رواية اكره ابي ولكن الفصل الثاني عشر 12 بقلم ميرا اسماعيل
البارت(12)رواية اكره أبي ولكن!
تأليف ميرا إسماعيل
ـــــــــــــــــــــــــــــــــــــــــــــــــــــــــــــــــــ
في المستشفى..
فاطمة ببكاء وسيدرا في حضنها.. روحى راحت منى لما شفت مازن بيعيط ويقول انك روحتى
يوسف.. الحمد لله انها بقت احسن
سفيان.. احسن بعد ايه دا احنا كنا هنروح فيها والله مازن انا هعلقه علي اللي عمله
سيدرا بتعب.. مريم فاقت
يوسف .. لسه ادم معاها ولما تفوق هتيجى اكيد
فاطمة.. حبيبتى يا بنتى مستحملتش
سفيان .. كله من مازن انا لو كنت هسيبه بعد اللي عمله مش هسيبه علي الخضة اللي احنا اتخضناها
فاطمة بقلق.. يوسف معقول كل دا مريم مفقتش
يوسف.. هروح اطمن عليها
في غرفة مريم
مريم نايمة لكن كانت بتعانى من كبوس
مريم بصوت شبه واضح.. مممماما سامحنى سيدررررررا هقتلها ماما ردى علياااااااا
وقامت مرة واحده تصرخ.. ماما بتبص حوليها وافتكرت سيدرا سيدرا
ادم .. مريم اهدى سيدرا بخير
مريم كانها مغيبة.. ماما مش هتسامحنى سيدرا
ادم بصوت عالى.. مريم سيدرا كويسة صدقينى احنا فهمنا غلط
مريم بانتباه .. بجد بجد يا ادم
ادم .. ايوة بجد والله كويسة وفاقت وكلهم معاها واحنا نطمن عليكى ونروح ليها
مريم بتتحرك.. انا كويسة مفيش حاجة واول ما قامت وقعت تانى
ادم.. نفسي تبطلى عيند
مريم بتعب.. دا مش عيند دا استعجال وضحكت
ادم.. تعرفي لما بتضحكى ببقا نفسي اخبيكى من الدنيا كلها وبحمد ربنا انك علي طول مركبة الوش الخشب علشان الضحكة دى ليا وبس
مريم بلغبطة.. ااااانا عايزة اطمن علي سيدرا
ادم .. حاضر يا قلبي الدكتور يطمنا عليكى ونقوم
خارج غرفة مريم
حنين... بشمهندس يوسف حمد الله علي سلامة سيدرا
يوسف .. الله يسلمك
حنين .. انا عرفت ان مريم تعبت وقلت اطمن عليها وبعدين ادخل ل سيدرا
يوسف .. كويس ندخل سوا ل مريم
مريم من وراهم.. انا جيت بنفسي
يوسف قرب عليها لان شكلها لسه تعبان .. ايه اللي قومك انا كنت هطمنك
ادم.. العيند هنقول ايه
مريم.. تفضلوا ارغو وانا هروح ل سيدرا تعالى معاى يا حنين
وفعلا دخلو ل سيدرا
مريم بانهيار .. سيدرا انت كويسة يا قلبي فيكى حاجة
سيدرا.. انا كويسة متخافيش عليا المهم انتى
مريم.. سيبك منى وافتكرت مازن وشكله امال مازن قال كده ليه
سيدرا.. انا طلبت منه الطلاق
مريم .. ايه ؟ انا قولت نربيه علي اللي عمله لكن انفصال لاء
سيدرا.. افتكرت اللي حصل في المكتب وافتكرت لما فاقت وسمعت مازن
فلاش باااااااااك
مازن.. سيدرا قومى يا قلبي انا وحشتني قوى ضحكتك قومى علشان خاطرى
سيدرا فعلا استجابت وفاقت بس اول ما شافت مازن فضلت تعيط وتصرخ حاول انه يهديها لكن فشل وبعدها دخل دكتور عمار وخرج مازن وفضل مع سيدرا
مازن خارج غرفة .. اتصل ل ادم ادم تعالا بسرعة انا محتاجك جنبي وقفل
بعد خروج عمار وقال ليه ان سيدرا عايزة تشوفه.. مازن.. سيدرا انت كويسة يا قلبي
سيدرا.. بسخرية قلبك انت خاين انا شوفتك
مازن.. والله مخنتك اسمعيني وانا هفهمك كل حاجة
سيدرا.. مش عايزة اعرف حاجة طلقنى يا مازن
مازن .. بصدمة ايه سيدرا افهمى
سيدرا.. مش عايزة افهم طلقنى مش عايزة اشوف وشك تانى
وخرج مازن وحصل اللي حصل سيدرا جوا سمعت صوت صريخ اتحاملت علي نفسها وخرجت وطبعا الصدمة كانت سائدة الموقف
بااااااك
مريم.. كده فهمت بس ممكن تصبرى وانا لو اتاكدت انه عمل كده هخليه يتمنى الموت
