رواية اكره ابي ولكن الفصل العاشر 10 بقلم ميرا اسماعيل
البارت العاشر
رواية اكره أبي ولكن. 
بقلمى ميرا إسماعيلــــــــــــــــــــــــــــــــــــــــــــــــــــــــــــــــــــــــ
في البيوتى سنتر
ادم بصدمة.. شكله يوم مش،معدى النهاردة
سفيان ومازن بصو ناحية مريم وكانت الصدمة
نرجع بالوقت شوية
«فلاش بااااااك»
هنا.. صباح الخير اتأخرت
سيدرا.. طبعا فى عروسة توصل متاخر كده
هنا.. معلش كنت مستنية اختى
مريم .. اختك هى ظهرت اخيرا
سيدرا بهمس .. براحة يا مريم
مريم .. ليه هو انا قولت ايه وبعدين انا اصلا مخنوقة منكم
.هنا ... قلبي ليه احنا عملنا ايه؟
مريم .. انا هشهد اختك عليكى الاول اسمك ايه
حنين بهدوء وأدب.. حنين
مريم .. ما شاء الله شكلك اسم علي مسمى
«استوووووب»
حنين الأخته الكبري ل هنا مهندسة كمبيوتر عمرها 32عاما بيضاء وذات عيون تشبه عيون الغزال ولها جمال خاص ولكن لديها حزن عميق طغي علي سحر جمالها » هنعرف سبب الحزن بعدين
مريم .. اختك واختى كانو عارفين ان الفستان بالشكل دا وسبونى اختار
حنين بهدوء.. مش انت اختارتى الفستان ازاى يعنى هما شافو الفستان
هنا.. ايوة قولى ليها
مريم حكت اللي حصل وقت اختيار الفستان
حنين .. انت غلطى العيند مش فى كل حاجة وادى عيندك المرة دى وصلك انك هتلبسي فستان كده
مريم .. مش لبسا فساتين
سيدرا .. حلو علشان ماما تشوفك من غير فستان تروح فيها
مريم .. أمرى لله بس علشان ماما
وجهزو العرايس
الفستان الخاص بالاميرة الأولى هنا .. فستان بكم شيفون ضيق من الصدر ينتهى باتساع بسيط من تحت لونه روز هادى
الفستان الخاص بالاميرة التانية سيدرا.. لونه لون البحر فستان كت ونازل باتساع بسيط
الفستان الخاص بالاميرة العنيدة.. كب قصير من الأمام طويل من الخلف باللون الذهبي ظهر جمال لون بشرتها وعيونها
«باااااااك»
مازن.. ايه الجمال دا يا ريمو
سفيان.. ريمو طول عمرها حلوة لكن بتخبي جمالها رحمة بالناس
ادم.. بغيره من مازن اهدى يا اخوى خليك في اميرتك مازن سمع الكلام ادم بيبص ل مريم ..لا كده كتير انت بجد
مريم بسكوف بتحاول تداريه.. في ايه عمركم مشفتونى كده
ادم .. هنكدب يعنى بصراحة لاء انت علي طول بالعفريتة هنكدب
مريم .. بغضب طيب ورينى هتتجوز مين بقا وبتلف تدخل ادم مسكها
ادم.. اهون عليكى دا انا دومى انا بس خايف من الفرح اللي هيتقلب مدبحة دا مريم استغربت وهو كمل ايوة اصل هقتل اى حد يفكر يبصلك واعملى حسابك بعد كده مفيش غير العفريتة وبس
سفيان .. يلا ولا ايه المأذون زمانه خلل من الركنا في القاعة وفعلا خرجوا الاميرات الثلاث وبجانب كل واحدة أميرها
ووصلو القاعة وتم كتب كتاب مريم وكان وكيلها يوسف ثم سيدرا وكان وكيلها يوسف ثم سفيان وكان وكيل هنا عمها
وبدأ الفرح والكل كان في سعادة منتهى
لكن هل ستدوم السعادة ام ستقدر الافعى ببث سموما و يا ترى من الضحية الاولي الأفعى ؟
اليوم التالي في شركة توفيق حماد
فواز قاعد مع توفيق
فواز .. انا مردتش اتكلم معاك امبارح قولت دا فرح وجيت النهارده علشان نحط النقط علي الحروف
نهى.. تتابع في صمت
