رواية في حضن الاربعيني الفصل الثامن 8 بقلم Nouhaila Nno
𒊹︎ فِــي حُــضــن الــأرْبَــعِــيــنِــي
+
بــــقــــلـم : Nouhaila Nno
+
𝐏𝐀𝐑𝐓 𝟖
+
ستة سوايع ديال طريق لي كلهم دازو عليها غير تخمام و تفكير عقلها مرتاحش و عينيها و تقول واش تسدو تقرل سيدة كانت هازة فوق كثفها شي حمل ثقيل و كل مرة تفكر لبلان كتبقا تسوط كيف لحنش شافت راسها قربات توصل للرباط و هي تحبد تيليفونها
+
بقات كتشوف فرقم ديال لكوميسير مدة مطولة و هي تكليكي معندها غراض حطات تيليفون على وذنها كتسنا رد ثواني تا كيتسمع صوتو من سماعة
+
توفيق : وي شكون معايا
+
ديمنة : {قلبات عينيها من صوتو لي طلع ليها فراسها بالمعقول} ها واحد لزيرو الحب
+
توفيق : {بإستغراب} ديمنة
+
ديمنة : {عوجات فمها و كتعيب فصوتها} هي هادي
+
توفيق : فين نمرتك لاخرى كنصوني مطفية ااش كان طاري
+
ديمنة : {تنهدات بجهد و بلعاني سمعاتها لو} اودي لهلا يوريك
+
توفيق : مالكي اش طاري
+
ديمنة : {لاحت عينيها على بنادم لي راكب حداها ضربات دنيا بطالون و هي تبدا تنخصص بلا دموع} قول شنو لي مطاريش {سكات كتستارح عاد كملت كتبحلس} بغيت غا علامن نخوي قلبي و والو صاحبتي مسكينة خدامة مكتساليش نتا خدام اودي
+
توفيق : {بدون تردد} فينك نجي عندك
+
ديمنة : {لعبات بشعرها و كتشوف فشرجم} هاني فلاكار
+
توفيق : على فين كنتي
+
ديمنة : كنت مسافرة
+
توفيق : مهم هاني غنخرج نص ساعة و نكون عندك
+
ديمنة : {حنات راسها كتبقشش فصاك} ايه صافي مهم انا غنقطع
+
قبل متسمع رد ديالو قطعات عليه و بدات تاتقلب و جبدات واحد لبركة ديال لميكاب و بدات تقاد فوجهها و رادة لبال مع لمحطات قادات وجهها و هي ترجع تبقشش جبدات منو200dh درهم كانت محطوطة عندها فصاك كمشاتها فيديها و قدات شعرها غير بيديها ...دقائق و وقف تران فمحطة رباط المدينة هزات صاكها و هبطات كدور فعينيها خرجات من لاكار مشات ديريكت لواحد لقنت فيه واحد كيبيع تيليفونات وقفات عليه كيف زلط
+
ديمنة : سلام اشريف عطيني اخويا شي نوكيا بيل
+
رفع راسو مول لمحل فيها و كتبان لو سيدة ضاربة فيديها ايفون اخر ما غنات ام كلثوم اش غدير بنوكيا : هاد زين ميستاهلش نوكيا ياكما نشوف ليك شي حاجة اخرى و نتصايب معاك
+
ديمنة طالعة ليها لقردة لسطح خنزات فيه محاملاهش : اخويا عطيني غا نوكيا مشكيتش عليك
+
مشا جابو ليها باقي فكرطونتو شداتو من عندو حيدات ليه لكرطونة و ركبات فيه نمرتها لي حيداتها من تيليفون لاخر عاد هزات راسها فيه : بشحال هاد لعضم
+
مول لمحل حك لحيتو مبلق فيها عينو : ليك ازين نخليه غير 150 dh
+
ديمنة حطات لو 200 dh و غمزاتو : قطع 100dh دير لما منين يدوز
+
مول لمحل شاف تاعيا وهو ياخد دير ربعالاف صرفها خدا مية درهم و رجع ليها صرف ديمنة غير خدات فلوسها و هي تزيد مع طريق سمحات لو فالكرطونة خدات غير تيليفون
+
مشات رجعات للكار و عاقدة غوباشتها خصوصا فاش شافتو وقفف فالباب ديال لاكار .. زادت بخطواتها و بدات ترسم على وجهها ملامح لحزن عيطات لو ببحة من لور : توفيق
+
توفيق يلاه كيف كان جبد تيليفونو يصوني عليها حتى سمع صوتها من وراه تلفت يلاه بغا يركز فيها شوفة و هي ترمى عليه كتنخصص و تشكا
+
ديمنة كتمخشش فيه و دموعها على سبة : حكروني اتوفيق لقاوني ولية و دارو فيا ما بغاو
