رواية فرنسية في الصعيد الفصل الثامن عشر 18 بقلم جودي ياسر
كان هلال ينزل هو وليل للاسفل لتناول الافطار
وجد والدته وحدها علي طاوله السفره
هلال وهو يقبل خدها : صباح الخير يا ماما .
الام بحب : صباح الفل يا حبيبي .
ليل : صباح الخير .
الام ببرود : صباح النور .
هلال بعد ان جلسوا وبدوا في تناول الفطور : امال بابا فين .
الام : سافر اسكندريه المينا هيسلتم شحنه هناك .
هلال : ان شاء الله يرجع بالسلامه .
الجميع : يارب .
الام وهي تنظر الي ليل : بعد الفطار جهزي نفسك هنخرج نعمل شويه حاجات .
نظرت ليل الي هلال وجدته يشير لها بالموافقة .
ليل : حاضر .
الام : وانت يا هلال هتروح شغلك ولا هتكمل نوم .
هلال : لالا انا واخد اجازه عشان افسح ليل .
الام : اه طيب .
هلال : بس متتاخروش .
الام : هحاول .
هلال ل ليل بهمس : اسمعي كلامها عشاني يا ليل ماشي .
ليل بابتسامه : عيوني حاضر عشان خاطرك اعمل اي حاجه .
ابتسم لها هلال….
وفي القاهره .
هاهم بدر و زجل بالفندق .
وما اثار دهشه زجلحين رات بدر يرتدي بدله ليذهب معها الي العرس كان رائع الجمال وكانه بطل فيلم يجذب الانظار له كانت تنظر له بكل تركيز وشرود لا تصدق انه زوجها ملكها وحدها .
بدر بسخريه : ايه شكلي عجبك جوي اكده .
زجل بخجل : لا بس اول مره أشوفك لابس كده .
بدر : لكل مكان خلاجته .
زجل : كل يوم بكتشف فيك حاجه جديده .
بدر : وديه حلو ولا عفش .
زجل بتردد : مش عارفه .
واعطته ظهرها وامسكت بقلم الروج تضع القليل منها حينها سمعت صوته الغاضب .
عمار وهو يقترب منها بغضب وياخد منها قلم الروج بالقوه ويرميه ارضا ثم يمسك بها ويلفتها له حتي تنظر اليه واقترب من شفتيها بمنديله ومسح الروج الذي وضعته .
بدر بغضب : اخر مره تعملي اكده الحاجات دي جدامي اني وبس فاهمه .
زجل : حاضر يا بدر ممكن تهدي شويه وتقولي براحه هفهمك ومش هعمل حاجه تضايقك ليه العصبيه بقي .
بدر وهو ياخد نفس عميق : بتخنج مش عاوز حد يشوفك غيري بحس اني عاوز اجتل جتيل .
زجل بابتسامه : انت غيران يا بدر .
بدر وهو يقترب منها برقه ويمسك بكتفيها وتحدث قرب اذنها بصوت هامس هاديء : ديت مش غيره ديت اسميها غضب علشان انتي عرضي مبحبش حد يبصلك غيري انتي حاجه ملكي وحدي محدش يكلمها ولا يجرب منيها ملكي اني وبس بدر العزايزه انتي ملكه يا زجل ومش ملك حد غيره حياتك وموتك بيدي كلك ملك يدي فاهمه يا زجل .
واقترب منها يقبلها بقوه وعنف وسط دفعها له تضايقت من حديثه ليست جاريه ويقبلها هكذا بكل عنف .
دفعته عنها اخيرا وحين ابتعد نزلت صفعه من يدها علي وجهه جعلته يقف كالصنم ينظر لها بعيون كالجمر .
بدر وهو يقترب منها بغضب : هجتلك .
حينها صرخت زجل بقوه وفجاءه وجدت نفسها بداخل غرفتهم بالفندق وحدها وانها كانت تحلم بما حدث .
زجل بغيظ : حتي في الأحلام مش رحمني رعب في كل حياتي بس هو واضح من ساعه ما شفته لابس بدله وانا اتجننت بس الصراحه هو قمور اوي وممكن يتخطف بس اللي هتخطفه هترجعه بعد ساعه واحده ههههههههههه من جنانه وعصبيته .
وقامت من مكانها ودخلت الي الحمام .
وحين خرجت وجدت بدر موجود داخل الغرفه .
زجل : انت جيت .
بدر بسخريه : لاه لستني مجيتش اني عفريت .
زجل بغيظ : بدر لو سمحت بطل طريقتك دي .
