رواية اكره ابي ولكن الفصل الثامن عشر 18 بقلم ميرا اسماعيل
البارت (18)رواية اكره أبي ولكن! تأليفي ميرا إسماعيل
ـــــــــــــــــــــــــــــــــــــــــــــــــــــــ
بعد الانتهاء من الفرح كل عريس اخد عروسته للجناح الخاص بهم
جناح يوسف
يوسف .. مبروك عليا انتى
حنين بخجل .. الله يبارك فيك يوسف في حاجة مهمة عايزة اقولك عليها
يوسف .. حاجة مهمة دلوقت مينفعش تتاجل
حنين.. لا يا يوسف مينفعش
يوسف قلق .. خير يا حنين ؟!!
حنين .. هو انت ليه مش عايز تعرف سبب طلاقى ومعلقتش علي وجود عمى معاك يوم خطوبتنا
يوسف استغرب لان نفس كلام مريم .. عادى انا قولت انتم أيتام ودا حقكم عليه
حنين .. انا هقولك بس اوعدنى اللي هقولك عليه يكون سر بينا
يوسف .. اكيد احكى
حنين .. جوازى من ابن عمى جواز تقليدى جدااااا من غير حب اول يوم جواز هو اكتشف أن عنده ضعف جنسي بس طبعا فضل يكابر ويحسسنى انى السبب !! وانا كنت بعمل كل حاجة بس مع الاسف حالته كانت بتسوء وبعد 3سنين عمى وامى ومرات عمى قلقو علشان الخلفة حاولو معايا كتير ان اروح ل دكتور كنت برفض لغاية في يوم تعبت خدت دور برد هما افتكرو انى حامل ودونى ل دكتورة وهى قالت انى استحالة اكون حامل لانى اصلا لسه يعنى كانت بتتكلم وهى مكسوفة جدااااا لسه بنت
عمى أما عرف قوم الدنيا اخد ابنه ل دكتور واكد ليه ان حالته اتاخرت وصعب العلاج علي المدى القصير وعمى حكم بالطلاق زى ما قبلها حكم بالجواز دى كل الحكاية
يوسف .. مش قادر يصدق اللي سمعه بس عرف ان ربنا رحمته كبيره كل دا حصل علشان هو يفرحها زى اى عروسه وهى تكون اول فرحه ل يوسف بجد
يوسف .. هو انا قبلك كده قولت انى بحبك
حنين .. هو دا ردك
يوسف .. اه هو دا وباس راسها ربنا يبارك فيك وتكونى زوجتى في الدنيا والآخرة
(نسيبهم لوحدهم ملحوظة انا مش،هتكلم علي العرسان في غرفة النوم انا ذكرت موقف يوسف وحنين لانه في سياق الرواية ليس الا )
عدا 3ايام العرسان سافرو لقضاء الإجازة
في شركة يوسف
ادم.. انا عمرى ما تخيلت ان يوسف ومازن كانو شايلين الشغل دا كله انا 3ايام وتعبت
مريم .. هههههه مش قد الشغل بتشتغلو ليه ؟
ادم .. تؤ انا قد حاجات تانية
مريم .. ادم احترم نفسك
ادم .. انت نيتك زباله انا قصدى شغل العربيات اللي في المصنع اللي مطلعا عنيا قدهم ولا لاء
مريم .. قدها انت اصلا مهندس شاطر يا حبيبي
ادم .. انت قولتى ايه ؟
مريم .. قولت ايه انك مهندس شاطر
ادم قام وقرب عليها .. لا مش دى اللي بعدها
مريم بخجل من قربه ازاى قالت كلمه دى من غير شعور منها
مريم ... ااااابعد يا ادم لو حد دخل يقول ايه؟
ادم بمكر .. هيقول ايه واحد ومراته
مريم لسه هتتكلم دخل توفيق عليهم بسرعة
ادم بخضة .. بابا في ايه
توفيق .. في انى بتصل ومحدش بيرد عليا
مريم .. اسفة يا عمى بس الفون بتاعى في المكتب
توفيق .. مش مهم يلا عرفو مكان نهى وهيرحو يقبضو عليها
ادم .. بجد مروان وصل ليها
توفيق .. اه اخيرا يلا مستنيا ايه انت مش ماكده علي عمار تكونى معاهم
مريم .. مش قادرة اصدق أننا بجد وقعناها في شر اعمالها
ادم .. مريم لو مش عايزة تروحى
مريم قطعته .. مش عايزة دا الحاجة الوحيدة اللي بحلم بيها اشوفها وهى متكلبشا يلا يا عمى
وخرجو لمكان نهى أو كما يظنو ان نهى هناك
عند المنزل
مريم ل ادم .. اخيرا هرتاح من اسؤ كبوس في حياتى
ادم.. خدها في حضنه اخيرا يا قلبي
توفيق .. نحب في بعض بعدين يلا نطلع مروان فوق
.فعلا طلعوا
ادم .. لقتيوها يا مروان
مروان بيبص بحزن علي مريم .. لا مش موجودة بس لقينا حاجة تانية !!!!
