رواية غرام ابليس الفصل السادس 6 بقلم مريم عبدالرحمن
الفصل السادس .... غرام إبليس
لمريم عبدالرحمن
واتباد...
_______________________
سلوى / يبقا اكيد هتساعد البنت دي
ياسين بتنهيده / هساعدها
سلوى ابتسمت / روح اتكلم معاها يمكن تفهم منها اكتر
ياسين / تمام
خرج ياسين للصالون وراه سلوى ياسين قعد جمبها عالكنبه
ورد بخوف / هتساعدني!!
ياسين / هساعدك
ورد ابتسمت / شكرا
ياسين / بس لازم تفهمي ان اللي بعمله ده مش عشانك
ورد كشرت / ما تكمل عمل خيري للاخر يا اخي
ياسين بنرفزه/ لو سيبتيني اكمل كلااام دقيقه
ورد بجز على سنانها/ اتفضلللل
سلوى بتوتر / اهدا يا ياسين
ياسين اتنهد / انا بعمل كده عشانه هو
ورد باستغراب / مفهمتش
ياسين / انتي الدليل الوحيد اللي تقدري تدخلي شخص زي ده السجن و طبعا مش هيخش بسهوله دي شغل كبير جدا و كمان عشان نلاقي صاحبتك اللي هي ممكن تكون اتقتلت ده اصعب حاجه انا عاوز افهمك يا انسه إن دخولي فالموضوع ده مش خير ابدا ولا الموضوع سهل ده تاجر اعضاء على مستوى العالم مش دوله واحده انتي مستوعبه؟؟
ورد بتوتر / عرفته منين !!
ياسين / و مين ميعرفوووش انتي بس تلاقيكي مش مختلطه بالجو ده
ورد / و بما ان كله عارف انه تاجر اعضاء ليه ممسكهوش!!!؟
ياسين / حمزه نجيب اذكى شخص ممكن تشوفيه ف حياتك بياخد ناس ملهمش حق فالحياه و لا الدنيا و وجودهم زي عدمهم ولا حد هيسأل عنهم
ورد كشرت / بس انا ليا اهل
ياسين بتهديد/ بس هنا ملكيش حقووووق و محدش هينكر عدم وجودك فالبلد و حتى مش هيهتمو لقضيتك لو موتي لإنك ولا بنا وزير ولا سفير ولا ليكي قريب
ورد بدموع / و انت مش هتسيبه يعمل كده صح!!
ياسين باطمئنان / متخافيش
ورد بكسره/ هما كده اللي ضهرهم مكسور مبيلحقوش يفرحو بيفضلوا يكدبوا عل عقلهم و قلبهم لحد ما كل حاجه تنتهي ف حياتهم بيفضلوا يكدبو على نفسهم لحد اخر ذره ف حياتهم و انا ف حياتي الذره دي هفضل على امل بيها و بيك انك هتساعدني
ياسين / وعد هساعدك متخافيش
سلوى / احم احم..سوري عالمقاطعه بس هنقول اي لبابا عليها يا ياسين
ياسين / انتي عارفه بابا لو عرف ان وراها مشكله مش هيساعدها هتقولي يا سلوى انها صاحبتك من مصر أيام ثانوي اما كنتي بتدرسي
سلوى / تمام
ياسين / و اطلعي خليها تاخد دش ايامنا الجايه الله اعلم فيها اي
سلوى / حاضر يلا يا ورد
قامت ورد مع سلوى و طلعوا و ياسين طلع تليفونه اتصل ب رقم و قال...
ياسين بخبث / قوله هات اللي عندك بلاش يقرفنا
_______________________
عند محمود و هدير ف نفس المكان المهجور ...
محمود فتح علية السجاير و خد سجاره و ولعها و طلع دخان بهدوء و هدير قعدت تكح...
هدير بخنقه / السجاير بتجبلي ضيق تنفس يا اخ انت
محمود بصلها ببرود و انعدام شعور
هدير بتكح / بقولك اقفلها
محمود بزعيق / مين هنا بيأمر مين
هدير بخوف / بص متزعقش
محمود / بردو بتؤمري!!!!
هدير / مش اقصد
محمود / اتزفتي اطفحي جبتلك اكل و مش هطفي نيله سجاير
هدير باستهبال/ هاكل و انا ايدي و رجلي مربوطين ؟؟
محمود بتنهيده / هفكلك ايدك
هدير / و رجلي ؟؟
محمود بزعيق / ليه بتاكلي برجلك ؟؟
هدير /عشان اعرف احط الاكل على رجلي و اكل براحتي
محمود بنرفزه / انتي مبتكلميش واحد عنده ١٦ سنه اعقلي و حطي عقلك جوا راااسك
و خبط على راسها بصباعه ...
