رواية اكره ابي ولكن الفصل العشرين 20 بقلم ميرا اسماعيل
البارت (20)قبل الاخير
رواية اكره أبي ولكن! تأليفي ميرا إسماعيل
ــــــــــــــــــــــــــــــــــــــــــــــــــــــــــ
ازيكم يا حبايب قلبي انا بجد مبسوطة من تفاعلكم معايا جدا بس عايزة اكد علي شوية حاجات
1 الناس اللي بتسأل على سيف سيف دا صاحب شركة وكان جايب عربيات لتعديل سرعتها في شركة يوسف اخته ايلين اللي عملت مشكلة ل سفيان وسيدرا اللي آدم كان غيران منه علي مريم
2 أيمن يا جماعة ايمن هو اللغز انا مذكرتش عنه اى حاجة قبل كده وفى اخر الفصل اللي فات قلت انه ابو سيف بالنسبة للناس اللي بتقول ازاى بيقول ان مريم ريهام وخطفها علي الاساس دا ايمن خطف مريم ل سيف لانه كان عايز ابنه يفوز بحبه وميخسرش زى ما هو خسر لكن الشبه اللي بين مريم ريهام واللي اكدت عليه قبل كده كذا مره وهنعرف الفصل دا هو ليه صمم ان مريم ريهام هل هو هوس فعلا!!!؟
في فيلا يوسف
فاطمة .. مش لو كان قرار المراقبة طلع كان زمان عرفتو توصلو ليها
يوسف .. كل خير ان شاء الله المهم اننا اطمنا
ادم .. بس انا مش مطمن دا واحد خطف مريم وفاكر انها ريهام انت متخيل ممكن يعمل ايه فيها ادم مجرد التخيل انها مع راجل غير سوى وفاكر إنها حبيبته ممكن يعمل ايه بيتجنن
توفيق .. اهدى يا ادم مريم مش ساهله
يوسف.. خلى ثقتك فى ربنا كبيره
فاطمة .. انا هقوم اصلي وادعى ربنا يرفع عنا الهم والغم اللي احنا فيه ويرد مريم لينا سالمه
توفيق .. ربنا يتقبل احنا كمان يلا يا ادم ونيجى الصبح
ادم .. انا مش منقول من هنا
حنين .. اسفه انى بدخل بس احنا كلنا لازم نرتاح خصوصا احنا مش عارفين بكره مخبى ايه
سيدرا .. والله انت بقا بتطردينا صح
حنين .. انا والله ابدا انا كنت لسه هكمل كلامى
سيدرا .. طبعا لازم تقولى كده مريم فعلا عندها حق
يوسف .. سيدرا ممكن تهدى احنا مش ناقصين وانا متأكد ان حنين مش قصدها
حنين .. والله فعلا مش قصدى انا كنت هقول انت ومازن تنامو فى غرفتك وانكل توفيق ينام في غرفة الضيوف وادم ممكن هنا تنام مع ماما وهو ينام في غرفتهم
ادم .. لا طبعا انا بعد اذنك ممكن انام في غرفة مريم
يوسف .. ماشي يا ادم اطلع وفعلا كله طلع علشان ينامو لكن هل فعلا ممكن ان تنام العيون فى ظل قلق القلوب
عند مريم
ايمن بيقرب علي سيف .. دى ريهام انت فاهم
سيف .. بابا ريهام ماتت وانت بنفسك دفنتها ولا نسيت بس معتقدش انك نسيت لانك لغاية امبارح كنت عند قبرها
ايمن .. بس رجعت تانى ومفيش قوة هتبعدنى عنها
ايمن بيبص ل مريم اللي واقفه مش فاهمه حاجة كان دماغها وقفت عن العمل تماما
ايمن .. اطلع بره يا سيف وحسابى معاك بعدين وبصوت رعبهم كلهم برررررة
سيف .. بابا
ايمن .. ولا كلمه
وفعلا خرج سيف وهو مش فاهم ايه اللي حصل لابوه
أيمن بيقرب علي مريم ومريم بترجع بخوف ظاهر عليها
مريم بخوف .. انتو عايزين منى ايه ؟ انا هنا ليه!