بدر : ما علينا دلوجتي المهم جهزي حالك .
زجل : اجهز نفسي ازاي .
بدر وهو يعطيها علبه : البسي ديه وانزليلي تيحت هستناكي علي ما اشرب جهوه .
زجل بدهشه : حاضر .
وحين خرج قالت : ناوي علي ايه يا سي بدر مش مرتحالك لا حقيقه ولا احلام حاسه اني خلاص هتجنن بسببك والله استر يارب انا معاه لوحدي وده خطر جدا عليا وعلي البشريه كلها يا مامي .
……………..
علي الجانب الآخر في منزل الجبالي …
قام ابنه بترتيب كل شيء وهاهو ياخد حقيبته وينزل الي الاسفل حيث يوجد والده .
كان الجبالي يجلس وحده حين وجد ابنه يقترب منه وهو يحمل حقيبه سفر .
الجبالي بصدمه : ايه ديه .
قصي بتوتر : مسافر يا بوي وهريحك مني .
الغول بغضب وهو يقف ويحدثه بغضب كبير
الجبالي : تريح مين يا ابن المركوب انت ولدي حته مني انتا اللي هتشلني لما اعجز انتي السند يا ولدي انتا املي الوحيد والله يا ولدي مافي اغلي منيك عيندي .
قصي بحزن : مبينش يا بوي .
الجبالي بغضب : خلاص غور في داهيه واعمل اللي انتا عاوزه مبجاليش كلمه عليك خلاص .
قصي : استغفر الله انتا ابويا وليك احترامك بس ديت حياتي واني مش صغيير اني راجل يا بوي .
الجبالي بحزن : ابجي طمني عليك يا ولدي متنسنيش اني هبجي جلجان جوي عليك .
قصي : حاضر يا ابوي وحمل حقيبته وكان يتجه الي الباب حين سمع صوت والده يناديه .
الجبالي : ولدي .
رمي حقيبته ارضا واقترب من والده بسرعه وارتمي بحضنه يشم رائحته وياخد منه القوه لا يعلم ان كان سيراه مره ثانيه ام لا .
( دراما كوين اوي كمال 😅😂 )
الجبالي بحزن : هتوحشك يا ولدي .
الجبالي : اني كماني يا بوي هتوحشك جوي .
الجبالي : سامحني يا ولدي ان كنت زعلتك في يوم بس انت اللي بعدت عني .
قصي وهو يبتعد عنه فليلا وينظر له بحب حقيقي : انت ابوي وعمري ما ازعل منيك اني تعبان يا بوي محتاج اسافر .
الجبالي : تروح وترجع بالسلامة يا ولدي .
قصي وهو يودعه : الله يسلمك يا بوي .
وخرج من المنزل تحت عيون والده الدامعه ولكن هل يكون لقائهم الاخير ام للقدر راي اخر….
…………
علي الجانب الاخر في منزل اسد الصعيدي .
عشق بغضب : قلتلك مش هاكل ايه مبتفهميش .
الخادمه : يا هانم انتي ماكلتيش واصل .
عشق بعصبيه من الالم ولانها لا تستطيع الحركة بسهوله : اخرجي بره .
في تلك اللحظه دخل اسد واشار للخادمه بالخروج .
وحمل صنيه الطعام وجلس امامها .
اسد بجديه : مالك مش هتاكلي ليه .
عشق بعناد : مش عاوزه .
اسد : هتعملي كيف العيال الصغيره عندينا لما يتجمصوا .
عشق وهي تنظر له بغضب : انا مش طفله يا اسد .
اسد : طالما اكده يبجي تاكلي والا تبجي طفله .
حينها امسكت بالطعام وبدات تاكل بغيظ لتحديه لها لن تجعله يستطيع مهما كان بينما هو يبتسم لانه جعلها تاكل حتي لو بطريقه ماكره يعلم انها لا تحب التحدي والعناد وانها سوف تقع بالمصيده لهذا تحداها .
عشق : خلاص ارتحت .
اسد : جوي جوي .
عشق : في حاجه تاني .
اسد : عيندي ليكي مفاجاه .
عشق بدهشه : مفاجاه ليا انا .
اسد بتاكيد : اكيد مفيش غيرك .
عشق : ايه هي .
اسد : لحظه .
خرج اسد من الغرفه وبعدها عاد ومعه المفاجاه بكت عشق بقوه حين رأتها .
عشق بصدمه : انت عرفت ازاي .
…………..
يا ترى بقي ايه هي
