رواية احضان من جمر الفصل السادس والعشرين 26 بقلم الكاتبة ناز الدليم
محمد: هية كالت هيج اني هم ماكلت باطل طبيت للصالة هية ضلت واكفة ماتحركت ضربتهة راشدي
بس مو كلش قوي بس علمود تعرف بيمن اندكت
ضربتهة اشو هااي تعاي ورجعيلي الراشدي وكدام
البنات كاامن يصفكن ويضحكن ويصيحن عفية
والله كفووو اني هناا تحلفت بيهة من صدك
توني داا الزمهة اشو هااي طفرت تركض صعدت
ع القنفات زدكمز وتركض جنهة شمبانزي طرت اركض اريد الزمهة بس مالحك بيهة تكمز منا ومنا نوب تروح
تختل ورة البنات وذني خرباانات ضحك اخر شي رادت تطلع وجاان اطكهة بركضة ولزمتهة من ايدهة كامت
تضرب بيدي وكتلهة ها مو توج جنتي قوية وضربتيني
راشدي.
سمر: هوة ضربني راشدي كدام البنات اني هناا رديتلة
الراشدي اشوو هاذة هااج صااار ثور اني طفرت ع
القنفات كمت اكمز اروح منا ومنا ونوب اطفر ع البنات اختل وراهن وهاذة ماخذة الواهس يكمز وياية بس يريد يلزمني انوب اني فحطتت اكمزز واضحك والبنات
ماا قصرن بلتشجيع ونوب يصفكن ويضحكن اخير شي كمزت داريد اطلع وجاان يلزمني متت بدمي هناا اشاهدت ع روحي كلت راح يجيبني براشدي يلزكني بلكااع كمت اضرب بيدة عسة وعلى يهدني بس ولاا عبالك اجة لوة ايدي ورة ضهري وكاال اعتذري البنات سكتن من شافن السالفة صارت صدك ضلن بس يباعن نرجس مادخلت واكفة وحاابسة الضحكة قوة قبضتة ع ايدي وكاال.
محمد: يلاااا سميرة الشمبانزي اعتذري.
سمر بضحكة: اوويي حمدمد ايدي.
ــ يبوو اني كلت حمدمد لو ابتليت ع عمري البنات طكنهة بضحكة اشو هاذة شاف البنات يضحكن.
مهاا: محمد عوف ايدهة للبنية راح تكسرهة.
محمد: مو قبل متعتذر.
سمر: والله ماعتذر انتة ضربتني اول واحد فلازم انتة تعتذر مني وبعدين اني.
محمد: لاا والله ست نرجس خااف مترضين.
سمر: لا والله ارضة.
محمد بعيطة: اعتذري يلااا.
سمر: ايي ايي يلاا اسفة بس والله لكول البابة عليك
اكلة محمد خلص علية.
محمد: الله ياخذج ع هاذة الجذب هوة راشدي وسويتيهة خلص علية جاا اذا ضاربج من صدك
شتكوليلة.
سمر: ايي والله محد كلك تضربني.
محمد : بس خوش راشدي مو.
سمر بضحكة : ليش متسئل نفسك عجبك الراشد مالتي لو لاا.
محمد: بسيط اني اعلمج شلون تمدين ايدج مرة ثاانية.
سمر: ميحتااج تعلمني اني اعرف.
نرجس بضحكة: بسس يولي كاافي هااي عود انتي الفقيرة والفطيرة.
محمد: اذا هااي فقيرة لج بابا هااي الله ميجرعهة.
سمر: لاا اني مو فقيرة لان الفقير بهاذة الوكت ميعيش.
محمد: بس انتي مو فقيرة انتي مجلوبة.
نرجس: نرجس سمر ومحمد تعاركو وكبت للستار واحنة واكفاات نشجع بيهم مو نفازع والبنات خربن ضحك عليهم الة انوب محمد كاللهة مجلبوة وهااي تخبلت رادت ترد علي بس اني رحت عليهة واسكت بيهة وخربانة ضحك بلكوة سكتتهة ومهاا راحت ع محمد
طلعتة خطية الله يسلمة هم مينجرع كللهة بسيط وطلع.