ايمن .. طول ما انت خايفة منى مش هنتكلم اهدى علشان نتكلم يا مريم
مريم باستغراب .. انت قولت ايه قولت مريم مش ريهام
ايمن قعد.. ايوة انا عارف انك مريم مش ريهام ومتاكد ان ريهام ماتت زى ماسيف قال انا حضرت دفنتها مش بس كده انا انا اللي وبلع ريقه انا اللي قتلتها
مريم .. مش ممكن نهى هى اللي قتلتها انت مين وبصوت تعب من كل حاجة حصلت ليها عايز منى ايه خرجنى من هنا أرجوووووك
ايمن .. لازم نتكلم لازم تعرفي اللي عملته من شوية ل مصلحتك سيف عمره ما هيقرب منك طول ما انت في حمايتى ومش هتكونى تحت حمايتى غير وانت ريهام
مريم .. انت عايز تجننى انا مريم وسيف هيعمل ايه وحماية ايه انت بتخرف ومش عارف بتقول ايه
ايمن .. اقعدى واسمعينى سيف ابنى جالى وقالى انك عجبتيه وان هو عايزك لما عرفت انت مين كان فى نفس توقيت طلب فواز قتلك حسيت انى لو عملت دا هكون بدمر سيف فرفضت ونهى طلبت قتل فواز وساعدتها وحكى ل مريم طريقة موت فواز
مريم بانهيار .. انتو مش بنادمين انتو وحوش
ايمن بغضب .. فواز هو اللي وحش هو اللي قتل كل حاجة حلوة جوايا انت لازم تهدى وتسمعينى وصدقينى انا كنت الاول عايز افرح ابنى لكن انت روح ريهام .لو بتحبي جوزك فعلا انا هساعدك أنا معنديش استعداد اعزب صورة ريهام
مريم .. همست اسم ادم حست اد ايه هو وحشها بس افتكرت انه زهق منها عيونها دمعت غصب عنها
مريم ل ايمن .. احكى
ايمن .. كنت اعرف فواز بس طبعا هو الغنى وانا ابن الخدامة ريهام كانت بنت عم فواز وكانت بتيجى عندنا الفيلا كتير واتعرفنا وحبينا بعض وفواز كان عارف مكنش بيفرق معاه لانه معندوش قلب الدنيا كانت حلوة أحلامنا كبيرة بس نسينيا ان كل حلم لازم ليه قوة وانا كنت ضعيف وكل حاجة اتغيرت بعد موت جدك ابو ريهام ودا كان اخر سند ل ريهام عمها اللي هو جدك ابو فواز اتفق انه يجوز فواز ل ريهام امك اما عرفت اتجننت وراحت ل فواز تترجاه يقبل وطبعا رفض قالت ليه عمرها ما هتحبو قال ليها ولا انا انا كل اللي عايزة الفلوس وأطفال تكبر اسم عائلة النجار ساعتها امك جاتلى وقررنا نهرب بس فواز كان ذكى وصل لينا بسرعة البرق وحبسنى في مكان القبر جمبه رحمه واتجوزو القبر اللي كنت محبوس فيه في نفس الفيلا اللي اتجوز فيها ريهام وفواز كنت بسمع صوت صريخها وعياطها وهى بتترجى فواز ميقربش منها وهو كانه بيتمتع بعذابها وبعد ما يخلص معاه ينزل عندى ويخلي رجالته تنزل فيا ضرب فضلنا كده شهور
مريم .. ليه كان بيعمل كده ؟
ايمن .. فواز متعود ياخد وبس ولما ريهام رفضته اتجنن مع انه عارف اننا بنحب بعض المهم بعدها اكتشف أن ريهام بتاخد مانع حمل وأما عرف اقوم الدنيا هى وعدته انها هتبطل الحبوب قصاد خروجى وفعلا وافق لان جدك كان عايز حفيد باى شكل وكان مصمم ان الحفيد يكون من اصل النجار
مريم بحزن .. وبعدين
ايمن .. خرجت ضايع خسرت كله حاجة اترفدت من شغلي ولقيت امى ماتت بحسرتها عليا وكان قدامى خيار واحد اكون قوى علشان اعرف اكسر فواز
مريم .. وبقيت قوى علي دم الناس !!
