رواية خداع أنثي الفصل التاسع عشر 19 بقلم دودو محمد
"خداع انثى"19
رائد ♡ رقيه
"البارت التاسع عشر"
أشرقت شمس صباح يوم جديد بنورها الساطع فى سماء الاسكندريه
بدأ رائد يحرك رأسه وهو يشعر بألم شديد جلس على السرير وهو مغلق العينين واسند رأسه على راحة يده حتى يقل الألم ثم اعتدل مره اخرى ونظر حوله بأستغراب وجحظت عيناه بصدمه عندما وجد رقيه نائمه على الأرض وملابسها ممزقه نهض سريعا وجلس على الأرض بجوارها وربت على كتفها بقلق وقال
رائد:- رقيه يا رقيه
فتحت عينيها سريعا ونظرت له بهلع وسحفت إلى الخلف وانهمرت دموعها وقالت بترجى
رقيه :- ابوس ايدك ابعد عنه
نظر لها بصدمه وقال
رائد :- رقيه انا رائد معقوله خايفه منى انا عمرى ما اذيكى ونظر إلى جسدها وقال بقلق
-مين اللى عمل فيكى كده يا رقيه
حركت رأسها بخوف وقالت
رقيه :- رائد ميقربش من رقيه تانى رقيه بتكرهوا وبتخاف منه
ابتلع ريقه بتوتر وقال بقلق شديد
رائد :- ق ق قصدك ايه لا مش معقول اوعى تقولى ا ا أن انا اللى عملت فيكى كده
اومأت رأسها بالتأكيد وانهمرت دموعها بغزاره وقالت من بين شهقاتها
رقيه :- رائد حيوان ورقيه بتكرهوا ومش عايزه تشوف وشه تانى
نظر لها بصدمه ووضع رأسه بين يديه وانهمرت دموعه وقال
رائد:- انا اسف يا رقيه والله ما اعرف عملت كده ازاى ارجوكى سامحينى والله العظيم انا مش فاكر اى حاجه واقترب منها وأمسك يدها
ابعدت يدها سريعا وتراجعت إلى الخلف بخوف ونظرت له بترجى وقالت
رقيه:- رائد ميقربش من رقيه
نظر لها بحزن شديد وحرك رأسه بالنفى وقال
رائد :- لا يا رقيه ارجوكى بلاش نظرة الخوف اللى شيفها فى عينك دى انا اتغيرت كتير علشانك وبعد عن حاجات كتير اوى بسببك انتى اوعى تخافى منى ولا تبعدى عنى وتكرهيني يا رقيه
نهضت من على الأرض وقالت بدموع
رقيه :- رائد متغيرش رائد زى ما هو كداب وغشاش وعد رقيه انه مش هيروح المكان ده تانى وضحك عليها وراح وشرب وعمل حاجات وحشه وكان عايز يعمل حاجه وحشه لرقيه وحاولة تدارى جسدها الظاهر من ملابسها الممزقه ونظرت له بأشمئزاز وقالت
- رقيه شافت رائد شبه الشيطان وبتكرهوا
نهض سريعا من على الأرض وقال
رائد:- لا يا رقيه انا مضحكتش عليكى ولا غشيتك انا فعلا مروحتش هناك بقالى يومين وانتى عارفه كده بس امبارح اسر قال انه عايزنى فى موضوع مهم وان اقابله فى المكان ده وروحت اشوف فيه ايه ومكنتش ناوى اشرب والله بس هو غصب عليا اخد منه علشان ميزعلش وبس مش فاكر اى حاجه حصلت تانى بعد كده يمكن انا اه بنى ادم ضعيف ومعنديش اراده بس والله انا حابب اتغير عايز اكون انسان تانى جديد سامحينى المرادي بس ولو حصل منى حاجه تانى اعملى فيا اللى انتى عايزاه
ابتعدت عنه واعطته ظهرها وقالت بنبره مختنقه
رقيه :- رقيه مش هتصدق رائد تانى ومش هتكلمه غير لما تتأكد انه فعلا اتغير
اقترب منها وقال بسعاده
رائد :- وانا هثبتلك ان اتغيرت بجد يا رقيه وخلع سترته وضعها عليها حتى يداري جسدها وقال
-هخرج انا وانتى غيرى هدومك دى وانزلى علشان نفطر وخرج من الغرفه وأغلق الباب خلفه نظرت إلى الباب بحزن شديد وارتمت على السرير وظلت تبكى بوجع شديد
..............................................................