توفيق .. خير ايه المطلوب يا فواز
فواز .. حق مراتى اللي اخدتو منها لمجرد انها اختك من الاب بس
توفيق .. انا واخوى مخدناش حق حد هى استلمت ميراثها كله ومعاى اللي يثبت دا
فواز بغضب .. انت عايز تقول انها كدابه زمان مراتى كانت لوحدها لكن دلوقت انا موجود ومش هسمح لحد يضحك عليها أو ياكل حقها
توفيق قام وقف.. من الاولى ان كلامك معاى يكون عن بناتك اللي دخول عليتنا لكن من الواضح أن نهى ذكية جدا لدرجة انها نستك ولادك اتفضل المقابلة انتهت واه انا مبتهددش اعمل اللي انت عايزو
في شركة يوسف النجار
فى مكتب يوسف
مريم .. يوسف وبصراخ يووووسف
يوسف.. مريم في ايه
مريم .. نعم انا بقالى ساعة بنادى وقعدت مالك يا جو
يوسف.. مفيش يا مريم
مريم.. احكى يا يوسف بتفضل تقول كده وفي الاخر بتحكى
يوسف اتنهد.. هو انت اتكلمتى مع حنين اخت هنا
مريم .. بمكر اه ليه ؟
يوسف بارتباك .. ولا حاجة اصل هى غريبة شوية نظرة عينها فيها حزن عميق
مريم حست ان اخوها مشاعره اتحركت لكن هى وجهة نظرها ان مش هينفع يوسف مع حنين خصوصا لو فاطمة عرفت
مريم .. يوسف بلاش حنين انا لاحظت انك امبارح طول الوقت عينك عليها اسمع منى بلاش
يوسف.. ليه يا مريم بتقولى كده
مريم ..لان حنين وقطع كلامها صوت السكرتارية
السكرتيرة .. المهندسة حنين جت يا فندم حسب الميعاد
ادم .. دخليها بسرعة
مريم باستغراب.. حنين هنا ليه
ادم.. تشتغل معانا
مريم.. معانا اهلا دا الحكاية احلوت
ودخلت حنين وعرفت هتشتغل ايه
وبعد ما خرجت يوسف بص في السي في واتصدم
مريم.. عرفت قصدى يا يوسف
يوسف بحزن... سبينى يا مريم دلوقت
مريم.. يوسف الموضوع مش صعب بس ماما
وقطع كلامها مسج علي الفون
مريم.. انا لازم امشي نكمل بعدين سلام
يوسف.. مع السلامة
في كافية علي البحر
سفيان.. ادينا جينا خير يا وائل
وائل .. بفخر خير جدا الاكونت اللي اخدته منكم دخلت عليها ومنه علي الفون وحظى كان حلو نهى دي مصيبة مسجلة كل المكالمات والمسج علشان محدش يغدر بيها ودا سي دي عليه كل المكالمات والمسج
مريم .. متاكد ان في مصايب
وائل.. في كل اللي انت عايزة واكتر
سفيان.. في ايه يعنى
وائل .. مرات ابوك من الاخر بتشتغل مع المافيا غسيل أموال مخدرات دعارة
مريم بفرحة .. متأكد
وائل .. طبعا متاكد بس طبعا كل اللي،معانا ميدنهاش طالما مفيش اذن نيابة
مريم .. النيابة دى اخر حاجة دى لازم تتعذب العذاب كله وبعدين تغور
وائل.. انا عملت المطلوب لو في حاجة تاني انا في الخدمة لازم امشي عندى رحلة ومشي وائل
مريم.. يلا احنا كمان علشان نشوف البلاوى اللي في السي دى
سفيان.. يلا بينا
في فيلا توفيق
مازن.. معقول في راجل كده
ادم.. انا مش هسكت كده كتير
توفيق .. انا عايز اشوف اخره محدش يدخل منكم المهم تبعدو سيدرا ومريم عن نهى لان متاكد ان نهى وراه بلاوى
ادم .. سيدرا ممكن لانها مش عنيدة لكن مريم استحالة
محمود اخو توفيق.. ادم مريم شخصية غريبة لكن في الاول والاخر ست بيضحك عليها بالكلام الحلو وهى دلوقت مراتك غرقها حنيه وكلام حلو هتنسا العيند وتسمع كلامك
ادم.. ياريت انا خايف اكون مش قد المسؤلية اللي ادهانى يوسف