ايمن .. كان في واحده كانت تعرفنى وكانت بتحبنى اتجوزتها علشان يبقا معايا المال والقوة اللي احرر بيهم امك من قبرها في التوقيت دا امك خلفت يوسف وانا لقيت نفسي فى دوامة طلعت مراتى تبع المافيا وبتجند ناس دى وظيفتها كان قدامى خيارين احوال اطلع بره الدوامه وطبعا هتفرمنى او اكمل وابقا اقوى منه
مريم .. بتهكم مش محتاجة أسأل
ايمن .. فعلا سافرت وبدأت اشتغل معاهم وكبرت بس فواز كمان كان كبر وامك بقت حامل فيكى كنت بعرف كل اخبارها ورجعت مصر واتعرفت علي نهى وكانت المهمة انها تتجند لينا حسيت انها تقدر توقع فواز وفعلا بدأت من هنا وانت طبعا عارفة اتجوزو ازاى وكان الاتفاق انها تفضل ورا فواز لحد ما يكرهكم ويطلق ريهام وهى تعيش في هنا ونعيم بس حصل اللي مكنش علي البال فواز فعلا بدأ يكرهكم ويفكر انه يخلص من ريهام خصوصا موت ابوه اداله مساحة حرية كبيرة لكن امك طلعت حامل فى اخواتك كنت هتجنن خلاص هتبقا فى ايدى ليه يحصل كده فواز استحالة يسيبها علشان شكله قدام الناس
مريم ..كان ممكن تخطفها زى ما عملت معايا
ايمن .. انت متعرفيش ريهام كانت هترفضنى لو عملت كده ولو عرفت ان دا شغلي هترفض علشان الفلوس اللي جايا من وراه حرام
مريم .. انت مش مصدق انها حرام
ايمن .. واللي حصل ليها مش حرام ذلها ل فواز مش حرام حياتى اللي دمرت بسببه مش حرام احنا كل حاجة حوالينا حرام
مريم .. انا مش هدخل معاك فى حوار ملوش نهايه وبعدين
أيمن .. طلبت من نهى تديها دوا يسقطها علشان فواز يطلقها
مريم بصدمة .. ايه
ايمن .. ايوة مع الاسف ودى كانت غلطة عمرى امك كانت ضعفت واخواتك اتمسكو بالحياة اكتر لغاية اما نزفت يومها عرفت من نهى قررت اروح ليها بس كنت اتأخرت حتى انى اودعها كانت ماتت ومات معاها اخر حاجة فيا
مريم .. يعنى امى ضحية طمع انت كنت طمعان ترجع امى ليك بأي شكل وطمع فواز اللي دمرها
طول عمرى نفسي اخلص من نهى علشان اكون جبت حقها اتارى حق امى في ايد اكتر واحد هى حبيته انتو الاتنين العن من بعض وامى واحنا دفعنا تمن طمعكم خرجنى من هنا
ايمن .. اسمعيني يا بنتى
مريم .. انا مش بنتك انت جاى تقولى ان كل الذل اللي شوفناه في حياتنا بسببك بسبب حب امى ليك دا مش حب الحب مش بيدمر وانت دمرت ناس ودمرت نفسك ودمرتنا معاك واحنا ملناش ذنب وبتقولى بتحمينى من ايه ؟ ومن مين سيف ابنك اللي هو نسخة منك
ايمن .. العن منى سيف العن منى بمراحل لو انا خفت اذى ريهام هو مش هيرمش بعد مايشبع منك يقتلك
مريم .. بخوف حرام عليكم انا عملت ليكم ايه طيب وعد انا مش هتكلم خالص بس أرجوك خرجنى ورحمة ماما خرجنى
ايمن .. اهدى انا قولت ليكى في بداية الكلام لو بتحبي جوزك انا اللي هقف بينك وبين سيف بس لازم تسمعينى كويس