+
توفيق بعدها عليه بشوية كيحاول يفهم مالها : شش غا بشوية {دور عينو كيبان ليه لغادي و جاي حاضيهم} زيدي معايا للطموبيل
+
جرها من يديها كتنخصص تقول كانت واكلة شي طرحة ديال لعصا حل ليها لباب طلعات كتمسح دموعها تا طلع و شاف فيها بتركيز : مالكي شكون حكر ليا فراشتي
+
ديمنة : {لعبات بعينيها و بللات شفايفها بلسانها} راك عارف انا لي كنصرف على دارنا (هبطات راسها كدمع)ايوى قلت نمشي نسافر عندهم شي يومين منين مشيت مخلاو منساو فيا و قالو ليا علاش جاية و مخلية لخدمة شكون غيخدم بحالا انا روبو ماشي بنتهم حطوني غير نخدم و نصيفط ليهم (هزات فيه عينيها حمرين و كتشهق من نيتها) و باش كملات لباهية خرجت من عندهم تكريسيت تشفر ليا تيليفون يلاه كنت شارياه باقي جديد (هزات ليه نوكيا قدام عينو) رجعت خسرو عليا نوكيا و فلوس ديال تران
+
توفيق : {بقا كيشوف مطول فيها هو عارفها و حافضها ايمتا كتقولب و ايمتا كتهضر فغي ولكن دابا تلفات ليه الألف من لباء جرها عندو معنقها كيسكتها} فيها خير مدكلاريتيش
+
ديمنة : {حركات راسها بلا فوسط صدرو} لا شكون خلاني دارنا ناس دراوش ميقدوش على طلوع و لهبوط
+
توفيق : {بعدها عليه شد ليها يديها كيتحسسهم} بعدا مطرا ليك والو دازت طريفة
+
ديمنة : {شمرات بنيفها و رجعات خصلات شعرها لور} الحمد الله انا مبقا فيا غير تيليفون باقي تا مفرحت بيه و طيروه ليا ولاد لحرام من يدي
+
توفيق : الالة تيليفون يتعوض بشحال داير انا نجيب لحبي واحد بكرطونتو
+
ديمنة : {تنهدات و كتشوف فيه و كتلعب بيديها زعما حشمانة} لا مكاين لاش نعذبك معايا عادي دابا نرجع نخدم و نجمع فلوسو نعدبك بهادا
+
توفيق : {جمع حجبانو منرفز} ديمنة راه حنا واحد كيف انا كيف نتي قولي غير بشحال نعطيك فلوسو و سيري خودي واحد جديد و لوحي هاد زبالة
+
ديمنة : {حدرات راسها للتحت} 5000dh
+
توفيق : {شاف تاعيا و هو يضرب يدو فجيبو كانت ربع من شهريتو حطها عليها جبد فلوس بدا كيحسب حبة بحبة و عطاها فوق من 5000 dh } شدي خودي ليك تيليفون ولبقات ليك شي حاجة خودي بيها لي حتاجيتي
+
ديمنة : {دلات شفايفها كيف شي درية صغيرة و خداتهم من عندو} والله ما عرفت ما نقول ليك لهلا يخطيك عليا و خلاص
+
خشات لفلوس فصاك و هزت فيه راسها لقاتو كيشوف فيها ساهي : مالك
+
توفيق يلاه بغا يقرب منها يقول ليها مالو تكان قاطعو تيليفونو جاوب منخزر و طالع لو دم : وي
+
تسمع صوت مجهد حيث كان مأكتيفيه مع طموبيل : شاف محتاجينك ضروري فدائرة
+
توفيق : {بعصيبة} متقدروش زعما شي ساعة تخدمو بلا بيا
+
قطع لخط منرفز رجع شاف فديمنة لي كانت تشطح بالفرحة من لداخل غير شافتو قطع و هي تزرب عليه : سير خدمتك هي لولا انا غنمشي فطاكسي
+
توفيق : {بإمتناع} معندك فين تمشي نوصلك و نمشي لخدمتي
+
ديمنة : {شافتو مغاديش يبغي و هي تقبط لو فيدو مبتاسمة} غير سير الحبيب ديالي انا باقا غندوز نقضي شي غراض غير غنبرزطك و نعطلك
+
توفيق : {ساط بجهد} و ضروري نعوضوها بشي خريجة غدا
+
ديمنة : {حركات لو راسها} ايه معنديش لمشكيل غدا و نخرجو (كلات لباب و رمات ليه قبلك فالهواء) يلاه احوباي باي باي
+
هبطات و سدات لباب متخركات تا هلاتو قلع غير مشا و هوما يرقلبو ملامح وجهها : اييخ لصقة ياربي سلامة تف تف