سمر: شوفي شوفي شلون يكلي بسيطة.
نرجس: ايي عاادي ميخالف.
سمر: بسيطة الة اكلول البابة علي اليوم.
فيروز بضحكة: هاا سميرة الله بلخيرر.
سمر: ايي ايي اشمتي.
فيروز بضحكة: لاا استغفر الله اني ابد ما مشمتة.
سمر: ايي اصلاً كلش مبين مدا تشمتين.
رقية: يلاا ياابة قابل شنو هوة راشدي ورااح.
سمر: خليت وطلعت والبنات ضلن بلصالة صعدت للغرفة دمي يفور ع محمد لان ضربني يلاا المهم اني ماعفت حقيي يضيع ورجعتلة الضربة.
نرجس: سمر صعدت فوك واني ضليت جوة رحت للمطبخ فتحت الثلاجة طلعتلي تفااحة كعدت ع ميز الطعام داكل بيهة وجان يفوت وعيونة صاايرة دم
وجهة ميتفسرر طب وجاان يعيط اني فزيت من ورة العيطة.
فهد : جنة بيت عمي سمير واجاني اتصاال مهم جااي اخابر بنص المكالمة واسمع صوت اغاني من بيت جدي
والصوت واصل الراس الشارع رحت اتمشة ع شاارع حتة صوت الاغاني مينسمع بين ما اخلص المكالمة كملت ونهيت المكالمة واني رحت بوجهي البيت جدي
ودميي فايرر وصلت فتت للمطبخ وشفت نرجس كاعدة تاكل تفاح باوعتلي وجاان اعيط
ــ مهااااا تعااييي هناااا بسرررعععة.
مهاا: هاا فهد شصاير.
ــ فهد بعياط: شنو هااي الاغاني شعدنة عرس صوت الاغاني واصل الراس الشاارع.
ــ مهااا: لاا رد.
فهد بعياط : متحجي شبيج.
نرجس: اني شفتة شلون يعيط ع مهاا وخطية هية مدنك وخاايفة منة وهوة مستمر يعيط عليهة اني هناا ماتحملت وكمت علي وسحبت مهاا خليتهة وراية وكتلة اعصابك شبيك خبلت البنية موو هيج تتفاهم اعصابك.
فهد: وكفت نرجس كدامي وخلت مهاا وراهة وكامت تحجي وتعلي بصوتهة ماتحملتهة وكتلهة معليج انتي لتدخلين وصوتج نصي لاا اكسرج قسم بالله.
نرجس: وع شنو تكسررني قابل اني شحاجية وبعدين ميصير هيج تعيط عليهة هية مالهة ذنب واصلااً اني الشغلت الاغاني مو هية.
فهد: يعني انتي المشغلة الاغاني.
نرجس: ايي اني قابل شنوو شمسوين هية اغاني ميحتاج كل هلعصبية.
فهد: وع شنو مشغلة اغاني شنوو مفتحين ملهة.
نرجس : فهد احترم نفسك تراا مامسوين شي غلط هية اغنية و كلبت الدنيااا علينة.
فهد: احجي عدل ولتعلين صوتج اخرر مرة احذرج.
نرجس: عفتة ماارديت علي فريت ايدي وسحبت مهاا
من ايدهة داا افوت وجاان انسحب من ايدي حيل احس ايد انكسرت من القوة.
فهد: من احجي ويااج تنتضريني اكمل كلامي يلااا تمشين وهااي المن فريتي ايدج لازم ماعاجبج كلامي.
نرجس : اويي فهد هااي شبيك ايدي شهل تصرف انتة شنو سالفتك.
فهد بعياط: نرجس احترمي نفسج لتخبليني شنوو انتي اشوو متحترمين وتعلين صوتج لتخليني اصرف ويااج غير تصرف تررا كوة لازم نفسي عنج.
نرجس: من كال هيج اني تعصبت حيل وماكدرت اتمالك نفسي وكتلة ايي اني ماريد احترم نفسي
انتة شعليك.