محمود / اطفحي
___________________________
ف بيت ياسين طلعت ورد من حمام ف اوضه جميله اوي المفرود بتاعتها لبست من لبس سلوى فستان لفوق ركبتها ابيض مشجر كحلي ورد بسيط و ب كات تخين و شيك اوي و لبست شبشب بفيونكه شكله حلو و رفعت شعرها البني و نزلت عشان تشوف سلوى و ياسين نزلت و هي مرتبكه لكن بتبين الثقه لانها شخصيه قويه و ناجحه بنقول لنفسها مش هضيع نجاحي و حياتي فالاخر على عدم الثقه و الارتباك شافتها سلوى و ابتسمت..
سلوى / بحط الاكل عشان بابا قرب يرجع و طبعا زي م قولتلك انتي هتقولي انك صاحبتي من مصر من ثانويه
ورد / تمام
ياسين / ورد احنا لازم نحل الموضوع ده قبل دخول الدراسه عشان متضيعش السنه عليكي انتي و صاحبتك
ورد بخنقه/ المهم نخلص من الارف و الهم ده
ياسين بابتسامه / متخافيش
ورد / ممكن اسأل سؤال
ياسين / قولي
ورد / انت تعرف حمزه منين و اي علاقتك بيه و ليه تساعدني مع ان غيرك عمره م هيعمل كده
ياسين دير وشه و حط ايده على شعره
ياسين / بصي متدخليش
ورد بسخريه / و ليه متدخلش !!ما تكون انت كمان تاجر زيه و هتوديني ف داهيه
سلوى بتوتر / ياسين طيار يا ورد
ياسين بعصبيه/ مش عاجبك اللي هنقدمه ليكي و انتي ساكته امشي
ورد بنرفزه / انت بتطردني !!
ياسين بزعيق / اذا كان عاجبك
سلوى بخوف / ياسين حرام عليك
ورد بنرفزه/ مش عاوزه منه مساعده ده حيوان
و خرجت ورد بسرعه من باب الفيلا
سلوى بعتاب / ياسين انت عملت اي
ياسين بضحك/ انا قاصد و اهو بالمره تستاهل لسانها طويل
سلوى بخوف/ ممكن يجيبوها و يموتوها
ياسين ببرود / انا عارف بعمل اي بلاش رغي كتير يا حبيبتي و بعدين مش هيموتو حد
سلوى بنرفزه / سيب الاكل اللي ف ايييدك و قووم هاتها
ياسين بصلها و رد بعصبيه/ سلوى اقسم بالله لو اتكلمتي كلمه كمان هسيبها فعلا قلتلك مليون مره انا عارف بعمل اي
_________________________
ورد تاهت ف شوارع منوره لكن ضلمه ناس حواليها لكن وحيده ماشيه الساقعه محاوطاها لكن متدفيه عقلها موجود لكن مش شغال قلبها بينبض بس بإسم بلدها مصر عاوزه ترجع بلادها اللي كان فيها امان و دفء وسط اهلها و ناسها قلبها بيدق محتاج صديقة عمرها جمبها او امها او ابوها اللي مبيبطلش تفكير ف مستقبلها كل دول ف لحظه غير منتظره راحو ..رجليها بتجرها لمكان متعرفش هي فين بقت وسط ناس ف شوارع بتتكلم ب لغه صعب تفهمها ناس مختلفه و مؤذيه فاللحظه دي وقفت فكرت تروح لشخص يحتويها ملقتش محتاجه شخص وااااحد يخفف الم قلبها توقف اي حد تقوله عاوز ارجع بلدي ما يمكن شخص العن من حمزه و ياسين اذا كان ولاد بلدي عملو فيا كده الناس الغريبه هتعمل اي !!! حرب و صراع بين قلبها
_________________________
عند حمزه ...
حمزه بزعيق / يعني اي ياسين مش عاوز يجيبها !! اقسم بالله لو مجبهاش الليله دي لهكون قاتل شخص تاني عزيز على قلبه
نور بنؤفزه/ هتقتل مين يعني !! م انت خدت مراته قبل كده منه خدت قلبه و روحه
حمزه بصلها / تكونيش متعاطفه معاه!!!
نور بتوتر/ متعاطفتش
حمزه قرب منها بهدوء و برود ...
