رواية فقيرة في عالم الاغنياء الفصل السادس 6 بقلم ياسمين محمد
الفصل السادس
طبعا طبعا ياعم سالم بنتك ذي بنتي خليها تعدي عليا بكرا هنا الساعه عشره هكون موجود ولو لسه مجتش خليها تستناني
سالم: ربنا يخليك يابيه ربنا يوقف لك ولاد الحلال يارب وتفرح بكريم بيه
والد كريم: يارب ياعم سالم يااارب
روح دلوقتي علي شغلك
سالم: حاضر يا بيه
اما انت خير يارب الحمدلله
..................
فينك يا داليا كل دا تاخير
داليا: جرا ايه يا مروه فيها ايه يعني ودا علي اساس ان حد من الشله لسه جه
مروه: بس انا واقفه مستنياكي من بدري يا داليا ولو كنتي هتتاخري كنتي قوليلي
داليا: اسكتي بقي هي اول مره يعني
مروه: وعشان كدا هزعل منك يا داليا
داليا: اتفلقي
مروه: كدا يعني ماشي سلام
داليا: سلام
ولقد غادرت مروه في لحظه وصول عادل ويوسف
ازيك يا مر مالها دي
داليا: فكك منها يا عادل
عادل: ليه كدا مش انتو صحاب
داليا: اوف المفروض تبوس ايديها وش وضهر اني مخليها صحبتي.
فقد شعر عادل بالضيق من داليا ومن كلامها لانه يحب مروه ولكنها لا تشعر بيه ابدا
داليا: هنروح فين انهارده يا شباب
يوسف: مش عارف اختارو وانا معاكم في اي حاجه
عادل: لا اخرجو انتو انا هلحق مروه عشان متزعلش
داليا: برضو مروه ياعم سيبك بكرا تيجي تكلمنا
مروه تحدث نفسها هي مفكره نفسها ايه كويس اني متواضعه معها هي لا بتاكلني ولا بتشربني الحمدلله علي حالي هو علشان انا وعيلتي مش اغنيه تقول كدا انا بجد حسيت بيكي يا مي
مروه مروه استني
مروه: مين عادل
عادل: ايوه يا قطه مالك بقي زعلانه ليه
مروه: مفيش مش زعلانه انا هروح البيت ارتاح
عادل: طب تعالي اروحك وبالمره اقولك علي حاجه مهمه كدا
مروه: ماشي بس مش تدخل شارعنا عشان الناس وانت عارف
عادل: عارف يا مروه يلا بينا
...................
وعند الساعه الحاديه عشر مساءا
في فيلا الهواري والد كريم: داليا داليا انتي يا بت
الداده خيريه: مش هنا يا بيه
والد كريم: اومال فين
خيريه: خرجت من الصبح يا بيه
والد كريم: استغفر الله العظيم واتوب اليه
البت دي هتجنني انا تعبت منها احبسها ولا اضربها ولا اعمل ايه ياربي فيها
قال ذلك علي دخول كريم
كريم: مالك يا بابا في ايه
والد كريم: اختك تعبتي لازم تتربي من اول وجديد يا كريم البت كل يوم ترجع في نص اليل كدا
كريم: عندك حق انا بكره هتكلم معاها وافهمها
تصبح على خير يابابا
والد كريم: وانت من اهل الخير يا حبيبي
داده خيريه تعالي علي المكتب بسرعه
خيريه: حاضر جايه اهو يا بيه
.....................
بجد بجد يا بابا يعني وافق اني اشتغل عنده
سالم: ايوه يا بنتي ومن بكرا هتروح تعملي معاه مقابله الساعه عشره كدا بس هوصفلك العنوان وهتروحي لوحدك عشان انا في الوقت دا ببقي بحفظ الاولاد قراءن
مي: ماشي يا بابا ربنا يخليك ليا
سالم: يلا هاتي ورقه وقلم اكتبلك