فهد بصياح: لتكولين شعليك نرجس لتكولين.
نرجس: من كتلة هيج شكلة انكلب وجهة ميتفسرر
سحلني سحل من ايدي وصلني الباب غرفتة واني
اعيط واضرب بيدة وهوة ولا عبالك احجي ويااا
كتلة فهد هد ايدي لتتخبل شبيك البنات كلهن ضلن
بس يباوعن مصدومات من ردت فعل فهد فتح باب
الغرفة وجرني حيل واني ضليت لازمة يدة الباب ما
قبلت افوت جان يلزم ايدي بايدة الثانية وخرهة
عن اليدة وطببني للغرفة وقل الباب وهوة ضل يفتر
بلغرفة ضى يروح ويجي واني واكفة يم الباب ضل
مخلي ايدة علة عيونة ويفرك بيهن ويستغفر اني هنا
تشاهدت ع روحي ضليت واكفة بل عشر دقايق خايف وارجف شوية وكعد ؏جرباية وكال تعااي اني ما رحت
ضليت واكفة بمكاني خايفة اروحلة كاام عليية اني
رجعت ليورة لزمني من فكي حييل وكال انتي الى متى
اضلين بهاذة اسلوبج الخررا الى متى نرجس ضغط حيل ع فكي نوب وكال نصيحة مني الجج ينرجس
لتختبرين صبري فتهمتي لو لااا عاط مرة ثانية فهمتي لوو لااا اني هزيت راسي بمعنى فهمت شال ايدة وراح
كعد ع جرباية ولزم راسة بأيدة وضل يهز برجلية واني
ضليت متصنمة بمكاني ماتحركت.
فهد: من كالت انتة شعليك اني تخبلت اجيت جريتهة من ايدهة وسحلتهة لغرفتي هية ضلت اضرب بايدي
بس ماكدرت تفكهة طببتهة للغرفة كوة صبرت نفسي ضليت افترر بلغرفة واستغفر ربي حتة ما ارتكب بيهة
جريمة كعدت ع جرباية صحتلهة مااجتي الضاهر ناوية
ع روحة اليوم كمت عليهة وعصرت فكهة بأيدي حيل
وكتلهة الى متى اضلين بأسلوبج الخررا ضغط اكثر ع فكهة وكتلهة نصيمة لتختبرين صبري كعدت ع جرباية ولزمت راسي من الوجع وضليت اهز برجلية طلعت
باكيت الجكاير ورثتلي جارة وجكارتين وتلاثة الغرفة
صارت كلهة دخان وريحة مال جكاير ونرجس ضلت
اتكح ماهتميتلهة ضليت ادخن خلصت الجكارة ذبيتهة
بلكاع دست عليهة برجلي ورحت فتحت الباب وطلعت
اخذت المفتاح وقفلت الباب من برة وهية ضلت اضرب
بلباب وتعيط اني عفهة ورحت.
نرجس: رجع ع جرباية وكام يشرب جكاير الغرفة انترست دخان وريحة مال جكاير تخنك تني اختنكت من الريحة ضليت اكح وهوة ولا عبالك لا احساس ولا
ضمير خلص الجكارة لاخيرة ذبهة وداسهة برجلة مادري
شيقصد بهلحركة وصل يم الباب فتح الباب اني عبالي فتح الباب الي حتة اطلع شو هاذة اخذ المفاتيح وطلع وقفل الباب علية اني تخبلت كمت اضرب بلباب واعيط
فهد افتح البااب فهد ميصير تسوي هيج فهدد افتحح
البااااببب اعيط انبح صوتي ولا عبالك اختنكت وكمتت
وبجيت لاان من صدك اختنكت وما تمالكت نفسي
شوية وجاان اسمع دكة خفيفة ع الباب وسمعت صوت
سمر وهية خافتة صوتهة وتصيح بأسمي اني هنا كمزت
اركض ع الباب وكتلهة هاا سمرر.