بالشركه
وصل اسر الشركه الخاصه بمدحت واتجه إلى المكتب الخاص به وطرق على الباب عدة طرقات ودلف إلى الداخل وقال بتوتر
-عمو مدحت خير بابا اكد عليا أن اجى لحضرتك ومعرفش رائد بالمقابله دى هو فيه حاجه
أبتسم له بهدوء وقال
مدحت :- تعالى يا اسر اقعد محتاج اتكلم معاك كلمتين
جلس على المقعد ونظر له بتوتر وقال
اسر :- هو رائد عمل حاجه ا ا امبارح
حرك رأسه بالنفى وقال
مدحت :- لا بس حاجة ايه اللى رائد ناوى يعملها
ابتلع ريقه بتوتر وقال
اسر :- ها و و ولا حاجه، خير حضرتك عايز تتكلم معايا فى ايه
نهض من على مقعده واتجه إلى المقعد المقابل لأسر وجلس عليه وربت على قدمه وقال بنبره هادئه
مدحت :- انا عارف انك بتحب رائد وبتخاف عليه كأنه اخوك بالظبط وهو كده برضه واسراركم مع بعض ومافيش حاجه بتخبوها على بعض
اوما رأسه بتوتر وقال
اسر :- ا ا ايوه طبعا انا ورائد أصحاب من صغرنا وعلى طول مع بعض فى الحلوه والمره
أبتسم له وقال بنبره هادئه
مدحت :- عارف يا ابنى وعلشان كده انا هطلب منك طلب وفيه مصلحه لصاحبك واكيد مش هتكره ليه الخير صح
اوما رأسه بالتأكيد وقال
اسر :- طبعا يا عمى رائد ده اخويا
أبتسم له وقال بنبره هادئه
مدحت:- ربنا يخليكم لبعض يا حبيبى انا عارف انكم بتسهروا كل يوم مع بعض شرب وبنات واخر مسخره عادى يا ابنى ده سنكم فى يوم من الايام كنت شاب وفى سنكم وعايش حياتى زيكم كده بالظبط بس اللى عايز اعرفه مين البنت اللى رائد بيحبها وبنت مين علشان لو بنت كويسه ومن عيله اجوزها ليه
جحظت عيناه بصدمه وابتلع ريقه بتوتر وقال
اسر :- ها ا ا البنت اللى رائد بيحبها
اوما رأسه بالتأكيد وقال
مدحت :- ايوه يا ابنى اكيد هو قايل ليك كل حاجه
رد عليه بتوتر وقال
اسر :- بس هو مين اللى قال لحضرتك على الموضوع ده
تكلم بضيق وقال بنبره غاضبه
مدحت :- عرفت وخلاص ده شغلى انا بقى المهم انا عايز اعرف مين البنت دى
تكلم بعدم فهم وقال
اسر :- طيب واللى قال لحضرتك أن رائد بيحب واحده مقالش ليك اسمها وبنت مين ليه
زفر بضيق وقال بنفاذ صبر
مدحت:- علشان اللى قالى ميعرفش هى مين ميعرفش غير انه بيحب واحده وبس
فهم من المقصود بكلامه أبتسم بشر وقال
اسر :- اللى قالك ان رائد بيحب واحده يبقى هو الشخص المقصود
نظر له بعدم فهم وقال
مدحت :- قصدك ايه
نهض من على مقعده وقال بنبره غاضبه
اسر :- قصدى ان البنت اللى بلغتك هى نفسها اللى رائد بيحبها
جحظت عيناه بصدمه وقال
مدحت :- قصدك ان رقيه هى البنت اللى رائد بيحبها
اومأ رأسه بالتأكيد وقال
اسر :- ايوه رائد بيحب رقيه وعلى فكره هى كمان بتحبه بس الاتنين محدش فيهم معترف لتانى
نهض بغضب من على مقعده وقال
مدحت :- انت متأكد من كلامك ده
أبتسم له وقال بشر
اسر :- طبعا متأكد من كلامى وواثق منه
تكلم بغضب وقال بتوعد