توفيق .. انت ادها بس زى ما عمك قال مريم هتتعبك في الاول لكن بعد كده هتتغير انا واثق في ده
ادم .. إن شاء الله انا هطلع اجهز لاجتماع بكرة
مازن.. خدنى معاك
في فيلا يوسف
مريم بصدمة.. مش ممكن
سفيان.. هى السبب في موت ماما ووقوع المدارس دى وسيلة للوصول لشركتنا
مريم .. لازم نفكر بهدوء يا سفيان
سفيان بعيون حمرا من كثرة الغضب.. اهدى ايه وعقل ايه
دى لازم تموت وانا هموتها
وقطع كلامهم صوت فاطمة
فاطمة.. ايه مش هتتعشو ولا ايه
مريم قفلت اللاب بسرعة .. جين يا ماما
فاطمة بقلق من شكل سفيان.. مالك يا حبيبي انت كويس
سفيان بغضب دفين.. اه كويس نازل اهو علشان العشا يلا
ونزلو والكل اتجمع علي العشا
فواز .. اعمل حسابك هنزل شركتى بكرة انا ونهى
يوسف.. تانى الشركة دى شركتى انا ومازن وادم
فواز .. وبفلوسي
يوسف بغضب .. مش فلوسك عايز تصدق صدق مش عايز براحتك
فواز .. انا قولت هنزل ورينى هتعمل ايه ونهى كمان
يوسف بغضب.. لا دى مش عيشة
مريم في سرها.. كده نهى تحت عينى في البيت والشركة
مريم.. يوسف سيبه ينزل ولو علي ادم ومازن انا هكلمهم دا برده واحد متعود علي الشغل وفجأة راح ربنا ينتقم من اللي كان السبب وبصت علي نهى
نهى .. بارتباك اااااه يارب
وانتهى المساء وحل الصباح
في شركة يوسف
مريم .. اتاخرت
ادم .. انت هتدخلى الاجتماع
مريم .. طبعا مش هو جاى علشان تعديل سرعة سيارات دا شغلى
ادم بغيرة.. لا مفيش دخول انا هبلغك بالمطلوب
مريم.. ادم بلاش تقرب من شغلي والا هتزعل منى
ادم.. انا جوزك من حقى اقولك وانت تسمعى كلامى وانا مش بقولك مفيش شغل انا بقول دخول الاجتماع لاء
مريم بعيند.. اه جوزى طيب جوزنا معروف ليه أما الاجتماع هحضر يعنى هحضر اوك
ودخلت غرفة الاجتماعات
مريم اهلا استاذ سيف
سيف بانبهار من مريم من يوم الفرح.. اهلا بيكى
ادم بصوت كله غضب.. اهلا سيف وداس جامد علي ايد سيف
وبدأ الاجتماع وطبعا غيرة ادم وعيند مريم وإعجاب سيف بمريم واضح طول الاجتماع
نسيبهم ياكلو في بعض ونروح ل يوسف
يوسف.. اخبار الشغل يا بشمهندسة
حنين بهدوء وعملية.. كويس جدا وبصراحة كنت فاكرة انك قبلت شغلي مجامله ل هنا لكن من امبارح والشغل كتير جدا
يوسف بعملية.. انا مبجملش في شغلي والا كنا انتهينا من قبل البداية
حنين .. عندك حق نبتدى
يوسف.. بحنان واضح.. اتفضلى
نسيبهم يشتغلو ونروح ل مازن
في مكتب مازن
مازن بخنقة.. ايلين اهلا منورة
ايلين بدلع.. دى عاشر مرة تقول اهلا منورة
مازن بخنقة واضحة.. معلش اصل مفيش بينا حوار وبصراحة مستغرب وجودك هنا وعندى بالاخص
ايلين بدلع مثير.. مع كل خطوة بتقرب اول معرفت ان سيف جاى كان لازم اجى معاه لان بصراحة انت عجبتنى يوم الفرح ومسكت القميص
مازن بارف.. كويس انك فاكرة انك شوفتينى يوم فرحى يعنى انا متجوز ولسه هينزل ايده اتفتح باب المكتب وكانت الصدمة
وبكده خلص بارت النهاردة
هتوحشونى جدا اشفكم يوم الاحد إن شاء الله
وعايزة اعرف..
رأيكم بصراحة ؟
ايه السر اللي في حياة حنين ؟ ايه سبب حزنها؟
مريم ظهور سيف هياثر علي علاقتها ب ادم؟
مين اللي فتح باب مكتب مازن؟
مين اول ضحية الأفعى؟