سمر: جنت فوك كااعدة ع الجرباية وجاان اسمع عيااط
نزلت اركض واشوف فهد لازم ايد نرجس ويعيط
ضليت بمكاني اباوع عليهم ماكدرت ادخل انوب
نرجس علت صوتهة ع فهد شوهاذة عت نرجس من
ايدهة وسحلة وفوتهة الغرفتة واني صليت صافنة
مااعرفت شسوي انوب محمد طلع مادري وين راح
وكلت اكيد هسة خلص ع نرجس ضليت افتر بلبيت
والبنات يفترن وياية خايفات وكلت بنات اني راح اروح
اصييح البابة وجلبت بية رقية ومهاا وكالن لاا انة لتروحين اذا صحتيلة رااح تصير عركة حبابة انتضري
بنات شلون متشوفون شلون سحلهة وجاان نور تكول.
نور: ايي اصلاً ميلام بيهة اختج عوبة وترادد بي.
سمر: اشوو انتي متعرفين تحجين احترمي نفسج احسلج.
نور: واذا ما احترمت نفسي شسوين بلااا.
سمر : موو اجيي امسح بيج الكاع.
نور بضحكة: شحدج اتمدين ايدج اصلاً .
سمر : لاا والله امدهة ونص.
نور: الله ينطيج بابا.
سمر : فيروز حاولي تسكتين اختج تررا لحد الان واني
ساكتتلهة.
مهااا: بنات كافي شبيجن احنة بياا حالة وانتن دتتعاركن شنو السالفة.
نور: ايي متحاجيهة هية كل وحدة السانهة السان الدلالة.
سمر: وانتي السانج السان الكحبة.
رقية: كاافي بنات شخبلجن بسس اسكتن.
سمر: سكتت بس هااي نويرة اندي الزمهة اشرب من دمهة الحقير شهل الحقارة والحقد الشايلتة علينة
شوية ونزل فهد كعد بلصالة ومخلي ايدة علة عيونة
اني سحبت نفسي شوية شوية وصعدت دكيت الباب دكة خفيفية وكلت نرجس بصوت ناصي هية سمعتني وكالت ها سمر كتلهة هاا نرجس بس كليلي شسوالج فهد صربج مووو وكالت لاا ماضربني بس روحي
بسرعة صيحي البابة هية تحجي وصوتهة يرجف
اني ماجذبت خبر نزلت ركض من الدرج دااطلع الباب
واسمع عياط فهد وراية.
فهد: نزلت ورحت كعدت بلصالة وخليت ايدي علة اعيوني احسهن يطلعن ناارر وراسيي يريد ينفجرر
شوية ورخرت ايدي من عيوني وانتجيت ع القنفة
وشفت سمر نزلت من الدرج تركض اني بسرعة رحت
وراهة قبل لتطلع باب المطبخ عطت عليهة وينن رايحة.
سمر بعصبية: رايحة البيت عمو سميرر.
فهد بعياط: فووتييي جوووة مااكو روحة.
سمر: بس اني اريد اروح ماريد افوت جوة.
فهد: ايي واني اكولج مااكو روحة.
سمر بستهزاء: وليش متريدني اروح خاايف لاكول البابة
فهد بعياط: اني ما خااف لامن ابوج ولا من اكبرر راس
فتهمتي لووو لاا.
سمر: لا رد.
فهد بعياط: تعااي مهاا رقية فوتنهة جوة.
سمر: اجني رقية ومهاا فوتني جوة واني كمت افور من العصبية يربي هاذة شيحس رااح يخبلني عافنة وراح
اني رحت اركض الغرفتي اركض اريد افكر شسوي
اخير شي كلت خل اخابر ع احمد دكيت مارد دكيت مرة ثانية بسرعة جااوب وكال مبايلي جان ع شحن
كتلة ايي عاادي وكال.
احمد: اشعجب اتصلتي.
سمر: احمد حباب تكدر تجيي للبيت بسرعة.
احمد: ليش خوما صاير شي.
سمر: احمد فهد حابس نرجس بغرفتة وقافل عليهة الباب.
احمد: ليش حابسهة احجي اشصاير.
سمر: حجيتلة السالفة كلهة.
احمد: تمام دقايق واني يمكم.