ادم.. وانا من رأى مريم
سيدرا.. انا اللي شوفته مش انتم انا مش عايزة افتح كلام في الموضوع دا وبعدين نهى كانت موجودة وشافت معايا
يوسف بغضب.. علشان وجود نهى بالذات لازم نفهم انا هقعد معاه
وخرجت سيدرا بعد استقرار وضعها
في فيلا يوسف
فى غرفة سفيان
مريم.. كده حلو قوى الفيديو وصل ليها وزمانها هتتجنن
سفيان.. انا كلمت مروان الظابط وعرف بالموضوع
مريم بغضب.. مين قالك تعمل كده احنا قولنا الشرطة اخر مرحلة
سفيان بخوف.. مريم الموضوع كبير دى مافيا عارفة يعنى ايه
مريم.. انا مش بخاف
سفيان.. لازم نخاف المهم هتعملى ايه هتطلبي منها ايه
مريم.. هطلب منها اعتراف مكتوب انها غسلت فلوس عن طريق المدرسة
سفيان.. احنا مالنا بغسيل الاموال احنا عايزين نخلص
مريم .. اى طلب تانى هتشك فينا انا عايزة نكون بعيد دلوقت
سفيان.. ولو رفضت هنبعت الفيديو
مريم.. اكيييييد
سفيان.. انا هدى مروان نسخة من اللي معانا
مريم.. اوك
في غرفة سيدرا
كانت نهى بتبث سمومها
نهى.. اللي عملتيه صح لازم يتربي
سيدرا.. خايفة يكون مظلوم
نهى .. مظلوم لا اظهار ان نظرك ضعيف دا خانك والراجل الخاين ملوش امان
انا هخرج فكرى كويس اول ما خرجت لقت مريم في وشها
مريم بتريقة.. لا والله الراجل الخاين ملوش امان امال الست الخاينة زيك ايه
نهى .. اااانا خاينة انا عمرى مخنت فواز
مريم بمكر.. مين جاب سيرة فواز انا بتكلم علي خيانتك ل امى
نهى.. انا خنتها ازاى انت لسه مصممه علي الكلام بتاع زمان
مريم بغل.. انا مش هنسا ومش هرتاح الا لما اسبت انك قاتلتيها
نهى.. اعلي ما في خيلك اركبيه
مريم .. هركبه والكل هيشوف ودا اخر انذار اوعى تقربي ل سيدرا احنا موجودين وهى اختنا فاهمة
نهى.. انا غلطانه اهى عندك اشبعوا ببعض
دخلت مريم ل سيدرا لكن هل بعد بث السم كلام مريم له اهميه
في فيلا توفيق حماد
مازن حكى ليهم كل اللي حصل مع ايلين
يوسف بصدق.. انا مصدقك وعارف انك بتحب سيدرا ولا يمكن تجرحها
مازن بحزن شديد.. انا المهم عندى سيدرا هى اللي تصدق
يوسف .. هتصدق انا واثق من ده انت عارف سيدرا اقل حاجة بتأثر فيها ومش بتعرف تحكم عقلها
ادم.. فعلا هى سيدرا كده
مازن .. نفسي تعرف الحقيقة والاهم كان نفسي تثق فيا اكتر من كده
يوسف.. سيدرا طيبة واقل حاجة بتأثر عليها فك اول ما الحقيقة تبان هى بنفسها هتركعلك
مازن.. لا يا يوسف عمرى ما ارضا ليها الذل حتى لو ليا
ادم.. جدع ابنى عمى
وفضل الاصدقاء الثلاثة يتكلمو
تانى يوم في شركة يوسف
في مكتب حنين
مريم .. خلصتى اللي،طلبته منك
حنين.. ايوة خلصت بس بصراحة فكرت إن كل مكان يتراقب جت في مصلحة مازن بس نفسي اعرف انت ليه طلبتى دا منى اعمل نظام مراقبة لكل المكاتب ومبلغش حد
مريم.. بصى انا مبحبش حد يناقشنى في اى قرارات ودا شغلك تنفذيه من غير نقاش انا غير اى حد موجود هنا
حنين.. هو انت بتعامليني كده ليه كلامك معاى في حاجة مش مفهومة
مريم .. انا طبعى كده مش بعرف اطبطب زى يوسف
حنين باستغراب.. يوسف ماله واللي، احنا بنقوله ماله ومال يوسف
مريم.. بصي انا هقولك الخلاصة يوسف منطقة محظورة كفايه عليكى ده وشكرا علي السي دى وخرجت مريم
حنين.. هو انا هفضل مظلومة من الكل كده
ودخل .يوسف علشان عايز يعرف حنين رأيها في موضوع جوازهم
يوسف.. كويس انك فاضية ممكن اعزمك على الغدا
حنين .. من فضلك يا استاذ يوسف انا عندى شغل
يوسف باستغراب .. مالك يا حنين بتتكلمى كده ليه!!