مريم .. حاجة ايه؟
مروان .. جثة فواز
مريم بعدم استيعاب .. فواز مين جثة ايه!!!
توفيق .. ازاى يا مروان ؟!
مروان .. وصلنا كان الباب مقفول بعد مخبطنا كتير كسرنا الباب ولقينا فواز مرمى في الارض ميت
مريم .. هو فين؟!!!
ادم .. ليه يا مريم!!!
مريم ل مروان .. هو فين ؟
مروان.. لسه الاسعاف وخداه علي المشرحة
مريم سبتهم ومشيت
توفيق .. وراها يا بنى الله يكون في عونها
ادم وهو نازل .. ابقا بلغنى لو في جديد
في شرم
كانو الأخوات كلهم علي الغدا
يوسف .. مريم بكلمها مش بترد
مازن .. يا عم سيبك تلقيها مقضيها مع ادم
سفيان .. قصدك مطلعا عين ادم
حنين .. بصراحة الله يكون في عونه مريم صعبه قوى
سيدرا بغضب .. ليه ان شاء الله يحمد ربنا ان مريم مراته
حنين بخوف من سيدرا ..انا مش قصدى حاجة انا بقول انها عنيفة
سيدرا .. مريم عنيفة مع اللي يستاهل عن إذنكم انا شبعت
وقامت سيدرا مازن بيقوم وراها
يوسف .. استنا يا مازن انا هروح ليها
يوسف لقا سيدرا قاعدة علي الشط بتلعب في الرمل
يوسف .. مالك يا سيدرا ليه اتكلمتى مع حنين بالشكل دا ؟!!