مدحت :- يعنى هى كانت بتلعب بيا وبتكدب عليا انا هدفعها التمن غالى اوى وهرمى كل عيلتها فى الحبس
اقترب منه وقال بشر
اسر :- لا يا عمى أهدا شويه البنت دى مش سهله وممكن تستغل حب رائد ليها وتقلبه عليك
نظر له بأستغراب وقال
مدحت :- اومال اعمل ايه اسيبها تضحك عليه وتاخد منه كل حاجه
حرك رأسه بالنفى وقال
اسر :- لا طبعا يا عمى احنا هنخليها هى اللى تقول ليه الحقيقه وطبعا وقتها رائد هيحس انه مضحوك عليه ويحاول يبعد عنها حضرتك بقى تستغل الوقت ده وتشوف ليه بنت من بنات رجال الأعمال او اللى مع حضرتك فى السياسه وتجوزها ليه هو علشان هيكون مجروح وعايز ينتقم لكرامته هيوافق على طول وفى الوقت ده تقدر تعمل فيها اللى انت عايز تعمله ولان رائد هيكون مشغول بحياته الجديده ويحاول يثبت ليها ان عايش سعيد وهى مش فارقه معاه مش هيحس بأى حاجه تحصل ليها
نظر له بأعجاب شديد وقال
مدحت :- برافو عليك بس المشكله هنا هنخليها هى اللى تحكى ليه ازاى
أبتسم بشر وتكلم بنبره غاضبه وقال
اسر:- هقولك ازاى....
.............................................................
بالفيلا
هبطت رقيه إلى الاسفل وجدت رائد يجلس امام طاولة الطعام ينتظرها نظرة له بضيق وجلست على المقعد المقابل له وبدأت تتناول الطعام فى صمت تام نظر لها بحزن وقال بتوتر
رائد :- رقيه هو انتى مش هتكلمينى خالص بجد
نظرت الاتجاه الآخر ولم تجيب عليه
نهض من على مقعده وتحرك بأتجاهها حتى يجلس بجوارها لكنها انتفضت من مكانها بخوف وتراجعت إلى الخلف
نظر لها بحزن وقال بنبره مختنقه
رائد :- متخافيش يا رقيه انا مكنتش هعمل حاجه انا كنت جاى أقعد على الكرسى اللى جنبك بس
انهمرت دموعها وتنهدت بضيق ونظرت له وقالت
رقيه :- رائد السبب خلى رقيه تخاف منه كل ما يقرب منها
أغلق عينه بضيق وقال بنبره مختنقه
رائد :- والله يا رقيه انا مكنتش حاسس بنفسى امبارح انا لو كنت فايق كنت مستحيل اعمل فيكى كده ارجوكى سامحينى وبلاش اشوف نظرة الخوف اللى فى عيونك دى منى انا عمرى ما هأذيكى
حركت رأسها بضيق وقالت
رقيه :- رقيه مبقتش تصدق رائد رقيه عايزه رائد يبعد عنها ويسيبها فى حالها
اقترب منها وقال بصوت مختنق
رائد:- بس رائد ميقدرش يبعد عن رقيه لأنها بقت مهمه فى حياته
تراجعت إلى الخلف وقالت
رقيه :- رائد كداب وغشاش رائد بيعمل كده علشان عايز حاجه واحده بس بيقول كده لكل البنات ورقيه مستحيل تصدقه
نظر لها نظره مطوله وقال بصوت مختنق
رائد :- انا عارف ان من حقك تقولى الكلام ده ومن حقك تخافى منى بس كل اللى اقدر اقوله ليكى انا هحاول اثبت ليكى ان اتغيرت بجد ان بقيت واحد تانى واحد يستاهل انك تأمنى ليه ومتخافيش منه تانى ابدا وتحرك إلى الخارج وتركها
نظرت إلى اثره بحزن وجلست على المقعد واسندت رأسها على الطاوله وظلت تبكى
.............................................................