سمر: سديت الخط ماكو 10دقايق وجان اسمع صوت احمد جوة نزلت اركض واشوفة كاعد يم فهد ويحجي
بصوت عالي وكال.
احمد: جنت كاعد بلصالة وبيت جدي كلهم يمنة وملتمين كمت حطيت مبايلي ع شحن بلمطبخ
شوية وسمعت مبايلي يدك داريد افتح خط وجان ينكطع شفت المتصل سمر استغربت من اتصالهة
رجعت دكت مرة ثانية وبسرعة فتحت خط حجت وفهتني السالفة رحت صعدت الغرفتي لفيت الغترة
وشلت السبحة ورشيت عطر وطلعت وصلت ماكو
احد من البنات فتت الصالة بس فهد كاعد بيهة
سلمت علي وكتلة هااا فهد شصاايرر.
فهد: شصااير.
احمد: اني داسئلك اشصاير ليش حابس البنية.
فهد: ليش انتة اشمدريك.
احمد: هسة عوفنة من الف والدوران ليش حابس البنية.
فهد: احسن مالام بيهة.
احمد: فهد ميصير حتة اذا هية اتصرفت غلط ميصير تسوي هيج.
فهد: لاا واسوي بيهة الاكثرر السانهة السان...استغفر الله
ياربي السانهة اطول منهة اني اريد اربيهة واشوف شلون ترفع صوتهة علية بعد ولك اني الي كل العالم اتهابني وتحترمني ومافديو واحد اجرء ورفع صوتة
بوجهي داا تجيي هااي ترفع صوتهةعلية.
احمد: فهد ميصير حتة اذا رفعت صوتهة رزلهة علمهة
بس مو تحبسهة هسة اذا اجة عمي وشافك حابسهة للبنية شنو موقفك كداامة.
فهد: اني وعمي نتفااهم.
احمد: فهد افتح الباب للبنية شنو تتفاهم انتة وعمي.
فهد: استغفرر الله ياربي.
احمد: فهد عديهة هااي المرة.
فهد: كمت افترر بلصالة وحااط ايدي ع راسي واتأفأف
عفتة ورحت صعدت للغرفة فتحت الباب مال غرفة لكيتهة حاضنة رجليهة وكاعدة فتت وقفلت الباب وراية هية مااحجت ولا كلمة رحت كعدت ع جرباية وضليت اباوعلهة وكتلهة انتي الى متى رااح اضلين
هيج يعني اني شكم مرة حذرتج بس انتي متوبين.
نرجس: افتح الباب فات فهد وقفلة ورا اني ضليت كاعدة وماحجيت ولا كلمة هوة كام يحجي علية
كمل كلامة رفعت راسي ضليت صافنة بوجهة
وكتلة فهد تررا اني ما مسوية شي غلط بس انتة
اصغر غلط تكلب البيت كلب تراا تكدر تحل كلشي
بلتفاهم مو بلعياط وبعدين ميصير تعيط ع مهاا
كدامنة وترزلهة تراا هية هم عدهة احساس ومشااعر
ميصير تتعامل ويااهة هييج.
فهد: تنهدت وكمت فتحت الباب وكتلهة كومي كاامت وكفت يم الباب دتطلع لزمت ايدهة حيل وكتلهة
حااولي اتغيرين اسلوبج وياي لان والله اندمج فااهمة لو لااا وهااا لتنسين عرس صديقتج اكدرر بأبسط
طريقة ماخليج تروحيين بس كلت خطية صديقتج
من الطفولة خل تحضر.
نرجس بعصبية: كملت كلامك لاان اريد اروح.
فهد: فهد هديتهة وراحت بس ماردت ع كلامي.
نرجس: طلعت ورحت كبل للغرفة طبيت وسديت الباب احس كلبي شتعل نار من تصرفااتة
اجتي سمر للغرفة.