+
شافت فصاكها و هي تبدا ضحك كيف شي حمقة و بلا متحس براسها بدات تهضر : هانتا اسي جبريل بلا كوية بلا جوج مضبرة على صريف احح عليا و خلاص
+
شافت فنوكيا لي كانت باقا شاداه فيديها و هي تهز حاجبها بحالا تفكرات شي حاجة حيدات منو لكارط سيم بزربة و زادت بخطواتها سراع
+
موقفات تالعند مول تيليفونات دخلات لعندو محيحة و لي شافها يقول هاد سيد حاكرها و ضالمها
+
ديمنة : {بالغوات} اش هاد شي اشريف (لاحت ليه تيليفون فوق لكونطوار) تيليفون مخدام فيه لا ريزو لا مولاي بيه انا شغندير بيه لماكنش فيه ريزو غا قول ليا
1
مول لمحل ضهشراتو بغواتها و ناس غادين و كيشوفو فيهم : ابشوية الالة اري نبدلو ليك علاش هاد شوهة
+
ديمنة حطات يديها على خاصرها و بدات تعيشر عليه : شناهوا كيفاش شوهة و راه شوهة هي لي غندير ليك الى مرديتيش ليا رزقي يا نصاب وليتو تديو ديال عباد الله محشمتيش
+
مول لمحل دور عينيه و شوهاتو بالبيان ولا باغي غير سلة بلا عنب جبد 200dh كلها لاحها ليها : اختي غا بعدي مني ها لعار
1
ديمنة شدات ديك ربعالاف فيديها : بحالا كتصدق عليا (حطات يديها على ودنيها و كتغوت) ويك ويك اعباد الله اجيو شهدو على هاد ضالم نصاب شافني مسكينة و بغا يديرني فدغمة ديال لخبز (حولات عينيها لجيهتو) سير انا خليت ليك الله سير الله يعطيك مصيبة
+
زادت كتبعد على لمحل و كدعي و صوتها تدريجيا كيتنقص تا بعدات و هي طلقها بضحكة كيف شي حمقة شدات طاكسي تاللدرب فين ساكنة ..هبطات كتمختر دازت على صالون لقاتو مسدود كملت كتعفر فمشيتها و لعيالات ديال درب متبعينها بعينيهم شوية و ياكلوها
+
ديمنة تلفتات مخنزرة فواحد رباعة كالسين مفركين فبيبانهم كملت طريقها منفخة تا وصلت للدار حلات لباب دخلات كتسمع صوت تقرقيب فالكوزينة لاحت صاكها فالارض و دخلت كتجري تلاحت على جوديا معلقة فيها و تبوس : و مك توحشتك توحشتك البغلة
+
جوديا معرفتها منين تسلطات عليها دورات غا يديها كتقرص فيها: هبطي هبطي البغلة قسمتي ليا ضهري
+
هبطت ديمنة عنقاتها كيف ناس : ياختي راه توحشتك
+
جوديا : (طبطبات ليها على ضهرها) حتى انا لمك بقات بلاصتك
+
بعدات عليها ديمنة كتفرفر بعينيها : ايوى شنو لحياة بدون ديمنة زي العتمة
+
جوديا : ايوى الله يمسخك (جراتها من يديها غادة بيها لصالون تاع دار) و زيدي زيد عاودي لي اش داز فهاد تسافيرة
+
ديمنة جمعات ضحكتها و طرطقات كيف نفاخة : وا زامل لاخر عند بالو انا قحبة يجي يخوي فيا كبتو و يخلصني بالحق انا لي قحبة فاتحة ليه تقابية كلهم نستاهل كون جمعت كري كاع ميهيني هكاك
+
جوديا : {بصدمة مشدات من كلامها والو} سلاولي سلاولي ما فهمت تا خرية كلسي و شرحي ليا
+
ديمنة : {كلسات كتسوط و كتشوف فجوديا و حكماها لبكية} حسبني قحبة اجوديا
+
جوديا : {بدات كتستوعب} نعستي معاه اشيخة
+
ديمنة : {دارت فيها شوفة ديال من نيتك} انا وياه فدار شنو غنديرو مثلا غنصليو على هيضورة نمر
1
جوديا : {كلسات حداها حاطة يديها على فمها} زيدي زيدي عاودي
+
ديمنة : {شبكات يديها و كتهرب عينيها باش متهبطش دمعتها} مشينا عادي ضاحين ناشطين خرحني سراني مخلا مدار معايا و لكن بليل سخن عليا كري مشيت نفيقو بالما تاصدق قالبني تحتو و وقع لي وقع
+
جوديا : {صغرات فيها عينيها} ايه و بخاطرك
