رواية في قبضة الفهد 3 ( عشق الاحفاد ) الفصل السادس 6 بقلم جنات
»» الفصل السادس ««
صباح يوم جديد .
الفهد وصل الشاليه اللى فى شرم مع كل العيله .
فهد وحياه كانو نايمين وصحو على صوت دوشه جوا الشاليه .
حياه:ده صوت حنين مش كدا .
فهد:ايوا قومى البسي اسدال عشان ننزلهم .
حياه قامت بسرعه لبست الاسدال ونزلو .
حياه جرت على الفهد:جدو حبيبي .
الفهد:عامله ايه يا حبيبتى ؟
حياه بعدت عن حضنه وهى فرحانه:كويسه جدا عشان انتو جيتو وهنقضي الاسبوع سوا .
الفهد بصلها باستغراب لانها مش زعلانه او مضايقه لو كان حاصل حاجه اكيد كانت هتبقي مضايقه وخايفه على زعل فهد .
فهد:مش المفروض كنتو هتيجو كمان اسبوع !
ريان:ماكنتش عايزنا نيجى ولا ايه يا فهود .
الفهد:كل الحكايه قولنا نقضي معاكو الاسبوع ونرجع سوا يا فهد .
فهد وحياه سلمو على الكل .
فهد وقف جمب ادم:انت قولت حاجه للفهد؟!
ادم:لا .
فهد:هحاول اصدقك يا ادم باشا ... معرفتش مين صاحب الرقم .
ادم:لا زى ماقولتلك .
فهد:تمام .
حنين:كفايه سلامات بقا ... وتعالو نروح البحر .
سيلا:ايوا بقااا نفسي انزل البحر .
ديما:ياريت .
مراد:انسو .
ادم:مافيش نزول البحر .
حنين:وليه بقااا ان شاء الله !
ايان:واحنا مش امته بنخليكو تنزلو البحر .
حنين قربت من الفهد:جدو لو سمحت .
الفهد:بدام كل واحد مع مراته خلوهم ينزلو .
حنين:ايوا بقااا يا جدو يا قمر انت .
تمارا:اطلعو يلا غيرو ... وياريت الشباب اطلبو اكل مش قادرين نطبخ .
زين:شوفو عايزين تاكلو ايه يا توتا .
البنات:سمك .
فهد:طب اطلعو غيرو واجهزو للبحر وانا هطلب الاكل .
الفهد:هتنامو زى المرة اللى فاتت .
تمارا:ايوا احنا والبنات فى اوضه مع بعض وانتو اتصرفو بقااا .
راكان:الحق يا فهد دى بتقولنا اتصرفو انتو .
كنان:احنا كل مرة بنيجى هنا بيقلبو علينا .... مش عارف ليه ؟!
تمارا:احنا ما بنصدق نيجى هنا عشان نقضى الليل كله سوا .
مريم:بظبط كدا .
الفهد:طب يلا اجهزو .
الكل طلعو على الاوض عشان يجهزو .
حياه بصت على فهد اللى واقف وبيكلم فى فونه .
فهد طلب الاكل وبيلف لاقى حياه واقفه وبتبتسم .
فهد ابتسم وقرب منها:ما طلعتيش معاهم ليه يا حياه .
حياه:انت كويس يا فهد ... حساك متغير ... فى حاجه شغلاك وبتفكر فيها .
فهد باسها من راسها:انا كويس يا حياتى يلا روحى اجهزى معاهم .
حياه:حاضر .
حياه سابته وطلعت ووقفت لما الفهد نادى عليها .
حياه:نعم يا جدو .
الفهد:هو فى حاجه تانيه اتبعتت ليكى يا حياه ؟!
حياه:حاجه زى ايه يا جدو ؟!
الفهد:زى الورد اللى كان جه ليكى .
حياه:لا يا جدو .... ليه يا جدو فى حاجه حصلت ؟!
الفهد:فهد كلم ادم امبارح بليل وبعتله رقم يعرف مين صاحبه عشان كدا فكرت حد بعتلك حاجه تانيه .
حياه:مش عارفه يا جدو وفهد ماتكلمش معايا فى اى حاجه .
الفهد:تمام يا حياه اطلعى اجهزى معاهم يلا ... ومتفكريش فى حاجه وبلاش تسالى فهد عن حاجه .
حياه:حاضر يا جدو .
حياه طلعت اوضتها والفهد دخل اوضته .
بعد شويا الكل جهزو ونزلو وراحو على البحر .
