رواية فرنسية في الصعيد الفصل السادس والعشرين 26 بقلم جودي ياسر
الفصل السادس و العشرون
+
كان يجري احدي الرجال بالبلد ويصرخ بعلو صوته : الحجونا يا خلق الحجونا يا ناس هشام العزايزه اتجتل .
كان كل من يسمع الخبر ينطلق مسرعا الي منزل هشام العزايزه...
في منزل هشام العزايزه.
كانت النساء تولول بطريقه مفزعه.
والمنزل مليء بالشرطه
وهناك سياره اسعاف تنقل الجد الي المشفي .
كان قاطع النفس حملت عربيه الاسعاف هشام العزايزه .
الظابط ويدعي جمال يحدث ظابط اخر يدعي حمزه.
جمال وهو ظابط مباحث محنك منقول الي الصعيد منذ فتره وكان يحترم هشام العزايزه جدا .
جمال : قتل هشام العزايزه مش طبيعي وخصوصا ان حفيده مش هنا وعارفين ان البيت مفيش راجل هنا الحريم بس .
حمزه بحزن هو ظابط صعيدي : كبيرنا يا جمال بيه انجتل بسهوله اكده كيف.
جمال : هنشوف يا حمزه واوعدك مش هسيب اللي عملها....
..........
كان بدر وزجل يعودون من القاهره وهم يشعرون بالهدوء والراحه فيما بينهم واخيرا استقرت الامور لم يكن يعلم ان النار اشتعلت بالصعيد وان جده هشام العزايزه قد قتل .
اخيرا وصل بدر الي البلد ولكن كان يلاحظ شيء غريب الناس تنظر له وينظرون ارضا لا يعلم لماذا شعر وكان هناك شيء طبق علي صدره.
اخيرا وصل الي منزله وجد صوت النساء يصرخ من الداخل وجميع رجال العائله هناك و بعض افراد الشرطه .
زجل بخوف وهي تمسك يده بالسياره : بدر في ايه .
بدر بجديه : انزلي علي جوه عدل ووشك في الارض.
وبالفعل فعلت زجل ما قاله بدر .
نزل بدر من السياره واقترب من الرجال.
وقال بصوت قوي : السلام عليكم.
الجميع رد عليه السلام قائلين : وعليكم السلام.
بدر : مالكم وجفين اكده ليه .
نظر الجميع ارضا وسمع صوت والدته تناديه بصراخ من الداخل و من ورائها عمه فارس يركد ورائها حتى يوقفها .
الام بصراخ وبكاء : ولدي بدررررر .
دخل بدر مسرعا الي والدته وامسك بكتفيها وهي تبكي نظر لها بفزع وقال بخوف : بتبكي ليه يا امه حوصل ايه واني غايب .
الام بقهر : جدك يا ولدي... .
ولم تستطع أن تكمل جملتها وبكت بقوه .
ف قال بدر بخوف شديد : ماله جدي يا امه اتكلم يا عمي فين جدي حوصل ايه .
فارس ب نبره حزينه : جدك انجتل يا بدر.
حينها وقف بدر كالصنم ماذا قال جدي انا هشام العزايزه قد قتل كيف هذا ؟ ومتى حدث ؟ من الاكيد انه نائم ويحلم مستحيل ان يتكرر قتل والده مرتين لالا جده من المستحيل ان يقتل من يقتل هذا الرجل الحكيم هذا الرجل العادل الذي يحكم بالعدل حتي لو كان الظالم اقرب الناس اليه هذا الرجل الذي لم يكن بصدره اي ضغينه الي احد حتي انه كسر الشرط وزوج بنات العزايزه لما قتلوا والده خوفا فقط عليه وعلي البقيه من بحور الدم صدق من قال ان الصعيد نار لا تهدا من الثار .
انزل بدر يديه من علي والدته واتجه مسرعا الي غرفه جده وجدها فارغه ليس بها وهناك اثار دم علي الكنبه وعلي الارض .
خرج مسرعا من المنزل يصرخ بالرجال بغضب : جدي وين.
احد الاشخاص : في المستوصف الظابط نجله هناك.