مر عدة ايام على الجميع ابتعدت رقيه عن رائد وتوسعت المسافه بينهم وانقطعت عن الذهاب معه إلى الشركه والتزمت غرفتها حتى الطعام لا تجتمع مع رائد على طاوله واحده ولم يحاول رائد الاقتراب منها حتى تهدأ قليلا انقطع عن الذهاب للأماكن المشبوهه اهتم بالعمل بالشركه والتزم بالذهاب يوميا وحاول ان يثبت لرقيه التغير التام بحياته
سمع رائد صوت طرقات على باب الغرفه الخاصه به نهض من على السرير واتجه إلى الباب وفتحه وجدها الخادمه بسمه نظر لها وقال بنبرة جاده
رائد:- فيه ايه يا بسمه
ردت عليه بدلع وقالت
بسمه:- ست سهير بتقولك يلا علشان العشا جاهز
اومأ رأسه بالموافقه وقال
رائد :- ماشى انزلى قوليلها جاى ورايا
اقتربت منه وقالت بدلع
بسمه :- مالك يا رائد اليومين دول انت زعلان منى فى حاجه
دفعها بعيد عنه وقال بغضب
رائد:- بعد كده تقوليلى استاذ رائد والكلام يكون بأحترام معايا المرادي هعديها ليكى بس لو اتكرر الموضوع ده تانى مش عايز اشوف وشك هنا فاهمه
نظرت له بخوف واومأت رأسها بالطاعه وقالت
بسمه :- ف ف فاهمه وركضت سريعا إلى الاسفل
زفر بضيق ودفع الباب بقوه ودلف المرحاض وبعد عدة دقائق خرج من غرفته وهبط إلى الاسفل وتفاجئ برقيه تجلس معهم على الطعام أبتسم بسعاده وقال بنبره مرحه
رائد :- الاكل النهارده نور علشان رقيه تكرمت ونزلت تاكل معانا وجلس على المقعد المقابل لها
نظرت له بضيق وبدأت تتناول الطعام فى صمت تام
نظر رائد إلى رقيه ثم غمز لها دون أن يراه أحد وقف الطعام بحلقها ونظرت إلى مدحت وسهير بقلق
تكلمت سهير بسعاده وقالت
-ليك عندى مفاجئه كبيره هتخليك تطير من الفرحه يا رائد
نظر لها بأستغراب وقال بتساؤل
رائد :- مفاجئه!!! مفاجئة أيه دى يا ماما
أجابته بأبتسامه وقالت
سهير:- عارف بنت ياسين الدمنهوري
نظر لها نظره مطوله ثم قال
رائد :- ايوه البت اللى اسمها غاده مالها
أجابته بسعاده وقالت
سهير :- ابوك قرر يجوزها ليك البنت مؤدبه والناس كلها بتحلف بأخلاقها وشوفنا نظراتك ليها الجمعه اللى فاتت واحنا فى النادى عرفنا أنها عجبتك راح ابوك كلم ابوها وخطبها ليك
حدقة رقيه عيناها بصدمه والطعام سقط من فمها
رأتها سهير وهى بهذه الحاله قالت
-خدى بالك يا بنتى الاكل بيوقع على هدومك
أنتبهت لحالها سريعا ونهضت من على مقعدها وقالت بأسف
رقيه :- اسفه رقيه مش تقصد تعمل كده
ردت عليها بنبره هادئه وقالت
سهير :- ولا يهمك يا حبيبتى اقعدى كملى اكلك وبعد كده هخلى داده سعديه تغيرك هدومك
نظرت لها بحزن وقالت
رقيه :- رقيه شبعت وهتطلع اوضتها وتركتهم وصعدت إلى الطابق العلوى ودلفت غرفتها
نظر لها بأستغراب وقال
