكى خلينى وراهم
فضل منصور وراهم وزاد استغرابه أما دخلو مركز الشرطة
داخل المركز
ليث كان بيتكلم بصوت عالى مكنش فارق معاه انه فى القسم ولا حتى متهم فى قضية قتل
ليث ... عايز اعرف ادله ايه اللي عنديكم تخليكم تجولو انى جاتل
الظابط ... ممكن تهدى وتقعد عشان نعرف نتكلم
ليث بغضب ... اهدى بتاخدنى من الدوار كيف الحرامية وجدى اللي وجع من طوله وتجولى اهدا
الضابط ببرود ... لازم تهدا عشان نتكلم
ليث جلس وهو يردد الاستغفار ... استغفر الله العظيم اتفضل
الظابط لسه هيسأل الباب خبط ودخل المحامى ومعاه فايز
ليث ... عمى جدى جرا ليه حاجة
فايز ... اهدى يا ليث جدك كويس ونور معاه اول ما فايز افتكر شكل نور وهى ماسكة فيه بتعيط داس علي أسنانه من الغيظ وحلف انه هيدفع اللي كان السبب فى اللي حصل التمن غالى جدا
الظابط ... ياريت نقعد علشان نبدأ التحقيق
الكل استجاب
الظابط ... طلع كيس بداخله شئ مثل السكين ولكن رفيع
الظابط ... تعرف ايه إللي جوا الكيس
ليث أتأمل الكيس دقائق .وأتعرف على الشئ اللي بداخله
ليث ... دى فتاحه الورج بتاعتى مكتوب عليها أسمى كمان بس بتعمل ايه إهنا
الضابط ... يعنى بتعترف انها بتعتك
ليث ... وأنى هكدب ليه ؟ ايوة بتعاعتى .مكتوب عليها أسمى كمان
الضابط ... دى الاداه اللي استخدمت في محاولة قتل دينا راضى
ليث بصدمة ... كيف دى كانت فى غرفتى ومن زمان مجتش جنبيها
الضابط ... يعنى كانت ضايعة منك
ليث ... لاه مضعتش أنى كت مهملها
الضابط .... يعنى بتعترف انك حاولت تقتل دينا
ليث بنرفزة ... اجتل مين أنى كت بره الصعيد بجالى زمن ولسه راجع عشيه
الضابط ... ماهى الجريمة ارتكبت بعد رجوعك الصعيد واداه الجريمة انت اعترفت إنها ملكك
ودلوقتي جواب علي الاسئلة
س/ليه حاولت تقتل المدعوة دينا؟
ليث ... مجتلتش حد مجتلتش
فضلت اسئلة الضابط ل ليث وكانت اجابة ليث انه مقتلش وبعد محاولات الضابط لإجبار ليث لاعتراف بس ليث كان مصر انه برئ
المحامى حاول كمان بس اعتراف ليث انه اداه الجريمة صعب موقفه مكنش فى امل ان دينا هى اللي تقول الحقيقة
ومحدش يقول انها عايشة انا قولت محاولة قتل
نور و رؤوف الجبالى وصلو وحاول رؤوف يدخل بس العسكرى رفض لأن التحقيق شغال
منصور دخل وراهم وفضل واقف بعيد وحاول يفهم معرفش حاجة وقف عسكرى كان معدى وعرف منه كل حاجة وبدأ منصور يعرف اللي وفاء كانت بتتكلم عليه وخرج علي طول عشان يروح ل دينا يطمن علي حالتها
داخل غرفة التحقيق
الضابط ... امرنا نحن حمزة الشهاوى فى ساعته وتاريخه بحبس المتهم ليث الجبالى علي زمة التحقيق 15 يوما ويرعى التجديد فى الموعد المحدد وبامر امضى علي اقولك يا ليث
ليث قرب ومسك القلم ومضى فعلا
والعسكري حط فى ايده الكلبشات عشان يدخله الحجز وخرج الجميع
نور بلهفة ... ليث ايه اللي حصل ومسكت الكلبشات ايه دا حاولت تبعد الكلبش خلى حد يفك الكلبشات دى ليث برئ معملش حاجة محدش هياخدك منى تانى لا
ليث بوجع علي حالة نور ... نور اسمعينى
بس نوره كانها مغيبة كل اللي بتقوله مش هسيبك تانى حد يفك الكلبشات
رؤوف .. هدى حالك يا بتى خلينا نفهم
نور سكتت بس ماسكه فى ليث
رؤوف ... موجه كلامه للمحامى ايه اللي حصل جوا؟
المحامى ... مع الاسف الأدلة إللى معاهم قوية دا غير أن ليث اعترف أن الأدلة ملكه
نور بتوهان ... ادله ايه اللي بيقولو عليها ليث مش هيبعد عنى تانى
المحامى ... فتاحة ورج مكتوب عليها اسمه وهو جال إنها ملكه ،
نور ... باستغراب فاتحه الورق اللي جبتها ليك زمان
ليث ... اتنهد أيوه هى يا نور بس بجالى كتير مهمل الفتاحه دى
رؤوف ... هى ماتت؟!