اتجه بدر الي سيارته وانطلق الي جده وكان عمه فارس معه كي لا يفقد أعصابه هناك .
بينما كانت زجل بالداخل تشعر بالخوف وتفكر .
زجل بتفكير هل ذهابها هي و بدر هو سبب قتل هشام العزايزه هل اتيحت الفرصه امام القاتل ليفعلها بعدم وجود بدر ولكن يا خوفها من ان يكون القاتل هو بدر بنفسه حينها لا تعلم ماذا تفعل ......
.........
في منزل اسد الصعيدي ...
كانت عشق تجلس علي احدي الكراسي بغرفتهم تسمع موسيقي وتنظر الي احدي مجلات الموضه.
حين فتح الباب ودخل أسد وكانت ملابسه عليها اثار دم .
عشق بدهشه : ايه ده دم .
اسد : ها اه دم من الفرسه اصلها اتعورت .
عشق : حصلها حاجه .
عشق : لاه لاه محصولش حاجه.
عشق : الحمد لله.
اسد : اني هدخل اتسبح واجي نتعشوا سوا .
عشق : اوك هخليهم يحضروا العشا .
خرج اسد من الحمام بعد الاستحمام وهاهو يجلس يشاهد التلفاز . الي جانب عشق لحين ان ياتي الخدم بالاكل.
دق الباب
اسد : خشي يا هنيه.
دخلت هنيه وهي تفرك يدها بخوف وتوتر .
عشق بدهشه فقد اتت فارغه اليدين : فين العشا كل ده مخلصش .
هنيه : يا هانم اصل يعني .
اسد بعصبية : فيه ايه خلصي في حديتك مالك واجفه اكده مش علي بعضيكي .
هنيه : جه غفير من بيت العزايزه وجال ان يعني .
عشق وهي تقف وتقترب منها بخوف : خلصي قال ايه .
هنيه وهي تنقل نظرها من عشق إلى اسد : بيجولوا ان جد حضرتك انجتل .
عشق بغضب هستيري : انتي حيوانه ازاي تقولي كده امشي من هنا.
خرجت هنيه مسرعه بينما اقتربت عشق من اسد ولا تدري ماذا تفعل كانت في حاله غريبه .
عشق : شفت الغبيه بتقول ايه ههههههه شكلها بتهزر صح.
اسد هو لا يعلم ماذا يجيبها لاول مره يراها هكذا ضعيفه مكسوره تهذي .
اسد : اكيد .
عشق وهي تقترب منه وتنظر له برجاء : اسد ممكن ارجوك نروح له نزور جده دلوقتي .
اسد : البسي خلاجتك واني هغيير و نروحوله دلوكت .
وبالفعل ارتدت عشق ملابسها تحت متابعه اسد لها كان يراها ترتعش بقوه ووجهها شاحب للغايه وشفتيها بيضاء لا يعلم ماذا حدث لها ولكن ما يعلمه علم اليقين ان قتل هشام العزايزه لن يمر هكذا....
...........
وصل بدر وفارس الي المشفي وجد رجال الشرطه هناك .
بدر وهو ينظر اليهم بغضب ناري :جدي وين.
جمال : بدر بيه الجد هنا في المستشفي البقاء لله .
بدر : اني بجولك جدي وين ومين جالك اني بجبل العزا عشان تعزيني جولي جدي وينه .
فارس : اهدي يا بدر يا ولدي .
بدر : متجوليش اهدي يا عمي اني مش ههدي غير ما شوف جدي بعنيه التنين .
الظابط : مش هتقدر تشوقه ممنوع لمس الجثه .
بدر بغضب : انته عتجول ايه بتخرف اياك.
جمال بعصبيه : انا مقدر اللي انته فيه بس كل اللي اقدر اقولهولك انك مش هتستلم الجثه ولا تشوفها غير بعد التشريح قدامك اسبوع يا بدر بيه .
اقترب منه بدر بغضب ومسك بخناقه والرجال تحجز بينهم .
فارس : اهدي يا بدر يا ولدي مش أكده حكم عجلك زين .
حمزه : يا بدر بيه مش اكده جمال بيه عنديه حج في حديته .