حنين بانهيار.. انا تعبت تعبت من الناس وبعدين انا بنفذ تعليمات المندسة مريم
يوسف.. مريم و يا ترى مريم قالت ايه؟
حنين .. بشمهندس من فضلك انا هنا جاية لشغل وبس
يوسف.. وانا عارف دا كويس ممكن تهدى ونتكلم
وفعلا حنين حكت ل يوسف معاملة مريم ويوسف عرف ان العقبة مش فاطمة وبس وكمان مريم عقبة اكبر
يوسف .. حنين تتجوزينى؟؟!
حنين .. اااايه انت بتقول ايه!
يوسف.. انت سمعتينى كويس
حنين .. انت تعرف ايه عنى علشان تطلب طلب زى ده ولو افترضنا انى وافقت هتواجه الناس كلها ازاى
يوسف .. علي المعرفة سهل نتعرف أما المواجهة اه اقدر انتى متعرفيش عملت ايه في حياتى
حنين.. هتتعب يا يوسف
يوسف .. متقلقيش خليكى معاي قولت ايه
حنين.. قولت انك مجنون اشمعنا انا
يوسف.. معرفش اشمعنا انتى انا عمرى ما كلمت بنات كنت بخاف علي اخواتى لكن لما شفتك حسيت إن الحب اللي كنت محوشه طلع مرة واحدة ومفيش حد يسأل قلبه ليه حب دا
حنين.. خايفة تتعب تزهق
يوسف.. وانت معايا عمرى ما اتعب
نسيبهم مع بعض ونروح الفيلا عند يوسف
في غرفة سيدرا
مريم .. اتاكدتى انه مظلوم
سيدرا بصدمة.. مش ممكن انا ظلمته عمره ما هيسمحنى
مريم.. لا هيسمحك بس اوعى يعرف موضوع السي دى
سيدرا .. امال اقول ايه!!
مريم.. قولى انك فكرتى وقلتى ليمكن انه يجرحك وبيحبك اى كلام انا مش عايزة الموضوع المراقبة يتعرف فهمتى
سيدرا.. لا مفهمتش ليه ؟
مريم.. نفسي حد يسمع الكلام من غير نقاش غيري هدومك وصلحى مازن وزى ما اتفاقنا
وفعلا غيرت هدومها ونزلو ودخل يوسف
يوسف.. مريم مالك ومال حنين
مريم.. حنين مالي ومالها
يوسف.. انا اللي بسال شيلي حنين من دماغك
مريم.. هى اشتكت ليك ماشي ايوة حطتها في دماغى ومش هيبقا في علاقة بينكم
البيت كله اجتمع علي صوتهم
فاطمة .. في ايه يا مريم؟
مريم.. يوسف زعلان علشان ببعده عن مصيبة
يوسف.. انا مش صغير وانا مسؤل عن قرراتى
مريم.. دى متنفعكش انت تستاهل حاجة اكبر من كده
فاطمة.. ممكن افهم في ايه ؟
مريم .. انا اقولك المهندس يوسف عايز يتجوز واحده مطلقة
فاطمة.. اااايه
يوسف.. وفيها ايه ايه العيب انها مطلقة
فاطمة .. مش فاهم يعني تفضل صايم طول عمرك وتفطر على بصله ليه عندك نقص في ايه انت الف من يتمناك
يوسف .. ودى اللى أتمنتها
فاطمة ومريم .. علي جثتى!!!!!
وبكده خلص بارت النهاردة اشوفكم يوم الخميس هتوحشونى
عايزة اعرف..
رأيكم بصراحة ؟
يوسف وحنين هيشوفو ايه؟
مازن هيسامح سيدرا بسهولة؟
ايه سبب رفض مريم ل حنين بالشكل دا؟