رائد :- مالها دى ونهض سريعا وتحرك بأتجاه الدرج
نظر له بأستغراب وقال
مدحت :- انت يا ابنى رايح فين
نظر له وقال بتلعثم
رائد :- ها ش ش شبعت الحمدالله طالع اوضى انام
نظرت له بأستغراب وقالت بتساؤل
سهير :- طيب يا ابنى مش هتقول ايه رأيك فى الخبر اللى قولته ليك
رد عليها سريعا وقال بعدم اهتمام
رائد :- بعدين بعدين تصبحوا على خير وصعد إلى الأعلى ونظر حاوله بالمكان بتوتر واتجه إلى غرفة رقيه ودلف إلى الداخل سريعا وأغلق الباب خلفه وجد رقيه تجلس على السرير وتبكى أتجه إليها بأستغراب وجلس بجوارها وربت بيده على ظهرها وقال بتساؤل
-مالك يا رقيه بتعيطى ليه
نهضت بغضب وقالت بنبرة حادة
رقيه :- اطلع من الاوضه لو سمحت
نظر لها بأستغراب وظل يراقب ردت فعلها ونهض من على السرير وعقد ذراعيه على صدره وقال
رائد :- ياريت تكونى عصبيه كده على طول بتبقى شبه البنات عادى وبتتكلمى زينا
حدقت بصدمه وقالت بتلعثم
رقيه :- ها ر ر رقيه هتنادى على ع عمو مدحت لو رائد مخرجش
أقترب منها وحرك أصابعه على وجهها ونظر بعينيها وقال بتساؤل
رائد :- ممكن رائد يعرف رقيه كانت بتعيط ليه
أبتعدت عنه وقالت بحزن
رقيه :- رقيه مش بتعيط
أقترب منها مره أخرى ومسح بيده بقايا الطعام من على ملابسها وقال
رائد :- لا رقيه كانت بتعيط وده بعد ما سمعت بموضوع العروسه دى صح
أبتعدت عنه وقالت بدموع
رقيه :- رقيه مش يهمها إذا كان رائد يتجوز ولا لا رائد ولا حاجه اصلا بالنسبه لرقيه رائد واحد بتاع بنات عايش حياته بالطول وبالعرض وعمره ما هيبص لواحده زى، رقيه بنت عبيطه فى نظر رائد وكل اللى بيفكر فيه ازاى يقدر يستغل بنت زيها بطريقته
نظر لها بأستغراب واقترب منها وقال
رائد :- رقيه ايه اللى انتى بتقوليه ده لدرجاتى انتى شيفانى وحش اوى كده وتنهد بضيق وقال
-منكرش أن انا فعلا بتاع بنات وحياتى كنت مقضيها بالطول وبالعرض منكرش أن من اول ما شوفتك كنت بفكر فى حاجه واحده بس وصمت عدة ثوانى وقال
-بس لما عرفتك بجد وقربت منك وعرفت رقيه على حقيقتها وقلبها النقى مقدرتش أقرب منك انتى احلى واجمل من بنات كتير عرفتها نظرت عينك كلها براءه تلين اى قلب مهما كان قسوته واقترب منها أكثر وازال عبراتها من على وجينتها ونظر إلى عينيها وقال
-رقيه انا بح ولكنه قبل أن يكمل حديثه
أبتعدت عنه سريعا واستدارت بظهرها وقالت بدموع
رقيه :- متكملش ارجوك انت تعرفنى منين علشان تقول كده انا مجرد واحده شوفتها فى الشارع وجبتوها بيتكم علشان تعطفوا عليها من غير ما تعرف عنها اى حاجه انت مش ملاك زى برضه ما انا كمان مش ملاك
نظر لها بصدمه وقال
رائد :-..................
...............