فايز ... لا يا حج بس حالتها حرجه جدا
نور ... انا السبب لو ومعملتش اللي حصل زمان مكنتش دخلت حياتك ولا كان حصل كل ده
ليث بحنان ... نور مفيش حد السبب انتى ملكيش ذنب المكتوب مفيش منه هروب يا نور اوعاكى تجولى اكده
نور ... جدى انا عايزة ليث يرجع معايا انا تعبت من كل حاجة
العسكرى ... يلا يا متهم مشى جدامى
نور بخوف ... هتروح فين ؟ لا مش هتروح فى مكان
العسكرى بفظاظة... هيروح فين يعنى متهم وهنزلو الحجز
ليث كان محتاج اى حد يخرج فيه طاقته السلبية والعسكري كان هو دا خصوصا الطريقة اللى رد بيها علي نور
ليث قرب عليه وضربه برأسه العسكرى وقع علي الارض ونزف من أنفه
العسكرى ... انت بتضربنى يا متهم دا انت هتشوف ايام سودا
نور خافت علي ليث خصوصا انها بتسمع عن أحداث تعذيب داخل الحجز
نور اتحولت ... لو فكرت تقرب ليه أنتج هوديك فى داهيه ولا استنى ليه انا هوديك حالا
العسكرى خاف من نبره نور خصوصا معروف عن نساء الصعيد انهم مسالمين
العسكرى .. هههتعملى ايه انى مبخفش أنى حكومة
نور باستهزاء .... علي نفسك
الظابط كان سامع صوت دوشه وخرج علي بره
الضابط بعنف ... ايه اللي بيحصل هنا
نور لفت ليه بغضب ... عايز تعرف في ايه فى انك مش شايف شغلك كويس قبضت علي واحد برئ ومصمم تلبسه قضية هو برئ منها وكمان العسكرى بتاعك بيقل ادبه
الضابط مسمعش منها حاجة تقريبا سرح فى عيونها وبيكلم نفسه معقول في عيون زى عيونها تانى !!!!!!
ليث خد باله من نظرة الظابط ل نور ولعن نفسه
ليث بصوت عالى .... نووور خلصنا
الضابط بهيام ... حضرتك اسمك نور
ليث بغضب .. مدام نور الجبالى مرتى وداس علي حروف كلمه مرته
الظابط بشده زائفة ... ايه اللي بيحصل بالظبط
المحامى تولى شرح اللي حصل واكد انه مش عايز معاملة خاصة هو عايز التعامل بالاحترام الظابط اعتذر وغير العسكرى وقال انه ليث مش هينزل الحجز هيقعد فى غرفة فاضية الكل شكره ما عدا نور اللي كل نظراتها كره
ليث ... نور امشى واوعاكى تيجى إهنا مره تانية فاهمة
نور بتحرك راسها بمعنى لا
ليث بحزم ... جدى خد نور ومعيز نور تيجى إهنا تانى أرجوك
رؤوف ... حاضر يا ولدى ومتخافش انى مش هسكت هوصل للحجيجة مهما حصل خلى ثجتك فى ربك كبيرة
ليث بايمان .... ونعمة بالله
فايز ... يلا يا نور ليث صح احنا بره نفيده اكتر يلا
نور اترمت فى حضنه وبهمس .... بحبك وهترجع ليا تانى وعد
ليث ... أيوة يلا وخليكى فى الجصر بلاش تروحى دارنا لحالك
نور خرجت بعد عذاب والضابط كان مقدر دا وسايب نور وليث براحتهم
ليث دخل غرفة بعيد عن الحجز وكان تفكيره مين اللي وصل للفتاحه دى مين ؟!!!!!!!