حمزه / و لو سافرت مصر و حكت اللي حصل لمخلوق و طبعا ياسين هيموت و يلاقي دليل عليا يسجني بيه فالسجن !! خاصة إن هو عاوز يسجني ف مصر و هناك مش هعرف أخرج
نور بتريقه / اقولك حاجه و متضايقش
حمزه ببرود و هو بيشرب كاس / قولي
نور بأرف/ انت اخرك مستشفى المجانين
حمزه اتعصب و مسك نور من شعرها
حمزه بهمس / لو اتكلمتي كلام برا مجااالك هدخلك انا مستشفى المجانين على ايدي
نور / حمزه سيبني سيبني are you crazy ?? Iam your sis
(هل انت مجنون ؟؟ انا اختك )
حمزه بعصبيه / If my sister is a traitor and not a big girl, you can carry out the orders of her older brother, then you are the grave
(إذا كان اختي خائنه و ليست فتاه كبيره تستطيع تنفيذ اوامر اخوها الاكبر فأنتي لكي القبر)
حمزه ساب نور و زقها عالكنبه و موبايل حمزه رن و رد بسرعه عالمتصل
حمزه / معتز جبت ليها اخبار
معتز / ورد ف شارع *** في نيو يورك
حمزه باستغراب / ازاي !!
معتز / اللي انت مش فاهمه يا حمزه بيه إن ياسين بيلعب بيك و دي اكيد لعبه منه و غدر
حمزه بسخريه/ فالحالتين انا هاخدها ... و كمل و هو مكشر ..و لو حد فيكو شافها متنساش اوعوا تلمسو شعره منها فاهم ؟؟؟
معتز / حاضر يا حمزه بيه
_________________________
في شوارع نيو يورك ماشيه وردة البستان خبطت ف ست عجوزه من سرحانها ...
الست بابتسامه / can i help you ??
(هل يمكنني مساعدتك؟)
ورد بسرحان/ no thanx
(لا شكرا )
الست / You seem lost
(يبدو انكي تائهه)
ورد / I am not, I know the address
(لست كذلك .. انا اعرف العنوان )
الست بحنان / Hey girl, my name is Maria, who is about 78 years old, and I have not met confused eyes with this view. You do not seem to be lost, the place is but in your heart
(ايتها الفتاه انا اسمي ماريا بعمر يناهز ٧٨ عاماً و لم اقابل عيون تائهه بهذا المنظر لا يبدو انك تائهه فالمكان بل في قلبك )
ورد بحزن /I lost everything
(انا خسرت كل شئ )
ماريا بضحكه/ What do you lose when you are at the height of your youth?
(ماذا تخسرين و انتي في عز شبابك؟)
ورد بدموع/ I lost my heart, my mind, my confidence, my success, myself, my family and my girlfriend
(انا خسرت قلبي و عقلي و ثقتي بنفسي و نجاحي و نفسي و عائلتي و صديقتي )
ماريا بابتسامه /Didn’t you think that loss was the first start of anything?
(ألم تعتقدي ذلك الخساره هي اول بدايه لأي شئ تكسبيه )
ورد بصتلها بنظره يأس ..
ورد /What will I earn?
(ماذا سأكسب؟)
ماريا بخبث / If I give you a new heart instead of destroying the old, will you give your life another value?
(إن اعطتكي قلب جديد بدلاً من تلف القديم هل ستعطي لحياتك قيمه مره اخرى؟ )
ورد / How will you give me that heart
(كيف ستعطيني ذلك القلب)
ماريا ابتسمت / in work with me
(بالعمل معي)
ورد / what is your work
(ما هو عملك )
ماريا بخبث/ member trader
(تاجرة اعضاء )
ورد بخوف / اي؟؟
ورد تراجعت ل ورا و خافت و جات تمشي اتفاجئت ب حمزه وراها و معاه نور كمان و نجيب و رجالتهم .
.
حمزه ببرود / You speak English professionally, girl
(انتي تجيدين الانجليزيه ايتها الفتاه )
ورد بخوف / حمزه !!!
________________________
يا ترى هل ده فعلا فخ و ياسين هيلحقها !! ولا حمزه ياخدها!! و لو خدها هل هيموتها !! و هو اصلا رفض ان حد يلمس شعره منها هل ممكن يكون في حرب ؟ و ياسين هل بيساعدها عشان ينتقم من مراته اللي موتها ولا كانت مجرد وسيله!بإيده ينتقم من زمان اوي و اي حكاية مراته و حمزه ! و هل المسأله بين ياسين و حمزه هتبقا اكبر من الانتقام هل ممكن تكون مسألة قلوب !هتكون حرب و صراع بين القلوب مش حرب بين انتقام !!!؟ و و هل ممكن محمود يشفق على هدير ؟؟ و اي علاقة ياسين ب زينه اخت ورد !! هل هو ده العريس المستنياه و حالته وحشه رغم الفلوس اللي معاه دي هل هو بيضحك عليها ؟؟ممكن ؟؟ولا اي اللغز !! قصص كتير غير معلومه و لكن لو كملتو الروايه هتعرفو
يتبع...