سمر: شفت نرجس طلعت رحت صعدتلهة وفتت ع كيفي شفتهة كاعدة ع جرابة ولازمة راسهة كسرت
كلبي حيل رحت كعدت يمهة رفعت راسهة وجاان احضنهة وكاامت تشهك بلبجي وكالت بصوت مخنوك
والله ماكتلة شي ماسويتلة شي بس هوة ميتفااهم
اني واللهةبس دافعت المها لان كام يصيح عليهة
ليش هيج يسوي وياي والله مامسويتلة شيي كتلهة
يلاا حبيبتي لتبجين ومسحت ع شعرهة وكتلهة اني
رحت اصيح البابة وعااط علية ومخلاني اروح بسيط
الة قابل بابا ميجي اليوم.
نرجس: مسحت ادموعي وعدلت كعدتي وكتلهة لعد
شعندج ديسااع جنتي تعيطين انتي ونور.
سمر: والله حبيبتي بنت عمج مو خوش ادمية.
نرجس: ليش شسوت.
سمر: تكول اصلاً ميلام ابأختج هية عوبة وترادد بيي اني ماتحملتهة ردت الزمهة امسح بيهة الكاع بس
كلت عيب من عمو سمير.
نرجس : وهية ع شنو مدخلة نفسهة كبر لفهة مبينة من وجهة مو خوش ادمية.
سمر: صعدن البنات ماعدا نور يمكن رجعت البيتهم عشتوو كلعة انشالله روحة بلاا رجعة ضلن كاعدات
بس مااحجن شوية ونزلن ونرجس ضلت بلغرفة اني نزلت وراهن بس ماما وبابا ولا واحد اجة كعدنة بلصالة اني والبنات وجاان تجي نور.
نور: شسمة يكولون خل البنات يجن لاان راح يتعشون اهنااك.
فيروز: ايي انشالله.
نرجس: كاعدة واجتي فيروز دكت الباب وطبت وكالت
امشي ترا راح نروح نتعشة هناك اني مالي واهس اروح
ابد بس خاف يجي فهيد يسويلي سالفة نوبكمت غسلت وجهي بمي باارد ولبست الشال وطلعنة
وصلنة للبيت سلمنة وكعدنة صارت ب7 ونص
كامن البنات يساعد بصب العشة وسمر هم كامت
وياهن.
سمر: رحنة شوية وكامن البنات اني كمت وياهن اساعدهن راحت فيروز انطت السفرة السيف
فرشهة اني حطيت الاكل بلصينية داا شيلهة
بس اسمع واحد يصيح هوب هوب رفعت راسي
شفتة احمد كتلة شبيك شنوو.
احمد: شو انتي راح تشيليهة.
سمر: ايي اني ليش.
احمد: لااا جيبيهة اني اشيلهة.
سمر: وليش بلااا وذا لو شلتهة.
احمد بضحكة : بوية ثكيلة عليج اتوكعيهة وتفضحينة.
سمر: لاا والله ليش اوكعهة تررا لشوفني ضعيفة تراا اني العب حديد.
احمد: يا بوية ايي بياا قاعة مال حديد مسجلة.
سمر: هاا شسمة وشسوي بيهة.
احمد بضحكة: صاري فترة ادور ع قاعة مال حديد بس
مدا الكة.
سمر: ايي واني شعلية شسمة يلاا وديهة لو اخذهة اني.
احمد: خوش يابة الله ليعوزنة.
سمر: لا رد.
فيروز بغمزة: هااا سمر شعندك وية اخوية.
سمر: خااب ما تنجبين شعندي ويااا هوة اخوج مينجرع.
فيروز: هاا هااا فوك ميشيل الصينية حتة ميتعبج.
سمر: لاا فاهمة الموضوع غلط هوة خاف لا اكلب الصينية والاكل يروح وهوة يضل بدون عشة
يعني علمود كرشة وبس.
فيروز: هاا خوش اذا ماكولة عليج اكولة سمر تكول ابو كرش.
سمر: ايي قابل اني مجذبة.
فيروز: لاا يابة حشاج من الجذب.
ــ كملنة صب العشة والكل موجود ومحمد جاان كاعد
واني متحلفتلة من العصر محد حجة كلت خل اللطف
الجو شوية وكلت بابا.
بابا: هاا بوية.