رؤوف الجبالى خد فايز ونور وروح علي قصر الجبالى
وطبعا حالتهم اول ما وصولو كانت واضحة
نور اتحركت وطلعت علي جناح ليث من غير كلام
رؤوف الجبالى ... اطلع لبتك شوف ليها دوا تاخده احنا مش ناجصين تجع منينا
وطلع فايز بعد ما اخد كوب لبن ليها
فايز خبط وسمع صوتها مرهق وحزين
نور ... ادخل
دخل فايز وشاف نور كانت نايمة فى وضع الجنين وحضنه صورة ليث ودموعها علي خدها قرب عليها بحنان نور
... خدى يا نور اشربى اللبن وخدى العلاج
نور... بصت ل فايز بعيون حزينة هو أنا وحشة قوى كده يا بابا ليه بيحصل معايا كده
فايز ... نور اللى بيحصل ليك اكيد ربنا ليه حكمه واحنا لازم نصبر علشان يرفع عننا البلاء صح
نور ...انا تعبانة يا بابا ليث هيبعد عنى ومش عارفة يرجع تانى ول ومقدرتش تكمل وفضلت تعيط بانهيار مقدرش اعيش من غيره يابابا والله العظيم ما اقدر
فايز ... قومى يا نور اتوضى وصلى ربنا بس،اللي فى ايده يرجع ليث ويرفع عننا الهم دا
نور ... حاضر وقامت علشان تتوضا فعلا
فى فيلا مراد
صفا بتعيط .... انا لازم أسافر يا فارس
فارس ... حبيبتى مينفعش أنت حامل والمجهود غلط عليكى
صفا بانهيار ...هسافر معاك لو مختنيش معاك هروح لوحدى
مراد ... طيب اهدى هتيجى معانا
فارس ... بابا ازاى
نفين ... هى مش هتهدى غير اما تسافر يبقا تسافر معانا امن
فارس باستسلام .... غيرى يا صفا وتعالى معانا
مراد .. عرفت رائد ومليكة
فارس .. ايوة لان ليث عندهم هناك وهنتقابل فى المطار كلنا فكرة الطيارة الخاصة دى كويسة
صفا ... انا جهزت يلا بينا
والكل انطلق الى الصعيد
فى مستشفى اللى فيها دينا
منصور وصل أما سأل عرف انها فى غرفة العناية المركزة وحالتها خطيرة جدا
منصور واقف قدام الزجاج ... يارب عديها على خير هى غلبانة ومتستهلش كل دا
الدكتور ... انت قريبها
منصور من غير تفكير .... اه فى حكم مرتى كنا هنتجوز جريب
الدكتور .... ادعيلها هى محتاجة دعائك
منصور فعلا نزل لاقرب مسجد وصلى ودعا ليها بس مكنش عارف هو ماله بيدعى ليها علشانها ولا علشان نور استسلم للصلاة وركز فى الدعاء
اليوم التالي ف. قصر الجبالى
الكل كان وصل
رائد ... نور فين يا عمى
فايز ... فوق
ليث الصغير ... انا هطلع انده ليها
وليث ونور فعلا طلعو ل نور
ليث .. عمتو
نور بصت عليه هو ونور وافتكرت طفولتها مع ليث
نور ... انتم جيتو مع مين ؟
ليث ... كلهم تحت عايزين يشوفك
نور من غير روح ... طيب يلا ننزل
ليث ... لأ هما عايزين نور الجبالى عمتى لكن انت نور الضعيفة
نور الصغيرة ... ليث عيب كده
ليث ... لا مش عيب انا كمان عايز عمتو نور اللي مفيش مخلوق كان بيقدر عليها وعمو ليث كمان عايزك قوية وقرب عليها ومسح دموعها عايزة تعيطى عيطى بس اول ما تخرجى منه الباب دا لازم تكونى اقوى من القوة نفسها
نور كانت بتسمعه باهتمام وقالت لنفسها فعلا ليث مش عايز ضعيفى ليث محتاج قوتى مش ليث بس عائلة الجبالي كلها
نور ... عندك حق ومسحت دموعها وقدرت تلبس قناع القوة يلا بينا
نور ... برافو يا عمتو