والاكل وصل وكلهم اكلو سوا فى جو مليان ضحك وهزار وحب العيله .
حنين:يلا بقا ننزل البحر .
كل واحد نزل مع مراته .
فهد قرب من حياه اللى لسه قاعده مكانها وقعد جمبها:انتى مالبستيش بوركينى ليه يا حياه عشان تنزلى زيهم !
حياه حطت راسها على كتفه:انا مستحيل اعمل حاجه تضايق حبيبى او تزعله منى .
فهد ابتسم:بس الفهد اخد القرار والكل نزلو وانتى كان نفسك تنزلى البحر يا حياه .... صدقينى مش هزعل .
حياه:عارفه ان جدو قال كله ينزل مع مراته ... بس انا حابه افضل معاك هنا يا فهد .
فهد:تيجى نقوم نتمشي .
حياه:يلا .
فهد وحياه قامو اتمشو واتكلمو كتير وفهد حاول ينسي اللى كان مضايقه لانه مش عايز علاقته بحياته تتأثر بسبب شخص مجهول ...ولانه متاكد ان حياه بتعشقه هو وبس ومستحيل تبقي لحد غيره .
خلص اليوم والكل رجعو على الشاليه وراحو عشان ينامو .
بقلم الكاتبة جنات
ــــــــــــــــ★ــــــــــــــ
فى ايطاليا .
عند جاد .
اللى قاعد فى مكتبه الخاص فى شركته .
جاد لسكرتيرة:عايزك تبعتى ايميل لشركه الفهد .... انه يجى هنا عشان نمضي العقود .
السكرتيرة:حاضر مستر جاد .
جاد:اتفضلى على شغلك .
السكرتيرة خرجت وحازم بص لجاد:تفتكر انه هيوافق !
جاد:انا روحت لحد عندهم ومضينا عقد ... يبقي هو يجى عشان نكمل العقود لانى مش هعرف اسافر الفترة دى .
حازم:اعتقد انه هيبعت اى حد تبعه لكن هو يجى صعب .
جاد:ده شغل مش لعب .... واعتقد الفهد اذكى من كدا ... اكيد مش هيبعت اى حد يوقع عقود كبيرة زى دى .
حازم:يمكن ... هروح اشوف شغلى انا بقااا .
جاد:روح .... وهما اكيد لما يوصلهم الايميل هيحاولو يوصلو ليا او ليك ... عارف هتقولهم ايه ؟!
حازم:اكيد يا بوص .
حازم خرج من المكتب وجاد رجع بضهره عل الكرسي .
بقلم الكاتبة جنات
ــــــــــــــــ★ــــــــــــــ
فى شرم الشيخ .
حياه دخلت اوضتها هى وفهد اللى كان بياخد شاور .
حياه بصت على فونه ومسكته ودخلت على المسدجات تشوف لو جاله حاجه بس مافيش .
دخلت على الواتس لاقت رقم غريب باعتله مسدج امبارح بليل ... واتصدمت لما فاتحتها وشافت صورها وكمان المسدج .
حياه قفلت الفون وحطته مكانه ونزلت بسرعه عشان تقول للفهد .
حياه نزلت كان الفهد واقف مع زين واسر:جدو .
الفهد لما بصلها حس ان فيها حاجه .
اسر:مالك يا حياه وشك مخطوف كدا ليه ؟!
الفهد:انا طلبت من حياه تجبلى صور التصميم عايزين نناقشه سوا .
زين:بس حضرتك قولت ان احنا فى اجازة وممنوع نتكلم فى شغل .
الفهد:ده تصميم خاص بالمنتجع اللى هنا فى شرم يا زين ... حابب اشوف التصميم قبل ما اروح اشوفه بكرة .
زين:وليه حضرتك تتعب نفسك انا واسر نروح نشوفه بكرة .
الفهد:حابب اتابعه بنفسي .
زين:اللى تشوفه حضرتك .
الفهد:تعالى معايا برا يا حياه .
حياه مشت مع الفهد وخرجو قعدو برا قدام البيسين .
الفهد:فى حاجه اتبعتت ليكى ؟!
حياه هزت راسها بلا:فى مسدجات ابتعتت لفهد امبارح بليل يا جدو .
الفهد:بتقول ايه .
حياه قالتله على الصور والمسدج .
حياه:عشان كدا فهد كان مضايق ومتعصب يا جدو ... بصراحه معاه حق .... انا خايفه لما يوصل لصاحب الرقم يعمل فيه حاجه يا جدو .