+
هزات ليها ديمنة راسها : ايه بخاطري و هنا فين وحلات ليا عمر شي زامل عطيتو قاعي تاليه هو
+
جوديا : {دورات راسها بأحياني عليك} افينك ا توفيق وا فينك اسعدوشي فينك يا معتصم مخليتو ما درتو فالخر لبوسة مديتوها جا جبريل خوركم و داز للجائزة الكبرى
4
خنزرات فيها ديمنة : واش بعقلك هادوك تاهوما رجال نخليهم يلعبو فيا
+
جوديا : و هادا باش مبدل
+
ديمنة : {سهات فالحيط و كتشوف قدام عينيها معاملتو ليها و كيف كيشد بخاطرها ولايني كشرات فاش رجعت بيها داكرتها للفلوس} كواي من طراز رفيع
+
جوديا : {بمزاح} هي حسن من أريس
2
ديمنة : {خرجات عينيها و بذات تدق فسداري} تف تف تف ملقيتي شكون تجبدي غا داك زبل
+
جوديا : و خلاص عليا تانتي زيدي كملي
+
ديمنة : و لالة صبح صباح سيد مكاينش و راني ليا لفلوس فصاك
+
جوديا : {حلات فمها مصدومة} اويلاي {قربات عندها مصغرة عينيها} اجي مدرتيش ترقيع البكارة
+
ديمنة خسرات سيفتها : وخلاص عليا تانتي لاش غنرقعها غا لعداب فابور نخسر فيها فلوس صحيحة فالخر نعطيها لواحد يعاود يتقب اش هاد لخوار
+
جوديــا : {شافت فيها مطولة} و صراحة من ناحيتي كون كنت بلاصتو غادي نشوفك بنفس نضرة
+
ديمنة : {هزات مخدة خبطاتها عليها} نوضي قودي الحمارة نوضي ينعل حمار بويـا لي كالسة نعاود ليك
+
جوديا : {قلزات كتقاد فكلستها} هاكي لمك شتي كون كنتي دايرة ترقيع كُرَاه درك كالسة تفتخي فيه و شكون يقول كاع ممكن يتزوجك
+
ديمنة : (ماطات يديها لصاكها حطاتو قدامها و حبدات لفلوس لي خدات من عند توفيق و كتنش بيهم) ميحتاجش لمكانش جبريل كاين توفيق {ختمات كلامها بغمزة}
+
جوديا : {بجدية شدات لديمنة فيديها} ديمنة تالين غتبقاي هاكا اصحبتي ، نتي عارفة غيجي شي نهار و غادي يلقاك أريس
+
ديمنة : {هزات كثافها بعدم اهتمام} مغاديش يلقاني تلفت لمو لقبلة فين جات
+
جوديـا : وا غا ردي بالك راه يلقاك ينحرك نحير جمل
+
ديمنة ناضت هازة صاكها غادة و كتعوج : تايلقاني و يحن الله
+
دخلات للبيت سدات عليها اول حاجة دارت هي حيدات عليها دوك شراوط و لبسات غير كسيوة خفيفة صيفية و رطبات وجهها من بعد ما غسلاتو عاد كلسات جبدات تيليفون شعلاتو لقات لعرارم ديال ليزابيل من نوامر مختالفين عوجات فمها و هي تنزل عليهم كولهم بالبلوك و مشات كتسكرولي فأنستغرام و مرة مرة كتمشي دخل لكونط ديالو متبخشش فيه كان ديجا قبلها فيه
+
عـنـد جِــبريــل ...
+
دار فطريق كثر من ستة سوايع بحكم ثقل ديال لكاميو مكانش مساعدو بالمرة فطريق و كان كل مرة كيصوني عليها بشي رقم لدرجة نمرتو ديال لخدمة لي كيصوني بيها على لكليان صونا عليها بيها و والو و تقول واش جاوبت ..
+
بعد سبعة سوايع و نص عاد دخل للرباط حط لكاميو فشركة و سنا على شي بونات و مشا طلع فطموبيلتو عاقد حداش محاملش هاد تبرهيش كيف سماه هو كسيرا مقلع تا خلا روايض مطراسين فالارض و غادي و كيسب فبنادم و كل مرة كيدوبل شي حد تا وصل للدرب لي ساكنة فيه
+
باركا طموبيل بعيدة شوية على دار و هبط للحانوت لي كان غا تم خدا كارط سيم جديدة رجع للطموبيل ركبها فتيليفونو و صونا ليها فالبلاصة بقا كيساين ثواني تا كان تفتح لخط بقات ساكتة كتصنت
+
جبريـل : {بخشونة} خـرجـي لـعـنـدي
+
يـتـبـــــــــــــــــع ...
+
3