سيدرا بعصبية .. اه انت جاى ورايا علشان حنين مش علشان تطمن عليا دا احنا لسه فى وش بعض امال لما نرجع واروح بيتى هتنساني
يوسف .. انساكى ازاى دا أنت اخر العنقود
سيدرا .. لانسيتني من يوم جوازك مسالتش عليا ولا كلمتنى زى الاول واترمت في حضنه يوسف انا مليش غيرك متخليش حنين تبعدك عنى مريم قوية مش محتاجه حد لكن انا لاء
يوسف خدها في حضنه .. يا عبيطة دا انتى بنتى وقلبي كمان وعندك حق انا مسالتش عليكى بس اتصلت بيكى في السويت بتاعك كذا مره ومازن قالى انك نايمة او بترسمى والغدا النهاردة انا فكرت فيه لانكم وحشتوني .عايز اتلم معاكم ولا حنين ولا الف يبعدونى عنكم
سيدرا .. بجد
يوسف .. طبعا بجد
سيدرا .. بسته انا هروح اكمل غدا
يوسف .. روحى وانا هحصلك
يوسف رمى نفسه علي الكرسي ورفع رأسه ل سماء حنين من وراه
حنين .. حبيبي انت كويس
يوسف .. مفيش يا قلبي انا بس مش عارف الحمل دا هيخف امتا
حنين .. انت جبل متعرفش تعيش من غير حمول
يوسف .. نفسي ارتاح يا حنين
حنين .. اوعى تقول كده انت ضهر العيله دى الوتد من غيره البيت ينهار ولسه لما كل واحده تخلف وتبقى خال العيال
يوسف .. ياه يا حنين معقول
حنين .. معقول ايه هتبقا احل خال واجمل واحن اب
يوسف .. ربنا يبارك فيك متزعليش من سيدرا
حنين .. سيدرا زى هنا بصراحة اللي بخاف منها مريم
يوسف .. مريم دى مفيش احن منها بس هى شايفة الطيبة والحنيه عيب كبير في الانسان
حنين .. ليه ؟؟؟:
يوسف .. مريم نسخه من ماما اللي ميعرفش ان امى ماتت وشاف مريم يقول ريهام امى كانت طيبه وحنينه اقل كلمه ترضيها زى سيدرا مريم قررت انها تكون عكسها في الطباع لكن لو حبيتك تبقي ملكتيها
حنين .. متخفش هنبقا صحاب وبكره افكرك
يوسف .. يلا نرجع ليهم علشان بعد كده نكلمهم اونلاين
واتجمعوا كلهم مع بعض فى جو كله حب وضحك
في المشرحة
مريم .. هدخل ل وحدى
ادم .. هدخل معاكى واقف بعيد
مريم .. قلت ل وحدى
وفعلا دخلت وطلبت من المسؤل يخرج ويسيبها معاه
مريم .. تخيلت انى اتكلم معاك كتير قبل كده رسمت ميه سيناريو قولت انك تعرف الحقيقة وتخدنا في حضنك عارف ساعات كنت بقول ان دا كله حلم وهصحا ألقا نفسي لسه العيلة 6سنين
طول عمرى نفسي أسألك ليه ؟
ليه بعت امى بالرخيص؟ ليه رمتنا ؟ عارف انا بكرهك قد ايه بكرهك فوق ما تتخيل بس متخافش لو نهى ليها يد فى موتك صدقنى هجبلك حقك وضحكت بصوتها كله هههههههه شفت الزمن اللي اشترتها زمان بعتك واللي بعتهم اشتروك هى دى الدنيا وبنظرة كلها وعيد انا مش هسيب نهى تفلت بقتلها لامى ولا بعدك عننا ولا اننا اتربينا معقدين وبدون مقدمات انهارت كان نفسي تاخدنى في حضنك كنت عايزة احس بحنان الاب كان نفسي اشبع من كلمة بابا ومسحت دموعها وعد من بنتك اللي عمرها ما حست بحبك انها هتجيب حقك وحق امى
وخرجت مريم
ادم بلهفة .. مريم انت كويسه
مريم .. اكيد ايه اللي مش هيخلينى كويسه انا هروح
ادم .. هوصلك
مريم لانها فقدت كل طاقتها وفقت ودا اكد لآدم ان مريم فعلا تعبانه بس بتكابر
في فيلا يوسف