نور الكبيرة... انا كمان عايزة أنصحكم اوعو تضيعوا ايامكم فى خصام ومشاكل مفيش حاجة تستاهل لكن وجودكم مع بعض يستاهل
ليث ... صح يلا بقا علشان مامى حامل وخلقها فى انفها
نور ... مجنونة طالما حامل جت ليه ؟
نور الصغيرة... مامى قالت ليها كده فرجت علينا المطار وكانت ليله
نور ... ههههههه طيب اقولكم علي حاجة روح يا ليث انت ونور الاسطبل الجو دلوقتي مش حلو تقعدو معانا
ليث ... هوا يلا يا نورى
نور الصغيرة ... يلا
نور قامت علشان تخرج بعد خروج ليث ونور وحشتني قوى يا ليثى
فى الأسفل "
صفا كانت تعبانة بس بتعند وتقول إنها كويسه
نور من علي السلم
نور ... لا انت مش كويسة وحظك وحش كل اللي هنا مفيش دكتور نسا يلا علشان اوديكى المستشفى
صفا بتعب ... انا كويسة انت عاملة ايه ؟
نور ... تمام بخير
رائد ... عمى هيبعت محامى بليل كويس جدا وإن شاء الله خير
نور ... إن شاء الله بس ليث براءته فى ايد دينا ولا اجدع محامى هيعرف يعمل حاجة من غير اعتراف دينا
مليكة .... ان شاء الله دينا هتقوم وهتقول الحقيقة
الكل ... يارب
صفا بدأت تتعب جامد
نور ... قومى قدامى من غير نقاش معايا يا فارس
رؤوف الجبالى .... نور اوعى تروحى لليث دا طلبه
نور بخضوع .... حاضر
وخرج فارس وصفا ونور
فى القسم
الضابط ... اتفضل أفطر يا استاذ ليث
ليث ... شكرا بالهنا
الضابط .. انا مش بعزم مد ايدك ولا انت بخيل مش عايز يوم ما تخرج تعزمنى عندكم
ليث ... يا خبر انت تنور
الضابط ... يبقا يلا افتح نفسي
ليث قرب منه وبدأ معاه فى الأكل
نور وفارس وصفا
وصول واطمنوا ان صفا كويسة بس اللي عندها بسبب الضغط النفسي والمجهود اللي حصل
وطبعا الدكتور اكد علي الراحة التامة
نور... ياريت تسمعى الكلام يا صفا اتفقنا
صفا ... حاضر بس عايزة اشوف ليث
فارس .. لا اولا هو مش عايز حد يشوفه كده ثانيا الدكتور يقول الراحة وانت تروحى وتتعبى تانى لا رؤوف اخوكى يروح ليه ويطمنا كلنا
نور ... فى سرها ممكن يجى يوم اشوف لهفة ليث عليا علشان حامل ولا كده خلاص حياتى انتهت
وفاقت علي صوت دوشة جامدة
نور ... فى ايه ؟
الممرضة ... حالة جت فى الإسعاف بس مفيش نبض واصل وبتها عاملة دوشة جامده
نور وفارس راحو للمكان
نور قربت علي البنت اللي كانت ماسكه فى امها وتقول جومى يا اما جومى عشان خاطرى
نور ... لو سمحت كده غلط خلى الدكتور يشوف شغله
البنت لفت وجها علي صوت نور
... نور انت إهنا امى يا نور الحجيها احب علي يدك ووطت فعلا علشان تبوس ايدها
نور بصدمة ... وفاء اللي بتعمليه دا
وفاء ... الحجى امى يا نور ربنا يخليكى
نور .......
فى مستشفى اللي فيها دينا
منصور لقا الكل بيجرى من العناية
وقف ممرضة ... ايه اللي حصل ؟
الممرضة .... المريضة فاجت هعرف الدكتور
منصور فرح جدا ان دينا فاقت واتحرك ليها فى الداخل علشان يتأكد
دينا كانت مغمضة عيونها
منصور قرب عليها ... دينا فتحى عيونك
دينا بمقاومة شديدة فتحت عيونها ... ممممنصووور
منصور ... أيوة جولى من عمل فيكى أكده يا دينا
دينا غمضت عينها كأنها بتفتكر .وبعدين قالت.. ليث !!!!