الفهد:اهدى يا حبيبتى انا متابع الموضوع مع ادم وهو لسه موصلش لصاحب الرقم واكيد لما ادم يوصله انا هعرف قبل فهد .
حياه:ياريت يا جدو .
الفهد:اطلعى ارتاحى معاهم يلا وبلاش تعرفى فهد انك شوفتى المسدجات .
حياه:حاضر يا جدو .
حياه طلعت والفهد فضل يفكر كتير وبعدها طلع عشان ينام .
بقلم الكاتبة جنات
ــــــــــــــــ★ــــــــــــــ
صباح تانى يوم .
الفهد قاعد مع الشباب .
الفهد بعصبيه:يعنى ايه كلامه ده ... مستحيل يحصل .
حسن:يا فهد هو بيقول مش هيقدر يجى .
زين:لو حضرتك مش عايز تروح ممكن اى حد فينا يروح .
الفهد:مش هيحصل .... انا عمرى ماروحت لحد .... اللى بيحب يشارك الفهد بيجى لحد عنده .... كنان تبعتله تقوله لو عايز يمضي العقود يجى يمضيهم فى الشركه ياما نفضها سيرة ونخلص .
الفهد قال كلامه بعصبيه وسابهم ومشي .
حسن:كنت متاكد انه هيرفض على فكرة .
راكان:ماهو معاه حق ... ازاى يعنى الفهد يروح لحد عنده .
اسر:المفروض هو اصلا ميطلبش طلب زى كدا .
ريان:واكيد هو عارف الرد عليه .
مراد:بصراحه الواد ده غامض اوى ومش مريح .... بس مرتاحله الصراحه .
ادم:وانا زيك .... بس لما دورنا وراه مافيش اى غبار عليه .
حسن:الفهد اللى طلب منك مش كدا ؟!
ادم:ايوا ... بس الشاب نضيف وماعندوش اهم من شغله .
حسن:ده اللى قولته لفهد .
ادم:مالك يا فهد ساكت ليه؟!
فهد:مافيش بس مش فايق لامور الشغل دى ... عن اذنكو .
فهد مشي وادم راح وراه .
ادم:مالك يا بنى ؟!
فهد:انت معرفتش حاجه عن الرقم يا ادم ؟
ادم:يابنى والله الرقم مغلق وكمان مش متسجل .
فهد بعصبيه:مغلق ازاى وهو بعتلى مسدجات امبارح تانى .
ادم:مسدجات ايه اللى بيبعتها .
فهد فتح فونه وادم اخده منه وشاف صور حياه والمسدج وكمان الصور الجديده اللى بعتها ليه بليل .
وكانت صور لحياه وهى بتضحك معاه .
ومعاها مسدج "متفرحش كتير .... الضحكه دى مش هتكون لحد غيرى بعد كدا حتى لو هخلص منك عشان تكون حياه ليا "
ادم:مين المجنون ده ؟
فهد:انت بتسالنى يا ادم !
ادم:استنى هكلم رياض صاحبي .
ادم راح بعيد وكلمه وبعد شويا قفل معاه ورجع تانى لفهد:للاسف يا فهد بيفتح اقل من دقيقه وكدا مش هنقدر نحدد اى حاجه عنه وخصوصا انه مش متسجل .
فهد:انا هتجنن يا ادم لما يبقي واحد بيصور مراتى صور زى دى ويبعتلى الكلامه ده ....ده لو لاقيته هقتله بايدى .
ادم:اهدى يا فهد خلينا نفكر بالعقل .... اللى بيصور الصور دى قريب مننا ومعانا ... انت شايف الصور قريبه ازاى .... يعنى الشخص ده مش بعيد ومعانا هنا فى شرم .
فهد:شرم مليانه ناس يا ادم .
ادم:بص المكان اللى تكون فيه حياه لازم عينيا تكون مفتوحه على الاخر ... لو لقينا حد ماسك كاميرا او فون بيصور بيه وموجهه على حياه يمكن نقدر نوصل لصاحب الرقم .
فهد:تمام لو خرجنا النهارده هنعمل كدا .
ادم:من رايي نجيب الشباب معانا عشان نبقي كلنا مركزين .
فهد:تمام ... بس قول لايان ومراد بس بلاش الكبار .
ادم:تمام هكلم مراد يجيبه ويجى .
بعد شويا كانو الشباب كلهم سوا وفهمو كل حاجه وقامو عشان يخرجو مع العيله وينفذو خطتهم .