فاطمة .. حمد الله علي السلامة يا قلبي
مريم .. الله يسلمك انا طالعة غرفتى
فاطمة باستغراب من حالها .. طيب لما الغدا يجهز انزلى
مريم طلعت من غير ولا كلمة
فاطمة ل آدم .. فيه يا ادم مالها مريم مش عوايدها ؟؟؟
ادم .. انا هحكى ليكى
وبعد ما حكى ادم ل فاطمة
فاطمة بحزن .. ربنا يرحمه ويغفره له
ادم .. انا مستغرب رد فعل مريم
فاطمة .. علشان كانت بتقول انها بتكرهو لا يا ابنى مفيش ابن بيكره ابوه وخصوصا مريم اصلك مشفتش مريم وهى. طفلة اللي شفتها مريم الجامده العنيدة لكن اللي انا شوفتها زمان هى مريم اللي بجد عارف زمان كانت حنيت الدنيا فيها كنت بدخل عليها القيها مسك الجرنال فيه صورة فواز وحضنها وتقوم تانى يوم تلمع الزجاج بنفس الجرنال الطيبة والحنيه جزء من مريم لكن خوفها انها تظهر حنيتها لتكون مطمع للناس دلوقت تنزل دلوقت واحده تانيه غير اللي طلعت وتباين ان اللي حصل ولا فرق معاها بصراحة يا بنى الله يكون في عونك عليها بتتعامل مع لغز ماشي علي الارض
وفعلا بعد شوية نزلت مريم وكأن مفيش حاجة حصلت وهما علي الغدا
مريم .. هما العرسان متكلموش النهارده
فاطمة .. لا اكيد مستنين ميعاد رجوعك
ادم .. هما دول حد قدهم والله بعد ما انتجوز لاخد شهر اجازة ونشوف هيعملو ايه
مريم .. اما يتصلو محدش يقولهم حاجة
فاطمة .. اكيد مش هنكد عليهم الله يرحمه
وقطع كلامهم صوت الاتصال
وقعدو اتكلمو كتير وطبعا طول المكالمة مريم عايزة تبان قوية فكانت عنيفة جدا مع حنين وهنا كمان وبعد مقفول
فاطمة بلوم .. ليه كده يا مريم دا هنا وحنين بيحبوكى
مريم .. ماما وانا قولت ايه كل واحده ماسك في اخوى كانه ملكها
ادم .. اخواتك دول ازواجهم
مريم .. اه علشان دا زوجها تعمل كده لا دى عايزة تغظنى ان هما اللي كسبو بس لو هما بيفكرو يعملو حزب علشان اخوات يبقا هيشوفو منى ايام سودا
ادم .. لا انت مينفعش تفضلي معاهم كتير اول ما يرجعو هنتجوز علي طول
مريم .. وايه المشكلة لما هنتجوز هنعيش هنا
ادم .. انت لسه مصممه
مريم .. ايوة ولو مش عجبك براحتك
ادم خد مفاتيحه .. انا ماشي سلام يا ماما فاطمة
فاطمة .. مع السلامه يا بنى
فاطمة بصت ل مريم مش هتبطلى عادتك دى
مريم .. عادته إيه ؟
فاطمة .. بلاش علشان تبانى قوية تدوسي علي الناس انا طلعا
وفاطمة طلعت ومريم انا قوية واللي مش عايز يعرفنى براحته
في شرم
هنا بتعيط .. يا سفيان انا مش عملت ليها حاجة ليه كلمتنى كده
سفيان .. حقك عليا يا عمرى بس مريم كدا بس انت عارفه ان قلبها ابيض
هنا بغضب .. سفيان انا مش حنين يعنى بعد كده لو طولت لسانها عليا هطول انا كمان
سفيان بصوت عالى .. هنااااااا مريم خط أحمر فاهمة لو في يوم فكرتى تزعليها هتشوفي ل سفيان وش مش هيعجبك
هنا .. لا والله هى الملكة واحنا الخدامين عندها بعد كل اللي عملته كل اللي قدرت ليه تقولى معلش هكلمها علشان مش تزعلك واحد غيرك كان قال انت مراتى واللي حصل دا مش هعديه بالساهل لكن طبعا مريم ممشيكو كلكم وراها وانتم مش شايفين انها غيرانه مننا دى واحده مجنونه ومعقدة وانا مش هسمح ليها تطاول عليا