مريم .. حححاضر هسمع وهنفذ
ايمن .. انا هفضل امثل ان انت ريهام ونلهى سيف لغاية اما اشوف حل
مريم بشك .. وانا يضمن ليا
ايمن .. من غير ضمانات قولتى ايه
مريم .. موافقة بس بشرط
ايمن .. عرفه نهى
مريم .. وانت كمان
ايمن .. هههههه وتفتكرى هوافق
مريم .. انت حكيت ليه ؟ انت بتفكر في حاجة وناوى عليها
ايمن .. فعلا ناوى اعمل زى اللي بيهد المعبد علي صاحبه
مريم .. ليه ؟
ايمن .. لان انا دورى خلص وكمان عرفو ان لعبت بعيد عنهم كتير خصوصا مع فواز فقررت ادفنهم معايا
مريم .. انت غريب قوى مش عارفة اكرهك ولا
ايمن .. اكرهينى لان انا ذكره سيئة نامى متخافش سيف هيخاف يقرب منك لان انا هنا
مريم .. انام !!!تفتكر بعد اللي عرفته هعرف انام
ايمن .. هتعرفي مع الايام هتتعودى يا ريهام وغمز ليها وخرج
مريم رقدت على السرير هو انا ليه بعد كل اللي عرفته مش قادرة احدد مشاعرى ايمن دا وحش ولا ملاك تم تحويله ل وحش الغريب أن كل حاجة بترجع ل فواز من البداية واتنهدت معقول كل اللي حصل بس علشان مينفعش اضيع عمرى في الكره و ابتدى اعيش بجد انسا كل حاجة معقول ممكن اقدر اعمل حياه خاليه من كره منى ل فواز ياررررب
في فيلا يوسف
ادم في غرفة مريم بيتفرج علي صورها صور كلها حياه ونشاط وجنان راح علي مكتبها وبدأ يقلب في الادراج وشاف كشكول غريب ولما فتحه مقدرش يمسك دموعه
مريم كانت بتوصف قد ايه هى بتحبه
احببتك رغم كرهى رغم سخطى علي الحياه
كنت دائما لي باب الحياه
ودائما اخاف من فقدانك انت لي دنيا وحياه
هل سيأتي يوم أستطيع ان ابوح بالسر الذى ظل بالقلب سنين انى اعشقك ولكن اخاف فقدانك انى اعشقك يا من ملكت احلامى
انى اعشقك بكل وجداني
بقلمى ميرا إسماعيل
ادم قفل الكشكول وانا بعشقك يا عمرى كله يارب رجعها ليا يارب
وقام علشان يتوضا ويدعى ربنا انه يجمعهم علي خير
في غرفة يوسف
حنين .. حبيبي انت لازم ترتاح كده جسمك هينهار
يوسف .. ارتاح ازاى .مريم مش عارف بتعمل ايه
حنين بثقه في الله.. ربنا عارف انت تعبت قد ايه وعمره ما يزعلك ابدا هترجع ونرجع انا وهى ناقر ونقير
يوسف خدها في حضنه .. يارب يا حنين
حنين .. اقولك علي حاجة تريحك
يوسف .. ايه ؟
حنين .. تتوضأ ونصلي يلا قوم
وفعلا قام يوسف اتوضا وصلو
وطلع شمس النهار ل يذيب عتمة الليل وعتمة القلوب
وصل سفيان ب زهرة وزهرة قالت حكاية ايمن وريهام والكل مصدوم وقلق ادم زاد اكتر
مروان ..انت هتكلمى نهى وتحاولى توقيعها في الكلام وتعرفى مريم معاهم ولا لاء والا وربنا البسك الليله لوحدك
زهرة بخوف .. ح ح حاضر
وفعلا زهرة كلمتها وعرفت مكانهم ونهى قالت ليها ان ايمن اتجنن طول الليل قاعدة حارس غرفته وبياكد انها ريهام وسيف هنا هيطق
مروان ..