بقلم الكاتبة جنات
ــــــــــــــــ★ــــــــــــــ
العيله كلها اتجمعت على البحر وكانو مبسوطين .
الشباب كانو قاعدين جمب بعض وعينيهم بتلف على المكان كله من حوليهم .
واتغدو كلهم سوا .
وبعد وقت طويل مافيش اى جديد ولا الشباب لاحظو اى حاجه غريبه .
ايان بهمس لشباب:مافيش اى حاجه ... انا عينيا وجعتنى يا جدعان .
مراد:احنا هتابع كل حاجه لاخر اليوم لما نشوف بقا .
ادم:شباب .
كلهم بصوله .
ادم:بصو كدا على الشاب اللى واقف فى بلكونه الشاليه اللى على شمال الشاليه بتاعنا .
الشباب كلهم بصو عليه .
مراد:ده بيصور بفونه .
فهد:يبقي هو ابن الـ....
ادم:فهد اهدى مش عايزين حد يلاحظ حاجه .
فهد قام وقف:انا هروح الشاليه بسرعه وجاى .
جنه:روح يا حبيبى .
فهد اتحرك بهدوء والشباب قامو على اساس رايحين يجيبو حاجه ولما بعدو عن العيله اتحركو بسرعه .
فهد وصل عند الشاليه وخبط بعصبيه على الباب وواحده من الخدم فتحتله وهو مستناش انها تتكلم وطلع على فوق باقصي سرعه والشباب جرو وراه .
فهد شد الشاب اللى واقف فى البلكونه ودخله الاوضه وشد منه الفون وضربه بالبوكس بكل قوته .
ادم شد فهد:اهدى مش كدا لما نفهم الاول .
الشابه واسمه سليم:انت مجنون ازاى تعمل كدا وكمان بتتجهم عليا فى بيتى !
مراد اخد الفون من فهد وجرب يفتحه بس كان ليه كلمه سر بص لشاب:افتحه بسرعه .
سليم:وليه بقاا .
ادم:افتح من سكات احسن ما تنام فى الحبس النهارده .
الشاب خاف وفتح الفون ومراد بدأ يدور فيه وبص لشباب قربو منه وشافو ان الشاب كان بيتصور سيلفى وكمان مصور المكان حوليهم بس مش جايب اى حد وتركيزه كان على البحر بس .
ادم بص لسليم:احنا اسفين فكرناك بتصور حد من عيلتنا.
سليم مسح الدم اللى نازل من مناخيره ومراد ساعده يقف .
فهد:انا اسف .
فهد قال كدا وخرج من الشاليه كله وراح على الشاليه بتاعهم وطلع على اوضته .
الشباب اعتذرو كتير من سليم وهو اتقبل اعتذارهم والشباب راحو للعيله تانى .
حياه شافت ان فهد مش مع الشباب .
قامت وراحت الشاليه وطلعت الاوضه كان فهد قاعد على السرير وشكله متعصب .
حياه:فهد انت كويس ؟!
فهد رفع وشه وبصلها:كويس .
حياه قعدت جمبه:انت زعلان منى فى حاجه ... انا عملت حاجه ضايقتك .
فهد.....
حياه:رد عليا يا فهد انا ملاحظه انك متغير من وقت ما جينا هنا .
فهد:لو سمحتى يا حياه مش عايز اتكلم الوقت سبينى لوحدى .
حياه:طب فهمـــ ..
فهد بصوت عالى:حــــيــــاه قولت مش عايز اتزفت اتكلم الوقت .
حياه اتخضت من عصبيته ... تقريبا دى اول مرة فهد يعلى صوته عليها كدا .
وخرجت بسرعه من الاوضه وهى بتعيط .
فهد اتنهد بعصبيه وحاسس انه هيتجنن بسبب كل اللى بيحصل .
حياه خرجت بسرعه وهى بتجرى واتخبطت فى الفهد:مالك يا حياه ؟!
حياه اترمت فى حضنه وعيطت اكتر .
الفهد ضمها لحضنه:هشش اهدى ... تعالى نتكلم بعيد .
الفهد اخدها ودخلو اوضه:بتعيطى ليه ؟!
حياه حكيتله اللى حصل وهى بتعيط .
الفهد:طب اهدى وانا هتصرف معاه بطريقتى .... روحى اغسلى وشك وبلاش حد من العيله يلاحظ اللى بيحصل .
حياه:حاضر يا جدو .
الفهد كان متعصب من فهد لانه مش بيحب يشوف اى بنت من بنات العيله زعلانه او بتعيط ...