سفيان .. من كتر الغضب مش شايف اى حاجة مسك هنا من شعرها مريم مجنونه ومعقده مريم ضفرها بعشرة منك ميت مره قولت ليك بلاش تطلعى سفيان اللي جواى
هنا .. عايز تضربنى علشانها طيب والله لوريك وزقت ايده وخرجت تجرى
وهى خارجة خبطت في سيدرا
سيدرا .. مالك يا هنا
هنا .. مالى انتو خليتو فيها مالى واحد عايز يضربنى والتانية نازلة تهزيق فيا وزقت سيدرا وراحت ل حنين
سيدرا .. مالك يا سفيان
سفيان .. مفيش حاجة يا قلبي تعالى
سيدرا .. قوم صالح مراتك هنا بتحبك بلاش تضيعو اليومين في الزعل
سفيان .. حاضر ههدا شوية واروح ليها
وفعلا بعد شوية اتجمعو عند يوسف
يوسف .. انتو الاتنين غلطنين هنا انت غلطى لما فكرتى تتكلمى علي مريم وحش مريم بالنسبه ل سفيان وسيدرا امهم التانية وهو قالك انه هيكلمها اوعى تحطى روحك في كفه مع اى حد لانك بتقللى من نفسك وانت كمان ميت مرة قولنا نتحكم في غضبنا مش كده يا سفيان دى مراتك ولازم تعاملها باللين والحسنه دا الرسول صلي الله عليه وسلم
الكل .. عليه افضل الصلاة والسلام
يوسف .. قال استوصو بالنساء خيرا أما مريم انا هكلمها واخليها تخف عليكم
حنين .. يوسف عنده حق انت كمان عيبك انك عصبية وبترمى كلام دبش خدى بالك هما الأربعة رابط الاخوة عندهم اقوى وامتن من اى اخوات يبقا مينفعش تقولي اللي قولتيه اعتذرى ل جوزك
يوسف .. وانت صالح مراتك
سفيان .. حاضر يا يوسف يلا يا هنا
هنا .. يلا تصبحو علي خير
بعد ماخرجو
حنين .. مجانين
يوسف .. بس علاقتهم لازم ليها ضوابط والا هتنهى
حنين .. ليه يا يوسف
يوسف .. سفيان سريع الغضب واختك عصبية وبترمى دبش يعنى ربنا يستر
حنين . متخفش انت موجود
اخر الليل مروان كلم سفيان وقاله اللي حصل والكل عرف ونزلو وكانو الصبح في الفيلا حتى سيدرا ومازن
فاطمة .. وحشتونى قوى
الكل .. انت كمان وحشتينا
مريم بصوت عالي .. يوووووسف واترمت في حضنه وحضنت سيدرا و سفيان جامد وسلمت علي هنا وحنين من غير نفس
مريم .. البيت وحش جدا من غيركم
يوسف .. انتو وحشتوني
فاطمة .. بس جيتو بدرى ليه ؟
يوسف .. طبعا كان لازم نيجى بعد اللي حصل
مريم .. اه الاخبار وصلتك ودى حاجة تستاهل يعنى تقطع اجازتك علشانها
هنا .. اكيد طبعا امال مين يقف في العزا والدفن وكل الحاجات دى اكيد مش انت
مريم بغضب .. انت بقا بتتكلمى بصفتك ايه !!! انت في البيت دا ملكيش صفه غير انك مرات سفيان وبس يعنى اى قرارات احنا بس اللي بناخدها فهمتى
هنا .. وقفت قصادها وانت لما تتجوزى تحبى تكونى في بيتك ملكيش رأى الصح انهم يعملو عزا وعزا كبير كمان يليق باسمهم
مريم .........
فى مكان ما
... انت قولت مريم هتيجى ليا ركعه فين دا
..... خلاص مريم بكرة بالكتير هتكون تحت رجلك انا منعت نهى تموتها مخصوص علشانك
... اخيرا هتبقي ملكى للابد يا مريم
عايزة اعرف
رايكم بصراحة؟
رد مريم علي هنا هيكون ايه،؟
المجهول هيخطف مريم فعلا؟
علاقة هنا وسفيان ممكن تدمر ل مجرد ان طبعنا مختلف اختلاف جزرى؟