تمام عقبال ما اوصل بالقوة هيكون امر القبض صدر
ادم ...اجى معاكم محدش هيمنعنى
وطبعا الكل صمم يروح كلهم راحو ماعدا النساء ومازن معاهم
عند مريم
ايمن .. يلا يا مريم
مريم بعدم فهم .. يلا فين ؟
ايمن .. إخواتك جاين في الطريق
مريم باستغراب .. عرفت ازاى
ايمن .. ولو ان مش وقته زهرة كلمت نهى والحماره قالت ليها مكانا
مريم بخوف .. يعنى انت هتودينى مكان تانى
ايمن .. لا اللعبة خلصت
مريم .. مش فاهمة
ايمن .. انا قولت ليك ههد المعبد تعالي وخرجت لقت نهى وسيف وايلين وناس تانية شكلهم اجانب مربوطين في كراسي
مريم .. ايه دا
ايمن .. دا الصح كل اللي هنا كانو سبب فى دمار ناس كتير وأولهم انتم وريهام امشي وانا زى ما بدأت اللعبه هنهيها امشي وعيشي وسيبي الكره يبعد عنك ابنى حياه وافرحى
مريم مش عارفه تحدد مشاعرها .. هو ظالم ولا مظلوم بلاش سلم نفسك
ايمن .. اللي انت شايفهم دول وشاور علي الأجانب هيخرجو بمنتهى السهولة وانا قبل ما اوصل القسم هكون ميت
ده الصح اللي حضر عفريت يصرفه وانا اللي حضرتهم وانا هصرفهم وبصراحة ريهام وحشتنى اكيد هتسمحنى دا ربنا بيسامح يلا لانهم لو وصلو ودخلو مش هعرف انفذ
مريم .. حاضر بس ممكن اعمل حاجة
ايمن .. ايه
مريم راحت ل نهى وبكل القهر والغل ضربتها بالقلم وبصت ل ايمن وخرجت تجرى
ايمن .. بيقول اللي ذنوبهم كتير بيدخلو النار وانا بقا هوريكم نار الدنيا وقرب علي سيف لو ضامن بنسبه واحد في المليون انك مش هتكون شيطان كنت سبتك لكن انا السبب فى وجودك وهكون السبب في نهايتك ونهايتنا كلنا وبدء بتوزيع البنزين في كل مكان والكل من الرعب بيحاول يتحرك لكن خلاص انتهى الامر او كما أطلق عليها أيمن انتهت اللعبة
مريم بره بتجرى وقفت بتاخد نفسها لانها فعلا مش قادرة تصدق كل اللي حصل وظهر عربيات الشرطة وعربية اخواتها ساعتها بصت علي المكان وابتسمت لانه فعلا مكدبش عليها
يوسف.. مريم انت كويسة فيكى حاجة
مريم .. انا كويسة بس كنت خايفة مشفكمش تانى
سفيان .. كنت هموت من القلق عليكى انت بجد كويسة معملوش فيكى حاجة
مريم افتكرت اللي حصل .. لا محصلش حاجة
شافت ادم واقف بعيد كانه مش مصدق انها قدامه سليمة طول الطريق عمال يرسم سيناريوهات للاهيحصل
مريم قربت علي ادم .. وحشتني
ادم. . . انا كنت ميت من غيرك
مريم حطت ايديها علي شفايفه في حاجة عايزة اقولها ليك وخايفه لما نرجع عنيدى يمنعنى
ادم مش فاهم قصدها
مريم بدون مقدمات رمت نفسها في حضنه وقالت ليه بهمس ب ح ب ك
ادم .. ضمها في حضنه جامد مش قدى
مروان .. احممم بشمهندسة ممكن اعرف خرجتى ازاى وكام واحد جوه علشان نقتحم
ايمن كان يتابعهم من بعيد ولما شاف مريم في حضن ادم عرف انه قدر يصلح اللي عمله وهنا أبتسم ورمى الكبريت
مريم .. اللى خرجنى
ولسه هتكمل سمعو صوت انفجار جامد وشافو المكان كله نار
مريم .. فهمت قصده انه هيهد المعبد حضنت أخواتها وادم وقالت اللي خرجنى خلص كل حاجة ونزلت منها دمعة مش عارفه حزن علي ايمن ولا علي امها واتنهدت وحمدت ربنا ان ادم في حضنها ووعدت نفسها انها لا يمكن تسمح للكره يدمر حياتها