بدر بغضب : جبر يلمكم كلياتكم بعدوا عن طريجي .
وكان يدفعهم ليدخل الي داخل المشفي يبحث عن جده بنفسه وياخذ جثمانه للدفن .
جمال بغضب لرجاله : طلعوا الناس دي بره واي حد يحاول يدخل ممنوع وحراسه هنا 24ساعه ونظر الي بدر الذي امسكه رجال الشرطه بقوه اي حد شفوا اي حد يخالف كده يتمسك ويجيلي فاهمين .
الرجال : حاضر يا فندم .
وبالفعل خرج الجميع ووقف امام المشفي والكل يخاف من بدؤ لا احد يجرو علي الاقتراب منه.
..........
في العين السخنه
كانت ليل وهلال يقومون ياعداد طعام بالمطبخ .
ليل بضحك قوي : انت بوظت الدينيه اهنيه ديه مبجاش موطبخ .
هلال : ههههههه مين ده انا شيف متميز .
ليل : علي يدي ههههههه .
هلال : جربي انتي السلطه دي بعد ما اخلصها وانتي تدمنيها.
ليل بسخريه : سلطه لاه وعلي ايه تتعب جوي اكده .
كان هلال يهم بالرد حين رن هاتفه .
كانت ليل تلاحظ تغير ملامح هلال وشحوب وجهه لا تعلم من المتصل ولكن ما تعلمه ان هناك شيء مريب قد حدث.
اغلق هلال الخط
ليل : مين .
هلال : بابا .
ليل بتوتر : فيه حاجه .
هلال وهو لا يعرف ماذا يقول امسك بكتفيها بقوه ونظر بعيونها وقال : احم ليل جدي هشام اتقتل .
ليل بصراخ : لالاه جدي لاه .
هلال وهو يحتضنها بقوه وهي تنتفض بين يديه : اهدي يا ليل اهدي الله يرحمه بلاش كده حرام ادعيله يا حبيبتي ادعيله افضل حاجه بلاش تعذبيه بعمايلك دي حرام يا حبيبتي .
ليل ببكاء : جدي يا هلال جدي ابوي يا هلال حبيبي يا جدي .
هلال بحزن : الله يرحمه ادعيله واجمدي يا ليل لازم نروح الصعيد لازم تكوني قويه عشان اللي هناك .
ليل ببكاء : راح ابوي يا هلال ل راح الحيط اللي كنت بداري فيه واسند عليه راح حبيبي يا هلال جلبي وجعني جوي خد روحي معاه يا هلال .
هلال وهو يمسك بوجهها ويمسح عيونها بقوه : اهدي واثبتي عشان الي جاي .
بكت ليل وهي تهز راسها بالموافقه .
وهاهم يستعدون للذهاب الي الصعيد وكلهت ساعات وتصل وتعود ليل الي منزلها ولكن هل بطريقه نهائيه ام ستعود مع زوجها ثانيه.....
..................
كان بدر يقف يغلي من الغضب امام المشفي وعمه يحاول أن يهدئه .
حين اقترب منه احدي رجاله .
الرجل : بدر بيه .
بدر بغضب : فيه ايه.
الرجل بخوف : عوز اجولك حاجه مهمه .
بدر : جول وخلص في حديتك .
الرجل بتوتر : اني شفت اسد الصعيدي خارج من عند الجد وقت ما سمعت عيار الطلج وهو بيجري وخايف يا بيه .
بدر بصدمه : اسد الصعيدي جتل جدي .
+
**********************
+
بارت انهارده قطع قلبي أوي وانا بكتبه راح القلب الطيب الشخص النضيف الي بيحب الخير لاحفاده وعايز راحتهم راح ومش هيرجع حزينه جدا أن مفيش هشام العزايزه تاني الي اسمه بيهز الصعيد كلها بس زي ما بيقولوا دي سنة الحياه ومش كل الروايات ابيض يا ورد في حكايات كتير بتبقي اسود يا ورد مستنيه رأيكم في الكومنت دمتم بخير وعافية وفي حفظ الله ورعايته ❤️❤️