سمر: بابا تقبل محمد يكلي شمبانزي.
محمد: جنت اتعشة توني حطيت الكمة بحلكي وجان سمر تكول لعمي بابا تقبل محمد يكلي شمبانزي غصيت بلكمة واحمد كام يطب طب ع ضهري ونطاني مي.
بشار: محمد ليش كايللهة شمبانزي.
محمد: ايي عمي ما الام بيهة.
سمر : ليش عيني متلام بية شمسويتلك اني.
محمد: اعصابج ليطك عندج عرج.
سمر : ههه مضحك.
الحجي: كااافي شمالكم بس اتناكرون جنكم ديج ودجاجة.
ــ الكل كام يضحك.
نرجس: كملنة وكمت داغسل واجتي مها ورقية.
مها : نرجس امانة لتكولين العمي بشار علمود السوا فهد
اليوم والله هسة يتعاركون شفتي ذيج المرة شصار
ضلو ما واحد يحجي وية اللاخ امانة نرجس بس هااي
المرة حبابة.
نرجس: هااهية حبيبتي ماكول.
مهاا: فدواا الج يكلبي والله ماكو مثل طيبت كلبج.
نرجس ابتسمت وطبيت كعدت فيروز جابت الجاي وزعت للولد واجتي وزعتلنة وكعدت اللولد كاعدين
مقابيلنة.
سمر: كاعدة ومحمد يشرلي بأيدة بمعنة بسيطة اني اعلمج.
محمد: كاعد واسوي السمر بسيطة اني اعلمج ما الة اجتني ضربة ع ركبتي من احمد.
احمد: ضربتة وكتلة هااي المن تكول بسيطة.
محمد: اخخ بوية شمالك.
احمد: مو احجي وياك المن اتكول بسيطة.
محمد: السمر.
احمد: عوف البنية لاا اكوم اسكطك.
محمد: ليش يابة شمسويلهة قاابل.
احمد: محمد رااح اكوملك الزم السانك وانجب.
محمد بغمزة: هااا احمد هااا.
احمد: خيرك شكووو.
محمد بغمزة : تغارر.
احمد: محمد كتلك انجب.
محمد: هاهية يابة هوة شمحصل اني غير الغلط والمهانة.
احمد: ايي الزم السانك وسيطر ع تصرفاتك حتة محد يغلط عليك ولا يهينك.
محمد: والله خوية دا احاول بس مااكدر ماسيطر ع نفسي.
احمد: ايي لعد مشكلتك اتحمل الاهانة.
محمد: ايي متحمل شكايل.
نرجس: ضلينة كاعدين الحد ما صارت الساعة ب 9 ونص كمنة كلنة رجعنة للبيت كلمن راح الغرفتة
اني وسمر رحنة الغرفتنة اتمددت ع جربايتي فتحت مبايل اكلب بي شوية صارت بل 10 لفيت راسي ونمت.
سمر: رجعنة للبيت صعدت لغرفتنة اتمددت عجربايتي وشلت مبايل وصلتني رسالة من احمد.
احمد: هاا بعدج مصرة متنطيني اسم القاعة مال حديد.
سمر: ايي بعدني مصرة.
احمد: يلاا يابة الله ليعوزنة عليج.
سمر: خوش.
احمد: يلاا يابة سدي المبايل ونامي مو زين السهر هسة يفشن عضلاتج.
سمر: لااا لتخاف ماعليهن شي.
احمد: ايي ميخالف نامي مو زين السهر علة عيونج.
سمر: ماشي رااح انام.
احمد: عفية حبابة تسمعين الكلام.
سمر: هاا احمد هاا.
احمد: هاا بوية شكلت قابل.
سمر: لاا خطية فقير ابد متتحارش بكلامك.
احمد: لاا يابة اني فقير شوكت متحارش.
سمر: ايي مبينة عليك الفقارة.
احمد: ايي جاا شعبالج.
سمر: معبالي شي اني راح انام.
احمد: نوم العوافي.
سمر: تصبح ع خير.
احمد: وانتي من اهل الخير.
نرجس: يتبعععع
